رواية شمووخي وأنكساري الفصل الثالث 3 - بقلم Chra

#شمووخي_وانكساري3

جيجي: صارت على موضوع عبير شهر خلال هالشهر خطبها اخوية سوينالهم حفلة الناس كلها تحجي بيها بس هي متحجي ويايه مرات تجي لبيتنا ويا مؤيد لو للمزرعة تحجي ويا حنان وماما بس تباوعلى بنظرات مؤلمة اشوفها متكيفة ويا مؤيد طلعات طبات سوية فرحت كلت بلكي نست فد يوم جنا بالمزرعة رحنا يم الخيول كتله مؤيد اريد اركب وياك كل مرة اتدلع عليه ميرفضلي طلب

عبير: ليش انتي منو حتى يركبج وياه هذا اخوج ديربالج ترى هو زوجي افتهمتي شوية كبري عقلج.

اهواية غلطت عليه بس بطريقه خلتهم يضحكون عليه باوعت لمؤيد

مؤيد:  صدك تحجين انتي منو اركبج ويايه هذا مكان حب مالتي امشي ولي منا خلينه وحدنا

عفتهم ورحت لغرفتي هي شبيها متغيرة ورا ساعتين سمعتها تصيح من جوا لا عمي اني اروح اصيحها لجيجي صعدت لغرفتي سدت باب باوعتلها شكو

شوفي يا زبالة لاتخلين راسج براسي ترى مؤيد هسة خاتم بأصابيعي وراح تشوفين ايام سودة مني حركتي كلبي اني مو عبير المغفلة لا اني شخص محروك روحها على شرفها وحبيبها ولج الله ياخذج بارحة ابن خالتي اتزوج غيري من وراج وأخوج الجلب ابو البلاوي اني اله حسبي الله ونعم وكيل بيكم

لعد ليش اشوفج وياه عصافير حب وليش قبلتي بيه مادام تحبين  ابن خالتج جان اتزوجتي اله

من ورا صخام وجهج انتي واخوج ترى كل ليلة ادعي عليج على شنو شايفة نفسج مغرورة وكلشي عندج بس مع الاسف رخيصة

كامت تضرب وجهها وتصيح فتحت شعرها

مؤيد الحكني مؤيد

اشبيج ليش هيجي تصيحين اجه مؤيد شكو شصاير

اختك تكول عليه رخيصة شوف شسوت بيه الله ياخذني وارتاح اختك تعايرني اول مرة مؤيد يضربني

حيوانه حقيرة شلون هيجي تسوين هاي زوجتي اخذها وراح ويتوسل ويعتذر الها اني بقيت بمكاني واكفة مصدومة منها ومن تصرف مؤيد نزلت للحديقه شفتهم يشوون لحم  رحت يم المسبح دخلت بيها بملابسي جنت لابسة فستان منفوش قصير اريد شي يبرد كلبي اني الج عبير  انتي ياحشرة تهينيني انتي منو جنت صافنة شفت ظل ليث اوف شنو هذا لزكه باوعت على وجهه لاول مرة كلش حلو بس مع الأسف فقير  أقترب مني شكو شرايد

ليث : كومي طلعي من المسبح الحراس منتشرين

وانت شعليك

ملابسج مبينة

اه تريد انزعها ماعندي مانع  من حركتي على مؤيد نسيت شنو حجيت

ليث:رحت ويا ابو مؤيد للمزرعة جنت اوزع الحراس وانطيهم أكل شفت شي ابيض داخل المي شفتهم يباوعون على جهة مسبح بس مو مبين شنو فستان طافي لو قماش شنو هذا كتلهم روحو يم البوابة لحد ماجيكم اتقربت ياربي شنو هذا شفت البلوة جيجي داخلة بملابسها وفستان طافي ومطلع جسمها عبالك حورية ملابسها داخلية مبينة حجيت وياها تطلع مقبلت كلت جسمج يبين بلكي تستحي كالت تريد انزعها ماعندي مانع صدك رخيصة يمكن هلكد ماتنزع صار عادي عدها والله حرام كل هالجمال عليها متستاهل جانت تباوعلي بنظرات غريبة اول مرة تباوعلي هيجي باوعتلها  اخ وينج سمر هسة كون اني وانتي هسة بالمي عفتها رحت خابرت سمر حجينا سمورتي مشتاقلج حبي

