رواية سحر عيونك جنني الفصل الثامن والثلاثون 38 - بقلم سيندريلا

ملك:..............
فارس:مافيش يا خالتو انا اسف انى فزعتك
خالته:يابنى ف ايه مالكم بتزعقوا ليه
ايه اللى حصل
فارس: موضوع كده مع ملك وهى مش بتسمع الكلام فعصبتنى
انا اسف
ادخلى وهنحلها
خالته:ماشى يابنى انا مش هدخل بنكم
بس خلوا بالكم الصوت العالى والزعيق مابيجبش نتيجه
دخلت الاوضه وفارس حاول يهدى وملك واقفه بعيد خايفه فبصلها فارس بنظرة كلها حنيه ولاحظ خفها فقعد يضحك فبصتله ملك مستغربه وبتقول دا مجنون دا ولا ايه لنفسها
فقرب منها فارس وقال
انا اسف
ملك:اسف؟!!
انا اول مرة احس انى خايفه منك
فضحك فارس جامد وقال
خايفه منى يا عبيطه
ملك:مش شايف انت كنت عامل ازاى
انت كان ناقص تضربنى
فارس:ف حد ف الدنيا يضرب حبيبه
ملك:...................
فارس:.............
قالت ملك بصوت مكسور انت رخم اوى على فكرة
اوعى تزعقلى تانى كده
فارس:انا اسف ومش هزعق تانى بس انتى كمان لما تلاقينى متعصب ماتعنديش معايا
ملك:انا معنتش انا بقولك مش هينفع تاخد الرقم
هتعمل بيه ايه هتروح تضربه يعنى
فارس:ههههههههههههه
يابنتى انتى فاكرانى بلطجى كل حاجه هضرب هضرب
خلاص ياستى حصل خير
بس بقولك ايه
عامر دا لو اتصل بيكى ماترديش عليه فاهمه
وانا هحاول انسى شايفك مراتى دى
ملك:مالها شايفك مراتى دى
فارس:بقولك ايه ماتعصبنيش تانى
قال مالها شايفك مراتى دى
انتى بتاعتى انا
فاهمه؟
ملك:...............
طيب اوعى بقى علشان جعانه
فارس:وانا كمان جعان
ملك:طيب اوعى
فارس:.............
ملك:اوعى بقى
فارس:انا مش عارف انا ازاى مكنتش حاسس بالجمال دا
ملك:............
فارس:اتفضلى يا برنسيسه علشان تاكلى
غمز بعينه وقال
تحبى ااكلك كمان؟
ملك: ابتسامة
لا شكرا يلا خلينى نقعد
وقعدوا ياكلوا وهو عمال يبصلها وهى مكسوفه وقال
فارس:بطل تبصلى بقى انا مش عارفه اكل منك
فارس:مش قادر الصراحه انزل عينى من عليكى
اتكسفت ملك وقالت
يوة بقى
هقوم اكل جوه لوحدى
فارس:لا تقومى ايه انا مش بشبع منك
خلاص انا هحاول مابصلكيش كتير
ملك: ابتسامة
***************************
هدى بعد تفكير كتير مع نفسها اخيرا فتحت الفون وشافت المسدج اللى بعتها حسام
وبعد ما لقت نفسها بتدور عليه ف كل حاجه بتعملها وبتفكر فيه قررت انها توافق على الارتباط بيه
فاتصلت بيه كان مع اسر ومسمعش الموبايل
وبعد ما خلص اكل هو واسر واتكلموا ف كل حاجه قال اسر
خلينا نقوم بقى احسن انا محتاج اروح اريح شويه ف البيت
حسام:يلا بينا
وخرجوا قدام المطعم فقال اسر
انت مش معاك العربيه ولا ايه
مش ياسر كان سايبلك العربيه
حسام:اه بس انا من الصبح بتمشى
اسر:من الصبح بتتمشى طيب تعالى اوصلك ف سكتى واعرف كنت بتفكر ف ايه
ركب معاه العربيه وقاله على انه بيحب هدى فاستغرب اسر وقال
معقول بسرعه كده حبيتها
حسام:هتصدقنى لو قلتلك انى حبيتها من اول ماعينى جت عليها
استغرب اسر ومع نفسه افتكر عيون شذى ولحظه ما شافها
فكمل حسام كلامه وقال
مش عارف ازاى اتشدتلها كده
بس انا متاكد انى محتاجلها جانبى انا على طول بقيت حاسس ان ناقصنى حاجه واول ما اشوفها احس ان مش ناقصنى حاجه وعايز الوقت يوقف
طول ما حسام بيتكلم اسر بيطبق كلامه على شذى
وف الاخر قال حسام
انا ضيعت وقت كتير اوى وخلاص بقى انا عايز اعيش اعيش بجد
عايز اشتغل علشان ف واحده مستنيانى علشان اجيلها وناكل مع بعض
لما اتعب الاقيها جانبى
لما ابقى متضايق تخفف عنى
عايز واحده ابقى ليها الامان وتبقى ليا الدفى والحب عايز اشاركها كل حاجه وتشاركنى كل حاجه
بيسمعه اسر وحاسس بكل كلمه بيقولها
وفجاه قال حسام
يعنى بص لنفسك
مع انك ناجح جدا ف شغلك بس اكيد حاسس بنقص
اكيد نفسك تحس بكل اللى قلتلك عليه
انا بقى كنت محظوظ ولقيت الانسانه اللى هقدر اعيش دا معاها
فمستحيل اخليها تضيع من ايدى
اسر:معاك حق
وصل لعند البيت فقال اسر
احنا وصلنا بسرعه اوى ماتيجى معاي البيت نقعد نتكلم شويه
حسام: طيب ماتيجى تطلع انت معايا وياسر شكله فوق العربيه بتاعته هنا
ايه اللى رجعه بدرى دا
كان رايح يقابل علا ويفاتحها ف موضوع الجواز
تعالى نشوف ايه اللى حصل
اسر:اه صح
والله انا بقيت انسى كتير اليومين دول
فركن العربيه وطلعوا لقوا ياسر قاعد ومشغل ميوزك فاستغربوا وعرفوا انه متضايق فدخلوا
سلموا عليه وقال اسر ايه يابنى مالك
ياسر:مافيش
انتوا كنتوا مع بعض ولا ايه؟
حسام:اه كنا بنتغدى سوا
انت ف ايه؟
علا ماوفقتش ولا ايه؟
ياسر:........
