رواية سحر عيونك جنني الفصل الثالث عشر 13 - بقلم سيندريلا

نور:..................
بقول ايه انا هدخل لملك اعمل معاها
وقامت بسرعه نور دخلت المطبخ لعند ملك فقالت ملك
امتى ليه وتعبتى نفسك؟
نور:ولا تعب ولا حاجه
خلينى اساعدك بدل ما انا قاعده مش بعمل حاجه
ملك:خلاص هاتى الاطباق دى حطيها ع السفرة
فاخدت الاطباق وحطتهم ع السفرة وكانت ملاحظه ان اسر بيبص عليهاف كانت مرتبكه جدااا ومتوترة وخاصه بعد السؤال اللى ساله ولما خلصوا تحضير السفرة ندت ملك على اسر وقام قعد ع السفرة ياكلوا كلهم ولما خلصوا لمت ملك اللاطباق جبتلهم العصير وشويه اتصل ياسر باسر وقال
انا اتصلت بعلا وقالت انها هتديها كل يوم الساعه سبعه ولو عايزة تبدا من انهارده مفيش مشاكلاسر:اه يا ريت خلينا نخلص اسرع
ياسر:والله عارف انك هتقول كده وعشان كده انا قلتالها تجهز نفسها
ع العموم نص ساعه وهنكون عندك
اسر:واحنا ف انتظاركم
وقفل السكه وقال لشذى فقالت كويس خلينا ننجز
انا هطلع اغير هدومى
اسر:ليه؟ انتى كده قمر قصدى حلو كده اللى انتى لبساه ده
نور:اممممممم
ماشى
فجت ملك وقالت
انا داخله اذاكر عن اذنكم
اسر:ماشى يا جميل ادخلى ربنا معاكى
فدخلت اوضتها تذاكر واسر قعد مع نور يتكلموا ف المفروض هيحصل الفترة اللى جايه وانها المفروض تحاول تعمل اقصى ما عندها عشان ميندمش انه شغلها
وبعد شويه خبط الباب ففتح اسر لقى ياسر وعلا فسلم عليهم ودخلو جوه سلموا على نور وكانوا طبعاا مستغربين شكلها
وبعد ما قعدوا قال اسر خلينا احنا يا ياسر نطلع عشان البنات تاخد راحتهم ويعرفوا يركزو
ياسر:تمام يلا بينا
وطلعوا فوق الشقه وفضلت علا مع نور وقالتيخرب عقلك والله معرفتكيش ف الاول
نور:هههههههههههههه ما انا عارفه
وفضلوا يتكلموا مع بعض وياسر فوق مع اسر بيفتكروا الذكريات الجميله اللى كانت فى الشقه وصاحبهم حسام وافتكروا كمان خطيبته ايمان وقد ايه كانوا بيحبوا بعض وهى اتعذبت اووى لما مات
وقال ياسر
فاكر يا اسر لما حسام عرف ان ايمان جالها عريس وابوها موافق عليه؟
اسر:ههههههههههه
اه طبعاا فاكر يومها جيه هنا واتصل بينا نيجى وكان متعصب اووى وقال
هو ابوها ده فاكر نفسه ايه
يوافق على العريس ليه ان شاء الله
هو اخره يربيها وبس مش يرميها لواحد اتقدملها وخلاص
والله لهروحلها اضربه ويا انا يا الراجل ده
ياسر:ههههههههههههه
اه وكان قايم واحنا مسكناه
وقعد يصرخ ويقول سيبونى عليه الراجل ده والله هوريله شغله
انا هعرفه مين حسام
اسر:واخدناه كتفناه هنا ع الكرسى ده وهدناه وقلناله يروح يتقدملها ويشوف ابوها هيعمل ايه
