رواية شوگ و ورد الفصل السادس والعشرون 26 - بقلم wad. al.Basha

للكاتبه:  ود الباشا

سلام عليكم بهلبارت راح يبين جانب من ضلم العم ابو الزوج
كل مره نبين جانب العمه الشريره التمرمر جنتها اليوم العكس

هلي
و حَسرتي
وشّوغات گلَبيّ
وشَردت عَيونيّ بشوارعكُم
شگلهَن ؟

غسق:  تقرب مني خطوتين وسمعنا عيطه ريتاج
ركضنا ثنينه كل ضني خاله صارلها شي ارشد سوه الدرج خطوتين لان الصوت يجي من فوك اني متحملت احس رجليه بعد متشيلني كعدت وعيني على الدرج
نزل لازم ريتاج وهيه تبجي كلبتها مناااحه
تلكتها خاله من يم الدرج وطلعو عمي ورائد هم

ابو ارشد:  شصاير شبيها البنت

ام ارشد: شصاير ارشد شكووو

ارشد:  متخيله اكو شي بغرفتها وخايفه

غسق: خاله باوعت عليها وصغرت عينها

ام ارشد:  تره نفس غرفتج صار كم سنه بيها هسه فكر يطلعلج الجني هو يشرد منج

غسق: عافتها ودخلت لغرفتها رائد هم هز ايده ورجع لغرفته بقى عمو يقره عليها قران درت وجهي عيني اجتي بعين ارشد مبين التعب بيهم ابتسم كمت صعدت فوك دخلت لغرفتي عرفتها هيج سوت علمود ارشد يبقى يمها وتاكدلي هلشي من ردة فعل خاله بعد احسن عبالها ميته عليه شغلت التلفزيون كعدت اتفرج فلم علما نمت بمكاني مرت الايام وهاي شهر ونص اني يمهم ريتاج تدور مشاكل من جوه الكاع بس متجنبتها وكل وكتي ويا خاله
ارشد يوم يمها ويوم يمي وهيه متخبله بليوم اليجي يمي اطلع سالفه من جوه الكااع علمود يروحلها واني اكيف ابقى وحدي عرس غسان هل اسبوع خطيه خاله وامه مخبوصات يجهزن ويرجعن ليوره ومسره حاجيتها مره وحده من جهاز خاله طايره من الفرح

رائد مبتعده منا ابد مااكعد بلمكان اليكعد بي واذا انفردنه اكوم بسرعه اطلع
صار 5 ايام ارشد بلدوام باجر او عگبه يرجع اليوم نزلت يم خالتي دتسوي اكل سمج وباميه وتمن ريحه السمج اجتي بخشمي ونفسي لعبت
رحت استفرغت احس روحي طلعت غسلت وجهي ورجعت للمطبخ شفت ريتاج كاعده
ركفت يم خاله محتاجه شي اسوي وياج

ام ارشد:  لا بنيتي كعدي اكلي لگمه

غسق: هزيت راسي وكعدت دايخه وكفت كبالي

ام ارشد:  غسق يمه بيج شي

غسق: لا خاله بس شويه دايخه يمكن الدم مالي نازل

ام ارشد:  للعصرر اخذج اسويلج تحاليل حضري روحج
علمود الدكتةوه تكتبلج مقوسات وجهج صاير ليمونه

غسق: مكدرت احجي عفتهم وصعدت رجعت نمت للعصر كعدت على صوت خاله
عدلت كعدتي

ام ارشد:  كومي يمه اكلي لگمه علمود انروح هم يلا نلحك على التحاليل وخبصه الدكتوره

غسق: خاله ماكو داعي خليها غير يوم

ام ارشد:  كومي امي غسلي وجهج ونزلي منتضرتج

غسق: هزيت راسي كمت غسلت وجهي غيرت ملابسي ونزلت
صبيت مركه فوك التمن وكعدت اكل بلكوه اجرع الاكل اني هم تعجبت من نفسي البارحه مابيه شي
اجتي خاله محضره روحها طلعنا لكينا رائد منتضرنا غميت روحي عشر مرات اخاف مابيه شي لا من صدك راح اتمرض واصفر فيتامينات ماطيقه وجوده وياي بنفس المكان كفيل يخلي يومي كله متعگر
صعدت بسياره بقو هو وخاله يحجون علما وصلنا لتحليلات اخذت مجموعه تحاليل كامله
انتضرناهم ارشد صار مرتين يتصل بخاله وهي تباوعلي وتضحك صاحو اسمي كامت خاله واني وراها اخذناهم من ايدي البنيه

