رواية سلفتي بلوتي الفصل الثاني 2 - بقلم سيد عبد ربه

بعد شهر من خطوبة محمد ، دخل احمد وهو ملهوف اووى على امه .

احمد : ماما.... ماما ..... انتى فين .

ام احمد : ايوة يا احمد خير. مالك. ملهوف كدة ليه ؟

احمد: انا. لقيت عروسة يا ستى .

ام احمد : بجد يا احمد اخيرا يا حبيبي هيتحقق امنيتى .

احمد : اه يا ماما بجد كنت فى خطوبة واحد صاحبى وشفتها. عنده. وسالته قال انها بنت عمه بس ايه بقا ، جمال. واخلاق و شياكة

ام احمد : اهم شيء. يكون اهلها ناس طيبين

و بتوع ربنا يابنى .

احمد : اه طبعا. صاحبى دة اعرفه ابن. ناس اووى و اهله كلهم محترمين

ام احمد : خلاص. نروح. نشوفها ونعرف ظروفهم ايه .

احمد : اه هنروح يوم الجمعة الجاية إن شاء الله .

تمر الايام : و يجي يوم الجمعة ، احمد ياخد امه. ومحمد و يروحوا عند العروسة الجديدة.

الناس تستقبلهم كويس جدا .

ام احمد : الحقية احنا جينا نتعرف عليكم واحمد ابنى حابب انه يرتبط ببنتكم القمر .هى اسمها ايه يا حببتى ؟

ام العروسة : اسمها دينا يا حببتى ⁦⁩.

ام احمد : ما شاء الله عاشت الاسامى. يا دينا

دينا : ميرسي يا طنط اووى .

ام احمد : عرفت تنقى يا احمد عروسة زى القمر ما شاء الله عليكى .

انا خطبت لمحمد دة اخو احمد الصغير ، لسه من شهر كدة ،وكل ما اقول لاحمد اشوفلك عروسة. زى اخوك. ، يقولى لا انا هختار يا ماما ، اصل احمد دة مش اى واحدة تعجبه ولا تدخل دماغه .

ام دينا : ههههه الحمد الله. بنتى دينا قمر اهى. وهى كمان ميعجبهاش. العجب. بقلم سيدعبدربه.ولا الصيام فى رجب. زى ما بيقولوا.

جالها عرسان. كتير و الله و كل شوية ترفض .

إشي دكاترة و إشي مهندسين ، و إشيى رجال اعمال ،. لكن هى ارتاحت لاحمد

ام احمد : ياختى هى تستاهل بصراحة .

دينا : ميرسى يا طنط اووى انتى الى عسل والله و دمك زى العسل .

ام احمد : ربنا يحميكم يا اولادى و افرح بيكم

احمد: طيب نيجى امته يا طنط نقراء الفاتحة و نلبس دبل ؟

ام دينا : هشوف عمامها و اخوالها انت عارف ان والدها متوفى وهما اهلها.

ام احمد : اه طبعا دى الاصول يا حببتى ، احنا جاهزين بس انتوا. شوفوا امته نيجى

يمر الوقت و يمشي احمد. ومحمد. و والدتهم من عند اهل دينا .

وبعد اسبوع. يرد عليهم انهم يتفضلوا يوم الجمعة علشان يلبسوا الدبل بتاعت الخطوبه.

وبالفعل يعملوا حفلة فى مركب على النيل و يعزموا هاجر خطيبة محمد. واهلها فى الحفلة تدخل هاجر المركب الى فية الحفلة و تنبهر بالحفلة ، وتقول لنفسها اشمعنى انا متعمليش حفلة زى دى .

وسط الحفلة هاجر تأخد محمد على جنب بعيد عن الناس .

هاجر : اشمعنى انا يا سى محمد متعمليش حفلة فى مركب زى كدة .

محمد : انا محبش المراكب والحاجات دى وبعدين ما احنا عملناها فى قاعة حلوة

هاجر : لا مكنتش حلوة اتفقت. انت. وبابا. عليا وقتها و مرضتوش بالمركب .

لكن بص دينا خطيبة اخوك. صممت ازاى ان خطوبتها تكون فى مركب على النيل

محمد: معلش يا حببتى تتعوض فى الفرح بقا.

هاجر : بقولك ايه فرحى لازم يكون فرح محصلش قبل كدة. ماشي .

محمد : طبعا دا هيكون فرح انا. واحمد مع بعض و هتكون ليلة كبيرة. طبعا .

هاجر : لما نشوف على الله تعملوا زى الخطوبة.

تعدى الليلة و بعد سهرة جميلة. يرجع كل واحد على بيته ،

ام احمد: ياااااه كانت ليلة جميلة اووى الحمد الله عدت على خير ،

احمد: اه يا ماما كانت ليلة ولا الف ليلة وليلة

الحمد الله ⁦⁩.

ام احمد : الحمد الله. عقبال الليلة الكبيرة يا ولادى و افرح بيكم و بعيالكم يارب.

مالك يا محمد سرحان فى ايه .

محمد : ايه.... ابدا ابدا مفيش .

