رواية سلفتي بلوتي الفصل الرابع 4 - بقلم سيد عبد ربه

اثناء الفرح شغال و الكل سعيد و فرحان .

تم فتح البوفيه ،

تم توزيع الوجبات على المعازيم ، و اثناء التوزيع على النساء أخطاء عامل البوفيه ،

ونسى طربيزة لناس قرايب دينا .

قامت واحدة منهم و اشتكت لأم دينا إن اهل هاجر نادوا ، على الراجل واخدوا منه الوجبات و منزلش ليهم .

اضايقت جدا ام دينا و قامت تزعق فى الراجل ،

ام دينا : انت اى حد يقولك تعالى وهات هنا تروحله ، إحنا اصحاب الفرح والمفروض تشوف الناس الى معانا .

سمعت الكلام دة ام هاجر

ام هاجر: هو مين الى اي حد يا ام دينا ،

دول اهلنا والمفروض تتكلمى باسلوب افضل من كدة و متغلطيش فى الناس

مش علشان وجبة تزعلى الناس مننا

ام دينا :. وجبة ايه يا حببتى هو احنا بتوع بطننا زى ناس .

سمعت كلامها دة اخت ام هاجر .

خالة هاجر : قصدك مين يا ست انتى .

إحنا الاكل الى بنرميه يأكلك انتى و اهلك دول كلهم .

قامت واحدة من قرايب ام دينا ،

وقالت : يأكل مين. يا عالم يا جعانة انتوا

هنا مسكوا فى بعض الستات من قرايب ام هاجر وام دينا ، واشتغل الصراخ

و اطباق تطير من هنا. و اطباق من هناك

لولا. تدخل الامن. والرجالة العاقلين من العيلتين كانت ناس كتير اتكسرت و انجرحت.

وبعد ساعة بالتمام و الكمال من التهدئة ،

اضطر امن النادى والادراة لانهاء الفرح باقل الخسائر .

اخد احمد و محمد العرايس و امهم وسابوا الدنيا تقلب تعدل .

احمد ومحمد راحوا على البيت على طول

دينا. وهاجر الاتنين زعلانين لان الفرح باظ .

وصل الاول احمد ودينا ودخلوا شقتهم و بعد شوية وصل محمد و هاجر.

ودخلوا شقتهم و قفلت ام احمد البوابة بتاعت البيت من جوه .

بعد شوية جت ام دينا و معاها بعض قرايبها .

ام دينا : رنت الجرس فتحت ام احمد باب الشقة من جوه و وقفت وراء.بقلم سيدعبدربه. الباب الحديد لمدخل البيت .

ام احمد : خير يا ام دينا .

ام دينا : افتحى يا ام احمد عاوزة اطمن على بنتى

ام احمد : بنتك بخير يا ام دينا بكرة تعالى فى الصباحية وكفاية الى عملتوه النهاردة

و بوظتوا الفرح .

ام دينا : احنا الى بوظنا الفرح بردو !!

دول نسايبكم الحلوين الى بوظوه

ام احمد: انتوا. و هما مفيش حد احسن من حد ينفع كدة فرح ولادى و بناتكم يبوظ كدة .

اتفضلوا من غير مطرود روحوا و تعالوا بكرة

يكون العرسان ربنا كرمهم .

ام دينا : يعنى هتطردينا من قدام بيتك يا احمد ولا ايه .

ام احمد : لا يا حببتى مش طرد. ومش وقت زيارة دة . بكرة تشرفونا ولو عاوزة تنامى هنا نامى عندى تحت .

تاخد ام دينا الى معاها. وتمشي وهى دمها محروق. اووى .

بعد دقايق توصل ام هاجر واخواتها .

يرنوا الجرس تفتح ام احمد وتقف نفس الوقفة ويحصل نفس الكلام. ونفس الرد.

مع اختلاف ان ام هاجر مشيت مش زعلانة

اما احمد و دينا لما دخلوا و قفلوا باب شقتهم

كانوا زعلانين جدا .لانهم كانوا بيحلموا بليلة حلوة اووى .

دينا : شفت العالم الهمج. نسايب اخوك بوظوا الفرح ازاى .

احمد : عندك حق دول ناس همج بجد

دينا : انا قلتلك ياحمد بلاش نعمل فرح فى يوم واحد إنت. و مامتك. صممتوا

احمد : يارتنى سمعت كلامك والله

و فى الشقة المقابلة محمد و هاجر

هاجر : منهم لله بوظوا الليلة.

شفت نسايب احمد بيه كانوا عاملين زى الغجر ازاى منهم لله. منهم لله .

محمد: ايه الناس دى دول هيطلعوا عين احمد اخويا .

هاجر : حسبى الله ونعم الوكيل .

محمد : معلش يلا غيرى هدومك وتعالى. نصلى. ركعتين صلوا ركعتين ودخلوا.

مرت الليلة على خير و صحيوا الصبح وكانت الصباحية للعرسان.

بعد الظهر تطلع ام احمد. تطمن على اولادها

تخبط على احمد يفتح الباب .

احمد : اهلا يا ماما تعالى ادخلى .

ام احمد : صبحية مباركة يا عريس .

ايه الاخبار كله تمام .

احمد: ⁦⁩ الحمد الله يا ماما كله تمام. وانا بخير ودنيا. بخير ⁦⁩.

تروح تخبط بعد كدة على محمد:

هاجر : محمد. محمد...قوم افتح الباب يلا.

يصحى محمد يفتح الباب .