ام ارشد:  طمنيني يمه اكو شي يخوف لأن البنت كعدت من الصبح دايخه

لاتخافين ماكو شي يخوف حجيه بس مبروك بنتج حامل

غسق: بقيت باهته بوجها اريد استوعب الكالته خاله حضنتني وبقت تبوس بيه واني فاصله نزلت دمعتي وصرخت شنو يعني حامل مستحييل اكيد غلطانييين
عيدددو التحليل

ام ارشد:  يمه لا تسوين هيج فدوه اروح لعيييينج هذه رزق من رب العااالمين

غسق: بقيت اباوع عليها ماريده خاله فدوه كوولي جذب

ام ارشد:  كعدي يمه وليدي جنه ماله حظ بلخلفه
غسق حبيبه بعد روحي جري نفس وسمعيني
هذه رززق متكدريت تعترضين عليه والله خليجي للدنيا راح يكوون اغلى شي عندج

غسق: بلعت ريگي نرجع للبيت

ام ارشد:  نروح للدكتوره اچيك وضعج وبعدين نرجع

غسق: رجعيني للبيت خاله تعبانه غير يوم نروحلها

ام ارشد:  كومي انطيني ايدج لا توكعين عليه

غسق: طلعنا رائد منتضرنا بره شافنه تقرب منا

رائد:  شصاير ؟ جنها مواته بيها مرض خطير مو

ام ارشد:  يمه اسم الله بيش طالبها

غسق: عفتهم ودخلت للسياره شكد حقيير حتى بلمرض يتشمت خليت راسي علجامه وكلشي محجيت فصلت منهم
معقوله رب العالمين عوضني بهلطفل بس اني مارريد
بعدني ماعرف شنو مصيري ويا ارشد شلون اجيبه للدنيا ابهذله
وصلنه للبيت شفت غسان واكف بلباب شاف حالتي اشرلي شبيج
هزيت راسي ماكو شي نحجي بالاشارت لان حضره جناب رائد واكف يخاف ننفهم غلط وتعال اكعد اشرحلهم مجرد دنسلم دخلت جوه افور مادري احس لا كاع شايلتني ولا سما من حرگه كلبي حتى احس نار تطلع من معدتي نفتحت الباب دخلت خاله تمسح بدموعها

ام ارشد:  غسق ليش هيج تسوين يمه المفروض انتي هسه اسعد وحده راح تصيرين ام

غسق: باوعت بعيونها بيهن لمعه فرح اني ليش گلبي محروك خاله ماريده فدوه اخذيني انزله لا دكولين لارشد خزرتني

ام ارشد:  غسسق اصحييي هااي روح تدرررين شنو روح تردين تكتلي
حررام عليج فكرررري بعقل يا بنتي شنو ذنب هلطفل انتيي انقهرتي من اهلج ماتوو وعافوج وشي مو بايدددهم قضاء وقدر  شلوون هسه انتي تردين تكتلين طفلج بايدج
ولج امي شلون ينطيج گلبج

غسق: بقيت اشهگ اني ضايعه بنفسي ماعرف شسوي حضنتني خاله

ام ارشد:  لا تعيدين هلحجايه وتاذيني بداعة اعزاز گلبج جيبي هلطفل وفرحي گلبه متعرفين شلون گلبي محروگ على ارشد

غسق: مجاوبتها بقت حاضنتني علما نمت محسيت على شي كعدت ثاني يوم الصبح جسمي متكسر بقيت اباوع على بطني قررت اتوكل على الله ومافكر بشي غسلت وجهي ونزلت فتهم كلهم كاعدين يتريكون صبحت عليهم وكعدت ريتاج عيونها مورمه وتباوعلي بحقد  ورائد يتبسم ماهتميتلهم خاله تجيب وتخلي  كدامي ودكلي اكلي مكدرت اكل البيض نفسي لعبت منه سويه لفه جبن واخذت الجاي ردت اشري سحبته خاله
ام ارشد : شربي هلعصير موزين عليج چاي

