رواية سحر عيونك جنني الفصل السابع عشر 17 - بقلم سيندريلا

وياسر اتصل بعلا عشان يروحوا يتغدو مع بعض فقالت

لا يا ياسر مش هينفع انهارده خالص عندى محاصرة مهمه وبعدها رايحه عند هدى صاحبتى عايزانى ضرورى

ياسر:خلاص بكرة هتفضيلى نفسك غصب عنك عشان عزمك ع الغدى

انتى فاهمه

علا:ههههههه

ماشى وانا معنديش مانع

ياسر:ايوة كده

اسيبك بقى عشان المحاضرة

علا:مع السلامه

وخلصت المحاضرة وراحت على هدى ع الساعه 6 واول ما فتحت سلمت عليها وقالت

وحشانى موت يا هدى

هدى:اه ياختى ما انا لو وحشاكى بجد كنتى سالتى عليا

علا:ما انتى عارفه والله المحاضرات وكمان شذى والكورس اللى بدهولها ده

هدى:ماشى يا ستى عزراكى اقعدى بقى على ما شذى تيجى هى زمانها جايه

وبعد شويه الجرس رن فتحت هدى لقت شذى فسلمت عليها وقالتلها

ادخلى ادخلى علا جوة

ودخلت قعدت فقالت شذى

والله وحشتنى اللم هدى يا بنات

هدى:وانتو والله وحشتونى اوى ووحشنى جنانك يا شذى والله كنتى ماليه عليا الشقه

علا:فعلا والله انا اسعد اوقاتى بقضيها هنا معاكم

هدى:وانا عمللكم بقى شويه اكل هتاكلوا صوابعكم وراه

علا:ا هانا هموت من الجوع

وعلى فكرة انا كنت معزومه ع الغدى ومردتش عشانك

اما نشوف بقى هتاكلينى ايه

شذى:كنتى معزومه مع مين؟

علا:وانتى مالك انتى

هدى:ما انتى عارفه يا شذى بقى هيكون مين يعنى اللى عزمها

شذى:هههههههههههههه

معاكى حق يا هدى

علا:ايوة بدانا بقى

والله انتو عيال رخمه

وانا غلطانه انى جيت

شذى:ههههههههههه

هدى:خلاص يا ستى ولا تزعلى ع العموم ثوانى والاكل هيبقى جاهز

شذى:طيب بسرعه عشان انا كمان واقعه من الجوع

هدى:بسرعه؟

قومى يا بت انتى وهى جهزو السفرة وهاتو الاكل معايا

علا:انتى جايبانا تشغلينا ولا ايه؟

شذى:انتى يا بنتى كنتى رحتى مع اللى عزمك والاكل كان هيجيلك لحد عندك احسن

فضربتها علا بالمخدة وقالت

والله انتى رخمه

رخمه

فطلعت شذى تجرى ع المطبخ ووراها علا وقالت هدى

لعب العيال ده خلوة بعد ما ناكل يلا

ودو الاطباق ع السفرة

فحطوا الاطباق وقعدو ياكلو كلهم وهما بيضحكوا ويهزرو

وموبايل علا كان فى الشنطه وكان صامت وياسر عمال بيتصل بيها وهى مش سمعته وياسر كان بيحاول يتصل بيها لان مامتها تعبت وودوها المستشفى وكان عايز يبلغها ومكنش عارف يعمل ايه وبعدين افتكر انها قالتله انها رايحه لعند هدى وهو كان وصلها لعندها قبل كده فركب العربيه بسرعه وراحلها وطلع رن الجرس

هدى:دام ين اللى جايلى دلوقتى

شذى:انتى تعرفى يا بت حد غيرنا وعزماه ع الغدى ولا ايه؟

هدى:ولا حد ولا حاجه

اما اقوم اشو فمين

فراحت هدى تفتح الباب فلقت ياسر فوشها وهى مكنتش شافته قبل كده عن قرب فقالت

ايوة مين حضرتك

ياسر:اسف بس علا بكلمها من بدرى ومبتردش انا ابن عمتها وكنت عايزها ضرورى وهى قالتلى انها عندك

