تحميل رواية سكنني الخطر بقلم زهرة الربيع pdf

قالت كده ومشيت وهو وفضل يبص لطيفها بغضب شديد

لؤي قرب منه وقال.... هو في ايه انا مرضتش اتدخل ..انت بعت لها ايه ضايقها للدرجه دي

اكمل حمحم وقال.... لا ابدا ....اختك حالتها صعبه بس انا هعرف اعالجها كويس

ومرو ثلاث ايام بدون احداث تذكر

وجه يوم الفرح وكل شيء كان مترتب بشكل جميل والاحتفال كبير جدا بحضور اكبر رجال الاعمال في البلد وطبعا الصحافه والاعلام

اكمل لبس وجهز واتصل بعلي وقال ....خليك جاهز مش عايز غلطه عايز خبر هروب بنت عصران الانصاري يبقى ترند انهارده

وقفل معاه وبقى يكمل لبس وهو مبسوط جدا

اما اسيا وسهيله كان اسوء يوم بالنسبالهم سهيله كانت زعلانه جدا واسيا كمان كانت مخنوقه بس بتحاول تعدي اليوم بالعافيه

بعد شويه وصل منتصر مع اخته نيره ومجموعه من صحابة وكان بيسلم على الناس بره والكل مبسوط

فرحه كانت بتساعدهم ومبسوطه بالأجواء لكن نسيت تليفونها وراحت تجيبه من الاوضه بس لقيت اكمل قدامها

بلعت ريقها بالعافيه وقالت.... نعم عايز حاجه

اكمل قرب منها قوي وقال بهمس عند ودنها ... علي مستني بره

فرحه بهتت ملامحها بس هو قال بسرعه.... ما تخافيش مش جاي عشانك جاي يهرب سهيله من الفرح وانتي اللي هتساعدينا

فرحه اتسعت عنيها بصدمه رهيبه بس الصدمه الاكبر كانت من نصيب لؤي لما شافو قريب منها جدا وبيوشوشها في ودنها وووووو

↚

هو مش جايلك انتي جاي يهرب سهيله من فرحها وانت هتساعدينا

فرحه اتسعت عنيها بصدمه

بس الصدمه الاكبر كانت من نصيب لؤي لما شافو قريب منها جدا وبيوشوشها في ودنها قرب منهم وقال بضيق...فرحه

فرحه التفتتلو بسرعه وكانت هتقع من طولها من الرعب بس اكمل ولا اتحرك حتى وقال بمنتهى الهدوء...الصراحه مش عارف اعملها خالص

فرحه بصتلو باستغراب ولؤي كمان وقال ..هيه ايه اللي مش عارف تعملها

اكمل قال...حلقها ماسك في تطريز الفستان وبتقول انو واجعها جدا بس مش بيفلت ابدا

لؤي قرب من فرحه بسرعه وقال..وريني كده ولقى فعلا الفستان ماسك في الخلق بصلها وقال..واجعك اوي

فرحه بلعت ريقها وقالت بتوتر....اه...بس...بس مش طيلاه

لؤي بص لاكمل بطرف عينه وقال..احم تمام...روح انت يا اكمل انا هتصرف انت عريس انهارده مش عايزين نعطلك

اكمل ابتسم ابتسامه جانبيه وقال..اشطا..بالاذن

اكمل مشي ولؤي قرب منها وقال...ابعدي شعرك لو سمحتي

فرحه بعدت شعرها الناحيه التانيه وهو قرب وقطع الخيط ببقو من غير ما يلمسها وبصلها وقال..تمام كده

فرحه بصتلو واتلاقت عيونها بعيونه وهزت راسها بلا وبعدها باه بسرعه

لؤي ابتسم وقال...طيب روحي خليكي مع البنات ومتقفيش مع حد تاني ولو احتاجتي اي مساعده انا موجود

فرحه بصتلو باستغراب وهو قال..احم قصدي انك ضيفتي هنا...يعني اللي تحتاجيه انا تحت امرك

فرحه ابتسمت ومشيت واول ما ادتو ضهرها اتحولت نظراتو لنظره خبيثه جدا وضربها اسفل ضهرها بطريقه وقحه وقال....يا حلاوة الطبيعه ...لو تحن بلمسه سريعه

فرحه التفتتلو في ثواني وضربتو قلم قوي وقالت..حلوه اللمسه دي..يا رب تكون سريعه ومكنش اتأخرت عليك

حط ايده على خده بزهول وهو بيحاول يستوعب اللي قالو واللي عملتو وهز راسو بالموافقه وقال...سريعه...وأسرع من ما تتخيلي

