رواية سليله الانتقام الفصل العشرون 20 - بقلم taratel

اشتر:ملاك بنتي وين مو جانت وياج؟؟

..فتحت عيني بصدمه وهزيت براسي لا ماكدر انطق

ملاك: لا مو وياي

.. خله ايدي على راسه ورجع خطوات اتقربله ضبع وهو يلزمه من ظهره

ضبع: لا تخاف نلكاها وين تروح

..ترك ضبع واتقرب عليه حجه بصوت منكسر اول مره اشوف اشتر هيج

اشتر: اذا عندج شي وياي اخذي من عندي لا تدخليها شنو ذنبها وهيه طفله

.. اجتاحني الخوف بس لمجرد ملاك انخطفت وهيه طفله يعني راح تعاني راح يصير بيها نفس الصار بيه اذا مو اسوء

..كعد اشتر بلصاله واتقرب يمه ضبع وهو يربت على اكتافه وكال

ضبع: لا تخاف والله الكاها واجيبها يمك
اشتر: واذا صار نفس الصارلها
ضبع: ميصير
اشتر: يذبحوها ضبع
ضبع: ميكدرون
اشتر: شراح اكللها اذا سئلتني بنتي وين
ضبع: ترجع ومتسئلك

.. رفع عينه لضبع
اشتر: وين الكاها ضبع
ضبع: ندور عليها ونلكاها

..جره من ايده وكومه على حيله اتقرب عليه ضبع وكال
ضبع: حسابج بعدين

..وطلعو

..بقيت بلصاله واكفه مااعرف شسوي القهر اكلني بسببي ضاعت بنت اشتر وين هسه هيه كعدت ابجي عليها
ملاك: هسه شحصلت من شردت منا عمي يريد يكتلني ومنا بنت اشتر ضاعت شنو ذنبها الطفله

..بقيت احوس لحد ما نفتحت الباب ودخلت نور ماجانت متوقعه تشوفني وكفت مصدومه رحت ركضت الها وحضنتها

ملاك: ماما نور مشتاقتلج

.. شويه واستوعبت الموقف وحضنتني باايديها وكالت
نور: ولج ملاك وين جنتي

.. ابتعدت عنها ودموعي ينزلن حجيت
ملاك: خطوفني وهواي تاذيت ماما

.. سكتت وجان وجهه باهت وحجت
نور: ملاك الـِن وين؟

..صفنت اتذكر
ملاك: عند الضبع غير

.. هزت راسها لا
ملاك: لعد وين

نور: الضبع كتلها
ملاك: مستتتحيل نور احجي معقوله الضبع يكتلها
نور : مااعرف وين ماعرف بس اخر شي كتلها وشمرها وادم نقذها بقت بغيبوبه واختفت ومالكيناها بعد

..خليت ايدي على صدري احس اختنكت من الاحداث الكاعد تصير غمضت عيني قوي وفتحتهن حجيت

ملاك: اكيد عنده بس تتوقعين يرجع يكتلها

نور: مادري ملاك خل نسوي شي الله يخليج

ملاك: ماما نور شنو الي اكدر اسوي واني راح يذبحوني

..فتحت عينها بصدمه
نور: ليش يذبحوج ليش ملاك وين جنتي

.. ضيقت عيوني بحزن وقهر واني اتذكر الاحادث الصارت ويايه حضنتها حيل وابجي بحضنها

ملاك: لا تسئليني حبابه

.. بعدتني عنها وهيه ادكول
نور: شصار وياج ملاك

..رفعت عيني عليها عيني الجانت متروسه حزن وحجيت
ملاك: ماما اسماء وين ما شفتهه ولا اجتني معقوله ما سمعت بيه رجعت هيج اني مو مهمه عدها

..نزلت راسها وحجت
نور:صعديلها فوك بغرفتها
ملاك: لا مااصعد

..رفعت راسها عليه وحجت
نور: اسماء نجلطت متكدر تحرك لا ايد ولا رجل

.. بس كالت هيج عفتها وصعدت مهما يكن تبقى امي صح ما شفت من عدها شي بس ما جانت تاذيني اول ما فتحت الباب ودخلت ما عرفتها جانت جلد وعظم

.. بس شافتني ضلت تحجي كلمات ما مفهومه نايمه بلفراش وما تكدر تكوم ضلت تحرك نفسها وترفع باايديها الي يوكعن يمها تقربت عليها واني ابجي

ملاك: ماما حبيبتي شبيج

.. حجت كلمات بصعوبه مامفهومه
ملاك: لا اتعبين نفسج لا تحجين

..رجعت هلمره تحجي وبصوت اعلا مافهمت من عدهت بس كلمه نور نور!!

