الفصل 1

خسرت الفلوس والبيت في القمار وخسرتك انتي كمان يا اسيا قالولي هنلعب عليكي و..وكنت سكران و قولتلهم ماشي بس والله ما كنت حاسس ..انا ضعت ..ضعت يا اسيا سامحيني وبقت دموعه تنزل بحسره اسيا اتسعت عنيها بدهشه وعدم فهم وجريت قفلت الباب بسرعه وقالت..انت بتقول ايه انا مش فاهمه حاجه... هو ايه الي لعبت عليه ولعبت مع مين اصلا بطل بكا زي الولايا وفهمني ياعدي فيه ايه عدي حاول يهدى وقال وهو بيمسح دموعه....

امبارح كنت مع مجموعه من صحابنا في شقة واحد منهم وكنت بقامر زي العاده ..ومره اخسر ومره اكسب عادي لحد ما دخل المكان وبقى يستفزني ويتحداني و قاطعتو اسيا وقالت بسرعه... ايوه هو مين عدي بلع ريق بارتباك وقال ..اك.... احم ..اكمل اسيا اتسعت عنيها بزهول والغضب بان على ملامحها وقالت... اكمل... اكمل كان هناك عدي قال بندم وقلق.... ايوه ..كان هناك... وبقى يتحداني قدام صحابي وانا قبلت التحدي...

وبقينا نلعب و مش عارف ليه بقيت اخسر كتير وشربت اكتر بعد كده قالي.. هنلعب علي البيت وانا وافقت ومكنتش في وعي والله وخسرت كل حاجه... وبلع ريقه بصعوبه وقال بتوتر... لقيتو فجأه بيقولي هنلعب على خطبتك لو كسبت هرجعلك كل حاجه ولو خسرت هاخدها هيه كمان اسيا بصتلو بزهول وهيه مش مصدقه الي بتسمعه وعدي كمل وقال بدموع .... والله كنت سكران يا اسيا مكنتش حاسس وكنت عايز ارجع الي خسرتو مقصدتش اعمل كده شيطان في بيتي حصريا بقلم...

زهرة الربيع اسيا وقفت وبقت تلف فى المكان بزهول وبصتلو وقالت بدهشه... مكنتش قاصد... وسكران.... كل ده... يعني لعبت على الفلوس وانت سكران ورجعت لعبت على البيت وبرضو سكران وكمان لعبت عليا وانت سكران اقدر افهم بقى من امتى انا او البيت حتى كنا من ممتلكاتك ده بيت جدنا كلنا ... وانا ..انا حايلا خطبتك انت اهبل وبتلعب مع مين مع اكمل... اكمل الي كلنا عارفين كويس هو عايز مننا ايه انا مش مصدقه انت ازاى بالإستهتار ده

عدى اتنهد بدموع وقال..انا عارف اني غلطان بس انا شرحتلك انو استفذني ومكنتش فى وعيي والله العظيم اسيا اتنهدت وحاولت تهدى وقالت... طيب انت خايف من ايه اصلا البيت مش باسمك..ولا انا كمان يعني بسهوله تقدر تقولو مشفتكش امبارح ويخبط راسو في اقرب حيط عدى بلع ريقه وسكت بخووف وهو منزل وشو في الارض اسيا قلقت جدا ووقفت قصاده وقالت..فيه ايه كمان فيه حاجه انا لسه معرفهاش..انطق يا عدي عدي قال بتوتر... مهو...

مهو طلع ورقه مش عارف مكتوب فيها ايه وقالي امضي عليها علشان..علشان يضمن حقو اسيا اتسعت عنيها بصدمه وقالت بسرعه وغضب... انت مستحيل تكون مضيت صح..معملتش كده يا عدي اكيد عدي حط اديه على دماغو بانهار وهو بيقول .... انا قولتلك انا ضعت ضعت يا اسيا ومحدش هيساعدني ولا هيسمعني حتى ..خسرت كل حاجه ويمكن اتسجن كمان اسيا قعدت بيأس وزهول وهيه شيفاه قدامها منهار ومش قادره حتى تقكر في اي حاجه

بره في الصالون قاعد راجل في الخمسين ده عصران الانصاري والد عدي وعم اسيا وكان بيتكلم بغضب مع راجل قصاده وبيقول.... يعني ايه يورث كل ده سكتنالو دخل بحما،،ره هو انا علشان شفقت عليه ورضيت انو يقعد معانا في البيت يبقى خلاص يورث كل فلوس اخويا المرحوم امال انا جايبك ليه يامتر المحامي اتنهد وقال... يا عصران باشا اكمل بيه عصران بصلو بحده وهو قال بتوتر... احم ...