فرحه غمضت عنيها بغضب مكبوت وقالت...اطلع اقف جمب الشباب بره يا لؤي ...اوعى تقف جمب اي بنت ماشي اوعى ..ولا اقولك اقف لوحدك الوقفه جمب الشباب مصيبه اكبر

لؤي اتنهد وهز راسو بالموافقه ومشي وهو لسه حاطط ايده على خده بزهول من اللي حصل

فرحه اتنهدت وقالت انا هلاقيها من ايه ولا ايه يارب اقف معايا انهارده

وراحت عند سهيله

واول ما ووقفت جمبها ميلت عليها وقالت بهمس...احم ..علي بره جاي ياخدك

سهيله اتصدمت واللي صدمها اكتر ان فرحه تعرف

فرحه قالت بارتباك...انتي مش شايفه نفسك بتغلطي يا سهيله يعني اهلك عاملين الفرح والناس بره و

قاطعتها سهيله وقالت بسرعه وهمس..انا قولتلو مش عايزه كده بس مبيفهمش..مش عارفه اعمل ايه دلوقتي لو مسكوه هتبقى مصيبه

فرحه ابتسمت بخبث وقالت... يعني انتي مش عايزه تهربي انا ممكن اساعدك

بصتلها باستغراب وقالت...انتي عرفتي ازاي هو ايه اللي بيحصل

فرحه اتنهدت وقالت... مش مهم عرفت ازاي المهم انك تخلصي من الورطه دي من غير ما حد من اهلك يعرف.... فأنا رايي تتصلي بالأمن وتبلغيهم عنو خليه يبات الليله في الحجز وترتاحي

سهيله قالت بزهول..ايه لا طبعا..مقدرش انا..انا بحبو يا فرحه ...بابا جبرني على الجوازه دي انا مقدرش اذي علي..انتي لو فعلا حابه تساعديني خليني اروح اقابلو وانا هقنعه يمشي

فرحه كانت هتتكلم وتقولها انو مستحيل يمشي وان كمان اكمل بيسانده بس مقدرتش تنطق من الخوف من تهديدات اكمل اتنهدت وقالت..ماشي...انا هخرجك

اما اسيا فكانت بتتخانق مع البنات اللي بيعملوها الميكب او بمعني أصح بتتخانق مع اي حد والسلام حرفيا مش طايقه اي حد

في الوقت ده اكمل كان قدام اوضتها رايح ياخدها وسمعها بتتخانق معاهم وبتزعق ابتسم بخبث وقال...واضح ان العروسه مبسوطه اوي ...وهنتسلى اوي اوي

وخبط على الباب وقال...احم...عروستي جهزت ولا الف وارجع تاني

اسيا اتنهدت بضيق شديد ومردتش والبنات بقم يبصولو باعجاب

اكمل قرب ناحية اسيا وهيه وقفت بضيق وخنقه بس اتصدمت لما سحب بنت من جمبها وقال بمعاكسه...قمر بجد معرفتكيش بالمكياج ده..بس انتي ملبستيش الفستان ليه لحد دلوقتي

البنات بقم يضحكو وآسيا نفخت بخنقه وغيظ من حركاته والبنت قالت بضحك..لا حضرتك مش انا العروسه العروسه قدامك اهيه

اكمل اصتنع المفاجأه وقال...ايه ده معقول..معلش اعذريني معرفتش احدد

وبص لآسيا وقال قاصد ينرفزها..انتي عارفه بعد المكياج ..جعفر بيقلب ريتاج

البنات ضحكو واسيا قالت بغضب مكبوت..لو. سمحتو سيبونا لوحدنا

اكمل غمز وقال...كلها ساعه بالكتير ونبقى لوحدنا خالص بس شكلك مستعجله انتي يا لئيمه

البنات ضحكو تاني وآسيا قالت بزعيق..مش قولت بره..كلو يطلع بررره

البنات طلعو كلهم وآسيا قربت منو وحاولت تكبت غضبها وقالت..اسمع يا بني ادم انت...انا بستحمل سخافتك وقلة زوقك دي لما نكون لوحدنا لاني بستخسر اتعب نفسي في الرد على تافهه زيك....انما انهارده بذات مش هعديها بره فيه ناس متحلمش طول حياتك انك تقابلهم او تلمحهم حتى فنخف استظراف بقى علشان نعدي ام الليله دي على خير لأحسن اقسم بالله هتشوف مني وش مش هيعجبك ابدا فهمت