اسر:ماتتكلم يابنى
فحكلهم ياسر ع اللى حصل وقال
انا سامع بودنى واحد بيقول انا امجد
وبسالها بتقول الرقم غلط
مكنتش عايزة ترد عليه قدامى
هى متعرفش ان الصوت كان عالى وسمعته علشان كده كدبت عليا
حسام:يابنى ما يمكن سمعت غلط
ياسر:هسمع اسم امجد بالذات غلط
انا متاكد ان اللى كان بيتكلم امجد خطيبها القديم
اسر:مايمكن يكون هو فعلا بس مافيش بنهم حاجه مش بتقول انها كانت مصدومه يمكن اتصل بيها ف الوقت دا وقبل كده ماكنش بيكلمها ولا يعرف عنها حاجه
ياسر:ياسلام
الحظ بقى
عموما خلاص انتهى الموضوع
حسام:انتهى الموضوع ازاى يعنى؟
ياسر:يعنى خلاص هى حرة وانا ماليش دعوة بيها هى بنت عمى وخلاص
اسر:بنت عمك وخلاص ازاى انت مش بتحبها
ياسر:مابقاش ف حاجه اسمها حب
حسام:انت يابنى بتتلكك
ياسر:خلاص بقى اتكلموا ف حاجه تانيه
حسام:ماتقفلش دماغك زى كل مرة انت ماتغيرتش ولا ايه
ياسر:لا ماتغيرتش ريح دماغك بقى
حسام:لا مش هريحها
انت كده ضعيف علشان من اول مشكله بتهرب ومش عايز تواجه
ياسر:حاسب على كلامك يا حسام
حسام:لا مش هحاسب على كلامى علشان انت جبان
اتعصب ياسر وقام مسكه من القميص وقاله
وبعدين بقى ماتلم نفسك
شافهم اسر فضل يضحك ضحك هيستيرى بصوله وفضلوا يضحكوا هما كمان ووقعوا ع الكنبه من كتر الضحك وقام اسر وراح عليهم بيحضنهم وقال
وحشتنى خناقاتكم والله
فكرتونى بزمان
ياسر:ههههههههههههههه معاك حق
حسام:ماهو طالما مخه المتقفل دا زى ماهو انا مش هسكت غير لما اكسرة
ياسر:ماتخلنيش اقوم عليك تانى
اسر:خلاص خلاص انتوا مابتصدقوا
خلينا نغير الموضوع يا حسام
وياسر هيهدى ان شاء الله ويعرف غلطه
ياسر:انت عملت ايه يا ابو النصايح مع هدى ردت عليك ولا لسه؟
حسام:لسه وقافله موبايلها
انا خايف ترفض
ياسر:لا هتقبل ان شاء الله
اسر:ماتقلقش هى هتلاقيها بتفكر ما انت فجاتها
هى لسه متعرفكش كويس

حسام:انا هرن عليها تانى يارب تكون فتحت الموبايل
بيدور ف جيبه طلع الموبايل لقى مسد كول نط من ع الكنبه وقال
هدى اتصلت وانا مشفتش الموبايل
ضحك اسر وياسر وقال ياسر
ياعينى يا بنى البت شكلها هتجننه
اسر:ههههههههههه
طيب روح روح كلمها
قام حسام دخل البلكونه واتصل بهدى
ردت فقال
اسف والله ماسمعتش الموبايل علشان كنت مع اسر بنتغدى
هدى:ولا يهمك
....................
حسام:ها؟
فكرتى؟
هدى:................