سمر:  مممما زعلانة

شكو اريد فستان ماما متقبل اشتريه

اني اجيبها الج اريدج هسة ركزي ويايةاتخيليني يمج ابوس بيج

اي عيني اني بس تريد تعيش ويايه بالتخيل زواج ماكو احتمال اخلف منك بالتخيل سديت التليفون

أنداريت شفتها ورايه واني صاير عصبي من حركتها وسمر متفهمني شكو جنا قريبين من مخزن وبابها مفتوح متحجي شي جريتها رحنا للمخزن باوعتلها تباوعلي اول مرة اشوفها ساكته وهادية ونظراتها تموت قربت منها بستها خفيف تجاوبت وياية دفعتها على حايط بديت ابوس بيها وهي ولا عبالك ام لسان جيجي صايرة هادية وتجاوبت وياية بقينا عشر دقايق نتباوس متحملت اتلمست جسمها صرت نار عضيتها هية عبالك صحت من غيبوبة ضربتني راشدي ودفعتني

حيوان حقير انت منو انت مجرد عبد عندي

اي هاي هيه جيجي ملسونة واللي قبل شوية مو هيه

شلون هيجي تسوي

طلعت اني شلون تنازلت ابوسها قابل ماعرفها هاي شنو مكيفة بنفسها وهي يمكن من ايد لايد وتبيع ثكل براسي تفو على نفسي طلعت خابرت سمر متجاوب .

طبيت للحمام شلون هيجي سويت ملكيت احد اجرب ويا الا هذا العبد يع بس حلو بوساته اخ لويعرفون صديقاتي المن جانت اول بوستي راح ينجلطون يعرفون بيه اكرهه .سافرت ويا فراس و٢ من صديقاتي لفرنسا بقينه اسبوعين يومية بالليل نروح للديسكو همة يشربون خمور بس اني ماحب طعمها ابقى اركص واسمع موسيقى اني ارجع لغرفتي بالليل وهم يروحون يباتون ويا اصدقائهم اشكد يحاولون ويايه اجرب هذا الشي بس ماأقبل اريد اجربه ويا شخص اكون اني اولى بحياته مثلي بس مرات بالليل اتذكر بوسة ليث اكوم اضحك عجبني لو جان ظروفه غير احتمال جنت اجرب غير شي ويه

فراس: ولج ليش متاخرة

شكو فراس كل يوم هالوكت ارجع انته وين جنت

ويا اصدقائي اكولج جيجي لاتلعبين بذيلج والله مارحمج افتهمتي

شنو هذا الحجي متستحي

بارحة صديقي جان  ويا سوسو وانتي مو صديقتها فديربالج تأثر عليج

اوي اروح فدوة لرجلنا صغيرون

شنو صغيرون زمالة اني رجال

من يمتى عيني

قبل اسبوع

هههههه يعني فقدت عذريتك فروستي

شنو فروستي بابه شيخج وتاج راسج اني

اي تدلل صدك فراس جربت شنو جان شعورك حسيت كبرت

وانتي شكو لاتسالين اوك ولبسي زين ترى جسمج مغري والرياجيل صايرين وحوش اخاف عليج

كافي لاتتمادى اعرف اصون نفسي خلينا نرجع

اشتريتي غراضج تدرين مؤيد مشتري شقة بلبنان

صدك خلي نروحلها منرجع للعراق

مخليها هدية زواج لعبير

اتذكرت تصرفها ويايه كلت بكلبي هاي تستغل مؤيد تريد تعوض نقصها ماديا اي والحفلة راح تكون بلبنان هم

لا بدبي تريد حفلتها

اي بنت الفكر تستغل مؤيد رجعنا بقينا كم يوم خابرتني صديقتي هاي جيجي هاي حب اكلج شكو والله ضوجة منال مسوية حفلة vipتخبل كلشي بيها بمزرعتهم وهاي مشهورة بحفلاتها منال بنت تاجر جبير فلتانة وفري كلش هي اكبر من عدنا.