اكمل ابتسم ابتسامه جانبيه وقال..امممممم...كان نفسي اخاف واقول حاضر بس بصراحه البروجرام بتاع انهارده جهز خلاص وغير قابل للتعديل يا مزتي

وقرب منها وقال ..امسكي فستانك كويس علشان هيطير من المفاجأت انهارده

بقلم....زهرة الربيع

اسيا بصتلو بقلق واضح وقالت...ليه..هو انت هتعمل ايه

اكمل ابتسم ببرود وقال..هاخد من ايدك وننزل نقابل الناس الي محلمش اني اشوفهم او المحهم...علشان اخد فكره عن اللي معرفهوش اصلي بموت في الإستكشاف ...يلا يا عروستي

ورفع دراعو عايزها تشبك دراعها فيه بس اسيا بصتلو بغيظ ومسكت فستانها وطلعت قدامو بغضب وقلق من كلامو

اكمل ابتسم بسخريه ومشي وراها

↚

عند فرحه كانت لابسه فستان سهيله ووقفه بتوتر وقالت..انتي متأكده من اللي بيحصل ده لو مرجعتيش بدري هنتسوح

سهيله ربطتلها النقاب الأبيض بتاع الفرح وقالت بخوف..متخافيش انا شوفت الطريقه دي كتير في التلفزيون وبتنجح.. انتي بس خلي انقاب على وشك لحد ما ارجع

فرحه اتنهدت وقالت ربنا يستر

وسهيله لبست عبايه و نقاب عادي من دولابها وطلعت بسرعه ودخلت على المطبخ من غير ما حد يشوفها وخرجت من باب الخدم في انشغال الجميع من الجه التانيه

بره كان عصران واقف في استقبال منتصر وجماعته وبيسلم عليهم بسعاده وسط تصوير الصحافه والإعلام وحضور رجال الأعمال والمهمين في البلد

منتصر كمان كان مبسوط جدا بس قلب وشو لما لؤي مد ايده بارتباك بيسلم عليه

لؤي فضل مادد ايده ومنتصر اضطر يسلم عليه بضيق علشان التصوير

بس اختو مرضيتش تسلم وبعدت عنهم بسرعه

منتصر اتنهد وقال..عمي هيه سهيله جهزت

عصران ابتسم وقال..اه زمانها جهزت تعالى معايا علشان تروح تجبها بنفسك

ولسه هيمشو خرج اكمل وماسك ايد اسيا بقوه وهو بيبص للناس اللي متجمعه والصحافه اللي بتصور ابتسم برضا للحظه اللي اتمناها كتير

وميل على اسيا وقال...مبروك يا اول ممتلكاتي...عقبال باقيها

اسيا بصتلو بغيظ وقرف وهو ابتسم وبقى يبصلها بقوه

عدي كان شايفهم وهيتجنن والدموع بتلمع في عيونه ومش قادر يكمل وبيشرب كتير

كان الوضع سيئ جدا بالنسباله خصوصا من تساؤلات أصحابه اللي مستغربين ازاي سابو بعض بعد كل الحب اللي بنهم

اسيا كانت بتصتنع السعاده بابتسامه هاديه وقوره لانها يهمها جدا منظرهم العام لحد ما جات عيونها عليه وهو واقف يبصلها بدموع بتلمع في عيونه

اخدت نفس عميق ودموعها بتترجاها علشان تسمحلهم بالنزول وهيه بتجاهد نفسها علشان ميبانش عليها

عدي ابتسم ونزلت دمعه من عيونه مسحها بسرعه وبص بعيد عنها قوام قبل ما الناس تاخد بالها

اكمل كان شايف كدا وحاسس بسعاده رهيبه خصوصا لما شاف الحسره في عيون عمه وهو شايف حب ابنه ليها وكمان لما شاف اسيا قدامو بلبس الفرح وقد ايه اتمناها عروسه لابنه

عصران اتقدم عليهم بحزن وباس جبينها وقال..مبروك يا بنتي

اسيا ابتسمت بالعافيه وقالت.... الله يبارك فيك يا عمي

اكمل سلم على عصران بانتصار وبيبصلو بتحدي قابلها التاني بنظرات غضب رهيب

واخد منتصر ودخل يجيبو سهيله

عند سهيله كانت بتجري في الشارع لحد ما وصلت للعربيه علي

علي اول ما شافها نزل من العربيه وقال بلهفه..سهيله كنت متأكد انك هتجيلي...ومسك ايدها وقال .. يلا اطلعي معايا بسرعه يلا مفيش وقت

