رواية شريك احلامي . الفصل الثامن والعشرون 28 - بقلم غدير وسام

#شريك_احلامي#البارت ال٢٤
رجعنا متاخرين ..
عمو .. اليوم البيت اظلم بلايجن
خاله .. منور بيكم . دخلتها للغرفه . عمو ساعدني .بدلت . تمددنا .
ايامي .مشت .. بديت ارجع شويه واتاقلم ويا وضعي .
رجع اصيل ...يضحك سلم .باس راس خالتي ..
...اصيل غفران ..حضريلي الحمام

خد ادردم بكلبي . مو بيتك ومرتك فوك شكو جايني . خرب  رحت جبتله ملابس البيت وصخ والريحه تكتل
اريد ملابس لاصيل   طلعتهن معكشات ..
غفران ..لعد اني المن اكوي  وادز
صبا ... شسويلهن ..  وكعن وتعقجن  .
غفران ..  هو القذر قذر ... كوه  خوما كوه بله شيخلصني منه
صبا ...جيبيهن اني اوديهن
غفران ... هاج  خلي ينطيج الكاس الج عود ... 
نزلت ارتب بلمطبخ .واسمعه يصيح
غفررررررران .. 
شنو ..هاي الملابس .. وين جانن
غفران ...شمدريني غير  يم مرتك
اصيل .. وانتي شنو ..
غفران شتريد ..
اصيل ولي جيبي غيرهن
غفران .. صعدت ..خرب .انطيني .ملابس
صبا ... شكو .ميجي هنا يغسل وشبيهز ذنيج الملابس
غفران ...  انطيني . ومن يجيج سئلي .
صبا ...شكنالج عيني .. فاتت  فتحت الكنتور .نفس الشي .ماعدها شي اسمه ملابس مصفطه .
اني المن اغسل  واكوي . مودزيتهن الج مكويات  غير تعلكيهن  منه .تدرين بي يحب ملابسه مرتبه لعد هاي .الكنتور .والتعلاكات المن مخليها
صبا ..... معليج انتي .  المن مخليج هو لعد للخدمه
غفران .. دجيبي لاتظلين تلغين ..
نزلت . خليتله الملابس .  رحت اخليله عشه .
اصيل ...هاي شنو ..اسبوع صار ملابس متغسلنهن وتكونهن
غفران ..  غسلتهن وكويتهن ..  ومرتك... .شامرتهن.. شلون مكان
اصيل ..    سهى ...سهى .... امشي .خلي تنزل ملابسي هنا
.غفران  ...خرب ..عايزه انوب تعاي اغسلي واكوي  من جديد
وذيج الدب .كاعده ومرتاحه
سهى ..نزلت عاقجه وجهه  لج شنو هذا الوصخ ..من جنتي فوك الريحه تنزل لهنا
غفران ...متغير شي حبي هم الريحه تنزل .بس  العطور  تختلف
سهى ..هههخخ صدك
.... اروح اخلي .للرجل الاخضر عشه لايتحول علينه
سهى ..جايه وياج هاي شفيه قافله الباب  نزلت  صبا جاببه الملابس .خذتهن .  وخليتهن  على التخم  
غفران ..صبيتله   ورجعت اني  وسهى للمطبخ سوينه جبن وجاي اكلنه ..اجه  اصيل .. شتاكلن .ماريد مخلمه  كعد بصفي .. اخذ الجاي مالتي .  كمت صبيت غيره .وجبت القوري ويايه اعرفه ميشبع من الجاي
شلونج سهى
سهى ...  زينه .
اصيل ...غفران .شلونه حملج
غفران .. شنو اليوم تتفقد احوال رعيتك .
اصيل ..  اي . علمو. بنتي
غفران .. شبيهة بنتك .. شابعه بيه دفر . يمكن تطلبني بثار
اصيل ... ردت  اكتم ضحكتي ماكدرت  .وهي تحجي بعصبيه
شتردين منها خليهة تتحرك
غفران... اي  شخسران . ..بيه . 
اصيل .. بدون شعور خليت ايدي على بطنها ..جفلت .  وغمضت عيونها
غفران ..مد ايده ..على بطني .. مجنت اعرف اني مشتاقتله هلكد .... عفت الاكل .ورحت .. لغرفة خالتي . نطيتها علاجها   شويه واجه ورايه هو وسهى . وصبا ..طب عمو ..سولفو .. 
عمو .. بعد انتي  ليش متصعدين لبيتج ..البنات يم خالتج واني .