..انداريت ورايه لكيت رحمه
رحمه: ها خير شعدج هنا جايه تكملين على اختي
ملاك: خاله عوفيني الله يخليج
رحمه: الله يعلم وين جنتي وشلعبوا عليج تالي رجعتيلنه بعارج

.. ما اتحملت كلامها وكمت على حيلي وتهجمت عليها على اثر صياحنه دخل تدم الي اجا يفااكننه وخرني عنها وجانت ايدي متروس شعرها وامي الي جانت على اثرها تصيح حسيت راح تضربها جلطه ثانيه اخذني ادم وطلعني وهو يصيح عليه

ادم: هااي شبيج انجلبني
ملاك: ولك راح يموتوني كلها تحجي عليه صايرين شرريفين براسي وهنه رب المكح..

..صاح عليه بصوت خلاني اسكت
ادم: احترمي ملاك

.. تركته ورحت لغرفتي مااعرف شسوي شويه ورجعت طلعت رحت اخذت مبايل ماما اسماء الي جانت نايمه واتصلت على رقم اشتر لان مبايلي بقى بذاك البيت

.. ماجاوب عرفته ما جاوب لان اتصلت من رقم اسماء دزيتله رساله

.. ضبع جاوب اني ملاك

.. رجعت اتصلت وجاوبتي

ضبع: ها ملاك
ملاك: لكيتو بنت الاشتر

ضبع: لا ماكو
ملاك: ضبع والله اني من طلعت شفتها راحت عليه ما توقعتها تضيع لان مسافه قليله جانت

.. سكت وما جاوبني رجعت حجيت
ملاك: اذا لكيتوها حاجيني
ضبع: ملاك ليش مابقيتي مو امنتج يم اشتر
.. سكتت ما عرفت اجاوبه

ملاك: اتمنى تلكوها

..رجعت حجيت
ملاك: ضبع الـِن وين
ضبع: معليج ملاك لا تدخلين

..كال كلماته هيج وسده بوجهي

..انفتح باب الغرفه ودخل اسد وهو يكول

اسد: يااهلا ابنت العم وين هلغيبه

ملاك: اسد اطلع برا

اسد: هاي شبيج خل نحجي

ملاك: شتحجي واني ادري ما يجي من وراك بس المو زين اطلع برا اسد حباب ماريد اشوفك البيه مكفيني

..تقرب عليه وهو يضحك ضحكته المقرفه وكال
اسد:تعرفين منو خطفج

..صفنت بوجهه وبهت وجهي

اسد: نور

..من كال هيج تهجميت عليه واني اضرب بي بقبضه ايدي عرفته جذب

ملاك: اطلع برا لا وحق الله بس يجي ضبع اكله عليك وتعرف بي شيسوي اطلع

.. ابتسم وتركني وطلعت لزمت راسي اضغط عليه من الاحداث الي كاعد تصير بحياتي ليش هيج خليت راسي على السرير وغمضت عيوني وعسى وان انام ومااكعد بعد وارتاح

.. حسيت على طرقات خفيفه بلباب فتحت عيني وصحت
ملاك: ادخل

.. انفتح الباب ودخل ضبع بهدوءه المخيف

..كمت على حيلي وحجيت
ملاك: ضبع

.. اشرلي اكعد

..كعدت وهوه كعد مقابيلي وكال

ضبع: ليش شردتي مو وصيتج تبقين يم اشتر

.. تلبكت وحجيت

ملاك: ضبع اني حيل خفت ماتعرف شنو المريت بي حيل تعبت ماتوقعت راح يكون رده فعلهم هيج بس يشوفوني

ضبع: وهسه شفتي

..نزلت راسي بااسى

ملاك: اي شفت

ضبع: اشتر متخبل على بنته يدور عليها وماكو

ملاك: كرهت نفسي شنو ذنبها الطفله بسبب غبائي ضاعت

.. ثبت عينه عليه وكال
ضبع: تدرين لو صار عليها شي ماراح امنعه يذبحج كدامي

.. نزلت راسي شعور مرهق محد يحس بيك محد يقدر الظروف الي مريت بيها كلها تلومني بس محد وكف وياي بلرغم همه يعرفون حجم المعاناه الي عشتها!!

