رواية شمووخي وأنكساري الفصل الأول 1 - بقلم Chra

#شمووخي _ وانكساري 1

مقتطفات من القصة

ييييع شلون أنزل مستواي وأسلم على العبيد

لا مو رجال هذا ليث رئيس حماية بابا اشوفه اكثر من اهلي لاتعتبري رجال

والله حرام كل هالجمال عليها متستاهل جانت تباوعلي بنظرات غريبة

اي طبعا تربية خدم شطلع بالله حجي ميفيد وياج ماما ساعديني ارجوج والله مخليته يلمسني

اصلا اني خاطب ومنو اخذ جيجي مستحيل لا

عمري متخيلت اشتغل حتى المي الخدامة تجيبلي اشكد اكرهه روحي من اتذكر

الله لايوفقها بواكة رياجيل تفو عليك وعليها لاتخابرني راح اتزوج من رجال واكسر خشمك ياعار .

أسمي جنان عمري ٢٠ سنة بنية حلوة ودلوعة جميلة ومهتمة بنفسي كملت سادس كوة وراها عفت الدراسة جنت حيل كسلانة كله بالواسطات أنجح كلشي اريده اجيبه عنودية ومغرورة عبالي بس اني اكو بالدنيا دايما اباوع واعامل الناس على مستويات اكره الناس فالقيرة أضوج منهم هوايتي سفر وسياحة وكل ممنوع مرغوب عندي احب اجرب اي شي حتى لو غلط المهم يونسني اصلا حياتي مابيها شي عدل كله غلط بغلط والفضل يعود للعائلة الكريمة

ابوية مسؤول جبير وامي مديرة روضة سابقا أحنا ٢ بنات و٢ ولد اخوية مؤيد٢٧ سنة انسان طايش ولعاب درجة اولى ٢٤ ساعة شارب وراه حنان ٢٤ سنة انسانة انطوائية متحب تدخل بشي رسامة عايشة على الاوهام بعدها اني واخر عنقود صديقي صدوق فراس ١٧ سنة كل سفراتنا لخارج قطر سوية فرفوش وعنيد مثلي بس هو يحب كل ناس مرح دايما خلافتنا على غروري هو كلش متواضع واني عكسة

من أجيت للدنيا جنا كاعدين بأيجار حتى سيارة ماعدنا حسب حجي امي ورا السقوط بابا صار مسؤول جبير بالدولة وهو جان قبل معاون مهندس بدائرة حكومية قبل سقوط اهلي طالعين لخارج قطر ورجعو وياناس معارضة للحكومة فعينو بابا مسؤول بدت فلوسنا تزيد جان يشتريلنا قصر ومزرعة واكثر من بيت وشقة خارج القطر ابوية وامي من طائفة مختلفة أهل امي ميحبونا وحتى اهل ابوية بس نشوفهم بالمناسبات فعلاقتنا بيهم صفر حتى ماعرف أساميهم بابا بوكت عطلته يروح لعائلته وماما نفس شي أحنا نبقى بالبيت وحدنا اهل ماما يكولولها لاتجيبين يمنا جهال أبو مؤيد وابويا يكولوله لاتجيب وياك جهال أم مؤيد ابويه وامي علاقتهم باردة احنا منشبه عائلة حتى غرفة نومهم معزولين هي بطابق البنات وهو بطابق ألاولاد ولا يوم اجتمعنا ناكل بجو عائلة

امي مرات اشوفها ومرات لا أبويه بالشهر مرة اشوفه بحكم سفره الدائمي اني واخويه فراس متربين على ايد الخدامات فمنعرف عيب شنو حرام شنو كبرنا على هذا الاساس اهمال من الأهل اهم شي لأمي برستيجها كدام صديقاتها وابوية واهتمامه بصفقاته دايما اسمع عن بابا حرامي ويبوك فلوس البلد بس اني اشوفه انسان ناجح والناس اللي يحجون تافهين وحجيهم مثلهم لبسي اوفر اهواية كبرت بسرعة جسمي كامل الانوثة ماكو احد يشوفني يقاومني بس اني ماكو شخص يملي عيني بالنسبة للحب ماعترف بي لان ممجربة حب. حب امي النا عبارة عن انمثل الها كدام العالم انو احنا عائلة مثالية واحنا تربية امي ونتصرف حسب ماتريده هي اما اكثر الاوقات ممهتمة بينا وبابا حبه عبارة عن فلوس بس نحجي وياه يطلع دفتر شيكات يكول ادللو اشكد محتاج وهاهي عباله خلص مسؤوليته كدام جهاله بيتنا كلش جبير يكفي ٥ عوائل بس مابي لاحب ولاتفاهم ولا جو عائلي تربيت بجو مشحون من ناحية الوالدين وصرت افهم شغلات كبار من اخوية جان عمري ١١ سنة وكتها شفت اخوية جايب وحدة وياه للبيت مجنت افتهم شنو سالفة صعدت وراهم همه ممنتبهيلي شفت شلون يبوسها وينزعها بقيت واكفة مصدومة الا ان جرتني اختي وضربتني كالت شعندج واكفة تباوعين على خصوصيات غيرج متستحين جنت اهواية اشوف بنات يجون وياه لبيت بديت أستغل هالشي ضده فدمرة كاعدين ابوية كالي شتريد جيجي حبيبة ابوها كتله اريد اسافر ويا فراس مؤيد كال زعاطيط شلون تسافرون وحدكم خزرته كتله مثل ماني ساكته اشوف مدخل صديقاتك للبيت انت هم تسكت افتهمت عاط بيه حيوانه شنو هالحجي ماكو ميهمني اسافر ٣ دول سوية بابا اريد فلوس اهواية تقبل يكولون على جيجي بخيلة متكدر تسافر بس دولة وحدة لا طبعا بنتي فوك الكل .

