رواية شوگ و ورد الفصل الثامن والعشرون 28 - بقلم wad. al.Basha

للكاتبه:  ود الباشا

‏"انني أتحول يومًا بعد يوم الى شخص أقل إكتراثًا من قبل، ولا أعلم إن كان هذا افضل مافي الأمر او اسوأه."

غسق:  رفعت راسي واجتي عيني بعين ارشد
خزرني بس اكو ناس واكفه يمه مكدر يجي
اني هم ردتها من الله كعدت مسره بلكوشه وبقيت واكفه يمها اجه غسان كعد بصفها تكترت على صفحه اجه رائد وكف كدامي

رائد: شكد صلفه انتي

غسق: لا تتجاوز وابتعد منا

رائد:  نهايتج على ايدي

غسق: شتحس من واكف كدام مره تهددها ؟
مجاوبني دار وجه وراح باوعت على ارشد واكف نفس وكفته لابس قاط اسود وحاط ايده بجيبه يحجي ويا جماعه واكفين يمه كثرو الناس مادري منين بحيث الحديقه انترست
واكفه بصفحه غسان اضحك واسولف ويا
همس

غسان:  غسق ستري عليه وخلي العرس يخلص بدون مصيبه

غسق: شكو

غسان: لاا سلامتج بس شوفي شلون يباوعلج بلعباس اليوم يكسرج ميخلي عظمه صاحيه بيج على هلنظرات اعترفي شمسويه

غسق: ضحكت ماقبل انزل للعرس واجيت يعني غصب عنه تره خانكني والله لا تشوفني اضحك راد يحجي واجتي خاله وجهه مايبشر بخير

ام ارشد:  غسق دخلي لغرفتج

غسق: ليش خاله

ام ارشد:  راح يتخبل علينا ومالي خلگه والله شوفي واكف على اعصابه

غسق: باوعتله خزرني ماادخل شنو محبوسه تره هو عرس وانتو كلكم موجودين شمعنى اني ادخل

ام ارشد:  اتجفي شره يمه خلي عرس هلمسكين يعدي على خيرر

غسق: ماادخل والله خلي هو يدخل
عافتني ومشت مقهوره مادري شكايللها بقيت ويا مسره اضحك شويه وكامو يركصون كل واحد ماخذله ركن ويا مجموعه ويركص وياهم وركصو چوبي شكد حلو  كامو العرسان يكصون الكيكه واكفه كبالهم اباوعلهم خلصو ركصو سلو مراسيم مثل القاعه شفته اخذ ريتاج يركص وياها وهو السيف ميكص وجه شفت خاله واكفه رحتلها اخذتها من ايدها وركصنا اني وياها وهيه ميته ضحك

ام ارشد:  ولج تالي انه اركص والله اليشوفني يضحك عليه عبالهم تخبلت

غسق: مجاوبتها وبقينا مستمرين باوعت على ارشد يباوع علينا ويضحك ماهتميتله خلصو كعدنا رحت كعد ويا خاله جان اكو مره بعمر خاله رجال يطلع عمره نهايه العشرينات كاعد بصفها

ام ارشد منين هلحلوه شو ضامتها علينا

ام ارشد:  لا والله خطار اجتنا كرايبنا

الله يحفظها ماينطوها لابني موسى

غسق: خاله باوعتلي وضحكت اني مثوله بالي يم كلام خاله ليش من البدايه مكلتلهم اني مصخمه ابنها
جابو الاكل كمت اخذ انسحبت من ايدي

ارشد:  اشش صوت ماريد بلقران ادفنج بنص الحديقه

غسق: مشيت ويا صعدنا فوك شمرني بلغرفه دخل وسد الباب عدلت كعدتي عود اني مخايفه بس والله شكله يخوف وكف گبالي وعيونه ناطات