غسق: محجيت اخذته منها وكعدت اشربه

رائد:  الضهر يوصل ارشد

ام ارشد:  مو كلت باجر يجي

رائد:  مادري خابرني كال راجع

ام ارشد هلا بي

غسق: كالتها وابتسمت

ام ارشد:  يمه خلصي ريوكج وصعدي لغرفتج ارتاحي
لا تبقين كاعده

غسق: ماعليه شي اساعدج بلمطبخ

ام ارشد:  ماعندي شي كملي وصعدي لغرفتج

غسق: كملت كمت ردت اغسل الامواعين ماقبلت خاله

ام ارشد:  صعدي بنتي نامي ساعه ونزلي للغده

غسق: خاله تره اتعود على الدلال والله

ام ارشد:  هههههه ادللي بنيتي شكد متكدرين بس جيبي بسلامه اكابل الطفل واكعد وانتي سوي التردي

غسق: هزيت راسي درت وجهي وطلعت صعدت الدرج صاحتني ريتاج

ريتاج:  لا عباالج تكدرين بطفل تاخذي مني
خليها ابااالج مستعده اموووتج

غسق: انتي صاحيه؟ تعرفين بنفسج شددكولين

ريتاج:  مثل ماسمعتييي

غسق: عفتها وصعدت خفت من كلامها مخبله كلشي تسووي قفلت الباب وكعدت علسرير گلبي يريد يطلع جان لازم اجاوبها اردها ليش سكتت يمكن لان اني هم غلطانه مجان لازم ادخل حياتهم بس كل الصار مو بيدددي والله مو بيدددي اصلا مو هاي حياتي الراسمتها مو هذه مكاني الجنت اتخيله كلشي صار غصب عني حتى هذه الطفل مااريد ماريد شي يربطني بي
تمددت دايخه واحس ررحي رايحه وكملتها ريتاج
خليت ايدي على بطني بقيت ابجي علما نمت فزيت
علئ صوت هوسه فتحت عيني اندكت الباب بفوه طفرت من مكاني فتحتها واني النومه بعيني صار كبالي ارشد وخاله ورائد وريتاج واكفه على صفحه

ارشد:  هذذذه كله نووووم وكفتييي كلبنه لييش قااافله الباب

غسق: باوعت الريتاج ابتسمت بخباثه
ماحسيت والله

ام ارشد:  يلا مصار شي المهم شفناج سالمه كلبي وكع كلت متخربطه

غسق: بست راسه اعتذر خاله هبطتج

ام ارشد:  لا تعيديها امي وتخلين بالي عليج ارشد ابني جهزلها الغرفه الجوه خليها جوه عيني مابيه كل شويه اصعد وانزل

غسق: ماحجه شي خاله ورائد نزلو تقربت ريتاج من ارشد

ريتاج:  حبيبي احضرلك الاكل

ارشد:  لا مجوعان اريد انام

غسق: عفتهم ودخلت للغرفه شويه ودخل طبك الباب وكفت
احضرلك الحمام تقرب مني باس راسي لزمني من خصري

ارشد:  هبطتيني لا تعيديها وتخوفيني عليج مره ثانيه
كالو حامل؟ 

غسق: هزيت راسي وكمت ابجي كلما اتذكر اني حامل دموعي من وحدها تنزل. مسحهن

ارشد:  ليش البجي؟ متتخيلين فرحتي انتبهي على نفسج غسق لا تلچمين گلبي بيكم

غسق:  خفت احجي خفت اكله ماريد طفل اني مامدر اربي طفل لمعة عيونه جانت كفيله بفرحته بقى حاضني بلكوه متحمله ريحته بلاخير متحملت ركضت للحمام اجه يفرك بضهري

ارشد:  شصارلج شبيج

غسق: ماكو شي قربني غسل وجهي

ارشد:  رحتي للدكتوره ؟

غسق: لا

ارشد:  باجر حضر روحج اخذج ليش هيج حالتج

غسق: خاله دكول اوحاام نفسي تلعب من العطور والاكل الزفر لزم قميصه اشتمه عفس وجهه

ارشد:  بس الريحه طيبه

غسق: مطيبه نزع قميصه شمره بسله الملابس اخذ منشفه ودخل يسبح
موبايله دگ هواي علما طلع جاوبهم ماحجه شي بس اي ولا ختمه وشمره علطبله نشف شعره واجه تمدد