جنت انطي تعليمات للحراس شفت سيارة مرت من يمي باوعتلها هاي البلوة جيجي شمطلعها بهالليل ساعة ١٢اعرفكم بنفسي ليث مسؤول حماية ابو مؤيد اني وياهم اكثر من ٥ سنين الشخص وحيد اللي ادخل جوا القصر وابقى اكثر شي ويا ابو مؤيد عمري ٣٢ سنة ابيض ومعضل وعيوني ملونة عائلتي مكونة من أمي و٣ بنات و اخوية حسونه اصغر مني و٢ خواتي ام رؤى وام عمر اكبر مني وندى اصغر مني عمرها ٢٥ وحسوني ٢٣سنة هسة خارج قطر ايفاد دراسة مكملت تعليمي بطلت من ثالث متو سط بسبب ابوية الله يرحمه جان انسان سكير ويلعب قمار مشوفنه الويل حياتنا جانت عذاب زوج خواتي اثنينهم عمرهم جانت ١٣ سنة اشكدت حاولنا ميزوجهم مقبل جان يكول يجيبون عار خلي نرتاح منهم وهو جان يبيعهم جان ياخذ فلوس من امي ويبقى يضربها خطية جانت تشتغل خياطة وتخبز للناس حتى توفرالنا لكمة اني جسمي مشوه من ضربه اليه لان كبرت بديت ادافع على امي وهو يضرب بيه بطلت من المدرسة حتى أعاون امي جنت اشتغل حمال لو عامل يم حلاق انواع واشكال شفت كبرني هم مشفت لا طفولة ولا مراهقة من ورا ابوية الله يسامحة جنا نظل ايام ماكو بيتنا خبز ناكلها حتى لو عدنا اني اتنازل عن حصتي انطيها لحسونة ونداوي اعتبرتهم جهالي مو اخواني وصلت عمري ٢١ سنة شفت صديقي صدفة واني ضايج ابوية جان ضارب امي ومتنومة بالمستشفى

احجيلي شكو ماكو

ماكو اشتغل اي شي انت وين تشتغل

اني التحقت بمنظمة حراس شخصيين اختصاصهم تدريب اشخاص يعينوه بعدين يم رؤوساء ووزراء ومسؤولين

وين اكو اريد اقدم

شنو تقدم ماكو لازم واسطة جبيرة يالله لان مو اهلية حكومية وراتبها يخبل يعيشك ملك بس انت وشطارتك

دبرني اريد التحق منا ومنا قدملي صديقي اوراق وقابلوني بعد فحوصات قبلوني جسمي كان مهيأ لشغلهم من ورا شغلي كعامل بقيت اتدرب اكثر من ٣ سنين ودايما جنت اطلع الاول على دفعتي ليل نهار اتمرن اطلع قهري على اهلي بيه وهسة صارتلي رتبة خاصة ودا اشتغل ويا ابو مؤيد كلش يأمن بيا حتى بيته اندله شبر شبر كل تحركاته وسفرياته اني وياه مثل ضله جان يكولي هنياله ابوك على هالتربية واني اضل ساكت شكولة لو جنت على تربيته هسة دايح بالشوارع بس امي مقصرت ربتنا احسن تربية واني هسة اجازيها بتعبها علينا واعوضها لان انحرمت وانظلمت اهواية من ابوية واهله رجع سايق وحدة سألته وين عفت البنية ساعة وحدة بالليل