ام احمد : مفيش ازاى ؟! مش باين عليك انه مفيش ، باين عليك فى حاجة شغلاك.

محمد: يوووه يا ماما مفيش صدقينى

احمد يبص لمحمد انت متاكد يا محمد؟!

محمد: ايوة بس دماغى صدعت من البحر

ام احمد: طيب يا حبيبي الف سلامة عليك.

يمر الوقت و تبدتى.بقلم سيدعبدربه.ام احمد تحفز اولادها علشان يجهزوا نفسهم للجواز ويعملوا الحاجات الناقصة و يعملوها علشان يشتروا الجهاز و العفش.

وفى يوم تتفق ام احمد مع محمد وهاجر و احمد و دينا على انهم يروحوا يشتروا العفش بتاع بيوتهم.

لكن تعتذر دينا بحجة المرض فى اخر لحظة.

لكن ام احمد تاخد محمد وهاجر و والدتها يتفرجوا على العفش فى المعارض المتوسطة.

فى بعض العفش يعجب هاجر يشتروه

و وتقول لمحمد : انا مش هكمل بقية الحاجة من هنا نكملها من معرض. تانى انضف و اغلى

لكن ام هاجر تسمعها.

ام هاجر : ليه يعنى اغلى من دة ؟! ما الحاجة حلوة اهى حرام عليكى متكلفوش فوق طاقته ، شوفى الحاجة المعقولة .

محمد : سبيها يا طنط تشترى الى هى عاوزاه

ام هاجر : لا يابنى احنا منرضاش بكدة!!

احنا عندنا ولاد زيك بالظبط.

هاجر : ماشي يا ماما. خلاص خلاص .

تعالوا ندخل المعرض دة .

يدخلوا المعرض و يعجبهم بقية العفش.

و يشتروه و يروحوا .

وهاجر مش مقتنعة بنص الحاجة .

بعد اسبوع ينزل محمد مع امه وام دينا و دينا نفس المعرض الى اشتروا منه لمحمد،

لكن دينا ترفض وتقول لا. معندوش حاجة حلوة . وتاخدهم لمعرض اغلى من الاول .

ام احمد: ماله يا بنتى المعرض. الى فات ؟!

احنا اشترينا منه لمحمد. وهاجر حاجة زى الفل وجميلة اووى .

دينا : لا يا طنط مش عجبانى حاجة فية

المعرض دة حاجته حلوة. اووى صح يا احمد.

احمد: وماله. الى تحبي تشترية شاورى بس عليه وانا اشتريه .

ام احمد لاحمد فى ودنه : المعرض دة غالى اووى يابنى ارحم نفسك واعمل لبكرة .

احمد: مفيش مشكلة يا ماما انا معايا فلوس

يشتروا الحاجة . بعدها تعرف هاجر بالى حصل. تضايق اووى .

وتقول لمحمد الى كان عندهم زيارة .

هاجر : اشمعنى يا سي محمد اشتريتوا للست دينا من المعرض الغالى. وانا رفضتوا؟!

محمد : انا مشترتش حاجة ولا ماما دة احمد .

هاجر : ايوة شفت. بقا احمد بيحب دينا قد ايه ومش بيرفض ليها طلب ⁦⁩.

محمد : وانا بحبك. والله يا حببتى . بس انا ظروفى غير احمد ، وكل واحد ليه ظروفه.

ام هاجر : فى اية يا بت يا هاجر !!

ما انتى اشتريتى.بقلم سيدعبدربه.حاجات حلوة .وبعدين كل واحد يمد رجليه على قد لحافه. الله .

محمد عاوزين بقا نحدد الفرح يا جماعة ونشوف قاعة كبيرة او نادى

بس اشوف ماما هتقول ايه .

ام هاجر : شوفوا يابنى. واحنا موافقين على المكان الى هتختاروه .

بعد اسبوع تقعد ام احمد مع احمد ومحمد علشان يحددوا القاعة والفرح .

بعدها يروح احمد عند دينا و يتكلم معاها .

احمد: عاوزين يا طنط نحدد الفرح بقا. علشان نحجز فى قاعة كبيرة تشيل المعازيم الكتير. لينا انا ومحمد اخويا.

ام دينا: ايه دة. هو انتوا. هتدخلوا فى ليلة. واحدة. يا احمد؟!

احمد: ايوة يا طنط. ما احنا قلنا من زمان الكلام دة . ماما عاوزة تفرح بينا انا. ومحمد فى ليلة واحدة⁦⁩.

دينا : سورى يا احمد انا عاوزة فرحى فى ليلة لوحدى مش هدخل انا. وهاجر مع بعض ابدا .دى مش شيلة هتتشال مرة. واحدة

احمد: لا. احنا اتفقنا و اتكلمنا قبل كدة فى الموضوع دة ⁦⁩.

ماما مش هتوافق على كدة .و بعدين احنا اتفقنا معاكم ومش هرجع فى كلامى.

بعد الكلام دة. تحصل مشكلة كبيرة بين احمد ودينا .

يا ترى هيحصل ايه بعد كدة ؟