تحميل رواية سلايفي العقاري بقلم هويدا زغلول pdf

ما أول معركة في الإسلام

ها عرفتوا الإجابة هستنى ردكم في التعليقات ويلا بينا نشوف أحداث قصتنا

في بيت العيلة الكبير كانت هدى نازلة عند حماتها ولقت سلفتها عزة واقفة على السلم وبصت لها من فوق لتحت وقالت

عزة

ياختي اتهدي شوية وبطلي اللي انتي عاملاه في نفسك ده اللي يشوفك يقول إنك مش حامل ده انتي عاملة زي الباجور

هدى

إيه يا عزة هو انتي كل ما تشوفيني لازم ترميلي كلمتين يضايقوني هو الكلام اللي انتي بتقوليه ده يرضي ربنا حرام عليكي يا شيخة انتي شايفة الحمل تاعبني و عامل إزاي وكمان أنا مش حامل في واحده أنا حامل في بنتين يعني التعب مضاعف وربنا هو اللي إداني رزقي وأنا راضية بيه وحامدة ربنا عليه

عزة

هو فيه إيه يا بنتي انتي عايزة تغيظيني وتحرقلي دمي ولا إيه هو ياختي زي ما ربنا اداكي قادر يدينا إحنا كمان ولا هو الرزق وقف عليكي لوحدك

وبعدها دخلت عزة شقتها وقفلت الباب وهي بتغلي من الغيظ وفي الوقت ده نزلت هدى عند حماتها

سميرة

ما تقعدي شوية يا بنتي إنتي مش شايفة نفسك تعبانة إزاي وشك باين عليه الإرهاق وأنا والله مش عايزاكي تتعبي أكتر من كده

هدى

لما أقعد يا ماما مين اللي هيعملك شغل البيت ما أنا عارفة إن عزة وصباح عمرهم ما بيدخلوا يساعدوكي في حاجة وكل حاجة سايبينها عليكي وأنا الحمد لله كويسة هدخل أخلص شغل البيت كله وبعدها أطلع شقتي أرتاح

دخلت هدى المطبخ تشتغل وكانت صباح سلفتها التانيه سامعة كل كلمة طلعت بسرعة فوق وخبطت على باب عزة أول ما فتحت لها الباب قالت

عزة

كويس إنك جيتي تعالي شوفي الهانم عاملة فيها الملاك البرئ إزاي

صباح

عرفت ياختي إنها موجودة تحت عند حماتك وبتلف حواليها زي عادتها بقولك إيه إحنا لازم نشوف هنعمل إيه مع البت دي بجد أنا مش فاهمة ليه حماتك بتحبها أكتر مننا مع إنها هتجيب بنات وإنا اللي عندي ولاد المفروض إنا اللي نبقى على راسها مش هي

عزة

بقولك إيه أنا عندي حل يخلي حماتنا تقلب عليها وماتطيقش تبص في وشها تاني

صباح

حل إيه قولي بسرعة

عزة

إحنا هنحط لها سم في الأكل اللي هدى بتعمله لحماتنا لأنها أصلًا مبتاكلش غير من إيدها ولما تتعب أو يحصل لها حاجة الكل هيقول إن هدى هي السبب وساعتها هتدخل في مصيبة عمرها ما هتعرف تطلع منها.

صباح

بقولك اي ياختي هو نتي كنتي مطبقه علي قناه اي يا حبيبتي انتي عبيطه يا بت بطلي هبل ياختي احنا مش ناقصين مصايب وفكري في فكره تانيه

عزة

يا بنت اسمعي كلامي والله هو ده الحل الوحيد اللي قدامي ولو نفذناه هدى هتطلع من البيت وهي شايلة العار والكل هيصدق أي كلمة تتقال عليها وساعتها حماتنا هتكرهها ومش هتبقى طايقة تشوف وشها

صباح

يا حبيبتي مافيش حاجة بتضيع على الحكومة وأنا مش ناوية أودي نفسي في داهية علشان خاطر حد إحنا لازم نمشي البت دي من هنا بفضيحة من غير ما نلبس في مصيبة وكده كده جوزها مسافر نقول إنها بتدخل راجل البيت ونكون متفقين مع واحد يمثل الدور وخلاص

عزة

إنتي عارفة ومتأكدة كويس قوي إن البلد كلها عارفة إن هدى بنت الشيخ عماد عمرها ما عملت حاجة غلط ولا حد يقدر يمسك عليها غلطة واحدة ولو رمينا عليها التهمة دي من غير دليل الناس هتضحك علينا إحنا لازم نفكر في مصيبة أكبر تخلي الكل يصدق من غير ما يشك لحظة

وفي الوقت ده كنت واقفة في المطبخ بخلص الأكل ولقيت باب الشقة بيتخبط عليه رغم إنه كان مفتوح فخرجت أشوف مين ولقيت أختي أسماء واقفة قدامي

هدى

إزيك يا أسماء يا حبيبتي عاملة إيه وحشتيني والله مالك واقفة كده ليه ادخلي يا حبيبتي البيت بيتك وإنتي مش محتاجة تستأذني

دخلت أسماء وقعدت وهي باصة لي من فوق لتحت

أسماء

جرى إيه يا حبيبتي هو إنتي مش شايفة نفسك بطنك كبرت قد إيه وبرضه نازلة تخدمي حماتك ليل ونهار ولا كأنك حامل في توأم إنتي لازم تخافي على نفسك وعلى ولادك شوية

هدى

يا ستي أنا معتبرة حماتي زي أمي بالظبط وأنا شايفة تعبها بعيني وكده كده أنا قاعدة لوحدي طول اليوم ما إنتي عارفة إن جوزي مسافر ومليش غير ربنا وهي والبيت ده هما اللي بيونسوني

أسماء

يبقى تهدي يا أختي وتحافظي على نفسك شوية لأنك مش عايشة في البيت ده لوحدك وإنتي معاكي سلايف المفروض يشيلوا معاكي الحمل بدل ما كل حاجة على دماغك لوحدك

وفي الوقت ده نزلت عزة وصباح من على السلم وبصوا علينا

صباح

والله يا حبيبتي إحنا كل يوم بنقولها ترتاح وتبطل شغل لكنها هي اللي بتحاول تعمل فيها البنت الجدعة اللي مفيش منها اتنين وأختك أصلها واخدة على نظام الخدمة ومتعرفش تبقى هانم وتقعد ترتاح زي أي ست حامل

عزة

أهو إحنا بنقول لها من الصبح اطلعي ارتاحي واسمعي الكلام لكنها مصممة تتعب نفسها وبعد كده لو حصل لها حاجة هتقولوا إحنا السبب وهي أصلا مبتسمعش كلام حد غير دماغها

وفي الوقت ده هدي بصت ليهم وقالت

هدي

جرا أي ي عزه انتي وصباح مينفعش اللي بتعملوا ده اهدو شويه وبعدين في اكل علي النار ادخلوا بوصوا عليه

صباح

وانا مالي يا حبيبتي انا داخله اشوف حماتي اصل مليش في خدمه البيوت

وبعدها دخلت جوا وانا فضلت قاعده معاه اسماء

هدي

عاجبك يا أسماء الكلام اللي إنتي قولتيه قدامهم أنا واثقة إنهم هيجروا دلوقتي يقولوا لحماتي كل كلمة خرجت من بوقك وهيزودوا عليها ميت حكاية علشان يولعوا الدنيا بيني وبينها وإنتي عارفة هما مستنيين أي فرصة يوقعوني في مشكلة

أسماء

بقولك إيه أنا غلطانة إني جيتلك أصلا وأنا كنت جاية أطمن عليكي مش أعملك مشاكل ولا أخلي حد يمسك عليكي كلمة أنا هدخل الحمام وبعدها همشي على طول

ودخلت أسماء الحمام وفي الوقت ده دخلت عند حماتي ولقيت عزة وصباح قاعدين معاها

صباح

بقولك إيه يا حماتي هدى كانت قاعدة بره تشتكي منك لأختها وبتقول إنك هدا حيلها بالشغل من الصبح لحد بالليل وإنها تعبت منك ومش قادرة تستحمل أكتر من كده وإحنا قولنا لازم تعرفي الحقيقة علشان تعرفي مين اللي بيحبك بجد ومين بيمثل عليكي

عزة

وأنا سمعتها بوداني يا أمي وهي بتقول لأختها إنك محسساها إنها خدامة في البيت وإنها ندمانة على كل حاجة بتعملها علشانك وإحنا والله ما حبينا غير مصلحتك

