رواية شريك احلامي . الفصل الرابع والعشرون 24 - بقلم غدير وسام

#شريك_احلامي#البارت ال٢٠
🌺🌼🌼🏵🌹🥀🌹🏵💮🌸

صبا .....هههه سمعتج تكلين لخاله بيه بنيه ومتردين تحجين لاصيل تخافين 
غفران ... طبعا .ماجاوبج .   وخري مني .مالي خلكج
صبا ....لشوكت ناويه تضمين عليه  ترا اني ممكن اكله باي لحضه .
غفران ...باعي اذا انتي تفكيرج .زباله .فاحب اوضحلج .ماكو فرق بين البنيه والولد وكوني حامل ببنيه هاي مو حوبه . لاهاي نعمه اشكر  ربي عليهه
واني مضامه على اصيل  تعاي . جريتها..
فتت على اصيل ..
اصيل .....اني ..حامل ببنيه ..ومكتلك لان جنت حابه اسويها مفاجاة الك بس ست صبا .. تهددني .وتكلي هاي حوبتي لبيج بنيه لان اندكي
..
(((((غدير  وسام))))

لا ن اندكيت بيها حسب كلامها
اصيل ...احنا شحجينه
غفران .. هاي كتله صبا .ماكو داعي تهدديني  عفتهم  وطلعت .
اصيل ......تعاي
مرجعت  صعدت لغرفتي ..هسه شنزلني .طز بلعلاج .بس المغثه حوبتهة هي يالله شلون تفكير اصيل . اجه ورايه .
اصيل ....شفتهمت اني . انتي ليش تضيعين حقج بهذا اسلوبج
غفران .. ...اصيل ..حقي ضاع من زمان من  قبلت اصير  رقم ٢
اصيل .. .... شتقصدين
غفران  ...ماقصد ..بس مو كلت .خلص فهمتها وبعد متتعرضلج .لو بس عليه كادر اشو  حضرتها .تكلي  من حوبتهة  بيه بنيه .معتبره بنتي عقاب ..ليش .شبيها البنيه .
اصيل ....  هي هيج تكلج
غفران ...اي ..
اصيل ..وانتي  ليش مكتيلي صدك خايفه .يعني متخيله
اضوج
غفران .... بجيت ..لا ردت  اسويلك مفاجاة واكلك  تقرب مني باس راسي .ورفع راسي .
اصيل .....مبروك حبيبتي . 
غفران ... الله يبارك بيك .ومبروك الك هم
اصيل ...صايره نار .متتحملين
غفران ... برائيك الي  حجته ينسكت عليه مشفت نظرتها متشفيه عبالك ..لاسامح الله الطفل بي شي .
اصيل ... معليج بيها  ختولي .اني اربيها
غفران ....  ردت اتجاهلها  بس .حجيها غثني كانو لازمه عليه لزمه
اصيل ...مو كلنه عوفيها    عقابها ٣ ايام . ابقى هنا
غفران ...لا والله شلون عقاب  لعد  يوميه انزل اتحارش بيها
اصيل ...  ههه واني المستفاد
غفران ..... بعدني مزاعلتك .مو تفرح
اصيل .....لخاطر .. غفران الصغيره .نتصالح
غفران ....شنو .غفران الصغيره .عااااا تريد تسمها على اسمي
اصيل ....كل بنات  اسمهين عليج وارقمهن .غفران واحد .غفران .١٠ .
....  عاااا ١٠ ..شعدك مفقس   اصيل هو بس اني وطلعتلي كرون . انوب عشر بنات حتى اروح اسلم نفسي بايدي  للشماعيه احسن
اصيل .... روحي من هسه يستقبلوج مع مرتبة الشرف
غفران .... البركه بيك .وبصبيه
اصيل .... زين .هاي الدكتوره ارتاحيتيله
غفران ...كلش . مو مثل ذيج الحيزبونه تتلاكاني من الباب الزركه والزركه
اصيل ....تروحلج فدوة . هو اكو بحلاتج
غفران .. فديتني لو ما حلوة اوكع واحد صاك مثلك
اصيل ...تخلصيها حجي وياي . الدكتوره شكالت
غفران ...كالت سلميلي عليه وكليله روح بفالك  دربك اخضر ابو الاصل
اصيل ... اها ..هنا الحجي الزين ..اطلع على السريع يعنير
غفران ....اطلع .ابو  صبا
اصيل .ههههه هيج  تحبيها راح تسمين بنتج عليها
غفران ...  جا شلون .غير حبيبة زوجي .
اصيل ...بس غفوره ام لسانين حبيبتي   ماحب غيرها ولاراح احب
غفران ....بعد ..بعد قشمر .
اصيل . . .  هههه   بس ليش ناطيتج مثبت اذا حملج زين
غفران ....  مااعرف اعتقد  ضروري بداية الحمل .
اصيل ..... صبا جنت اجيبلها ابر . هم و تاخذ من هذا حبوبج ٤ مرات بليوم