ليث:رحت ويا اهلي نخطب سمر ابوها كام يطلع مية عذر بنتي صغيرة وتدرس وانت ممكون نفسك بنتي تريد بيت وحدها اسف عمي انت تدري ماكدر اطلع بيتchrakirkukiواتباد وحدي اشلون اترك امي واختي وحدهم بدون رجال اذا ترضى اخليها بين عيوني وانت ادرى بظروفي خلينا نتوكل واني مراح اقصر وياها مو هي صغيرة بكلبي اكول شنو صغيرة  انواع الاحضان والبوسات اني وياها هسة صارت صغيرة اوف بقينا ساعتين يالله اقتنع خلال اسبوعين راح اخطبها كلش فرحت كلت واخيرا انفتح باب السعادة بوجهي جنت يومية اخابرها باليل نبقى لحد صبح نحجي بالزواج وشنو نسوي وبوسات

ليث ابني

نعم ابو مؤيد

روح للمطار جيب جيجي وفراس

زين هسة صارلي مدة مشايفها اتذكرت بوستها صح هي احلى من سمر بهواية بيضة وطويلة وجسمها مغري سمر قصيرة وسمرة ومع ذلك احبها عبالك ملكة جمال بعيني بس جيجي احسها رخيصة دايما تكول انت احلى مني واغار عليك اريد جهالنا يطلعون عليك اكول انتي ملكة قلبي رحت شفتها جتي حتى مسلمت علية اجى فراس من بعيد حظني وباسني

شونك ليوثي

الحمدالله شونك فروسي

حبيبي ترى جايبلك خوش صوغة بمناسبة خطوبتك مبروك تستاهل حبي

شكرا وهيه تباوع من الشباك كأنما ماكو احد .

جيجي: وصلنا خابرنا بابا يدز سايق مالتنا لان ماحب اركب بتكسي شفت ليث انقهرت شنو بكل شي يدخل سمعت حجي فراس ومبروك باوعتله بنظرات يعني ميهمني

شونج جيجي

زينة منو خطيبتك وين تشتغل

بنت خالتي متشتغل بالكلية تدرس قسم اعلام

اه مذيعة يعني

مو شرط اعلام مذيعه المهم عدها شهادة ترفع راس اهلها بيها

عصبت هذا الحيوان يقصدني .

حيوانة تريد تصغرني اعرف نواياها اتغديت بيها قبل ماتتعشى بيه شفتها من المرايه صايرة نار اشكد فرحت بردت كلبي من ناحيتها .

جيجي : ماما منال بنت فلان مسوية حفلة اريد اروح

شنو المشكله روحي

اريد فستان ييم هذا مالصمم بس شنو اريده عاري وقصير كلش

حفلة مختلطة

لا بس بنات

اوك هسة اخابره يدزلنه تصاميم انشوفه على الأنترنيت

اي وراح اصبغ شعري اريد ام الصالون تجيني

شنو عرس ترحين

لا حنونه حفلة

حنان: متجوزين من حفلاتج ارتاحي عيني

شسوي اصير مثلج اقابل فرش والوان

انتي شمدريج بالفن

والله اعرف اركص احسن من فيفي عبدة

ههههههه خرب ابليسج يمة ليش الفن بس رقص

خلي اكوم اركصلكم شوية

اي جيجي ونسينا شوية

رحت لمكتب بابا تعال راح اركصلكم مهتميت ليث كاعد شغلت استريو كمت اركص باوعتله بمكر فتحت شعري اتعمد ادير لجهته جان فاتح حلكة ويستحي يباوع لان ابوية كاعد فتحت اول دكم مال قميصي بقيت اركص وهمة يشجعوني صار احمر ويعرق متحمل اترخص من بابا خلصت بابا كالي عفية بنيتي فرحتينا مادام هيجي فرحت اريد فلوس تدللين جيجي حبيبة كلبي

واني بابه

لا انتي حبيبة كلب سامي

فرحت حنان بس شنو امي صارت نار ضحكة ونسة صارت حرب كلامية ابوية يحجي عليها وهي تحجي عليه ماكو يوم كعدنا سوية بدون مشاكل مستحيل طلعت لغرفتي بجيت ليش احنا هيجي مسحت دموعي رحت بدلت واتمكيجت خابرت صديقتي رحنا لسوك ومطعم رجعت للبيت ساعة ١ بالليل محد يسألني وين رحتي وين جيتي اتعمد بالسوك اخلي ولد يمشون وراية اذللهم دا احس يشبع غروري لما اسمع كلمات مدح وتعليقات وتصفير .

ليث: استغفرالله ياربي مثل هالحقيرة مشايف اني وابوها عبالة طفلة وهي كلها انوثة واغراء كلش مغرية متحملت طلعت برا دا احسها تريد تغريني واني عندي سمورتي مابدلها بالدنيا خابرتها اريدج سمر احبج مخابرني علمود هالحجي اريد انام عوفني اني وين وهي وين ليش متحس بيا والله دااموت صرت اكره اطب للقصر من وراها .

