رواية سحر عيونك جنني الفصل السابع 7 - بقلم سيندريلا

وقعدوا فمال ياسر على اسر وقال
ايه البنت الجااامده دى
عرفتها منين؟
اسر:اخرس دلوقتى
ياسر:ماشى ياعم الله يسهلك
اسر:طيب يلا بينا احنا يا ياسر نسيب البنات مع بعض ونطلع احنا عشان ياخدوا راحتهم
ياسر:هنروح فين؟
اسر:تعالى بس

فقرب من اسر وقال بصوت واطى
هنروح فين ونسيب القمر دى هنا
اسر:....................يلا.....
وخرجوا من الشقه وقاله اسر
تعالى نطلع فوق
ياسر:فوق فين؟
اسر:الشقه اللى فوق
اللى كنا بنجتمع فيها كلنا زمان
ياسر:.......بس احنا بقالنا كتير اووى مطلعنهاش من ساعه ما حسام...............
اسر:تعالى انا جهزتها وبقت تمام يلا
وطلع معاه الشقه وفضلوا يفتكروا مع بعض ايام ما كانوا بيجتمعوا فيها هما وحسام وهشام وامير صاحبهم اللى سافر على امريكا من ساعه ما مات حسام لانه كان اعز صديق عندة واتاثر اووووى لما عرف انه مات
**********************
اما شذى وعلا فكانوا قاعدين مع بعض فقالت علا
انا مش عارفه ايه اخرت اللى انتى بتعمليه ده
شذى:وطى صوتك ملك بنت خالته جوه وممكن تسمعنا
علا:طيب ماشى بس على فكرة انا مش راضيه ع اللى انتى بتعمليه ده ابدا
شذى:ماشى عرفنا خلاص بقى
انا خلاص بديت فى الموضوع ومش هينفع ارجع عنه
شذى:طيب ناويه تعملى ايه فى حكايه الدروس دى
دا انتى اشطر منى فى اللغه
شذى:ههههههههههههه
احنا هنقعد ونحط الحاجات قدامنا وكل مرة لما يسالك قولى اخدنا حاجه جديده وبس
وهما قاعدين بيتكلموا دخل فارس عليهم وقال
ايه دا انا دخلت شقه غلط ولا ايه
وهو مكنش شاف علا قبل كده
فارتبكوا البنات وقالت علا
لا الشقه صح
انت اكيد فارس
فارس: ايه دا ايه دا وكمان عرفانى
لا مش معقول انا بحلم اكيد
معقول فى قمرين عندنا فى الشقه مرة واحدة
وواحدة منهم تعرفنى لا كده كتير اوووى
علا:ههههههه الضاهر ان ياسر عندة حق
فارس: ياسر عنده حق
يبقى اكيد انتى علا صح
علا:صح
فقرب منها وسلم عليها وقال
يا بختك يا ياسر
طيب انتى علا طب القمر اللى جانبك دى تبقى مين؟
فبصت لشذى وبصتله وقالت
دى السيكرتيرة الجديدة بتاعت اسر
فقال فى نفسه
يابن اللعيبه يا اسر
طب والله لهنطلك فى الشركه كل شويه
ولما سمعت ملك صوت فارس خرجت وقالت
احنا عندنا ضيوف ولا ايه؟
فارس:عندنا ضيوف ولا ايه؟
قاعدة فى البيت ومش عارفه مين عندنا؟
ملك:وانت ايه اللى جابك بدرى مش قلت انك هتتاخر
فارس:يعنى معقول يبقى عندنا ضيوف واتاخر
فقالت لنفسها
اه طبعااا مش بنات طبعاا مينفعش
وراحت سلمت عليهم واتعرفت عليهم وهما كمان اتعرفوا عليها واستاذنت ودخلت اوضتها
وشويه ودخل فارس عليها وقال
الواد اسر طلع لعيب على كبير
ملك:.....................
