رواية سحر عيونك جنني الفصل الحادي والثلاثون 31 - بقلم سيندريلا

دخلت سلمى مع شذى الفندق ووووقعدوا يستنوه ف التربيزة اللى ورا العمود اللى فيه هشام والبنت
سلمى وشذى قعدوا وقالت سلمى
لسه مجاش هو مش الميعاد دلوقت
شذى:اه زمانه جاى خلينا نشرب حاجه
سلمى:ماشى انا قهوة
شذى:وانا زيك
الجرسون جه وطلبوا القهوة
وسالتها شذى عن احوالها وشويه التليفون رن
جاسر اتصل بيها عمل نفسه الراجل اللى كان هيجى ولغى الميعاد فقالت شذى
لغى الميعاد
سلمى:لغى الميعاد ايه احنا تحت امرة
يلا خلينا نمشى ولو اداكى ميعاد تانى ارفضى وماتقبلوش
شذى:ماشى يلا
وقامت شذى وقعدت ع طول قالت لسلمى
مش دا هشام اللى ف التربيزة اللى ورا العمود
سلمى:انا مش شايفاه العمود مغطى
صوته اهو اسمعى
سمعت سلمى صوت هشام فقالت
اه دا صوت هشام
يلا خلينا نمشى بسرعه
شذى:مش عايزة تطمنى عليه استنى نقعد نشرب القهوة ولما نخلص نقوم نسلم عليه
هو قاعد هو وبنت اكيد قربته
سلمى:يلا يا نور خلينا نمشى
شذى:دا بيقول سلمى اسمعى كده
قعدت سمعت سلمى لقته بيقول
انا مش هسيبها يابنتى
اتقلى كده بس وهتشوفى سلمى جايه لحد عندى
سمعت سلمى الكلام ومش فاهمه او مصدومه او مش مصدقه
كمل كلامه وقال
انتى ماتعرفيش هى بتحبنى ازاى واللى اسمه جاسر دا لو عمل ايه هى هترجعلى انا
البنت:لا بس انت اتصلت بيها مردتش عليك
سلمى:ف الاول بس استنى الشوق ياخدها هتجيلى لحد عندى
البنت:يا هشام سيبك منها وشوفلك حاجه تانيه بعدين انت مش محتاج لفلوسها يعنى
هشام:مش محتاج ايه يابنتى اخوها اكبر رجل اعمال عمل الفلوس دى من هوا ف كام سنه امال لو كمان عشر سنين هيوصل لايه
انا شركتى معاه هتخلينى ملياردير
البنت:انت بتمشى ورا سراب يا هشام
هشام:اشربى انتى بس العصير وسيبى هشام يخطط
سلمى قاعده بتسمع الكلام
ومزهوله
مش مصدقه اللى بتسمعه حاسه انها بتحلم وشذى بتبصلها مشفقه عليها
وبعد ما سمعت سلمى كل الكلام قالت شذى
سلمى خلينا نقوم نمشى
سلمى:................
شذى:سلمى انتى سمعانى؟
سلمى:...............
شذى:سلمى يلا نقوم
سلمى:...............
قامت شذى من ع الكرسى ومسكت ايدها تقومها وقالت يلا يا سلمى نقوم
فقامت معاها وهى مش حاسه بالدنيا وفجاه وقعت
المطعم كله شافها وراحو يساعدوها فشافها هشام ومش عارف ايه اللى حصل ولا ايه جابها ولا اى حاجه
فقرب منها وشلها وطلع بيها على اوضته وجه الدكتور قال انها متعرضه لصدمه شديدة محتاجه تبعد عن اى توتر او ضغط
وكتبلها على ادويه وقال تتاخد ف ميعادها
سال هشام شذى ع اللى حصل
فرفعت حواجبها وقالت
ماتسالش على حاجه ماتخصكش لسه هيرد عليها لقى جاسر جه اللى شذى اتصلت بيه بعد اللى حصل وجه ع طول
اول ما شاف هشام اتعصب جدا وقاله انت ايه اللى مقعدك هنا
هشام:انت اللى ف اوضتى واتفضل اطلع برا
جاسر:اطلع برا يا حيوان يا ........
شذى:خلاص يا جاسر
بلاش شوشرة
خلينا بس نتطمن على سلمى
جاسر:انتى ازاى تخليه يجبها على الاوضه دى
الفندق مليان اوض
شذى:خلاص يا جاسر
تعالى شوف سلمى
لقى سلمى ناسمه ع السرير وكان عايز ياخدها قالت شذى
هتاخدها ازاى كده
مش هينفع استنى بكرة لما تفوق
جاسر:انا لايمكن اسيبها هنا لحظه واحده
شذى:جاسر بلاش عند سلمى تعبانه ونايمه ويستحيل تعرف تاخدها كده
جاسر:...........