ارشد:  انه شكلت

غسق: سكتت ماحجيت رجع صرخ اقوه

ارشد:  انننه شگلتتتتت احجي لا تسكتين

غسق: لا تنزلين بس كلهم جوه ليش الا اني وبعدين انت تدري مسره صديقتي شلون تمنعني انزل
تقرب اكثر لزم وجهي بايده عصره حسيت فگي انكسر

ارشد:  لوووو اختج من امنعج ماتنزلييين تاخذييين الحجااايه

غسق: دفعت ايده هسه شتريييد انزل وبكيفي محد يمنعني ميعجبك طلگني

ارشد:  شو بين الحجايه والثانيه وصرختي طلكني؟

غسق: انت كلشي اسوي ميعجبك وبنظرك غلط اني شسووي هسه شمعنى بس اني انحبس بلبيت مو كلكم طالعين ودتتونسووون

ارشد:  غسسق جرري عدل تره ماااريد ائذيج

غسق: وانت هذه الكادر عليه تمشي وتصيح جري عدل شمسويه غير افهم تره ممقصر باذيتي
رفع حاجبه مجاوبني طلع وقفل الباب من بره خلاني اشتعل نار من كل عقله ليييش هيج يسوويي وين يريد يوصل
جريت نفس غيرت ملابسي مسحت المكياج دمعتي بطرف عيني مانزلتها اريد ابطل ابجي على اشياء تافهه واذا ماحضرت العرس يعني شنو شراح يصير مثلاً
فتحت الفراش تمددت اجه ابالي عمو معقوله ضميره مرتاح على السواء بيه ليش بعد ماسأل عني اكيد ممهتم جنت مخدوعه بي جنت اشوف بي بابا يروح فدوه لحنيته غمضت عيني منعسانه بس اريد اشرد من الواقع العايشه بي اريد اشرد من نفسي وتفكيري
كعدت على ايد محاوطه خصري. واني دافنه وجهي بصدره وعطره تارس ريتي كمت من مكاني بسرعه
فز

ارشد:  شبيج؟

غسق: شسوي اهنا؟ باوع علغرفه ورجع باوعلي

ارشد:  اعتقد غرفتي مثل ماهي غرفتج

غسق: اطلع منا مطايقتك ليش تخليني اكرهك اكثر
فرك وجه واستغفر لا تستغفرر وتحسسني شيطان واكف گبالك. كام وكف كبالي

ارشد: بس فهميني شنو التردي بضببط

غسق: طلگني

ارشد: طلاگ ماطلك كطنه وشيليها من اذذنج ومره ثانيه اسمعج تجيبين سيره الطلاك بلقران مارحمج
خليها ابالج لا تخليني ائذيج رالسانج هذه بلعي

غسق: عافني وطلع بقيت كاعده صافنه راح ابتعد منه واعيش الضاهر كلما اريد شغله يسوي عكسها اني هم راح العب نفس لعبته غسلت وجهي ونزلت صبحت على خاله

ام ارشد:  لا تنقهرين والله يغار عليج ماشفتي البارحه شلون عيونه عليج

غسق: خاله اني جنت حاسبته اخ صديق ابو مواقف
ماكدر اتقبله زووج فوكاها متزوج نفسيتي متتقبل هلشي

ام ارشد:انطي فرصه يا يمه انتي هم تتطلكين عندمن ترحين شفتي خالج ودگته وشفتي عمامج مالج غيره والله ابني وانه اعرفنه يحبج بس يشوفج هيج تصدي يتخبل ادللي عليه وسمعي حجايه حلوه شوفي شلون راح يعاملج

غسق: دخلت ريتاج خزرتني اكيد الثانيه سمعت كلام خاله

ريتاج:  ها عمه جنج ناويه على خراب بيتي

ام ارشد:  منو يمج انتي

ريتاج:  مو اسمعج باذني تعلمين بيها تغري ارشد

ام ارشد:  خافي ربج شنو تغري غير رجلها

ريتاج:  والله وكلامه احرگها ومارحم بحالها خليج بعيده احسنلج وانتي خاله لا تعلميها هلسوالف وتخليها تستعجل بموتها تعرفين اخبالاتي