ملاك: ضبع ولله مو قصدي تضيع ما عبالي تضيع ولله عفتها وطلعت على بالي رجعت يمه

.. سكت ورجعت حجيت
ملاك: ما لكاها ماعرف وين راحت

..شبك اصابعه وثبت عينه بعيني وكال
ضبع: خاطفيها

..شهكت بصدمه وخليت ايدي على حلكي
ملاك: لاا ضبع شدكول منو خطفها

.. جان بس مثبت عيونه عليه شكله يخوف

ملاك: احجي ضبع الله يخليك منو اخذها تعررفو

ضبع: الي اخذها جماعه نصرت لان اشتر كتل رئيسهم يردون ياخذون بثاره

.. من كال هيج صدمني اكثر حسيت نفسي اختنكت نزلت دمعه جانت بطرف عيني مسحتها على السريع ونزلت راسي وحجيت

ملاك: كل شي صار بسببي

ضبع: تدرين احتمال صفر بلميه عايشه جماعه نصرت مايعرفون طفل صغير ذبحوها هسه من زمان واخذوا اعضائها

.. بس كال هيج بجيت ماتحملت تقدم عليه وكال

ضبع: ادعي نلكاها

.. هزيت براسي اله

.. بقى كاعد يمي شويه واتصل مبايله ورفعه ثبتت نظري عليه بلكي افتهم شي بلكت يكولون لكوها بس ضبع ما حجه ولا كلمه بس جان يفتر يمي بكل هدوء ويسمع الاتصال شويه وتوقف وثبتت نظره عليه وعيونه مفتوحه !! خفت حيل بس سده تقرب عليه وكال

ضبع: لكوها

..فرحت حيل
ملاك: ايي وين لكوها الف الحمدالله

ضبع: يرجعوها بمساومه

..بهت وجهي كانما عرفت الراح يكول

ضبع: المساومه راح تكون بيج ننطج الهم ويرجعون بنت الاشتر

...........................

.. كعدت على صوت الاطفال والهوسه فتحت عيني واشوف الاطفال ملتمين ويلعبون اغلبهم جانو سورين وموصلين تقربت عليه بنيه وكال

- جديده هنا

..هزيت براسي بمعنى اي

-منين

ريم: الموصل
-اهلج وياج
ريم: لا ميتين
- الله يرحمهم
..رفعت عيني عليها وحجيت
ريم:صارلج شكد هنا
- من التهجير لحد هاي اللحضه مانكدر نرجع لبيوتنه تدمرت وماعدنه امكانيه نبني وباقين على المساعدات

.. ضلت تحجي هواي وبالي مو يمها لحد ما كالت كلمه ورفعت راسي عليها

-تدرين قبل فتره تعرفت على وحده جانت ويانه حيل تشبهج كانما انتي

..تذكرت شرار من كال بس اختج ما متاكد اذا ميته لو بعدها

.. ورود اختي التوم ..