سميرة

بقولك إيه يا سوسة يا عقربة إنتي وهي أنا عارفاكم كويس ومتاكدة إنكم نازلين علشان تعملوا مشكلة بيني وبين هدى وهي عمرها ما هتقول عليا كلمة وحشة ولا هتشتكي مني بالشكل اللي إنتوا بتحاولوا تقنعوني بيه ويلا اتفضلوا اطلعوا على شقتكم فوق ومش عايزة أسمع منكم ولا كلمة تاني

بصوا لبعض بغيظ وخرجوا من الأوضة

وفي اللحظة دي كنت داخلة الأوضة وشفتهم خارجين وهما باصين لي من فوق لتحت بغل قربت من حماتي بسرعة

هدى

والله العظيم يا ماما كل الكلام اللي قالوه ده كدب ومش حقيقي خالص وأنا عمري ما اشتكيت منك لحد ولا هشتكي منك طول ما إنتي بتعامليني زي بنتك

سميرة

أنا واثقة ومتاكدة يا بنتي إنك عمرك ما هتقولي عليا كلمة وحشة وإنتي أصلا مش مجبورة تخدميني ولا تعمليلي أي حاجة ومع ذلك كل يوم بتسبقي الكل وبتعملي كل حاجة من غير ما حد يطلب منك وده عمره ما يطلع من واحدة قلبها وحش

وفي الوقت ده لقيت أسماء بتخبط على الباب

أسماء

إزيك يا طنط عاملة إيه معلش بقى أنا همشي دلوقتي علشان عندي مشاوير كتير يا هدى وهبقى أجيلك يوم تاني إن شاء الله خلي بالك من نفسك ومن البيبيات وربنا يقومك بالسلامة

خدت شنطتها وسلمت علينا ومشيت بصيت لحماتي وابتسمت

هدى

طيب يا ماما أنا هدخل أجيبلك الغدا علشان تتغدي قبل الدوا وربنا يديكي الصحة والعافية وأنا هقعد آكل معاكي كمان علشان متاكليش لوحدك

سميرة

ربنا يخليكي يا بنتي وربنا يجعل كل اللي بتعمليه معايا في ميزان حسناتك والله لو كان عندي بنت من دمي ما كانتش هتعمل معايا نص اللي إنتي بتعمليه وربنا يفرح قلبك بولادتك ويقومك بالسلامة

دخلت المطبخ وجبت الأكل وحطيته قدام حماتي وقعدت معاها لحد ما بدأت تاكل

في شقة صباح كانت صباح قاعدة ساكتة وعزة بصت لها باستغراب وقالت

عزة

مالك يا بنت إنتي قاعدة ساكتة كده ليه وشك أصفر كأنك عاملة مصيبة ولا مخبية عني حاجة قوليلي في إيه

صباح

وأنا هعمل مصيبة ليه بس سيبيني في حالي دلوقتي أنا حاسة بخنقة ومش طايقة أتكلم مع حد

وفجأة سمعوا صوت هدى بيطلع من تحت وهي بتصرخ بأعلى صوتها

هدى

إلحقوني يا جماعة حد يلحقني أرجوكم يا حماتي قومي مالك يا ماما ردي عليا بالله عليكم يا عزة يا صباح انزلوا بسرعة الحقوني

جريت عزة وصباح على تحت بسرعة أول ما دخلوا لقوا سميرة واقعة على الأرض وهدى بتحاول تفوقها وهي بتعيط

صباح

الله يخربيتك إنتي عملتي فيها إيه الست كانت لسه كويسة من شوية معقول تأذيها بالشكل ده علشان تاخدي البيت كله ليكي

هدى

حرام عليكي يا صباح إنتي بتقولي إيه أنا معرفش حصلها إيه كانت بتاكل عادي وفجأة وقعت قدامي اطلبي الإسعاف بسرعة بدل ما نقف نتهم بعض

عزة

هو فيه حد غيرك عملها الأكل النهارده ما هو كله كان من إيدك يبقى مين اللي عمل فيها كده غيرك

هدى

والنبي بطلوا كلام وتعالوا أنقذوها الأول وبعد كده اعملوا اللي إنتوا عايزينه

وبعد شويه وصلت الإسعاف وخدت سميرة بسرعة

وفي المستشفى كان الكل واقف قدام أوضة الطوارئ بقلق خرج الدكتور ووشه متغير وقال

الدكتور

أنا مضطر أبلغ الشرطة لأن الحالة دي مش طبيعية والتحاليل الأولية بتقول إن المريضة عندها تسمم واضح وشكل المادة اللي دخلت جسمها اتحطت في الأكل أو الشرب عن قصد

أول ما سمعت صباح الكلام ضربت على صدرها وقالت

صباح

أنا كنت عارفة والله ما حدش بيعمل الأكل لحماتي غير هدى هي أكيد اللي سممتها منك لله يا شيخة الست كانت بتحبك أكتر من بناتها وإنتي كان ده جزاها

وفي اللحظة دي اتفتح باب المستشفى ودخل ظابط الشرطة وهو بيقول

الظابط

مين آخر شخص قدم الأكل للمريضة

هدي بعياط

انا بس والله ما عملت كده ربنا العالم انا بحب حماتي ازاي ولا يمكن افكر اذيها في يوم من الايام

الظابط

طيب مدام إنتي آخر واحدة قدمت الأكل للمريضة يبقى لازم تتفضلي معايا على القسم علشان ناخد أقوالك وهناك كل حاجة هتبان ولو إنتي مظلومة ولا لا

هدى بعياط

والله يا باشا أنا معملتش أي حاجة وربنا شاهد عليا إني بحب حماتي أكتر من نفسي وعمرها ما شافت مني غير كل خير وأنا مستحيل أأذيها حتى بكلمة

الظابط

أنا مقدر خوفك وكلامك كله هيتسجل لكن دي إجراءات لازم تتعمل واتفضلي معايا بهدوء

ومشيت مع الظابط وأنا رجليا كانت بتترعش من الرعب

وفي بيت أسماء أول ما دخلت البيت لقت حماتها قاعدة مستنياها ووشها كله غضب

حماتها

والله عال يا ست هانم هو إنتي فاكرة البيت ده من غير كبير ولا إيه خارجة داخلة على مزاجك من غير ما حد يعرف إنتي رايحة فين وجاية منين

أسماء

حرام عليكي يا حماتي هو إنتي عايزة مشاكل وخلاص أنا كنت مخنوقة شوية وروحت أقعد عند أختي ساعة ورجعت على طول هو أنا عملت إيه لكل ده

عالية

من النهارده مفيش خروج من البيت إلا بعد ما تستأذني مني الأول طول ما إنتي عايشة في البيت ده يبقى تمشي على قوانينه

أسماء

يا حماتي أنا اتصلت بجوزي قبل ما أخرج وقولتله إني رايحة لأختي وهو وافق بنفسه يعني أنا معملتش حاجة من وراه

عالية

أنا مالي بجوزك البيت ده كله بتاعي وأنا اللي حطيت قوانينه ولو قولت مفيش خروج يبقى مفيش خروج وإوعي تفتكري إن حد هيقف قصادي لأن بكلمة مني أقدر أخليكم تدوروا على بيت تاني تعيشوا فيه

أسماء

حاضر يا حماتي اللي تشوفيه

وبعدها طلعت شقتها وهي كاتمة غضبها وقفلت الباب وراها وقعدت على السرير وهي بتتكلم مع نفسها بصوت واطي وقالت

أسماء

والله ما كان حد عايز يموت إلا إنتي يا عالية من كتر ظلمك وقسوتك عليا كان نفسي احط لك السم بدل ما حطيته ل حمات هدي

وبعدها بدأت تفتكر اللي حصل

فلاش باك

اسماء كانت طالعه شقه هدي وسمعت صباح وعزه وهم بتتكلموا بصوت عالي وقالت

اسماء

معقوله اللي انتم عمالين تفكروا فيه ده عايزين تقتلوا الوليه وتدبسوها في هدى انا كده كده مخنوقه منها اشمعنا هي واخده حظها في الدنيا في كل حاجه وانا لا نبقى نشوف الحوار ده

وبعدها طلعت تخبط على شقه هدى مش لقيتها فوق راحت نزلت تحت عند حماتها وبعد ما اقعدت معايا ودخلت الحمام راحت داخله علي المطبخ و كانت جايبه سم فيران علشان كان عندها فار في الشقه وراحت حطيت منه في الاكل وقالت

اسماء

لما نشوف اخرتها معاكي هتكون اي يا هدي انا بقي ناويه اخلي حماتك مش بس تكرهك ده هخليها تمشيكي من البيت كله

