تحميل رواية سكنني الخطر بقلم زهرة الربيع pdf

ومشيو على البيت كلهم وكان لؤي شاكك فيها وقلقان جدا لانها مش متعوده تكدب كده ابدا

اول ما وصلو البيت كان عدي قاعد في الصالون وحاطط ايديه على دماغو واسيا رايحه جايه بقلق

اول ما شافتهم قالت بغضب...ساعه يا سهيله خضتيني و

بس اتفاجأت بلؤي وفرحه وقالت باستغراب..لؤي انت كنت بره اصلا..ده انا فكراك في اوضتك

لؤي قال بارتباك..اه..احم..اصل حصلت حاجه كده واضطريت اطلع

اسيا قالت باستغراب..ومين القمر دي مش تعرفنا

لؤي ابتسم بارتباك وقال..دي فرحه

اسيا سلمت عليها باستغراب وعدي كمان وقال بابتسامه واستفهام..ايوه ربنا يفرح قلبك.. برضو معرفتناش يعني

لؤي قال بارتباك...اه ...صح...فرحه تبقى..تبقى اخت زميلي تعرفو علاء صبري زميلي وصاحبي اوي انا بحكيلكم كتير عنو انت تعرفو يا عدي

عدي قال..اه اعرفه

لؤي قال..وطبعا عارف انو مقيم في الغردقه..اهي فرحه تبقى اختو بس معاها بحث مهم هنا في القاهره وهتاخدلها كام يوم كان هينزلها في اوتيل بس انا اصريت اننا نستضيفها عندنا مش كده احسن ولا ايه

اسيا كانت بتبصلو بابتسامه وعدم تصديق وقالت..ااااه...طبعا طبعا...اكيد...تنورنا طبعا..احم...طيب مش كان لازم تقول لعمك يعني...ولا ايه

لؤي قال بارتباك..اه اه اكيد هقوله بس الصبح الوقت اتاخر جدا وهو بينام بدري وكل حاجه جات بسرعه انتي خدي فرحه معاكي يا اسيا لحد ما نجهزلها اوضه وخلينا ننام والصباح رباح

اسيا اتنهدت باستغراب مش فاهمه ليه الارتباك ده كلو وهيه اكتر واحده بتعرف لؤي لما بيكدب ابتسمت وقالت..طيب يلا يا فرحه اتفضلي معايا

فرحه طلعت معاها بتوتر وكسوف وعدي بص لسهيله وقال..وانتي كمان يا سهيله روحي نامي كفايه كده

سهيله هزت راسها ومشيت بسرعه على اوضتها تحت انظار لؤي اللي كان بيبص لطيفها باستغراب وقلق

عدي بصلو ورفع حاجبو باستفهام وقال..ها..ايه بقى

لؤي قال ..نعم عايز حاجه

عدي قال بضيق..نعم الله عليك وعلى اللي حواليك...هو ممكن تفكرني يعني امتى علاء كان له اخوات بنات

لؤي قال بتوتر..لا ركذ معايا كده..انت اكيد ناسي..عدي يا قمر..علاء له اخوات..ها...

عدي ضحك وقال..متقلقش مش هقول حاجه لبابا بس مين دي

لؤي اتنهد وقال..هبقى احكيلك كل حاجه بس بجد نفسي انام تعبان قوي ...تصبح على خير

عدي اتنهد وطلع هو كمان ينام

اما سهيله دخلت الاوضه وقفلت الباب كويس وجريت شربت حبايه من الاقراص المخدره واترمت على السرير بعبايتها ونقابها وهيه حاسه بالم شديد في كل جسمها فضلت تتألم شويه والصداع مش مفارقها خصوصا وهيه بتفتكر كلام علي لما قالها نهرب ..فضلت على الحال ده لحد ما راحت في النوم من شدة التعب

في صباح يوم جديد كانو على الفطار زي كل يوم وكان عمهم متوسط السفره زي العاده ومستنيهم يجو للفطار

جم اسيا وعدي وصبحو عليه ...وبعد شويه جات سهيله

وكانو بيتكلمو بهدوء وابتسامه بهتت بنزول اكمل وهو بيصفر ببرود وقال بابتسامه مستفزه..صباح الخير ..اوعو تكونو هتفطرو من غيري

عدي نفخ بزهق وغيظ واكمل فاجأهم لما قرب من اسيا وباسها من خدها قدامهم بكل وقاحه وقال...يا صباح الفتوش اللبناني ..على اللي عيونه تعباني