.. لزمت ايدها واني احجي
ريم: الله عليج وينها هسه هيه

..باعتلي مستغربه وحجت
-نقلوها لغير مخيم

..باوعتلها واني اترجاها
ريم: وين يامخيم

- لمخيم الهول

.. من حجت هيج احس بهت وجهي
ريم: شوداها هناك
-ليش تسئلين عليها ؟؟
ريم: باعي حبابه الله يخليج جاوبيني يمكن هاي اختي اي هي اختي حيل تشبهني جاوبيني واشفي گلبي الله يخليج وينها

..تقربت عليه وهمست بااذني
- خل نطلع ماكدر هنا احجي

..هزيت براسي الها وطلعنه جانت الخيم بحاله يرثى لها لو الناس الكبار الي نايمين بلحر لو الاطفال الي كاتلهم الوصخ جان اكو كم حمام مشتركين بي وينتظرون دورهم

.. اتبعت البنيه الي راحت نهايه المخيم ووكفت واندارت عليه وكالت

- ليش اتسئلين عليها
ريم: كتلج يمكن اختي هاي
-شلون تثبتيلي هيه اختج
ريم: الشبهه مو كافي؟؟ لان اني مجرد احساس ماعرف اذا هيه او لا

..صفنت شويه عليه وكالت
-اختج متعاونه وي داعش

.. كالت هيج لو احس جسمي صار نار ماعرفت اوزن نفسي غوشت عيوني بلدمع وحجيت
ريم: لا الله عليج لا لعد اكيد مو هيه ورود ما تسوي هيج

..هزيت راسي بخوف نافيه كلامها

- مادري بعد بس الجماعه الهنا نقلوها لمخيم الهول

.. عافتني ورجعت بقيت اباوع محتاره معقوله ورود تسوي هيج شي لا ياربي كون ميته صدك ولا تسوي هيج

.. رجعت وراها ولكيت الاطفال والبنات ملتمين على مجموعه منظمين جانو شايلين شعار منظمه انسانيه تقربت عليهم لكيت يوزعولهم دوا انتبهت جان واحد من عدهم يمه مره جبيره بلسن وتشكيله الي ياذيها انطاها الدوه وكعد يشرحلها كم مره تاخذه

ريم: عزا هذا يريد يموتها

.. تقربت عليه واني اصيح وهو انصدم من شافني اخذته من الحجي وحجيت

ريم: صدك تحجي تريد تموتها شلون تنطيها سبينزولين وهيه كالتلك عندي سكر
- لا عادي واذا
ريم: شلووون عادي هذا ياثر على السكر مالتها

.. واحد يمه سمعني واجا عليه كال
-شكو شصاير
ريم:شلون تنطون دوه ما تعرفونه شنو

.. اخذه من عندي وهو يقرا رجع سئل الحجيه
- حجيه عندج سكر
.. هزتلها براسها وكالتله
-اي يمه عندي سكر وضغط وكلشي عندي

.. باوعلي وكال
- عاشت ايدج
ورجع خزر اليمه
- اعذري دايخ من هاي الهوسه
ريم: ياعيني دايخ يروح بغير مكان يدوخ مو هنا لان هاي ارواح ناس بشر

.. رجعت للمخيم واسمعه يصيح عليه تركته ورجعت للخيمه لكيت نفس مجموعه الولد الجانو كاعدين يشربون مخدرات بس هلمره بس ٣ منهم بس دخلت ضلو يباعولي يطلع عمرهم هيج ١٧ و١٦

..بس شفتهم خفت ورجعت طلعت رفعت راسي وين اروح مقهوره حيل كعدت برا الخيمه وتقرب عليه واحد شكله يخوف وكال

- عندي حجي وياج

..كمت على حيلي وحجيت
ريم: نعم شرايد
-اختج ورود

.. بس كال هيج تقربت عليه بصدمه
ريم: وينها الله عليك احجي
- ماكو شي ينحجي بهاي السهوله اليوم راح اجي عليج ب٢ بليل اطلعيلي نحجي

.. رجعت بخوف وهزيت راسي بمعنى لا
-لاتخافين نحجي بخصوص اختج وترجعين راح انتظرج

.. رجعت للخيمه واني خايفه شراح يصيرمر الوقت واني كاعده افكر دخلن ٢ نسوان كبار و٣ اطفال صغار ونامو بعد ما هرجو الخيمه بقيت كاعده اباوعلهم وفكري مو يمهم اصلا شراح اسوي اطلعله لو ابقى

.. باوعت للساعه جانت بـ ٢:١٥ دقيقه اخذتني رجليه لنفس المكان عسى وان الكه اختي ينطيني معلومه عنها يعني هيه صدك عايشه!! ولا منين عرف اسمها خوف وفرح وامل جديد انزرع بگلبي يعني راح الكه واحد من اهلي ونرجع نعيش سوه بس الكاها اخذها ونطلع منا