ياسر:ههههههههههههه
طول عمرة عصبى حسام
اسر:والله وحشنى اووى
ياسر:الله يرحمه
وامير بردو اللى سافر ده ومنعرفش عنه حاجه
اسر:اه والله قلقان عليه ربنا يرجعه بالسلامه
وفضلوا يفتكروا ف الذكريات وبعد حوالى ساعتين نزلو تحت لعند علا ونور ولما نزلو قالت علا
احنا كده خلاص خلصنا اول حصه وانجزنا فيها كتير
اسر:كويس احنا بقى عايزين نختصر فى الوقت وانا معتمد على ربنا وعليكى يا علا
علا:متقلقش يا اسر وكمان ش..نور باين عليها ذكيه وبتتعلم بسرعه
اسر:امممممم
ياسر:يلا بينا احنا يا علا
علا:يلا بينا
اسر:ما تخليك شويه يا واد
ياسر:لا يا عم علا اتاخرت اووى شويه وهتلاقى امها بتزن عليا فين بنتى يا ياسر
علا:احترم نفسك
اسر:ههههههههههههه
يلا قبل ما تضرب
ياسر:جاى بعد ما شعللتها
يلا سلام
سلام يا نور
نور:سلام
يلا يا استاذة علا
وخرجت قدامها وهو وراها فابتسم اسر وقال خلى بالك من نفسك يا كبير
وهما نازلين قبلوا فارس ع السلم فقال فارس
يا على حظى الوحش مش كنت قدمت شويه عشان اقعد مع القمر اللى عندنا
ياسر:هو انت مش ملاحظ انى جانبها ولا خروف انا واقف؟
علا:ههههههههههههه
فارس:اسف يا ياسر ماخدتش بالى ازيك
ياسر:احسن منك يا خويا
فبص فارس على علا وقال
ما تطلع شويه
ياسر:بصلى هنا انت بس وانا افكر
فارس:طيب ياعم اطلع يلا
ياسر:لا علا اتاخرت ولازم تروح دلوقتى
فارس:يا خسارة انا كده على طول حظى وحشع العموم فرصه سعيده يا انسه علا
فابتسمت علا وقالت
انا اسعد
ياسر:يلا ولا هنفضل واقفين ع السلم كده
علا:يلا
ونزلوا ركبوا العربية
وفارس طلع ع الشقه فلقى نور فقال
لالالا كده كتير بنتين عندنا وانا زى الحمار مش فى الشقه
اسر:اتهد يابنى شويه
فارس:معقول اشوف الجمال ده كله واتلم
دا حتى يبقى حرام عليا
فابتسمت نور وقالت
انا طالعه
فارس:طالع فين ياقمر
اسر:نور سكنت ف الشقه اللى فوق عايز حاجه تانى
فارس:يااااااه دا انا مش هتنقل من البيت بعد كده
اسر:ادخل نام يا فارس عشان تصحى تودى ملك الكليه
فبص لنور وقال
هو كده لازم يعكنن عليا طول عمرة
داخل اهوه عايزة حاجه تانى؟
اسر:لا تسلم يا كميل
فمال على نور وقال مفيش كده نمرة تليفون ولا حاجه؟
اسر:فاارس
فارس:داخل داخل
فابتسمت نور وطلعت على شقتها وهو دخل على اوضته اتصل بسلمى اتطمن عليها ونام بعدها لحد الصبح
والصبح صحيت ملك ولبست عشان تروح الجامعه واسر صحى هو كمان ولبس عشان يروح الشغل ودخل اوضه فارس وهو متاكد انه لسه نايم واستغرب لما لقاه صاحى وكمان لابس
اسر:مش ممكن ايه النشاط ده كله ؟!!!!!!!!!