((((غدير وسام ))))
غفران ...راح انزل غرفتي هنا عمو .احسن
.   ...ليش ..صبا ترجع هنا
غفران ...لا اني اريد هنا .
........كيفج .بابا  يله تصبحون على خير .
طلع ..التفتت.اصيل  نايم بفراشي .  ..
..خاله.....يا نام هنا ..خطيه تعبان
غفران ...اي خاله نام .
صبا .. خلي اكعده يصعد
.خاله....عوفي .نايم .روحي انتي نامي
صبا ..  لا اكعده .احسن
خاله .....عوفي .اكلج .
صبا طلعت ...خرب دكعدي شبج هسه اني وين  انكبر   اكل عشايه .ونام بفراشي .. صهيل .الخبيث
.خاله....افرشي ..يمه ونامي .
غفران ....ماريد ..بس مخده  طلعتلي  مخده غرفة خاله دافيه جانت شتا .. والزوليه ثخينه ..  وعالكين  تدفئه . متغطيت ..
((((غدير وسام)))
اصيل ...نسولف .اني وابويه .تمددت بفراشها  ماحسيت بعد  نمت على ريحة فراشها الطيبه .  كعدت لكيتها نايمه ورايه بس على الكاع   ولامه نفسها بطنها حيل .كبرانه .  جريتها خليتها بفراشها ردت اصعد مكدرت محتاج اتنفس نفسها . مشتاق .اضمها بين ضلوعي ..خليت راسها على ايدي . وحضنتها .. تحسرت وهي نايمه .. وضمت نفسها مثل البزونه بحضني ..  بطنها طخت .. بطني .هههه وهاي ترفس ..يمكن تغار من هسه  ظليت اتامل بيها محلوة .  مشتاق .الها صار هواي ممتقرب منها هذا القرب .وانفاسنه تتوحد .  وخرت شعرها من خدها ..  شميته وبسته .بست خدها .. .حجيت ..همس .ويه نفسي ..غفوره ..مشتاقلج .
تحسرت ..عبالك حست بيه . غفيت 
🌻🌼💮🌸)))))غدير وسام((((
غفران ... حسيت  دفيانه .واحساس
. حلو .ماعرف ليش ماريد افتح عيوني ..اشم  عطر طيب . فتحت عيني  عااااا نايمه بحضنه ..شجابني .معقوله الزحف لادين له لهاي الدرجه زحفت وحضنته ..وااا فشلتاه .خلي الم  فشلتي .وافلت كبل لايكعد  ..كمت على السريع .  هو اندار للجهة الثانيه ..افلت .
غسلت  لكيت .صبيه ..اوي شلون مصباح . من  وجه صهيل .لوجه صبيه .. وكفت كدام المرايه اباوع لبطني .
شوكت .تجين  واصبح بوجهج مو وجه صهيل ..وصبيه
اصيل ..  احم ..احم
غفران ...طننن سمعني .
اصيل .. صباح الخير . ولو متريدين تصبحين  بوجهي
غفران ...صباح الخير  تتريك .
اصيل ... اي ..اريد بيض عيون .
غفران ...  طلعت ادردم ماتسويلك  مرتك هسه شكو سئلته
شفاء .جانت تتريك شافتني    راحت لغرفة خاله كملت الريوك صبا سوت جاي .وحليب  اليوم مشتهيه حليب العوبه  ههه بس لاحامل للمره الف .كبر
خليتلهم الريوك وسهى ويايه رحت كملت .تنظيف رجعت يم خاله .سمعت شفاء ..
اكو ولد يريد يتقدملي . حاجي بابا واصيل
.....منو هذا ..
شفاء ..  ويايه بلقسم .
غفران ... اخويه مصاراه من مات ودور خطوبه كبر اي والله
(((((غدير وسام)))

خاله ...اي شكلهم بلقسم .وياها وبس .جيبي معلومات
شفاء..... صار .  خليهم يوافقون اريد اطلع ماتحمل هاي مكابلتني .وكاعده .وتفتر عبالك كلشي ممسويه
خاله...غفران ..ممسويه شي .شوفي هذا الاغبر  ماطته مجال وسوا عليها فلم متاكده
شفاء ... عفيه عليج ماما ..عرفت كلكم تصيرون وياها  انتي وذاك يتختل يباوع عليها .ويمشي ويوصي
غفران ....منو الي يتختل .صهيل ..مستحيل
رحت للمطبخ خلي تتزوج شعليه  ..اذا زين يارب جعله من قسمتهة .
اصيل..... اريد جاي .
