رواية سحر عيونك جنني الفصل التاسع والخمسون 59 - بقلم سيندريلا

علا:.............
شذى:علا انتى سبتى ياسر
علا:ماتشغليش بالك انتى
شذى:سبتى ياسر بسببى
بسبب انك خبيتى حقيقتى
علا:شذى قلتلك مش انتى السبب
كده احسن
الظاهر انى كنت غلطانه لما ارتبطت بيه
طلع انسان قاسى معندهوش قلب
انانى مبيفكرش غير ف نفسه
فضلت تعيط شذى وتقول انها السبب وعلا تحاول تهديها وتقنعها انها مش السبب
وان كده احسن
**********************
سلمى اتصلت بفارس وياسر وكان معاهم امير علشان يجوا ياخدوها ويروحوا الاوتيل زى ما شذى قالت
وف العربية قال ياسر
انتى عرفتى منين
سلمى:من شذى
ياسر:تقتل القتيل وتمشى ف جنازته
سلمى:ايه اللى انت بتقوله دا يا ياسر
شذى مالهاش ذنب
هى صحيح غلطانه انها خدعته بس هى بتحبه بجد
ياسر:حب ايه دا اللى يخليها تخدعه وتمثل عليه
وتقدر تبص ف وشه وبتطعنه من ضهره
سلمى:شذى مطعنتهوش من ضهره بالعكس
لولا شذى كان زمان دلوقت اسر مسجون
ياسر:انتى بتقولى ايه؟
سلمى:بقول اللى حصل
القضية اللى ف لندن لاولا ان شذى بلغت البوليش وقالت ان اسر هو اللى مبلغ ومتفق مع الشرطه كان زمانه
راح فيها
ياسر:...............
سلمى:مش بس كده هى ساعدتنا كلنا
ساعدتنى انا شخصيا
وكانت جانبى لما جاسر كان متصاب
امير:مش بس كده
هى كمان ساعدتك يا فارس
فاكرين لما قلتلكم بنت خالتى تعرف واحد من الشرطه وهدد كريم
بنت خالتى دى تبقى شذى
ياسر:مش ممكن
امير:شذى تبقى بنت خالتى
وهى اطهر انسانه ممكن تقابلها
وجودها ف حياة اى حد مكسب
لازم تساعد كل اللى حوليها
واذا كانت عملت اللعبه دى فهى عملتها لانها بتحب شغلها
لانها بتسعى ورا الحقيقه
ولو مكنتش حبت اسر بجد مكنتش كملت علشان تبقى جانبه
حسام:احنا لازم نرجع اسر لشذى
ياسر:نلاقيه بس الاول وكل حاجه تتحل بعدين
راحوا الفندق ولقوة موجود فعلا ف اوضة 117
طلعوا كلهم عليه اتفاجئ لما شافهم
انتو عرفتوا مكانى منين
سلمى:انت ازاى تختفى كده ومتسالش عن حد
انت مش عارف اننا هنموت من القلق عليك
اسر:تقلقوا عليا من ايه
انا مش عيل صغير
ياسر:مش عيل صغير بس انت تليفونك مقفول ومش عارفين عنك حاجه بقالك يومين
اسر:ماتقلقوش ادينى قدامكم اهو لسه عايش
امير:طيب يلا نرجع البيت علشان عايزين نتكلم
اسر:نتكلم ف ايه
انا معنديش كلامه اقوله ولا عايز اسمع كلام من حد
فارس:لا هتسمع
علشان انت تهمنى
اسر:وانا قلتلكم مش عايز اتكلم ف حاجه
حسام:اسر انت لازم تسمع احنا عايزين نقول ايه
انت فاهم الموضوع غلط
شذى...........
اسر:لو سمحت
حسام:...........