فارس:هههههههه
طول عمرى نشيط بس انتوا اللى مش واخدين بالكم
عن اذنك بقى اما اخبط على ملك اشوفها صحيت ولا لا
فخبط عليها ففتحت وهى جاهزة فقال
كوي سيلا بينا
ملك:لسه شويه استنى اما احضر الفطار
فمسك ايدها وشده وقال
يللللللا بينا نبقى نفطر بره
ملك:واسر استنى احضرله الفطار
اسر:ياستى يلا هو يبقى يحضر لنفسه
اسر:روح معا هوانا هحطلى الفطار
مع السلامه
خد بالك منها يله
فارس:فى عينى يا كبير
ونزلوا ركبها العربيه وشغلها اغنيه عبد الحليم
طريقك مسدود مسدود يا ولدى
ملك:حرام عليك رايحه امتحان ومشغلى اغنيه زى دى
فارس:مالها اغنيه زى الفل
ملك:اطفى
اطفى يا فارس بدل ما تنزلنى احسن
فارس:ماتبقيش عصبيه كده
بس تعرفى
بيبقى شكلك حلو اووى وانتى متنرفزة
ملك:صبرنى يا رب
فارس:ههههههههههههه
طيب يلا ننزل هنا هفطرك احلى فطار
فنزلت ملك من العربيه وقالت
اما نشوف
فدخلوا مع بعض وقعدوا ياكلوا ولما خلصوا قاموا وركبوا العربيه وقال فارس
اى خدمه اكلت ووصلتك مش عارف هتودى جمايلى فين
ملك:.................
فارس:انا عارف انك مش عارفه هتقولى ايه خلاص يابنتى انتى بردو بنت خالتى ولازم اعمل كده مع ان اللى بعمله كتير بس مش مشكله كله بثوابه
ملك:وصلنا يا فارس نزلنى عشان لو فضلت اسمعك شويه كمان مش بعيد يجيلى جلته
فارس:بعد الشر عليكى
ملك:ااااااااااااااااااااااااه
امشى من وشى
فارس:ههههههههههههههه
خدى بالك من الاسئله ياقطه
وساق العربيه ومشى وهى دخلت الجامعه وقابلت صاحبتها مى ومنار وسلمت عليهم ولما جيه وقت الامتحان دخلوا يمتحنوا
**********************
وفى امريكا كانت ام ملك بتجهز عشان تدخل اوضه العمليات وسلمى كانت متوترة جدااا وبتحاول تتماسك وتخفف على خالتها وعرف جاسر ان خالتها هتعمل عمليه فانتهز الفرصه وراح لعند سلمى وقال
انا عرفت بالصدف هان خالت حضرتك داخله اوضة العمليات
سلمى:اه صحيح ربنا يستر
جاسر:اتطمنى هتبقى كويسه ان شاء الله
سلمى:ان شاء الله
وشكراا لاهتمام حضرتك
جاسر:لا ابدااا انا اللى المفروض اشكرك عشان اهتمامك بخالى فى غيابى
سلمى:لا انا عملت واجبى
جاسر:انتى فعلا انسانه رائعه
ولو احتاجتى اى حاجه انا موجود ومتتردديش لحظه انك تطلبى منى
سلمى:شكراا يا استاذ جاسر
جاسر:قوليلى جاسر بس
سلمى:........................
جاسر:عن اذنك
ومشى جاسر واتصل اسر بيها يتطمن عليها ويسالها خالته دخلت العمليه ولا لا
سلمى:لا لسه هى بتجهز دلوقتى
اسر:طيب طمنينى يا سلمى اول ما تخرج فوراا
سلمى:حاضر يا حبيبى
وقفل وهى وقفت قدام اوضه العمليات بعد ما خلتها دخلت وكانت متوترة جدااا وبعد شويه جيه جاسر مرة تانيه وقال
الصراحه مقدرتش اشوفك واقفه لوحدك فى موقف زى ده وما اجيش اقف معاكى
سلمى:شكرااا جداا لذوق حضرك
جاسر:هو انتى هنا لوحدك
يعنى معكيش اب او ا خ يبقى معاكى ف وقت زى ده
سلمى:لا انا بابا الله يرحمه واخواتى مشغولين مش هيعرفوا يجوا بس انا كان معايا خطيبى وسافر امبارح عشان كان لازم يسافر
جاسر:اااه
هو خطيب حضرتك اسمه ايه؟
سلمى:هشام
فسكت جاسر وسرح شويه وقال