اتسعت عيون الجميع بصدمه وعدي وقف ومسكو من هدومو بغضب وقال بزعيق...انت بتعاكسها قدامنا كلنا محدش مالي عينك يلاااا

اكمل نفض اديه وقال باستفزاز..خالص...محدش مالي ربعهم حتى..وبصلها وكمل بغمز وقال..طبعا الا انتي يا قطه

عدي لسه هيضربوا وقفت اسيا وقالت بغضب ...عدي بس خلاص ...يمكن هتنزل لمستواه

اكمل ضحك بسخريه وقال...وعلى ايه تنزلو وتتعبو نفسكم ما انا طلعتلكو لمستواكو اهوه .. ميهونش عليا تعبكم علشان كده هطلع انا

وقعد على الكرسي قصاد عصران بالظبط وبصلو بشماته

عصران كان مخنوق منو بس حاول ميبينش وقال...احم اقعدو كملو فطاركم واتجاهلوه

اكمل ابتسم باستفزاز وقال..ليه بس كده يا..عمو...حلوه عمو مش كده...ماشيه مع المستوى.... وضحك تاني وبقى يفطر

عدي كان مخنوق منو وبقى ياكل بغيظ واسيا مسكت ايده وابتسمتلو

عدي ابتسم وضغط على ايدها بحب واكمل شافهم وداس على الكبايه اللي في ايده وحاول يتمالك اعصابه

في الوقت ده جيه لؤي ومعاه فرحه وقال...صباح الخير

عصران استغرب لما شاف فرحه وقال..صباح النور

لؤي شاف نظرات الاستفهام على وش عمه قال بسرعه...عمي...انا رجعت امبارح مع فرحه بس لقيتك نمت...كنت عايز اعرفك عليها...فرحه تبقى اخت سليم صاحبي اللي عايش في الغردقه انت عارفه

عمه قال باستغراب..اه طبعا يا ابني اعرفه اهلا يا بنتي

فرحه ابتسمت وسلمت عليه وقالت..يا اهلا يا عم الحج...ربنا يديك الصحه

الكل بصولها بدهشه من طريقة كلامها واكمل ضحك وقال...الغردقه...بتصبح عليك حاره حاره وزقاق زقاق

لؤي بلع ريقه بارتباك وقال..اه...اصل فرحه معاها شغل مهم هياخد كام يوم هنا وكانت هتنزل في اوتيل فقولت عيب يعني اسبها في اوتيل خصوصا ان سليم وصاني عليها ولا رأي حضرت ايه

↚

عصران كان شاكك ان فيه حاجه بس قال..يابني ده بيتك يا لؤي وضيوفك اصحاب مكان

لؤي ابتسم بسعاده وعصران قال...اقعدي افطري يا بنتي

فرحه ابتسمت وقعدت معاهم بقت تفطر وعصران قال ..شوفو يا ولاد ...منتصر خطيب سهيله..مستعجل جدا على الجواز...وهيكتب الكتاب ويعمل الفرح في نفس اليوم كمان 3 ايام ..فعايزكم تقفو معايا اليومين دول ومش كل شويه ادور عليكم وبص لعدي وقال..خصوصا انت اجلي سهراتك اليومين دول

عدي هز راسو بالموافقه وسهيله كانت قاعده بحزن شديد

عصران بص للؤي وقال بتحذير..وانت مش هحذزك اللي حصل المره الي فاتت ميتكررش..ويبقى انسب لو تعتذر لاختو على اللي عملتو معاها

لؤي حمحم بحرج وقال ..مهو..مهو لو مش عايزه يتكرر يبقى الأحسن معتذرلهاش ولا اكلمها

عصران قال بغيظ منو.... انا هعرف انت مخبي ايه بس خليني اخلص من يومين الفرح..كل الي عايز اقولو انكم تقفو جمبي انا محلتيش غيركم وطبعا مفيش رجاله غيركم في البيت

قال كده وهو بيبص بطرف عينه لاكمل قاصد يحرجه

اكمل وقف وقال بهدوء مستفز..كان بودي اتنرفز من كلامك بس اصلا حتى لو انت حسبتني معاهم مش هبقى فاضي اساعدك ...لاني هتجوز في نفس اليوم وبص للاسيا وقال بخبث...انا جاهز من كلو ومفيش داعي للانتظار... ايسو وحشاني وهموت وتبات في حضني

شيطان في بيتي حصريا بقلم زهرة الربيع

اسيا شهقت وهيه بتشرب وعدي وقف بزهول

اما لؤي قال بصدمه..ايسو مين..هو بيقول ايه...انت قصدك ايه بكلامك ده

اكمل قرب ومد ايده وقال..معلش يا دكتور ملحقناش نتعرف انا اكمل الانصاري سمعت عني طبعا