غسق: كمت وكفت باوعت بعينها هييي انتي شنو واكفه تهددين على اي اساااس لا تشوفيني ساكتتلج عبالج فقيره بس اكول حقها خطيه كلبها محروك راااسج اكسررره مره ثانيه تهددين

ام ارشد:  عوفيها هاي مريضه بعمرها ماتنعدل

غسق: بقت تباوعلي بحقد صفنت بوجهي وتقربت رادت تضربني لزمت ايدها نظراتها تخوف

ريتاج:  ارشد مااالي افهمي هلشي واحترمي نفسج وطلعي من حياتنا

غسق: دفعتها وكعت ضهر ضرب الحايط لمت الدنيا بلصراخ دخل رائد وعمو واجتي خاله ام غسان بقبت صافنه عليها متاكده جذابه صح دفعتها بس مو دفعه قويه تقرب يمها رائد كومها وهيه عيونها حمر وتبجي مدري صدك لو جذب

ابو ارشد:  شلون وكعت

ريتاج: غسق دفعتني عمو

غسق: حجتها وكامت تبجي المصيبه هلكد مابجت اني نقهرت عليها وكمت الوم بنفسي تقرب عمو ابتعدت خطوه

ابو ارشد:  وصلتتتت بيج تمدين ايدج عليها

غسق: مجان قصدي ادفعها هي رادت تضربني
بعدني ممكمله وضربني راجدي بقيت مصدومه
خليت ايدي على خدي احس نار تطلع منه ليش تضرب مو المفروض تسمع من الطرفين

ابو ارشد:  ميحتاج اسمع من احد انتي راس الحيه

غسق: باوعت على خاله غمضت عينها بمعنى اسكتي لا تجاوبين

ابو ارشد:  مره ثانيه اذا سمعت طاختها طخه مو ضاربتها ايدج اخليها بركبتج تالي وكت عليه هيج نمااذج

غسق: نفتحت الباب دخل ارشد

ارشد:  ياالله لمه خير ان شالله

ابو ارشد:  ويا هلزباله المخليها ابيتي ماكو خير

ارشد:  ياابه ماكو داعي لهذه كلامك فهموني شصاير

ابو ارشد:  دافعه البنيه من سمها وحقدها على الحايط

ارشد:  انه مووو كتلك لو يتمالخن مالك علاقه

ابو ارشد:  الي علاقه واكسر راسهااا اذا تقربت منها

رائد:  ارشد تره مصايره عليش تدفعها وهي مامسويتلها شي

غسق: مالي علاقه اني خاله واكفه وشاهده هي اجتي تهدد ورادت تضربني

ام ارشد:  ريتاج البدت انه واكفه يمهم والله البنيه انه وياها نسولف هيه اجتي تهد وترد

غسق: ريتاج كامت تبجي بصوت عالي

ريتاج:  مو اكلك عمو ميحبوني شوف عمه شلون ادفعلها بعد مدكول هيه الدفعتني ورادت تاذيني

ارشد:  غسق لغرفتج

ابو ارشد:  خطوه وحده متتحرك ماااريدج ابيتي بهلحظه اطلعييين

غسق:  التفت على ارشد

ابو ارشد:  تاااخذها تردها للزباله الجبتها منها واذا كسرت كلمتييي اتبرره منك

غسق: صدك حزت بخاطري يحاجي وكانو متقزز من شي

ارشد:  ماكو داعي لهذه كلامك
اصلاً انه بعد مابقيها دقيقه اهنا انت المعروف بكرمك وخيرك التارس بطون الناس هيج تسوي انه مراح احاجيك انت ابوي وتاج راسي بس كلامك هذه غلط وانه متاكد مثل ما متاكد هسه انت واكف كدامي   تعرف منو الغلطان