محمد : اهلا. يا ماما عاملة ايه يا ست الكل .

ام احمد : انت عامل ايه يا قلب امك ،

كله تمام وانتوا كويسين⁦⁩.

محمد: انا. كويس يا ماما والله. تعالى ادخلى.

ام احمد : لا يا حبيبي انا بس بطمن عليكم .

عاوز حاجة اجبهالك من تحت .

محمد: لا لا شكرا شكراً ⁦⁩⁦⁩.

تنزل ام احمد وهى سعيدة باولادها بعد ما اطمنت عليهم .

بعد وقت يسمع الجميع الزغاريد من تحت البيت يا ترى مين ؟

تفتح كل واحدة منهم الشباك تشوف اهل مين الى جه ليها .

كانوا اهل هاجر جايين يباركوا للعروسة .

يطلعوا على السلم بالزغاريد والاغانى الشعبية( يا هاجر يا حيلة ياام عيون كحيلة) ...إلخ

دينا تتغاظ وتقول : هما اتأخروا كدة ليه؟!

تبص دينا على اهل هاجر جايبين ايه ليها

من العين السحريه.

تقف هاجر تستناهم على باب الشقة .

بالاحضان. والقبلات ،

بعد نص ساعة يسمعوا زغاريد تانية .

تجرى دينا على الشباك وتشوف دول اكيد اهلها.

يطلعوا على السلم بالاغانى. والزغاريد

( يا دينا يا فل يالى كايدة الكل )

....إلخ ...الخ

يخبطوا على الباب تفتح دينا ليهم بالاحضان والقبلات .

دينا تهمس فى ودن امها : ايه يا ماما اتاخرتى كدة ليه.

امها : معلش.بقلم سيدعبدربه لما جهزنا. وجبنالك الحاجة.

دينا بصوت. عالى اووى علشان تسمع هاجر واهلها : ايه يا ماما.. كل الحاجة الى جايبها دى ، هعمل بده كله. ايه !!

يدخلوا و يحتفلوا بالعرايس .

وبعد ساعتين تقريبا يمشوا اهل هاجر ،

وهاجر تودعهم على الباب .

ام هاجر : سلام يا قلب امك خلى بالك من نفسك و ملكيش دعوة بحد .

هاجر : متقلقيش يا ماما عليا .

بعدهم بنص ساعة يمشى اهل دينا بعد توصيات لدينا ان الى يكلمها كلمة تكلمة عشرة ، ودينا مش محتاجة توصية.

تمر الليلة كأفضل ما يكون بين كل عريس و عروسته ⁦⁩.

تانى يوم فى نص النهار. تطلع ام احمد للعرايس تانى و تدخل عند احمد .

ام احمد: ازيكم يا عرايس ،عاملين ايه

احمد و دينا الحمد الله بخير يا ماما .

ام احمد ربنا يفرحكم و يسعدكم يارب ،

وشدوا. حيلكم عاوزة البيت دة يتملى عيال.

دينا: ايه يا ماما مستعجلة كدة ليه !

احنا مش عاوزين اولاد دلوقت لسه بدرى.

ام احمد: لا يا حببتى. بدرى من عمرك ،

انا عاوزة افرح باحفادى قبل ما اموت

احمد : إن شاء الله يا ماما .

ام احمد: بصوا. بقا يا ولاد احنا عايشين فى بيت واحد. يعنى كلنا عيلة واحدة صح.

احمد ودينا : صح يا ماما .

ام احمد: طيب احمد و محمد اخوات حتة من قلبى⁦⁩. وانتى يا دينا انتى. وهاجر بناتى خلاص ، وانا مش عاوزة بناتى يزعلوا من بعض او يشيلوا من بعض ، علشان البيت يكون هادى ومفيش مشاكل فيه والاخوات ميزعلوش من بعض ابدا⁦⁩.

وانا مش هسمح بده ابداً ، مش هسمح لواحدة تزعل الاخ من اخوه. ابداً.

دينا : انا عمرى ما اخلى احمد يزعل من اخوه

ام احمد: ماشي كويس ، بس مشاكل انتى وهاجر مع بعض بعد كدة هتخلى.بقلم سيدعبدربه الاخوات يزعلوا و يشيلوا من بعض .

دينا : يا ماما انا مش بعمل مشاكل بس انتى خليها هى متعملش مشكلة معايا.

ام احمد : الكلام دة ليكى و ليها ، انا هقولها الكلام دة لما ادخل عندها. اتفقنا .

دينا : خلاص هى لو كويسة معايا هكون كويسه معاها عادى .

ام احمد:. انتوا بكرة. هتنزلوا. تتغدوا. معايا تحت. انتوا. ومحمد وهاجر علشان نشيل الخلاف بينكم و تعيشوا حلوين مع بعض.

احمد: ماشي يا ماما حاضر .

تقوم ام احمد و تدخل عند محمد وهاجر .

وتبارك ليهم و تقولهم نفس الكلام بالحرف .

هاجر : والله يا ماما. انا مش بتاعت مشاكل ابدا ، وانا لو قلت لمحمد حاجة عن اخوه لسانى يتقطع .

بس هى مستفزة جدا .

ام احمد: خلاص احنا هنصفى كل دة و بكرة هتتغدوا. معايا انتم. وهما. ماشي

هاجر : حاضر يا ماما الى تشوفيه وتأمرى بيه

يعدى اليوم. ويجى تانى يوم العزومة .

يا ترى هيحصل ايه ؟