حسام:
هدى:اه فكرت
حسام:طيب ايه؟
هدى:مش هينفع ف الفون احنا لازم نتقابل
حسام:ناشى نتقابل دلوقت لو فاضيه
هدى:لا دلوقت مش هينفع خليها بكرة
حسام:ماشى هعدى عليكى بكرة الساعه 9 نفطر سوا
هدى:ماشى
قفل معاها ودخل سالوه ايه اللى حصل فقالهم لسه هيتقابلوا فقال حسام
يارب توافق انا خايف اوى تضيع بعد ما لقيتها
ياسر:هى هتلاقى احسن منك فين يا حس
قعدوا يتكلموا شويه وقال اسر انا همشى بقى علشان محتاج ارتاح
نزل اسر وراح البيت لقى فارس قاعد بتفرج ع الماتش فقال
لا مش ممكن
فارس بنفسه قاعد ف البيت
هو ف ايه حصل ف الدنيا
فارس:ههههههه لا ما انا هحترم نفسى بقى وهتلاقينى كل يوم هنا وهبطل صرمحه
اسر:دا من ايه دا
فارس:اصلى قررت اتجوز
اسر:قررت تتجوز فجاه
هو ايه اللى حصل
كل ما اكلم حد يقولى هتجوز
فارس:شد حيلك بقى انت كمان وحصلنا
اسر:اشد حيلى ايه
ومين دى تعيسه الحظ اللى هتتجوزها
فارس:ملك
اسر:نعم؟
فارس:احم احم

اسر:انت بتهزر صح
فارس:لا مش بهزر
بجد عايز اتجوز ملك وقلت لخالتوا وهى ماعترضتش
وعايز بق اخلص هى قالت لما انت تيجى وتتفقوا ع كل حاجه
اسر:براحه عليا
انا مش مستوعب اصلا
فارس:يا اخى مش وقت توهان بقولك ايه
جوزولى البت دى بدل ما اخطفها واتجوزها بعيد عنكم
اسر:هههههههههههههه
دا الحب شكله ولع
مش قلتلك يابنى وانت كنت عمال تعاند
فارس:اعترفت ياعم بغلطتى اخلص
الفرح هيبقى امتى؟
اسر:هو سلق بيض اصبر عليا بس شويه وبعدين نبقى نشوف الموضوع دا
فارس:شويه ايه يابنى بقولك
هموت عليها
اسر:طيب اصبر بس يومين نتطمن على سملى وبعدين هجوزهالك
فارس:ملكش دعوة بسلمى انت مش قلت انها ف الساحل انا بكرة طالع الساحل مع كريم وناوى اروحلها واقابل اللى اسمه جاسر دا
فجاه كده هتسافر
طيب استنى اشوف امورى ايه واجى معاك انا عايز اتطمن عليها
فارس:لا خليك انت ف الشغل وانا هروحلها ماتقلقش
اسر:طيب لما ترجع نشوف فارس:ماشى بس مش هتاخر اكتر من كده
اسر:ماشى ماشى
وسع بقى علشان ادخل انام
***********************
شذى كلت ف المستشفى واكلت سلمى اللى كانت مش موافقه خالص وراحت بعد كده تطمن على جاسر وشويه لقت شذى اسر بيتصل علشان يتطمن عليها قبل ما ينام
وهشام كان مختفى تماما ومحدش يعرف عنه حاجه
وعامر بعد ما قابل ملك قرر انه يسافر السعوديه يشتغل ويقضى باقى حياته هناك وينسى ملك خالص
وفارس كمل الماتش وخبط على ملك اللى كانت نايمه وصحيت ع التخبيط وقالها انه داخل ينام
ملك:انا مش عارفه ايه اللى نيمنى وانا قاعده ع السرير كده مش هعرف انام
فارس:احسن
انا بقى هدخل انام لحد الصبح
ماتنسيش تصحينى وتعمليلى الفطار يا شاطرة
ملك:شاطرة ف عينك
روح اتخمد
وانا هقعد شويه ع النت ويمكن انام
فارس:ماشى
تصبحى على خير
ملك:وانت من اهله
**************************
تانى يوم صحيت سلمى من بدرى راحت تطمن على جاسر واول مارجعت لقت شذى لسه صاحيه وقالتلها انها كانت بتشوف جاسر فقالت شذى
مام
انا هروح اجيب نسكافيه اجبلك معايا ولا عايزة حاجه تانيه
سلمى:لا تمام نسكافيه بردو
شذى:اوك
*****************
ملك صحيت بدرى وصحت فارس واسر ومامتها وقعدوا يفطروا ع السفرة وقال اسر
ابقى طمنى لما توصل بقى
ملك:يوصل فين؟
فارس:اوووووووووووووبس
ودتنا ف داهيه
اسر:انت مش قايلها ولا ايه؟
فارس:لا كنت هقولها انهارده
ملك:مممممممممممم
بصلها فارس وقال
والله كنت هقولك بس موضوع عامر دا نسانى
انا هروح الساحل وهرجع بكرة مش هقعد كتير
ملك:ماشى عادى
فارس:ماتزعليش بقى
ملك:ماشى مش زعلانه
بص لاسر وقال
عاجبك كده
ربنا يسامحك يا شيخ
اسر:انا مالى مش انت اللى ماقولتش انا ايه عرفنى
خالته:خلاص ترجع بالسلامه خد بالك من نفسك
فارس:الله يسلمك يا منوش
وانتى خدى بالك من نفسك ومن الهبله دى
ملك:.............
اسر:انا نازل بقى
سلام
نزل اسر راح ع الشركه وهما خلصوا اكل ودخلت الاكل ف المطبخ فدخل فارس عليها المطبخ وقال
وحياة فارس ماتزعلى
والله نسيت اقولك
ملك:انا مش زعلانه
خد بالك من نفسك
وطمنى عليك كل شويه
فارس:يالهوى يا ناس ع الحنيه
وربنا بموت فيكى
هتصل بيكى كل شويه علشان اسمع صوتك واتطمن عليكى
خدى بالك من نفسك
ملك:حاضر
انت هتسافر دلوقت
فارس:لا هتحرك من الصيدليه على 12
ملك:ماشى ترجع بالسلامه
*********************
ياسر صحى لقى حسام لسه مانمش فقال
انت مانمتش يابنى ولا ايه
حسام:مش جايلى نوم انا خايف ترفض
ياسر:هههههههههههههههه ياعينى ع الرجاله
اتطمن اتطمن هتوافق
وخرج نزل ع الشركه وحسام قام خد دش وقعد ع النت شويه يقلب
على مايجى ميعاد هدى
وعلا ماعرفتش تنام وبتتصل بياسر موبايله مقفول والصبح الفون اتفتح فاتصلت بيه رد فقال الو
علا:انت قافل موبايلك من امبارح وانا مش عارفه اوصلك
علا:اه كان مقفول
علا:اه كان مقفول!!!!!!!
