رواية سحر عيونك جنني الفصل الثامن والعشرون 28 - بقلم سيندريلا

فارس:هو احنا ماينفعش نبقى حاجه تانيه غير ولاد خاله؟
ملك:مش فاهمه يعنى ايه
فارس:لا خلاص
ملك:طيب الاذان بياذن يلا سلام خلينا نقوم نصلى
فارس:ماشى
سلام
وقفلوا وخرجت ملك من الاوضه وفارس كمان وبصوا لبعض وابتسموا هو دخل الحمام اللى جانب اوضته وهى دخلت الحمام التانى علشان يتووووضووا
اتوضا خرجا صلوا بعدين ماجلهمش نوم ففتحت ملك لقت فارس فاتح الفيس وفجاه قالها
مانمتيش ليه
ملك:مش جايلى نوم
فارس:واناو كمان
بس انتى مش جايلك نوم ليه بتفكرى ف مين
ملك:بفكر ف مين !!
لا مش بفكر ف حد
عادى يعنى
فارس:ممممممم ماشى ولا تزعلى نفسك انا كمان مش جايلى نوم علشان بفكر ف حد
ملك:والله ؟
طيب كويس
فارس:انتى مالك؟
ملك:مالى؟
فارس:حاسك غريبه
انتى لسه زعلانه ولا ايه
ملك:لا خالص نسيت اصلا
فارس:ماعتقدش بس هقولك تانى
انا اسف ول عايزانى ماكلمكيش تانى انا مش هضايقك المهم انك تبقى مبسوطه
ملك:خلاص يا فارس قلتلك مش زعلانه
انا هقوم انام بقى
فارس:ماشى تصبحى على خير
ومانمتش ولا هو نام ووبعد ساعتين قامت ملك تصحى مامتها علشان العلاج وقالتلها
انا جهزت شنطتى علشان نروح بتنا
مامتها:ليه يا ملك
مش اسر قال اننا هنقعد هنا
ملك:لا يا ماما انا عايزة ارجع بتنا
احنا هنفضل قاعدين هنا لحد امتى
ف الاخر مالناش الا بتنا
مامتها:اسر قالى انه هيجيب فيلا جانب سلمى ونعي كلنا مع بعض
ملك:كلنا مع بعض؟!!!!
لا انا مش هعيش مع حد انا عايزة ارجع البيت
مامتها:انتى فارس ضايقك ؟
ملك:فارس؟!!!!!!!!
اشمعنا يعنى؟
مامتها:اصل اكيد ف حاجه حصلت خلتك فجاة كده قررتى اننا نمشى
ملك:اه انا مش مرتاحه هنا وعايزة امشى
مامتها:ماشى يا ملك روحى نامى علشان باين عليكى مانمتيش من امبارح ولما تصحى هنمشى
ملك:ماشى
وقامت ملك دخلت اوضتها وبعد ساعه صحى اسر وعمل لنفسه قهوة وشاندوتشات وقعود ياكلها علشان ينزل
فسمعت ملك صوته فخرجت وقالتله

ماخبطش عليا ليه كنت عملتلك الفطار
اسر:لا مش عايز اتعبك انا حضرت حاجه ف السريع ونازل على طول علوشان ورايا مسافر اسكندريه ف حاجه مهمه هعملها
ملك:طيب ربنا معاك
اسر:ومعاكى يا قمر
بس انتى ايه اللى مصحيكى بدرى كده
ملك:لا عادى مش جايلى نوم وسمعتك برا قلت اقوم اعملك الاكل
اسر:ربنا يخليكى
انا قايم بقى ماشى عايزة حاجه
ملك:لا سلامتك
........
اسر
اسر:ايه
فى حاجه يا ملك؟
ملك:اه
انا جهزت هدومى علشان نرجع انا ومام بتنا
اسر:ترجعى البيت ليه
ملك:عادى ماما اهيه رجعت بالسلامه مالهاش لزوم نفضل قاعدين هنا
اسر:ايه اللى انتى بتقوليه دا يا ملك
انتى هتفضلى عايشه معانا وبعدين كلها شهر وننتقل للفيلا كلنا
ملك:لا
انتوا اتنقلوا لكن احنا هنرجع البيت
اسر:انتى زعلانه من فارس مش كده
ملك:لا مش زعلانه وهو عنده حق
وبعدين مسيرنا نرجع البيت
اسر:بصى انا مقدر اللى انتى بتقوليه وانا مش هعارضك
اعملى اللى انتى عاية وانا دلوقت هسيبك تعملى اللى انتى عايزاه وترجعى البيت بس لما الفيلا تبقى جاهزة هتيجى معانا غصصب عنك
ومش هسمع منك اى نقاش
ملك:.......
اسر:ماتفكريش كتير
يلا انا نازل يا مجنونه
ومامتها صحيت فدخلتهلها وقالت
يلا يا ماما بقى انا قلت لاسر وهو وافق وانتى شنطتك لسه زى ماهى تعالى ننزل دلوقت
مامتها:دلوقت؟
ملك:اه
مامتها:ماشى يا ملك
هغير هدومى وننزل
ملك:ماشى وانا كمان هلبس بسرعه وهستناكى ف الصالة
ودخلت لبست ملك وحطيت الشنط على الباب وكانت قاعده ف الصاله فطلع فارس من الاوضه واتفاجئ بالشنط

فقرب من ملك وقال ايه الشنط دى
ملك:دى الشنط بتاعتنا علشان هنروح انهارده
فارس:هتروحوا فين
ملك:هنروح بتنا هنروح فين يعنى
فارس:بتكم
امال دا ايه
ملك:لا دا مش بتنا بتنا اللى كنا عايشين فيه لكن دا بيتك انت واسر وسلمى
فقرب منها اكتر وقال بصوت حنين
وبيتك انتى كمان يا ملك قبل ما يكون بيتى
ملك:..........
ميرسى على ذوقك
فارس:ميرسى على ذوقى!!!!