..بقيت انتظر ماكو احد الخيم هدوء الظلام حالك لحد ما فقدت الامل يجي ورجعت بخطواتي بس حسيت واحد يمشي ورايه لزمت گلبي من الخوف وزدت بسرعتي حسيته هوه هم لحد ما ضليت اركض وصار عليه

-اوكفي

.. حسيت على صوته انداريت لكيته نفسه توقفت واني اخذ نفس بصعوبه تقرب عليه
- وين جنتي
ريم: انت وين جنت انتظرك صارلي ساعه
-لحكيني بساع قبل لا احد يحس

.. راح مشى وبقيت بنفس مكاني خايفه من هاي الخطوه لو سوالي شي بس ما جان بيدي شي غير الحكه وكل تفكيري من راح ترجع ورود ونعيش سوه

.. لحد ما وصل يم خيمه وفتحها كال
- دخلي هنا

.. دخل هوه وضليت اباوع ماكو احد دخلت ورا

..اول مادخلت لكيته كاعد اشرلي اكعد كدامه

- تردين اختج

..رحت كعدت كدامه وهزيت براسي وعيوني ماليها القلق والخوف
-ترجعلج
ريم: شلون وينها هسه هيه
- اختج مجاهده بلدوله الاسلاميه تردين تلتقين بيها انضمي ويانه !!
............................

.. رجعت بخطواتي خايفه انداريت وركضت حيل رجلي الجانت بيها الكزاز ماحسيت بيها بعد بس اركض اريد اخلص منه راح يذبحني ركض ورايه وجان اسرع مني لزمني من ايدي قوي ورجعني عليه

.. ضليت اضرب بصدره واني ابجي بس جان مقيدني باايده رجع يمشي بااتجاه السياره وهو يسحل بيه من ايدي حسيت على الكزازه دخلت برجلي حيل ضلت تاذيني صحت بصوت

الـِن: ضبع رجلي كاعد تاذيني

.. ماجاوب وكمل طريقه

.. ضليت ابجي بصوت عالي
الـِن: رجلي دخلت بيها كزازه حباب ضبع والله كاعد اتاذيني

.. اندار عليه بدون لا ينطق حرف اخذني بحضنه وشالني ايدي حاوطت ركبته واني مثبته عيني على ملامحه شكد تخوف من يصير عصبي حضنته حيل وحطيت راسي على صدره وحجيت

الـِن: راح تكتلني
ضبع: الاسوء
الـِن: لا تكتلني عوفني وروح مو اله تكتلني

.. سكت وما جاوبني بعد وصلنه للسياره وجانت اكو سيارتين عاليات وبيهن حمايه خلاني بسيارته وسد الباب من جهتي

..حجيت بصوت قلق جاهل للمستقبل
الـِن: الله عليك ضبع لا تكتلني اخاف

.. اندار عليه وهو يحجي بصوت عالي
ضبع: اذا تخافين ليش شرردتي

الـِن: خايفه ترجع تكتلني

.. رجع حجه بصوته الهادئ وكال
ضبع: ما اكتلج بس راح يصير الاسوء
الـِن: شنو الاسوء من وجودي يمك هاا حاجيني شنو ممكن يصير بيه بعد من وراك

.. سكت ماجاوبني
..رجلي ضلت تسعر عليه من الالم باوعتلها لكيت الدم مالي السياره
الـِن: ضبع رجلي اتاذيني وهواي دم كاعد ينزل منها

.. اندار عليه وباوع لرجلي راسا فر السياره ومشه على السريع
ضبع: صارلها ساعه تنزف وساكته
الـِن: خايفه ما ساكته وله هو الالم بروحي
ضبع: انتي عرمه مو خايفه

.. سكتت عنه لحد واتصل على واحد وضل يحجي ويا

لحد ما وصلنه يم بيت جان مكتوب يمه مضمد نزل على جهتي وشالني دخلني للبيت جانت اكو غرفه برا دخلنه بيها موجود سديه وادوات طبيه