اسر:انا مش عايز اسمع الاسم دا تانى
ومحدش فيكم يحاول يتكلم معايا ف الموضوع دا علشان ماخسرهوش
امير:للدرجادى
اسر:واكتر من كده
مش هينفع يتضحك عليا تانى كفايه اوى كده
كفايه اتخدعت ف صاحبى
وطلع عينه على فلوسى وبيستغل اختى
وكفايه اتخدعت ف اللى حبتها من قلبى وكنت مستعد اخسر الدنيا علشانها
وطلعت كدابه وبتطعنى من ضهرى
سلمى:اسر انت فاهم غلط
شذى مظلومة
اسر:مظلومه؟
فارس:ما انت لازم نقعد ونتكلم علشان تفهم
حسام:انت ماينفعش تسيب شذى
اسر:قلتلكم مش عايز اسمع الاسم دا تانى
ولا عايز اقعد هنا ثانيه واحده
فارس:يعنى ايه؟
اسر:يعنى انا طيارتى كمان ساعتين
عن اذنكم لازم امشى
سلمى:هتسافر فين
اسر:مسافر لندن ومش راجع تانى
فارس:انت بتقول ايه
اسر:بقول اللى سمعتوه
ياسر:طيب والشغل
انت وحسام وسلمى موجودين وتقدروا تشيلوا الشغل
حسام:اللى انت بتقوله دا جنان
اسر:مش مهم
خلينى اتجنن شويه
كفايه قضيت حياتى عاقل
سلمى:اسر ارجوك ماتعملش كده
انا محتاجالك
اسر:وانا محتاج اكون لوحدى
فارس:انت مش هتسافر وتسيبنى
اسر:لا لازم اسيبكم
هعيش لنفسى بقى شويه
مش دا كلامك
امير:اسر بلاش التعصيب يخليك تاخد قرارات تندم عليها بعد كده
اسر:حتى لو ندمت عادى
ما انا ياما ندمت
حسام:اسر انت ماينفعش تسافر
اسر:اللى ماينفعش صحيح انى افضل هنا
خرج من الاوضه وهما وراه
سلمى:اسر ارجوك استنى
مشى اسر وهما وراه ومش بيتكلم ولا عايز يقف ولما وصل لتحت وقف تاكسى وقرب من سلمى
ومسك ايدها الاتنين
وقال
عايزك تفضلى قويه زى مانتى
عايزك تاخدى بالك من نفسك ومن فارس
وباص ايدها وراسها وبص لفارس وقاله
اختك امانه ف رقبتك
وركب التاكسى ومشى
يارس:كل حاجه باظت كل دا بسبب الكدب والخداع
شذى كدبت على اسر وادى النتيجه اهى
ضيعته من نفسه
حسام:حرام عليك يا اخى انت مابتحسش
البنت معملتش حاجه
دا شغلها
وكفايه بقى اللى حصلها
امير:حصلها؟
سلمى:حصلها ايه؟
حسام:...........
سلمى:هى شذى مالها يا حسام
ماقدرش يسكت حسام وقالهم ع اللى حصل الكل حس بالاسف ليها
ومكنوش مصدقين اللى حصلها
فقالت سلمى احنا لازم نوقف اسر دلوقت حالا
لفوا بالعربيه تانى وراحو ع المطار وف العربيه ياسر كان سرحان ف علا
وحس انه كان غلطان ف اللى عمله
وانها اكيد متضايقه على صاحبتها زى ماهو متضايق على صاحبه
حس انه عايز يروحلها ويعتزرلها بس كان لازم يلحق ياسر الاول
طلعوا ع المطار بسرعه والكل كان بيجرى يلحقه قبل ما يطلع بس للاسف اول ماوصلوا كانت الطيارة طلعت
سلمى:مش ممكن
حسام:اسر ماينفعش يسافر ويسبها
امير:هنعمل ايه دلوقت
فارس:مفيش حاجه تتعمل
الطيارة طلعت
ياسر:...............
سلمى:احنا لازم نتصرف
ياسر:مافيش حاجه نعملها
الطيارة طلعت زى مانتى شايفه
مفيش غير اننا نستنى لما يوصل ويكلمنا ونقوله
سلمى:مش هيرضى يسمع حاجه ف التليفون
فارس:مافيش غير اننا نحط امل ف كده
حسام:ليه يا اسر
ليه؟
ياسر:يلا نروح نشوف شذى
سلمى:يلا
طلعوا كلهم ع المستشفى وف الطريق ملك كلمت فارس علشان تطمن على اسر فحكالها ع اللى حصل
طلبت منه انه يجى ياخدها علشان يروحلها
فنزل هو من العربيه ركب تاكسى وراح اخد ملك ع المستشفى
وصلوا هما الاول ع المستشفى اتفاجئت شذى بيهم وكانت حاسه بالخجل
جريت سلمى عليها واخدتها ف حضنها وهى قعدت تعيط فقالت سلمى
ماتقلقيش كل حاجه هتتصلح وهترجعى لاسر وهتقومى بالسلامه
شذى:...........