قصدي الولد ده اللي اسمو اكمل قدر يثبت بالمحكمه انو ابن اخو حضرتك يعني تلقائيا يورث فلوس ابوه..انا كل الي اقدر اعملو اني احاول معاه يسيب الإداره لحضرتك وياخد نصيبو فلوس عصران وقف وقال بغضب.... يعني ايه هو كمان ممكن يدخل في الإداره المحامى قال...

اي حد من الورثه يقدر يدخل يعني حضرتك بتدير املاكك واملاك اخواتك الاتنين الله يرحمهم وبما ان اكمل ابن ماهر بيه الله يرحمه يقدر يدير املاكه وكمان لو لؤي بيه حب يدير املاك رفعت بيه والده الله يرحمو سواء هو او اختو اسيا فده حقهم زي ما انت من حق اولادك عدي بيه وسهيله هانم يتصرفو في ملكك عصران قال بغضب...

انا كل اللي في البيت مربيهم ومستحيل يتطاولو عليا المصيبه في الكلب ده اللي طلعلي في البخت الولد ده مش سهل وكل همو يدمرني انا لازم اتصرف والا هيهد البيت ده على دماغي يا عزت شيطان في بيتي حصريا بقلم زهرة الربيع في الوقت ده نزل شاب في العشرينات بطله جذابه وكان بيصفر برواق وقال بابتسامه ... صباح الخير يا عمي صباحو يا انكل عزت عصران قال بغضب... صباح الزفت على دماغك ودماغ عمك ودماغ عزت ...

اقدر اعرف حضرتك ليه كنت بايت في القسم امبارح هو انا فاضي لحركات العيال بتاعتكم انا هخلص من مشاكلكم دي امتي قولي امتى لؤي قال بسرعه..لما تحصل اخواتك اكيد يا عمي عصران بصلو بدهشه ولؤي خد بالو لجملتو وقال... قصدي لما تحصلهم بعد عمرطويل يعني يا عمي عصران بصلو بغيظ ولؤي اتنهد وقال... والله مش غلطي المرادي انا كنت واقف في الصيدليه عادي وفيه واحده عايزه تاخد حقنة ضغط..ادتهالها عادي والله بس جوزها طلع مجنون واتخانقنا

عصران ابتسم بسخريه وقال.... حقنه... وجوزها اللي مجنون ماشي يا لؤي انا هلاقي حل للصيدليه دي الي مش جيبالك غير المشاكل لو ماقفلتهالك مبقاش عصران الانصاري في الاوضه كانت فيه بنت جميله بتصلي وخلصت صلاتها وبتقرى بعض الأذكار قاطعها صوت تليفونها ومسكتو بلهفه وقالت... السلام عليكم... علي انا لازم اقابلك ضروري وسمعتو شويه وقالت....

مشكله كبيره يا علي تعلالي على الجامعه بكره ..واه اوعى تنسى اللي قولتلك عليه يا علي محتاجه الحبوب ضروري دماغي هتتفرتك وسمعتو شويه وقالت..طيب هستناك متنساش تعمل حسابي فيها محتجاها قوي وقفلت معاه وهيه متوتره جدا وقالت... يارب استرها معايا انا مليش غيرك بره كان لؤي بيحاول يهدي عمه وقال..يا عمي تقفلها ليه بس هيه الصيدليه دخلها ايه ده شغلي ... بقولك البنت كانت تعبانه وادتلها حقنه اعمل ايه اذا جوزها مجنون

عصران زعق فيه وقال..جوزها الي مجنون ولا انت اللي هتجننا كلنا..اوعى تكون فاكرني نايم على وداني..انا كل حركاتك عارفها حتى الحركه الزباله اللي عملتها مع الخدامه اللي قد عمرك مرتين وانا مرضتش اتكلم قدام عدي وسهيله واختك اسيا واقول انت عملت ايه واخلي منظرك قدامهم زباله لؤي حمحم بحرج وقال..وبالنسبه لانكل عزت عادي منظري قدامو قشطه تمام يعني عزت قال بلا مبالاه..لا خدو راحتكم عادي ربنا ستار حليم

لؤي اتنهد وقال..هيه وصلت لربنا ستار حليم ..طيب ... حيث كده خد راحتك بقى يا عمو عزت مش غريب عصران لسه هيتكلم طلعت اسيا من الاوضه بغضب رهيب قال بغضب ... شرفتو انتو كمان ... ما لسه بدري على قفلة الاوضه عليكم استنو لما نجوزكم ده فاضل اسابيع يعني محبكتش اسيا مشيت في وشها وخرجت من البيت بغضب رهيب من غير ما ترد على عمها لأول مره والكل كانو بيبصو لطيفها بزهول عصران اتصدم وقال بقلق ...

