رواية شمووخي وأنكساري الفصل الخامس 5 - بقلم Chra

#شمووخي_وانكساري5

ليث: صارلي يومين رجعت الحمدلله عملية امي نجحت بفضل الله وبفضل  أبو مؤيد مقصر بحقنا مادري أشلون اجازيه اليوم أسافر لدبي لازم أكون ويا ابو مؤيد حضرت طقم حراسة اللي راح يكونون ويايه وكت العرس خابرت سمر شلونج حبي اريد ارجعج اليوم من الكلية

اوك أنتظرك

زين حبيبتي .

جيجي : حضرت نفسي بالليل حفلة حنة عبير الحفلة بس للنسوان لبست فستان منفوش وقصير أبيض شفت حنان لابسة فستان عاري وضيق اول مرة اشوفها هيجي صفرتلها شنو هالجمال حنونة اموت على الاحمر حبيبتي تخبلين

شكرا وانتي هم 

  باستني كالت

ادعيلي اليوم يوم مصيري راح اعقد على سامي

شنو

بابا وعدني اليوم خطوبتي ويا حنة مؤيد

عفتها ورحت وكفت ويا ماما انرحب بالضيوف

أشبيها أختج هلكد فرحانة عبالك حنتها  مو حنة اخوها هم زين اليوم متفشلني لابسة لبس حلو بلكي تنخطب اليوم واخلص من سامي

لعد شلون وافقتي على عبير خو تكرهين امها اكثر من عمتي

يعني اني اكره الناس وهمة يحبوني مو

رحت ركصت كدام عبير باوعتلي

اشو متونسة وتركصين نسيتي سواد وجهج بسرعة

شسوي حبي وجهي أبيض من الله مو مثل بعض ناس

شتقصدين حيوانه

انتي حيوانة لاتحجين حجي زايد اكص لسانج علمود الفلوس نسيت  كلشي وهسة تمثلين كدام ناس دور العاشقه صدك الفلوس يغير النفوس انصدمت وسكتت الحفلة جانت حلوة اهواية اتونست كلت بلكي يسامحوني وارجع مثل قبل الصبح ماما كالتلي تعالي ابوج يريدج مصدكت رحت وكفت كدامه أمرني بابا

سمعيني اليوم مصيرج يتحدد ماريد اعتراض اذا تريدين أسامحج تسمعين كلامي افتهمتي

اي بابا تأمرني

نزلت حنان شفت لابسة حلقة امي كالت

انتي شاربة شي

حضنت بابا وهمست بأذنه

ليش ماما شكو

هاي شلابسة وين طالعة من الصبح وشنو هذا بيدج

سمعي ام مؤيد بارحة بالفندق بنتج انخطبت وهي هسة على ذمة رجال

شنو ومنو رجال صدك جذب لو تقشمروني

ابن أختي سامي

بدا صياح وعياط ماما تلطم وتسب بابا يحجي عليها وعلى اهلها ردت اسكتهم ماكو صحت عليهم كافي دمرتونا انتو اهل لو شنو كل يوم مشاكل كافي وابجي أبويه كال

سمعي كلمة زايدة اطلكج وأدزج يم أهلج الفكر اللي عايشين على خيري سمعتيني بدل ماتحجين على أهلي  ربي بنتج الاول ويباوعلي بس أسمع حجي على سامي أوأهلي متلومين الا نفسج

عافنا وطلع

شفت ليث ورايه واكف صارلي شهر مشايفته انقهرت هذا سمع كل السالفة أشكد عيب اهلي صاير عدهم الفضايح عادي

هيجي حنان هاي اخرتها تطعنيني بظهري الله لايوفقج زين عمري ماسامحج راح يجي يوم وتندمين لاعبالج بدرية حمامة سلام ولج هاي عكربة