مالك يا ملك؟
ملك:مافيش حاجه عايزة ارجع البيت
وحشتنى اوضتى وحكشنى البيت كله
فقارس:لا ياملك
مش وحشك البيت ولا حاجه
انتى اكيد زعلانه منى ومش عايزة تشوفينى تانى
وطول مانتى هنا هتفضلى تشوفينى
ملك:...........
فارس:انا هعتزرلك تانى على اللى حصل وعلى اى وقت انا ضايقتك فيه
بس خليكى هنا علشان خاطرى
انا هنا هكون متطمن عليكى اكتر
ولو انتى بتكرهينى ومش عايزة تشوفينى خلاص انا هريحريحك وهسافر اى حته
او هسافر لندن واتابع الشغل بتاع اسر اللى هناك
اتفاجئت ملك بكلام فارس وقالت بلهفه
لا
لا مش تسافر
انا مش بكرهك انا بس مش عايزة اتقل على حد ولا اضايق حد
قرب فارس منك اكتر واكتر وبصوت كله حنان ودفئ
تتقلى على حد؟!!!
انتى مش عارفه وجودك هنا مهم ازاى بالنسبه لى
ملك:........
فارس:نفسك معايا ف نفس البيت بيحسسنى انى عايش
ملك:........
فضل باصص ف عينها وهى تبص ف عينه حوالى دقيقه وكلام كتير ف نظراتهم بيتقال وقطع فارس السكوت دا ومسك ايدها بحنان وقال
ارجوكى ماتمشيش
ملك:.......
خرجت مامتها من الاوضه وقطعت عليهم لحظه السكوت والخجل اللى بنهم وقالت
ادينى لبست يا ست ملك
يلا خلينا نروح
فارس:هتروحى فين يا منوش
منى:هنروح بتنا كفايه عليكم كده
فارس:كفايه ايه بس يا مزتى روحى روحى نامى وسيبك من بنتك الهبله دى
مافيش خروج من البيت
ملك:فارس لو سمحت خلينا نمشى
فارس:انا قلت مافيش خروج من البيت وانتى يا حاجه روحى اقلعى اللى انتى لابساه دا
احسن تتعاكسى منى ف الشارع ولا حاجه
منى:بس يا بكاش
يلا قوم البس ووصلنا
فارس:انتى ايه يا حاجه العمليه ماثرة عليكى ولا ايه
قلت مافيش مرواح ف حته
ارسوا على بر هننزل ولالا مش هننزل؟
ملك:.........
فارس:مش هتنزلوا يلا روحى نامى انتى
ملك:لا هننزل
منى:انا عارفه انكم هتشحططونى معاكوا
انا جوة ولما تقرروا هتعملوا ايه ابقوا نادولى
ودخلت اوضتها فكانت لسه هتتكلم ملك فقال فارس
مش عايز اسمع ولا كلمه انا قلت مش هتروحوا ف حته
ولا هتكسرى كلامى
ملك:.........
قرب منها فارس وبقت المسافه بنهم ماتتعداش العشرة سنيمتر
وقال
عايز دايما احس بنفسك معايا
ملك:..........
فارس:قلتى ايه
ملك:........
فارس:طالما سكتى يبقى موافقه انا هروح ادخل الشنط جوا
راح اخد شنطته خالته ودخلها وقال
خدى ياحاجه شنطتك
اللى يقولك تعالى تيجى كده على طول
منى:ههههههههه والله انتو دوختونى
فخرج فارس وشال شنطه ملك ودخلها الاوضه وكنات ملك وراه ونزل الشنطه وقال
وبعدين عايزة تمشى كده من غير ما نفتش الشنطه
مش يمكن سارقه حاجه كده ولا كده
وبعدين انا اليومين دول ف حاجات بتختفى مش عارف بتروح فين
ملك:.........
فارس:انتى بتبصيلى كده ليه اه ف حاجات بتختفى
انا هفتح الشنطه بتاعتك دى اشوف فيها
وكان بيفتح السوسته فمسكت الشنطه وقالت
انت بتعمل ايه
اقعد ساكت
فارس:مالك اتخضيتى كده ليه هشوف مش يمكن واخده حاجه
ملك:بس يا فارس اوعى ايدك
ابتسم فارس بخبث وقال
ايه ف حاجات مش عايزانى اشوفها ولا ايه
ملك:حاجات ايه
انت اهبل
فارس:حاجات
يعنى حاجات بنات ولا حاجه
ملك:لم نفسك
يلا اطلع برا
وزقته فقال
ههههههههههههههه شكلك حلو اوى وانتى مكسوفه كده
فاتكسفت اكتر ملك وزقته وقفلت الباب وابتسمت بعدين راحت قعدت ع السرير وهى مبسوطه بعدين كلمت نفسها وقالت وبعدين بقى
انا بتعلق بيه اكتر
انا مش عارفه ايه دا
ولما خرج فارس فضل يضحك ودخل ع السرير وبردو كان بيبتسم وعمال يفتكر نظراتها وقال لنفسه
ياااااااااااااه اول مرة احس انى طاير كده
انا مش ممكن اسيبها تبعد عنى لحظه واحده
******************
شذى بقى صحيت من النوم ولبست بسرعه ونزلت راحت ع الشركه
واستغلت فرصه ان اسر مش موجود ومسافر فدخلت المكتب بتاعه وقلبت ف الورق وحاولت انها تفتح الخزنه بس كانت معموله برقم سرى
وقلبت ف الورق كله بس ماوصلتش لاى حاجه كلها اوراق شغل عاديه
فقعدت ع المكتب شويه وفكرت انها تفتح الخزنه وتتوقع الارقام تكون ايه
فضلت تفكر فقالت تجرب عيد ميلاده بس بعدين قالت لا مش ممكن يكون بالسهوزله دى
فخرجت من الكتب وهى فاقدة الامل ومتضايقه بعدين قعدت على مكتبها شويه وظبطت الحاجت ونزلت على الضهر راحت تقابل علا
لما قابلت علا ف الجامعه ف مكتبها قالتلها نخرج فخرجت معاها قعدت ف كافيه وحكتلها اناه دورت ومش لقت حاجه فقالت علا
انا قلتلك يابنتى اسر دا من اشرف الناس انتى مابتسمعيش ياسر بيتكلم عليه ازاى