اخيرااا جيه الوقت اللى هشربك فيه من نفس الكاس يا هشام
اخيراا هقدر ارتاح
وبص لسلمى وقال
ع العموم اعتبرينى زى اخوكى
سلمى:اكييد
وهما بيتكلموا تصل هشام
الو يا حبيبى انت متصلتش اول ما وصلت ليه؟
هشام:معلش يا حياتى معرفتش اتصل غير دلوقتى
طمنينى انتى عامله ايه وخالتك ايه اخبارها دخلت العمليه ولا لا
سلمى:انا بخير طول ما انت بخير وخالتو لسه دخله من شويه ادعلها يا هشام
هشام:يا رب تقوم بالسلامه
سلمى:يا رب
هشام:طيب انا هقفل دلوقتى يا حبيبى وهتصل تانى اتطمن عليكى
سلمى:سلام يا حبيبى
وقفلت السكه وكان جاسر واقف يسمع كلامهم وقلبه بيشعلل نار وفضل مستنى معاها لحد ما فات 3 ساعات وقالت سلمى
لا مش ممكن دول اتاخرو جوه اووى
فقرب منها جاسر وقال
ولا اتاخرو ولا حاجه هى العمليات دى بتاخد وقت اتطمنى
وبعد نص ساعه تقريبا خرجت خالتها فجريت عليها بسرعه وجاسر سال الدكتور فقال
الحمد لله العمليه نجحت وهى دلوقتى متخدرة وهتفوق على بكرة
والممرضات دخلواها على الاوضهالتانيه وهو فضل مع سلمى وقالها خلاص الدكتور طمنا وهتبقى كويسه ان شاء الله
سلمى:يا رب انا خايفه عليها اووى
انا اتحرمت من امى وخايفه اتحرم منها
جاسر:متقوليش كده هتبقى كويسه اتطمنى انتى بس وتعالى اشربى حاجه
وراحوا ع الكافيتريا وشربوا قهوه وفضلوا يتكلموا هو يحكلها عن شغلها واعمالها فى امريكا
وهى حكتلها عن اسر واستثماراته وعن فارس وعن هشام واول ما جابت سيرة هشام قال
هو انتى تعرفلى هشام منين؟
سلمى:يعنى ايه منين
جاسر:يعنى اتعرفتى عليه فين وكده يعنى
سلمى:ااه
هشام يبقى صاحب اسر وكان بيجى على طول عندنا وبعدها بقى حسينا اننا بنحب بعض واتخطبنا
وفضل يسال اسئله كتير عن هشام وهى كانت مستغربه اووى وشويه وقالت سلمى
خلينا نقوم عشان اروح لخالتو اتطمن عليها
جاسر:اوكيه
فقاموا راحت بصت على خالتها وبعدها قالت لجاسر انا هدخل ارتاح شويه
جاسر:اه ارتاحى كويس انتى تعبتى اووى انهارده
سلمى:اه وانت كمان بجد شكراا انا فعلا كنت محتاجه لحد يوقف معايا
جاسر:انا اللى كنت محتاج لحد مصرى اتكلم معاه وفعلا ارتاحت معاكى اووى
سلمى:......................
عن اذنك
ودخلت سلمى اوضتها واتصلت بهشام واسر تطمنهم ونامت من التعب
وجاسر دخل اوضته مبسوط وبيفكر ودماغه كانت مشغوله جدااا
واسر راح ع الشركه وكان عندة ميتينج مع مندوب شركه تانيه والاجتماع استمر 3 ساعات تقريبا
ولما خلص قعد شويه فى المكتب يقرى التقارير بتاعت البنت اللى محتاجه العمليه ولما خلص لم التقارير والاشاعات وطلع ع المستشفى
عند دكتور احمد وراحله مكتبه وسلم عليه وقاله احمد
ها قريت التقارير
اسر:اه قريتهم
احمد:ها وايه رايك هتعملها ولا لا؟
اسر:اكيد طبعاا انا مش ممكن يبقى فى طفله محتاجه انها تمشى وتلعب زى اللى فى سنها وارفض
ودلوقتى عايزك تودينى اوضتها
احمد:انا كنت متاكد انك هتوافق
تعالى معايا
وطلعوا هما الاتنين اوضت البنت الصغيرة
وكانت زى القمر ماشاء الله
فاول ما دخل اسر بصلها شويه وهى نايمه ع السرير مش بتتحرك وراح لعندها وحسس على شعرها وقال
القمر اسمه ايه
البنوته:انا....اسمى.....
