رواية شمووخي وأنكساري الفصل العاشر 10 - بقلم Chra

#شمووخي_وأنكساري9

ليث: سمعت صوت صياح اخواتي نزلت واني عيوني دم شفتهم ملتمين وجنان واكعة وفاقدة شلتها واخذتها chrakirkukiواتبادويا اختي ام عمر للمستشفى طول الطريق اباوع عليها اشصارلج بأسبوع صرتي فراشة مكسورة جناح واني عبالي انتي ذئب مفترس

الله يخليك ليث أسرع البنية مدتتحرك وصلنا للطوارئ

.اني وين راسي دايخة شنو هالالم اي اي

اسم الله حبيبتي كمتي اشبيج

دا أحس بألم قوي  براسي ماتحمل الله يخليج اريد مسكن زين هسة اصيح الدكتور

جنان تسمعيني

ليث مدا اتحمل

ليش تسوين بنفسج هيجي خوفتيني عليج

ليث

عيوني ام عمر

ترى هي صارلها ايام مماكلة زين جسمها ضعيف تحتاج تغذية

ليش متاكلين

يعني اني بيا حالة حتى افكر بالاكل غمزلي حتى اسكت نسيت اخته ويانا بالغرفة

رجعنا طول الطريق ايده بأيدي صار الدنيا ليل شفتهم محضرين سفرة وبيها اشكال والوان اكل كالوا شنو تحبين اكلي ضحك ليث

يمة هاي متعودة على فاست فود متاكل هيجي اكل

والله ماعرف شنو هيه كوليلي حتى اسويلج

يمة بالمطاعم أكو 

دكوم روح جيبلها

شنو هسة اجيت تعبان انشالله باجر اجيبلها وياية

والله ماخليك تتعشى ويانا

نعم  هاي شلون ام بدل ماتجرين اذنها وتعلميها على اكلنا chrakirkukiواتبادتحجين عليه زين يابه هسة اكوم اجيبلها حتى منزعل ست الكل

لا تروح ماريد اريد اكل وياكم

هسة اجيبلج بيتزا

ماريد  خلى نتعشى راح يبرد الاكل بديت اكل ولو ممتعودة بس كلت خطية تعبت علمودي ماريد اكسر بخاطرها كلش حبيتها اليوم كبرت بعيني ياريت هاي امي

اكلي جنان اريدج قوية

غصيت بالاكل

شكو اسمالله عليج

انطتني مي شربت وشكرتهم متحملت اكعد اكثر صعدت لغرفتنا ابجي ياربي شلون هذولة عايشين اشكد متفاهمين ويحبون بعض رغم فقرهم بدلت ملابسي وردت انام بس خفت ميقبل .

تعال ليث أحجي وياك

هايمه خير

من يمتى تمد ايدك على النسوان هاي تربيتي ألك هاي نتيجة تعبي وياكم نسي ابوك وسوالفه ويانه تريد تطلع مثله

لا طبعا جنت معصب

واذا معصب تطلعها بالبنية يمه هالله هالله بزوجتك هاي أمانة يمك تقبلها لخواتك وبعدين شايفني صغيرة تلعب بعقلي تكول ممتقرب منها وانت ممقصر عيب هالسوالف منك اتمنى تراجع نفسك

خجلتني أمي بحجيها صحتني على الماضي اللي عيشنا ابويه بيها أفهميني صاير بين نارين نار جنان ونار سمر ماتخيل نفسي متزوج غيرها

صعدت شفتها واكفة وحايرة ليش باجية شكو هالمرة

اتذكرت اهلي لما شفتكم على السفرة احنا شلون جنا عايشين رغم عدنا فلوس بس محرومين من جو عائلة وسعادة يمكن لان ابوية جان حرامي وفلوسنا حرام

نعم هاي شدتكولين

ليش مو صحيح دايما جنت اسمع من الناس بس اغلس اكول فكر مشايفين مقهورين بس هسة عرفت صحيح لان احنا عائلة مشتته شوفني كدامك اني نموذج لعائلتنا الكريمة

كافي لاتبجين تعاي نامي وارتاحي

هسة انزل انام

وين عيني

ماكو تنامين يمي

.راح يخبلني فوك قهري دقيقة يريدني دقيقة لا كعدت صبح شفت نفسي بحضنه سمعت صوت تليفون ديجاوب وهو نايم

هاحبيبتي شكو زين فد ساعة واجيج لاتتعصبين كلبي

كرصته من ايده

اخ ماكو شي طخيت ايدي على الباب

بسته مكدر يكمل وهاي تصيح ليش متجاوبني

وياج حبي هالمرة عضيته من ركبته صاح

اي متكولي اشبيك

وكعت

واني اضحك نزلت جوا بديت اتعلم من ندى ارتب  وياها السفرة كعدنا نتريك نزل مبدل عبالك عريس صبح علينا ويباوعلي واني شوية واكوم اخلي السفرة على راسه حتى ميطلع

ها أبني راح للشغل الله يحرسك شنو هالجمال ابني اقرا المعوذتين من تطلع هاي كله من جنان لو جنت اعرف زوجتك منها من زمان