شذى:ماهو صاحبه اكيد هيتكلم عليه حلو ومش هيقول انه نصاب
المهم دلوقت انا عايزة اخلص من الموضوع دا
انا مش عايزة اطول ف التمثيليه دى كتير
علا:خلاص ياذدى ارجعى لحياتك بقى وسيبك من الموضوع دا
شذى:مش هينفع
علا:مش هينفع ليه يا شذى؟
شذى:مش عارفه يا علا انا بحس معاه احساس غريب اوى احساس عمرى ماحسيته
وانا معاه بكون مبسوطه اوى ببقى عايزة الوقت مايعديش
بحس براحه غريبه وامان
بحس انى بنسى الدنيا وانا معاه
بقيت حاسه انى عايزة ابرئه مش عايزة اثبت عليه التهمه
انا كنت جايه وبتمنى الاقى حاجه توقعه دلوقت بدور وبفتش علشان اثببت انه شريف
وبتمنى انه يكون كده
علا:انتى بتحبى اسر يا شذى؟
شذى:مش عارفه يا علا
بس انا عايزة افضل جانبه وف نفس الوقت مش هينفع
انا لازم اهرب بعيد
اللى انا فيه دا مش ههينفع خالص
طيب ماتخليكى معاه طالما انتى عايزة كده
شذى:مش هينفع يا علا
انا ضحكت عليه عارفه يعنى ايه ضحكت عليه
يعنى هو فتحلى بيته واستامنى على شغله وانا اصلا كنت رايحاله علشان اوديه ف داهيه
وبعدين انا لسه ماتاكدتش انه شريف مايمكن يطلع فعلا نصاب وكداب
علا:مش عارفه يا شذى بس زى ماقلتى لازم تنهى الموضوع دا بسرعه
شذى:ربنا يقدرنى بقى ويساعدنى
فضلوا يتكلموا وشويه اتصل ياسر بعلا وشذى معاها فقالت علا
الو
ياسر:الو يا برنسيسه
علا:ههه عامل ايه
ياسر:بخير طول مانتى بخير
علا:ايه الدلع دا كله
ها عايز ايه
ياسر:بتصل اتطمن عليكى تقوليلى عايز ايه
علا:هههه خلاص ياسيدى انا اسفه
انا كويسه الحمد لله
ياسر:يارب دايما يا قمر
بقولك
ايه رائيك ف غدوة ع النيل انهارده
علا:ممممممممممممممم
ع النيل مرة واحده
ياسر:طبعا يا مولاتى
علا:طيب خلاص ماشى
ياسر:ايوة بقى
خلاص انتى هتخلصى جامعه امتى
علا:على 4
ياسر:خلاص 4 بالدقيقه هكون مستنيكى
علا:ماشى اتفقنا
سلام
ياسر:سلام يا قمر
فقفلت ووشها بيبتسم فقالت شذى
ياسيدى ياسيدى
وشك بيتقلب اول ما بتكلمى ياسر
علا:هههه بس يا بت
شذى:ها كان عايزة ايه حبيب القلب
علا:عزمنى ع الغدا ع النيل
شذى:الله يسهلووووووووووو
اموت انا ف الرومانسيات دى
علا:خلاص بقى يا شذى
شذى:يا ولا يا اللى بتتكسف انت
خلاص ياستى انا هسكت اهو
بس انتوا بقى مش ناوين تتخطبوا بقى وتخلصونا من المسلسل دا
علا:والله يا شذى ماعارفه هو بيحبنى ولا مجرد واحده بيرتاح معاها
ولما يلاقى واحده تانيه يرتحلها هيحبها ويسبنى
شذى:ايه اللى انتى بتقوليه دا
بيحبك وباين اوى مش محتاج كلام
قالت علا بلهفه
بجد
شذى:اه بجد يا مسهوكه انتى
يلا اسيبك انا وامشى بقى علشان تلاحقى المحاضرة وتلحقى تظبطى نفسك بالمرة علشان الجو
وقامت شذى ركبت تاكسى وروحت البيت وهى طالعه ع السلم فتحت ملك الباب وسلمت عليها وقالتلها تعالى يا نور عايزاكى
نور:ايه ف حاجه حصلت؟
ملك:اه تعالى بس ندخل جوه
نور:هو فارس هنا
ملك:لا خرج من نص ساعه
فدخلت نور ودخلت اووضة ملك وقعدت
ع السرير فقالت ايه ياستى
شكلك كده فرحان
فارس كلمك صح؟
فحكتلها اللى حصل كله وهى مبسوطه انه صالحها وطريقته ف الكلام فقالت شذى
ايوة كده بقى
انا قلتلك والله بيحبك
ملك:تفتكرى يا نور
شذى:افتكر اوى
هو كده بقى يبقى اتاكد انه بيحبك بدل ما كان بيكابر ودى خطوة كويسه
فخبطت شذى على رجل ملك وقالت
جهزى نفسك بقى انك تسمعى منه الكلمه اللى طول عمرك نفسك تسمعيها قريب
فابتسمت ملك وقالت
يااااارب
شذى:انتى طيبه وتستاهلى كل خير يا ملك
ملك:انتى اللى طيبه اوى وعارفه انى دوشاكى بمشاكلى
شذى:ايه اللى انتى بتقوليه دا
انتى اختى
وحضنتها وقالت ملك
ربنا يخليكى ليا
فقالت شذى ويخليكى ليا يارب
ويخليى اللى بالى بالك
ملك:ههههههههههههههه
اسيبك بقى واطلع اشوف حاجه اكلها احسن واقعه من الجوع
ملك:طيب خليكى نعمل اكل وناكل سوا
شذى:لا انا هطلع اشوف اى حاجه فى السريع
ملك:يابنتى خليكى انا هعمل الاكل بسرعه ناكل انا وانتى وماما احنا كمان لسه مش اكلنا
شذى:مممممممممم
ملك:ماتخفيش اكلى حلو اوى وهيعجبك
شذى:خلاص ماشى وانا هعمل السلطه
ملك:ههههه كتر خيرك
يلا تعالى نجهز الاكل
فدخلوا المطبخ يجهزوا الاكل وف وسط الكلام قالت شذى
انهارده كان ف ورق عايزة احطه ف الخزنه بتاعه المكتب بس معهرفتش اضطريت اجيبه معايا اصله ورق مهم خايفه احسن يضيع
ملك:اه علشان اسر قافل الخزنه برقم سرى
شذى:اه للاسف علشان كده معرفتش وهو ماجتش فرصه يقولى
ملك:خلاص خليهم معاكى لما يرجع ان شاء الله يبقى يحطهم
شذى:اه ان شاء الله
...........