ماما سامي يحبني واني هم أحبه ماعليه باهله

راح تصيرين مثلي لقب الطائفة لازك بيج لو ما أبوج سامي مجان يريدج بس روحي تستاهلين الف وسفة عليج طالعة على ابوج متريدون الزين لازكين بأمثالكم وهذا الزمال أخوكم بقى بالفندق ويا عبير وأهلها صاير أبنهم راح تموتوني انتو بس بقالي فراس هو الوحيد اللي مريحني

واني ماما شمسوية لغيتيني من حياتكم ولاعبالك بنتكم

انتي طيحتي حظج بيدج ياربي اني شلون خلفة مخلفة الله ياخذكم

دخل مؤيد

شكو من صباح الله عياط وصياح أشصاير

حقك نايم بالعسل وأحنا نموت لو نحترك ميهمك المهم الخاتون ترضى عليك يازمال اختك البارحة خطبها سامي عرفت شنو بينا

شكو بيها رجال مو أحسن تروح مثل غيرها للحرام

طلعت عيني أتجرءت وكتله عيب عليك اني اختك ممسوية شي وراح يجي يوم وتندمون على ظنكم بيا

لوما شفتج ويا الجلب بالغرفة جنت أصدك دور العفة هسة بس ميلوكلج  بعد وشغلة ثانية اذا تلاسنتي أو ضايقتي عبير مرة ثانية أكص لسانج أفتهمتي يا ناقصة

انت ناقص شلون تحجي هيجي على أختك علمود ست الحسن من هسة لاعبة بيك طوبة يامرت عبير

شنو هذا الحجي ماما

عبير زوجتي اللي يمسها يمسني وانتي تعرفيني اني شلون

معرفنا هسة عبير زوجتك لو خطيبتك أنحرج وسكت

شنو هذا الحجي خطيبتي وزوجتي شالفرق

لا يفرق شلون ميفرق 

ضل ساكت مجان يريد ماما تعرف حتى متهين عبير باوعلي بنظرات أني ألج

كملو التحضيرات حتى اخذكم للفندق

أي نروح ليش لا هسة مو تدلل ابني

ماما لاتسوين شي الله يخليج خلي يعدي اليوم على خير

اكلك اهل ابوك وصلو

اي بارحة بالليل

اممم زين انشوف جرني من ايدي

تعاي اريد احجي وياج سمعي ولج حجي زايد ويا عبير ماريد تخدميها اليوم افتهمتي وألا اضربج طلقة براسج

سامحني مؤيد مدااتحمل تصرفاتكم ويايه ولك اني أختك كاتمة أسرارك

شنو تردين تلوين ذراعي

لا مو قصدي الله يخليك سامحني وشتريد اسويه بعيني

أشوف اليوم اذا رضت عبير عليج راح افكر أسامحج افتهمتي

ولايهمك رحنا للفندق دخلت يم عبير للغرفة باوعتلي كتلها جيت أساعدج اليوم انتي ملكتنا واحنا راح ندللج مصدكت كتلها انتي روحي سبحي واني راح احضر ملابسج

شنو هالتغيرات ست جيجي

اليوم يومج واني أحب نكون أصدقاء كافي اللي صار انتي راح تدخلين بيتنا خوما نبقى نتعارك خلي نفتح صفحة جديدة

شكو بيها خليني افكر

انتي ميأمن بيج

لاتخافين راح تشوفين

اتمنى تتغيرين وتتنازلين على غرورج شوية

زين احاول رتبت الغرفة ويا موظفات الفندق سويتلهم جو ولا بالاحلام كلت بلكي مؤيد يسامحني بدلت شفت فساتين أختاريت واحد مجسم وأحمر بس ساتر دخلت للقاعة شفت اهل أمي بجهة كاعدين وهي واكفة وياهم وأهل أبوية بجهة ومؤيد وأبوي يمشون بيناتهم صاحني مؤيد تعالي سلمي رحت كلهم يباوعولي منو هاي حلوة مشايفيني حقهم لانزورهم ولايزورونا ابويا كال روحي بوسي ايد امي بست ايدها يمه صلوات شنو هالجمال هاي ناخذها لفلان ابويا كال راحت عليكم ليش اشوكت قبل شهر ولامبين عليها هاي جيجي دلوعتي فرحت كلت ها هية سامحوني رحبت بيهم وكفت يم بابا اجة مؤيد بسته وباركتله اتقرب مني