ما اناعارفه انه كان مقفول
كنت قافله ليه
ياسر:مكنتش عايز حد يزعجنى
علا:مش عايز حد يزعجك
ياسر انت بتتكلم كده ليه؟
ياسر:ماله كلامى؟
علا:مش شايف طريقتك
ياسر:لا مش شايف
وعن اذنك انا هقفل علشان سايق العربيه
علا:..........
ياسر:باى
قفل السكه وعلا مصدومه من طريقته وقعدت تعيط
وهدى مانمتش هى كمان وبتفكر وقامت شرب نسكافيه واتصلت بشذى علشان تحكلها
فحكتلها ع اللى حصل فقالت شذى
ماتتسرعيش ياهدى وفكرى كويس
هدى:انا فكرت ودا اللى حسيت بيه
شذى:طالما دا احساسك يبقى خلاص
وماتضعيش وقت زى ماهو قال
قفلت معاها وقالت لسملى انا همشى بقى اروح الشركه وهستاذن بدرى واجيلك
خدى بالك من نفسك
وانا علشان اعرف اكلمك هنزل دلوقت اشترى موبايل وخط اعرف اكلك عليهم قبل ما اروح الشركه
نزلت اشترتلها الخط والموبايل وشيت راحت ع الشركه وف الطريق اسر اتصل بيها فقالت انها ع الطريق وهتوصل
وصلت ع الشركه ياسر بيطلع بالاصنصار فطلعت معاه وسلم عليها
وقالها
انتى مغيرتيش من امبارح ولا ايه
شذى:اه
اه اصلى مروحتش البيت كنت عند بابا علشان تعبان
ياسر:اه الف سلامه
وطلعوا المكتب راح ياسر على مكتبه وهى على مكتبها ودخلت سلمت على اسر وسالها على باباها وطلعت تجبله البسطه
وادتهاله
واتصلت بادم تتابع معاه موضوع الصفقه واتصلت بسلمى تطمن عليها
فشويه ودخل ياسر علشان يدخل لاسر ودخله قعدوا يتكلموا شويه وقام علشان يخرج وفتح الباب وبيقول ياسر انا ع مكتبى بقى هخلص شويه حاجات واجيلك
اسر:ماشى وانا هكلم فارس علشان اشوفه هيروح الساحل امتى احسن نسيت اساله ياسر :ماشى
سمعته شذى وهو بيقول رايح الساحل فسالت اسر فقال
بيقول رايح هو وصاحبه وهيروح لسلمى يشوفها ويتطمن عليه
شذى:سلمى؟
هيروح ليه؟
اسر:يتطمن عليها ويقعد مع جاسر
شذى:............
اسر:ايه مالك؟
شذى:لا مفيش
طيب انت كلمت سلمى قلتلها
اسر:لا ماهى سايبه موبايلها ف الفيلا
شذى:امال فارس هيعرف منين مكانها ف الساحل؟
اسر:اه صح
معاكى حق
انا دماغى خلاص
صحيح هيوصلها ازاى
اما اتصل بفارس اقوله
شمت نفسها سلمى وقالت الحمد لله
وبسرعه جريت اتصلت بسلمى وقالتلها فقالت سلمى
كويس انك قلتيلى مش هتصل بيهم خالص انهارده علشان مايسالنيش مكانى فين
شذى:تمام
خرج اسر بعد شويه وقال
انا قلتله وهى لما تتصل هسالها مكانها وهبقى اقول لفارس
بقولك ايه
انهارده هنروح نفطر سوا ماشى
شذى:ماشى بس بعدها هتضر امشى اروح لبابا
بس هبقى خلصت كل الشغل عشان مش تتعطل يعنى
اسر:ماشى ولا يهمك
ودخل تانى على مكتبه
بص ف كام ورقه وطلب قهوة لانه مكنش مركز خالص وبيفتح الدرج لقى الجريده بتاعت شذى اللى كانت كاتبه فيها عن الصور والديسكو فقعد يضحك ويقول
والله نفسى اشوف شكلك ايه
وسابها ع المكتب ودخلتله القهوة وقعد يشربها
ولما جت الساعه 9 لقت هدى حسام قدام البيت نزلت وسلمت عليه وقعدوا يفطروا سوا فقال حسام
قبل ما اعرف رائيك
انا مش عايز اخسرك لاى سبب من الاسباب
وبردو مش عايز اكون بضغط عليكى فاى اختيار انتى هتختاريه انا هفضل معاكى بالشكل اللى تحبيه
هدى:...........