غفران يمه ...  ..فززني  ادري ..عنده  بيت ومره ولاحكني .خرب حضي الكونكريت .وطبعا حضرته. لازم الجاي جديد يعني القوري  حتى لو مملي تذبي وتجددين .  سويتله جديد كعد
ياحبيبي ...راح يكعد لمن يفور الجاي
..
اصيل .........امي كالت اكيد .هو نؤاس .مسوي .لعبه ..واني افكر يمكن صح  لان مو غفران الي تخوني . بس هم  ممتاكد   والدوامه الي اني بيهة .محد يطلعني منها .. يمكن من حبي الهة كاعد ادور  حجج واعذار واقنع نفسي بيها
غفرا...ن ...الجاي .
اصيل .. خلي هنا .وتعاي كعدي
غفران ...ياستار ابن جبار .. سالمين
اصيل ...  اريد اسئلج للمره الاخير ه .بينج وبين نؤاس شي.اذا كلتي الصدك  هلمره انسى ونبدي من جديد 
غفران ..  ..اصيل ...اني ماعندي شي ويا ..مو لان اريد ابدي وياك ...لا انت طلعت من كلبي . بس حتى تعرف  انت وغيرك .مو اني الي عدها رجال وشايله اسمه وتنام بحضنه وتروح تدور على علاقات ويا اشباه الرجال لان الي يحط عينه على اخت زوجته وزوجة اخوهة مو رجال  وانتو احرار .
اصيل .. ...يعني مثل متكول امي .هو منطيتي مجال وسوا هيج
غفران ...  ماعرف . حسيت لحضه كلبي رجف . معقوله بدا يصدك بيه .وراح  الله يضهر الحق .
اصيل ... تعبت اني ..صبا
غفران .. اني .غفران .مو صبا   ذيج صبا ..عفته وطلعت يم خاله سديت الباب وبجيت
.....منو وياج .
غفران ....تعبت خاله شوكت رب العالمين ينصفني 
.....  تعاي ..رحت يمهة .. ربح يمهل .ولايهمل . كولي حسبي الله ونعم الوكيل . 
غفران ..ونعم بالله حسبي الله ونعم الوكيل  .  اريد انام .
.....نامي ..  فرشت الي ونمت  وعيت جسمي  مكسر وبحلم اصيل يحاجيني افتح وارجع اغمض .بررردانه ..غطيني بردانه ...
اصيل ...  دورتها ماكو ..اكيد يم امي .لكيتهة نايمه
شعجب نامت .
.....مادري ..هي  ثكيله يمه ..وهيج فتره متعبه
اصيل ...ردت اطلع سمعتها ونت  .....تقربت منها ..شبيهة تون .لزمت راسها نار ..يمه هاي مصخنه نار
.....يا .. يوم ... شلون  الصخونه موزين عليهة 
اصيل ..اخذها للمستشفى
......اي.. حامل هاي ..
اصيل .. ردت اروح البس .لزمتني بردانه اصيل غطيني
انمردت روحي عليها نفسها حار  وتبجي
شبيج ياعيني ..شيوجعج
غفران ...كلبي ..كلبي يوجعني .. فراس ..وين رايح .تعال ..
اصيل ....كومي ابويه انتي .اغسلج .شلتها للحمام .  ردت اسد الباب ..عاطت . اوكف لاتسده ولك يطلع ويعوفني ..تعال فراس لاتروح .. لا اصيل عوفه الباب ..راح ..راح فرررررراس
اصيل .... ماسده ..فتحته ..
غفران .. صيحه عفيه ..اريده .
اصيل ...اي هسه يجي
غفران ...اصيل ... اريد انام عوفني .
اصيل .. صحت شفاء  وسهى .تعالن جيبولي ملابسها
سهى ركضت ..تريد تلبسها هي عبالك . زبد مايع متنلزم . لزمتها بدلتلها ..  واخذتها .للمستشفى ..
الدكتوره .. الحراره متنزل ومكاعد نعرف سبب الارتفاع ..هو  الارتفاع يكون بسبب .اما التهاب الجهاز التنفسي او التهاب المجاري البوليه .او نقص المناعه .وكلهم   مبينو بل التحاليل .
اصيل ...وهسه دكتوره ..
الدكتوره .... نحاول نزل الحراره   لان موزين لاعليها ولاعلى الجنين
اصيل ...   الله يخليج  حاولي .
....اكيد ..هي باي شهر ..
اصيل ...اعتقد السابع ا و الثامن .
.....هي مو زوجتك .شلون متدري . عموما بلسونر  يبين  اذا بقت اولدها .