واول لما بتعمل كده بتروح واخده بعضها وبتروح ماشيه ولا كأنها عملت اي حاجه

باااك

وفي الوقت دا في القسم كنت واقفه قدام الظابط وانا عماله اعيط وبقول

هدي

والله العظيم مظلومه يا حضره الظابط انت متعرفش حماتي دي بالنسبه ليا اي والله اكتر من امي وربنا شاهد عل الكلام الي بقولو دا

الظابط

وعلي اساس ان اي حد هيجي يقول لينا الكلام الي انتي بتقوليه دا احنا هنصدقو دا قالو الحرامي احلف قال جالو الفرج ادعي ان حماتك تقوم منها بالسلامه علشان لو مقامتش اعرفي ان حبل المشنقه هيتلف حوالين رقابتك

واول لما بسمع كده بروح حاطه ايدي علي بطني وبفضل اعيط وانا مش مصدقه كل الي حصلي

وفي الوقت دا بتكون عزه وصباح قاعدين قدام اوضه حماتي وعزه قالت

عزه

طالما الموضوع عجبك وكان داخل مزاجك ليه اعترضتي من الاول وطلعتيني انا وحشه وشريره

صباح

كلام اي الي بتقوليه دا ان شاء الله انا مش فاهمه منك اي حاجه

عزه

علي اساس ان انا عبيطه هو انتي مفكره ان انتي هتخديني بصوت هو انتي مش برضو الي عملتي كده في حماتك

صباح

الله يخربيتك وطي صوتك هو انتي عاوزه توديني في داهيه ولا اي لا طبعا انا معملتش الكلام الي بتقولي عليه دا انا قولت ان انتي الي عملتي كده ومشيتي من دماغك ونفذتي الكلام الي قولتي عليه

عزه

لا طبعا كلامي اللي انتي بتقوليه ده انتي عارفه كويس لو عملت حاجه زي كده كنت قولت بس طالما انا ولا انت ما عملناش كده معقول تكون هدي الي عملت كده

صباح

يا خبر دا فعلا البنت دي عامله كده تكون فعلا بنت مش سهله وتستاهل كل الي يحصلها انتي متعرفيش انا مبسوطه فيها اد اي ان هيه مسجونه كده

عزه

معقول عاوزه الموضوع يعدي كده قومي بينا نروح علي القسم انتي متعرفيش انا اموت واشوفها بالحاله الي هيه فيها دي واشفي غليلي منها شويه من الي كانت بتعملو معانا

وفعلا بعدها بياخدو بعضهم وبيروح جايين ليا واول لما بشوفهم بنهار وبقول

هدي

كويس يا عزه ان انتي وصباح جيتو انا كنت متاكده ان انتم مستحيل تصدقو ان انا اعمل كده

وطمننو علي حماتي عامله اي دلوقتي

عزه

حماتك بين ايدين ربنا لكن انتي اللي لازم تقلقي على نفسك دلوقتي لأن كل حاجة ضدك والكل شاف إنك آخر واحدة قدمتلها الأكل انا بجد مصدومه ان انتي طلعتي حيه من تحت تبن معقول يطلع منك كل دا

هدى

حرام عليكي يا عزه أنا عمري ما فكرت أأذيها حتى بكلمة وربنا يعلم اللي في قلبي والمفروض تكونو عارفين حاجه زي كده

صباح

يا سلام ولسه كمان بتمثلي علينا بالعياط انتي فاكرة إن الدموع هتنقذك من اللي عملتيه تسمي اي بقا حماتك الي مرمره في المستشفي بين الحيا والموت دالوقتي

هدى

أنا مبمثلش والله العظيم مظلومة وربنا هيظهر حقي حتى لو الدنيا كلها وقفت ضدي وانا متاكده من كده وهتشوفو بنفسكم

عزه

خلاص بقى وفري دموعك للمحكمة لأن اللي عملتيه مش سهل ولو حماتنا جرالها حاجة مش هتشوفي النور تاني ولا الي في بطنك

هدى

حسبي الله ونعم الوكيل في كل واحد ظلمني وربنا بيني وبينكم وانا متاكده ان حقي هيرجع والدنيا كلها هتعرف ان انا مظلومه

عزه

شوفي بقااا مين الي هيصدقك وكويس ان حقيقتك ظهرت وعرفو مين كيب ومين الشرير

واها صحيح شوفي علشان قلبنا رحيم جبنا ليكي عيش وحلاوه كلي بقااا ههه يلا يا صباح خلينا نمشي

وبتروح واخده صباح وبتمشي واول لما بتمشي عزه قالت

عزه

شفتي شكلها كان عامل ازاي والله أول مرة أحس إني ارتحت متعرفيش انا كنت محروقه منها اد اي

صباح

لسه يا حبيبتي الفرح الحقيقي لما تدخل السجن وتتسجن العمر كله مش كفايه ان هيه كانت كيدانا من ساعت ما اتجوزت وكان مفيش غيرها تشرب بقااا

عزه

علي رايك ويلا بقااا نرجع البيت نحتفل بلي حصل

وبعدها بياخدو بعضهم وبيمشو

وفي نفس الوقت في المستشفى كانت الممرضه واقفه بتعلق محاليل لسميره وفجأة سميرة فتحت عينيها بالراحة

الممرضة

الحمد لله الحمد لله الست فاقت انتي كويسه

سميره بتعب

هو اي الي حصل واي الي جابني هنا

الممرضه

اهدي يا حبيبتي ومتتكلميش كتير انتي لسه تعبانه ثواني واكلم الدكتور يجي يطمن عليكي

وبعدها وبتسيبها وبتروح تنادي الدكتور الي بعد ما بيكشف عليها قال

الدكتور

عال قووي الحمدلله عديتي مرحلت الخطر وممكن تنتقلي لاوضه تانيه عادي

سميره

هو اي الي حصلي يا دكتور انا مش فاهمه اي حاجه انا كل الي فكراه ان كنت باكل علشان اخد العلاج وبعد كده مش فاكره اي حاجه

الدكتور بحزن

للاسف حد كان حاطط ليكي سم فيران في الاكل واول ما اكلتي حصل ليكي الي حصل وعرفت ان همه متهمين مرات ابنك الي عملت ليكي الاكل في الحوار دا

سميره

معقول الكلام اللي انتي بتقولو دا يعني اي هدي مرات ابني تعمل كده لا طبعا الكلام دا مش صحيح هدي مستحيل تعمل كده بالله عليك يا دكتور كلم حد من القسم خليه يجي ليا

الدكتور

اهدي يا حجه مينفعش الي انتي بتعمليه دا الانفعال مش هينفعك وبالذات ممكن تتعبي اكتر

سميره

انا مش هرتاح ولا قلبي هيطمن الا لما أشوف هدي قدامي وكويسه دا الي انا عاوزاه دلوقتي

الدكتور

طب اهدي وانا والله هعملك الي انتي عاوزاه انا اصلا القسم ماكد عليا ان انتي اول لما تفوقي ابلغهم

علشان ياخدو اقوالك

. وفعلا بعدها الدكتور بيعمل الي حماتي عاوزاه

وبعد شويه بيكون قاعد الظابط قدام حماتي وقال

الظابط

يعني انتي متاكده من الكلام الي انتي بتقوليه دا معني كده ان حقك ممكن يروح لو مرات ابنك عملت كده وخرجت بعدها

سميره

ايوه متاكده يا حضره الظابط بكل كلمه انا قولتها وبالذات دي تفديني بعمرها ومستحيل تعمل كده اكيد الي عمل كده واحده عاوزه تورطها

الظابط

طب انتي مبتهميش حد في الي حصلك

سميره

علمي علمك يا بني انا مدخلتش في علم الغيب ومستحيل اتهم حد في الي حصل واشيل ذنبو انا كل الي انا عاوزاه ان هدي تخرج وتطمن عليها خرجهالي يا بني

الظابط

طالما انتي متهمتهاش انها عملت كده اكيد هتخرج

وبعدها بيقفل المحضر وبيروح ماشي

وفي القسم بكون قاعده عمال اعيط

وساعتها بلاقي الظابط داخل ليا وبيقول بضيق

الظابط

قومي تعالي معايا حماتك براتك من التهمه اللي انتي متهمه فيها

واول لما بسمع كده بفرح وبقول

هدي

طب بالله عليك طمني اهم حاجه على حماتي هي عامله ايه دلوقتي دا كل الي انا عاوزاه

الظابط

اكيد كويسه لو هي مش كويسه ما كنتيش هتخرجي من هنا ويلا تفضلي معايا خلاص خليكي تمشي ولا انت حبيتي نومه البورش ولا ايه

هدي

لا طبعا الكلام اللي انت بتقوله ده انا مش مصدقه ان انا هخرج من هنا يا ما انت كريم يا رب

وبعدها بنخلص المحضر وبنمشي وانا مش مصدقه ان انا خرجت

واول حاجه بعملها بروح المستشفي بسرعه واول لما بشوف حماتي دموعي بتنزل وبقول

هدي

الف حمد لله على السلامه والله العظيم انا ما عملت حاجه ولا ليا ذنب في كل اللي حصل انا مش فاهمه مين اللي كان عاوز ياذيكي بالشكل ده بالله عليك صدقيني ربنا اللي يعلم وشاهد على الكلام اللي انا بقوله

الحما.