سهيله سحبت ايدها بسرعه وقالت بدموع...مش هينفع. ..مش هينفع خالص يا علي انا مش هقدر اعمل في بابا كده ..انت امشي كل شيى نصيب يا علي وانا عمري ما هنساك

بصلها بزهول وقال..انتي بتقولي ايه انا مقدرش اعيش من غيرك مش هسيبك تتجوزي اطلعي ونتفاهم

سهيله قالت بسرعه..علي لو سمحت افهمني المكان مليان صحافه واعلام مقدرش احط بابا في موقف زي ده ابدا... انا مش كده انت عارفني كويس مقدرش أغضب ربنا واتحمل زنب زي ده

علي كان متغاظ منها بس كان اكمل قايلو يهربها تحت أي ظرف

لقاها هترجع قال بسرعه...بس تقدري تتحملي زنبي...لو مجتيش معايا انا هنتحر يا سهيله هقتل نفسي قبل ما تكوني لغيري لاني مش هستحملها

سهيله اتجمدت مكانها واتسعت عنيها بزهول شديد ورجعت التفتتلو وقالت بصدمه..ايه

عند منتصر راح مع عصران اللي عرفوا مكان اوضة سهيله وحب يسيبو يجبها لوحدو يمكن يتكلمو وهو رجع على الجنينه

منتصر راح يجبها وخبط على الباب وقال..احم سهيله انا منتصر

فرحه لطمت على خدها ووقفت ونزلت النقاب بسرعه وراحت فتحتلو بارتباك

بقلم...زهرة الربيع

منتصر بصلها لثواني وحس بحاجه غريبه وقال...سهيله..انا جيت اخدك لان المأذون على وصول...هو انتي كويسه حاسس بحاجه غريبه مش فاهمها

فرحه هزت راسها باه كويسه

وهو استغرب اكتر وضحك بخفه وقال..هو انا مش هسمع صوتك كمان لحد الكتابه ولا ايه..ولا لسه زعلانه مني على موضوع جوازنا...شوفي يا سهيله انا عملت كده لاني....

هنا فرحه قاطعتو لما رفعت النقاب وقالت بسرعه..انا مش سهيله...سهيله مش هنا... بس بجد هيه محتجالك

منتصر اتسعت عنيه بزهول شديد وهو مش مستوعب اي حاجه

في الحفله لؤي كان واقف لوحده ومش عايز يتكلم مع اي واحده وخايف يعمل بلوه زي العاده لحد ما شاف نيره واقفه في زاويه وبتبصلو بغضب

وافتكر اللي عملو معاها وقد ايه دايقها وافتكر كمان انها مرضيتش تسلم عليه

اتنهد واتقدم عليها بتوتر وقال..مساء الخير

نيره بصتلو بغضب اكبر ولسه هتمشي وقف قدامها بسرعه وقال..انا..انا اسف...بجد اسف انتي فهمتيني غلط انا...احم انا مش عارف عملت كده ازي يمكن ..يمكن كنت استغفر الله العظيم متقل في الشرب

بصتلو باستغراب وقال..ايه استغفر الله العظيم متقل في الشرب..ايه الجمله دي ..يعني كده بتشرب ولا لا

لؤي ارتبك وقال..اه..اه طبعا بشرب علشان كده دايقتك من غير ما حس..اسف مش هتتكرر

ولسه هيمشي قالت بسرعه..طيب.. خلاص انا هسامحك بس توعدني متتكررش

لؤي قال بسرعه..لا طبعا مقدرش اوعدك..قصدي من غير ما اوعدك عمري ما هعملها

ضحكت بخفه وقالت.... انت غريب قوي..على العموم احنا متعرفناش بطريقه كويسه انا نيره

ومدت ايدها ليه

لؤي ابتسم وسلم عليها وقال وانا لؤي

بس اتغيرت نظرتو ومرضاش يسيبها وضغط على ايدها وقال بوقاحه...لؤي الأنصاري... اللي بيعشق المداري

بصتلو باستغراب وحاولت تسحب ايدها بس لؤي شدها عليه بقوه بقت بين اديه وقال..اهمد يا وحش خلينا نتعرف ده انا هموت واتعرف

نيره خافت منو وبقت تدفعوا بس مش راضي يسبها صرخت وقالت..سيبني ابعد يا حيوووان

على جمب كانت اسيا بتبص لاكمل بغيظ شديد لانه كان بيتعمد يقف مع بنات في الحفله ويتجاهلها قدام صاحباتها والصحافه بتصور غمضت عيونها بضيق رهيب خصوصا لما شافتو واقف مع واحده وبيهمسلها وبيضحكو سوا بطريقه وقحه