اصيل ... ان شاء الله خير . ورا فتره  اجت الدكتوره ..الحمد لله  متحتاج نولدها لان تحسنت
اصيل ...الحمد لله  اطلعها 
الدكتوره ...فد ساعه يخلص المغذي وتوكلو . 
اصيل ...اشكرج دكتوره ..
رحت ..جانت واعيه لنفسها وتباوع  بلسكف .ودموعها تجري . الحمد لله على السلامه
غفران ...الله يسلمك . اريد اطلع .
اصيل ...بس يخلص المغذي
غفران ... لا هسه .. كامت ..تريد تشلعه
اصيل ... انتي مخبله  ردتي تموتين
غفران ...عساني وانت شكو .تخلص مني وترتاح .عوفني .
اصيل .... كافي يله  ارتاحي .سكتت  ودموعها مسكتت . شاسوي .. لو اعرف .   خلص المغذي ..وطلعتها ..
غفران ...وديني لاهلي .
اصيل ....  ميخالف .  طلعت على بيت اهلها  خلي ترتاح  واني هم اصفي افكاري ..  وصلتها ورجعت للبيت .
صبا.... ... وينها غفران لعد
اصيل ....يم اهلها ..
صبا ...صارت ..زينه .خطيه
اصيل ...اي .
صبا ... اصيل .. محسن  كال   احاجيك على سهى يريد يتقدملها
اصيل ... كل   عقله هاي طفله انطيها لواحد  عده ٢ اطفال
صبا ...وشبي .  هو مطلك وهي ارمله . وجهاله عند امي واختي   هي مالها دخل بيهم
اصيل ..سدو الموضوع
صبا ....بكيفك
(((غدير  وسام)))
اصيل ...رحت انام بغرفة امي لكيت صبا يمها تحجي بموضوع سهى ومحسن... لج شكتلج اني
صبا ... ها .
اصيل ..وجعا .مو .كتلج سدي الموضوع امشي ولي شوفيلج شغله بمكان  هاي سوالفج .التعبانه
.....يمه شكو بيها هاي اختك   راح تتخبل
اصيل ...يمه كولي يالله حقها البنيه .رجلها  مصارله فتره شتردونها تسوي
.....  خايفه عليها يوم .. فدوة اروحلك شوفلك حل .هي بس ويا غفران تحجي .الباقي بغرفتهة وتبجي .تروح تسوي شي بنفسها لو تتخبل
اصيل ...يمه .طبيعي الي تمر بي .بس متوصل تنتحر
..
....شوف موضوع  محسن .اني اشوفه خوش ولد
اصيل ....... عوفي هسه مو وكته  شنكل لبيت عمي   بعده  ٣ اشهر   مصارلهة.كافي  رحمه لابوج
.... ميخالف .سكتنه  .شفاء . اكو ولد يريد يتقدملها
اصيل .. شبيكم  يمه .. فراس جوة التراب .وانتو تردون     تخطبون وتزوجون .لا اله الى الله مو ابن اختج هذا ..اطلع كبل لااتخبل .
رحت لبيت عمي . اخذت معلاك وكباب .وفواكه .
عمي ..ابو فراس  ... ها يابه ماتحملت فراكها
اصيل ...جيت اشوفهة ظل بالي ..
.....تعال بابا ..فتت سلمت .. كعدت يمها .
غفران ... من وعيت بلمستشفى شفته يمي ..   مااهرف  شحسيت ..  ردت اشوف اهلي .تعبت . من كتلة  فكرت يعترض .بس وافق  صدمني .. الله هدا عليه ..  وصلت .اهلي  انخبصو ..بابا كلش خاف عليه  شويه راح ورجع شبيه الشماعيه . اليوم كابات عليه ...اجه كعد يمي ..اليوم نسبة الحنان مفولة عده الله يستر .
اصيل ...شلون صرني
غفران ...من الله منيحه
اصيل ...ومن عبد الله
غفران ...عبد الله لو بيده الهوا يكطعه
اصيل .ايباخ  اكلتي لا .
غفران ....لا منتظرين الامدادات منك لان كاعده بافريقيا  ومجاعه منين نجيب
اصيل ...ام لسانين ..اكلتي لو لا
غفران ... اكلت .
اصيل ....واني بعدني ..  خاله شطابخه  جوعان
.... يا .يمه ماعاش الجوع  طابخه  تمن وتبسي دجاج
اصيل ... الله عاشت ايدج  
غفران .. ماتغديت عد اهلك .الدب ماطبختلك
اصيل .... سمعتج
غفران .. ادري حجيت حتى تسمع . جابت ماما الاكل . ومخليتله  كباب ومعلاك هو جايبهن   
اصيل ...تعاي اكلي ويايه
غفران ....  شكرا ..ماريد . اجت خمائل خيانه اجيت على الريحه ..