غفران . ... خطيه
اصيل ...  منو ..اني لو هي
غفران ..... هههه لا...اانت ..... تشتري علاج .وترجع ليوره . حج متولي .
اصيل ....  يراد بعد اثنين اجيب يله اصير حج متولي  واعدل بينجن
غفران ...انت بلعدل .اهووو  ماكو مثلك .بس اكو فرق هو يعدل بلذهب .وانت تعدل بلراشديات ..توكفنا  وكل وحده تنطيها كف
اصيل ...اني
غفران ...لا امي .
اصيل ...ام لسانين .تسكتين لو لا .مو حامل .ماريد اكوملج
غفران .....اصلا اني مستغله هاي النقطه ولازم استغلها ابشع  استغلال .وابتزك عاطفيا وماديا ..واكليا .
اصيل ...اكليا .شنو
غفران ... يعني طعام ...فوت ...اكل .
اصيل ...استغليني .على كلبي مثل العسل .شايفه من تشتهين شي .وتطلبي ..تملكيني الدنيا
غفران .....عااا  هيج .. جا خوش
اصيل ...مخبله .اني علمتح على   ليله العرس .بعد لازم ادخلح دوره كيف تعامل زوجتك في فتره الحمل الاولى
غفران .... دخلني دوره انحراف ....
اصيل ...... احلى شي الانحراف .
غفران ... ..اي ..شنو  دروسك
اصيل .....بليدايه تعاملها مثل .الاطفال ..تشيلهم
غفران ...اجه  شالني    باس بطني ..
غفران ....ليش تبوسها اغار
اصيل ....انتي وهي واحد ..ليش .تغارين
غفران ....مااا ممنوع ..اصولي .. الدكتوره ابد لاتمشين خلي اصيل يشيلج ويفتر بيج
اصيل ....بس هيج مو تدلل  بعد شوصتج
كالت .... وبعد لايروح يم صبيه ويعوفج وحدج ..  ويطلعج .ويونسج
اصيل ....والدكتوره شعرفها بصبا
غفران ....تعرفها هي  اكو واحد ميعرفها .صبيه العوبه
اصيل ... ههههه .زين  اني محد موصي بيه . بعد صرني بلرابع هسه ناخذ راحتنا
غفران .....انهجم بيت الباميه مو انت جنت ممنوع هو بس اول اسبوع نفذت وانوب هجمت
اصيل ...... ماكدر حبيبي ..هسه يمج ٣ ايام .واطلع فرق .الحرمان
غفران .....لا حباب .. ..
اصيل ...نكمل ..دروس لو شلون .
غفران   ...كمل ..
اصيل ...لازم بليوم اقل شي تنباسن انتي وبنتي .  ورا كل وجبه ١٠ بوسات ه الج و٥ لبنتي .لان هاي بنيه  تحب حنان وراعيه
غفران  .....ماعرفتك حنان .. زين اني اكل . ٦ وجبات بليوم .
اصيل ...اتغذي ابويه انتي حامل سويهن ١٠ ..١٠ ×١٠=١٠٠
غفران ....اصيل ...
اصيل .. نعم  حبي
غفران .... اني متنازله عن حقي ..واعتذر .منك
((((غدير وسام))))
غفران ..متنازله  واعتذر منك ومن صبا .
اصيل .....لا اني متمسك  بلعقاب .. وبلدروس .
وبالتعبير عن الحب لبنتي ..تعاي هسه 
غفران ....ارجع للدكتوره الحيزبونه اشرفلي .والعباس
اصيل ..داراني .وكل يوم يوصلني .للكليه ونرجع ويا نؤاس . بس احس .نظرات الولد اليه .   مختلفه مرات الكاه صافن عليه . ويبتسم .بوجهي ..بيوم .نزلت ..من سيارته .شفاء .قبلي فاتت لان تعاركو .جان يكول . انتظرج اليوم ..مو مثل البارحه .خليتيني للصبح انتظر
غفران... ...نعم . غمزلي  .وصعد بسيارته . .
ضليت  صافنه شيقصد .. اكو شي .اخاف لان حاجيته مره وصالحتهم .. يريدني اتصل
صعدت ... التهيت بس ضلت حجايته دك براسي .اذا يريد اصالحهم ليش غمزلي عيب هيج يتصرف ..بعد مارجع وياهم
اصيل ..اجه متاخر .
غفران .... متكدر .تطلع من دوامك ترجعني  للبيت
اصيل .... لا .ليش مو ترجعين ويا نؤاس
غفران .. ...استثكل نفسي يردون ياخذون راحتهم
اصيل ... شنو ياخذون راحتهم .
غفران ...يعني يسولفون .ترا مخطوبين  الناس الاعتياديه الطبيعيه ...مو مثلك .بفتره الخطوبه تحب الانفراد  