هو عنده خزنه تانيه ف ىالشقه؟
ملك:اه عنده واحده ف مكتبه
شذى:اها كويس اكيد الرقم بقى عيد ميلاده انا كنت هجربه ف خزنه المكتب بس قلت اكيد لا
ملك:لالا ماعتقدش اسر يعمل عيد ميلاده
هو اصلا هتلاقيه ناسيه
شذى:ما انا قلت كده بردو بس هو معندهوش اى رقم مميز ف حياته
ملك:ماهو اسر مابهمتمش بالحاجت دى طول عمره عملى وبتاع شغل بس
بس دايما ف تاريخ هو عمرة ماهينساه وهو قرب اصلا
شذى:تاريخ ايه
ملك:لا دى حكايه طويله اوى
شذى:طيب احكى نتسلى واحنا بنعمل الاكل
ملك:ماشى ياستى
يوم 3/2
اللى جاى
التاريخ دا مهم اوى لاسر علشان عمل فيه اول عمليه والعمليه دى كانت صعبه اوى
بس كان ف بنت مش بتتحرك خالص وعملت عمليات كتير ومانجحتش واسر كان انقذ حياته مرة واحنا ف شرم علشان اختها خرجت تشترى حاجات والشاليه بتاعهم ولع وهى مكنتش قادرة تتحرك ولا تخرج فاسر اللى دخل وانقذ حياتها
ولما عرفت انه دكتور طلبت منه يعملها العمليه وهو رفض لانه مكنش عمل عمليات كبيرة قبل كده بس هى اصرت
وقالت انه كان السبب انها تعيش فحتى لو العمليه مانجحتش فهى هتفضل مديونه ليه بحايتها
بس ياستى هو دا اللى حصل
شذى:وعملها العمليه ونجحت؟
ملك:بفضل ربنا نجحت وكانت معجزة انها تنجح
شذى:والبنت دى فين دلوقت؟
ملك:والله مش عارفه
شذى:ازاى
هى بعد العمليه هو مكلمهاش ولا اى حاجه
ملك:لا كان بيكلمها وهى بتكلمه كل يوم واتعلقت بيه جدا وحبته بس اسر ماحبهاش
وصارحها وماضحكش عليها فسافرت لمامتها وباباها بس دلوفت هى فين انا معرفش
شذى:واسر محبهاش ليه
ملك:مش عارفه مع ان البنت كان حلوة اوى وروحها حلوة بس اسر وقتها مكنش بيفكر ف حاجه غير الشغل
وازاى يوصل لاعلى حاجه
شذى:اااااه
ودا كان من كام سنه؟
ملك:كان من 3 سنين
شذى:اه مش بعيد اوى
ملك:اه
يلا الاكل جهز روحى حطى الاطبقا ع السفرة على ما اصحى ماما
فخرجت شذى الاطباق وحطيتهم ع السفرة وخرجت ملك ومامتها فقالت ملك
دى يا مام نور هتاكل معانا انهارده
مامتها:اه
ازيك يابنتى
نور:الحمد لله يا طنط
انتى عامله ايه
منى:الحمد لله يابنتى
وقعدوا ياكلوا ويتكلموا على اسر شويه وع الشغل والحياه وخلصوا اكل فدخلت ام ملك الاوضه بعد ما اخدت الدوا
وشذى قالت لملك
انا هطلع بقى
ملك:هتطلعى تعملى ايه
بقولك ايه ماتباتى انهارده معانا اسر مش هنا وفارس بيجى بالليل اوى ولو عايزة اكلمه اخليه يبات عند صاحبه
شذى:لالا يبات عند صاحبه ايه احنا هنطرده من الشقه
لا مش بعيده المسافه يعنى ماتيجى انتى تباتى معايا انا لوحدى
ملك:مش هينفع علشان ماما
شذى:اه خلاص مرة تانيه ان شاء الله
ملك:ان شاء الله
فطلعت شذى الشقه ونامت ع السير وفضلت تفكر ف اسر وحاسه ان ف حاجه نقصاها علشان ماشفتهوش انهارده وسافر من غير ما تشوفه الصبح وبردو بتفكر تخلص من الموضوع بسرعه
وقالت انها لازم تفتح الخزنه بتاعه بيته
اما ياسر فلما جت الساعه 4 راح لعلا واخدها ووداها مركب على النيل وقعدوا ياكلوا والجو كان تحفه فقالت علا
الجو برد اوى بس حلو اوى
ياسر:انتى الاحلى
علا:يلا ناكل بقى ولا هتفضل تعاكس فيا كده كتير
ياسر:ماشى خلينا ناكل وبعدها نروح فيلم سينما تحفه
علا:لا سينما ايه
احنا ناكل ونروح علشان عمتك لوحدها
ياسر:اااااااخ
طيب خلاص ناكل واوصلك وبالمرة اعدى اقعد معاها شويه
علا:اهلا وسهلا
ياسر:اهلا بيكى يا قمر
وقعدوا ياكلو ومنظر النيل كان تحفه ولما خلصثوا قالت علا
انا اول مرة اكل كتير كده الجو يفتح النفس
ياسر:وانا اكلت علشان لما بشوفك نفسى بتتفتح
علا:انت ف ايه انهارده
انت سخن ولا ايه
ياسر:علشان معاكى بس ببقى انسان تانى
علا:لالالالا يلا بينا نروح
احسن كده مش هينفع
ياسر:ماشى هنمشى بس احنا عاملين حفله لاسر وطبعا جايه
علا:حفلة ايه وامتى؟
ياسر:يوم
3/2
اصل اليوم دا مهم لاسر فانا قلت السنه دى نعملهاله حفله كبيرة
علا:ماشى بس انتى اللى هتيجى تجبنى
ياسر:طبعا يا قمر دا انا اجيلك على رموش عنيا
علا:..........