هشام:اتفضل بقى من غير ماطرود عايز اقعد ف اوضتى
اتعصب جاسر وكان هيضربه بس هدته شذى وقالت لهشام
مش وقت استفزاز دلوقت
لوسمحت اتفضل انت ف اوضه تانيه
مش هينفع طبعا تقعد هنا
هشام:مش هينفع ليه اوضتى وانا حر اقعد ف المكان اللى يعجبنى وايه اللى يخلنى اروح اوضه تانيه ودى موجوده
جاسر :لا انت زودتها اوى
وضربه بالبوكس ف وشه وقع هشام وقام مسك فيه وضربوا بعض وشذى مكنتش عارفه تعمل ايه فطلبت بسرعه الامن
وجم فضوا بنهم وقال هشام
انا عايز مدير الفندق
دى اوضتى وهما قاعدين فيها
راح الامن جاب المدير اول مادخل لقى جاسر
قال:مش معقول
جاسر باشا عندنا
حضنه وضحك جاسر وقال
يخربيت عقلك يا منصور
انت مالك كبرت كده ليه
منصور:من الهم ياخويا الهم
كل يوم مشاكل وقرف
جاسر:هههههههههههههههه وانا اهو جتلكك بمشكله
منصور:اه بيقولوا ف هنا مشكله هى معاك انت
جاسر:اه
وحكالها فقال منصور
لا طبعا مايصحش
هشام:طيب اتفضل طلعهم برا
بصله منصور وقال
طبعا مايصحش حضرتك تقعد ف الاوضه وفيها المدام
ثوانى وحاجتك هتبقى ف اوضه احسن من دى
هشام:انا مش عايز اوض غير دى
منصور:حضرتك دا فندق تقعد فيه كام يوم كام اسبوع لكن مش تمليك
واوضتك واوضة غيرك
عايز حضرتك اوضه تانيه تمام
مش حابب تقعد ف اوضه تانيه
يبقى حضرتك شرفتنا الكام يوم دول وتقدر تروح فندق تانى
واقف جاسر حاسس بالثقه والشماته
وهشام واقف مش عارف يعمل ايه ومتعصب وقال
انا هوريكوا انا هعمل ايه
منصور:شرفتنا حضرتك
خرج هشام متعصب ونزل الريسبشن تحت
وقال منصور:واحشنى والله يا واد يا جاسر
جاسر:دا انت حبيبى يا مسرور
منصور:ههههههههه يخربيت عقلك انت لسه فاكر
جاسر:طبعا ياباشا
منصور:طيب انا هسيبك بقى مع المدام علشان تطمن عليها ولما تخلص انزلى نتكلم مع بعض زى زمان
جاسر:حاضر من عينى
شذى كانت واقفه تتفررج ع اللى حصل وبتقول
يخربيتك انت تعرف كل الناس
امال لو كنت عايش هنا كنت عملت ايه
قطع تفكيرها جاسر وقال
روحى انتى وانا هفضل هنا معاها
شذى:لالا انا مش هينفع اروح روح انت وانا هفضل معاها
جاسر:لا انا مش هسيبها روحى انتى
شذى:ماشى هتصل بيك بالتليفون اتطمن عليها
نزلت شذى لقت هشام ف وشها قرب منها وقال
انا عايز اعرف ايه اللى حصل
شذى:اللى حصل مايخصكش
واقولك نصيحه
ابعد عن سلمى خالص وماتحولش تكلمها علشان تحافظ على كرامتك اللى هتبعترهالك
وسبته ومشيت
وهى ف الطريق اتصلت بجاسر
وقالتله اللى حصل اتجنن جاسر وقالها
انا نازل القاهرة فورا
شذى:هتنزل ايه انت لسه ماخلصتش شغل
اسر:يولع الشغل انا نازل حالا
وقفل السكه واخد العربيه زى المجنون
شذى روحت ع البيت ومكنتش عارفه تقول لملك وفارس ولا لا وف الاخر قررت انها ماتقولش حاجه وتستنى
لما اسر يجى ويتصرف وطلعت ع طول ع شقتها
هدى لما نزلت تتمشى مع علا علشان حست انها مخنوقه فضلوا يتمشوا وبيتكلموا مع بعض فقالت هدى
انا مش متطمنه للى شذى بتعمله
هى حطت نفسها ف مشاكل هى مش قدها
علا:انا مش قلقنى غير انها حبت اسر
هدى:انتى كمان خدتى بالك