أنطيني ايدج

شفته دخل حلقة بأيدي شنو هاي

اوامر ابوج اي واحد يسألج انتي متزوجة من شهر افتهمتي منريد فضايح وانتي أدرى مو مال تنخطبين وتتزوجين

محجيت شي رحت نفس حالة يم اهل ماما بدت حفلة عبالي بس حجي

ليث : .شفت جيجي بعد شهر من السالفة اشكد متغيرة ضعفانة وشعرها كاصته حرامات اشكد جان حلو بس شنو هاي مو جيجي هاي وحدة مكسورة سمعتها تتوسل بأهلها ميتعاركون اصلا حياتهم كلها صياح وعياط ولا يوم شفتهم ملمومين ويا بعض حتى اكلهم كل واحد ياكل بروحه اني وفراس وابوهم ناكل سوية مرات مؤيد ويانا ولا يوم شفت امهم لو البنات كاعدين يا طالعين يا نايمين انقهرت عليها جنت بصراحة متشوق أشوفها لان يومية كدامي بقيت ملازم ابو مؤيد طول الحفلة بس دخلت للقاعة شوية متأخر لحد ما أمنا المكان اول ماشافني صاحني

اليوم أريدك مثل ضلي أشمايصير توكف ويايه ومتعوفني

تدلل ابو مؤيد حفلة تخبل مبين صارفين اهواية عليها اتذكرت سمر يمتى ننجمع ابيت واحد ونسوي عرسنا صرت اتخيل عرسي وياها شفت يباوعون اصدقاء ابوها لجهة باوعت وياهم شفت جيجي دتركص وتتحرك مثل الفراشة وهذولة شوية وعينهم تطلع تخبل تموت شنو هاي بس دا احسها مو مثل قبل تمثل نظرات كبرياء ماكو اي تعبير ماكو بوجهها اجتي اتقربت سلمت وكفت كدامي

شلونك ليث

ها

حمدالله على السلامة

تقصديني

اي أشبيك

اويلي على الضحكة ملاك مو بشر باوعتلها متغيرة

أي شنسوي

خليت عيني بعينها نزلت عينها هاي شنو وين نظرات الشمووخ هاي شمسوية هيجي صاير بيها مع الاسف تأكدت  مسلمة نفسها  لواحد لوبيدي اخذها لمكان وحدنا اشتاقيت ابوسهاأستأذنت وراحت.

شفت ليث من بعيد واكف يم بابا وأصدقائه مادري شي بيه يجرني اله رحت مثل المخدرة سلمت عليه وهو مصدوم اول مرة اسلم عليه باوعلي بنظرات نزلت عيني مكدرت اخلي عيني بعينه مادري فرحت بداخلي لما سلمت عليه بس حسيت يعرف بسالفتي تركته بسرعة

شنو هالكمر ابو مؤيد ليش مخبي الكمر بالبيت سمعت اصدقاء ابوها يحجون عليها ويتغزلون بجمالها صرت نار انقهرت بداخلي اكول شعليه منها قابل هي منو جيجي ام لسان اشبيك ليث لاتفكر بيها انت حبيب وخطيب سمر لاجيجي ولا غيرها يجون مكانها شفتها تركص ويا اصدقاء مؤيد انقهرت هاي متوب  من سوالفها ليش هيجي لو بيدي اجرها من شعرها واقفل عليها الباب اسجنها ماخليها تطلع من الغرفة سمعت واحد بيهم ها ليث اشو صارلك فترة ماكو