حسام:لان فعلا ماصدقت الاقيكى
هدى:انا فكرت كتير
قبل ما اخد القرار وصلت لنفس الاحساس اللى انت حاسه
حسام:يعنى ايه؟
يعنى موافقه؟
موافقه ياهدى؟
هدى:حاسه انى عايزاك جانبى
انا موافقه اكون معاك باقى حياتى يا حسام
طار حسام من الفرح وقال انا مش مصدق والكافيتريا كلها بتتفرج عليه وهدى مكسوفه
وعماله تقوله يهدى ويقعد
فمسك ايدها وقال
اوعدك انك مش هتندمى على قرارك
اوعدك انك هتعيشى سعيده باقى حياتك
************************
لما جت الساعه 12 خرج اسر لشذى علشان ينزلوا يفطروا مع بعض فقعدوا ف الكافيتريا وقال اسر
انا ليه حاسس انك متغيرة اليومين دول
شذى:انا
لا مش متغيرة
اسر:لا حاسس ان ف حاجه شغلاكى
شذى:لا هتلاقى بس تعب بابا
اسر:وتعب باباكى دا كمان
انتى ليه مش عايزانى ابعتلك عربيه توديه المستشفى؟
انتى قلقانه يعنى علشان المصاريف
شذى:.............
اسر:قلتلك ماتقلقيش انا هتكفل بكل حاجه
مش انتى بتشتغلى معايا
يبقى مسؤله منى
شذى
:تسلم بس.
اسر:مافيش بس
انتى انهارده رايحه لبابكى قوليله بقى علشان ابعتلك العربيه
شذى:ماشى
اسر:ايوة كده
شذى:طيب انت بقى مالك
اسر:مش عارف متلغبط جدا اليومين دول ومش مركز ف حاجه
شكلى بحب جديد
ابتسمت شذى وقالت
طيب يلا بقى علشان عايزة احضر فرح
اسر:ههه لا من الناحيه دى اتطمنى هتحضرى افراح كتير
الكل عايز يتجوز مش عارف ايه دا
مش فاضل غيرى
شذى:ربنا يرزقك انت كمان
اسر:يارب
فضلوا يتكلموا وهما بياكلوا
وملك كانت زهقانه فاتصلت بفارس وقالتله انها هتنزل تتمشى شويه فقال
هتنزلى تتمشى لوحدك
ملك:اه لوحدى هعمل ايه
فارس:لا انا هاجى معاكى نتمشى ساعه على ما اسافر
جالها الساعه 10 ونص قدام البيت اخدها بالعربيه وفضلوا يتمشوا ويتكلموا وجابلها ايس كريم وكانت مبسوطه اوى وعل الساعه 12 قالها لازم يمشى واتصل بكريم وصل ملك ومشى علشان يسافر
طلعت ملك قعدت مع مامتها شويه يتكلموا واتصلت بسلمى موبايلها مقفول
فكملت الروايه اللى بتقراها
*****************
سلمى راحت سالت الدكتور على حاله جاسر وقال انه ف تحسن وووودخلتله الاوضه وفضلت واقفه شويه وهو كان صاحى وحاسس بيها وكان مبسوط اوى انها جانبه بعدين رجعت تانى ع اوضتها
ولما خلصت فطار شذى مع اسر قالها يوصلها بس هى رفضت وتحججت بالشغل وانه مرهق واخدت تاكسى وراحت لسلمى المستشفى
ولقت دكتور يوسف عندها ف الاوضه فشافها اعجب بيها جدا وقال
مش تعرفينا يا سلمى
سلمى:اه
نور تشتغل مع اسر وتقدر تقول كده انا وهى بقينا اصحاب
يوسف:اهلا وسهلا
شذى:اهلا بحضرتك
يوسف
انتى هتفضلى هنا مع سلمى طول اليوم
شذى:اه
ان شاء الله
يوسف:كويس علشان نشبع منك
شذى:..............
سلمى:متشكرة اوى لوقفتك معايا يا دكتور يوسف
سلمى:لا العفو انتى اختى
انا هخرج بقى اسيبكم مع بعض وهعدى عليكم تانى
سلم على شذى وقال
اتشرفت بمعرفتك يا انسه نور
شذى:الشرف ليا
وخرج فقالت سلمى
شكل الصنارة غمزت
شذى:غمزت ايه بس سيبك
اسر مصمم انه يحجز بابا ف المستشفى وانا مش عارفه اعمل ايه
قطع كلامهم اتصال من على اللى شغال معاها ف الجريده
يبالغها ان عم محروس مات اتضايقت اوى شذى وعيطت
ولما سلمى سالتها قالت
انا مش مصدقه
انا كنت بحبه اوى
انا قصرت معاه الفترة اللى فاتت دى
سلمى:اهدى بس وقليلى مين عم محروس دا
شذى:دا واحد ولاده اتجوزوا وسابوه ومش بيسالوا فيه وهو مش بيشتغل فانا لمتله وعملنا كشك علشان يكسب منه وكنت كل اسبوع بزوره واتطمن عليه
سلمى:لا حول ولا قوة الا بالله
ان لله وانا اليه راجعون
اهدى بس وادعيله
شذى:ربنا يرحمه
وفضلت تحكلها عنه وبتعيط وهى بتحاول تهديها
هدى خلصت كلام مع حسام وقالها
انا مش عايز اضيع وقت
تعالى نروح نختار الدبل
هدى:انت مستعجل كده ليه استنى
حسام:لا مش هستنى يلا قومى
ضحكت هدى وقالت انت مجنون
قامت معاها وبسرعه ركبوا العربيه راح اتفرجوا ع الدبل واختارت دبله حلوة اوى ولبسهلها وقال
دا علشان كل الناس تعرف انك بقيتى بتاعتى
لكن الفرح اوعدك انى هعملك احسن فرح ف الدنيا وهعوضك الخطوبه السريعه دى
هدى:اهم حاجه انك معايا
بعد كده روحها ع البيت وكان كل شويه يتصل بيها وهى تضحك وتقفل معااه
بعد كده اتصلت بعلا ولما عرفت موضع ياسر بسرعه نزلت راحتلها وقعدت تتكلم شويه معاها وتهديها وقالتلها تسيبه يومين لما يهدى وبعدين تكلمه وفضلت قاعده معاها لحد الساعه 6