غسق: غصب عني نزلت دموعي اشرلي وعيونه حمر

ارشد:  حضري غراضج يلا ربع ساعه واشوفج كبالي

غسق: صغدت وخاله تتوسل بي لا يسوي هيج بس مستحيل ابقى لميت اغراض الاحتاجها لبست ونزلت شفتهم بلكراج واحد يزمخ بلثاني باوعتلي خاله بقهر

ام ارشد:  لا تقهرين روحج يمه

غسق: بستها وطلعت متحملت عبرتي خنگتني
شافني ارشد اجه اخذ الجنطه لازمها بايد ويدخن بايد
ركبنا السياره

ارشد:  اخذج لبيت ابوج اهناك احسنلج محد يعرف المكان

غسق: سكتت ماحجيت هو هم مبين اعصابه تلفانه من عيونه
وصلنا للبيت هذه اول مره اشوف ادري بابا عنده غير البيت الجنه كاعدين بي بس بعمري مرايحتلهن وهذاك البيت خليل باعه
نزلت فتح الباب دخلنا بي حديقه صغير كراج صغير بس كله تراب مبين متروك من زمان شافني اباوع للبيت بقهر

ارشد:  فتره وترجعين

غسق: لا  احسن شي استقر اهنا ماريد مشاكل اكثر
مححه اكتفى بهز راسه

ارشد: اروح اتسوك تجين تشوفين شمحتاجه؟

غسق: اي
طلعنا ركبت السياره وخليت راسي علجامه

ارشد:  لا تاخذين بخاطرج من كلام الوالد امسحيها بوجهي

غسق: مجاوبته هو هم سكت وصلنا اخذنا الغراض الاحتاجيتهم ورحنا لمطعم تغدينا ورجعنا للبيت دخل شاف الشبابيك وباب السطح تاكد منهم مقفولين

ارشد: ماوصيج الباب ماينفتح ابددد انه عندي مفتاح

غسق: اي

ارشد:  بس لو اعرف الموبايلات وين تشمريهن ارتاح

غسق: اني هم مادري وين تروح

ارشد:  بليل اجيبلج واحد وياي لا تخلين بالي عليج

غسق: هزيت راسي رحت وراء قفلت الباي ورجعت نضفت البيت من فوك ليجوه فوك اكو غرفتين وصحيات وجوه غرفه وصاله ومطبخ وصحيات يعني حلو ملموم اهم شي وحدي ارتاح بس لا قال ولا قيل
جريت نفس براحه اجه ابالي كلام ابو ارشد وتعامله وياي لا اردياً دمعت مسحت دموعي ورحت خليت ملابسي بلكنتور البيت ماثث بس الجوه الغرفه والصاله والمطبخ الفوك فارغ
لليل يلا خلصت تنضيف هلكت من التعب دخلت سبحت خليت المنشفه على راسي وطلعت كعدت كبال التلفزيون اتفرج فلم اندكت الباب كلبي راد يوكف سمعت طكطكه مفاتيح الباب البره نفتحت وندكت باب المطبخ

ارشد:  فتحي انه لا تخافين

غسق: جريت نفس وفتحت دخل بايده علاكه

ارشد: عليشخفتي مو كتلج بليل راجع

غسق: مجاوبته رجعت كعدت بمكاني

ارشد:  ماكله شي

غسق: لا جوعان اسويلك شي

ارشد:  ياريت كلش جوعان

غسق: دخلت للمطبخ جايب بورك وفنكر وهلسوالف قليت منه وسويت طرشي وخليت لبن وسويت جاي خليتهن بصينيه واخذته للصاله شفته حاط راسه بين ايده وجكاره بيده شافني طفه جكارته وكعد بلكاع
كعدت كدام بقيت انكش ويا خلصنا غسلتهم ورجعت كعدت