فيه ايه ياعدي البت مشيت كده ليه انت مزعلها عدي قال بتوتر..هحكيلك يا بابا بس ألحقها الأول دي مجنونه وهتجبلنا مصيبه ولسه هيخرج لؤي مسكو وقال بسرعه ... فيه ايه اختي مالها انت عملت ايه عدي قال باستعجال... زعلتها شويه هصالحها واكلمك على طول وخرج جري ورا اسيا بس كانت مشيت بعربيتها بسرعة البرق وعدي ركب عربيتو وطلع وراها فى مكان تاني كان فيه بروفه لتصوير فيلم سنيمائي ومشهد فيه بنت بترقص على مسرح

وقف شاب في اواخر العشرين بملامح حاده جذابه وقال... كات .... بقى ده رقص يا جمانه ده لو حربايه بترقص هتبقى مغريه اكتر من كده وقرب منها وحط اديه على وسطها وقال... الرقص الشرقي ده فن وبقى يحركها شمال ويمين وقال.... تعرفي ايه عن الفن يا جمانه ابتسمت وقالت بخبث.... اعرف حضرتك يا اكمل بيه اكمل ابتسم ابتسامه جانبيه وقال... تبقى وصلتي العالميه حصليني على المكتب وانا اعلمك الباقي ..يلا يا شباب فركش

بعد شويه وصلت اسيا للمكان ده ودخلت بغضب وهيه مش بتسمع لحد من الي حاولو يوقفوها وراحت على مكتب اكمل بغضب رهيب السكرتيره حاولت تمنعها بس فتحت الباب بغضب ودخلت من غير استئذان واتصدمت لما لقت اكمل مقعد جمانه على رجلو وبيقربو من بعض بمنتهى السفا،،له اكمل بصلها ولسه البنت على رجلو وقال ببرود.... نعم.... فيه حاجه يا بنت عمي.. حد يدخل كده اسيا قالت بغضب رهيب.... عايزه اتكلم معاك ضروري

البنت لسه هتقوم اكمل منعها وقال باستفزاز..... مش فاضي للأسف اسيا ابتسمت بطريقه مريبه وقربت منهم وفي ثواني شدت البنت من شعرها ورمتها بره المكتب تحت نظرات الزهول الي على وش اكمل وقفلت الباب وقالت بتحدي.... كده فاضي صح ووووو مسكتها من شعرها وقومتها من على رجله وطلعتها بره المكتب بغضب وقفلت الباب تحت نظرات الزهول الي بانت على ملامح اكمل اسيا بصتلو بغضب وقالت... كده بقيت فاضي نتكلم بقى ولا ايه رأيك

اكمل ابتسم بدهشه ووقف وقال.... عارفه... سعات بتجينى نوبات جنان زي دي وكنت هروح اكشف بس طمنتيني طلعت وراثه مش اكتر اسيا قربت منو ووقفت قدامو بالظبط وقالت بغضب .... لا روح اكشف لأنك فعلا مجنون ومستحيل تكون وراثه ..وبصت لعيونه وقالت باستفزاز..... مستحيل واحد ابن حرام زيك يورث مننا اي حاجه اكمل احتدت نظراته بغضب بس جاهد علشان ميبانش عليه وقال.....

لا هورث وهقش كتير وابن الحرام ده هيخليكي انتي وكل عيلتك ولاد الحلال تشحتو على الأرصفه وعمل خط برجلو في الارض وقال.... وعلمي على كلامي يا بنت عمي اسيا ابتسمت بسخريه وقالت.... هسيب زقزقة العصافير هيه اللي تصحيك من احلامك..وتقولك صباح النور يا قمور....