تعالي في حضني الاول وسيبك من الكلام اللي انت طيب بتقوليه ده انا عارفه ومتاكده كويس ان انت مستحيل تعملي كده ولا تاذيني

ولا لما عرفت ان هم اتهموك ورحتوا الاسم كنت عاوزه اجيلك واخرجك بس مقدرتش

واول لما بتقول كده بقرب منها وبحضنها جامد وبقول

هدي

انا اهم حاجه عندي اللي انا اشوفك كويسه مش عاوزه حاجه من الدنيا اكتر من كده والحمد لله ان انا اطمنت عليك

وبعد شويه بلاقي الباب الاوضه اتفتح واول لما بيتفتح بتكون عزه وصباح اللي هو لما بيشوفوني بيقولوا بحده

عزه

اي دا ان شاء الله اي اللي جايبك هنا هو انت مش المفروض دلوقتي محبوسه ولا مش كفايه كده عملتيه وقلت تيجي تكملي عليها دلوقتي

صباح

فعلا يا عزه انتي عندك حق وعاوزين نفهم هو انت ازاي خرجتي من الموضوع ده وبالذات من التهمه كانت لابساك لابساكي

هدي بضيق

لو سمحتوا انتوا الاتنين بلاش الكلام اللي انت بتقوله ده عشان انت عارفين كويس ان انا مستحيل اعمل كده في ماما ولا اني ااذيها بالشكل دا

عزه

والله يا حبيبتي القناع اتشال وكل حاجه ظهرت علي حقيقتها وطلعتي واحده مش سهله ويا ريت تبطلي جو الصعبانيات اللي انت شغاله فيه ده

الحما بحده

اسكتوا انتوا الاتنين انا مش عايزه اسمع منكم ولا كلمه واللي جابكم هنا ولا انتم جايين علشان تتاكدوا اني انا مت ولا لسه

عزه

هو في بالظبط يا حماتي هو دي جازتنا ان احنا جايين نطمن عليك وانا مش فاهمه اللي اسمها هدى دي سحرتك ولا عامله لك ايه بالظبط هو ما فيش الا هي

الحما

بقول لكم ايه لو عايزين تقعدوا اقعدوا باحترامكم مش تتكلموا معهم في كلمه لما تاخدوا بعضكم وتمشي من هنا

انا مش عاوزاكم طالما هدي بنتي هنا

وبالذات وجودكم مش بيقدم ولا بياخر ده بالعكس بيعمل مشاكل

صباح

تصدقي ان انت عندك حق يا حماتي طالما حبيبه القلب موجوده احنا ملناش لازمه يلا يا عزه خلينا نمشي يا رب يشبعو ببعض في الاخر

هو بيروحوا سايبينها وبتمشي وساعتها الحماااا بتقول

الحما

ما تزعليش يا هدى من الكلام اللي بيقولوه انا اهم حاجه عندك انا وانا واثقه ومتاكده انك مستحيل تاذيني والمفروض تكوني مبسوطه

هدي بدموع

انا مش عارفه احبك ايه اكتر من الحب اللي انا بحبه لك ربنا يخليك ليا يا حماتي وما اتحرمش منك ابدا بجد مفيش حد بيعمل اللي بيعمله ده

الحما

سيبك من الكلام ده واقعد ارتاحي شويه اكيد انتي تعبانه من اللي حصل

فعلا بروح عاده ومن تعبي بروح نايم على الكنبه جنب حماتي

وفي الوقت ده عند اسماء اختي بتكونوا قاعده وبتلاقي الحمااااا دخلت عليها وبتقول لها بحده

الحما

وفيه حلوه انتي هتفضلي ايه قاعده ليه طول اليوم ولا ايه هو انت مش في شغل تشتغليه ولا ايه النهارده

اسماء

هو في ايه بالظبط يا حماتي هو حرام تشوفيني قاعده شويه وبالذان كل الشغل اللي في البيت انا عملته يعني مبقاش ورايا حاجه

الحما

دا الي فلحال فيه طب يلا يا حلوه قومي وريني جمال خطوتك اصل مقولتكيش ان عزمت اختي وولادها وعاوزه سفره تشرف وترفع الراس

واول لما اسماء بتسمع كده بتروح قايمه واقفه وبتقول بضيق

اسماء

الكلام اللي انت بتقوليه ده يا حماتي اختك واولادها مين هو انت مش واخده بالك ان انت كنت عاوزه اتجوزي بنتها لمحمود جوزي وعصر مشاكل بسبب ان محمود رفض جايين يعملوا ايه

الحما

يومك مش معدي النهارده بقى انتي واقفه قدامي وبتقولي الكلام دا دا انتي شكلك اتجننتي خالص

والبيت هنا بيتي وانا حره فيه واعزم الي اعزمو وانتي تخدمي عليهم وتقولي نعم وحاضر من غير ما تتنفسي

اسماء

والله العظيم حرام اللي انت بتعمليه دي هو انت ليه بتعامليني كاني خدامه وانا مش بصعب عليك وبالذات ما حدش شايلك ولا بيقول لك حاضر ونعم الا انا

الحما.

هتعملي كده و رجلك يا حبيبتي وفوق رقبتك كمان ويلا اعملي الي قولتلك عليه بدل والله متعرفي انا ممكن اعمل فيكي اي وانتي واثقه لما بقول حاجه بتتنفذ

اسماء

ولو علي اي حاضر يا حماتي اديني قايمه وهعملك كل الي انتي عاوزاه وبعدها بتقوم وهيه مضايقه

واول لما اسماء بتبعد بتروح الحما وبتمسك الموبايل وبكلم اختها كوثر وقالت

الحما

بقول لك ايه يا كوثر انا مش عاوزه اوصيك انتي وبنتك على اللي انت تعمليه في البنت اسماء انا عاوزاها النهارده تاخد بعضها وتغور من هنا سمعتي

كوثر

متقلقيش يا حبيبتي انتي متعرفيش انا متغاظه منها اد اي وعاوزه اشفي غليلي هو انتي ناسيه ان هيه السبب ان ابنك يرفض بنتي وميرضاش يتجوزها

وبعدها بتبدا كوثر تفتكر الي حصل لما كانت سميه بنتها قاعده مع محمود الي قال بضيق

باك

محمود

انا عارف الكلام اللي انا قولته ده هيزعلك بس يبقى الحب مش بايدينا وانا بحب اسماء ولو اتجوزتك عمري ما هكون سعيد معاكي ويا ريت تفهمي حاجه زي كده وما تزعليش

سميه

حرام عليك الكلام اللي انت بتقوله ده ايه يا محمود طب هي فيها زياده عني ربنا يعلم انا بحبك قد ايه وعندي استعداد اعنورلك صوابعي العشره شمع بس بلاش تعمل الي انت عاوز تعملو دا

محمود

لو سمحت يا سميه ما تضغطيش عليا وبالذات انا اخذت قرار وجيت اتكلم معاكي فيه واحنا في الاول والاخر ولاد خالات وبصراحه كده انا مش شايفك الا اخت ليا

وفي الوقت ده بتكون كوثر جايبه عصير ليهم واول لما بتسمع كده بيروح لعصير واقع من ايديها وبتقول بحده

كوثر

كلام اي انت بتقوله ده ان شاء الله انت اتجننت ولا ايه هو انت عاوز تسيب بنتي انا عشان خاطر واحده غيرها انا مستحيل اوافق بالكلام دا

محمود

بقول لك ايه يا خالتي انا اخذت قرار خلاص واللي عندك امشي وانا هختاري الي هتسعدني

وبيروح ماشي واو لما بيمشي كوثربتقول بحده

كوثر

. اللي حصل بالظبط عشان يعمل الكلام اللي هو بيقول عليه ده

سميه

انا ما عملتش حاجه ولا فتحت وانا مش فاهمه هو ايه اللي حصل بالظبط عشان يعمل كده انا بجد.مصدومه ومش مصدقه ان محمود هيتجوز واحده غيري