فارس:بتبصيلى كده ليه؟
ملك:مفيش
اخرج عايزة اذاكر
روح اقعد معاهم جيت ليه هنا
فارس:هو بمزاجى بس هما قاعدين وانا مش عارف اتكلم معاهم خااالص فقلت اجى ارخم عليكى شويه
ملك:وانا بقى مش فاضيالك امشى من وشى
وزقته على بره
فمسك ايدها وقال
عارفه لو مفيش حد عندنا انا كنت عملت فيكى ايه؟
فاتالمت ملك من ايده وقالت
اه اوعى يافارس وجعتنى
فارس:احسن
عشان متزوقيش تانى
وفضل تانى ايدها وهى مقدرتش تستحمل فصرخت وقالت
اه اه اه ايدى اووعى اه
ونزلت دمعه من عينيها والدمعه نزلت على خدها ولما شفها فارس حس كان رصاصه نزلت فى قلبه فسبها على طول فراحت اترمت ع السرير وهى زعلانه ومسكه نفسها من العياط
فقرب منها وهو متضايق وقال
خلاص بقى مكنش قصدى
ملك:...........................
فارس:قومى يلا متبقيش عامله زى العيال
ملك:.....................
فارس:والله مش هكلمك تانى لو فضلتى كده قالبه وشك كده
يلا قومى اعتزرى وانا هسمحك عشان زقتينى
فبصتله ملك بعصبيه ومتكلمتش
فقرب منها فارس ونعكش لها شعرها وقال
يلا بقى يا رخمه قومى قومى
فصرخت ملك بصوت عالى
ابعد عنى يافارس
وياريت متجيش جانبى تانى ابدااا
ولا عايزاك تهزر معايا هزارك التقيل ده
وياريت كمان تعتبرنى مش موجوده ومتقربليش ولا حته تتكلم معايا تانى
ماشى؟
فاتضايق فارس اووووووووووووووووى من كلامها وبصلها وقال
كده انتى عايزة كده؟
طيب براحتك انا مش هتكلم معاكى تانى
وخرج ورزع الباب وراه وعدى على علا وشذى وخرج من غير ما يتكلم ولا كلمه ورزع باب الشقه كمان فسمعه اسر فنزل وعرف انه جيه وخرج فاتصل بيه فقال
انا جيت وشفت الضيوف ومشيت
اسر:ومشيت ليه يابنى انا كنت عايزك
فارس:معلش يا اسر انسانى انهاردة احسن انا على اخرى ومش طايق اتكلم مع حد
بكرة نبقى نتكلم
سلام
وقفل السكه وكمل سواقه
فاستغرب اسر وقال
ماله ده؟
شذى:انا مش عارفه هو دخل جوه وخرج متنرفز
اسر:جوه؟
يبقى اكيد اتخانق مع ملك
والله الواد ده هيجننى
ع العموم انا اسف يا جماعه ممكن تكملوا شغل
علا:لا احنا كده تمام
خلى المرة دى تعارف وان شاء الله نبقى نكمل بعدين
اسر:خلاص ماشى
بس انا عايزك تخليها برفكت بسرعه فيا ريت تكترى الايام اللى هتيجى فيها
علا:خلاص ماشى
انا هقول لياسر انا امتى هكون فاضيه وكل ما ابقى فاضيه هاجى اكملها الدرس
اسر:شكراا جدااا ياعلا
علا:ابداا يا اسر على اية؟
ياسر:تمام
يلا بينا احنا بقى نمشى؟
علا:ماشى اوكيه
وهى قايمه سلمت على شذى وغلطت وكانت هتقول يا شذى بس لحقت نفسها وقالت
سلام يانور
شذى:سلام يا علا
فبصلها اسر وقال بصوت واطى
علا بس؟
فبصت شذى للسقف بنرفزة وبصتله وقالت
خلاص انا وهى بقينا اصحاب
يعنى مش لازم اقولها غير علا
ولا عايزنى اقولها علا بيه هى كمان
فابتسم اسر وقال
يعنى بقيتوا اصحاب اطلع منها انا؟
شذى:ياريت
وسلمت علا على اسر ونزلت هى وياسر فقال ياسر لعلا وهما فى الاصنصار
ايه رايك نروح ناكل حاجه احسن انا واقع من الجوع؟
علا:...................افكر
ياسر:انتى هتمثلى؟
علا:ههههههههههههههه
ماشى موافقه
ياسر:يلا قدامى
ونزلوا من الاصنصار وفتحلها باب العربية وركبت وهو ركب وساق العربية ومشى راح على مطعم عشان ياكلوا وطلبوا اكل وقاعدوا اكلوا فقال ياسر
مدلعك انا اليومين دول
علا:ههههههه
اه صح
ياسر:هههههههههه
هتنكرى ولا ايه
امبارح اعزمك على الغدا والنهارده على العشا مش عارف بكرة هعزمك على ايه؟
علا:ههههههههههههه اعزمنى ع السحور
ياسر:للاسف فاضل كتير على رمضان
علا:انت اصلا المفروض تشكرنى انى جيت معاك اصلا
ياسر:ياسلام!!!!!!!