وبصوا لبعض شويه بعدين قاموا ووصلها وطلع لعمته واتكلم معاها شويه لوحدهم بعدين نزل روح البيت واتصل بحسام اللى مختفى وقاله انه ف اسكندريه بيريح اعصابه وبيعيد زكرياته
وقفل معاه ودخل يريح ع السرير
وشذى طلعت تنام لانها مانمتش كويس وبعد ساعتين صحيت اكلت وعملت قهوة وشويه لقت الفون بيرن
شذى:الو
اسر:عامله ايه؟
شذى:الحمد لله واتنت عامل ايه خلصت الشغل ولا ايه
اسر:خلصت ايه لا لسه هرجع كمان يومين ان شاء الله
شذى:ترجع بالسلامه وبتقول لنفسها لسه يومين
اسر:اخبار الشغل ايه اكيد حلو من غيرى
شذى:لا بالعكس الشغل محتاجك خلص بسرعه بقى وارجع
شذى:انا وحشنى الشغل اوى
شذى:طيب شد حيلك بقى وارجع قبل اليومين
اسر:اقولك
.........
مش الشغل بس اللى وحشنى
شذى:............
امال ايه تانى؟!!
اسر:...........
شذى:...........
اه ف حاجات محتاجه امضتك جبتها معايا علشان مش تضيع
اسر:لا كنتى سبتيها على مكتبى وانا كنت همضيها لما ارجع عموما حصل خير كلها يومين واظبط كل حاجه
شذى:ان شاء الله
اسر:انتى هتنامى دلوقت
شذى:لا انا لسه صاحيه من شويه وعملت قهوة
اسر:الله نفسى اشرب قهوة من ايديك
شذى:............
خلاص اول ما تنزل ليك عندى احلى فنجان قهوة
اسر:اكيد احلى فنجان علشان من ايديك
شذى:.........
اسر:اسيبك بقى علشان مش اعطلك
وانا هدخل انام احسن تعبان اوى بس قلت اتطمن عليكى
شذى:ماشى تصبح على خير
اسر:وانتى من اهله
قفلت وفتحت التلفزيون اتفرجت على فيلم
اما سلمى بقى فطول اليوم قافله على نتفسها الاوضه وجاسر كل شويه يخرج الجنينه يتفرج ع التلفزيون وحاسس بملل
ومش عارف يعمل ايه وحاسس انها وحشته وعايز يتكلم معاها
وهى قافله ومش عايز يضايقها
وطول اليوم مش اكلت ولا هو كمان وعلى العشا وههو معدى على باب اوضتها سمع صوت عياط فخبط ودخل لقاها بتمسح
دموعها فقال
انتى بتعيطى؟!!!
سلمى:لا مش بعيط ف حاجه دخلت عينى بس
جاسر:لا باين اوى انك كنت بتعيطى
سلمى:.........
جاسر:ف ايه ياس لمى اتكلمى
سلمى:لو سمحت يا جاسر يبنى واطلع برا
جاسر:ماشى يا سلمى انا هخرج ولما تحبى تتكلمى انا مستعد اسمعك وافهمك
وخرج وهى كملت عياط وكانت بتعيط علشان هشام اتصل بيها وهى مش ردت علشان حاسه ان كده بتخون جاسر
وحتى لو متجوزاه غصب عنها
بس مهما كان هى بقت على ذمته وماينفعش تكلم هششام
وكانت بتصبر نفسها وتدعى ربنا ان الالم دا يزول
وان ربنا يجمعها بهشام قريب
وهو خرج متضايق وقعد اتفرج ع التلفزيون وبعد شويه هى خرجت علشان تغسل وشها
وتصلى العشا وتدعى ربنا وفجاه سمع جاسر حاجه بتتهبد على الارض فطلع بسرعه لقى سلمى واقعه على االرض
فشالها بسرعه وحطها ع السرير وفوقها وجابلها عصير برتقال وقالها تشرب هى مش كانت راضيهه فقال
بطلى مكابرة اشربى علشان انتى ماكلتيش من امبارح واديكى اغمى عليكى اهو
اشربى يلا
سلمى:مش عايزة اشرب
جاسر:طيب وحياة اسر تشربى العصير
فسكت شويه واخدت منه العصير وشربت شويه فقعد جانبها ع السرير وقال بحنيه
تعالى نخرج نتعشى برا
انا لسه ماكلتش بردو ومش هاكل وانا عارف انك ماكلتيش
سلمى:جاسر بلاش تمثل دور الحنيه والرقه مش لايقين عليك
انا مش هخرج ف حته روح انت كل ف اى مكان عايزة
جاسر:امثل الحنيه!!!!
فقام من ع السرير وقالها
طيب مش همثل تانى
انا هلبس وعشر دقايق تبقى جاهزة علشان هنخرج ناكل برا
ونصيحه بلاش تتاخرى
سلمى:..........