لؤي سلم عليه بدهشه وقال...سمعت ...واهلا بيك تمام..بس ايه دخل جواز اسيا وعدي بيك...هو فيه ايه..مين هيتجوز مين

اكمل قال باستغراب مصتنع..معقوله مقولتيش لأخوكي يا ايسو...شوف يا دكتور..انا واسيا هنتجوز..وعمك موافق والإكس بتاعها كمان موافق

وبص لعدي وقال بسخريه....مش كده ولا ايه يا ابو مستوى

عدي بصلو بغيظ وغضب واسيا كانت مصدومه وقالت بسرعه..لا...قصدي...قصدي انا مش جاهزه دلوقت

اكمل ابتسم وقال بتحذير يخوف..لا اجهزي ياروحي قدامك ٣ ايام...لاني مش هستنى اكتر..ماشي يا مزتي...يلا اشوفك في فرشتي...قصدي بالليل ...اشوفك بالليل

قال كده واخد الجاكيت بتاعو ومشي وهو بيصفر برواق وانبساط

اسيا قعدت على الكرسي بزهول مكانتش متوقعه انو يتجوزها بالسرعه دي... وعدي وقف ومسح على وشو بغيظ وغضب

عصران اتنهد ونزل وشو في الارض

لؤي بص لاشكالهم وكان هيتجنن من اللي بيحصل وقال بغضب...انا عايز اعرف ايه اللي بيحصل ايه اللي سمعتو ده

سهيله استغلت انشغالهم مع لؤي ودخلت اوضتها وقفلت عليها واتصلت على علي اللي رد عليها فورا وقال بخوف ...ايوه ياسهيله..ايه اللي حصل... عرفو حاجه

سهيله قالت بسرعه..لا متخافش قولتلو انك اخو صاحبتي وجيت معاها علشان متجيش لوحدها....انا كنت هكلمك بالليل بس اخدت الحبايه وتعبت ونمت

علي قال بسرعه..طب والبنت اللي معاه..مين دي

سهيله قالت بلامبالاه...اخت واحد صاحبو من الغردقه

علي قال بدهشه ....الغردقه

سهيله قالت بسرعه..اه ..خليك في المهم انا فرحي اتحدد بعد ٣ايام بس هنعمل ايه

علي اتنهد بضيق وقال...انا قولتلك الحل الوحيد يا سهيله...خلينا نهرب متقلقيش محدش هيلاقينا

سهيله قالت بسرعه..لا طبعا ..انت بتقول ايه ده حرام...ازاي اخون اهلي واعمل كده ده بابا يروح فيها

قال بسرعه وخبث...افهمي با سهيله..انتي لو مش عايزه تخوني لازم تهربي...انتي فاكره لما تتجوزي واحد وتفكيرك مع غيره دي مش خيانه..لازم تنقذي نفسك من المعصيه دي ..ولو على ابوكي هرجعك ليه تبوسي على راسو بعد ما نكتب كتابنا وهينسى كل حاجه

سهيله بقت مش عارفه تقول ايه وقالت...انا خايفه يا علي

ابتسم بخبث وقال..انا معاكي يا قلب علي متقلقيش سيبي كل حاجه عليا

قفل معاها والتفت لاكمل اللي كان قاعد جمبه في العربيه وقال...وافقت

علي قال بفخر ..عيب عليك ده انا علي

اكمل ابتسم بسخريه وقال...المهم تركذ لو فعلا هربتها في كتب الكتاب هنعمل زفه محصلتش لعصران بيه مفيش حد في البلد كلها مهيعرفش ان بنتو هربت مع عشيقها...هخليه ميقدرش يطلع من باب البيت ...اعمل اللي تقدر عليه علشان تهربها فهمت

علي قال بثقه من عيوني...متقلقش دي بقت خاتم في صباعي

وكمل بتردد وقال..بس هو فيه حاجه احتمال تعطلنا

اكمل انتبهلو وقال..فيه ايه

علي بلع ريقه وقال...البنت اللي جات عندكم مع الدكتور تعرفني كويس...وتعرف كل حاجه عني خايف تحكيلها حاجه

اكمل بصلو بزهول وقال..وهيه البنت اللي مع الدكتور شافتك فين

علي قال بارتباك ...شافتني امبارح بالليل لما كنت بدي البرشام لسهيله هيه كانت جايه مع الدكتور