اصيل .....لا حبيبي عده جفاف تعاي اعوضج حبيبتي  واشبعج حضن
غفران ....هههه فديتك ..ضحكت بس والله خايفه وشايله هم
ثاني يوم .. ..وصلنا اصيل .. وبلكليه جتي شفاء
غفران ...نؤاس حيل متغير .الليل كله مشغول تلفونه واكله يكول  ويا جماعتي مسوين دردشه شباب
واجل الزواج شكد جان متلهف .هسه يكول كملي بر احتج   احس اكو وحده بحياته
غفران ......عزه بعينج وساكته .
شفاء ... شسوي
غفران .... شنو شسوين .دوري تلفونه . جري لسانه .تصرفي
شفاء ... ...تلفونه ابد مماده ايدي عليه قبل .وماعرف شلون اجر لسانه .بجت مردت كلبي  هاي اقرب اليه من خواتي واعز
غفران .... كافي .حبي  تردين احجي ويا
شفاء ... هو كلش يحبج ويحترمج بلكي .تكدرين تجرين لسانه تشوفين
غفران ....صار . بس خايفه  بين انسحب .هسه الى اصير . كلش ..اجه علينه ونفس الشي .  يباوع واني مغلسه  شفاء..دنكت غمزلي ويذباي بوسه بلهوا
.....هذا تخبل شبي   لعبت نفسي من نظراته ..ردت اتقيا .
غفران ....شفاء وكفو السياره عفيه  ..وكفها ..نزلت ..تقيأة .وبس تجي ريحة عطره بخشمي تلعب نفسي بلزايد .ونظراته خوفتني .   غسلتلي شفاء .وهو يسئل ..عبالك  راح يبجي .
🌻🌼🌻🌼💮🏵🏵🌹🥀🥀

وين راحت  ناسنه العدها بخت  ؟؟؟؟...وين اهلنا التستحي من عيونها ؟؟؟؟
على برد الكاع مررتاحه انتجت ..الدنيا تكره بس الي ينفعونها

وادم  كلها احباب ..الوكت لو هيج لو عاب
يموت الطير لو يدري يبني بعشه الغراب
ولج  يادار 🌺🌼🌸💮🏵🌹🥀..
ماسولف للحجار 
احجي ويا اهلج الراحو
الماتطفالهم نار..
غشيمه .
ولاحسبتي حساب
غشيمه رضيتي .بوادم اجناب
ماطحتي ورا الراحو عاد ارضي بلعتاب
🌼🌻🌼🌸🏵💮🌸🏵💮🌸💐💐
مصدكت شوكت رجعنا بيومها حلفت .ماروح ويا بعد حتى لو اعرف اترك الدراسه....
فتت للحمام .اغسل سمعت الباب انفتحت ..صحت اصيل بس نشفت . ..طلعت ماكو  احد  
شفت .فوني على التخم اني مطلعته .رحت ..ماكو بي شي  طافي
دخلت بشهري السادس بطني بينت والطفل يتحرك .اصيل .يتخبل  اخلي يحس بحركته .
صبا ..حامل . شهر ونص . ونفس الكلام .مهدده  اني ابد ماحتك بيها وهي هم هلايام ساكته  عفتها
اصيل ... ليش ممداومه اليوم
غفران ... كاعد اتعب .كم يوم ار تاح  اصيل ..فدوة رجعلي الخط والله ممرتاحه
اصيل .. ميخالف بس وحدج ترحين وتجين مأامن .
احاول اني .ارجعج للبيت .لو اخلي فراس .
خابره ..كله اسجلها ويا خمائل .ارتاحيت .
جرني .. تعاي ام لسانين .كعدني بحضنه ويلزم بطني .هاي اشتغلت رفس
غفران ....هههه حست بيك .
اصيل . .. .فدوه باباتي . شوكت تجين طولتي ولو خوش مكان محصله اني منج اجلب
غفران ....هههه بست راسه .احبك
اصيل .... اووف انوب صايره بطه وتتحارش
غفران ..  ..اني .بطه .السوده ههههه
اصيل.....هاي منو يكلج انتي سوده .تعاي مدي ايدج ..مديت ايدي وهو مد ايده .
اصيل ...ها منو ابيض
غفران ....اني .عااااا اني ابيض منك .الازرك الاجلح الاملح .
اني .ورده بيضه شكلي جميل .
اصيل ....ههه اذا تعقلين .لج راح تصيرين ام  بله اربيج اربي بنتج
غفران ....راح ...راح . اصير   عود من اصير اعقل ..
بيومها رحنا لاهلي  دزو عليه .جني البنات .كلهن  نور خطوبتها اسبوع الجاي . طبعا اني محجيت وياها بعد رغم احسها متندمه وتريد تتقرب مني .
نور ... شتكولين .غفران ...اروح لنفس الصالون الي رحتيله طلعح تخبلين وانتي ..سكتت
غفران .. تقصدين اني الزركه طلعلي وجه لعد انتي شيسويج
نور ... ها ...لا مقصدت
غفران ....عادي ..تعودت . عليج .تدرين ..حتى خطوبتج ماحضرها خاف مثل ايام المدرسه تستنكفين .
سوسن ...كافي شنو هذا الحجي
نور ... لا والله مقصدت .عفيه غفران .شلون متجين بخطوبتي جتي باستني .اني بجيت ..اصيل .جان فايت شافني  ابجي صاحلي ..
رحت .
اصيل ... شبيج .
غفران ...  لا مبيه فرحانه نور خطوبتها الجمعه