دا انا لو شورت بصباعى ميت واحدة هتجرى عشان تقعد معايا مش تاكل كمان
علا:ههههههههههههههههه
لا صدقتك
هو انت لو كنت لاقى كنت فكرت انك تعزمنى اصلا
ياسر:يا عينى وانتى ايه اللى جبرك تخرجى معايا طالما انتى متاذيه اوى كده؟
علا:يعنى قولت انك ابن خالى وحرام اسيبك لوحدك
ياسر:يا مضحيه بجد صعبتى عليا ومش عارف اشكرك ازاى؟
علا:هههههههههههههههههههه لا ابداا العفو
ياسر:كلى بدل ما ادلق العصير دة عليكى
علا:هههههههههههههه
خلاص خلاص هاكل اهوه
ياسر:هههههههههههههه
*************************
واسر طلع مع شذى الشقه وقالها
لازم بكرة تنزلى تشترى لبس عشان هينفعك ولو مش هتعرفى تروحى لوحدك ممكن اقول لملك تيجى معاكى او اخلى شيرى السيكرتيرة تيجى معاكى
شذى:لا مش عايزة
انا هروح لواحدى
اسر:خلاص ماشى انتى حرة ع العموم لو احتاجتى حاجه اتصلى بيا
شذى:انا مش عارفه النمرة
اسر:اه صح
فجاب ورقه وكتبها عليها وادهلها فاخدتها منه وهى بتبص فى عينه وهو بص فى عينها وفضل مادد ايده ثوانى وهو ساكت وسرحان فى بحر عيونها الحلوين وبعدها نزل بسرعه ودخل شقته ودخل لملك يسالها عن اللى حصل مع فارس
فخبط الباب ففتحتله ودخل وقال
عامله ايه يا ملوك
ملك:تمام
اسر:ايه اللى حصل بينك وبين فارس؟
ملك:مفيش
اسر:كده بردو يا ملك مش عايزة تحكيلى هو ضايقك فى ايه؟
ملك:مفيش ما انت عارف فارس قد ايه بيحب يضايقنى
اسر:اه عارف بس الغريبة ان هو كمان كان متضايق
ملك:..............