قربت منهم بغضب بس حاولت تمسك اعصابها وقالت...حبيبي ثانيه لو مش هزعجك

اكمل ابتسم بسخريه واستأذن وراحلها وقال ...عيون حبيبك..اؤمريني

اسيا قالت بغضب...ايه اللي بتعمله ده..احنا مش اتفقنا تحاول تتعامل زي البني ادمين لحد الفرح ما يخلص ولا صعبه عليك للدرجادي

ابتسم باستفزاز وقال....صعبه اوي..صعبه جدا عليا اشوفك مرتاحه وهاديه مش بقدر ...بتمغص

بصتلو بضيق شديد وقالت ...انت ليه مش عايز تفهم ان ده مش الشارع الي جيت منو....ده مكان راقي وفيه ناس مرموقه والمفروض تتصرف بادب

اكمل ابتسم بسخريه وقال..اممم..ناس مرموقه فعلا خدت بالي بس شكلي مش انا بس اللي هفضحكم ابن عمي من وقت ما طلعتي وهو بيشرب خايف يعمل حاجه و يبوظ منظركم انتي عارفه المنظر مش ببلاش و

بس قطع كلامو وضحك جامد وقال... ده شكلها الفضايح الوان انهارده الحقي اخوكي بيتنفض هناك

اسيا التفتت وراها واتصدمت لما شافت نيره بتبكي جامد وبتضرب لؤي بشنطتها بجنون وهو بيحاول يهديها والصحافه والإعلام بيصورهم بسرعه

عند سهيله كانت مصدومه من اللي علي قالو وقالت بدموع ...علي ارجوك كفايه اللي انا فيه استغفر ربك ومتقولش كده ده كفر اوعى تأذي نفسك ارجوك

علي كان عايز يضحك على طيبتها اللي بيسميها هبل وقال بدموع مزيفه.. لا لا يا سهيله لو مكنتيش ليا هقتل نفسي كده كده هموت مش هقدر اعيش من غيرك يلا اركبي معايا يلا يا سهيله

سهيله بقت تبكي اوي ومش عارفه تعمل ايه وقالت بدموع..مش هقدر والله ما هقدر

علي قال ..طب اركبي العربيه وهنتفاهم

بصتلو بدموع وفتحت الباب هتركب بس اتصدمت بصوت تعرفو كويس قال بغضب...سهيله

سهيله التفتتلو وكانت هتقع من طولها لما شافت منتصر واتصدمت لما علي وووووو

ياترى لؤي هيحصل معاه ايه

ومنتصر هيتصرف ازاي مع سهيله

↚

فتح لها باب العربيه وهيه بقت تبصلو بتوتر بس قبل ما تركب سمعت صوت منتصر بيقول بغضب ...سهيله

سهيله التفتتلو وكانت هيغمى عليها من الخوف

وعلي صدمها اكتر اول ما شافو ركب العربيه وطلع جري

بس منتصر مسك في شباك العربيه ومسكو من هدومه وهو بيقول بغضب..انت مين يا واطي انزل ..انزل وقف العربيه يا حيوان

بس علي كان مرعوب قوي وذود السرعه ومنتصر لسه ماسكو من هدومه وبيجري قصادو لحد ما علي فتح باب العربيه ودفع منتصر بيه بقوه وقعه على الارض وساق باقصى سرعه

سهيله كانت واقفه مصدومه من اللي بيحصل وجريت على منتصر وقالت بخوف...انت كويس قوم بسم الله

منتصر وقف ونفض هدومه وبصلها بغضب شديد وقال...اسم الله....ده على اساس انك تعرفي الله يا شيخه سهيله

سهيله نزلت عيونها في الارض بحرج

وهو اتنهد وقال بغضب مكتوم ....امشي قدامي الناس مستنيانا.. ابوكي راجل كبير ومش هيستحمل اللي كنتي هتعمليه ولا يستاهله منك اصلا

سهيله التفتتلو ولسه هتقولو انها مكانتش هتروح معاه بس قاطعها وقال بغضب...مش عايز اسمع منك اي حاجه..اطلعي قدامي يلاااا

سهيله اتنهدت ومشيت بيأس وخوف وهيه مرعوبه من جوازها منو

في الحفله كانت الدنيا بايظه خالص بسبب لؤي

آسيا اتصدمت لما شافت نيره بتضرب في اخوها وهيه بتعيط جريت عليهم وكان الإعلام بيصور وعصران كمان جيه وبعدوهم عن بعض ونيره كانت بتقول ببكا...سافل حيوان بجد مريض انت مريض لازم تتعالج الحق عليا اللي صدقت ان مكانش قصدك قبل كده