ارشد:  الوالده بعدها تبجي وراج

غسق: باوعتله ليش ماتجيبها اهنا حجيتها بحماس فرك كصته

ارشد:  لازم اطلكها من الوالد

غسق: لا تضوج بس ابوك مينعاش ويا مثلك الله يساعد خاله ويساعدني رفه حاجبه وبعدين عرفت بنفسي جفصت هو غلس مني مجاوبني

ارشد:  حضري روحج باجر اخذج اجهزين علمود الدوام

غسق: هزيت راسي بدون مااحجي ردت اخلي مسافه بيناتنه تمدد وبقى يباوع علتلفزيون شويه وسمعته يشخر طفيت الاضويه وجبت بطانيه غطيته وداكعد بمكاني لزم ايدي

ارشد:  تعاي لحظني

غسق: منعسانه

ارشد:  ميخالف تعاي لحضني

غسق: حجاها وسحبني

ارشد:  لا تشيلين بگلبج على السويته وياج
مو بقصدي امد ايدي عليج عساها انكسرت ولا انمدت عليج

غسق: يكتت ماحجيت

ارشد:  غسق احبج اكثر من روحي وداعت امي ماكدر اشوف نظرات الكرهه بعيونج

غسق: اني ماكرهك بس هم مداتقبلك وانت عندك كلشي غصب
ابسط شي البارحه مخليتني انزل للعرس مادري شنو السبب

ارشد:  الموجودين كلهم مايدرون انتي زوجتي وماريد تسمعين حجابه تغثج وتنقهرين

غسق: ممكن اسألك سوأل تجاوبني بصراحه غمض عينه ورجع فتحها

ارشد:  اسألي

غسق: انت مو متزوج ريتاج عن حب ؟
هز راسه بمعنى اي
لعد ليش تزوجتني اذا اساس زواجكم مبني على حب

ارشد:  سالفه طويله

غسق: اسمعها ماعندي شي ابتسم

ارشد: رحنا زياره لبيتهم شفتها عجبتني وتكدرين دكولين دك كلبي الها كمنا نروحلهم ويجونا واهنا قوت علاقتنا عجبتني وحتى اسلوبها وكلامها سنه وخطبتها فتره الخطوبه عال العال خلتني احسد نفسي عليها
تزوجنه مر شهر الاوضاع تمام طبيعيه شهر ثاني كأنو بدلوها وحطو مكانها شخص ثاني اسلوووبها زفت ماتحترم لا صغير ولا جبيو كامت تتعارك على ابسط الاشياء ولازم انه الاراضيها وغيرتها دمااار اذا اروح للشغل تخابرني عشرتالاف مره
المهم سلبياتها هواي وانه تغاضيت عنها لأن كلت اختياري واتحمل النتجه وره سنه او سنه ونص اخذت تحليل طلعت حامل ماحجيلج فرحتي هيه رجعت تبجي وتنحب يابه شبيج دكول ماريده شنو السبب
يخرب جسمي بقيت اباوع عليها والحجي ضاع مني
متريد طفل علمود جسمها عود معتقده ومتاكده اذا جسمها خرب بعد ماريدها وماحبها تفكيرها خبلني
مرت الايام وهيه تنك على راسي تنزل الطفل
رفضت واليصير بمسئوليتها

غسق: يحجي مغمض عينه ويسد ويفتح بايده

ارشد:  يوم من الايام طلعت ويا جماعتي رجعت متاخر شويه صعدت شفتها فاقده والنزيف ماخذها تخبلت من شفتها عقلي طار اريد اندل دربي ماكو
اخذتها للمستشفى طلعت بالعه حبوب علمود تسقط
ومكثره بيهم ماخذها النزيف ومكدرو يسيطرون عليه
شالو رحمها ضربتين على الراس
ماكدر احجيلج موقفي من سمعت كامت تبجي وتازمت حالتها النفسيه اهلها اجو يمها وهيه راحتلهم فتره يلا شويه استقرت بس انه كشت روحي منها من يومها مكادر اتقبلها
سبحانه الغيرها بعيني وشالها من كلبي اذت روح بريئه علمود سوالف تافهه ورب العالمين عاقبها عقاب طول عمرها