كوثر بغيظ

والله ما ههنيه عليها واعرف ازاي اختي ابنها يهنا بالشكل دا وهتشوفي

وبعدها بتكلم عليا واول لما بتعرف بلي حصل بتتصدم

الحما

يعني الكلام اللي انت بتقوليه ده محمود ابن جه وقال الكلام ده والله العظيم اللي حسابه معايا بعدين وبالذات اللي انا قلتله بنسى خالص اني انا ممكن اجوزه البنت دي

كوثر

يعني انت عارفه الكلام ده بقول لك ايه يا عليا اديني بقولها لك اهو لو ابنك اتجوز البنت ديت وكسر قلب بنتي انسي خالص ان ليكي اخت سمعتي

وبعدها بتروح قافله معاها وبعد شويه بيرجع محمود وهو لما بتشوفه الحمى بتقول بحده

الحما

ايه اللي انا سمعته ده ان شاء الله وانت ازاي تعمل انت تعمله ده هو انت عاوز تخسرني اختي انت هتيجي معايا دلوقتي حالا وتصلح اللي انت هببته ده انت سمعت

محمود

بقول لك ايه انا زهقت من اللي بيحصل ده انا مش صغير عشان خاطر عاوزه تمشينا على مزاجي ولو انت مش وافقتي ان انا هتجوز اسماء انا هاخد بعضي وامشي من هنا واشوف مكان نقعد فيه وساعتها هتكون اشتريت اختك عليا

اول لما عليا بتسمع كده بتتصدم وبتخاف ان محمود ينفذ تهديده وتخسره للابد وساعتها بتشغل دماغها وبتقول بحكمه

عليا

وانت لو هتكون مبسوط مع اسماء انا ما عنديش مشكله انا عندي اهم حاجه سعادتك واللي يحصل يحصل بس خليك فاكر اللي انا ضحيت باختي علشان خاطرك

واول لما محمود بيسمع كده بيفرح جامد وبيروح بايس ايديها

محمود

كنت متاكده ان انا مش عليك وهتوافقي على جوازي منها ربنا يخليكي ليا يا ماما وما اتحرمش منك ابدا وبيقعد مع اسماء شهر وطول الفتره ديت وعاليه بتبين ان ما فيش مشاكل لحد لما محمود بيسافر ومن وقتها وهي بتعامل اسماء معامله وحشه على اساس ان هي تزهق وتطلب الطلاق

وفي الوقت دا عند كوثر اول لما بتقفل مع اختها بتخرج سميه وبتقول بحده

سميه

هو انت لسه برده ياماما مصممه تعملي مشاكل مع محمود حرام عليكي انا خلاص شلتو من دماغي ومفيش داعي تعملي مشاكل ليه ولا ومراتو

كوثر بحده

كلام اي اللي انت بتقوليه ده ان شاء الله انت اكيد بتهزري بقول لك ايه يا بنت انت اعقلي كده قولي عقلتي انا مش هرتاح الا لما محمود بيطلق اللي ما يتسماش ويتجوزك انت

سميه.

انا مستحيل اوافق على الكلام اللي انت بتقوليه ده وبالذات مش هبني سعادتي علي تعاسه غيري

واول لما سميه بتقول كده بتقرب منها كوثر وبتسمسكها من دراعها جامد

كوثر

. بقول لك انا شكلي دلعتك زياده على اللزوم حاجه وبسبب دلعي اللي انا دلعته ليكي خسرتي محمود وفلوسو والفرصه جت ليا تاني وانا مستحيل اضيعها

وبالذات خالتك مش طيقاها

وهتيحي معايا النهارده ومش هتفتحي بقك سمعتي

سميه

وانا قلت لا يعني لا يا ماما وعايزه تروحي روحي انت لوحدك انا مستحيل اشترك في اهانه حد سمعتي

وبتروح سايباه وبتروح داخله على جوه وكوثر بتقول بغيظ

كوثر

ماشي يا سميه خليك على راحتك بس هو اللمه نخلص بالزفته اللي اسمها اسماء وقتها هتوافقي عل محمود ورجلك فوق رقبتك

وبعدها بتلبس وبتروح عند عليا واول لما بتدخل البيت وبتقول بضيق

عليا

هو اي ريحه الكمكمه دي يا حبيتي هو انتم مبتضفوش البيت مويس الله يرحم لما كنت باجي لك زمان كنت بشم ريحه البيت قبل ما ادخل

الحما بلويه بوز

طب علي صوتك وسمعي المعدوله الي مفكره انها بتشتغل في الفاعل وانا مش عارفه

كوثر

بجد صعبتي عليا الله يعينك يا حبيبتي علي ما بالاكي ويا ترب بقا الاكل هيبقي زي البيت مكمكم ولا اي نظامو

وبتخرج اسماء وساعتها بتسمع الكلام الي اتقال وقالت بضيق

اسماء

انا خلصت كل الاكل اللي انت طلبتيه مني يا حماتي انا هطلع على شقتي لو احتجت اي حاجه ابقي نادي عليا

كوثر

هو انتي يا بنتي اب مش عندك ذوق ولا احترام هو انت مش المفروض اول ما تشوفيني تيجي تسلمي عليا ولا انتي معنديش ذوق

الحما بحده

عجبك زعلتي اختي هو انت قصدك ايه باللي انت عملتيه ده هو انت مفكره ان انت لما تعملي كده اختي هتمشي تبقى عبيطه دا انتي الي هتغوري من هنا

اسماء

بقول لك ايه يا حماتي انا بجد زهقت من طريقه كلامك ده وانا هكلم محمود وخليه يشوف صرفه في الي بيحصل دا كل يوم اقول هتتغيري بس مفيش تغير

وبعدها بتسبهم وبتطلع علي فوق

واول لما بتطلع كوثر بتقول

كوثر

ايه ده ان شاء الله يا عاليه يا اختي بقى دي الي ابنك فضلها علي بنتي ده كان ناقص ان هي تمد ايديها عليك وتضربك بجد الله يكون في عينك معاها

عليا بغيظ

هي دي بس انت ما تعرفش انا هعمل فيها ايه واني ما خليتها تقول حق برقبتي ما بقاش عاليه

كوثر

مهو باين يا حبيبتي ده حتى ما عملتش حساب اللي انا واقفه واتكلمت معاكي بالطريقه دي انا همشي وخلاص ما بقاش لي لزوم افضل هنا اكثر من كده

وبعدها يوصل بتروح سايباها وبتمشي وهو لما بتمشي عاليه تروح طالعه وبتروح ماسكه اسماء من شعرها وقالت بحده

كوثر

انتي متعرفيش انا هعمل فيكي اي النهارده ان ماربيتك من اول وجديد واعلمك لما تتكلمي معايا تكوني باصه في الارض ما ابقاش عليا

وبتفضل تضرب فيها

اسماء

حرام عليكي ايه اللي بتعمليه ده انا عملت ايه علشان يحصل كده وانت لو عندك بنت كنت هتقبلي عليها يحصل فيها كده

عليا

بنت مين يا ام بنت اللي انت بتشبهي نفسك بيها بقول لك انت عارفه كويس ان انت ما دخلت البيت هنا وانا مش طايقاك واعملي حسابك لابني عارف اللي حصل دلوقتي قولي على نفسك يا رحمن يا رحيم انت سمعتي تكك البلد في شكلك

وبعدها بتروح سايباهاا وبتنزل واسماء بتفضل قاعده مكانها وبتفضل تعيط

وتاتي يوم باخد حماتي وبرجع البيت ولسه جايه ادخل بلاقي عزه وصباح واقفين ليا وبيقول

عزه

انتي راحه فين يا حبيبتي ان شاء الله هو في حد قالك ان احنا ممكن نسمح ليكي تدخلي هنا اذا كانت حماتي طيبه وصدقتك بس احنا مش عبط ومتاكدين ان انتي عملتي كده

الحما بحده

انتم اتجننتم ولا اي الي بتعملوه دا وسعو كده هو انتم مفكرين ان انا هسمح ليكم تعملو الكلام الفارغ دا

صباح

بقولك اي يا حماتي لو انتي مش خايفه علي نفسك انا خايفه علي ولادي اضمن من فين ان الحلوه متحطش سم في الاكل وتموتنا كلنا ما هيه عملت قبل كده

الحما

قطع لسانك انتي عارفه ومتاكده كويس ان هدي مستحيل تعمل الكلام دا ووسعو كده خلونا ندخل انتم اتجننتم ولا اي

عزه

بصي يا حماتي دي شكلها كده سحرالك علشان تكوني واقفه في صفها واديني بقولك اهوو لو هيه دخلت هنا متزعليش بقاا في الي هيحصل

وانتي يا حلوه لو انتي خايفه علي الي في بطنك يبقي خدي بعضك وغوري من هناا

.هدي بدموع .