((((غدير وسام ))))
اصيل ....اي وتبجين .لو هم ذبتلها حجايه
غفران .....لا فرحتلها محجت شي
اصيل .....صايره كلش حساسه انتي
غفران ....اي .حبيبي هرمونات الحمل
اصيل ....روحي .بنيتي .
رجعت يم البنات
هديل ...شبيج اكو شي
غفران .....لا ماكو .
هديل ..اريد صورتنا .بمهر . فراس .دزيها
غفران ..ثواني .دورت تلفوني ماكو ..
دانه .روحي لعمو اصيل كليله تلفون غفوره يمك
رجعت
دانه كالت لا  .يجوز نسيته بلبيت . ناسيته بلبيت من ارجع ادزها الج
هديل ..اي موتنسين
فراس ...ها السحارات مجتمعات اليوم
غفران ... هلا شاروخ خان 
فراس ... منو هذا جعفر .. لايكلك الحمل . بس متلحكين سهى شهرين .وتخبل
غفران .....اي تلوكلها .شحال لوما دفاترك كلها يمي .
فراس ... هههه بطلنه وعزلنه
غفران .. ...شنو وين هلايام
فراس  .. ..سكتي مو صرت مقاول مال بيوت
غفران ... جذب .
فراس..والله تشاركنه اني ورجلج .خذنه محل . واشترينه بيت صغير . وبعنا ربحنا بي .انني بلمجهود ومبلغ زين وهو الباقي
غفران .... مكلي .اليوم اموته
فراس ...ميريد يحرجني ..
غفران ...الله يخليكم اليه .شلونها ام التوحد .بعدك تصرف تلفونان براسها
فراس ...جبت طابوكه هههه
غفران .. تحبك ترا .
فراس ادري
اجه اصيل ..ها ..عار شعندك هنا
فراس.. ..احتاجيت جعفر باستشاره
اصيل .. . خليه خاتل يمعود لايطلعلنه
غفران .....اكول ..احترمو نفسكم شنو جعفر  كتله مال انوثه كاعده يمكم .
اصيل .. منو ..وينها
فراس ..  وينها اني شايف بس كتله لحم .
غفران ..  اصيل ..... شوفه
اصيل..... اسكت يمعود
غفران ...اني شكو كاعده يمكم اروح احسن .
تعشينا يم اهلي .. رجعنا ..هو راح يم صبا .واني صعدت
تلفوني لكيته مخلص شحن واني ممستخدمته شحنته ورسلت الصور . لهديل
كمت ماروح ويا شفاء ونؤاس .اصيل يوديني وارجع ويا خمائل .
ومرات هو يجي ياخذني ..
بيوم خابر ..كال .خلصتي .
غفران ..  ماعندي شي
اصيل ... زين  نص ساعه واني وفراس يمج جان اكو  شغله قريبه .خلصناها .من اوصل اتصل بيج طلعي
غفران ....اي حبيبي ..   انتظرتهم . شفاء جتي ترؤد تروح
غفران ....اصيل صار ساعه كلي اجيج  وماكو .
  اتصل ميشيله .وفراس مغلق .
شفاء .. ياستار ..  اجه نؤاس ضل يدك هم ماكو جواب .. جعت للبيت كلبي نار . 
خاله شكلج هو
غفران .. كلي نص ساعه يمج
خاله ...يمه ابني . يمه  اهلي اجوي يمنه . الاثنين مندري عنهم شي ..  بابا وعمو  ونبيل .طلعو يدورون ايمن  يتصل باصدقائهم
واحد كال راحو  يتكاتبون على بيت .بلطابو
وين ..دلاهم . راحو هناك ماكو شي ..   رجعو  بدون اي خبر .   بطني هاجت .عليه التقلصات .   شربت مسكن غفيت . شفت سهى ..تسئلني عن حلقتها  ضايعه .
كتلها .. دوري ندور  اشو لكينه حلقتي اني واكعه ومثلومه
فزيت بس كلبي مقبوض كلش .. نزلت امي وخاله يبجن .صبا ..زشفاء صافنات ..سهى بس دموع بدون اي حرف ..وتهز بجسمها تروح وترجع ورجليها حاضنتهم على بطنها .
احتاريت كلمن معبر عن قلقه  بطريقه واني شسوي رجعت اتصل ..ماكو ..وينكم .اصيل ..جاو بني
للصبح احنا مثل السمج بلمي محد غمض .  ناس تطلع وناس طب .. البنات اجن هنا وازواجهم ..عمامي ..وعماتي .
جدي نعمان .. بس كلساع يتخربط ..بابا مسكين الله يعلم بحالته ..
سمعت صوت ونين . بلترك ..رحت لكيتها سهى تبجي .يمكن اني وسهى مشتركات بنفس  الحزن اثنينا  خايفين اني اخويه وزوجي وهي مثلي حضنتها وبجينه
سهى ... تعاركنه وطلع زعلان
غفران ... ليش
سهى ... احتاج فلوس .وراد الذهب مالتي ومقبلت
غفران .. فراس ميزعل منج يحبج هسه يرجع وصالحي
سهى ....غفران ..فراس ميرجع
غفران ...اسم الله .عابتلج ..فالج ماكبلناه
سهى ....كلبي يكلي هو من طلع حسيت ماشوفه بعد
غفران .. سكتي ..سكتي ..ركضت واني اتذكر الحلم .يارب سترك ....سمعت بابا يصيح ..فتت جان يحجي بلتلفون ..
.بابا .....انطينيا احجي  ويا
اسمعه يحجي ويا فراس الحمد لله .بس جان مخطوف ويردون  مبلغ كلش جبير
بابا .....اصيل ...وين .فراس ..
منطو مجال سدو .. بدو يجمعون الفلوس الي عرفنا بس فراس عدهم لعد اصيل . وين . تلفونه انغلق .