لؤي كان واقف ساكت ومحرج جدا

وآسيا وقفت جمبو ومسكت ايده بحزن

عصران قال باستغراب وقلق.....يا بنتي اهدي وفهمينا اللي حصل ميصحش كده المكان مليان صحافه خلينا ندخل نتكلم جوه

قالت بدموع وغضب..لا مش جايه معاكو اي مكان...واللي حصل ان ابن اخوك الحيوان ده عمل نفس اللي عملو معايا في البيت... انا مش عايزه افضل هنا..عايزه امشي عايزه اروح حالا فين منتصر عايزه امشي

عصران اتصدم بكلامها والتفت للؤي بصدمه شديده

لؤي اتوتر ونزل عيونه في الأرض

وعصران خاف جدا لانها كانت بتبكي ومصره تمشي وقال بتوتر يا بنتي اهدي تروحي ازاي بس ده فرح اخوكي ارجوكي حاولي تهدي لو سمعع اللي بيحصل ده مش هيسكت

لؤي قال بحزن..يا انسه ارجوكي انتي متمشيش انا ممكن امشي لو تحبي و

بس قبل ما يكمل عصران صدمهم كلهم لما ضربو قلم قوي جدا وقال بغضب ..انت تخرس..اخرس مسمعش صوتك

اكمل صفر بزهول وقال....أوبااا طرقع

آسيا كمان اتصدمت جدا وبصت لعمها بصدمه وعتاب

اما لؤي فكان حالته سيئه جدا بص لعمه وهو مش مصدق الي عملو قدام الناس لانو عمره ما ضربو حتى لو لوحدهم

بقلم...زهرة الربيع

عصران بص لايده بحزن وندم ولسه هيتكلم لؤي دفع الناس ومشي بسرعه من الحفله كلها

اسيا زعلت جدا ولسه هتجري وراه اكمل مسك ايدها وقال بجديه...استني هنا متعقديش الأمور سيبه دلوقتي

اسيا وقفت مكانها لانها مش هتقدر تقولو حاجه بعد اللي حصل

في الوقت ده فرحه كانت قلعت فستان سهيله وطلعت الحفله وشافت عمه لما ضربه وهو مشي راحت وراه فورا وهيه زعلانه جدا على اللي حصل معاه وبتلعن نفسها انها مجاتش بسرعه ووقفت جمبه لأنها عارفه حالتو

اما صفوان راح لنيره وقال بحزن..نيره يا بنتي انتي حقك تزعلي وتمشي بس ده فرح بنتي وانا عملت المستحيل علشان يمشي من غير مشاكل...كمان ده فرح اخوكي وميرضكيش تكسري فرحتو ارجوكي يا بنتي هو دخل يجيب عروستو ومشافش اللي حصل لو سمحتي بلاش تقوليلو حاجه وانا هاخد كل الفيديوهات دي صدقيني ومفيش حاجه هتتزاع ..اعتبريه رجاء من راجل قد والدك

نيره اتنهدت بضيق بس مقدرتش ترفض بعد اللي قالو وقالت بخنقه.. علشانك وعلشان منتصر هسكت بس دي هتكون اخر مره ادخل بيتكم ومشيت وقفت على جمب

عصران اتنهد بتوتر من الموقف ونادى لواحد من الأمن وإدارة التجهيزات انهم يراجعو التصوير ويحزفو المقطع

في الوقت ده اكمل قرب منو وقال بسخريه...مسكين يا عمي مش ملحق على المصايب من بلوه لثانيه مش كفايه أن العريس دخل جوه ونام ومطلعش لحد دلوقتي

بصلو بضيق واستغراب وقال...قصدك ايه بكلامك البايخ ده...منتصر دخل يجيب عروسته واكيد الكلام اخدهم بلاش تلمح تلميحات قذره زيك

أكمل ضحك وقال...بس ده لو بيلبسها الفستان واللي تحتو كان زمانه خلص

وقرب منو وهمسلو وقال بخبث ..اوعى تكون غاصب على البنت...لأحسن لا قدر الله تطفش وتعملك بلوه

عصران استغرب كلامة وقلق جدا منو ومشي ناحيه البيت يشوف سهيله

بره الفيلا لؤي كان متجه لعربيته بدموع وغضب وهو متجاهل فرحه اللي كانت بتنادي عليه وبتقول...لؤي..لؤي استنى...يلا استنى الكعب عالي هتشقلط اقسم بالله