انا بجد مش فاهمه هو انا عملت فيكم اي علشان تعملو الي بتعملوه دا ربنا ينتقم منكم واتا متاكده ان واحده فيكم عملت كده علشان تخرجني من البيت

صباح

ليه يا حبيبتي في حد ضحك عليكي وقال علينا ان احنا قتالين قتله زيك ولا اي ويلا بقااا غوري من هنا مش عاوزين رغي كتير

هدي

انا فعلا همشي علشان لو فضلت اكتر من كده ههين نفسي

ولسه جايه امشي بتوقفني حماتي الي قالت

الحما

.معقول يا هدي هتسيبيني وتمشي وانا بالحاله دي اخص عليكي

هدي بدموع

.غصب عني يا حماتي انا لو فضلت هنا مش هخلص من المشاكل ولا الي هيحصل علي الاقل سيبيني لحد لما اخلف وبعدها يحلها 1000 حلال

وبروح سايباها وبمشي واول لما بمشي الحما قالت بحده

.الحما

والله العظيم الي انتم عملتوه دا انا مش هخليه يعدي بالساهل واعرفك ازاي تقفو وتتكلمو مع هدي وكانكم صحاب البيت

عزه

احنا معملناش حاجه غلط علشان تقولي كده والمفروض لما حصلك الي حصل وكنتي في عداد الموتي كنتي خليتيها تعفن في السجن انا مش فاهمه هيه عملالك اي دي لو ماسكه عليكي ذله مش هتعامليها بالطريقه دي

الحما

اخرسي خالص انا مش عاوزه اسمع ليكم ولا كلمه وكل واحده علي شقتها مش عاوزه اشوف خلقه واحده فيكم سمعتو

واول لما الحما بتقول كده كل واحده بتطلع علي شقتها وفي الوقت دا بروح عند اسماء الي اول لما بتشوفني بتقول بخبث

اسماء

اي دا يا هدي يا حبيبتي مالك عماله تعيطي بالشكل دا ليه اي الي حصلك بس اهدي علي الاقل علشان خاطر الي في بطنك

هدي

انا حاسه ان هيحصلي حاجة يا اسماء انا بجد تعبت ومش فاهمه عزه وصباح عاوزين مني اي

اسماء

طب اهدي بس وادخلي وقوليلي اي الي حصل

بدل ما حماتي تسمع ونلاقيها طلعت ليا وانا مش ناقصه

وبعدها بدخل وبروح قايله ليها علي كل الي حصل اول لما بتسمع اسماء بتفرح بس بتسيطر علي نفسها وقالت

اسماء

بصراحه كده يا هدي كلام بيني وبينك يا حبيتي واوعدك اي كلمه هتقوليها محدش هيعرفها

اوعي تكوني انتي الي عملتي كده في حماتك علشان يعني تخلصي منها ومن خدمتها قولي وسرك في بير

واول لما بسمع كده بروح واقعه وبقول بحده

هدي

كلام اي الي انتي بتقوليه لا طبعا دا انا لو ينفع افادي حماتي بروحي اعمل كده انتي متعرفيش هيا بالنسبه ليا اي وكفايه عليا من ساعت ما دخلت البيت وهيه بتعاملني بما يرضي الله وممكن اكتر من بنتها

اسماء

اهدي يا حبيبتي وحقك انا قولت يمكن الشيطان لعب في دماغك وخلاكي تعملي كده وبالذات كان كل الحمل عليكي

هدي

لا متفكريش وانا كل الي انا عاوزاه دلوقتي تخليني اقعد هنا كام يوم لحد لما اكلم اسامه واخليه يشوف الدنيا واي الي هيحصل فيها

اسماء

يا خبر دا كلام دا لو مشلتكيش الارض اشيلك فوق دماغي ادخلي استريحي لحد لما اعملك حاجه تهدي اعصابك

هدي

ربنا يخليكي ليا يا اسماء انا مش عارفه اقولك ايه

لولا ان انتي موجوده مكنتش اعرف اروح فين ولا اجي من فين

اسماء

اي يا بنت انتي الكلام الي انتي بتقوليه دا هو احنا لينا غير بعض بعد ما ابونا وامنا ما راحو بطلي كلامك دا دا لو مشلتكيش الارض اشيلك فوق دماغي

وبعدها بتسبني وبتدخل المطبخ وعند عزه كانت قاعده هيه وصباح وقالت بقلق

عزه

انا خايفه قووي يا صباح من حماتك وبالذات سكوتها دا مش مريحني وحاسه انها مش هتسكت بسبب الي احنا عملناه دا وخايفه لا تقلب جوازتنا علينا وساعتها هتبقي مصيبه

صباح

بقولك اي يا اختي اجمدي كده هو انتي عاجبك الي بيحصل يعني وان مفيش في البيت كلو الا المحروس هدي

عزه

مش عارفه بقا ربنا يستر انا مش مطمنه وفجاه بيلاقو الباب بيتفتح وبيدخل منو مخمد جوز عزه الي قال بحده

محمد

حلو الكلام دا انا قولت برضو الاقيكم قاعدين هنا يا محسن اطلع مراتك فوق عندي

عزه

مالك يا محمد داخل بتتكلم كده ليه واي الي حصل لكل دا

محمد

هو انتي لسه شوفتي حاحه يا ست هانم منك ليها بقولك اي هيه كلمه ورد غكاها تروحو لهدي وتبوسو علي راسها وتقنعوها ترجع البيت تاني لاما والله انا واخويا هنخليكم تروحو لبيت اهلكم وورقتكم هتوصلكم

صباح

نعم نعم كلام اي الي انتم بتقولوه دا ان شاء الله هو انتم مش عارفين الي الحلوه عملتو ولا اي

واحسن حاجه تكون بعيده عن البيت هنا

ما احنا مش مستغنيين علي عمرنا ما تتكلمي يا ست عزه ولا القطه اكلت لسانك دلوقتي

عزه .

ايوه صباح عندها حق وياريت متدخلوش في شغل الحريم احنا عارفين بنعمل اي بالظبط

صلاح

بقولكم اي احنا مش عاوزين وجع دماغ ولا غيره الحريم دي ومعندناش استعداد نخسر امنا علشانكم واحنا عارفين كويس ان دا كلو حوار علشان تطفشو هدي وبالذات كلنا عارفين هدي انها مستحيل تعمل الكلام دا

واول لما عزه وصباح بيسمعو كده بيتوترو وبيقول

صباح

قصدك اي بالكلام دا ان شاء الله انت عارف كويس ان احنا ميننزلش تحت وان الست هدي هيه المسؤوله عن كل حاجة لامك يعني كل الادله ضدها

محمد

قصر الكلام الموضوع خلص وامي كويسه الحمدلله وانتم عارفين ومتاكدين من الكلام دا ان هيه مش هتبقي مبسوطه الا لما هدي موجوده

وشوفو بقا عاوزين تخربو علي نفسكم وتحصلوها

لاما نحافظو علي بتكم

صباح

انا هموت واعرف هيه عامله العمل دا فين مخليه كل البيت هيموت عليها كده

صلاح

خلصي يا صباح كرررتم اي هتنفذو الي قولنالكم ولا لا

عزه بغيظ

خلاص بكره هنروح ليها ونرجعها طالما دا هيرحيكم حاضر

وتاني يوم بتكون عزه وصباح ماشيين سوا وعزه قالت بغيظ

عزه

هو احنا مكناش خلصنا منها انا بجد جبت اخري منها امتي نخلص منها بجدد

طول ما هيه موجوده في البيت هتبقي هيه الكل في الكل

صباح

هو كل الي بيحصل دا بسبب الحمل الي في بطنها .انتي عارفه لو نزل محدش هيسال فيها وخروجها من البيت هيبقي سهل

عزه

يا خبر دا هيه دماغك وصلت لكده يا ريت يا بت يا صباح وقتها الهم الي علي قلبي هيتشال

وبالذات لو هيه خلفت خايفه محمد يشوف العيال ووقتها الشيطان يلعب في دماغو ويتجوز عليها

وساعتها هتكون مصيبه

صباح

بس هنعمل الحوار دا ازاي وبالذات لو انكشف هنطلق انا وانت وبالذات الست هانم مفضله عند الكل

عزه

نرجع البيت ووقتها نفكر هنعمل اي خلينا نرجعها الاول وبعد كده يحلها 1000 حلال

وبعدها بيجو عندي واول لما بتشوفهم اسماء قالت بحده

اسماء

هو انتم ليكم عين تجو هنا بعد الي عملتوه لاختي والله ما تعرفو انا هعمل فيكم اي

عزه

بقولك اي يا حبيبتي احنا مش جايين نتخانق احنا جايين ناخد هدي ونرجعها بيتها وبالذات احنا عرفنا غلطنا وجايين نصلحها