جانا
اسر:الله اسمك حلو اووى زيك بالظبط
جانا:................
اسر:الله العروسه الحلوة دى بتاعتك
جانا:....اه
اسر:حلوة اووى واسمها ايه بقى
جانا:اسمها لميس
اسر:ههههههه ايه ده انتى بتتفرجى على مسلسلات تركى ولا ايه؟
جانا:انا بتفرج على
على لميس ومراد
اسر:هههههههههههههه ياجامد
لميس ومراد مرة واحده
انتى شكلك شقيه اووى
خلاص انا بكرة هجبلك لعبه حلوة على شكل ولد عشان تسميه مراد ويبقى لميس ومراد ماشى؟
جانا:مااششى
اسر:انا هقوم دلوقتى وهجيلك بكرة ماشى
جانا:ماشى
عمو
اسر:نعم
جانا:هو اسم حضرتك ايه؟
فابتسم اسر وقال
انا اسمى اسر
جانا:متتاخرش يا اسر
فمسك ايدها اسر وبسها وقال مش هتاخر يا احلى بنوته انا شفتها
وخرج من الاوضه وعينه بتلمع من الدموع
احمد:مالك يا اسر
اسر:لا مفيش بس
صعبان عليا الوضع اللى هى فيه ده وهى لسه مجبتش 6 سنين
احمد:ان شاء الله انت تكون سبب فى انها تمشى تانى
اسر:يا رب
ونزل اسر من المستشفى وركب عربيته
وراح على المستشفى لعند ياسر
ونور صحيت من النوم الظهر لانها كانت سهرانه طول اليوم مشغله اغانى ومانمتش غير الساعه 6 الصبح
ولما صحيت فطرت وقعدت تقرى ف الجرايد وتقلب فيها كلها واتصلت بعلا قاعدت ترغى معاها حوالى ساعه
وملك خلصت الامتحان وفضلت قاعده مع اصحابها شويه لحد ما جيه فارس بالعربية عشان يوصلها فشويه وجيه اسر بالعربيه ودخل الجامعه وندى عليها وهى راحتله على طول وهى بتمشى قالتلها صاحبتها
ايوة ياعم
ملك:اخرسى
وراحت جرى على فارس وقالتله
انت ماتصلتش بيا ليه اخرجلك بدل ما انت دخلت الجامعه
فارس:انا جاى اوصلك مخصوص عشان ادخل الجامعه امال اشوف القمرات دول ازاى
ملك:طيب يلا خلينا نمشى
فارس:استنى بس
صحيح فقريه
مش تستنى اما اشوف واحده كنت مصاحبها هنا ولا اى حاجه
ملك:طيب وصلنى انا الاول وبعدين ابقى ارجع شوف اللى انت عايزة
فارس:انتى يا ملك مقرفه
عكرتى مزاجى
يلا خلينا نمشى
وساق ع البيت وهما ف الطريق سالها
عملتى ايه ف الامتحان
ملك:الحمد لله
فارس:عرفتى تحلى يعنى؟
ملك:الحمد لله
فارس:اكيد الحمد لله على اى حاجه
يعنى هببتى ايه؟
ملك:ال حمد لله
ففرمل العربيه بشكل جنونى ووقف وقال
انتى هتردى عدل ولا انزلك هنا
ملك:..................
