رواية سلفي الضالم الفصل الخامس 5 - بقلم الحساب مغلق

جاسم _والله حازم مااعرف نفسي ضاق ع غفلة
حازم _دروح صلي ركعتين واقرة ايه ترتاح
جاسم _تونس كمت من السجادة هاي هي الحمد لله سلملي
حازم_الله وياك خويه ...... سديت التليفون غمضت عيني اوف ياخويه ليش هالشكل تسوي بروحك حسيت بيها من عقدت لغيركً الله يستر شيصير بيك بدخلتها الله يستر
شجن_مشه الاسبوع سريع واحس روحي مثل المريض الي ينازع وموته قرب مو عرسة  الاربعاء الحنه مكدرت لغيتها اجة الخميس باسرع ماكان يجي قبل وهاي اني كاعدة منتظرة دفاني مو رجلي والزفه من اجتي صوتهابالراس عبالك جاكوج يدك براسي ودموعي كمت مااحس عليهن من كامت تنزل هم زين جانوا مغطين راسي وكلشي ممبين مني دخل علي واني كلشي مدااشوف هم مغمضه عيني وهم الي مغطيني بيه حسيت وكف گلبي تخيلت جاسم الي طب بدشداشته البيضه والعبايه السودة المذهبة اطرافهة وعكاله الابيض ع راسه وعطرة الي يجنن اي مايوم غيرة من صار بقربي تغير بخشمي العطر هذا مو جاسم هذا مو جاسم جرني من ايدي كمت اشهك صعدني بالسيارة وساعدني بالبدلة سد باب السيارة وفديت وية سدتها انقبضت روحي تنفسي صار سريع  خرب خرب يربي ساعدنا منا العشيرة كلها تدري بخطوبتنا اني وجاسم وعرفوا بيه حب وحدة بغداديه  مااريدهم يشمتون بيه يكولون خربت ومتحبه تحب وهو عافها يربي انطيني الصبر لزم ايدي وشاورني.... بنت عمي لتخافين ادري بگلبج مو الي بس مااكدر اعوفج مكسورة باسني من راسي حكون الج التردي يصير  لتخافين مااجبرج ع شيء عسى مابقينا طول العمر اخوان بس مااتحمل احد يمس طاريج بحجاية  من سمعته هيج حجة هدأت روحي وشكرت الله وحمدته ميت مرة وصلنه لبيت عمي حميد رجعوا هوسوا وعافونه وطلعوا وبعدت الغطا عن وجهي

علي _السلام عليكم تدخل سريع ههههههه يابه اني دكتور علي ابن عم جاسم وحازم وشجن خطبتها قبل سنه ومارضت وابن عمي گلي اريدهة سديت حلكي ووسكتت بس اني جنت هواي احبهة عاقله وهادئة شو مشت سنه جاسم حبله وحدة من بغداد وعافها والطرف كاموا يحجون بسيرتها ويكولون معيوبه مااخذها ابن عمها مرتي وحدة من الناس الضلت تحجي حذرتها اطلكها مفاد طلكتها وضليت اسمع اشكال عن هالمسكينه عمي ستار كلش تأذة بس ميكدر يحجي بس شكة لابويه عن جاسم اني مكدرت بعد اعرف ماعدها غير النظرات وي جاسم والمشكله جاسم ابن عمي ذهب بس هو من يوم الحادث الماطور جنت اني وياه اندعمنا لحد هسه هو متغير حييل جان روحة بروحي وعايفني صار شهرين مشايفة دزيتله رسالة بيوم الزفة كتلهة بيها (لو شمايصر نبقى اخوان وتبقي ابن عمي الذهب)
جاسم _وصلت الرساله من علي ليش هيج كال يجوز لان كاطع صار فترة خابرته ميرد وبقيت احاول محصلته عفته
علي _طبيت للغرفه وخرت البركع والعباة وطلع البياض جانت مغمضة وعركانه ضحكت فتحي عينج شبيج يلج كومي بداي اخذي راحتج
شجن_الحمد لله بداخلي بلدت ومسحت مكياجي وفليت شعري كعدت اصلي شفت علي استعمل مال سكر صفنت... احم شنو بيك سكر
عاي_ههههههه لا هيج
شجن _شفته جك اصبعه وخلة الدم بالنيشان وطلع لاهله وهلهلوا احنا هالعادات منسويه بس انصور بحالتي لان جاسم عافني عبالهم معيوبه ًوحتى هو يكطع الشك باليقين ورة شوية طب وجاب العشة وقفل الباب وراه جنت حيل مطمئنه علي اله هيبته ببلد وترباية عمي ومن يحجي حجايه ميرجع بيها لو ع كص ركبته نام ع مندر الصدر ونمت ع الجربايه