.. خلاني على السديه واني لازمه ايده اجعص بيها خايفه شويه ودخل الولد سلم عليه واجا شاف رجلي خلالها مخدر واخذ الملقط وبده يطلع بلكازاز جنت مركزه ويا وراها بده يخيط بلجرح ومنتبهه لكل خطوه يسويها خلص ولفها باندج وكال

- مبين ما تخافين
ضحكت وحجيت
الـِن: اخاف من هاي انت شايف الي اني شفته

.. راسا ضبع خزرني وضغط على ايدي رجعت كرصت ايده وصحت متالمه كذب
- شبيج اكو شي ياذيج
الـِن: ايي رجلي شو ضلت تاذيني يمكن راح المخدر

.. حجه بصوت همس بس اني اسمعه
ضبع: عرامه
الـِن: جلب

.. اندار عليه يخزر دنكت راسي خايفه من نظراته

.. الولد كتب ادويه مسكنات وابره كزاز
-هاي الابره لازم تاخذيها ضروري

..هزيت براسي تمام

-اذا تردون اني اضربها الج
ضبع: لا شكرا بعدين نضربها
- ضروريه حيل

..غلس على الولد واجا عليه شالني وطلعنه حجيت

الـِن: ليش ما خليته يضربني الابره بله متت ما شفته شكد لح وكال ضروريه

ضبع: ما تموتين

.. بعد ما جاوبته رجعنه لنفس البيت نزلني بلكاع امشي وهو لازم ايدي يمشيني حجيت

الـِن:شيلني مابيه حيل امشي
ضبع: خلصت اليوم اركض وراج تعبتيني

..اول مافتح الباب جانت الحجيه تلم بلملابس المحركه يمكن هيه الي مطفيه النار عنهن لان جان اكو بيهن مو كلش محروكات اول ما شافتنه كامت على حيلها وتضمهن وراها

.. بس شافها فتح عينه بصدمه وترك ايدي وتقرب عليها

ضبع:هاي شنو

-يمه عوفهن حرك

..تقرب عليها وجرهن منها
نزل على البقيه وهو يشوفهن قطعه قطعه عيونه صارن قطعه نار عكس شكله جان هادئ بوكتها عرفت لازم نخاف من هدوء الضبع

.. شمرهن ودخل للبيت اجت عليه الحجيه
-يمه ليش هيج سويتي

.. سكتت ما جاوبتها ونزلت راسي اجت عليه وسندتني وددخلتني للبيت بعدني بلباب ونزل وهو يصيح بااعلا صوت ضليت ارجف من الخوف

.. اجا تقرب عليه والحجيه خلتني بظهرها
ضبع: الصووووره وين

.. تقرب عليه وهو يبعد الحجيه عني رجعت خطوات حجه وهو ضاغط على اسنانه

ضبع: وين وديتي الصوره

..جاوبت بتلكؤ وخوف
الـِن: ما ..مادري

..رجع عاد عليه بنفس النبره
ضبع: احجي الصوره وين وديتيها
الـِن: مادري يمكن ضاعت وي الملابس

ابتسم بمكر عكس هيئته
ضبع: حلووو يعني الملابس انتي حاركتهن

.. رجعت بخطواتي واني مثبته عيني بعينه خايفه عيونه نگلبن قطعه حمره ماحسيت اله خنكني باايدي وشالني اريد اخذ النفس مااكدر مااحس بس اطراف اصابعي تتلمس الارض شكد حاولت ابعد ايده واضرب عليها ماكدرت اجت الحجيه تريد تبعده ماكدرتله عيوني غوشن اختنكت ماكدرت اتنفس الحد اخر نفس بيه

.. شمرني على الارض متوجعه جريت نفس بصعوبه اجت الحجيه يمي ضلت تغسلي بلمي يله كدرت اخذ نفس جان كل هذا كدام نظره اتقرب عليه خفت ولزمت باايد الحجيه الي ضلت تدفع بي وهو يصيح بااعلا صوت عنده كعد كدامي وصار بمستواي وحجه بصوت