فارس:متستفزنيش يا ملك
فضحكت ملك وقالت
تعرف شكلك مش بطال وانت متنرفز
فارس:بقى هى الحكايه كده ماشى
ودور العربيه وساق بسرعه وميل العربيه كذى مرة بشكل جنونى
فقعدت تصوت ملك وقالت
انت مجنون
بطل يافارس
فارس:هههههههههه
عشان تعرفى ازاى تردى عليا كويس
ملك:والله لو مبطلتش يافارس هفتح باب العربيه وانط
قارس:هه هه هه لو شطرى اعمليها
ففتحت فعلا الباب ونزلت رجليها فوقف فارس وقال
بتعملى ايه يابنت المجنونه
ملك:عشان تعرف انى لما بقول حاجه بعملها
فارس:انتى كل يوم بتثبتيلى انك اجن من اليوم اللى قبله
ملك:احترس منى بقى
فارس:خدى بالك منى بردو ماتفتكريش ان بحركات الجنون بتاعتك دى هعديها على خير
ماشى يا قطة
كلك:ماشى يا اسد
خلينا نمشى بقى ولا واقف شويه؟
فارس:لا ماشى انتى واقفه شويه؟
ملك:لا انا مش واقفه
ودور العربية ومشى على البيت ولما وصلوا طلعت فوق ودخلت على طول على اوضتها وهو دخل اخد دش ونزل راح عند كريم صاحبه
وجاسر قام فات لعند خاله يتطمن عليه وفات كمان على خالت سلمى وسال الدكتور عليها وطمنه وهو كان واقف مع الدكتور شافته سلمى وسلمت عليه فقال
انا كنت لسه بتطمن على طانت والدكتور قالى انها كويسه
سلمى:شكرا لاهتمامك
جاسر:انا اللى بشكر الظروف انها عرفتنى على حد زي حضرتك
سلمى:..................
هدى اتصلت بادم وقالتله على اللى عايزاه شذى منه
فطلب منها ادم انها تشوفله شقه عشان هينزل مصر قريب وعايز لما ينزل تكون ف شقه جاهزة
فقالت هدى
ولا يهمك لما تنزل هتلاقى كله تمام وقفلت السكه وقعدت تقرى شويه وفتحت اللاب وقعدت عليه شويه وحست انها زهقانه فقالت تنزل تتمشى شويه وبالمرة تشوف الشقه اللى هو عايزها
فقامت لبست بسرعه واتصلت بعلا عشان لو فاضيه تنزل معاها بس علا قالت
ياريت والله يا هدى انتى وحشتينى اووى ووحشنى المشى معاكى بس انا عندى محاضرة كمان نص ساعه فمش هعرف اجى
هدى:ولا يهمك ياقمر خلاص انا هنزل وابقى اشوفك وقت تانى
وقفلت السكه وكملت طريها ووقفت عند مكتب سمسار
ودخلت تسال عن شقة وعرض عليها شقه فى مدينة نصر فراحت معاه تشوف الشقه والشقه كانت اربع اوض وريسبشن كبير
والشقه كانت تحفه فقالت هدى:الله حلوة اوى الشقه دى
خلاص انا موافقه عليها هنكتب العقد امتى
السمسار:يبقى تقعدى حضرتك تتفقى مع صاحبة الشقة الانسه ايمان وان شاء الله هتبقى من نصيبك
هدى:ان شاء الله
واخدت النمرة منه ونزلت ركبت عربيتها ولفت شويه بيها وبعدين راحت على شقتها نامت شويه
وشذى كانت ملانه جدااا ولما سمعت ملك وفارس جم وبعدها فارس نزل قالت تنزل تقعد مع ملك شويه
فلبست بسرعه ونزلت خبطت عليها ففتحتلها ودخلت قعدوا مع بعض
نور:انا عرفت ان انهارده كان عندك امتحان فقلت انزل اتطمن عليكى
ملك:الحمد لله الامتحان كان كويس وحليت حلو الحمد لله
نور:الحمد لله ان شاء الله باقى الامتحانات تبقى كويسه هى كمان