انا مجتش علشان اسمع احلام اليقظه بتاعتك جيت علشان اعرف ايه اللي هببته مع عدي امبارح انت فاكر نفسك ايه تقدر تمضيه وهو سكران وتاخد منه حقوقه وهنسكتلك فوق لنفسك يا بابا انت بتتعامل مع عيلة الانصارى يعني الموج عالي قوي على امثالك اكمل ابتسم وقال.... اه انتي جايه علشان حبيب القلب بس للاسف مش هقدر اساعدك لانو خلاص وقع في مصيدتي وانا بقالي كتير مصتادتش وأكيد مش هغامر بأول صيد اسيا بصتلو بخنقه وقالت....

عدي مضى على ايه بالظبط يا اكمل اكمل قعد وبقى يلف الكرسي ببرود وقال.... خلاص بقى مضى على اللي مضى عليه... مش عايز اجرحك واقولك انك كنتي من ضمن اللى استغنى عنو من اول جوله شيطان في بيتي بقلمي وحصريه لصفحتي الصفحه الرسميه للكاتبه زهرة الربيع..اسيا غمضت عنيها بخنقه وقالت..... يارب الصبر من عندك..... اسمع يا بني ادم انت الورق الي معاك ده اياً كان تبله وتشرب ميته...

لاننا ببساطه هنثبت انك سكرتو ومضيتو وهو مش في وعيوا وانت اللي هتخسر اكمل قال بمنتهى الهدوء.... روحي اعملي كده... فيه عندي اكتر من عشره من صحابو شافو انو دخل التحدي بارادته ولما فلوسه خلصت مضى على الورق... وانا علشان بعزك هاقولك هو مضى على ايه وطلع ورق من المكتب وحطها بين اديها وقال.... اقري بنفسك يا ايسو اسيا مسكت الورقه واتصدمت لما لقتو ماضي على ورقه على بياض مكتوب فيها تنازل بمبلغ لاكمل والمبلغ مش مكتوب

اكمل سحبها من ايدها بسرعه وقال.... انا ممكن احط اي رقم وافضل احط جمبو اصفار لحد الصبح ممكن احط رقم يعجز عمك انو يقراه حتى وبصلها بحده وغضب وقال.... وحيات عيونك الي زي الرصاص دول لاسجنه واحسرك انتي وعمك الواطي عليه في احدى الجامعات واقفه سهيله بتوتر شديد لابسه ادناء واسع ونقاب وعيونها لوحدهم حكايه وقف جمبها شاب في العشرينات وقال.... اتأخرت عليكي قالت بابتسامه.... مش مهم المهم انك جيت احنا لازم نتكلم يا علي ضروري

علي قال ... ما تتكلمي يا بنتي خوفتيني فيه ايه سهيله قالت بدموع.... متقدملي عريس يا علي وبابا موافق عليه ظابط في الشرطه وبباه صاحب بابا و بيحبه جدا علي قال بزهول.... عريس ايه يا بنتي انتي لسه صغيره ومكملتيش تعليمك قالت بدموع ... هو مستعجل قوي وبابا معندوش مشكله انت لازم تتصرف لازم تيجي تطلبني منو على قعد بتوتر وطلع علبة حبوب من جيبه وقال.. خديلك بس حبايه واهدي وفهميني سهيله قالت بسرعه ....

كويس انك جبتها محتاجه الحبوب دي انهارده بذات متوتره قوي .... صحيح يا علي اديني العلبه بتاعتها علشان اوقات كتير ببقى متوتره ومش بهدى خليني اشتريلي علبه عند اللزوم علي حمحم وقال بارتباك.... ها العلبه..لا.. لا مبتتجابش بالعلبه..وبعدين دي شاحه في السوق ومش بتتباع كتير سهيله قالت باستغراب...

انا ابن عمي لؤي دكتور صيدلي وانا قولتلو ان فيه حبوب بتساعد على المذاكره والتركيذ وبتخفف التوتر قالي ميعرفش حاجه زى كده وطلب الشريط او العلبه على قال بعصبيه و بزعيق.... انتي اتجننتي انا مش قولتلك متتكلميش مع حد عن الحبوب دي..انا بقضيها بالعافيه سهيله بصتلو باستغراب وهو خد بالو لانفعالوا وقال بتوتر.... قصدي يا حبيبتي ان بابا بيجبهالي من دكتور صاحبه زي ما قولتلك بتطلع للحبايب بس متخلنيش اندم اني ادتلك منها بقى

سهيله قالت بابتسامه.... لا خلاص مش هجيب سيره بس هات حبايه دلوقتي وحطتها تحت لسانها وبقت تاخد نفس وقالت.... ممكن تديني واحده تانيه اخليها معايا علي قال بابتسامه.... لا ياقمورتي انتي لما تحتاجيها اتصلي عليا سهيله اتنهدت وقالت.... طييب وبالنسبه لموضوعنا هنعمل ايه علي قال بروقان.... موضوع ايه سهيله ضحكت وقالت.... علي الموضوع بتاع جوازنا انا مش عايزه اتجوز غيرك يا علي علي حط ايده على رجلها وقال برغبه..ولا انا....