جانت معزومة حفلة بجاما تراكسوت مادري كالتلي تعال باجر ساعة ١٢ ظهر خو ما ابقى واكف يم باب الناس كل هالوكت رجعت وباجر اروح اجيبها طفرت اهلي متكعد راحة حظي اني سايقها متكعد ٢٤ ساعة تفرفر بالشوارع يمتى ترجع تسافر شوية ارتاح منها صدك ناس بطرانة ياريت اني سايق حنان كل شهر مرة تطلع تشتري اصباغ وترجع شوف سايقها ٢٤ ساعة نايم واني اخ منج جيجي مخبلة

ليث: ضحكت حتى خدم ضايجين منها انسانة تافهه ومتكبرة صح حلوة ودلوعة بس غرورها ماكو مثلها عبالها ناس حشرات اكثر شخص تكرهه اني لان مانطيها مجال تستحقرني لو بيدها جانت من اول يوم طردتني بس ابوها ميكدر بدوني وفراس وحنان كلش حبابين بس هي لا ومؤيد كل يوم مسويلنا مشكلة لو بالنادي لو بالملهى ابوه ميروح اني اروح اتستر على موضوع واجيبه اهواية يلعب بالبنات .مرات احقد عليهم واحسدهم لان يلعبون بالفلوس لعب ميحسون بحاجة غيرهم ومرات اكول الحمدالله نشتغل بلحلال ترى فلوس الحلال كلش حلو وهذولة عائلة بس الله يعلم شلونه جيجي مفصخة كل جسمها اني شايفة حتى امها ميستحون عبالك ماكو رجال يمهم اني واكف تجي تحجي ويا زوجها بملابس النوم وجيجي تنزل على مكتب لان صبحيات اني وابو مؤيد نكعد بالمكتب نكمل ونحضر شغل يالله نطلع مرات منطلع انكمل شغل بالبيت تنزل بالبكيني تروح للمسبح كدامي لو تجي لابسة شورت تنزل تبوس بابوها وتتعلق بيه مثل القرد صدر مكان والايد والرجل مكان يمكن اني شايفها اكثر من امها وابد متسلم عليه ولا كأنه تشوفني مرة طلعت اجيب ورق من سيارة ابوها كال جيجي ليش متسلمين على ليث عيب ترا انتي كبرتي صدك بابا تريد جيجي تسلم على هذا العبد يييع متصورتك تنزل مستواي لهالحد ردت اطب جوا اموتها كتل بس ماهتميت احتاج اشتغل علمود علا ج امي ومصاريف حسن صدك تافهه.

جيجي: رحت حفلة صديقتي كل اسبوع انسوي ابيت وحدة لو بالمزرعة نشرب بيرة معسل وجكاير ونشوف افلام للكبار نركص نسبح صبح نكوم نفتر بالمولات عندي ٤ اصدقاء بس اني احلاهم كلش دايحات يموتون على الولد وبالاخص ليث العبد بس يجون لبيتنا يبقون يراقبون بيه ماعرف شنو عاجبهم بيه يع هم كل شي عادي عدهم بحكم عيشة باوروبا اني العذراء الوحيدة بينهم مو لان اني شريفة واخاف لا بس ماكو ولد يعجبني اتخيل فارس احلامي ابن وزير لو رئيس دولة هيجي شخص بنظري يستحقني اسلم نفسي اله واني بس ادخن حتى ماشرب وياهم اكول اخاف يصير عندي تجاعيد وريحته مطيبة .كمت صبح راسي يوجعني شفت بنات نايمات اباوع على ساعة ٥ هسة سايق حارك تليفوني فعلا ٥٠ مكالمة لم يرد عليها طلعت شفته واكف بالباب نزل فتحلي باب صعدت صيحت عليه ولك زمال ليش تخابرني ٥٠ مرة متستحي ياتافه مبقى شي مكتله

والله انسة جيجي واكف انتظرج من ساعة ١٢ علمود هاي خابرتج

هذا شغلك افتهمت انشالله تنتظر يومين شنو المشكلة صعدت بعصبية لغرفتي

مؤيد :جيجي اريد منج شغلة عزمي عبير لبيتنا

شنو مناسبة لاهي بكدي ولا اطيقها

هي بت عمنا

من يمتى شتريد منها

احبها اريد اتزوجها بس هي متقبل

ليش بنت الفكر منو حاسبة نفسها تبوس ايدها اذا حتى نشغلها خدامة يمنا شنو المقابل

بطاقة سفر لفرنسا وياه كريدت كارت شتكولين

وشتسويلها ماكو جو رومانسي شموع ورد وخاتم واقنعها تتزوجني ترى اني رومانسي

وليش تكولي اني مو حنان

هي بكدج

اوك اجرب احجي وياها انطيني رقمها

جيجي شفتي ليث جوا

اي

شنو ولج صدرج وجسمج مبين متستحين

منو ليث مجرد عبد يشتغل خدام النا

اوف منج

اخابر لو لا

لا خابري

اوك عوفني هسة just me