علا:اه طبعا باين اوى
واسر لما يعرف الحقيقه مش هيسامحها ابدا انها ضحكت عليه
واللى زى دا لما حد بيخونه او بيضحك عليه رد فعله هيبقى صعب اوى
وهى مش هتستحمل
هدى:انا قلقانه اوى عليها وبدعلها تخلص من الموضوع دا ع خير
علا:يارب
هدى:وانتى اخبارك ايه واخبار ابن العم ايه
علا:والله يا هدى مش عارفه
اليومين دول كويس اوى معايا وكل شويه يقولى تعالى نخرج انهارده كلمنى علشان نخرج بس انا قلتله انى جيالك وهو اتضايق
مش عارفه بقى
هدى:ايوة بقى ابتدى يغير عليكى مننا
علا:تفتكرى بيحبنى ياهدى
ياسر:طبعا يابنتى دا الحب مكتوب على وشه
وبيموت فيكى كمان
علا:
طيب انتى عامله ايه انا عارفه اننا مقصرين معاكى
هدى:ياستى عادى انا اصلا مشغوله اليومين دول ف المسرحيه وكمان ف شقه ادم ما انتى عارفه
هدى:اه ربنا يقويكى
هدى:عرفتى اللى حصل مع صاحب اسر بسبب الشقه
علا:لا صاحب اسر مين؟
حكتلها هدى ع الموضوع وقالت
علا:سنتين فاقد الذاكرة؟
يااااااااااه دا زمانه حاسس انه تايه
صعب اوى الواحد يعيش سنتين منفصل عن حياته وبعد كده يرجعها تانى
هدى:هو صعبان عليا اوى وخصوصا علشان كان خاطب واحده اسمها ايمان اللى بعتلى الشقه دى
ولما رجع طبعا لقاها اتجوزت
علا:يياااه ربنا يكون ف عونه
هدى:اه يا علا بجد ربنا يكون ف عونه
انا مش عارفه كان قايلى هيكلمن علشان ياخد الحاجت اللى كانت ف الشقه
وماتصلش لحد دلوقت انا قلقانه عليه
علا:نعم
سمعينى كده تانى
قلقانه عليه !؟
اتلجلجت هدى ف الكلام وقالت
اه عادى قلقانه عليه علشان يعنى معرفش ماتصلش ليه ودا رجع بعد سنتين اكيد تايه
علا:تايه اه قلتيلى
ربنا يسترها عليكى انتى كمان
هدى:طيب انا هرجع بقى البيت خدى بالك من نفسك
علا:ماشى وانتى كمان
سبتها ورجعت ع البيت وهى ف طريقها حسام كلمها وكانت ملهوفه علو انت فين
قصدى ماجتش تاخد الحاجه ليه
حسام:انا تعبان اوى ومحتاج اتكلم مع حد وبصراحه ملقتش غيرك اتكلم معاه
هدى:..............
حسام:لو فاضية ممكن اقابلك
هدى:اه
اه فاضية انت فين وانا اجيلك
حسام:انا قدام العمارة اللى فيها شقتى او اللى كانت شقتى
هدى:طيب انا جيالك حالا
راحت بسرعه هدى لقت حسام واقف سلمت عليه وقالتله تعالى نقعد نشرب حاجه ف اى مكان ونتكلم
حسام:ماشى
راح معاها ف كافيه قريب من العمارة
وقعدوا وطلبوا ليمون وقالت هدى
ايه بقى مالك
ف ايه
حسام:ف انى عايش ومش عايش
مبقتش عارف انا مين ولا فين
كل حاجه راحت منى
اصحابى مبقوش اصحابى حبيبتى مش حبيبتى حتى امى الوحيدة اللى بقيت معايا مبقتش موجوده
هدى:انت موجود وكل حاجه ممكن ترجع
حسام:مافيش حاجه هترجع
هدى:بلاش تشاؤم انت هنا واصحابك هنا ليه مكلمتش اسر او ياسر يكونوا معاك
حسام:انا مكلمتهمش علشان حسيت انهم بعيد عنى
مش دول اصحابى بتوع زمان
عندهم حق واحد ميت بقاله سنتين وفجاة يظهر
وكل واحد عنده حياته
انا غريب يا هدى ماليش حد علشان كده كلمتك لانى معرفش غيرك
هدى:لا ليك وحتى لو مش ليك ابدا وكون اصحاب وعيله
حسام:ابدا من جديد!!