اتصل بيها حسام فقالتله انها عند علا فقال هعدى عليكى لو خلصتى ونتغدى برا فوافقت وسلمت على علا ونزلت معاه اتغدوا برا وقال حسام
مش عايز اسيبك ولا لحظه
هدى: ابتسامة
****************
فارس كلم ملك اول ما وصل السحل وفضل معاها ع التليفون مش عايز يسيبها ويقفل وهى كل شويه تقوله اقفل وهو شم راضى وعملت الاكل وهو معاها ع التليفون وصل اسر البيت فلقاها بتتكلم ف التليفون فقال
الله يسهلوا
اوعدنا يارب
وقعدوا ياكلوا وهى حاطه الهند فرى ف ودنها وبتكلمه فقالت مامتها
يابنتى اقفلى لما تاكلى وابقى كلميه
ملك:اعمل ايه هو اللى مش عايز يقفل
فقال اسر بصوت عالى
يابنى ارحم البت اكلت ودانها
فارس:قوليله ملكش دعوة
اللى غيران منا يقلدنا
فقالتله فقال
ليك حق تتكبر علينا ياعم ماشى
وربنا من بكرة لاحب واقرفكم
ملك:هههههههههههههه
يلا بقى اقفل
فارس:مش هقفل انتى بتطردينى يابت انتى
ملك:هو انت مسافر علشان تتفسح وتشم هوا مع صاحبك ولا علشان تقعد تكلمنى
فارس:لا صاحبى اهو ف البحر وانا مش عارف استمتع بحاجه وانتى مش معايا
ملك:احم احم
كملوا اكل وهى حاطه السماعات ف ودنها ولما خلصوا شالت الاكل وعملت لنفسها نسكافيه فقالها اعمليلى معاكى
فعملت كوبايه زياده وربتها وقالتله
انا عملت وهشربها بدالك
فارس:وانا كمان طلبت كوبايتين مانجه واحده ليكى واحده ليا
هشرب الاتنين بتاعتى وبتاعتك
**************
سلمى وشذى كانوا بيتكلموا بعد ما رجعت شذى من الدفنه بسرعه فقالت سلمى
طيب ماتستغلى موت عم محروس دا وتقولى انه باباكى ومات ونبقى كده خلصنا من الموضوع خالص واسر مش هيعرف
شذى:...............
سلمى:اقصد ان باباكى كان تعبان واتوفى فاسر هيقتنع
شذى:مش عارفه
سلمى:فكرى وشوفى ممكن تعرفى تعملى ايه
شذى:..................
طيب ثوانى
اتصلت بعلى وكلمته وقالت انها جايه دلوقت
قالت لسلمى انا لازم امشى دلوقت هتصرف ف الموضوع وهقولك
نزلت شذى ووووقابلت على وظبطت معاه كل حاجه واتصلت باسر الساعه 8 بتعيط اتخض اسر وقال مالك
ايه اللى حصل
فقالتله ان باباها اتوفى
فنزل بسرعه بعد ما عرف العنوان وراحلها
لقاها قاعده ف البيت بتاع عم محروس البسيط جدا ومعاها على لابس لبس بسيط
اول مادخل عليها لقاها بتعيط جامد وعيونها ماليانه دموع فقرب منها وقال
انتى مكلمتنيش ليه من بدرى
شذى:انا ماكنتش عارفه حاجه واتصدمت ومش مركزة ف اى حاجه
ولما فقت كلمتك ع طول
اسر:طيب مين ساعدك ف الدفنه والصوان اللى تحت دا
شذى:اهل الحته وعلى ابن عمى وشاورت عليه
فسلم عليه
وقال
طيب انا هفضل معاكى لحد العزى مايخلص بعدين هاخدك ونروح
شذى:لا روح انت ماتشغلش بالك وانا هبات انهارده ف بتنا
علشان اودع كل حاجه
اسر:انا مش ممكن اسيبك ف الحاله دى
شذى:ارجوك
اسر:طيب انا هفضل معاكى لحد ماتنامى وبعدين هروح وهعدى اخدك الصبح
شذى:ماشى
فضل معاها لحد الساعه 11 واتصلت بيها شذى فردت ومبنتش انها هى وعرفتها انها هتجلها متاخر ولما نزل اسر بسرعه اخدت تاكسى وراحت لسلمى
وحكتلها ع اللى حصل فاتبسطت وقالت
كده عدى الموضوع ان شاء الله وخلصتى من اللى كان هيحصل لو عرف
شذى:اه الحمد لله
المهم جاسر عامل ايه؟
سلمى:ف تحسن اهو ربنا يستر
**********************
اتصل فارس باسر بعد ما اخيرا ساب ودن ملك الساعه 9 علشان يقوله انه مش عارف يوصل لسلمى ويساله لو اتصلت بيه
اسر:لا مكلمتنيش ومش معايا رقم جاسر كنت كلمته
فارس:طيب وبعدين دا انا واقفت مخصوص انى اسفر علشانها
اسر:مافيش غير اننا نستنى لما تتصل انا قلقان عليها اصلا
فارس:وانا كمان قلقان جدا عليها
اسر:خير ان شاء الله
وقفل معاه وووفضل قاعد مع شذى لحد الساعه 11
ملك نامت الساعه 10 بعد ماقلتله تصبح على خير
وعلا فضلت تفككر وتعيط مع نفسها وحاول امجد يكلمها هى مردتش عليه
وهدى رجعت البيت الساعه 9 ونامت وهى مبسوطه زيها زى حسام اللى روح طاير من الفرح ونام
وياسر رجع من الشركه فضل يتفرج ع التلفزين ودخل نام هو كمان الساعه 10
******************
تانى يوم من بدرى قامت شذى وراحت ع بيت عم محروس علشان اسر لما يجها
ووهو اول ما قام من النوم فطر مع ملك وخالته وسلم عليهم ونزل بسرعه راح لشذى اخدها من البيت وقالها مافيش شغل انهارده انتى هتروحى البيت وترتاحى
شذى:لا مش هينفع
انا كويسه
اسر:لا مافيش عند ف دى كمان
شذى:............