انا بحبك يا بت..انتي راشقه في دماغي وهموت واشوف وشك حتى ما تشيلي النقاب ده مره علشان حبيبك سهيله دفعت ايده وقالت بغضب.... وبعدين يا على انا الف مره قولتلك من غير ما تقرب ايه ده على قال بسرعه.... انا.انا اسف معلش بس من حبي فيكي..طيب بصي انتي روحي لمحاضراتك وانا هفاتح بابا في موضوعنا وان شاء الله خير سهيله ابتسمت بسعاده وقالت .... بجد... طب انا هستناك اوعى تسبني وانبي يا على انا مقدرش اعيش من غيرك

علي ابتسم وقال ..ولا انا يا عمري سهيله ابتسمت بسعاده ومشيت بسرعه تلحق محاضرتها بس بمجرد ما مشيت بص لطيفها بسخريه وابتسم ابتسامه خبيثه جدا عند لؤي كان واقف في الصيدليه وجات بنت في العشرين بملامح جذابه جدا وقفت قصاده وقالت.... صباح الخير يا هندسه لؤي بصلها بدهشه وقال... هندسه ... ماشي صباح الجمال قالت بابتسامه.... انا قريت الاعلان انك عايز حد يقف معاك في الصيدليه قال بابتسامه واعجاب...

والله على عيني بس انتي مقرتيش الاعلان كويس انا عايز شاب مش بنت البنت شهقت بردح وقالت.... ليه بقى ان شاء الله وهتفرق ايه طبعا عنصريه مش هتتغير لؤي قال بسرعه..لا يا انسه مش مسألة عنصريه بس يعني هنفضل سوا طول اليوم وكنت عايز شاب علشان الصيدليه بقت سمعتها زفت لوحدها وانا مش ناقص البنت دخلت الصيدليه وقالت بسرعه..لو سمحت انا محتاجه الشغل قوي..وانا بدرس صيدله وبعرف في الشغل كويس لو سمحت وافق

لؤي بلع ريقه بارتباك من شكلها وبقى يبصلها من فوق لتحت وقال بالعافيه... مش هينفع صدقيني انتي بذات مش هتنفعي قالت باستغراب... ليه بس طب جربني..ارجوك لؤى اتنهد قدام نظرات الرجاء اللي في عيونها وقال.... ماشي هجربك اسبوع وربنا يستر... انتي اسمك ايه قالت بسعاده... فرحه اسمي فرحه لؤي فتح الكمبيوتر وقال... طيب هاتي بطاقتك يا فرحه فرحه بصتلو بتوتر وارتباك وقالت.... ها... ليه لؤي قال بابتسامه....

مالك خايفه ليه ده اجراء روتيني هضربها على الكمبيوتر بس وانزل بيناتك فرحه قالت بارتباك اكبر... اصل..اصل انا بطاقتي مش ساريه لؤي قال باستغراب.... ومش ساريه ليه قالت بقلق.... بس هجددها قريب واجبها لؤى اتنهد وقال.... هو ضروري بطاقتك يعني اعمليها بسرعه تمام فرحه قالت بابتسامه تمام... هبدأ شغل امتى لؤى قال بابتسامه.... من انهارده لو حابه

فرحه ابتسمت بسعاده وحماس وبدات ترتب الرفوف وترتب الادويه وكان لؤي متابعها بعيونه في كل حركه لدرجه انها خدت بالها وكانت بتبصلوا بضيق بعد شويه وقف زبون وقال بابتسامه.. السلام عليكم... كنت عايز علبه بنادول لؤي قال بابتسامه... حاضر.... بيتطلب كتير البنادول الفتره دي الراجل قال... اه والله يا دكتور ربنا يشفي الصداع مبهدل الناس لؤي كانت عينه على فرحه وهيه بترتب الاقراص وبيبصلها بوقاحه وقال... لا والسخونه الجو نار بعيد عنك

ولمسها من غير ما حد ياخد باله وهو بيجيب البنادول فرحه التفتتلو بسرعه رهيبه وضربتو قلم قوي وبقت تكمل شغل ولا كأنها عملت حاجه الراجل الي بيشتري بصلو بصدمه من الموقف ولؤي اندهش وابتسم بتوتر وقال للراجل ... احم... شوفت حاجه عدت من هنا عند اسيا حست بقلق شديد بعد ما شافت الورقه اللي مع اكمل وقالت بارتباك... والمطلوب يا اكمل ابتسم وقال ببرود.... المطلوب والمرغوب انتي وانتي عارفه بصتلو بخنقه وقالت....