وخرج جاسر ولبس واساتنى تحت وشويه لقى سلمى نازله فقال
كويس انك ماتاخرتيش
سلمى:ماتفتكرش انك بتهددنى انا نزلت بس علشان مهما كان انت جوزى حتى لو غصب عنى والمفروض انى اسمع كلامك
لكن انت اصلا ماتهمنيش ولا يهمنى اللى بتقوله
جاسر:هتفضلى ف طول اللسان دا كتير
سلمى:انت اللى عايز كده
علشان انت ماينفعش معاك غير كده
اتعصب جاسر ومسك دراعها بقوة وقال
حاسبى على كلامك علشان ماتندميش
عينها دمعت وقال بصوت مخنوق
اوعى ايدى
جاسر قلبه رق وساب ايدها وقال يلا خلينا نمشى
ركبوا العربيه ودخلوا المطعم وطلبوا الاكل وهو كان بيبصلها وهى مكنتش بتبص غير ف الطبق اللى قدامها
ولما خلصوا اكل قالها تشربى ايه
سلمى:لا مش عايزة خلينا نمشى
جاسر:ماشى يلا قومى
فقاموا ركبوا العربيه ورجعوا البيت ولما دخلوا الفيلا قالها
اعمليلى نسكافيه
سلمى:وماشربتش هناك ليه؟
جاسر:مش قلتى يلا نقوم
اعملى بقى نسكافيه وهتهولى برا
سلمى:ماشى
فخرج برا الجنينه ومعاه اللاب بتاعه وبعد شويه جت وجايبه النسكافيه
قالتله خد
قالها حطيه هنا وهو مش باصص لها
فحطته وجايه تدخل فقال
استنى خدى النسكافيه معاكى ماليش مزاج اشرب هاتيلى عصير احسن علشان مايسهرنيش
فقربت منه سلمى وقالت
ماتنساش انك مش جايب خدامه لحضرتك
والنسكافيه قوم دخله اشربه حاجه تخصك انا داخله انام
ودخلت فابتسم جاسر وقال عنيدة وشرب النسكافيه وفضل يقلب شويه ف اللاب
وهى طلعت على اوضتها وهى متعصبه ومتضايقه وحاولت تنام
اما ملك اللى كانت قاعده ع اللاب بردو بتقلب بعد ما ادت مامتها الدوا وكانت قاعده مش عارفه تعمل اييه الساعه 10 لقت الباب بيخبط
فراحت بصت من العين السحريه مش لقت حد بس لقت حاجه محطوطه ع الارض ففتحت لقت علبه هدايا حمرا كبيرة اوى
فاستغربت وشلتها دخلتها كانت خفيفه ففتحتها لقت جواها دبدوب كبير اوى فرحت اوى بيه وشلته وقعدت تلعب بيه بعدين قالت
ايه دا من مين دا فبصت ف العلبه انها تلاقى اى حاجه لقت
كارت مكتوب عليه
اعمليلى كابيتشينوا يا جزمه على مااجى
ففتحت ف الضحك بهستريه واخدت العلبه والكارت والدبدبو ودخلت على اوضتها حطت العلبه فوق الدولاب
والكارت ف كتاب بتقراه
وحطت الدبدوب على السرير جانبها وحضنااه
ومبتسمه جداا ومش مصدقه نفسها وسرحانه وفجاه لقت فارس واقف جانب السرير وبيصرخ يقول
انتى لسه ماعملتيش النسكافيه
فاتخضن ملك اللى من فرحتها سابت الباب الاوضه مفتوح وماحستش بيه وهو داخل وقامت بسرعه من ع السرير وصوتت
فقال
فين النسكافيه
ملك:لسه ماعملتهوش
فارس:لسه ماعملتهوش طيب هاتى الدبدوب دا
جريت بسرعه ومسكت الدبدوب وقالت
لالا سيبه علشان خاطرى
هروح اعملك اهو
فارس:هتعمليلى ايه
ملك:هعملك نسكافيه
فارس:نسكافيه!!!!
انا كاتبلك ايه ف الكارت
ملك:.............
كابيتشينو
فارس:اه خليكى صاحيهة كده والا كنت شربتهولك وكنتى عملتيلى كابيتشينو
ملك:هههههههه لا خلاص هروح اهو اعملك كابتشينو
فارس:ماشى وهاتى الدبدوب دا اقعده جانبى وانا بتفرج علشان الطشله
ملك:لا سيبه هنا انا هنيمه ف خضنى
فارس:هيييييييح ف خضنك
يا بخته
ملك:احترم نفسك

فارس:هههههههههههههه
ماشى تعالى يلا ورايا
فخرجت وراه فقالها يلا المطبخ اهو دقيقتين والشاى يبقى جاهز
ملك:انت قلت كابيتشينو مش شاى
فارس:ههههههه طلعتى صاحيه ماشى يلا بقى بسرعه
علشان انهارده اسر مش ف البيت بقى وعايز اسهر وكده
ملك:وكده اللى هو ايه
فارس:وكده
وكده انتى فاهمه بقى
ملك:لا مش فاهمه بقى
فارس:قفلتينى روحى اعملى الليسون
فدخلت ملك وبعد شويه خرجت بالكابيتشينو فقالت
اتفضل
مسكه فارس وقال ايه دا؟
ملك:كابيتشنو انت مش شايف
فارس:كابيتشينو ايه هو مش انا غيرت رائى وقلتلك وانتى داخله اعملى ليسون
ملك:ممممممممممممم
ثانيه واحده
اخدت منه المج ودخلت الطبخ وجابت كوبايه الليسون وقالت
اتفضل الليسون اهو
فارس:ايه دا انتى كنتى عاملهلنفسك ليسون
ملك:لا بس عارفه انك هتستعبط بقى وتشغلنى خدامه عندك وتتامكر علشان جبتلى حته دبدوب
فارس:حته دبدوب
دبدوب طولك مرتين وتقوليلى حته
تصدقى انتى عامله زى القطط
ملك:هههههههههههه
طيب اتفضل هتشرب ايه
فارس:"انا بقى عايز نسكافيه اتفضلى روحى اعمليلى نسكافيه
اخدت منه الكوبايه وقلتله بس كده
دخلت المطبخ وجابت مج النسكافيه ومج الشاى وقالت
ادى النسكافيه وادى شاى كمان علشان لو غيرت رائيك
ابتسم فارس وقال يابنت الايه
ابتسمت ملك وقالت
تلمذتك بقى
فقرب منها وبصوت حنون وقال
واحلى تلميذة
اتكسفت ملك وقالت
ها هتشرب ايه
فارس:بقولك ايه ادخلى هاتى الكابيتشينو والليسون وتعالى نشرب انا وانتى فيهم
السهرة صباحى
ملك:لا السهرة صباحى مع نفسك
فارس:كده يا ملوك هتسيبينى اسهر لوحدى