هى موجودة ولا مشيت

فاول ما قال كده عرفت انه ياسر فاتخضت جدا عشان شذى وهيعرفها فمكنتش عارفه تعمل ايه فقال

اه

اه هى هنا اتفضل ادخل

ياسر:شكرا بس لو سمحت ناديلها

هدى:طيب ثوانى

فدخلت بسرعه وقالت

ياسر بره

علا:ياسر مين

هدى:ياسر ابن عمتك

شذى:ايه؟

ياسر لوحدة بره ولا ايه هو جيه ازاى

هدى:اهدى اهدى هو بيقول انه بيكلم علا ومبتردش وكان عايزها ضرورى

علا:اه صح انا نسيت موبايلى صامت بعد المحاضرة عايزنى فيه ده مخليه يحيلى لحد هنا

هدى:اطلعى شوفيه بسرعه

فقامت علا وراحت لعنده فقال

تعالى معايا بسرعه يا علا

علا:اجى معاك فين وليه؟

ياسر:تعالى بس وانا فى الطريق اقولك

علا:ياسر قولى ف ايه انت قلقنى اوى

ياسر:مافيش حاجه قلتلك تعالى وانتى هتعرفى يلا بسرعه

علا:طيب ثوانى اجيب شنطيتى

ودخلت جوة واخدت شنطتها وبصت لشذى وقالت اتطمنى مش عارف انك هنا بيقول عايزنى ضرورى هروح معاه اشوف الموضوع ايه واشوةفك بكرة ان شاء الله

وحضنتها وبستها

شذى:ابقى طمنينى

علا:ان شاء الله

وحضنت هدى وقالت

ميرسى ع العزومه الحلوة دى يا هدهد يلا تصبحى على خير

وخرجت للباب وقالت لياسر

يلا انا جاهزة

وقفلت هدى الباب ودخلت وهما نزلوا ع السلم وركبوا العربيه وقالت علا

ها ايه الموضوع يلا بسرعه

ياسر:اهدى بس كل الموضوع ان عمتو تعبت شويه وديتها المستشفى

علا:ايه

ماما

وهى عامله ايه؟

ياسر:اهدى بس هى الحمد لله كويسه ومافيهاش اى حاجه كل الحكايه جتلها غيبوبه السكر وهتبقى كويسه ان شاء الله

علا:طيب بسرعه ياياسر انا قلقانه عليها

ياسر:اتطمنى مافيش حاجه

وفضل سايق لحد المستشفى وراحت لوضه مامتها اللى كانت نايمه ولقت الدكتور فسالته فقال

اتطمنى هى غيبوبه السكر وان شاء الله بكرة هتكون كويسه بس اهم حاجه بلاش السكريات

مامتك عنيده اوى

لازم تظبطى معاها وبلاش عند

علا:ان شاء الله يا دكتور

ياسر:الحمد لله ادينا اتطنا اهو وان شاء الله خير

تعالى بقى اوصلك البيت علشان تروحى

علا:لا انا هفضل هنا

ياسر:هتفضلى هنا فين ماينفعش

هى كويسه والحمد لله وانتى تروحى علشان تقدرى تروحى الجامعه بكرة وانا من الصبح هاجى اخدك لعندها

علا:بس.............

ياسر :مافيش بس يلا انجرى قدامى

ومشيت علا معاه ووصلها للبيت وهما تحت البيت قالت

متشكرة يا ياسر على اللى انت عملته

ياسر:عملت ايه يابنتى دى امى وبعدين انا معملتش حاجه

يلا بقى تصبحى على خير ولو احتجتى اى حاجه اتصلى بيا ع طول

علا:ماشى

خلى بالك وانت سايق

ياسر:لا اله الا الله

علا:محمد رسول الله

وطلعت علا الشقه وهو روح البيت وطمن مامته عليها وغير هدومه ونام

***************

اما شذى فبعد ما نزل ياسر سلمت على هدى ونزلت ع طول راحت الشقه وكان اسر روح ونام قكانت تعبانه فطلعت نامت ع طول فنامت

يتبع