ياسر:انا اسف يا شذى ع فكرتى الغلط
مش عارف اقولك ايه
شذى:انا اللى بعتزلكم على كل حاجه عملتها
وبجد اسفه انى خربتلكم حياتكم
سلمى:بالعكس انتى صلحتى حياتنا بوجودك
دخلت ملك وفارس وقال فارس
المزة لازم تبقى واحده من عيلتنا
ابتسمت شذى وملك كانت بتحضنها وقالت
المرة دى مش هزعقلك علشان بتقولها مزة
علشان هى مزة واحلى مزة ف الدنيا
شذى:ربنا يخليكم
انا بجد مش عارفه اقولكم ايه
سلمى:ماتقوليش حاجه قومى بس انتى بالسلامه
شذى:لاقيتو اسر؟
سلمى:اه لقيناه ف الاوتيل زى ما قلتى
شذى:..........
سلمى:هو لسه مايعرفش كل اللى عملتيه علشانا ولا يعرف انك ف المستشفى
شذى:الحمد لله
ارجوكوا انا مش عايزة اسر يعرف حاجه
ياسر:انتى بتقولى ايه
لازم طبعا يعرف ويبقى جانبك
شذى:ارجوكم مش هينفع لو بجد غاليه عليكم بلاش تخلونى احس بالشفقه منه
سلمى:شفقه ايه
اسر بيحبك
شذى:وانا مش عايزاه يرجعلى لما يعرف باللى حصلى
مش عايزة اصعب عليه
امير:هو لازم يبقى جانبك وانتى هتقومى وتمشى تانى ومفيش و لا شفقه ولا غيره
شذى:ارجوكم
اسر مش لازم يعرف لو بتحبوه بجد وبتحبونى
حسام:اسر لازم يعرف يا شذى
شذى:لا مش لازم يعرف
امير:شذى اسر سافر لندن وقال انه مش راجع تانى
مسافر وهو فاكر انك كدبتى عليه
لازم يعرف ويرجع علشان يبقى جانبك
شذى:سافر
سلمى:بس احنا هنكلمه ويرجع
كانت شذى على وشك انها تعيط بس مسكت نفسها وقالت
كده احسن
اسمعونى كلكم
اسر لو عرف اى حاجه عنى مجرد مايرجع انا هختفى ومش هتعرفوا عنى حاجه
سلمى:ايه اللى انتى بتقوليه دا
شذى:بقول اللى ماينفعش يحصل غيره
امير:اللى بتقوليه دا جنان وماينفعش
شذى:ارجوكم دا قرار
خلاص الحكايه كده خلصت
هو يعيش حياته وانا اعيش حياتى
كفايه التعب اللى سببتهوله
سيبوه يرتاح
سلمى:شذى......
شذى:ارجوكوا
افهمونى
فارس:انتى ليه عايزة تستحملى كل دا لوحدك
شذى:علشان انا السبب ف كل اللى حصل وانا اللى لازم استحمل العواقب
طول القاعده كان ياسر بيبص على علا
وف عينه كلام كتير نفسه يقولهولها ويعتزرلها بس مكنش ينفع والكل موجود بيحاول يقنع شذى
وف اخر القاعده
الكل اتفق انهم مش هيقولوا لاسر حاجه وقرروا يسمعوا كلام شذى مؤقتا
لحد ما تعمل العمليه وتمشى وكمان اسر يكون هدى وقادر يسمع
*******************
كل واحد راح على بيته ماعدا ياسر فضل قاعد وطلب من علا انهم يروحوا يتكلموا رفضت
انها تسيب شذى فشذى قالت
يلا روحى هدى معايا اهى
علا:..........