اكمل مسح على وشو بغضب وقال...يخربيت غبائك...طيب هيه تعرفك منين اصلا

علي قال بارتباك... دي قصه طويله... البت دي من اسكندريه اصلا وهربانه هنا

بقلم..زهرة الربيع

بصلو بانتباه وقال....اسكندريه ..وهربانه..لا اهدى كده وفهمني واحده واحده

في البيت عند سهيله كانت بتفكر في كلام علي بارتباك وتليفونها بقى يرن

بصت للمتصل وكان منتصر نفخت بغيظ وردت وقالت بغضب..عايز ايه لو اتصلت تبشرني احب اقولك بابا سبقك

منتصر ضحك على عصبيتها وقال...لا اكيد عارف انك زمانك بقى عند خبر بس اتصلت علشان بشتغل في الشقه اللي هنفضل فيها وقلت اخد رايك لو حابه تضيفي حاجه للديكور او الأثاث وكده

غمضت عنيها بغضب رهيب وقالت ..يا ابن الحلال متخرجنيش عن شعوري..بص ادهن الحيطان اسود عليك وعلى دماغك ..وحطلي فيها سم هاري علشان هحتاجو ورشة قطران مهبب كده زي شكل عيشتك معايا ان شاء الله ...وبس كده هتبقى فل

قالت كده وقفلت السكه في وشو

منتصر بص لتليفون وقال بدهشه...هيه قفشت ليه ...نسيت اسالها عن الأرضيه

عند لؤي كان مصدوم من اللي سمعه وبص لعدي وقال بغضب...انت..انت ازاي عملت كده ازاي..ازاي تورط نفسك وتبعها بالطريقه دي ورجع بص لعمه وقال بغضب..وانت يا عمي انا مش مصدق..مش مصدق ابدا

عمه اتنهد وقال..يا ابني انا...انا كان قصدي احافظ عليكم و

لؤي قال بغضب..انت كده بتحافظ علينا..انا..انا معنديش اعتراض على اكمل زيكم ولا بستحقره او اقلل من شأنو كل انسان وعندو اسبابو الي بتكونو..لاكن..لاكن ده بيكرهنا مش بيطقنا واكيد متجوز اسيا انتقام مش اكتر ازاي تحط اختي في موقف زي ده بتحافظ على ابنك على حسابها

عمه بصلو بدهشه وقال....ده اللي طلع منك بعد السنين دي كلها يا لؤي..انا عمري عاملتكو اقل من اولادي..انا عمري فرقت بينكم

لؤي اتنهد بغضب ومشي على اوضتو بسرعه من غير ما يرد واسيا جريت وراه

عصران اتنهد بحزن وقال.... لا حول ولا قوة الا بالله

عدي قرب منو وقال..انا اسف انا السبب في كل ده..ودفعت التمن لما خسرتها للأبد

ولسه هيمشي ابوه قال بحزم..انت غلطت..وغلطت جدا...بس انا مش هسيب الهلفوت ده على اخر الزمن يعاقبلي ابني لما يغلط..ولا هسيبو يستولى على بيتي قطعه قطعه واسيا بعيد عن عنيه

عدي بصلو باستغراب وقال..بس ده هيتجوزها بعد ٣ ايام

ابتسم بسخريه وقال..وافرض اتجوزها... هيه كده بقيت ليه يعني ..دي قدامها سنه ضوئيه على بال ما تتقبله في حياتها...وانا مش هستنى وهخليه يطلقها في غمضة عين

عدي بصلو باستغراب وقال ..ازاي..ده لو عملنا ايه مش هيطلقها علشان يغيظنا

عصران وقف وقال بخبث...تفتكر لو لقاها في اوضتك وفي سريرك..وفي حضنك كمان هتفضل على زمته وووووو

↚

تفتكر لو لقاها في اوضتك وفي سريرك..وفي حضنك كمان هتفضل على زمته... طبعا لا

عدي اتصدم بكلام ابوه وقال...بابا انت بتقول ايه...يعني ايه الكلام ده لا طبعا انا مقدرش اعمل كده في اسيا مستحيل

عصران ضحك وقرب منو وحط دراعو على كتفو وقال..انت متخيل ان اللي وصلك ده انا ممكن اقولك اعملو ...اسيا بنتي زيها زي سهيله...انا قصدي هيبقى بالاتفاق معاها مش غصب عنها..وكلو هيبقى كدب يعني علشان يشوفها معاك ويطلق