انت عارف كويس ان اللي بتفكر فيه مش هيحصل انا مش هرتبط بيك لو اخر واحد في الدنيا اكمل ابتسم وقال ... اديكي قولتي لو اخر واحد في الدنيا بس انا مش اخر واحد في الدنيا يعني عادي اسيا بصتلو بغيظ من كلامو المستفز وقالت... ايوه يعني انت مصمم ليه هو بالعافيه قرب منها وبص لعيونها جامد وقال... سحروني عيونك من اول نظره... وكل حاجه فيكي اسرتني مش قادر افكر في اوحده تانيه اسيا كانت بتبصلو بدهشه وهو قال بسرعه...

كان ممكن اقول الكلمتين دول لو كنتِ اي واحده الا اسيا الانصاري ... انما الحقيقه و السبب الرأيسي هو انك خطيبة عدي ابن عصران... للاسف كل حاجه ملك عصران او اولاده هتكون ملكي ومحدش هيمنعني وقرب منها وقال بتحدي..وهتجوزك يا فنانه وهتكوني بين اديا قدامه ليل نهار علشان احسره هو وابوه اسيا كانت بتبصلو بغضب رهيب وقالت... واحد وسخ شيطان ابتسم ابتسامه خبيثه وقال... الشيطان يا عزيزتي بيستهدف البشر...

انما انا هدفي ناس حتى الشياطين متوصلش لأذاهم ... ولو انتم بشر... فانا معنديش مانع اكون شيطان... المهم تستعدي.. لان قريباً هتكوني ملك الشيطان وتحت قبضتو اللي مبترحمش اسيا بصتلو بغضب ولسه هتتكلم سمعو عدي بيخبط على الباب وبيقول..اسيا... اسيا ردي عليا..انت يا حيوان افتح ..افتح يا اكمل هطلب البوليس اكمل قال باستغراب ... مالو الاهبل ده..هو فاكر اني بغت..صبك هنا ولا ايه اسيا اخدت شنطتها واتوجهت للباب وقالت...

مفيش فايده لذوق معاك ..ابقى اتفاهم مع عمي ولسه هتفتح الباب قال... عمك بنفسه هيقولك اتجوزيه... وبكره تقولي اكمل قال اسيا اتوترت من ثقته بس فتحت اللباب ومردتش عليه عدي اول ما شافها قال بلهفه... انتي كويسه اسيا اتنهدت وهزت راسها بايوه واكمل قال بصوت عالي... وانبي تنادي لجمانه انتي وخارجه البنت اللي كانت بتتباس هنا... قوليلها انك خلصتي وخليها تدخل هيه تكمل عدي بصلها بدهشه وقال .... خلصتي ايه.... بيقول ايه ده

اسيا بصت لاكمل بغضب وقالت... مبيقولش حاجه مهمه ..ليس على المريض حرج..يلا بينا ومشيت هيه وعدي تحت انظار اكمل الي كان هينفجر من الغضب وداس على القلم في ايده كسره وقال... الايام بنا يا اولاد الانصاري على الطريق كان عدي سايق واسيا جمبو بتزعق وبتقول... سافل ..منحط ...

زباله.. واي كلمة وسخه متوصفش بجاحته ووقاحته مش قادره اتخيل كمية السواد اللي جواه..بقيت متيقنه ان الولد ده مستحيل يكون ابن عمنا مستحيل اساسا يكون ابن عمي ماهر الراجل الي عمره ما زعل حد عدي قال بحزن..بس المحكمه قالت انو ابنو.. وكمان ..احم هينتقل على البيت يمكن يجي الليله اسيا حاولت تاخد نفسها وقالت..الموضوع طلع كبير انت ماضيلو على ورقه على بياض يقدر يكتب فيها الي عايزه..لازم عمي يعرف قال بزهول وخوف.... بابا لا ...