🌻🌼🌸💮🏵🌹🏵💮🌸
رايحين 👈💔وهذا كلبي 
ميت تعوفونه
لخاطر الله شويه  صبرو بلكت ترحمونه
الفاكد احبابه  الشماته .. 💓💔
عنهم يسئلونه؟...؟
والله الي يفارك  يموت  ماتنام عيونه
لاروحي ردلها خبر  منكم اجاني ولاحلم 💔💤بس ذكريات .و👈💔هالكلب لمن يحن يهدم هدم 

🌻🌼🌸💮🏵🌹
عشنا ..اسؤا ٣ ايام بحياتنا .. الفديه بدينه نجمع بيها ..بليوم الرابع اجانه اتصال .من مستشفى .. بيها اصيل ..بيها  مضروب طلقتين .. هنا انتهت قدرة التحمل العندي صرخت وبجيت ..
ولكم ..فراس .. اصيل .. عليمن ابج ي وعليمن اخاف  موتوني .. كافي خلص حيلي مابيه ..بابا . اصيل .ميت كلي
بابا .. بنتي .مفهمت شي اروح وافتهم
غفران احي وياك
بابا .. وين العشيره كلها راحت للمستشفى وانتي حامل افتهم واجيج
غفران .. ليش العشيره راحت  تستلمون جثة اصيل مو
بابا .. بجى وعافني

مسائكم ياسمين
بارت ..  للمنتظرين لان   دتطلبون نزلت .. ممكمله بعدني ..  .