عدي ابتسم وهو بيفكر في الموضوع وقال...اه اذا كده تمام...طيب ما تعمل كده قبل الجواز

ابوه قال بضيق...عدي يا حبيبي والدتك كانت ست جميله اوي ..وكانت رقيقه وهاديه ومتأنيه..وانت سبت كل الصفات دي وورثت ذكائها...يعني يا عبقري زمانك لو ينفع كنت هستنى احنا لو عملنا كده قبل الجواز هيرفض يدينا الورق..وهيحبسك بيه..بص انت متفكرش في حاجه سيب المواضيع دي عليا المهم دلوقتي نعدي يوم الفرح على خير حتى علشان اختك وبص قدامو وقال بغضب...بعدها انا هعرف اعلمو الادب اللي محدش علمهوله

عند لؤي كان متعصب جدا ورايح جاي بانفعال غريب وقال بغضب..انتي ازاي توافقي على حاجه زي دي..ازاي ترضي تكوني كبش فدا لعدي بيه اللي قامر عليكي بسهوله

اسيا اتنهدت وقالت..ممكن تهدى لو سمحت علشان نتكلم..بقالي ساعه مش عارفه اهديك هتحصلك حاجه..انا اول مره اشوفك كده

قال بغضب...علشان اول مره حد يجي عليكي وانتي عارفه انتي ايه بالنسبالي

اتنهدت وقعدتو براحه على الكرسي وقعدت قصاده وقالت بابتسامه..عارفه يا قلبي انت..وانا ليا مين غيرك يا لؤي بس انا عايزاك تعرف ان محدش ضغط عليا..كل الحكايه اني حبيت اساعده..عدي مش وحش وانت عارف كده.. كانت غلطه و

قال بسرعه.....عارف انو مش وحش وانها غلطه..بس غلطتو هو ..تدفعي انتي تمنها ليه..انا ياما حذرتو الطريق ده حرام...ده ميسر وهيخسرو رحمة ربو بس مبيسمعش الكلام....يا اسيا انا..انا قولتلكم اعتراضي مش على اكمل كانسان..انا معترض على الطريقه والاسلوب هتتعبي معاه

اسيا وقفت وبصت بعيد عنه وقالت بغضب مكبوت..ده مش انسان اصلا يا لؤي...بس انا قدو..متقلقش على اختك انا اعرف اتعامل مع الاشكال دي كويس

شيطان في بيتي بقلم زهرة الربيع

عند اكمل كان قاعد في العربيه وبيفكر في كلام علي عن فرحه وابتسم بسخريه وقال...هه..زي ما يكون ربنا بيبعتلي مساعدات من عنده...كل شيئ في صالحي حتى التوقيت

علي قال باستغراب تقصد ايه

اكمل ابتسم بسخريه وقال...مش مهم ..المهم تجهز نفسك هنهرب العروسه يوم كتب كتابها

علي ابتسم لاتساع وقال...انا هكتب عليها بعد ما اهربها صح

اكمل ابتسم بطريقه مخيفه وقال...لا يا لولو...ولا حتى هتشوف وشها...هديلك عنوان توصلها عليه وتستنى اوامر مني..وطلع سلاحو ومشاه عليه بتحزير وقال...لو شطانك وزك تعمل اي حركه...هخليه يشوف حد غيرك لان الشياطين مبتوزش الاموات

علي اتنهد بيأس وخوف وقال..امرك

اكمل ابتسم وقال..يلا انزل انت انا راجع البيت تاني

علي نزل وهو احتدت عنيه بغضب وهو بيفتكر عصران

بس اتغيرت ملامحو لما جات في بالو اسيا ونظراتها الحاده وكلامها اللي زي السيف ابتسم باستمتاع واخد نفس عميق وقال...اسيا...امممم اسمك لوحدو بيديني طاقة تحدي رهيبه...مش ههدى غير لما اجيب مناخيرك انتي وعمك تحت جزمة ابن الحرام اللي مش عاجبك

ودور العربيه ورجع على البيت

في البيت كانت فرحه رايحه جايه بخوف وهيه بتفتكر وقت ما شافت علي وقالت بتوتر...يكون بيتهيألي ...ممكن يكون مش هوه...بس ازاي ده بصلي هو كمان عرفني..يارب ساعدني

وقفت بتوتر وقالت..لا..لا هو اكيد هو...انا مش هسكت البنت خبت عن ابن عمها وقالت اخو صاحبتها وهو ملوش اخوات...اكيد بيضحك عليها الوسخ ده انا لازم اكلمها وافهمها حقيقتو وطلعت من الاوضه واتوجهت لاوضة سهيله بس وقفت على صوت اكمل بيقول..انسه فرحه دقيقه لو سمحتي