ارشد: انام ساعه واكعد اسويلج الغرفه الجوه ماريدج تصعدين الدرج بعد وخليج دوم يم الوالده غسق ابتعدي من ريتاج واذا سمعتج حجايه دكليلي مو تسكتين

غسق: دتحذرني ؟ بقى يباوع بعيوني

ارشد:  انتبهي منها بودي اضمج بروحي مااريد اتخيل مجرد تخيل بيوم اشوفج متاذيه

غسق: اذا احجيلك ماتتعصب؟
طبك حواجبه  عدل كعدته اخاف احجيله وياذيها وهيه تحقد عليه اكثر جنت متوقعه كلامها الضهر مجر كلام من وحده محروك گلبها بس بعد كلام ارشد اتاكدت هيه مستعده تاذيني بأي طريقه ماعدها مانع

ارشد:  صاير شي؟

غسق: حجيتله كل كلامها بلحرف خفت منها تاذيني لأن اعرف بيها تسويها مو سوتها ورادت تحركني ويا البيت طفر من مكانه لزمت ايده لا تاذيها فدوه
دفع ايدي ونزل بقيت اكل بنفسي ليش كتله نزلت وراء
واكفه وراء عمو وعمو يهد ويرد على ارشد

ارشد:  يابه وكلام الله لو توكعين بيدي الا ازوعج العاااافيه شملفييي بيتي انيييي

ابو ارشد:  غيييير نفتهم شكووووو. لا تاخذنا بصياحك

ام ارشد:  يمه شصاير عليش مشتعل نااار

غسق: واكفه بمكاني واكل بضافري اني من يمي خفت من صياحه وعياطه

ارشد:  مااااريدها بهلمهجوووم طلعتها ابيتتت عليييش رجعتووووها

ابو ارشد:  تسكت لو شلووون مااسمحلك تتجاوز عليها ارشد احترم روحك مو تالي وحده بكد القندره تفرر راسك

ارشد:  ابقى دافع عنها علما يطيح حضي اكثررر

غسق: اشرلي اصعد صعدت اجه ورايه دخل ورث جكارته وكعد رحت كعدت على طرف السرير
ليش هيج سويت اني كتللك لان انت كلتلي لا تسكتين تره فشلتها كدامنا كدرت تحجي وياها بهدوء ماكو داعي لهل عصبيه

ارشد: احجي ويا ريتاج بهدوء؟
متاكده؟

غسق: وين المشكله يعني

ارشد:  ضحكتيني والله تره هاي اذا تشوووف واحد متساهل وياها تاكله وتگرطه بسنونها ماتعرفيها بعدج
ولا اريدج تعرفيها خليج بعيده منها
وقريبه مني

غسق: حجاها وغمز تقرب مني حضني
بقيت بحضنه صح مخنوگه ممتقبلته بس اخاف احجي
شوكت ابدي يدوام

ارشد:  اجلي هلسنه كومي بسلامه والباقي سهل

غسق:  لا دكول اجلي اريد اداوم ماأجل لا هاي السنه ولا البعدها

ارشد:  غسق لا تعاندين انتي حامل ويحتاجلج راحه دوخه الدراسه تلحگين عليها

غسق: ماأجل تاخذني احضر نفسي واصلاً هذه الطفل اني ماريده لو بيدي هسه اسقطه بس خاله ماخلتني
اني حجيت هيج وهو خلقته انگلبت

ارشد:  شكلتتييي عيدددي

غسق: رجعت ليوره ماريده حياتي وياك بعدها ممستقره شلون تريدني اجيب طفل لزم ايدي سحبني صرت كدامه وعينه بعيني

ارشد:  وحق كل حرف بكتاب الله يا غسق اذا هلطفل صار عليه شي راسج اشلعه من جسمج
خليها ابااالج اكتلج وراء بلقررران الكررريم
وهذه كلااامج مره ثانيييه اذا سمعتج تنطقي احسااابي يصير  وياج غير