بغدااد
گووا گلوبكم
جاسم _جيت انام بعد ماچنه نسولف اني ونازك ع سلطان جنا تونا راجعين من الطلعه اشترينا هدوم الك وتجهيزات وحجلة حبيبي صار يتدرب بالحجله مونسني هالحيوان نازك طايرة بيه اني فرحان لفرحهم شوًالبنيه شايلتني مثل المي الي بالصينيه ممحسستني بنقصي ابد تمددت انام خابرت فؤاد لان حازم ميرد عليه مدري شبيهم شباب بلد
فؤاد_الو ها عمي
جاسم _هلة حبيبي وينكم ابوك وين شو محد يرد
فؤاد_ابويه بيت عمي ستار
جاسم_ليش شكو
فؤاد_ع مود عرس علي
جاسم_علي ليش هو مو متزوج شبيك عمي تخربط
فؤاد_عمي مو تزوج مرة لخ تزوج شجن
جاسم _بهاي اللحظة وكف گلبي واحس نار بجسمي مو معقوله حيلزمها غيري حيشوف محاسنها الي جنت مانعها ع روحي حيبوسها ويحظنها شجن نسيتيني ونسيتي حبي
اريد اجر النفس مااكدر اختنكت واتخيلها بثوب العرس وي علي لالا هاي مالتي ربي بحق السيد محمد انت اعلم بنيتي وصلاتي اذا عزيزة عليك اخذني مااكدر بعد اتحمل هاي بنيتي وروحي من هالدنيا مو بس حبيبتي ربيتها ع ايدي دخيلك ربي اخذني حسيت ع روحي بدة الدم يطلع من اذني  صارت الدنيا حارة وضلمة ونازك نايمة هي وسلطان احس راسي تنك وراها ماخسيت بشي بعد ورة فترة حسيت روحي خفيف وطاير اباوع جسدي ع القنفه والدم من كل مكان من اذني وحلكي وخشمي هاي اني يمكن متت ربي استجاب لدعوتي الحمد لله ربي جازيني بصبري دخيلك ان شاء الله رضيتج ياامي يامن تحبيني سامحيني اذا اذيتج بيوم حبيبه  حازم اخويه ونصر عيني سامحني بيوم  اذا ضميت عليك اختي وبنتي مع الاسف مشفتج من تزوجتي لحد هسه تندمت كان المفروض ازورج 
نازك اوف يانازك رحمتي الالهية وسبب اجري من رب العالمين عسى كون وفيت وياج حقج ومضلمتج انتي اشرف بنيه واحسن تربايه رباج اخوج  وصدك لو كالوا اخت رجال وبنت حمولة صدت روحي لربي مرتاح لاول مرة بعد سنتين ونص الحمد لله ربي ع نعمتك
صلاح الدين بلد
علي ثاني يوم الصبح  اخذت شجن ورحت لاربيل اسبوعين وبالطريق خابرنا عمي ستار وگلي جاسم نطاك عمرة صار عندة انفجار اثر ارتفاع الضغط وكفت السيارة شخط ردنا ننگلب
شجن _شبيك علي شكو
علي _باوعتلها دمعت عيني شجن متحمل بجيت متحمل
شجن_جاسم خليت ايدي ع گلبي شبي جاسم احجي
علي_ماااات ولج مااات
شجن _انصدمت واغمى عليه جنه واصلين لاربيل حسيت واني بالمستشفى وعلي عيونه وارمات من البجي واكف فوك راسي ضليت ابجي وهو يبجي ويايه ضليت الوم بيه واكلة ليش تزوجنا
علي_والله الناس كامت تحجي بشرفج متحملت وانتي بنت عمي احجي وابجي
شجن_خلي يحجون بس خليه عايش