لا يا اسيا ارجوكي اسيا قالت بسرعه..يا عدي الموضوع كبير بقولك..والولد ده ناويلنا على الشر يا اما هيسجنك يا اما... اسيا سكتت وهو قال بسرعه.... يا اما ايه احتدت عنيها بنظرات تحرق الكون وقالت..... عايز يتجوزني عدي اتنهد و قال بندم..... كنت متاكد... كنت متاكد هيعمل كده..انا السبب في كل ده..انا هتسجن يا اسيا صح هتسجن

اسيا قالت بسرعه..اهدى يا عدي انت بتقول ايه..ده المستحيل بعينه..احنا هنروح لعمي ونقوله اللي حصل وانا هقف معاك..وهو اكيد هيلاقي حل مع المحامي او هيقولنا نعمل ايه... سوق بسرعه خلينا نحصله وهو في البيت في البيت كان عصران قاعد مع شاب في اواخر العشرين بملامح جميله وصارمه وجمبه بنت مكملتش العشرين جميله وملامحها كانها طفله الشاب وقال بابتسامه....

طبعا حضرتك عارف اني مستعجل على الجواز لاني عايش لوحدي بعد وفاة ابويا وسفر امي..ومش معايا غير نيره اختي وديما مش فضيالي بسبب دراستها وكده بقلم... زهرة الربيع عصران قال بسعاده... طبعا عارف وانا متاكد انك هترتاح جدا لسهيله بنتي انا مربيكم انتو الاتنين ومتأكد انكم هتنبسطو سوا انا امنية حياتي اجوزكم واشوف اولادكم قبل ما اموت يا منتصر يا ابني منتصر قال بابتسامه...

ربنا يديك الصحه يا عمي ويخليك لينا والله انت اكتر من ابويا... بس.... بس كنت حابب طبعا من بعد اذنك اخد رايها يعني عصران قال بسرعه ..سهيله مترفضش اي حاجه انا اقولها .. زيك بالظبط .... ومع ذالك هيه زمانها على وصول وتسألها بنفسك في الوقت ده دخلت سهيله وقالت بادب... السلام عليكم ورحمة الله وبركاته منتصر وقف وابتسم تلقائيا لما شافها رغم انو مش شايف شكلها من النقاب لكن خطفتو بصوتها ووقارها وشكل عيونها قال...

وعليكم السلام ورحمة الله وبركاته ابوها قال بسرعه..اهيه سهيله جات ..تعالي يا حببتي سهيله راحت لابوها وهو قال..سلمي على حضرة الظابط منتصر الحوفي... عريسك الي كلمتك عليه ودي نيره اخته سهيله وقع الكتاب من ايدها بصدمه مكانتش متوقعه يجي بالسرعه دي وبقت تبصلو بزهول منتصر ارتبك واخد الكتاب من الارض وقال... احم اتفضلي سهيله اخدتو منو وقالت بارتباك..احم... اهلا وسهلا

ولسه هتمشي ابوها وقفها وقال..سهيله استني ..منتصر حابب يتكلم معاكي وبصلها بتحذير سهيله اتنهدت ومشيت مع منتصر وقعدو سوا في التراس في الوقت ده دخل لؤي وهو بيتصل على رقم بس مش بيرد نفخ بتوتر وقال... ردي بقى يا فرحه مكانتش مسكه دي ما انا اتضربت اهوه وعادي عمه بصلو باستغراب وقال... اتضربت ... مين ضربك لؤي قال بسرعه..لا .... لا يا عمي انا..انا بس بتصل على حد ومش بيرد..و..ومين القمر نيره ابتسمت بكسوف وعمه قال بيأس منه.....

القمر تبق اخت عريس سهيله ..يلا خدها فرجها على جنينة القصر لؤي بصلها بتوتر و ميل على عمه وقال..مابلاش ابوس ايدك عمه بصلو باستغراب وقال... بلاش ليه يلا اطلعو اتفرجو على الجنينه واتكلمو سوا يلا لؤي قال بتوتر اكبر... ياعمي بلاش اسمع مني ياجدع عمه بصلو بغضب وقال..وبعدين يا لؤي لؤي بلع ريقه بتوتر وقال بقلق..ابقى افتكر اني قولتلك بلاش اتفضلي يا انسه نيره نيره مشيت معاه بهدوء وطلعو على الجنينه سوا