غسق: دفع ايدي وطلع مسحت دموعي
وبثيت كاعده مكرفصه بمكاني ندكت الباب دخلت خاله

ام ارشد:   شصار شكو صاير ناار

غسق: كتله اريد اسقطه

ام ارشد:  عمه بعين عدووانج اي والله شكتلج انه انتي ليش ماتسمعين الكلمه خليتي الرجال يششوط

غسق:  خاله يكول تاجلين هلسنه واني كتله اسقطه

ام ارشد:  لج بنتي غير يخاف عليج بروح عزاز كلبج لا تحرگين گلبه هيج ليش هيج طلعتي فرحته من عينه يا بنتي مسمعتي صوته من كتله على حملج ما سمعتي فرحته ولهفته شلون كل شويه يتصل بيه يطمئن عليج
ويحذرني ماخليج تصعدين الدرج هو يوم واحد خابرني فوك العشر مرات علما رجع

غسق: خاله اذا احجيلج ماتضوجين مدكومين تكرهيني

ام ارشد:  اكو ام تكرهه بنتها

غسق:  تقربت منها خليت راسي على رجلها بقت تلعب بشعري خاله ماكدر اتقبل ارشد والله مو بايدي هو سوه كلشي غصب عني اني بعمري ممتخيله نفسي اتزوج ويا ضره ممتخيله اعيش هيج مو هاي الحياه الراسمتها لنفسي هو خرب كلشي. بحياتي مخلاني اعيش مثل ما اريد

ام ارشد:  هو ماعنده حظ هلولد بملشي ياا يمه بقت عليج ثقي بالله سوه كلشي علموودج
انه هسه ماكدر احجي علمود لا دكولين كاعده ادافع على ابني بس يجي يوم هو يكعد يحجيلج
ارشد ميستاهل برودج غسق يحبج حبي مثل ميحبج وعيشي انسي كلشي صار هو سندج انتي ماعندج غيره لا تثقين بأحد لا دكولين خالي وعمي ومدري منو محد لاحد كلمن يكول يا روحي
واليريدج وكاتل روحه عليج اكو غايه براسه مو حباً بيج حالياً ارشد من خوفه عليج بوده ياخذج يضمج بروحه يمشي ويرصيني عيني عليج ماعوفج يخاف عليج من كلشي. بروح اهلج يا يمه لا تكسرين كلمه وتلچمي فوك لجمته مايستاهل

غسق: هيه تحجي وتبجي  واني ابجي على بجيتها
خاله اني ماعندي شي ويا والله قبل لا نتزوج جنت حاسبته اخ وكفاته وياي ماتنعد وميتجازه لو انطي روحي بس هو بلفتره الاخيره خلاني انفر منه

ام ارشد:  انسي كلشي وافتحو صفحه جديده وعيشو لا تخلين المشاكل تدخل حياتج وهو جاي تعبان
تعاي صدك شقصه ريتاج ليش نزل هاد عليها شكو

غسق: خاله هددتني والله اني ناردت اكله بس هو كعد يحاجيني وكال لا تضمين شي عليه اني هم كتله معبالي راح هيج يسوي نقهرتلها

ام ارشد:  بشنو هددتج شكالت هلمكسوره الركبه

غسق: حجيتله لطمت على صدرها

ام ارشد:  من هاي ارشد يمشي ويوصيني عليج يعرف بسوالفها تهدد الادبسزز

غسق: خاله حقها بيوم وليله دخلت حياتها وخربت بينها وبين ارشد قابل تنطيني ورده
غمتني وكامت

ام ارشد:  انتي ناويه اجلطيني مابيها مجال
لج هاي حيه ام عشر روس مو راسين ديري بالج منها
ولا ثقين بيها ابددد
كومي ننزل اكليلج لكمه بين ما ارشد يرتبلج الغرفه

غسق: ليش انزل خلوني اهنا لا تعبون نفسكم

ام ارشد:  لا جوه احسن

غسق: كمت نزلت وياها عمو ورائد كاعدين بصاله
من شافني عمو زمخ بيه

ابو ارشد:  تعاااي ليجاااي

غسق: بلعت ريكي ومتفاجئه ليش هيج يصرخ عليه تقدمت خكوه رذت اروحله وخاله لزمت ايدي

ام ارشد:  شرايد منها عوفها البنيه تعبانه وحامل

غسق: وكف كبالي

ابو ارشد:  عليش تسوووين ويا ريتاج فوك ما اخذتي منها رجلها تردين اطرديها من بيتها وانتي تسرحين وتمرحين بي
تره امثالج انه كلش زين اعرفهم