راحت علا معاه اول ماقعدت قال
انا عارف انى مهما اعتزرت انتى مش هتقبلى اعتزارى
بس انتى عارفه انا بكره الكدب قد ايه
وعارفه انى لما بكون متعصب بقول كلام مالوش لازمه
ومبعرفش احكم ع الامور كويس
علا:بالعكس انا متقبله اعتزارك
ياسر:يعنى سامحتينى
علا:اكي سامحتك
انا بسامح كل الناس
وانت ابن عمى يعنى لازم اسامحك
ياسر:ابن عمك؟
علا:اه ابن عمى
ياسر:..........
ابن عمك بس
علا:...........
ياسر:ابن عمك بس يا علا
علا:اه ابن عمى وبس
انا صحيح سامحتك ع اللى حصل وعن تجريحك ليا
علشان انت كنت متعصب
بس مش هينفع اربط حياتى بانسان انانى زيك
ياسر:انا انانى يا علا
علا:انت انانى ومابتسمعش غير لصوتك بس
وانا مش هقدر استحمل
عن اذنك
لازم اروح اشوف شذى
قامت علا وراحت لشذى وهو فضل مصدوم وشويه وقام روح لقى حسام حكاله اللى حصل فقال
عندها حق
لما تعرف انت تتغير ابقى حاول اقنعها بيك
ودخل اوضته وقافلها واتصل بهدى يتطمن عليها وبعدين نام
سلمى وملك وفارس روحوا طمنوا خالتهم وقال فارس
انا هروح البيت وهعدى عليكم الصبح
خالته:هتروح ليه يانبى ماتخليك هنا معانا بدل ما تبقى ف البيت لوحدك
سلمى:اه يا فارس خليك معانا
فارس:طيب ماشى
فضل عندهم فارس ف الشقه وسلمى دلخت تنام مقدرتش حاسه بالوحده والخوف بعد ما اسر
سافر
محستش بنفسها وهى بتاخد التليفون وبتكلم جاسر واول ما قال الو انهارت من اليعاط
جاسر:الو
سلمى
سلمى انتى سامعانى
سلمى مالك
ماتقلقنيش عليكى
انتى بتعيطى؟
هديت سلمى شويه وقالت
انا اسفه
جاسر:سلمى فيكى ايه؟
سلمى:جاسر انا محتجالك اوى
جاسر:..............
سلمى:..............
جاسر:ف حاجه حصلت معاكى
سلمى:اسر سافر ومش راجع تانى
انا بقيت لوحدى
جاسر:انتى مش لوحدك
انا معاكى
سلمى:.............
جاسر:سلمى انتى سامعانى؟
سلمى:سامعاك
جاسر:طيب اهدى واقرى قراءن ونامى والصبح هتبقى احسن
سلمى:انا اسفه انى ضايقتك
جاسر:لا ماضيقتنيش
انتى بس المهم تهدى وتنامى
سلمى:شكرا
جاسر:مع السلامه
قفلت معاه سلمى وندمت انها كلمته ونامت ع السرير حاولت ماتفكرش وتروح ف النوم
وتانى يوم راحت لشذى وقعدت معاها شويه هى وملك
وياسر قابل حسام وفارس علشان الشغل
وكلموا سلمى راحتلهم ع الشركه
وحاولى انهم يظبطوا الشغل ف غياب اسر
وفضلوا يشتغلوا لحد الساعه 6
بعدين الكل روح ع بيته
جرس الباب رن فرحت سلمى تفتح الباب لقت جاسر قدامها
اتفاجئت لما شافتها ومعرفتش تتكلم فقال جاسر
مش هتقوليلى اتفضل
سلمى:...........
اه
اتفضل طبعا
دخل جاسر فقالت سلمى
انت ازاى هنا
جاسر:زى ما انتى شايفه ركبت الطيارة وجيت
سلمى:..........
قرب منها جاسر وقال
ماينفعش تبقى محتاجانى ومبقاش موجود
سلمى:.................
جاسر:ماينفعش تخافى وانا موجود
سلمى:بس انا مش عايزة اقلبلك حياتك
سلمى:حياتى اصلا ملكك
اعملى اللى انتى عايزاه
سلمى:............