غسق: هو يحجي واني صافنه هاي مو قليله عزه بعينها كتلت طفلها ماستبعد يجي يوم وتخليني براسها اثر مايلكولي فتح عينه يباوع عليه شافني صافنه
اني هم ردت اذب الطفل فرك وجهه ورث جكارته

ارشد:  ضروفج تختلف غسق متزوجين عن حب وهذه الكتلته ثمره هلحب وهيه ضحت بي وماهمها شي
انتي انغصبتي على هلزواج وادري بيج كارهتني

غسق: ليش دكول كارهتني

ارشد:  مو انه اكول عيونج هيه الدكول

غسق: ماكرهك بس اكرهه من تجبرني على شي

ارشد:  كارهتني ضرب ضربتج طفل وطاح بسببي بعد شنو اكثر

غسق:  احسن شي سويته بقى صافن علييه كمت ركضت للمطبخ شمر عليه باكيت الجكاير
شربت ماي وطلعت شفته على كعدته صافن ماحجيت كعدت على القنفه

ارشد:  احاجيج مو تتخبلين بهليل

غسق: شنو

ارشد:  اريد طفل اريد اشم ريحة طفل اشيله بحضني ابوسه قبل لا اموت ماريد اموت وانه بحسرته

غسق: بلعت ريگي بقيت صافنه عليه وعلى نبره صوته
اجه ابالي كلام ابو من كال جيبي طفل وانطي لريتاج
مادري ليش اجه ابالي متفقين سوه معقوله؟
اي ليش لا كلشي اتوقع منهم

ارشد: وين صفنتي

غسق: اني ماكدر اريد اكمل دراستي

ارشد:  كملي هلسنه والسنه التجي اجليها غسق لا تخليها حسره بگلبي انه ليلي مدانامه ولقران داعض اصابيعي ندم شلون هيج فقدت ومديت ايدي عليج شلون كتلت طفلي بايدي هلمره
بس ارجع اكول يمكن ممقسوملي يمكن بيها خيره

غسق: مكدرت اسمعه اكثر طريقه كلامه ونبره صوته كسر خاطري كمت ترخصت منه درت وجهي اروح للغرفه لزم ايدي خلاني قريبه مني لزم وجهي بثنين ايده

ارشد:  احجيلي شنو ابالج لا تبقين وحدج تفكرين احجيلي شاركيني

غسق: طفرت دمعه من عيني مسحها بطرف اصبعه

ارشد:  لييش الدموع شو باعيلي ركن كلبي
روحي عمري

غسق: ماريد اطفال اني ماعرفك مادري شنو غايتك وياي

ارشد:  تشگين بيه؟

غسق: ماثق بأحد من الاساس الي من لحمي ودمي ضحكو عليه حضني وخله ايده براسه يلعب بشعري

ارشد:  كافي انسي كلشي واعتبري ماحجيت شي

غسق:  ابتعدت منه همست اريد انام ماحجه شي دخلت للغرفه تمددت بقيت افكر بكلامه معقوله عنده غايه وياي معقوله يريد ياخذ الطفل لريتاج لأن شاف ماعندي احد بقت الافكار تروح وتجي براسي علما نمت كعدت الصبح شفته نايم بصفي وراسي على ايده وحاضني بقوه
ماتحركت رجعت غمضت عيني واحس راسي مصدع من كثر التفكير ماريد افكر بشي فزيت من صوته

ارشد:  صباح الخير

غسق: صباح النور

ارشد:  بعدج دتفكرين

غسق: بشنو؟ 

ارشد:  البارحه

غسق: لا

ارشد:  زين يلا كومي نتريك ونطلع نجهزج

غسق: لا تعب نفسك عندي مال العام

ارشد:  ميفيدن اسبح علما تحضرين الريوك

غسق: دخل للحمام جهازه كل شويه يدك لزمني فضول رحت شفته ريتاج
رجعته لمكانه وطلع باوعلي رافع حاجبه
صار ساعه يدك ردت اشوف منو محجه شي عفته ورحت للمطبخ تريكنا وكمت بدلت داريد اطلع من الغرفه دخل بقى يباوعلي من فوك ليجوه وعاض شفته