اسماء

بعد الي عملتوه فيها لسه ليكم عين تتكلمو ولا كانكم معملتوش حاجه هو انتم مفكرين ان مش ليها ضهر ولا اي

صباح

بقولك اي ابعدي من وشنا ونادي هدي بدل ما ازعلك انتي كمان احنا اصلا ججايين وروحنا في مناخيرها

وفي الوقت دا كانت هدي سامعه الصوت وخرجت وقالت

هدي

خير في اي انتم جايين ليه نسيتو حاجه وجايين علشان تقولوها

عزه

جايين ناخدك ترجعي بيتك وبالذات حماتك من ساعت ما مشيتي وهيه عملانا مناحه كانك بنتها مش مرات ابنها

هدي

بقولك اي يا عزه انا مش هرجع مستحيل ارجع بعد الاهانه الي حصلتلي امبارح عاوزاني ارجع ازاي

صباح

خلاص بقى يا هدى ارجعي معانا وما يبقاش قلبك اسود واللي حصل حصل ونفتح صفحه جديده وانت في حالك واحنا في حالنا

هدي

لا مش هرجع غير لما اسامه يجي بنفسه ويقولي ارجعي

اسماء

سمعتو الكلام بقا اتفضلو من هنا وكفايه لحد كده

عزه

ما تخليكي في حالك يا حبيبتي وخليكي محضر خير

وانت يا هدي خلاص بقا وريحينا بقا ولا انتي مبسوطه كده واحنا واقفين نتحايل عليكي

اسماء

بقولك ااي يا هدي انا هنزل اشوف حماتي عماله نرن عليا ليه

وشوفي انتي ناويه تعملي اي واعمليه بس خليكي عارفه دا بيتك قبل ما يبقي بيتي

وبعدها بتسبنا وبننزل واول لما بتنزل حماتها بتقرب منها وبتمسكها مش شعرها وقالت بحده

الحما

اها يا حراميه يا زباله انتي متعرفيش انا هعمل فيكي اي النهارده لو مقولتيش علي مكان الدهب ولا وديتيه فين

اسماء

دهب اي يا حماتي الي انتي بتتكلمي عنو ان شاء الله انا معرفش عنو حاجه ولا شوفتو

الحما

دا انتي يومك اسود النهارده انتي متعرفيش انا هعمل فيكي اي انا متاكده ان مفيش حد خدو الا انتي ولو مقولتي هو راح فين انا هخلي الي ما يشتري يتفرج عليكي

اسماء

بقولك اي اعملي الي تعمليه انا خلاص جبت اخري منك وانا هكلم محمود وهقولو علي كل الي بتعمليه معايا وهو بقا يرجع ويتصرف معاكي

وبتروح طالعه وبتسمع حماتها هيه بتقول

الحما

والله لا اكلم البوليس وخليه يجي ولو طلع الدهب انتي الي وخداها ساعتها والله ما في حد هيرحمك مني

وساعتها بتطلع اسماء من غير نا ترد عليها

وفي الوقت دا عندي بقول

هدي

انا بجد تعبت من الي بتعملوه وفاض بيا خالص وانا بجد مبقتش مستحمله كل الي بيحصلي والي بتعملوه

صباح

خلاص بقا يا هدي قولنا نقفل علي السيره دي ونفتح صفحه جديده ولا انتي فرحانه ان احنا عمالين نتحايل عليكي كده

هدي

خلاص انا موافقه بس علشان خاطر حماتي وبالذات انا متاكده ان هيه زعلانه اني بعيده عنها

وبروح داخله وبلبس هدومي ووقتها صباح بتقول بسخريه

صباح

شوفي يا اختي الدلع انا بجد لولا ان خايفه يحصل ليها حاجه كنت جبتها من شعرها انا مش فاهمه هيه شايفه نفسها علي اي بلا نيله

.عزه

مش المحروسه حماتك هيه الي عملت كل دا وخلتنا نيجي هنا ونتذل علشان خاطر سواد عيونها الصبر بس افكر في حاجه تنزل الحمل ووقتها مش هيبقي في حاجه تربطنا بيها

انا هنزل بقااا استنامي تحت خلاص مبقتش قادره اقعد اكتر من كده

.وبتروح سيباها وبتنزل

وبعدها بخرج واول لما بتشوفني اسماء بتقول بضيق

اسماء

همه لحقو يضحكو عليكي وخلوكي تلبسي علشان تروحي معاهم معقول معندكيش كرامه خالص

. صباح

بقولك اي يا حبيبتي هقولهالك تاتي خليكي محضر خير ويلا يا هدي مش معقول هنفضل طول اليوم هنا

.د

وفعلا بروح معاها ولسه جايه انزل من علي السلم بروح واقعه واخر حاجه بشوفها

دم نازل مني جامد وبعدها بيغمي عليا ومبحسش بحاجه

وفي المستشفي بيكون الكل واقف مصدوم ومش مصدقين الي حصل واول لما الدكتور بيخرج بتجري عليه اسماء وبتقول

اسماء

طمنني با دكتور بالله عليك اختي عامله اي بالله عليك قول انها بخير

الدكتور

الام كويسه بس للاسف الاطفال نزلو ومقدرناش نعمل ليهم حاحه هيه دلوقتي تحت الملاحظه وشويه وهتطلع لاوضه عاديه

وبيروح مخلص كلامو وبيمشي

واول لما اسماء بتسمع كده بتقرب مت صباح وبتقول بحده

اسماء

عملتي اي في اختي انا متاكده ان انتي الي وقعتيها من علي السلم

اول لما صباح بتسمع كده بتتوتر وبتقول

صباح

كلام اي اللي انت بتقوليه ده يا حبيبتي هو انت عاوزه توديني في داهيه ولا تلبسيني مصيبه لا طبعا انا ما عملتش حاجه واللي حصل لها ده قضاء وقدر انا ما ليش يد فيها

اسماء

على اساس ان انا هصدق الكلام العبيط اللي انت بتقوليه ده انا هستنى اختي لما تفوق والله العظيم لو قالت كلام غير ده او ان حد زقها ساعتها والله ما هرحم حد

واول لما حماتي بتسمع كده بتقرب من صباح وقالت

الحما

كلام اي الي انا سمعتو دا معقول انتم ليكم يد قي الي حصل لبنتي ولحفيداتي الي راحو قبل ما يجو اتكلمو انطقو

صباح

لا والله يا حماتي احنا معملناش حاجه هو احنا برضو هنعمل كده ونودي نفسنا في داهيه الي حصل ليها قضاء وقدر مش معقول كل ما يحصل حاجه تتهمونا فيها في الاخر

الحما

والله لو عرفت ان انتم ليكم يد في الي حصل ليها وقتها متلوميش الا نفسكم

وامشو غورو من هنا مش عاوزه اشوف وشكم انتم الاتنين واول لما حماتي بتقول كده بيروحو واخدين بعضهم وبيمشو

واول لما بيوصلو البيت عزه بتقول بحده

عزه

الله يخربيتك يا صباح اي الي انتي هببتيه دا هو انا مش قولتلك متعمليش اي حاجه الا لما ترحع البيت عجبك الي حصل دا

صباح

انا والله ما عملت حاحه بقولك اي يا عزه اطلعي من الشويتين دول وانا نازله لاحظت ان في زين مدلوق علي السلم وساعتها فهمت ان انتي عملتي حجه انك هتستني ودلقتي زيت علي السلم .فمتلفيش وتدوري عليا

عزه

لا طبعا انا معملتش كده هو انتي عاوزه تلفي الخوار وتلبسبه فيا بقولك اي انا مش عبيطه علشان تلبسيني حوار زي دا

وفي الوقت دا بيكون محمد وصلاح راجعين البيت واول لما بيسمعو بلي حصل بيقول

صلاح

يعني اي الكلام الي انا سمعتو دا بقا انتم السبب قي الي حصل وان مرات اخونا بين الحيا والموت وخسرت العيال وكل دا يسبكم

صباح وعزه في صوت واحده

والله ما عملت حاجه انتم فاهمين الموضوع غلك والله

محمد

هيه خلصت لحد كده لو واحده فيكم تغور من هنا والي امي تحددو هو الي هيحصل

.واول لما بيسمعو كده كل واحده بتاخد بعضها وبتروح ماشيه

وبيعدي يومين وطول الوقت دا واسماء جنبي لحد لما لقيتها قالت

اسماء

الحمد لله يا حبيبتي انك بقيتي كويسه الدكتور كتب ليكي علي خروج انا هروح لظبط ليكي لي حاجه تاكليها وهاجي هاخدك ترتاحي عندي