ملك:ان شاء الله
تشربى ايه؟
نور:لا شكراا تسلمى يا قمر
ملك:لا محدش يدخل هنا ومبيشربش حاجه
اطلبى اللى انتى عايزاه بدل ما اجبلك غصب عنك
نور:هههههههههههه
خلاص اللى تشوفيه
ملك:خلاص وانا هعملك على ذوقى ثوانى وهرجعلك
فدخلت ملك المطبخ واول ما دخلت سمعت نور صوت حد بيفتح الباب فافتكرته اسر لكن لما فتح طلع فارس وصاحبه كريم واول ما شفها قال
انا قلبى كان حاسس اول ما دخلت العمارة انى فى قمر منور فى شقتنا
كويس انى رجعت تانى
فقرب كريم من فارس وقال بصوت واطى
من المزة الجامد هدى يا فارس
فارس:مع السلام هانت يا كريم انا مش نازل اشوف صيدليات ولا زفت
كريم:واطى
فخرجت ملك وفى ايدها كوبيتين عصير وقالت
ايه الدوشه دى
انت ايه اللى رجعك
فراح فارس لعند ملك وقال
طيب اتصلى بيا عرفينى ان فى حد هنا ماتبقيش انانيه كده
ملك:تعالى يا نور ندخل اوضتى
فارس:لا ادخلى انتى
ونور هتقعد معايا شويه
فقامت نور وقالت
يلا ندخل يا ملك
فارس:شكل كده بيتحلقلى
كريم:شكلك وحش اووى على فكرة
فابتسمت ملك وقالت
يلا اتفضلى
فراح فارس اخد منها الكوبيتين وقال
دول بقى ليا انا والواد الغلبان ده
ادخلى انتى بقى فى اوضتك براحتك
فابتسمت وقال
اتفضل يا فارس انا وهى داخلين وخليك انت وصاحبك الغلبان هنا
سلااااام
ودخلت نور مع ملك اوضتها وقعدوا ع السرير وقالت ملك
معلش يا نور هو فارس كده وشويه وهروح اجهزلنا كوبيتين عصير بدل اللى اخدهم
نور:لا خلاص اعتبرينى شربته
ملك:ما انا قلتلك مش هينفع
نور:ههههههههههه
ملك:هههههههههههه
بس كمان شويه لما يدخلوا اللى برة دول
نور:ههههههههههه ماشى الكلام
ملك:حلو اووى على فكرة النيو لوك
نور:شكراا لذوقك
ملك:لا بجد حلو اووى هو انتى كنتى زى القمر الاول بس دلوقتى احلويتى زياده
نور:هههههههههه
انتى اللى زى القمر علشان كده شايفانى حلوة

ملك:تسلمى يا قمر
واللون الاصفر لايق عليكى اووى
والاسود كمان كان روعه عليكى
انا بردو نفسى اغير لون شعرى بس مش عارفه اخليه ايه
نور:من رائى خليه كده
انتى شعرك لونه اسود اووى وجميل وخساره تضيعيه
ملك:انتى رايك كده؟
نور:انتى كده زى القمر
ملك:ميرسى جدااا لذوقك
وشويه وما سمعتش صوت فى الصاله فقالت
شكلهم كده نزلو انا هروح اعمل عصير
فقامت ملك ع المطبخ ونور قاعدت مستنيه ولقت كتب فى المكتب بتاعها فراحت تشوفهم ولقت كتب حلوة اووى وفضلت تمسك كتاب بعد كتاب وشويه دخلت ملك وكان فى ايد نور كتاب احمر كبير فاتخضت ملك اول ما لقت الكتاب ده معاها فراحت بسرعه لعندها وقالت
هاتى هاتى الكتاب ده ابقى شوفيه بعدين
تعالى اشربى العصير
هيعجبك اووى
تعالى
تعالى
وهى بتاخد منها الكتاب وقعت منه صورة فنوطت ملك بسرعه تجبها وحطتها فى الكتاب بسرعه
وكانت نور واقفه مستغربه وقالت
مش دى.........
ملك:يلا العصير هيبرد

يتبع