ارشد:  تره حرام هلكيك كله كبالي وماكدر اذوكه

غسق: بقيت اباوع عليه هو يقترب بخطواته

ارشد:  بس فهميني انطيني سبب ليش اشوف بعيونج كرهه تره ورب الكعبه انه احبج وذايب بيج لا تشلعين گلبي

غسق: ردت بس اشرد من نظراته ومباوع بعيونه
بيوم و ليله تغيرت حياتي ممكن تنطيني وكت استوعب الداعيشه جر حسره وهمس

ارشد:  شورانه ننتضرج يلا امشي

غسق: طلعنا الطريق كله ماحجه بس يجر حسرات وجهازه دقيقه ماسكت تالي غلقه وشمره
وصلنا للسوك نزلنا مد ايده بقيت اباوع عليه لزم ايدي ومشى ارشد هيبه مادري شلون اوصفه بس كجمال مو هلكد هو حلو بس هيبته طاغيه علئ جماله
دخلنا لمحل اشتريت صدريه وقميصين وجنطه

ارشد: اخذي وحده لخ

غسق: ماكو داعي عندي

ارشد:  اخذي بابا تفيدج وشوفي بعد شمحتاجه هم اخذي

غسق: اخذت كل المستلزمات وطلعنا صار گبالي محل ملابس ببيت وداخليات شافني اباوع عليه اشرلي براسه يلا دخلنا اشتريت تراكات تقربت اشتريت داخليات
حسيته وكف ورايه من همس تاكدت هو ورايه

ارشد:  نزلي ذاك الماروني ويا الاخذتيهم

غسق: شكد خجلت بقيت اباوع يا ماروني اكو هواي تالي غلست اجيت لصفحه التراكات عجبني واحد ثاني اخذته شفته تحمحم وحجه ويا البنيه نزلتله واحد ماروني صاير مثل الفستان
دفع الحساب وطلعنا

ارشد:  بعد قرطاسيه؟

غسق: اي
دخلنا مكتبه اخذت الاحتاجهم وشفت كتاب لابراهيم الفقي اسمه قوه التفكير اخذته شافني اخذته  ابتسم
طلعنا وصلنا للسياره خله الغراض بصندوك وركب

ارشد:  مناسيه شي ثاني

غسق: شكراً تعبتك وياي

ارشد:  ياريت كل تعب الدنيا هيج خفيف على گلبي

غسق: ابتسمت اليسمعه هسه يحجي يكول مو هو نفسه ذاك اليوم راد يكسرني لوما خاله لحگت عليه

ارشد:  نتغده فرد مره

غسق: مجوعانه اني
ماحجه رجعنا للبيت رتبت الغراض دخل اتجتف وكف يم الباب جوعان هز راسه

ارشد:  اي

غسق: كمت اروح اسويله شي لزمني من ايدي خله راسه برگبتي

ارشد:  جوعان بيج

غسق: ارشد وخر حباب

ارشد:  لشووكت فهميني شوووكت تكدريت تتقبلين وتريحين لج زوجج انيييي افهمي هلشي استوعبيييي