اصله مسك دراعى جامد وكان هيكسرة ولا همه فزعقتله وقلتله ملكش دعوة بيا تانى وميتكلمش معايا ويعتبرنى مش موجوده
فقرب منها اسر وقال
متزعليش يا ملك هو مش قاصده ما انتى عارفاه وبلاش هبل
يعنى ايه ولا كانك موجودة
ملك:اه هو ده الحل الوحيد عشان ميضايقنيش تانى
اسر:يعنى ازاى تبقوا قاعدين فى بيت واحد وكانكم متعرفوش بعض
ملك:عادى هو بيسهر لوش الصبح وانا فى اوضتى بذاكر لغايه ما ماما ترجع بالسلامه وهمشى من هنا خااالص
اسر:بس يابت ايه الكلام ده
روحى ارتاحى دلوقتى وانتى هتنسى ولا كان حاجه حصلت
ملك:ماشى انا هنام بس فعلا
انا مش هتكلم مع فارس تانى
اسر:ماشى روحى نامى بس والصبح نبقى نشوف الموضوع ده
يلا تصبحى على خير
ملك:وانت من اهله
.....................اه صحيح يا اسر
اسر:نعم؟
ملك:هيا مين اللى كانت بره مع علا دى
اسر:اه
دى اللى هتبقى السيكرتيرة بتاعتى
اسر:ليه امال شيرى هتروح فين؟
اسر:مش هتروح هتفضل بردو
ملك:ازاى يعنى؟
اسر:بعدين يا ملوك احكيلك ارتاحى دلوقتى
يلا تصبحى على خير
وخرج من الاوضه ودخل اوضته وغير هدومه ونام وهو بيفكر فى شذى
ورجع فارس البيت الساعه 3 الفجر وعدى على اوضة ملك وفضل وافق يبصلها شويه وكمل ودخل اوضته واترمى على السرير ونام حتى من غير ما يغير هدومه
والصبح صحى اسر ودخل الحمام اخد دش ولبس عشان يفطر وينزل فلما خرج من اوضته لقى ملك مجهزة الفطار فقال
والله بنت حلال انا هموت من الجوع
وقعد ياكل فقال
ادخلى صحى الواد اللى جوة ده
فبصتله وقالت
عايز تصحيه صحيه انت
اسر:انتى لسه بردوا
والله انتوا الاتنين عيال
وقام دخل يصحى فارس فقال فارس
مش عايز افطر سيبنى انام شويه
اسر:يلا قوم مش هتلاقى اللى يعملك الفطار بعد ما زعلت ملك
فارس:مش عايز افطر خاالص روح انت وملكش دعوة بيا انا هصرف نفسى
اسر:انت حر انا هخرج افطر وخليك انت كده
بس خلى بالك بالليل لينا كلام تانى
وخرج قعد ع السفرة يفطر هو وملك اللى كانت متضايقه انه مخرجش يفطر معاهم ولما خلص فطار سلم على ملك ونزل ع الشركه وهى لمت السفرة وهى بتحط الاطباق فى المطبخ وقع واحد على رجليها وعورها فصوتت جامد من الوجع فصحى فارس ودخل بسرعه ع المطبخ فلقى رجليها بتنزل دم
فخاف اوى عليها وقال بلهفه
ايه الدم ده?
خليكى
خليكى هروح اجيب القطن بسرعة
فجاب بسرعه القطن والمطهر ووطى عشان يعملها الجرح فقالت ملك
لا شكرا انا هربطه لنفسى
فبصلها بتعصب وقال
مش وقت عنادك ده
شايفه رجلك بتنزف بسرعه ازاى هاتى رجلك يلا
فحست ملك ولاول مرة ان فارس خايف عليها بجد فمدت رجليها وهو مسكها وطهر الجرح وربطها بسرعه وقام وقالها وهو بيبص فى عنيها
حسبى على نفسك بعد كده
وبصلها شويه ومشى دخل الاوضه وحاول ينام معرفش وهى دخلت اوضتها بتعرج من رجليها وساعه وخرج فارس من اوضته ودخل المطبخ بيدور على اى حاجة ياكلها
فطلع من الثلاجة جبنه وعيش وعمل بيض واخدهم على السفرة وقعد ياكل فسمعت صوته ملك وهو فى المطبخ وعرفت انه صحى واكل فارس ولما خلص اكل دخل الاطباق المطبخ وافتكر منظر ملك والدم اللى كان نازل منها فوقف شويه وحط الاطباق وخرج ودخل اوضته واخد دش ولبس ونزل على طول من غير ما يقول لملك ولا حاجه فاتضيقت ملك اووى وقاعدت ومعرفتش تذاكر وفضلت تفكر فيه وهو بيربطلها الجرح ونظرة الخوف اللى كانت فى عينه
***********************