بس طلع في العربيه ومردش ولسه بيدور وقفت قدامها وهيه بتنهج وقالت....انت رايح فين مش هسيبك تمشي

لؤي قال بغضب...فرحه ابعدي السعادي احسن هدور واللي يحصل يحصل

فرحه راحت بغضب وفتحت باب العربيه وقعدت جمبه وقالت.....والله هخاف انا كده.. يعني لو كنت وقفت كنت هتخبطني بطل جنان وانزل معقوله هتسيب فرح اختك وتمشي

لؤي قال بغضب..ايوه همشي اصلا محدش مهتم لينا لا انا ولا اختي عمنا اللي طول عمرنا بنعاملو على انو اب...انهارده بيحوزها لواحد مش طايقها ولا هيه طايقاه...وكمان ضربني..ضربني قدام الناس كلها يا فرحه

اتنهدت بحزن عليه وعلى دموعه اللي في عيونه وقالت..انت قولت بنفسك بتعتبره اب.. والأب بيضرب ابنه لما بيغلط عادي...طب انا ابويا اللي يرحمه كان ينفضني بمنفضة السجاد

بصلها باستغراب وهيه كملت وقالت..اه والله...بس من خوفه عليا لما كنت اغلط..وانت عمك اكيد كمان بيحبك بس هو ميعرفش بمرضك كان احسن لو تقوله

↚

قال بحزن...سيبيني لوحدي يا فرحه انا اصلا المفروض افضل لوحدي ...اللي زي مينفعش يفضل مع الناس انزلي يلا

قالت بسرعه..بس انا مش ناس يا لؤي..قصدي انا مش زيهم انا عارفه وضعك...ومش هسيبك انا حابه افضل جمبك زي ما انت فضلت جمبي ووقفت معايا في محنتي ..انا انهارده كان زماني في الشارع لولاك

اتنهد وفتح الباب وقال..انزلي يا فرحه انا مش مستني منك شكر ولا عايزك ترديلي جميل سيبيني لو سمحتي

فرحه قفلت الباب وقالت..انت عنيد كده ليه...الكلام خلصان مش نازله

بصلها بغضب رهيب وقال...خافي على نفسك وانزلي احنا لوحدنا في نص الليل وانتي عارفني وعارفه انا ممكن اعمل ايه

فرحه بلعت ريقها بارتباك من غضبه اللي أول مره تشوفه وقالت...انا عارفه انك مستحيل تأذيني يا لؤي

لؤي قال بغضب اكبر...كده طيب براحتك متلومنيش بقى على اي حاجه تحصل ودور وطلع بالعربيه بسرعة البرق

عند اكمل كان واقف بيبص لآسيا اللي كانت بتحاول متبينش دموعها وكل شويه تمسحها استغرب جدا كانت أول مره يشوف دموعها قرب منها ومد منديل عليها وقال..طول عمري بسمع عن غلاوة الأخ بس اول مره اشوفها انهارده

اسيا قالت بغضب..لو جاي تشمت ولا تستظرف انا على اخري و

بس قاطعها وقال....انا عارف انك على اخرك...والصراحه كان نفسي اشمت بس

ومرر ايده على خدها وبص لدمعتها على صباعو وقال..بس مراعاتًا للؤلؤ اللي اول مره اشوفه ده..هسكت

قال كده ومشي وهيه بصت لطيفه باستغراب واتنهدت وبقت تحاول تتصل على لؤي اللي مكانش بيرد ابدا

اكمل وقف على جمب مع واحد وقال..اوعى حاجه تفوتك صور كل حاجه من غير ما حد ياخد بالو انك بتصور خصوصا اللي هيحصل بعد دقايق

الراجل هز راسو بالموافقه واكمل كان واقف باصص للمدخل ومستني عصران يخرج لوحده ويتعرف ان بنته هربت بس اتصدم بشده واتسعت عيونه لما لقاه خارج مع معتصم وسهيله وبصلو بسخريه

اكمل حاول يبتسم بالعافيه ويظهر الهدوء وهو حرفيا مصدوم بشده

عند لؤي وقف عند البحر ونزل وفك الكرفته بتاعتو وبقى يستنشق اكبر كمية هوا وهو مخنوق جدا

فرحه اتنهدت ونزلت وراه وقالت بحزن وهدوء...لؤي ...لؤي بلاش تعمل في نفسك كده انت مريض وهتتعالج و

بس قاطعها لؤي لما مسكها من دراعها بغضب شديد وقال....انا مش مريض فهمتي..مش مريض...ودفعها