قطع كلامهم فارس بيقول
احم احم
هو انا كيس جوافة قاعد ف الاوضة ولا ايه؟
جاسر:فارس
انا اسف انى جيت من غير ميعاد ودخلت كده بس
انا كنت عايز اتطمن على سلمى
فارس:ممممممممممممم
ماشى ولا يهمك
حمد الله ع السلامه الاول
جاسر:الله يسلمك
فارس:اتفضل اقعد
جاسر:لا انا كنت ماشى
فارس:خليك اتعشى معان
جاسر:مرة تانيه ان شاء الله
سلمى:............
جاسر:يلا عن اذنكم
راحت سلمى وصلته ع الباب فقال
هعدى عليكى الصبح نفطر سوا
سلمى:انا الصبح هروح لشذى المستشفى بعدين هروح الشركه
جاسر:يبقى اوصلك لشذى وبالمرة اشوفها
سلمى:ماشى
قفلت الباب وبصت لفارس وهى مكسوفه وهو بصلها وابتسم ابتسامه خبث ودخل على اوضته
هى دخللت وهى مبسوطه انه رجع بعد ما كانت متضايقه منه حست انها محتاجاله بجد
وحست بامان اول ما شفته قدامها
وتانى يوم فطروا وقال فارس يلا علشان اوصلك يا ملك الكليه وبعدين اطلع ع الشغل فنزلوا مع بعض
وجاسر وقف قدام البيت وسلمى نزلتله وف الطريق سالته سلمى
هيرجع امتى تانى فقال
هرجع لما تقوليلى ارجع
سلمى:...........
كملوا الطريق من غير ولا كلمه طلعوا عند شذى وسلم عليها وقعدوا شويه وكانت
شذى مبسوطه انه رجع لسلمى وشويه ومشيوا وصلها للشركه
وبعد كام يوم كانت شذى بتجهز للعمليه والكل كان جانبها
دخلت شذى عملت العمليه وبعد شهر من العلاج الطبيعى مافيش اى تقدم
الكل كان حزين وحاسس بالاسى بس كانوا دايما يصبروها ويقوها
ويدوها امل
وخلال الشهر دا جاسر قرب اكتر من سلمى وسلمى مبقتش تتخيل انها ممكن تعيش من غيره
واسر ف لندن بيكلمهم كل فترة ومابيعملش حاجه ف حياته غير السهر والخروج
وامير عمل حادثة ف الموقع ورحوله كلهم ولما عرف اسر كان بيتصل بيهم كل يوم يتطمن عليه
وكان عايز ينزل مصر علشانه بس مقدرش
حسام فات هدى ف موضوع انهم يتجوزوا بس هى قالتله لازم تتاجل شويه لما يتطمنوا على شذى
ياسر كان بيقابل علا وبيتصرفوا ببرود
كانت علا بتكابر وتقاوم حبها لياسر
وعدى شهر كمان والتالت وعملت شذى عمليه تانيه بس بردو من غير اى تقدم بدات تفقد الامل
بس الكل كان جانبها
وطلبت من هدى وحسام انهم يتجوزوا علشان مش عايزة تحس انها السبب فانهم ياجلو الجواز رفضوا ف الاول
بس هى اصرت عليهم
وحضروا للجواز وحسام طلب من اسر انه ينزل مصر علشان يحضر فرحه
بس اعتزر اسر انه مش هينفع يجى
اصر عليه حسام بس هو كان رافض بشده وخصوصا ان هدى تبقى صاحبه شذى
وماقدرش حسام يقنعه
وعملوا الفرح والكل كان مبسوط وهدى وحسام كانوا هيطيروا من السعادة وسافروا فرنسا يقضوا شهر العسل وكانو احلى ايام حياتهم
ورجعوا بعد اسبوع عسل
عدى 3 شهور كمان عليهم
الكل فيه كان بيقرب من بعضه جاسر كان نفسه يطلب ايد سلمى بس كان خايف
ياسر حاول كتير يدوب التلج اللى بينه وبين علا بس مكنش بينجح
فارس طلب من ملك انهم يتجوزوا هما كمان وخصوصا انها خلصت الكليه
بس هى كانت بترفض قبل ما اسر يرجع
وف يوم عرفو ان امير ف المستشفى عنده سرطان وهيعمل عمليه نقل نخاع