فرحه بصتلو باستغراب وقالت..نعم

اكمل قرب منها وابتسم بخبث وقال...انتي رايحه لسهيله مش كده

قالت باستغراب ايوه..فيه حاجه

اكمل ابتسم وقرب اكتر ومسك خصله من شعرها لفها على صباعو وقال...ابدا ده مجرد سؤال

فرحه بصتلو بغضب وبعدت وقالت...انت بتعمل ايه...لم نفسك مش ناقصه بلاوي على الصبح

ومشيت خطوات بس وقفت بصدمه لما قال...طب ابقى بامانه تقوليلها علي الونش بيسلم عليكي

الرعب اتمكن منها واتجمدت مكانها خصوصا لما اكمل قرب منها وقال بهمس...هو كمان باعتلك انتي السلام... والسلام امانه وبيقولك لو اتكلمتي هو كمان هيتكلم بس كلامه اكيد مش هيهعجبك خالص...وضحت

بلعت ريقها برعب شديد واكمل قال بسرعه وتحذير ..متخافيش كده انا ستر وغطا ..ومبحبش الفضايح ..المهم تبقي شطوره وتسمعي الكلام ...امم تسمعيه كويس

فرحه قالت بخوف شديد..انت..انت تعرفو منين..قلك ايه

اكمل ضحك بسخريه وقال...دي اسرار صحاب مقدرش اقولها..بس علشان سؤالك هقولك انو قالي كل اللي يعرفو علشان مش بيخبي عني ابدا

فرحه اتملت عيونها دموع وقالت..انتو ..انتو عايزين منها ايه..يعني البنت الغلبانه دي اذتكم في ايه

اكمل قال بغضب وتحذير..دي مش مشكلتك..متسأليش كتير علشان تخرجي من هنا بسلام...ومشي

خطوات وقال..متنسيش الي قولتو وخليكي عاقله وجاهزه لاي طلب اطلبو... لاني اكيد هحتاجك الفتره الجايه

قال كده وطلع على اوضتو وفرحه جذبت شعرها لورا بزهول ورعب حقيقي ورجعت على الاوضه وهيه مش شايفه قدامها من الدموع اللي في عيونها

بالليل كانو قاعدين على العشا واكمل منزلش يتعشى

طبعا محدش من اللي موجودين سأل عليه بس لؤي نادى للخدامه وقال...نجيه..هو اكمل بيه منزلش ليه

عمه بصلو بغيظ وقال ...اكمل بيه..عشت وشوفت

نجيه قالت..قال اطلعلو العشا فوق لانه تعبان شويه

لؤي وقف ولسه هيطلعلو اسيا مسكت ايده وقالت بضيق...متطلعلوش احسن ده بني ادم مستفز لابعد الحدود وهيضايك اسمع مني

لؤي ابتسم وقال..ده من دمنا ومفيش حد من دمنا ممكن يبقى بالسؤ ده

عمه قال بغضب..دمنا ايه واهباب ايه... طب هو معذور ميعرفش حاجه عن عمك طاهر الله يرحمه وله حق يصدق كذب امو الله يجحمها ...طب وانت كلنا هنا عارفين ان طاهر اخويا كان عقلو على قدو واي واحده تقدر تضحك عليه وتقلو ده ابنك... قولتلكم الف مره مكانش بيخلف ....مكانش بيخلففف مبتفهمش طب ما انا جوزتو وفضل مع مراتو ٥ سنين مخلفش منها ليه

لؤي اتنهد وقال..اكمل اثبت نسبو بالتحاليل يا عمي

↚

عصران قال بسرعه..مزوره يا ابني مفيش اسهل من التزوير وده واد متربي وسط المزورين والاوباش اللي تقدر تتلاعب بالثغرات..عمك مكانش الراجل النور اللي مقطع السمكه وديلها علشان يروح يخلف من رقاصه في الحرام افهم بقى دي حبت تلزقو فينا علشان الفلوس

لؤي قال بضيق...وانت مقولتلوش ليه على التحاليل دي..ليه مأخدتهوش انت وعملتلو تحليل في مكان ثقه ..على الأقل لو كلامك صح مكانش عاش عمره فاكر اننا ظالمينو

عمه قال لغضب...علشان انا متأكد انو مش ابن اخويا ماهر اخويا كان ..كان مختل عقليا عايزني اقول ايه اكتر