ضبع: الصوره تنبشيها نبش وتطلعيها واذا مالكيتيها احركج وراهن

.. كال كلماته هاي وتركني وطلع اجت الحجيه ساعدتني اكوم

..كعدتني بلصاله وراحت جابتلي مي واجت بعدته ماريد
-ولج يمه ليش سويتي هيج مو تدرين بي مخبل كلشي يسوي
الـِن: شلون اكله هسه اني حاركه الصوره

..شهكت وخلت ايدها على صدرها وكالت
-حررركتيها

..باوعتلها واني خايفه
-الصوره الوحيده البقت لابنه هيه هاي ولج شسويتي
الـِن: لا الله عليج لاادكوليها ومنين اجيبله صوره هسه
- مااعرف
الـِن :الله يخليج ساعديني يسويها هذا ويحركني والله يسويها

..هزت راسها بااسى

..حسيت الدنيا انسدت بوجهي مااعرف شسوي حتى الم رجلي نسيته ضليت كاعده بلصاله والحجيه دخلت لغرفتها وبقيت ابحدي خايفه ماعرف شسوي ماكدر اصعد لغرفتي واضغط على رجلي شويه وفتح الباب ودخل بكل هدوء هدوء الضبع اكثر شي اخاف منه تقرب عليه وكعد كدامي وكال

ضبع: حركتي الصورع

.. خفت وهزيت براسي نافيه
ضبع: احجي الصدك

الـِن: ما حركتها
ضبع: الملابس ليش حاركتهن
الـِن: شكو حاطهن بغرفتك
ضبع: من اسئل سؤال تجاوبيني مو تعيدين عليه بسؤال ثاني
الـِن: انت مو زوجي شنو تخلي ملابس مرتك القديمه بغرفتك اني مااقبل

..ابتسم ورجع كال
ضبع: لا مو زوجج

..ضيقت عيوني
الـِن: طلكني لعد

..كام على حيله وتقرب عليه يجرني من ايدي
الـِن:هاي شبيك ضبع وين ماخذني
ضبع: اخذج لغرفتي هم تصيرين مرتي وهم تخلين ملابسج بغرفتي بعد شتردين

..عرفت قصده شنو وجريت ايدي من عنده حيل ورجعت كعدت
الـِن: ماريد

..رجع تقرب عليه وصار بمستواي وحجه بهمس يخوف وهو يقطع الكلمات
ضبع: لييش حركتيهن
الـِن: مادري ليش

... دفر الطبله اليمه جانت جام تكسرت بلكاع طلعت الحجيه على الصوت اشرلها تدخل ورجع كال وهو يرفع اصبعه بتهديد

ضبع: عندي التحاق اليوم بس انزل الكه الصوره كدامي
افتهمتي

..هزيت راسي بمعنى اي

قبل ليطلع حجيت
الـِن: ضبع
ضبع: شكو
الـِن:ليش ما كتلي متزوج

.. سكت ورجع كال
ضبع: مومهمه بلنسبه اليه علمود اسولفلج

..كال هيج واحس گلبي انعصر واختنكت نزلت دمعه بطرف عيني مسحتها بساع علمود لا يحس وابتسمت

.. اول مره بحياتي اعيش الاهتمام وجان من ضبع صح جنت اكرهه بس ماردت اسمع هاي الحجايه من عنده ..

... طلع ضبع وبقيت نايمه بلصاله مرت يومين على نفس الروتين دائما اساعد الحجيه بلشغل ومرات نطبخ اني وياها رجلي شويه تحسنت كدرت امشي عليها الى ان اجا هذا اليوم ..

..كاعده بلصاله اباوع تلفزيون والحجيه نايمه بغرفتها حسيت على باب الصاله انفتح كمت اشوف منو بس جنت مذهوله بلي شفته شعنده هنا؟؟

دخل واول ما شافني تقرب عليه وكال

..بنيتي

______________

لهنا وخلصنا البارت 💕💕 🌚
بنات عندي احساس هوه احساس مو اكثر ماكدر اكمل البارت الثاني اليوم 😂💔

كتبولي توقعاتكم
-تتوقعون ملاك راح ترجع ؟
-ريم راح تدخل وي المجموعات الارهابيه ؟
-منو تتوقعون رجع للساحه؟