غسق: اني محاجيه وياها ولا الي علاقه بيها

ابو ارشد:  چب ولا كلمه دماراتج حافظها اني شفتي ماعندج احد وهذه عمج بفلس مايشتريج كلتي خليني اچلب بركبه ارشد مثل السمجه تچلب بكشايه

ام ارشد:  صدك تحجي عوفها لا يجي يسمعك يحرك البيت علي راسنه

ابو ارشد: هيه الناقصه يحرك بيتي علمود هيج شكووول بنات شوارع

غسق: مااسمحلمك اشايف عليه ودكول بنات شوارع اني كلت كلبك محروك على بنت صديقك مجاوبتك بس اني مالي ذنب هيه التتجاوز وتحجي
واخر شي هددتني تموتني تريدني اسكت يعني ؟
علما تنفذ تهديدها

ابو ارشد:  لا تبلييين البنت بسوالفج وتاكلين عقل ارشد بيهن تسووين كل هذه علمود مايروحلها ويكرها

غسق: انت ظالم حرام عليك تححي هيج وانت مامفتهم السالفه شنو تقرب مني اكثر رفع ايده وضربني راجدي ردت اوكع بس خاله لزمتني وكام رائد لزم ابو بقيت مصدومه بمكاني حتئ دمعه مانزلت

ام ارشد:  صدك تحجييي شلون تضربها هيج البنيه حامل من كل عقلك

ابو ارشد:  اكسر ضهرها اذا مره ثانيه اتهمت هيج اتهام
طايحه الحظ

غسق: بلعت غصتي وكفت على رجليه درت وجهي شفتها واكفه علدرج تبتسم
عفت خاله تحجي عليه ردت اصعد لزمتني من ايدي

ام ارشد:  لا تصعدين تعاي يمه

غسق: لزمت ايدي ودخلتني للمطبخ احس روحي دتطلع بقيت الوب دمعتي كل شوي تطفر وارجع امسحها
دخلت شربت ماي وابتسامه شماته مرسومه علي شفايفها باوعتلها حسبي الله عليج ربي يجازيج بلدتسوي

ريتاج:  عليييش تتحسبين عليه شمسويتلج انه فوك ما خليتي يضربني ويهيني

غسق: انتي هددتيني اني مجايبه حجي من جيبي ومطيته

ريتاج:  ليش تجذبين شوكت شايفتج علمود اهددج
وبعدين انه لهلدرجه مخاف ربي انتي حامل واهددج
اصلا اني انتضر يوم يوم تجيبين واشتم ريحته

غسق: وانتي شكو تشتمين ريحته؟ 

ام ارشد: ريتاااج طلعي منا

غسق: لا خاله خليها تكمل هيه شكو بلطفل
دخل عمو بقيت اباوع عليهم واحد واحد اريدهم يفهموني

ابو ارشد: لأن من ريحه رجلها الاخذتي من حضنها

غسق: اني مماخذه احد من حضن احد انت رجال جبير رجلك بلكبر  حرام عليك تكون باطل احجي بنصااف اني حجيت هيج وسمعت صوت ارشد ورايه كمت التفتت

ارشد:  عيدي الحجيتي شكلتييييي

غسق: ردت احجي وخاله وكفت كبالي

ام ارشد:  مكالت شيي عوفها

ابو ارشد:  مرتك ينرفع بيها الرااس

غسق: هز ايده وطلع

ريتاج:  صارلها ساعه تتجاوز على عمي بدون مستحه وهو ساكت باجر عكبه تمد ايدها

غسق: سحبني من وره عمه واني روحي راح اوكع

ارشد:  ترحين تبوسين راسه وتعتذرين لا راسج ينكسر

غسق:  لووو اموت هو الحجه عليه هاي خاله والسالها اني ماسويت شي تقرب لزمن من تشيرتي وسحبني خاله وراء تتوسل بي يعوفني وهو ولا يمه شمرني يم رجل ابو

يتبع <>
للكاتبه ود الباشا

اسامــر بالحچــو عني
ما چني انه المغدور ما چني