اليوم حفلة اشتريت فستان أسود بدون كتف وكلش قصير بحيث شلون ماتحرك جسمي يبين شعري اسود سويتchrakirkukiواتباد خصل احمر ام صالون جتني للبيت سويت اظافيري ولفلفت شعري واتمكيجت شفت نفسي كلش متغيرة اول مرة اسوي مكياج بارز لبست كعب عالي جنت كوة امشي من الفستان كلش لازك دخلت لمكتب بابا ردت يشوفني دايما احب اسمع يمدح بجمالي فتحت الباب بقوة وكعت بحضن ليث باوعتله اليوم لابس قميص أسود ويا عيونه الملونه طالع يخبل يلمع عدلت نفسي اوف عطرة يدوخ اتذكرت هاي اني اشتريتها لفراس من جنا بفرنسا معرفت راح ينطي اله شنو ليش حاضني متستحي

ليث:  منو بينا ميستحي بالله قابل اني جسمي  يبين لو انتي

صدك همج

شنو هالحجي شرايدة

وين بابا

طلع
وانت شتسوي

احضنج

راد يسد باب منعته وخر اروح

روحي منو لازمج

مزين مسوي سكسوكة اشكد حلو اشبيه اني اليوم ويا هذا الغبي وخر

ما وخر شتسوين

اتقربت منه باوعلي بنظرات اني هم بنظرات اقوى بقينا ٥ دقايق نتحدى بعض جنت اتمنى يبوسني كالي

شمنتظرة طلعي عندي شغل

منو انت حتى اريد منك شي لاتنسى اني منو وانت منو سد الباب عصب جرني من ايدي وكعت على قالنفة بدا يبوس بيه بالبداية مقبلت بس بعدين اتجاوبت وياه بقينا على هالحالة لازكين بعض نسيت هو منو واني اشكد اكرهه مردت يكوم من عندي سمعنا صوت سيارة كام وطلع برا اني هم كمت رحت لغرفتي صلحت المكياج ونزلت رحت للحفلة دخلت شنو هذا مستحيل شفت اشكال والوان جايين وحفلة مختلطة وهي بمكان بعيد واني ناسية تليفوني بالبيت اول مرة استحي من لبسي عبالك مفصخة جنت ضايجة متصورت حفلة هيجي ونظرات الرياجيل تقهر عبالك عاهرة كدامهم وهم ممقصرين بالنسوان لو يركصون لو يطبون جوا للغرف وحفلة بالحديقة كومي جيجي نشرب شي يبرد كلوبنا حيوانة وين جايبتنا شنو هالحفلة اول مرة اخاف بديت ارجف 

اشبيج اليوم سويها حفلتين

شنو تقصدين

شوفي هذا ابن فلان وزير شلون يباوع عليج امبين منتهي وهو كلش حلو يخبل اليوم سوي اللي تردينه وياه

شنو هذا الحجي

اشكد مغبرة انتي عيني عادي عيشي وجربي بعدين عملية وترجعين طبيعي

والله اذا انتي يومية تجربين وي اشكال والوان فاني ماسمح لنفسي اسوي هيجي شي افتهمتي اللي يريدني يجيني للباب

اوف شنو هالتفكير بابا هذا مستواه فوك راح تصيرين مرتة انتي وشطارتج وكعي بشباكج

اجتي منال جابتلنا مشروب اني اعتذرت منها

هاي شكو بعدج نونو

لا ماحب طعمها

اذا متجربين مراح تحسين بجو الحفلة

شكرا ماريد

اكولج هذا يريدج معجب بيج شتكولين افرغلكم غرفة تتفاهمون ترى نيته زينة

واني ابالي بوسة ليث اوف خلي اجرب شكو بيها خلي انسى هذا وجه الفكر محجيت شي هي عرفت اني ساكتة يعني راضية اجه كعد ويانا

الكمر نازل للارض اليوم شلونج صافحني اتقرب يبوسني مخليته كال ننتظر ممستعجلين هو حلو نوعا ما بس لعاب ويخوف نظراته كعدنا يحجي ويتغزل بيه اني كلبي مو متطمنة اجتي منال

ها ولك شلون جوك

اني فوك غيم وانتي  منولة

وين الحب

جاي بالطريق اويلي اليوم للصبح سهرة ويا الحب

لا لعد  اني والكمر شوكت نسهر ويغمزلي

دمشي عيني جيجي فوتو جوا حضرتلكم غرفة ترتاحون بيها

لالا

اشبيج خايفة ماكل بشر اني وخصوصا الكمر اتقرب من اذني ماغصبج بس اريد اكعد وياج وحدنا نحجي ونتعرف

