رواية سلفي الضالم الفصل الثاني 2 - بقلم الحساب مغلق

 

نازك _لالا اني والدي ووالدتي متوفيين وعندي اخ واحد ويشتغل عمال ويخاف يعوفني وحدي ......
نازك نازك الحكي . عاملة ثانيه شكو اقبال شبيج
اقبال _تعاي جابوا طفل ذبوه اباب الميتم  توة جاي للدنيا
نازك _شنووو سودة عليه خطية عفت الولد وركضت ع الطفل شلته وركضت انطيته ممة حليب جان يرضع بلهفة ميت جوع خطيه .... الولد اشوف يراقب مستغرب
جاسم _غير حنينه هالبنيه رجعت ويه الولد للقناة وعرضت الحلقه وضليت افكر بيهة  مر اسبوع
نازك _بقهرالولد يمي عفت كلشي واهتميت بيه وكلش تعلقت بيه كمت ابات بالدار
عباس _كومي ويايه نازك مااعوفج اهنايا
نازك _خطيه الولد اعوفة ميديرولة بال
عباس _اخذي وياج ميصير
نازك _لا والله ميصير ابقه الله يخليك
عباس _يصير ابات ويه الحارس اخاف عليج
نازك _اي يصير هسه احاجيلك ابو علاوي
عباس _خو اني اگلة اكعدي انتي خلي اشوف تاليتهة وياج
السلام عليكم اني عباس ماعندي شي اگولة بس اخيتي مااكدر كلش اخاف عليهة من الي دااسمعه بالشارع ومبقاالي غيرهة للاسف عائلتنا ويه العشيرة ممترابطة لان حالتنا مو زينه يستنكفون من عدنا مشكلتي عندي عزة نفس رهيبه مااتحمل ذلة
جاسم _بقت ابالي مثل مكتلكم مر اسبوع ورجعت مريت للميتم شفتها بالحديقه واكفة يم ولد وبيديها طفل يمكن الي جابوه ذاك اليوم منو الي واكف يمها يمكن تزوجت الله اعلم تقربت سلمت عليها وع الولد
عباس_تفضل منو حضرتك
جاسمً_مديت ايدي اصافحت وياه اني اشتغل بالقناة وتعرفت ع ست نازك
عباس _وهسه شتريد
نازك _ااااعباس الولد جابلنا خوش متبرعين وساعدنا هواي استاذ جاسمً اقدملك عباس اخويه
جاسم _اهلا وسهلا
عباس _عكدت حاجبي اهلا وسهلا بيك بقيت واكف ع اعصابي الولد يباوع عليها مبين شغلته اهنا بس تبرعات
جاسم _شفته لاخوهة حقنه رجعت لان مراح اكدر احصل شي ولا اكدر احاجيهة طلعت صعدت بالسيارة بينما اجاني تليفون كملته شفت اخوها طلع منتبه عليه طفيت السيارة ورجعت فتت الحارس ضل يستفسر مني لان ضليت اطب واطلع قنعته وفتت شفت بيديها الطفل
نازك _اخذ كل وكتي هالطفل احسة هديه من السما رجع الولد وكف يمي رجع سلم
جاسمً_ست نازك ممكن احاجيج
نازك_تفضل
_طيني دقيقه من وكتج
_ماشي الطفل نام  اوديه بالغرفه وارجع عادي
 
جاسم_اي اي اني اهنا انتظرج
نازك_تفضل استاذ بيش اكدر اخدمك
جاسم_والله مااعرف شلون ابدي وياج حاير باوعتلها
نازك_ابدي من الاخير خاف سلطان يكعد
جاسم_سميتي سلطان
نازك_اي ههههههنصيت راسي بيش اكدر اساعدك
جاسم_تنهدت تفضلي كعدي سالفتي طوويله
نازك_اسمعك
جاسم_ست نازك عدي الج عرض يفيدج
نازك_شنو
جاسم_عرض زواج بس موعادي لتقاطعيني بس اسمعيني
نازك_صفنت شلون مو عادي
جاسم_درت وجهي ع الجمال تنهدت اني رجل عاجز واهلي بابة عرب يردون يزوجوني واني مااكدر مو رجل كامل مليت من ملحه امي واهلي مااريد انفضح واني عاجز واذا تزوجتيني انطيج حياة مترفه واعيشج ملكة واسجل شقه باسمج
نازك ضليت صافنه شنو هالوقاحة وبنفس الوكت انقهرت لحالته كلش انخرست مكدرت احجي كلشي
جاسم_لتجاوبيني هسه هذا رقمي اتصلي بيه من يكون عندج رد اني رايد ولف ويايه اخت سالفه وضحكة بالبيت واعيشج ملكة بس اخووان وبس اخلص من ملحة اهلي تنهدت دمعت عيني موقف صعب حييل ترخصت وعفت وطلعت بأقصى سرعتي للامام الحسين اشكيله همي واطلب من الله ومنه الصبر وبليل رجعت لبغداد للقناة شغلي ابدعت بيه استلمت بالقناة الجديدة مركز اعلى وببلد قناتي الثانية الولد مديقصروون