ملك:ايه الجديد ما انت على طول بتسهر لوحدك
فارس:لا بقى انا راجع مخصوص وسايب اصحابى ودفعت دم قلبى ف الدبدوب دا علشان تسهرى معايا
ابتسمت ملك وقالت فكرتنى بالدبدوب انا هروح اجيبه يسهر معانا
كشر فارس وقال
هاتى الدبدوب وماله
دخلت جابته وحطت الصنيه عليها الشاى والليسون الكابيتشنو والنسكتافيه
وقعدت على الكنبه جانبه وبينهم الدبدوب
فقال فارس:انتى هتفضلى حاطه الدبدوب دا كده بينى وبينك
ملك:اه ف حاجه
فارس:لا ف حاجه ايه
مافيش
اصلى جايبه اسهر معاه
ملك:هههههههههههههههه
طيب اسهر بقى
مسك الريموت وهو متضايق وقال ف فيلم حلو اوى جايبه نتفرج عليه
تحبى تتفرجى عليه ولا الدبدوب عنده رائ تانى
ملك:هههههههههههههههههه
لا خلينا نتفرج عليه
فقعدوا يتفرجووووو كان فيلم رومانسى
note book
فقعدت اتفرجت وكان حلو اوى وبتضحك ف الاول من تصرفات البطل وقالت
دا رخم زيك
فارس:اتفرجى وانتى ساكته والا هموتلك الدبدوب
ملك:ههههههههههههه
وبعد شويه جت لقطات محرجه ومش كويس انها تتفرج عليها فكانت قاعده مكسوفه وش وبتبص وه ملاحظ ووووبيضحك من جواة ووووووووعمال يتفرج على تعبيراتها
بعدين
مش قدرت تستحمل فقالت انا هقوم انام
شدها من ايدها وقالها
تعالى هنا
رايحه فين
ملك:هدخل انام انا صاحيه بدرى
كمل انت تصبح على خير
فارس:ههههههههههههههه
طيب تعالى خلاص
هفرجك على فيلم كارتون
ههههههههههههه
ملك:انت بارد اوى
فقام فارس ومسكها
قالها
تعالى تعالى والله هفرجك على فيلم حلو بلاش الفيلم الوحش دا
ملك:فيلم ايه اللى هتفرجنى عليه
فارس:تعالى بس اقعدى
قعدت ملك وهو حط الفيلم وقعد جانبهاوقال اتفرجى بقى
بصت ع الشاشه لقت فيلم ريبونزول هيشتغل ففرحت اوى قالت
الله انا كان نفسى اتفرج عليه اوى
فارس:انا عارف انك طفله
اتفرجى اتفرجى
ملك:ههههههههههههههه
فضلوا يتفرجوا ومبسوطين بالفيلم وف الجزء اللى كانت معاه ف القارب
واشتغلت اغنيه مع الشمع اللى كان بيتفرق حوليهم بصلها فارس وهى كانت شايفاه بس عملت نفسها مش واخده بالها
وقالها
تخيلى لو انا وانتى اللى ف القارب دا وحولينا كل الشموع دى والجو الحلو دا
ملك:....................
فارس:مانفسكيش تطلعى ف قارب ع النيل معايا
ملك:..............
مش عارفه
فارس:خلاص اتفرجى
ملك:ماشى
وكملوا الفيلم ولما خلص كانت مبسوه اوى
وه قالها ايه رائيك
ملك:حلو اى بجد ميرسى يا فارس
فارس:ميرسى كده حاف
ملك:امال عايزنى اعمل ايه
فارس:لا بلاش اصلك بتزعلى
ملك:لا مش هزعل قول
فارس:مافيش بوسه كده ولا حضن
احمر وشها وقالت
انت قليل الادب
ودخلت وقالتله
تصبح على خير
فارس:وانتى من اهله
ودخل اوووضته وكان عارف انها هتفتح الفيس ففتح ولقاها لسه منزله
بوست انها مبسوطه ومن اسعد الايام عندها
فعملها كومنت بيقول
ودا كمان اسعد يوم ف حياتى وعمل ايموشن غمزة
فاتكسفت وابتسمت وكتبت
وانت مالك انت
فكتب
هنسيح لبعض ف الكومنتات ولا ايه تعالى ف الاينبوكس نتكلم
فبعتتله ف مسدج نعم
فارس:كده تكسفينى قدام الجمهور
ملك:انت ايه دخلك ف الكومنتات اصلا
فارس:ممش انا سبب السعاده دى
ملك:انت ؟
فارس:ايوة انا
هتنكرى ولا ايه
ملك:ممممممممممممم
لا عادى بس الفيلم كان جميل
فارس:فيلم اه
طيب خلى الفيلم ينفعك
انا قايم انام قفلتينى
ملك:مممممممم طيب روح نام
فارس:هنام واسيبك سهرانه لوحدك
ملك:قوم انا مش لوحدى بكلم اصحابى
فارس:بقى كده ماشى
يلا تصبحى على خير
ملك:وانت من اهله
وبعد شويه لقيته ماقفلش فبعتتله وقالت
ماقمتش يعنى
فارس:اه اصلى بكلم ياسمين بنتفق علشان نخرج بكرة
ملك:تخرجوا
اه ماشى اسيبك تكلمها براحتك علشان ماتتاخرش عليها ف الرد
سلام
فارس:انتى مالك قفشتى كده ليه
ملك:لا ولا قفشت ولا حاجه
فارس:والله
انتى شايفه كده يعنى
ملك:اه شايفه كده
يلا سلام
فارس:ملك
ملك:نعم
فارس:انا مبحبش الاسلوب دا
ملك:اسلوب ايه
فارس:مابحبش انا قلبه الوش دى
قولى مالك
هاتى اللى عندك
ملك:ايه هاتى اللى عندك دى
بص يا فارس انا مش ف مود خناق خالص
اقفل وسيبنى ف حالى
فارس:ماشى يا ملك براحتك
وقفل وبعد ثوانى لقاها قفلت الفيس وهو كان متضايق وقفل هو كمان وقعد يكلم نفسه ويقول
هى اتضايقت علشان قلتلها هخرج انا وياسمين
طيب ليه
معقول تكون غيرانه ؟
يعنى بتحبنى ولا انا علشان بتمنى كده فمتهيالى انها اتضايقت علشان غيرانه
مش عارف بس هى دلوقت متضايقه
هسيبها ازاى تنام وهى زعلانه حتى لو مش السبب الغيرة
وانا طريقتى معاها كانت رخمه
انا لازم اقوم اصالحها
قام خرج من اوضته وخبط على اوضتها
ملك:مين
مردش عليها وخبط تانى
فقامت فتحت الباب فتحه صغيرة فلقته قدامها فقالت
ايوة ف حاجه
فارس:انا اسف لو كنت كلمتك بطريقه رخمه
ملك:................