اصيل ...ههههه تعاي اكلي 
غفران ...يا صلاوات انت هم تضحك مثل الناس الطبيعين
خمائل ..  ابن عمي انطيني الكباب اني اختصاص  بي
اصيل ... هاج بس خلي لغفران منه مو تخلصي
خمائل ...لا ..بس جيبه يااخي .هي انطيهةطرشي .تخصص حوامض  صايره ..
اصيل ...اي واله ليمون لا وعراقي تتشرط 
غفران ... تمددت .تذكرت -ذيج الايام .. اووف .  نطيتهم ضهري وبجيت  بخنكه ..
اصيل .اندارت ..يمكن تبجي ..   خمائل اريد جاي 
خمائل .. من عيوني
اصيل ....غفران .. لاتبجين ..  شوفي  اني جاي احاول انسى الصار  واتصرف طبيعي .  وانسى ساعديني
غفران ....اني ماريدك تنسى ..اريدها تظل تدك بكلبك وتفكر بيهة  وتحسبهة  تكعد ويا نفسك ..  وتسئلهة .. غفران ..هيج
اصيل ...هو هذا المخبلني . ولج ..حسي بيه
غفران ... كعدت ..لحيلي ..واني منو يفكر بيه . منو ..ولك انظلمت الله اكبر . ولاواحد نصفني ..  انتو اثنينكم .غير شكل ..المفروض تعرفوني ..انته رجال ..وغيرتك ..ورجولتك عمت عينك .. وشفاء .. اصيل ..شفاء ..تعرفني اكثر من نفسي .ولك اختي  شلون شكت بيه
اصيل ...   كوليلي ..انتي اذا بمكانهة شتسوين
غفران ....مو اني ..مو اني ..  والله اكو من اخذ   صوري ودزهن وراسله باسمي . 
اصيل ....  منو الي عده  عداوة وياج ويكرهج لهدرجه
غفران ....  اصفنلهة وتعرف ..  فكر منو اني واكفه بطريقه وي ريد يزيحني 
اصيل ....صبا .. تقصدين ..
غفران ....ماكو غيرها
اصيل ...  والله اله  اطلع حليب امهة من خشمهة  بنت الكلب .بعد الي سويته هيج تسوي ..اله احط طلقه براسهة
غفران ... اثبتلي .حقي بدون متضيع نفسك ..
اصيل ...  نامي .. انتي .  طلعت من يمهة .معقوله .هيج اني  غبي . طبيت .صبا..صبا ...
شفاء ...فوك .. 
اصيل ....صعدت ..جريتها من شعرهة تعاي ..لج  الج ايد بشغلة غفران ..ونؤاس
صبا ...لا والله
اصيل ...لاتحلفين بنت الكلب . شمدريج على شنو احجي اني منبه محد يحجي
صبا ....سمعت شفاء ..تحجي .
اصيل . .. صبا ..الج سوابق انتي .مااستبعدها عنج
صبا ... مالي  دخل ..شعليه اني ..  يجوز هو هيج سوا اني جنت اشوفه يباوع عليهة وهي متتستر  كدامه
اصيل ...انجبي اكص لسانج تحجين عليهة
صبا ... لاتذبوهة براسي . اذا عدكم دليل . جيبه وطلكني ..
اصيل ..لزمتة  ضربتها .. ردتهة بس تحجي .ابد ماعترفت عفتها تون  بلكاع   انوب كطعت النفس .. حركتهة سكتت وطلعت .ركبت بل السياره . رحت لبيت عمي .. دكيت الباب طلع ايمن .هلا باابو الاصل تفضل
اصيل ...هلو ايمن   فتت  عمي .
.....منمت مو .تلوب على غفوره
اصيل .ها...لا ..
.....فوت يابه يم مرتك ..
غفران ..غافيه  واسمع صوته .كعدت .نور نايمه يمي ..هذا .اصيل
نور ...اي .
فات ...نور طلعت ..اجه كعد يمي ..
اصيل .يمكن موتتهة

.💐🌸💮🏵🌹🏵💮🌸💐صباحو هذا حدي .. ماكدر الصبح او الضهر انزل  ..    منايمه . والله .. هسه اصلي  صلاة الليل  وادعيلكم وانام .. عذروني من التقصير ..