ًصلاحً الدين بلد
حازم _من راح جاسم واني كلً مااشوف عمي اصير بنص هدومي فشلان منه امي تحسنت احوالها وصارت تمشي مشاكلي ويه نور مستمرة صارت عدي عادي لدرجة من تتعارك وتصيح ابتسم واطلع ولا اغث روحي بس الواكعين بيهة فؤاد وفادية تطلع قهرها بيهم مرت الايام نور ع حالها مختار الطرف صاروا يسمووها حته اخجل من كونها زوجتي  لحد مافد يوم من الايام جنت احرث ويه الفلح بالكاع اجاني رجال خير ببلد وكلها تحترمة وتحسبلة الف حساب
شيخ محمدً_الگوة ياجماعه الخير
حازم_هلة عمي هلة تفضل تفضل
شيخ محمد _تعال ايو فؤاد همست عدي عتاب وياك
حازم_لا ع بختك هاي صار كومة مامار عليه وهسه جاي تعتب عمي ميخالف تفضل بالغرفه ...جاييكم يابة جاييكم بس اكمل حجي
شيخ محمد _والله ياابو فؤاد خجلان منك ومااعرف شلون ابدي وياك بس الموضوع ماخذ اكبر من حجمة
حازم_احجيً كول ترة ضل بالي
شيخ محمد _والله ياابو فؤاد مريتك هواي دتسويلي مشاكل وانت تعرف اني ماخذ نسوان اثنين وهي تطب بذاك البيت تحجي شكالت هاي وترجع تطب بهذا البيت وتحجيً شكالت ذيج واني والجهال واكعين بيهة من مصيبه لمصيبه والله اليوم ردت اطلگهن اثنينهم الله يخليك لتزعل مني لوماانت اخويه مااجي واشكيلك
حازم_فشلت فشلة زلم بنص ديوان عرب سكتت وكتله يصير خير عمي بعد كلشي محجيت بس ردته يكوم دااروح املخها وامعطها من راسها ورة شوي ترخص وراح واني گبل للبيت ضربتها وطردتها لبيت ابوها طبعا ملكيتها بالبيت من رجعت دزيت عليها فاديه جايتها من بيت الجيران لمت هدومها وراحت لبيت ابوها بقت هناك اسبوع 

ورجعوها اهلها بالتراضي واني كوة رضيت ببقيتها بيت ابوهةً كومةً سوت مشاكل بين نسوان اخوتها بحيث واحد من اخوتهة كعد بستان هج من وراها ومن ورة المشاكل
رجعتها للبيت جان ميعجبني اقربلها هجرتها رجعتها لخاطر عمي الشيخ والجهال هملتها والدتي  تداريني احسن مداراه هدوم اكل سوالف هي تدري هاجرها ماتدخلت ليش هجرتها اثرت عليها ضلت اسبوع مطالعه من اابيت وراها رجعت ريمة لعادتها القديمة من بيت لبيت وتنقل حجي العالم ويوميه جايين معاتبين واني كمت مااهتم اكلهم ذاك بيت ابوها وروحا احجوا ويه اهلها وهم راحولهم ودزوا عليها وكبت العيطة وعادي رجعت نفس الشي اخوية رجعت احاجيه مالي غيرة عمي عمي اجانه للبيت عمي اجنه للبيت يسأل عنه  امي حجتله كلشي  طلع مقهور من عدنه اوف عمي ماادري شحجي عليك ياجاسم راح نعوفكم ع شجن هم قصتهة قصة يلا شجن ...
شجن_مساء الحير اني شجن صف رابع عام ويه فاديه بنت ابن عمي اني احب ابن عمي من جنت صف رابع وهو مفضلني ع البنات كلهم شايلة حسن حالي حال البلداويات واحب ابن عمي جاسم وهو كلشي بحياتي رتبت حياتي ع  مودة جنه متفقين بس اكمل رابع يجي يخطبني كملت الرابع وابن عمي مابين كام ميزورنه وسمعت من ام فؤاد انه انتقل لبغداد ويريد يتزوج غيري مصدكت لانه معروف عنها تجيب حجي وتودي حجي وتلفق بالكلام مااهتميت الها ادري بيه يهواني ويموت ع التراب الامشي عليه واليوم والدي راح سأل عنه ورجع مكسور خاطرة من سمعته يحجي وي امي يريد وحدة بغدادية واحتمال يكون متزوجهة هسه تخبلت ردت اموت ضاقت عليه الدنيا خابرت فاديه اخذت رقمة مو مال مستحه بعد مااكدر اعيش بدونه صح حبنه جان طاهر بس نظرات بس احلى حب  ..... لزمت التليفون حايرة ادك لو ماادك خجلانه وخايفه من الرد بعد صفنه وگلبي يدك ويه الرنه رد عليه الوو...
_الوو
جاسم _منوو...من سمعت صوتها گلبي وكف
شجن _اني رجف صوتي اني بنت عمك
_تنهدت ودمعت عيني هلو شجن شلونج
_مزينه متحملت بجيت بخنكة
_ليش خيرجً
_جاسم انت صدك متريديني وحابلك وحدة بغدادية
_اي صح ..... ادري بيج دتموتين بس اني دااموت اكثر منج وعوفيني احسن الج يابعد كل عمري وروحي احجي وياها بداخلي
_ليش مو جنت تحبني
_لا ..... روحي تلوب من تنزل دمعه منج مو عاد اني المنزلهة
_شون شووون متحبني والنظرات والرسايل جنت تدزها شنو
_مراهقة محد كلج صدكيني
_جاسم اني احبك مااكدر اتزوج غيرك
_من كالت هيج صارت نار بگلبي شون تتزوج غير شوون ويلزمها غيري اموت اتخبل احركها لبلد مرديت كلشي مجاوبت
_الوو
_جاسم صدك انت متحبني
_شجن اني تزوجت شوفي حياتج ماافيدج ومااحب وحدة كرايب ومسويه علاقة ويايه
_بس اني مغلطت وياك بشي
_والرسايل والنظرات شنووو
_حب طاهر جان