كل حاجه ضاعت خلاص وانا نفسى ضعت
هدى:بص يا حسام
انا مش هقعد اقولك كلام نظرى وتقول اللى ايده ف الميه مش زى اللى ايده ف النار
انا عايشه بقالى عشر سنين لوحدى
كنت تقريبا شبه متدمرة بعد ما امى مامتت
وانا وامى اصلا كنا عايشين لوحدنا علشان بابا اتجوز عليها واطلقوا ومن ساعتها معرفش عنه حاجه ولا بيسال عليا
كنت صغيرة ومعرفش اى حاجه ولما ماتت مسبتش نفسى اضيع بالعكس بقيت قويه وعملت اصحاب وشغل وعايشه مبسوطه الحمد لله
حسام:...........
هدى:ماتستغربش اللى عايز يبقى ضعيف هيبقى ضعيف
واللى عايز يبقى قوى هيبقى قوى المهم انت عايز ايه وماتخليش حاجه تقف قدامك ولا حاجه تخليك تفقد الامل ف ربنا وف نفسك
انت لسه الحياة قدامك انت مش عندك 50 سنه ولا 60 سنه علشان تقول ضعت وماينفعش تكمل
واحمد ربنا ان عندك اصحاب حتى لو حاسس انهم بعدوا قربهم من تانى
وفضلت هدى تتكلم معاه وتحاول تديله امل ف الحياة وف الدنياوهو كان مرتاح اوى وهو بيتكلم معاها وف الاخر قالت هدى
انت هتشرب الليون اللى مشربتش منه حاجه دا وهتقوم دلوقت معايا هتتصل بياسر وتشوف ناوى تعمل ايه علشان ترجع شغلك وحياتك
اتفقنا
حسام: ابتسامة اتفقنا
هدى: ابتسامة
اشرب
شرب الليمون وقاموا وقالها وهما بيسيبوا بعض علشان يمشوا
انا مش عارف اشكرك ازاى انا بجد ارتحت اوى للكلام معاكى
هدى:وانا تحت امرك ف اى وقت كلمنى
حسام:متشكر اوى
هدى: ابتسامة
اتصل بياسر وطلب يشوفه فرااحله ع البيت
***********************
ملك لما صحيت من النوم هى فرحانه جدا قامت تحضر الفطار لمامتها ولفارس خلصت تجهيز الفطار صحت مامتها وراحت تصحى فارس لقته صاحى وبيلبس
ملك:ايه النشاط دا من امتى؟
فارس:بس يابت
ملك:بت ف عينك
فارس:البت ف قلبى
اتكسف ملك وابتسمت وقالت
طيب صاحى بدرى كده ليه
فارس:مفيش ياستى رايح افطر برا
ملك:هتفطر مع مين؟
فارس:اقولك وماتزعليش
ملك:لا مش هزعل
فارس:هروح افطر مع ياسمين اتصلت بيا وزعلانه علشان بقالى فترة ماشفتهاش
ملك:والله
طيب كويس روح افطر معاها ماينفعش تسيبها تفطر لوحدها
وسابت الاوضه وخرجت متعصبه قعدت ع السفرة
مامتها:مالك ف ايه
فارس مرديش يصحى ولا ايه
ملك:لا صاحى ونازل
مامتها:طيب مالك
ملك:مافيش يا ماما كلى يلا بالهنا وبدات تاكل
نادى عليها فارس
ملك:نعم عايز ايه
فارس:تعالى عايزك
قامت متعصبه من ع السفرة وراحتلها الاوضه وقالت نعم
تعالى هنا
لما ابقى بكلمك ماتتعصبيش وتقلبى خلقتك كده
انتى فاهمه
ملك:..............
فارس:متضايقه علشان هروح يبقى تقولى ول مش عايزة ماروحش او تيجى معايا
ملك:اجى معاك!!!