لؤي اتنهد وراح ناحية السلم بهدوء وعمه قال بغضب..والله هيجلطني هيقصف عمري انا عارف

لؤي طلع عند اكمل وخبط على الباب

اكمل اتنهد بضيق وقال...ادخلي يا نجيه

لؤي قال ..احم انا لؤي ابن عمك

اكمل استغرب ووقف وقال... .اتفضل

لؤي دخل وقال...مساء الخير ..سألت عليك قالولي تعبان علشان كده منزلتش على العشا قلت اجي اطمن عليك

اكمل استغرب قوي وقال...تطمن عليا...انا

لؤي قعد وقال.... هو في غيرنا هنا في الاوضه ولا ايه ...ها ما نزلتش ليه بقى شايفك كويس يعني

اكمل اتنهد وقعد وقال ...عادي حسيت اني ضايقتكم الصبح

لؤي ضحك وقال.... لا ما تقوليش صعبنا عليك وقررت ترحمنا دلوقتي

اكمل ابتسم وقال... لا ابدا بس قلت العشا خفيف... فخليني اسد نفسكم على الغداء عشان تبقى بفايده

لؤي ضحك بخفه واتنهد وقال ...انا كنت عايز اتعرف عليك من زمان... بس للاسف اتعرفنا بطريقه مش كويسه

اكمل ابتسم وقال ..ولا يهمك عادي... كده كده انا منبوذ من الجميع ما جتش عليك يعني

لؤي قال....ولا يهمك ده بس علشان الموضوع جديد... بكره يتعودوا ...والله كل اللي في البيت طيبين جدا

ابتسم بسخريه وقال ...انا حاليا ما شوفتش حد طيب غيرك ...لكن غريبه مش طالع لاختك ابدا.... انتوا الاتنين مستحيل تكونوا اخوات

لؤي ضحك وقال ...ليه كده.. بالعكس دي اسيا طيبه جدا ...ويمكن حتى اطيب مني

اكمل ضحك وقال.... انا عارف.. انت هتقولي دي طيبه زي طيبه العقرب لما بتتبرع بالسم بتاعها لصنع الادويه

لؤي ضحك واكمل ابتسم وقال... على العموم اتشرفت بيك يا دكتور لؤي

لؤي ابتسم ولسه هيرد شاف صوره عمو محطوطه في الباسكت ابتسم بحزن وقال.... على فكره لو تعرف والدك كويس هتعرف انه ما يستاهلش منك كده.... كان انسان طيب جدا او بمسمياتنا احنا بنسميه طيب هو اكتر من كده بكتير

اكمل بصلو وقال باهتمام بيحاول يخبيه.... انت ممكن تحكي لي عنه ....يعني حابب اعرف ازاي.. هو مش كان متجوز فين مراتو او مخلفش منها..مات ازاي

لؤي اتنهد وقال ...لا هو مكانش عندو اولاد من مراتو ...انا كل اللي اعرفو انو راح مع بابا سفريه شغل هو ما كانش يشتغل لانه ما كانش يفهم في الشغل ظروفه العقليه كانت بتخليه يروح علشان يتفرج مش اكتر

اكمل قال باستغراب ...ظروفه العقليه ...هو كان مجنون

لؤي قال بسرعه....لا ابدا.... كان زي ما احنا بنقول في حاله يعني او طيب زياده او

اكمل قاطعو وقال .....عبيط يعني

لؤي قال بحرج... كده يعني.... كان طيب زياده انسان جميل

اكمل قال ..ها...كمل وبعدين

لؤي اتنهد وقال ... اتقلبت بيهم العربيه وماتوا هم الاثنين ابوك وابويا ربنا يرحمهم

اكمل قال بجمود ... وبعدين

لؤي قال بحزن.....بس راحو وخسرناهم سوا كانت سنه صعبه على الكل احنا كنا اطفال بس فاكرين كويس ازاي الكل كان حزين ومدمر....كان متجوز ست كانت صغيره في السن ولانها مخلفتش اهلها ما قبلوش يسيبوها هنا ورجعت على بيت اهلها

اكمل قال باستغراب.... طب ووالدتك فين

لؤي كمل بحزن وقال.... هي كمان مشيت بس مش عند اهلها ...احم....اتجوزت وسافرت مع جوزها

اكنل بص له بدهشه وقال.... سافرت.... وسابتكم هنا

لؤي اتنهد وقال ......ده اللي حصل بس ...هيه مهتمتش ...وعمي ما فرطش فينا كان بيهتم بينا كويس وكانت مراته معاه لحد ما ماتت من سبع سنين