الحما بضيق

ملهوش لزوم الكلام الي انتي بتقوليه دا يا حبيبتي هدي بنتي هترجع البيت تاتي معانا

وعلي ما اظن مفيش حد مبيرتحش الا في بيتو

اسماء

لو سمحتي يا طنط مينفعش الي انتي عاوزاه دا بالذات من ساعه ما تختي دخلت البيت عندكم ومفيش يوم عشنو كويس وجوزها لما يرحع يكررو سوا

وبعدها بتمشي

واول لما بتمشي بلاقي الباب اتفتح واسامه بيدخل عليا واول لما بشوفو دموعي بتنزل وقولت

هدي

اخيرا يا اسامه نزلت شوف الي خصل ليا ولولادي بسبب مراتات اخواتك انا بجد مش مصدقه هو انا عملت فيهم اي علشان ياذوني بالشكل دا

. اسامه

اهدي يا حبيبتي انا خلاص رجعت وانا هعملك كل الي انتي عاوزه

بس الاول قومي معايا نرجع البيت انا لسه كنت واقف مع الدكتور وقال ملهوس لزوم تفضلي في المستشفي اكتر من كده

هدي

معلشي يا اسامه انا نفسيتي مش احسن حاجه اليومين دول ومش هقدر ارجع البيت لو سمحت خليني اروح عند اختي هيه الي هتخلي بالها مني

الحما

كلام اي الي بتقوليه دا يا بنتي معقول عاوزه تسيبينا وتمشي انتي عارفه كويس ان انا مقدرش استغني عنك وانتي عارفه الكلام دا كويس

وانا قولتلك اتاكد مين فيهم الي عملو فيكي كده ووقتها حقك هيجي تالت ومتلت

هدي

انا عارفه كل الكلام دا وواثقه فيه بس بجد بعد الاذي الي شوفتو مبقتش قادره ارجع البيت الي اتاذيت فيه بالله عليكم متضغطوش عليا علي الاقل لحد لما نفسيتي تهدي

اسامه

خلاص يا ماما خليها علي راحتها متضغطيش عليها اكتر من كده وانتي يا ي لو هتبقي مرتاحه وانتي عند اسماء انا معنديش مشكله انا اهم حاجه عندي تكوني كويسه

وفعلا بعدها بيروح واخدني وبيوديني عند اسماء

وفي الوقت دا عند اسماء اول لما حماتها بتشوفها بتقول بحده

الحما

حمد لله علي السلامه يا حلوه ما هيه صحيح وكاله من غير بواب تدخلي وتخرجي زي ما انتي عاوزه

أسماء

بقولك اي يا حماتي مش وقتو كلامك دا انا مستعجله علشان اروح لاختي واطمن عليها واعملي حسابك ان هيه هتيجي تقعد معايا هنا علشان اخلي بالي منها كويس

واول لما اسماء بتقول كده الحما بتبص ليها جامد وقالت

الحما

يخربيت حبروتك يا شيخه دا انتي طلعتي شيطانه فعلا تقتلي القتيل وبعدها تمشي في جنازتو

اسماء

كلام اي الي بتقوليه دا انا مش فاهمه منك اي حاجه

الحما

بطلي الشويتين دول الي انتي بتعمليهم هو انتي مفكره انك لما تعملي حاجه هتخلعي منها كل شويه

انا شوفتك وانتي بترمي زيت علي السلم

واول لما اسماء بتسمع كده بتوتر وقالت

اسماء

كلام اي الي انتي بتقوليه دا هو انتي عاوزه تودينا في داهيه ولا اي هو في اخت برضو تاذي اختها انتي اكيد بتهزري

الحما

حلو الكلام الي إنتي بتقوليه كويس ان انا صورتك وانتي بتعملي كده

وبتروح مخرجه الموبايل وبتوريها الفديو واول لما اسماء بتشوفو بتتصدم

اسماء

بالله عليكي يا حماتي امسحي الفديو دا لو حد شافو هيبقي مصيبه واروح ف ستين داهيه

وانا عندي استعداد اعملك كل حاجه

الحما

حلو الكلام الي انتي بتقوليه دا انا موافقه بس بشرط الدهب الي لهفتيه ترجعيه

وتطلبي الطلاق من محمود وتخليه يطلقك لاما بقا انتي عارفه انا هعمل فيمي اي بالفديو دا

اسماء

ايوس ايدك يا حماتي بلاش طلاق انتي عارفه كويس انا بحب محمود اد اي

الحما

الي ذيك يعرف حب برضو انتي الحقد والغل ماليكي إذا كنتي اذيتي اقرب الناس ليكي دا انتي ملكيش امان وعامله زي الحيه ولازم نخلص منك

وغير كده كده انا اتاكدت ان انتي عملتي كده في حمات اختك علشان تلبسيها مصيبه انا مش فاهمه كانو بيرضعوكي اي

اسماء

انا عارفه ان غلط بس انتي السبب في كل دا بسبب معاملتك ليا وخليتيني احقد علي اختي وابص في عيشتها اقول فيها اي زياده عني علشان تاخد حظها في الدنيا حماتها بتحبها وجوزها بيبوس التراب الي تمشي عليه

وانا اتحوزت الي بحبو بس انتي مفيش مره عاملتيني كويس

.الحما

متعلقيش شماعتك عليا لو كنتي كويسه مكنتيش عملتي الي عملتيه دا وانجزي قولتي اي

اسماء

حاضر يا حماتي انا هعملك الي انتي عاوزاه والدهب بتاعك ثواني وهجيبة ليكي حاضر بس قبل اي حاجه الفيديو الي معاكي يتمسح

واول لما بتقول كده بتتصدم لما بتلاقيني داخله انا واسامع والدموع مغرقه وشي

واول حاجه بقرب منها وبضربها بالقلم اكتر من مره وبقول

هدي

معقول كل الاذي الي اتاذيتو بسببك انتي انا عملتك اي علشان تعملي كده حماتي عملتلك اي علشان يحصل فيها الي حصل

اسماء

ابوس ايدك يا هدي سامحيني انا عارفه ان انا غلط بس انا ندمت والله كى الحكايه انا غيرت منك

اسامه بحده.

اخرسي خالص مفيش غيره توصل بالشكل دا وانتي يا هدي لو هتسكتي علي حقك

انا مستحيل اسكت علي حقي ولادي ولا امي الي ممكن كانت تموت بسببها ولازم اختك تاخد عقابها

هدي

وانا مش هقدر اقولك لا اعمل الي انت عاوزو

خلاص الي بيني وبنها انتهي ومفيش اغلي من الضنا

وفعلا بعدها بنبلغ فيها وحماتعا بتديلنا الفديو الي بيثبت انها عملت كده

وبعدها بنرحع البيت وساعتها بنلاقي صباح وعزه هناك واول لما بيشوفني بيقربو مني

وقالو

صباح

والله العظيم يا هدي احنا ملناش ذنب في الي حصل احنا اها بنغار منك بسبب معامله حماتي ليكي بس والله ملناش يد في الي حصل

احنا مش عاوزين بيتنا يتخرب

هدي

وانا اكدت من كده انتم فعلا ملكوش ذنب في اي حاجه

وانا كنت هكلم صلاح ومحمد يرجعكم

عزه

انتي بتتكلمي بجد ربنا يخليكي يا هدي انتي بجد كل مره بتثبتي لينا انك احسن منا

اسامه

وانا كررت ان انا هشوف شقه بره البيت العيله وهنقعد فيها انا وهدي وماما

بعيد عن المشاكل والحورات وعلشان تكوني مستريحين لما تلاقو هدي بعيد عنكم

صباح

خلاص يا اسامه احنا عرفنا غلك وبجد المره دي ملناش دعوه بيها كفايه مستغلاش الوضع الي حصل كانت سهل تخلينا منرجعش البيت

اسامه

والمشاكل عمرها ما هتخلص الا لو انا معملتش كده

وفعلا بعدها اسامه بياخد لينا شقه بعيد عن بيت العيله وبناخد حماتي معايا الي بتفضل عايشه معايا بعد اسامه ما سافر تاتي وانا دلوقتي حامل وبدعي ربنا ان الحمل يكمل علي خير

واسماء بتفضل محبوسه بسبب الي عملتو وكمان حماتها بتبلغ عنها انها سرقت الدهب وبتفضل عايشه في السجن ندمانه علي الي وصلت ليه وانها خسرت كل حاجه بسبب الغل والحقد