لا عادى ولا يهمك
فارس:ملك انتى اتضايقتى علشان خارج انا وياسمين؟
ملك:.........
انت وياسمين
لا
انا ايه اللى هيضايقنى
فارس:طيب ايه اللى ضايقك
ملك:لا ماتضايقتش ولا حاجه
فارس:ماشى عموما ماتزعليش منى
ملك:ماشى
روح تصبح على خير
فارس:طيب قولى وحياة فارس انا مش زعلانه
ملك:فارس روح نام بقى
فارس:مش همشى غير لما تقولى
ملك:لا مش هقول
فارس:لا هتقولى والا هفضل قاعد هنا
ومش بعيد لو ططولتى اروح انام ع سريرك الحلو دا وانتى تفضلى واقفه
ملك:يوووووووووووووووووووووووووووووة
فارس:هاا
الموضوع سهل قولى وحياة فارس

والا لسه زعلانه بقى وووعايزانى اصالحك بطريقتى
مك لا مش زعلانه
فارس:ها ؟
ملك:..........
وحياة فارس مش زعلانه
فارس:يالهوى على فارس اللى طالعه من بؤك دى
ملك:امشى بقى روح نام
فارس:حاضر يا عيون فارس
ودخل نام وهى كمان قفلت اللاب ودخلت نامت
وتانى يوم صحيت شذى من النوم ونزلت راحت الشركه وبعد شويه جلها تليفون من ادم ف لندن
شذى:الو ازيك يا ادم
ادم الحمد لله وحشانى والله يا شذى
شذى:وانت كمان
ايه اخبارك ايه
ادم:اهو الحمد لله
شذى:عامل ايه ف الشغل
ادم :انا متصل بيكى علشان كده
شذى:ايه خير
ادم بصى يا ستى
انا عارف انك ماسكه موضع اسر رجل الاعمال المشهور
شذى:اه فعلا
ف حاجه عرفتها عنه
ادم:اه عرفت حاجات كتير اوى
انتى فاضيه الاول لا راكى حاجه
شذى:لا معاك اتكلم
ادم:بصى
ف هنا عندنا رجل اعمال مصرى اسمه احمد الزيات
احمد الزيات دا كان مشهور اى ف مصر ف مجال الطب وه اصلا دكتور بس اتعمله كام قضية رشوة على شيكات متاخرة
شذى:اه عرفاه انا فكرة الاسم دا
كنت كتبت عنه موضوع قبل كده
ادم:اه
احمد دا حاول يتعاون مع اسر بس اسر رفض لان شغله مشبوه
وكان بيحاول احمد الزيات انه يوقعه ف مصيبه علشان اسر ماياكلش السوق
المهم هو معرفش واسر كشفه وقتها
وبعدها اتعمل لاحمد الزيات قضيه رشوة بسبب اسر
شذى:استنى استنى
يعنى اسر دا ماشى سليم ومابيتعاملش مع رجال اعمال مشبوهين
ادم:دا اللى انا عرفته واتاكدت منه
اسر ماشى ف السليم من اول ما بدا وعلشان كده ف رجال اعمال كتير نفسهم يوقعوه بس لانه ماشى ف السليم مابيعرفوش
شذى:اهااااا
ادم:المهم دلوقت
واللى انا متصل بيكى علشانه
ان احمد الزيات دا ناوى يوقع اسر ف مشكله
شذى:مشكله ايه
ادم:انا مش عارف بالظبط بس كل المعلومات اللى عندى
ان هيخلى واحد يتفق معاه على ماكينات وصفقه تبان انها فرصه بس هما هيلعبوا فيها تقريبا
انا لسه مش عارف
بس قلت اقولك علشان لو عندك معلومات او اى حاجه
وخصوصا انى عارف انك متابعاه اوى
شذى:ممممممممم
انا مش بس متابعاه
ادم :امال؟!!
( حكتله شذى على الخطه اللى رسمتها علشان تدخل بيته وهو كان رد فعله)
انتى مجنونه يابنتى
انتى عارفه لو اسر عرف حاجه زى دى ممكن يعمل ايه
وكمان لو كان انسان مش كويس ومرتشى وووووكل الحاجت اللى ف دماغك دى انتى فاكرة انه كان هيسيبك بكل بساطه كده
انتى تحمدى ربنا انه انسان نضيف وكيس والا كان وداكى ف ستين داهيه
ولازم ترجعى عن اللى بتعمليه دا
شذى:مش وقته الكلامد دا يا ادم
المهم انا هحاول اعرف وانت كمان خلى بالك كويس واى حاجه تعرفها حتى لو صغيرة بلغنى بيها ضرورى