حازم _اني مااكدر احجي شي عوفوني هسه
نازك _من كعدت من النوم شفت المنظر كمت اصيح التموا عليه الناس وشالوا الجوارين ٢ شباب  جان مفارق الحياة تاذيت حيل وبنفس الوكت فرحتله لان ارتاح  من حازم طب للمستشفى يصيح اذا تحبها هلكد ليش عفتها لييش يهز بجسمه ويصيح لييش وكع حازم خطيه منهار
تعبت هالاسبوع حيل وعباس نزل حداد ع القناة واجتني لبغداد معافني دقيقه لحد مخلصت الفاتحة امة انشلت وحازم من الصدمة يمشي ويحجي ويه روحة 
اربيل
شجن قوي گلبج الله يخليخ 
شجن راح اموت هاي رابع يوم مدااكدر اعيش اريد اموت لتكلي انسي لتكلي ردني لبلد الله يخليك
عاي _اتمنى بس مترهم باعي حالج هسه يكولون تبجي ع حبيبها وتوها متزوجة
شجن _طززززز صحت خيكولوون طزز بيكم كلكم
علي _خليت راسهة ع صدري اي طز بيه والله طز بس ع كيفج اشرت للطبيب ينطيها مهدأ
نطوها مهدأ ونامت بقيت صافن عليها شون حعيش وياها اني اللي غلطت من اخذتها شلون اعوف العالم تحجي عليها يارب استغفرت ربي ليش جاسم ليش عفتها واخذت غيرها ممعقوله تطلع متك العيبه انت العدل اوووف استغفر الله الف رحمة ع روحك .... رجعنا للفندق هي جانت هادئة اثر المهدئات بقيت كل ساعتين انطيها حتى تهدإ كمل اول اسبوع بصعوبة بقت تتصفن ومتقبل تاكل الااجبرها وجهها صار اصفر كلش وجوه عيونهة اسود ومتنام بليل
شجن اذا بقيتي هيج يصير بيج شي وخطيه عمي ستار شيكولون وانتي بس هالبنيه عندة
شجن_ باوعتلة دمعت عيني شوف حالتك اول انت اكثر مني 
علي نصيت راسي ودرت وجهي مردتها تشوف دموعي وترجع تضعف ميخالف نتعاون اني وياج ابوج ترة منهار لخاطر
شجن_اموت اذا صار بيه شي
علي_لعد گومي ناكل الله يخليج
شجن_ماشي ابني ماشي

بلد
حازم_امي كامت تحجي ع مرت جاسم ليش مجتي للعزة .... يمة غير لازمة عدة
امي_ايي هسه تخلص العدة وتريد تعرس ابن ايني مايربى عد غريب
حازم_يوم رحمة لبو فاضل مو مال هالحجي هسه توهة اسبوعين من مات الولد عفت البيت وطلعت صار يخنگني

بغداد
عباس_نازك حبيبتي نبيع الشقه ونرجع لبلد شغلي اهناك مومال اعوفه وماعدنة احد اهنا
نازك_كيفك خويه ع الاقل احس عدي اهل جاسم
عباس_اي حتى يتربى ابنهم كدامهم
نازك_خوش تحسرت بداخلي مقصر ويايه ابد وان شاء الله اكون اني هم مقصرت ابد سودة عليه شكد تأذة ...باع عباس الشقة
واشترى بيت يم المشروع مال بلد قريب ع القناة وع البستان مال بيت اهله لجاسم اني لازمة عدة مااكدر اطلع عباس ويروح الصبح ويرجع ب٨ المغرب مفتقدة لجاسم حيل بسوالفه عباس جدي كلش بسوالفه وميضحك وميسولف كامت تجيه عروض سفر كام يبدع بمجال عمله توسلت بيه يسافر مقبل