ندى زين نبهتوني حتى من اتزوج أختار واحد حلو ينقلي جماله واصير حلوة

ليث : ليش انتي شبيج ترى الجمال مو بالشكل اكو ناس حلوين بس اخلاقهم قبيح رفعت عيني بوجه جنان كمت عفتهم ورحت

أنقهرت عرفت رايح يقابلها مكدرت اكمل اكل كمت

وين بنتي كملي أكلج

بكلبي سممني بهالصبح يااكل طول الليل ويايه بس سمع صوتها صار شخص ثاني عبالك مو هو نفسه كتلها يمة راح اصعد ارتب غرفتي ممكن ندى تساعدني

بعيني روحي هسة اجي وراج

صعدت نص ملابسه بالكاع هاي شنو كل هذا علمود سمر خاتون اوف شوية وانفجر ينام ويايه ويغازل غيري

هذا ليث ميتوب علميه يصير مرتب كلما يطلع يطلع ملابسه ويشمرها منا ومنا

اكولج سمر حلوة

لا طبعا اخوية احلى منها بس الكلب ومايعشك

انصدمت

أسفة مو قصدي شي لاتنقهرين والله انتي احلى منها بهواية .

عوفينه ندى ويا جنان روحي كملي الغدا تعاي بنتي كعدي

توترت من بقت أمه ويايه خفت لاتسألني شلون تزوجنا واحجي غير حجي ليث

بنتي شلون ماجانت طريقة زواجكم راح وانتهى مراح نعيد السالفة اريدج تلزمين زوجج وهذا البيت اللي مو من مستواج اكيد راح يكون بالمستقبل بيتج انتي وزوجج طيعي ليث ولا تكبرين المواضيع والسوالف تصير مشاكل بداية حياة أي اثنين بعدين من تتذكروها تضحكون عليها

بجيت بحضنها الله يخليج ألنا يمه والله العظيم حبيتج أكثر من أهلي رغم اللي اني بيه من اسمع نصائحج وتحضنيني انسى نفسي والله ماريد مشاكل وياه بس هو يطلع حرته من سمر بيه اتمنى اعيش وياه بهدوء وسلام اني ماريد منه شي بنفس الوقت ماريد اكون رغبة جسد اله وكلبه يمها كلش صعب احس نفسي رخيصة

لا يمه انتي غالية مو رخيصة وهذا زوجج بالحلال لاتحسين نفسج هيجي راح اكوله يعدل غرفته ويشتريلج غراض جديدة واي شي تحتاجي طلبيها من عيوني ولو ماكدر اسويلج ربع اللي عشتي يم اهلج راح احاول ماخليج تحتاجين شي وهسة كومي بدلي وشوفيني ضحكتج الحلوة ماريد دموع تنزل من عيونج الله يحفظم اليه واشيل جهالكم بحضني

ليث:هاحبي سامحتيني

سمر :  لا طبعا بس ردت احجي وياك

امشي نفتر بالسيارة صعدت احجي حبيبتي

لو صدك متسوي هيجي ويايه شلون تخوني وهاي بنت الجلب ملكت رجال غيرك يريحها

عيب سمر هي زوجتي شنو هالحجي

اي حقك ادافع عليها مو جبتها على راسي تحبها اكثر مني

لا طبعا انتي الحب

اي شلون حب من اريد منك شي تتحجج بظروفك وهسة شلون تفتح بيتين

وليش بيتين

لعد تريدني اعيش وياها بنفس البيت اكيد ساحرتك

اتخبلت لزمي لسانج عيب ليش تصيحين ترى بعدني  منسيت تصرفج مالت البارحة انتي ليش متصدكين احبج وشنو اليثبت شتريدين

نروح للمول هسة وتاخذني للمطعم

تدللين كملنا غدا رجعتها للبيت اشترت كومة أشياء همزين جنت شايل فلوس جانت تفضحني دخلت لبيتهم سلمت ابوها وامها كاعدين ويرحبون بيا عبالك مو هم البارحة طردوني

اي أبني  اكعد سمر روحي سوي جاي لزوجج

تسلم عمي ماريد

ابني اللي صار صار وانتهى واحنا قدرنا ظروفك البنية خليها تبقى ويا امك واختك وانت تطلع من البيت تشتري بيت جديد بغير منطقه

بس اني كتلكم اولا ماكدر اعوف أهلي وثانيا اني ماعندي امكانية اشتري بيت

ليش ماعندك مو اتزوجت بنت ابو مؤيد اطلب منه فلوس مقابل زواجك منها

شنو هذا حجي

عمي شكو بيها انت بأعتبار ولده هسة

لا مستحيل

اذا متسوي اللي ابوية يكولك عليه طلكني

شنو عيدي سمر من كل عقلج٠ اروح اكوله انطيني فلوس مقابل زواجي من بنتك مع الاسف

والله مع الاسف عليك بس لسان

أني بس لسان  اللي بينا انتهى متصورتج تبيعين نفسج بالفلوس

من غير ي تعلمت مو حضرتك بعت نفسك ألهم وتزوجت حتى تستر على فضايحها

اني مو مثلج وماأسمح لأحد يجيب اسم زوجتي بهالشكل تركتهم ورحت للقصر مرجعت للبيت أعرف اذا شفت جنان احتمال اذبحها واني وعدت أمي ماامد أيدي عليها الله يلعن الظروف واليوم اللي توطت وياها just me