غسق: مجاوبته هو تخبل كام يجيب ويحجي

ارشد: وليي من وجهي

غسق: انت بلغرفه تره حجيتها واجه لزمني من فچي
يريد حجه علمود يضرب ويحجي ماتصيرله چاره
تفاجئت من حضني بقوه احس عظامي تكسرت جوه ايده باس راسي وطلع استغربت من تصرفه زمخ بيه حجه عليه راد يضربني تالي حضني وباسني سديت الباب كعدت متفاجئه عيونه بيهن كميه من حب
حب.زوج لزوجته
واب لبنته
عيونه من اباوعلهن يلمعن زين ليش مداكدر اصدك بي مداكدر اثق بي احسه هم راح يخدعني هم راح يضحك عليه خايفه ماتحمل كسره ثانيه طلعت ماشفته لا بصاله ولا بلمطبخ فتحت الباب على كيفي شفته كاعد بلكراج يدخن رجعت للمطبخ كعدت خليت ايدي جوه خدي منو عندي اسأله استشيره اخذ رئيه شسوي
دخل باوعلي طابك حواجبه وخرت ايدي عدلت كعدتي

ارشد:  طالع كومي سدي البيبان وراي

غسق: كمت اندارلي

ارشد:  عندي مفتاح لا تفتحيها اذا اندكت جبتلج موبايل تلكي بصاله خابريني اذا صار شي

غسق: تمام طلع وركع الباب مال واحد اعصابه محروكه
قفلتها وسديت البرده ورحت للصاله ابخوش بلجهاز اتصلت ب مسره حافظه رقمها مجاوبتني يمكن لأن رقم غريب شويه ودكت بسرعه رديت عليها اجاني صوت غسان

غسان:  نعم تفضل

غسق: شلونك عريسنا

غسان: ههههههههههه لج انتي بقيتي بي صخااام بوجهج
يوميه مصيبه خرب غيرتج

غسق: ضحت لا اردياً ويا ضحكته والله اني معليه همه حادين اسنونهم عليه

غسان: صبحنا على عياط وصياح شلون مزيقه تخبل

غسق: تعيش وتاكل غيرها احجيلي شصار ورايه

غسان: كل خيرر ارشد رجع كسرلج ريتاج الله وكيلج انه بلحديقه واسمع صرختها بعد حسلي برد كلبي بيها

غسق: تره خطيه

غسان: خطاطه تخططج خوش
ولج هاي حيييه من جوه التبن ماتعرفسها خليج على عمااج احسن

غسق: هسه وينها

غسان:  بلبيت الحجي خابر ارشد يحاسبه لأن ضربها

غسق: ليش هيج يكرهني والله مامسويتله شي حتى ضربني

غسان:  ايده بلكسر ان شالله كولي امين

غسق: شبيك بس ادعي علناس

غسان : احسن هيج اوادم مال تمشي وتفل بنص وجهم

غسق: دنطيتي مسره انت كمت تخرط
انطانيها هو ويضحك سلمت عليها وعتذرت لأن عرسها علنص ودخلت جوه

مسره:  احسن شي سويتيطلعتي منهم لج مغرورين خو هاي ريتاج تاكل الواحد بكشوره

غسق: هاي كله بيومين لج مسره انتي بعدج اسماهم ماتعرفيها

مسره:  مو خاي من ضربها الخبل رحتلها علساس داواسيها شو صاحت بيه الله وكيلج گلبي وكع بلكاع عزه بعينها مو مره طركاعه

غسق: بقينا نسولف خربت ضحك على سوالفها ختمت وياها وتمددتت الموبايل دك
شفته ارشد جاوبته

ارشد:  خايفه

غسق: لا

ارشد:  عادي تبقين وحدج

غسق: اي عادي

ارشد:  اذا تردين اجي

غسق: اذا صار شي اتصل بيك
ماحجه شي بس سمعت صوت حسرته

ارشد:  تصبحين على خير 

غسق: وانت من اهله سديت منه جريت نفس رحت سويت نسكافه وجبت كرزات وحب شمس كعدت كبال التلفزيون شفت ساعه ب 12. كلت بعد وكت تمددت واضحك ويا الفلم ماحس غير الباب تندك طفرت من مكاني علموبايل الخوف سيطر عليه

يتبع <>
للكاتبه ود الباشا

‏"ما عاد يرعبني تبدّل الوجوه، ترعبني مقدرتي على إحالة كُل عزيز بالأمس إلى العدم."