الكل كان جانبه واسر عرف انه هيعمل العمليه كان قلقان عليه ومقدرش يستنى ف لندن فنزل مصر
يوم العمليه وكان جانبه
الكل فرح انه رجع مصر
واكتر واحده هى شذى اللى كانت ماكده عليهم انهم
مايقلوش حاجه والكل احترم رغبتها ومحدش قدر يبلغه
وعمل امير العمليه ونجحت فقعد اسر يومين ف مصر معاه لحد ما اتطمن عليه وبعدها قال انه هيسافر محدش قدر يمنعه وبالليل
لقى اسر دكتور يوسف بيكلمه وسلم عليه وطلب يشوفه
فراح اسر لعنده ع المستشفى فسلم عليه
دكتور يوسف
انا عايز اطلب منك طلب
اسر:اتفضل طبعا
دكتور يوسف:ف عندنا مريضه وقعت من ع السلم وبسبب حركتها الغلط علشان تحاول تقوم
اثر على العمود الفقرى ومبقتش تمشى
الحاله دى
زى الحاله اللى كنت عملتلها عمليه قبل كده ونجحت وقدرت تمشى
فانا بطلب منك تعملها العمليه علشان تقدر تمشى
اسر:بس انت عارف انى بقالى كتير مبعملش عمليات جراحيه
يوسف:عارف
بس الحاله دى عملت كذى عمليه وللاسف منجحتش وانت الوحيد اللى تقدر تساعدها
اسر:بس انا مسافر بكرة
يوسف:اجل السفر شويه
اسر:...........
يوسف:ارجوك
الحاله دى تهمنى
اسر:انا مش عارف اقولك ايه
يوسف:قلى هات الاشاعه ابص عليها علشان تحدد ميعاد العمليه
اسر:ماشى وانا مش هقدر ارفضلك طلب
يوسف:متشكر جدا يا اسر
بسرعه طلعله الاشاعه وتشخيص الحاله وقال
انا هجهز بقى المريضه انها تدخل اوضة العمليات كمان يومين
اسر:الظاهر ان الحاله تهمك اوى
يوسف:فعلا
مهمه جدا
مشى اسر بعد ما شاف التشخيص والاشاعه وقرر يعمل العمليه
فاتصل يوسف بشذى وقالها انها لازم تتحضر للعمليات
المرة دى اكيد العمليه هتنجح
شذى:انا بشكرك علشان وقوغك جانبى بس انا بجد تعبت
من العمليات والعلاج الطبيعى ومفيش فايده
دا قدرى وانا مؤمنه بيه
ومش عايزة حاجه تانى خلاص
يوسف:انتى مش لازم تفقدى الامل
ارجوكى
لازم تعملى العمليه دى
انا واثق ان المرة دى هتنجح
شذى:انا مش عندى استعداد اجرب تانى
يوسف:لازم تبقى قويه وماتستسلميش للمرض
حاول يوسف يقنعها ومقدرش فاتصل بسلمى وقالها وهى فرحت جدا
وقالت انها فرصه اسر وشذى يتصالحو والكل عرف بموضوع العمليه فالكل حاول يقنعهوها
من غير ما يقولولها انه اسر
وف الاخر قدروا يقنعوها بالعمليه فراحت شذى للمستشفى علشان تجهز للعمليه قبلها بيوم
فكانت باوضتها واسر راح المستشفى يقابل يوسف ملقهوش فقال طالما جه المستشفى يطلع يشوف المريضه
اللى هيعملها العمليه قبل ما يدخلوا اوضة العمنليات
فخرج اسر من المكتب وسال على اوضتها وطلع وهى كانت نايمه وضهرها للباب مش باين منها غير شعرها الدهبى اول ما دخل الاوضه جاله شعور غريب مكنش قادر يفسرة
وكان بيتحرك تجاها فجاه جت ممرضة وقالت
دكتور يوسف جه تحت
حضرتك قلت لما يجى نبلغك
اسر:اه نازله حالا
وقف شويه اسر وبسرعه طلع من الاوضه
شذى اتصدمت لما سمعت صوته
متحركتش من مكانها واول ما خرج وقفل الباب بصت ناحيته وهى نفسها طالع نازل
وبسرعه اخدت الموبايل بتاعها من جانبها واتصلت بسلمى
سلمى:ايوة يا حبيبتى انا كنت لسه هتصل بيكى
شذى:سلمى اسر هنا بيعمل ايه؟
سلمى:...............