وهنا دخلو اسيا وعدي واسيا بصت لعمها بتوتر وقالت بدون مقدمات ..... عمي فيه مصيبه لازم نتكلم عند سهيله منتصر عرفها على نفسو وعلى عيلته وقال بابتسامه..انا اتكلمت كتير بس مسمعتش صوتك خالص ... هو ..هو فيه مشكله سهيله بصتلو بدموع وقالت بسرعه..ارجوك ارفضني منتصر اتصدم من جملتها وهيه كملت ببكا وقالت..انا بحب واحد تاني ولو رفضت بابا مش هيرضى ارجوك ارفض انت

منتصر اتجمد مكانو لما قالت كده وقبل ما ينطق سمع اخته بتصرخ بصوت عالي وبتقول..ياسافل يا وقح يا حيواااااان وووو ابوس ايدك ارفضني قول اني معجبتكش او اي حاجه انا.. انا مغصوبه عليك ولو رفضت بابا مش هيوافق خالص والله منتصر اتصدم من كلامها وبقى يبصلها بزهول ولسه هيتكلم سمعو صوت اختو بتصرخ وبتقول.... يا واطي يا زباله يا حيوااااان منتصر جري بسرعه وسهيله راحت وراه

طلعو على الجنينه ورا مصدر الصوت و كان عصران واسيا وعدي اتخضو من الصوت وقامو جري سبقوهم على هناك واتصدمو كلهم بنيره ماسكه شنطتها وبتضرب لؤي بغضب وبتقول ببكا.... يا حقير يا وسخ يا زباااله اسيا اتصدمت وجريت على اخوها ومنتصر جري على اختو مسكها وقال بزهول ... فيه ايه يا نيره عيب كده بتعملي ايه نيره بقت تبكي جامد واستخبت في اخوها وقالت..الحقني يا منتصر الحقني الحيوان ده كان بيفرجني على الجنينه وبعدين ..بعدين ....

ومقدرتش تكمل وبقت تبكي جامد اسيا وعصران وعدي بقو يبصو للؤي بزهول وهو بلع ريقه برعب وقال..انا..انا اسف.. انتي فهمتيني غلط يا انسه والله قالت بصراخ..اخرس..اخرس يا حقير فهمتك غلط يعني ايه انت لمستني بطريقه وقحه وقولتلي تعالي ورا الشجره ..والله يا منتصر ما بكدب منتصر اتصدم بشده و مسك لؤي من هدومه بغضب وبقى يهزو بعنف وقال بعصبيه... اه يا زباله يا حقير يا وسخ ده انا همرمط بكرامة امك الارض يلااااا

لؤي غمض عنيه وقال بخوف..ياعم اضرب واخلص هو انا هنضرب وكمان اتشتم بس اسيا شدت اخوها ووقفت في وش منتصر وقالت.... سيبو يا جدع انت... ايه الهمجيه دي مش تهدى علشان نفهم افرض اختك بتكدب نيره بقت تبكي اكتر وسهيله وقفت جمبها تهديها وقالت بغضب..اسيا اهدي احنا مقدرين انو اخوكي وكمان ابن عمي ومش هرضى فيه بس كمان مفيش بنت تتبلى على واحد في موضوع زي ده.... والبنت اول مره تزورنا اصلا يعني هتكدب ليه..اهدي واعقلي كلامك

اسيا اتنهدت وقالت..انا اسفه يا حضرت الظابط بس ارجوك خلينا نفهم الموضوع الاول و بس قطعو كلامهم لما اتفاجأو بلؤي استغل انشغالهم وجري بسرعه وطلع بره الجنينه منتصر جري وراه بسرعه عايز يحصلو بس طلع في اول تاكس وملحقهوش منتصر وقف وهو بينهج وقال بزعيق.... هجيبك يا وسخ مش هعديهاااا الكل كانو في حالة زهول وعصران كان واقف مش بينطق وهيتجنن من اللي حصل ومنتصر نادى لاخته وقال..يلا بينا يا نيره ... انا اصلا غلطت اني جبتك معايا

وبص لسهيله بخيبة امل وهو بيفتكر كلامها وقال..يمكن غلطت اني جيت اصلا سهيله نزلت عيونها في الارض وعدي قال بسرعه ... افهم بس استني هنتفاهم يا منتصر لو سمحت منت... بس منتصر مشي ومسمعهوش عصران قعد على اقرب كرسي بزهول وهو مش مصدق اللي عملو لؤي مع ضيوفه وضم ايده بتوعد وعيونه بتشع نار