متسويلي شي تكعد عاقل

تامريني فتنا للغرفة نحجي  ونسولف بس اني بعدني خايفة منه صارت ساعة بس يحجي اتقدم لزم ايدي كتله شكلنا

شكو لاتصيرين معقدة اريحج وترحيني وعيوني الج

لا ماريد وخر

شنو وخر تعاي

لزمني يريد يبوسني

وانتي ليش جاية مفصخة غير حتى تريحينا لاتبعين شرف براسي

كام يصيح عليه مد ايده ينزعني الفستان ضربته وكع شلت جنطي وطلعت ركض من الغرفة حتى نسيت حذائي اول مافتحت باب شفت مؤيد بوجهي

مؤيد : جيجي ايا حيوانة سافلة اشدتسوين

منال: اشبيك حبيبي عليها منين تعرفها مو كتلك ابن وزير جوا يريح نفسة

شنو ياكلبه وين الكلب

واني ارجف صار عركة بين مؤيد ومنال وذاك بالغرفة ماعرف اشصار بي جرني من شعري كدامهم كاموا يصيحون ويصفكون هاي نهايتي خلص انتهيت دخلني للسيارة يضرب ويرفسني وجهي ينزل منه دم

ياساقطة حيوانة نزلتي راسنا

مكدرت انطق كلمة من الصدمة والالم يسوق السيارة باقصى سرعة واني ابجي واون والله مسويت شي والله بعدني بنية

سكتي حيوانه جلبة تفو عليج

وصلنا للقصر جرني من شعري فتح الباب شمرني  كدام بابا

ليث ممكن تعوفنا وتسد الباب

هاي شكو مؤيد اختك ليش هيجي شنو صاير

بابا جبتها من بيت منال

شنو بنتي تروح لهيجي اماكن

وياريت هيجي جانت ويا واحد بغرفة بنتك ساقطة  تفو عليج

ليش هيجي جيجي ولج اشكد احبج وادللج هاي اخرتها تبيعين شرفج تفو عليج

بدا ابوية  يضربني بأيده ومؤيد بالحزام دخلت ماما

شكو شصاير

ابوية يضربني ويحجي بنتج ساقطة هاي تربيتج عافو موضوعي بدوا يسبون بعض كافي كتلهم متحسون من وراكم ضعنا احنا

ولج عندج عين تحجين

لاتظلموني والله ملمسني اني شريفة والله بعدني بنية

عوفوها خلي نفحصها اخاف حامل منه بنت كلب روحي خابري اسراء

لالالا والله مبية شي اتذكرت عبير ودعواتها مؤيد جر سلاحة هسة اموتها ونغسل عارنا

كال لا راح اخليها عبرة

شتسوي بابا انفضحنا

وكع بابا بالكاع رحت بست ايدة والله عظيم ممسوية شي صدكني ركلني برجله وخري ياحيوانه مؤيد صعدها للغرفة وانزل احاجيك اربطها افتهمت مثل الجلب .

ليث: من دخلت عليه وكعت بحظني عبالك اميرات دزني شنو هالجمال اتمنيت وضعي يختلف واني وياها نحب بعض تخبل بالمكياج وفستانها مكبرتها منطيها جمال اكثر نسيت كل شي بس هيه واكفة تباوعلي بشمووخ وتريد تكسر بيه عصبت دفعتها ردت اكسرها هجمت عليها بالبداية مقبلت بعدين اتجاوبت ويايه دخلنا بغير عالم بوساتها تموت مو مثل سمر سمعت صوت سيارة ابوها كمت وعفتها وهي راحت كعدنا نشتغل اني وابوها بس فكري كلها يمها كملت شغل سمعنا صوت سيارة شخطت سريع ابوها كال

اكيد هذا مؤيد سكران اني اله حيوان صار صاحب مسؤولية وبعده دايح

سمعت صوت مؤيد وجيجي تبجي دخلها للمكتب وجهها كله دم وشعرها منفوش لبسها نازل كل جسمها مضروب هاي شكو قبل ساعات جانت شامخة وهسة تباوعلي بنظرات انكسار طلب مؤيد اعوفهم طلعت برا القصر صورتها ابالي ياربي اشصاير شمسوية انقهرت اني شعلية بيها شنو ناسي حركاتها وياية شعلية بيها طبها مرض.just me7