فارس:اه تيجى معايا فيها ايه
ملك:ماشى انا هاجى معا
فارس:ماشى البسى بسرعه بس
ملك:ثوانى وهكون جهزة
خرجت بسرعه من الاوضه وجريت ع اوضتها فقالت مامتها
مالك مسربعه ع ايه
ملك:اه معلش يا ماما نسيت
انا هنزل مع فارس هنفطر برا مع واحده صاحبته
مامتها:هتفطروا برا مع واحده صاحبته
ماشى متتاخريش
ملك:مش هتاخر وانتى لو احتاجتى حاجه اتصلى هنجيلك ع طول
دخلت بسرعه ولبست اشيك طقم عندها وبقت زى القمر وراحت لفارس قالت
انا جاهزة
فارس:انبهر بجمالها بس كشر وقال
مش هتيجى معايا
ملك:نعم
انت مش قلتلى البسى ووووووووواخدك معايا
فارس:وقلت كمان لما اكلمك مش تسيبينى وتمشى كده من غير ما تقولى
ملك:انا سبتك ومشيت
فارس:اه قلتى ثوانى وهجهز ومشيت من غير ما اقولك روحى
ملك ضربته ع كتفه وقالت رخم
فارس:وانتى قمر
ملك: ابتسامة
فارس:يلا بينا
نزلوا موع بعض وراح الكافيتريا لقى ياسمين قاعده واندهشت بملك ماشيه مع فارس وقعدوا فقال فارس
ياسمين يا ملك اللى قلتلك عليها
بص لياسمين وقال
ملك بنت خالتى
بصتله ملك وهى متنرفزة علشان عرفها ع انها بنت خالته وبس واتحرق دمها
وقالت ياسمين
اه اتشرفنا
ملك: ابتسامة ميرسى
ياسمين: بس انت ماقلتش انك جاى انت وبنت وخالتك
فارس:اعمل ايه بقى شبطت فيا وانا نازل
بصتله ملك بعصبيه وماتكلمتشوقالت ياسمين
بجد
ملك:لو متضايقه انى جيت وعاويزة فارس لوحدة ممكن امشى ع فكرة وانا مشبطش فيه ولا حاجه هو اللى قالى اخددك معايا
ياسمين:لا ياحبيبتى مش متضايقه بس مستغربه شويه
فارس:خلاص بقى خلينا ناكل
ياسمين:تحب اطلبلك ع ذوقى زى كل مرة
ملك:3ابتسامة 3ابتسامة
فارس:ماشى اطلبى اللى يعجبك ابتسامة
ملك: 3ابتسامة 3ابتسامة
ملك:طيب انا هقوم اعمل تليفون
فارس:تليفون ايه دلوقت؟!!
ملك:دلوقت ولا ممش دلوقت فارقه معاك ف ايه؟
فارس:مالك بتتكلمى كده ليه
ملك:لا عادى عن اذنك
ياسمين:اتفضلى
قمت ملك
ياسمين:انت ايه حكايتك؟
فارس:ايه مالى
ياسمين: يعنى بقالى كذى اسبوع ماشوفتكش وف الاخر جاى وساحبلى معاك
بنت خالتك
فارس:ايه ساحبلك دى وبعدين فيها ايه
وبعدين خدى ع كده بقى
ياسمين:اخد ع ايه
فارس:تاخدى انها هتكون معايا ف اى مكان
ياسمين:تبقى معاك ف اى مكان
1!!!!!
يعنى ايه دا
فارس:يعنى ملك هتبقى مراتى ومش هخرج من غيرها
مش معقول انا اخرج وقابل اصحابى وهى تفضل ف البيت
لازم بردو ادلعها ولا ايه
ياسمين:مراتك
!!!!!!!!!
ايه التغير دا
فارس:مش تغير ولا حاجه
كل الحكايه انى مكنتش حاسس بنفسى
ياسمين:وداوقت حسيت
فارس:اه دلوقت بس عرفت معنى السعاده
ياسمين:..........
طيب الف مبروك
فارس:الله يبارك فيكى عقبالكا نتى كمان
ياسمين:اه ان شاء الله
يلا خلينا ناكل
فارس:هى مل اتاخرت كده ليه
يااسمين:روح شوفها احسن يكون حد بيعاكيها
فارس:ياسمين لما تيجى تتكلمى عن ملك بطلى طريقتك دى علشان مانزعلش مع بعض
انا قايم اشوفها
قم يدور عليها ملقهاش اتصل بيها ع الموبايل لقاه مقفول فقلق اوى عليها ورجع لياسمين وقال
مش لاقيها وموبايلها مقفول
ياسمين:ماتقلقش هتلاقيها هنا ولا هنا
فارس:هنا ولا هنا ايه مش لاقيها بقولك
ياسمين:يبقى روحت
فارس:روحت ؟!!!
ياسمين:اه يمكن اتضايقت ولا حاجه فمشيت
فارس:.............
اتصل اسر بخالته وقال
الو يا خالتو هى ملك رجعت البيت
خالته:لا يابنى مارجعش مش انتوا ماشيين مع بعض
فارس:اه بس قالت هتعمل تليفون وولسه مرجعتش ومش لاقيها
خالته:مش لاقيها ازاى اتصل بيها
فارس:كلمتها موبايلها مقفول
خالته:فارس ملك فين
فارس:ماتقلقيش يا خالتو اكيد هنلاقيها ممكن تكون بتجيب حاجه انا هقف دلوقت اشوفها وانتى لو جت ابقى كلمينى