واتملت عيونه دموع وقال...حتى المريض بيطيب...انما انا اسوء من اني اكون مريض ...انا انسان مقرف...زباله قوي انا..انا ازاي كده انا بقيت اخاف على الناس مني بقيت اخاف من نفسي مشكلتي ملهاش حل ابدا

فرحه نزلت دموعها على منظره والالم اللي في صوته وقالت بدموع....تفتكر واحنا واقفين دلوقتي ليه السما دي مش بتقع علينا ليه لسه ثابته مكانها من غير اي اعمده

لؤي بصلها بدموع واستغراب وقال..ايه السؤال ده....طبعا ربنا هو اللي رافعها بلا عمد ...ده سؤال يعني

فرحه قربت منو وابتسمت وقالت..وتفتكر اللي رفعها بالشكل ده هتصعب عليه مشكلتك يا لؤي

اتنهد بحزن وقال بندم..اكيد لا..استغفر الله

فرحه ابتسمتلو وقالت..ايوه كده...ارجع الشاب اللي عرفتو متعملش في نفسك كده واكيد لها حل ونقدر نجرب دكتور تاني يعرف مشكلتك الاساسيه...انا سمعت كتير ان المشاكل النفسيه اغلبها بيبقى صدمه من الطفوله ..ويمكن انت تكون كده

لؤي بص بعيد عنها وقال بارتباك شديد..لا..احم لا انا..انا معنديش مشاكل انا طفولتي كويسه الحمد لله

ابتسمت وقعدت على الشط وقالت بمرح...طب اقعد خليني احكيلك انا... انا معقده يا سيدي

لؤي ابتسم وبصلها باعجاب واضح وقعد قصادها وقال...انتي فعلا معقده..زي لعبة البازل ..وانا مش عارف افهمك ابدا...هو انتي ازاي مش خايفه مني في المكان ده لوحدنا وانتي عرفاني

ابتسمت ورفعت حاجبها وقالت بمشاكسه..لا متقلقش انا وحمدي صحاب وبعرف اوقفه

لؤي ضحك وقال...طب بما اننا قاعدين وانتي حابه تحكي كلميني عنك يلا

قالت بابتسامه.. اقولك ايه ما انت عارفني

ابتسم وقال..انا معرفش غير انك فرحه..وفي دي مكدبتيش انتي فعلا فرحه

ابتسمت برقه بس اختفت ابتسامتها لما قال..انا عايز اعرف اللي بعد كده يعني مثلا اهلك فين وليه لحد دلوقتي ماشوفتش بطاقتك

في البيت كانو في الصالون وكتبوا الكتاب للعرسان الاتنين طبعا بعد ما عصران اخد من أكمل الورقه ومضاه على مخالصه كمان بأنه استرد كل حقوقه

و الفرح خلص بالعافيه ومنتصر خد سهيله ومشي

واكمل سحب اسيا من ايدها وطلع بيها وهو مضايق جدا بسبب ان سهيله مهربتش

اسيا كانت بتحاول تفك ايده وهو بيجرها بغضب وقالت بزعيق...سيب ايدي انت جارر معزه فيه ايه

أكمل قال بغضب من غير ما يبصلها ....امشي من سكات وبلاش نظلم المعزه معانا

ولسه هيفتح باب الاوضه جيه عدي وقال بغضب ودموع وهو سكران جدا....اوعى سيبها...سيبها مش هتبات معاك على جثتي ودفع اكمل بعيد منها وادفع معاه من كتر السكر

اما منتصر روح اخته هيه والدادا بتاعتها على بيتهم واخد سهيله على شقه خاصه بيهم هيقعدو فيها فتره وبعدها يشوفو هيفضل مع نيره في بيت أهلهم ولا لوحدهم

اول ما وصل شقته فتح الباب وقال بجمود..انزلي

سهيله نزلت وهيه مرعوبه ودخلت الشقه وراه

منتصر بقي يقلع بدلته بضيق وغضب وسيله قالت بتوتر..منتصر انا..انا والله ما كنت ههرب كنت...

بس قاطعها لما بصلها بنظره ترعب وقال..مكنتيش هتهربي..امال كنتي ريحالو ليه...بتعزميه على تقطيع التورته

بلعت ريقها بخوف منو وقالت بدموع انا..انا كنت ..كنت هقوله اانيي

قاطعها تاني لما قرب منها وقال بجمود يخوف...ده الواد الي كنتي معاه يوم ما اتقبض عليكي...

لسه هتتكلم سبقها وقال...من غير كدب الواد ده سوابق وعرفته من اول ما شوفته طبعا انتي تعرفي انو ديلر