اي جنت مسافر

مو كتلكم بنتي جيجي راحت عليكم اني زوجتها لولدي الثالث ليث جانو مسافرين علمود عملية امه فمسوينا الهم حفلة اني متهمني حفلة وهيجي أشياء المهم معدن الشخص واني ملكيت احسن من ولدي ليث يصونها ويحفظها ترى هاي دلوعتي

ايا ليث ملعون شلون حظ عليك يابه الف مبروك تتهنون انشالله

لحظة شنو هالحجي اني ماسمع زين لو شنو السالفة يمتى اتزوجتها وسافرت اصلا اني خاطب ومنو اخذ جيجي مستحيل لا

ليث ممكن دقيقة نروح نجيك على أوضاع القاعة

ليث ها عمي شكو

مو دااحجي وياك أشبيك تعال

رحت وياه واني مثل الدايخ طبينا للغرفة عمي

اش اسمعيني بعدين احجي اني مقصرت بحقك ولا بحق امك حتى اخوك ترى انت مديونلي اهواية وتعرف معزتك عندي فأريد منك طلب

أمرني عمي

تخطب جيجي اليوم وهسة وتاخذها اليوم وياك وباجر نعقدلكم بالسفارة وماريد منك شي وبنتي اني اجهزها الك

بس اني خاطب عمي وزواجي مباقي علي شي شلون وبنتك ليش متنطيها لواحد يعيشها ملكة انت تعرف اني ظروفي شلون ماكدر اعيشها مثل عيشتها وخطيبتي اني احبها شلون اسوي بيها هذا شي اسمحلي عمي ماكدر اطلب عيوني هسة انطيك بس طلبك مستحيل

اتوسل بيك لاترفض تقبلي انزل راسي

لا طبعا ماعاش من  ينزل راسك 

كسرتني اريدك واكف وياية بمحنتي لاترفض واشكد تامر اني انطيك بيت سيارة حتى خطيبتك اني ازوجكم وبنتي تبقى يمك انت تتصرف وياها وطلقها بعد فترة  شتكول

ماعرف

هسة الشيخ يجي وننهي الموضوع

ياربي شنو هالمصيبة هاي بلا شي تحتقرني النوب اتزوجها شلون اعيش وياها وهي تباوعلي بنظرات شموخ وشلون انسى  صارت فضلة غيري لازم اني اخذها ابوها عندة اهواية افضال علية شلون ارفض ماكدر صرت بين نارين فضل ابو مؤيد عليه وعلى اهلي وحبي لسمر اجى مؤيد

شنو قررت ليث

ماعرف صعب

لاتكسر ابوية وانت ظهره ابقى حزام اله اعتبرها خدامة لامك

شنو هالحجي

اعرف انت تحب خطيبتك بقيها يمك سنة وطلقها واحنا حاضرين لاي شي تامر بي

بعد ساعة صارت جيجي على ذمتي ياه صدك جذب .

جيجي : صاحني ابوية اريدج نعم بابا

هسة الشيخ يسألج موافقة لو لا تكولين اي

شنو موافقة المن اتزوجوني

ليث

شنو لا مستحيل

محد يقبل بسواد وجههج غيرة واني أمن بيج يمة

بابا  هو خاطب ويحب خطيبته النوب اخرب على العالم فرحتهم موتني وريحي وارتاحو مني

هش احنا متفقين بس تكولين اي وتسكتين حجي زايد اطلك امج كدام العالم

اني اليوم انتهيت ياريتني ميته ملكيتو رجال غيره اني وهو واحد يحتقر الثاني شلون اعيش وياه وشلون اقبل بضرة خلص الشيخ وافقت باوعتلة مصدوم مثلي ويمكن اكثر بابا ودعنا وكال اسبوع مني هدية تبقون بالفندق وبعدين ترجعون باجر الصبح انتظركم بالسفارة حتى انسويلكم عقد عافني وطلع حتى مباوع لوجهي ولاباركلي بس بارك  ليث وباسه .طبيت للغرفة شفت غراضي موجود بيها هاي من شوكت مخططين وجايبين ملابسي وغراضي والله ماسامحكم ابد.

just me