ماشى
اسر:ايوة كده
وووصلها البيت وقال هتصل بيكى اتطمن عليكى خلى مبايلك جانبك
فطلعت شذى خبطت على ملك فتحتلها وسلمت عليها ودخلت
فقالت لملك انها كدبت على اسر وفهمتها الحكايه
ملك:كويس انه ماعرفش لان اسر صعب اوى ف موضوع الكدب دا
شذى:الحمد لله
ملك:كويس انه ادالك اجازة انهارده انا عايزة احطيلك بقى ع اللى حصل
شذى:ايوة ما انا جتلك قولت ندردش شويه واعرف اخبارك انا عارفه انى مقصرة معاكى معلش
ملك:ولا يهمك
هقوم اعمل حاجه نشربها ونقعد نرغى مع بعض
قامت عملت نسكافيه وقعدوا يتكلوا وحكتلها على كل اللى حصل وهى مبسوطه وذى كمان اتبسطتلها وباركتلها
****************
dhsv ,wياسر وصل ع الشركه وكلم اسر تانى ف موضع الصفقه فقال
تانى يا ياسر
يابنى انا قلتلك جهز كل حاجه وف الاخر انا هبص ع الموضع كله
ياسر:انت هتفضل مش مركز يابنى لحد امتى
اسر:هعمل ايه يعنى
ياسر:تعمل زى ماقلتلك تروح كام يوم تسافر تبعد عن كل حاجه وتروق اعصابك
اسر:مش هينفع
ياسر:انت اللى مش هينفع
بلاش عند يه الفايده من قعادك وانت مش مركز
اسر:.............
ياسر:فكر شويه كده ربنا يهديك
وخرج راح على مكتبه
فكر اسر وقال
انها فرصه يريح اعصابه وفكر ياخد شذى معاه
علشان تخرج من مود الحزن اللى هى فيه بسبب باباها
*
هدى حسام كلمها من بدرى وفطروا مع بعض وفضلوا يتمشوا علشان يتفرجوا على شقق

وعلا قررت انها مش هتكلم ياسر اليومين دول وفضلت قاعده ف اوضتها مكتئبه وكلمتها هدى وشذى يتطمنوا عليها ويحاولوا يخرجوها من اللى هى فيه
فارس كان سهران للصبح وكلم اسر واضطر انه يسافر من غير ما يشوف سلمى
وصل القاهرة الساعه 2 الضهر
لقى شذى ف البيت سلم عليها فاستاذنت علشان تطلع
وقال فارس لملك
وحشتينى اوى
ملك:وانت كمان
فارس:هدخل اخد دش وانام وبالليل هاخدك نسهر برا ايه رائيك؟
ملك:ماشى
***********************
نزلت شذى راحت لسلمى المستشفى فلقت يوسف معاها فسلم عليها وقال
انا محظوظ علشان شفتك قبل ما امشى
شذى:...............
يوسف:طيب استاذن انا بقى
سلمى:اه اتفضل
شذى:ايه الاخبار
سلمى:الحمد لله
بكرة هيتنقل اوضه عاديه
شذى:طيب الحمد لله
سلمى:احكيلى عملتى ايه مع اسر
حكلتها اللى حصل وقعدت شويه معاها وقالتلها ان فارس رجع من الساحل فاتصلت باسر تطمنه عليها
قال
انا كنت قلقان عليكى انتى لازم تجيبى خط علشان اعرف اكلمك او هاتى رقم جاسر
سلمى:ماهو دا خطى ابقى كلمنيى عليه
وانا هكلمك اطمنك عليا
وانت مش تقلقل انا كويسه
قفلت معاه فقالت شذى
انا لازم امشى علشان اسر
سلمى:اه طبعا
خدى بالك من نفسك
شذى:وانتى كمان
روحت شذى وبعد ما وصلت الشقه بشويه لقت اسر بيخبط عليها فحمدت ربنا انها وصلت قبل مايجى
فتتحتله وقعدوا يتكلموا شويه وف الاخر قال اسر
انياسر بيزن عليا علشان اسافر كام يوم ف اى مكان اريح اعصابى بعيد عن الشغل
شذى:معاه حق لازم تريح شويه لانك مرهق
اسر:اه ما انا اقتنعت بكلامه
ايه رائيك لو تيجى انتى كمان علشان تغيرى جو وتخرجى برا الحزن اللى انتى فيه
شذى:انا
اجى معاك انا
اسر:اه
اهو تغير جو
شذى:لا ماتشتغلش بالك بيا انا كويسه
سافر انت ريح اعصابك علشان ترجع مركز للشغل
اسر:ما انا هسافر وانتى كمان هتسافرى معايا
المدير بتاعك مش هيبقى موجود
انتى هتقعدى تعملى ايه؟
شذى:.................