اكمل قال باستغراب شديد... بس مش غريبه ان امكم تستغنى عنكم كده وانتم صغيرين

لؤي اتغيرت ملامحو لغضب بيحاول يكبته وقال...الله اعلم كنا صغيرين...وهيه كمان كانت صغيره واختارت تكمل حياتها انا يمكن اتفهمت شويه .... بس اسيا لا لسه متضايقه من الموضوع ومش بتكلمها ابدا عشان كده تلاقي شخصيتها عدوانيه شويه

اكمل قال...شويه...قول شويتين ثلاثه 10

لؤي ضحك بخفه وحاول يغير الموضوع وقال... ها بقى...مش هتحكي لي انت حاجه عنك اديني انا كريت لك الخيط كله واديتك قصه حياتنا كلها

اكمل وقف وفتح البلكونه وولع السيجاره واخد نفس عميق وقال ...انت حكيت لي عشان عندك حاجات تتحكي عندك عيله عندك ناس بتعيش وناس بتموت ناس بتعوض غياب ناس انما انا هقول لك ايه.... انا اكمل ابن الرقاصه او الركلام زي ما اختك بتقول ابن الشوارع او الشيطان زي ما عمك بيسميني....او اكمل ابن سعاد زي ما بسمع طول عمري ..انا اكمل و بس وحط انت الإسم اللي يعجبك بعدو

لؤي حس بحزن شديد عليه وقف وقال بمرح مصطنع ....ليه يا عم وانت محتاج لحد انا سمعت انك مخرج وعندك افلام كمان وممكن نطلع انا وانت ونشوف فيلم منهم في يوم ايه رأيك

اكمل ضحك بسخريه وقال...يا عم لؤي هيه دي افلام... دي مشاهد ساقطه علشان تجيب فلوس يعني ما تسمعهاش احسن لسه ما عملتش ولا فيلم انا ارضى عنه بس اكيد اذا عملته في يوم هنشوفه سوا انا وانت اكيد

عند اسيا كانت رايحه على اوضتها وقفتها نجيه وقالت ...اسيا هانم الشنطه دي بعتها معايا اكمل بيه وبيقول لك الحاجات دي جبهالك هدية جوازكم وحاسس انها هتليق عليكي

اسيا مسكت الشنطه باستغراب واتسعت عنيها بزهول لما فتحتها ولقت فيها بدلة رقص خليعه جدا

غمضت عينيها بغضب شديد و واخدت الشنطه وراحت على اوضة اكمل بغضب شديد اشبهه ببركان مهدد بالإنفجار

اكمل كان بيتكلم هو ولؤي ومبسوطين جدا ولؤي قال... ده انت مسخره يخرب بيتك بتجيب الكلام ده منين بتفكرني باسيا بقعد جنبها بتموتني ضحك

اكمل ضحك وقال.... وهي اسيا دي بتعرف تضحك ..طمنتني والله افتكرت اسنانها واقعه

لؤي ضحك وقال ....والله انت ظالمها اسيا دي زي النسمه

اكمل قال...امم ما انا عارف زي النسمه فعلا بس مشكله النسيم انه برده من انواع الهوا ووارد يقلب على اعصار فجأه زي ما هيحصل دلوقتي حالا

وفعلا ما كملش الكلمه وبقت تخبط على الباب بغضب وجنون وقالت ....اكمل افتح الباب... افتح يا حيواااان

لؤي وقف باستغراب وقال.... انت عملت ايه

اكمل ابتسم بخبث وقال...لا ابدا دي رياح موسميه على خفيف كده

وراح فتح الباب وقال بضيق..... بتخبطي كده ليه الباب ضايقك في حاجه

حطت الشنطه في ايديه بغضب شديد وقالت... لم نفسك...انا ما حبتش اهينك قدام الخدامه واخليها تبعت لك رد على رسالتك جيت ارد عليك بنفسي..... الحجات دي لها ناسها انا مش بلبسها للأسف لو كانت حماتي عايشه كنت اديتها لها هديه بس دلوقتي يا حرام هتضطر ترجعها او اتبرع بيها في الاماكن اللي المرحومه كانت بتدورها

مسكها من معصم ايدها بغضب وقال ....طب علشان خاطر الجمله دي لو ماخليتك تلبسيها وترقصي بيها كمان يا اسيا راح اشيل كلمه ذكر من البطاقه

نفضت ايده بغضب وقالت...يبقى شيلها من دلوقتي هيه اصلا ملهاش لازمه لانك متعرفش معناها