اسر:خلاص انا هحجز ليا وليكى اتفقنا
شذى:............
اسر:يبقى اتفقنا
اسيبك بقى ترتاحى
نزل اسر لقى فارس نايم دخل بص عليه وسلم على ملك ودخل اخد دش وغير هدومه وفتح النت علشان يحجز تزاكر وفندق
والساعه 9 صحى فارس فخرج اسر على صوته قاله حمد الله ع السلامه
وكانت ملك وخالته برا
فقالهم انه هيسافر بعد بكرة كام يوم يريح اعصابه
فارس:ايوة بقا
اخيرااا
ملك:كويس والله انت عمرك ما اخدت اجازة
اسر:اعمل ايه بقى مضطر
خالته:تروح وترجع بالسلامه يابنى
اسر:الله يسلمك يا خالتوا
بص لفارس وقاله
طبعا انت هتبقى راجل البيت تاخد بالك من ملك وخالتك
فارس:ملك وام مالك ف قلبى
اسر:ايوة دور السهوكه دا
ماشى ياخويا ربنا يخلى
فارس:ونور كمان ف عينه اتطمن
اسر:................
لا
نور هتسافر معايا
فارس:اوبااااااااااااااا
دا شهر عسل دا بقى مش رايح تريح اعصابك
اسر:احترم نفسك
نور باباها اتوفى وانا قلت بالمرة تيجى تطلع من المود اللى هى فيه
فارس:ياحنين انت
ماشى ياعم الله يسهلوا
ملك:اه والله كويس بدل ماتقعد هنا وتكتئب
فارس:قلبتوا كلكم ملايكه من ورايا ولا ايه
خالته:ياواد اهمد بقى شويه وبطل لماضه
فارس:هتلم علشان خاطرك انتى بس يا منوش
بص لملك وقال
يلا يابت قومى البسى علشان اعشيكى برا
بص لخالته وقال
بعد اذنك طبعا يا منوش
خالته:انت لسه فاكر
ماشى بس متتاخروش
فارس:ماتخفيش دى ف عينى
دخلت ملك بسرعه لبست فستان اسوود طويل وجايبه شعرها مفرود على جانب ولابسه حلق فضى
وكوليه فضى
كان شكها يجنن شافها فارس ومنزلش عينه من عليها وقال
انتى هتخرجى كده معايا
ملك:اه
وحش؟
فارس:وحش ايه دا انتى تتاكلى اكل
ملك:...............
فارس:انتى هتجبيلى مصيبه شكلك
بقولك ايه روحى غيرى اللبس دا والبسى حاجه تانيه عاديه
ملك:..............
ماشى
فارس:استنى
ملك:نعم
فارس:خلاص خليكى
وامرى لله
نزلوا مع بعض ركبت العربيه ونزلوا قدام مطعم حلو اوى عجب ملك جدا قعدوا طلبوا الاكل
هى طلبت الاول وهو قال هياخد زيها
وقال
تعالى نرقص على ما الاكل يجى
ملك:لا اتكسف
فارس:تتكسفى ايه تعالى بس
قاطع كلامهم ياسمين جايه عليهم فقالت
ازيك يا فارس وبصت لملك بقرف وقالت ازيك يا ..........
فارس:ملك
اسمها ملك
ياسمين:اه سورى
ازيك يا ملك
ملك:تمام
فارس:انتى عامله ايه
ياسمين:كويسه وانت
فارس:تمام
فارس:عن اذنك بقى علشان كنت قايم ارقص انا وملك
ياسمين:اه
اتفضلوا
قاموا وكانت متضايقه ملك فقال فارس
افردى بوزك بقى ادينى احرجتها وقمت رقصت معاكى وهى بتتكلم
عايزة ايه تانى
ملك:مش عايزة حاجه
انا عايزة اروح
فارس:وحياة امك
ملك:فارس
فارس:فارس ايه وزفت ايه
افردى وك احسلك ويلا ارقصى
فرقصوا مع بعض سلووووو وووووباصص ف عينها فقالت
طيب بطل تبصلى بقى علشان بتكسف
فارس:اموت انا ف اللى بيتكسفوا
ملك:فارس بقى
فارس:اصلى مش قادر والله
انتى عملتى فيا ايه يابت انتى شقلبتى حالى
ملك: ابتسامة
كانت بتبص عليهم ياسمين وهتموت من الغيظ وراحت قعدت مع الناس اللى كانت معاهم وهى بتاكل ف نفسها وشايفه فارس بيبص على ملك بنظرة كلها حب وعشق
لما خلصوا رقص قعدوا اكلوا واتكلموا شويه ومشيوا راحو ع البيت وقالها فارس:تصبحى على خير يا اميرتى
ملك:وانت من اهله يا اميرى