تحميل رواية «صليت عارية» PDF

رواية صليت عارية الفصل الاول

ساره مينفعش يا زفته انتي كل يوم اخش الاقيكي نايمة بالمنظر ده قولتلك كده حرام .. حرااااام ..!! ميت مره قولتلك ابقي البسي حاجه تداري جسمك قبل متنامي ...!!

وبردوا نايمة و سايبه اللاب مفتوح والأغاني شغاله انا مش عارفه اعمل معاكي ايه ..؟؟

خلاص زهقت منك ..؟ كل يوم علي الموال ده وانتي برده مفيش فايده فيكي ..!!

"انا سارة عندي 18 سنة كل اصحابي وماما بيقولولي اني حلوه وان شكلي اكبر من سني بكتير ، في كلية اثار بس مش بروح الجامعه كتير ، غير لو فيه خروجه مع صحابي او حفله او عيد ميلاد حد من الشله ..!!

بحب اسمع الأغاني ومدمنة أفلام اجنبي خصوصا افلام الرعب وبرامج حكايات الرعب والقصص والروايات الرعب وبحب الفيس والانستا واللبس والميك اب.. من الاخر مقضياها ..."

-خلاص يا حاجه قايمة اهوه وبعدين قولتلك انا مبعرفش انام غير كده ..!!

بحب اخد راحتي وانا نايمه .. الله..!!

=يا بنتي بقولك حرام عليكي تنامي كده ، مينفعش تنامي بالمنظر ده ..!!

"هتتلبسي يخربيتك ..!!

وبعدين انتي عندك أخوكي ولد مينفعش يشوفك وانتي نايمة كده..!!

وبعدين نفسي اشوفك بتصلي ولا بتعملي حاجه مفيده في حياتك غير النوم ...؟

-اول حاجه يا ماما ده اخويا وكمان مبيدخلش اوضتي ولو حب يدخل بيخبط الاول وبعدين انا قبل مخرج من الاوضة بلبس حاجه ..

وبالنسبة للصلاة بقا فربنا يهديني يا ستي ..!!

اما بقا بالنسبة لل"هيلبسني ده فاكيد مش هيسيب كل بنات العالم ويجي يلبسني انا يعني .. ..!

ده يبقا جنّ عبيط يعني ..!!

وبعد الكلمة حسيت برعشة في جسمي بس مهتمتش وكملت جدال مع أمي .....؟؟

ابتدت الحكايه لما في يوم جيت من الجامعه بليل ودخلت اوضتي بعد خناقه صغيره مع ماما زي كل يوم

قلعت اغلب هدومي كالعادة وفتحت اللاب وشغلت أغاني وفضلت قاعده علي النت مابين فيس ويوتيوب وخلافه.. بعدها بشوية ماما نادت عليا عشان اتعشي معاهم قولتلها حاضر جايا يا ماما بس كملت قاعدتي علي النت ومخرجتش ....؟؟

علي حوالي الساعة 12 كده كبس عليَّ النوم ..

قومت طلعت علي السرير وسيبت اللاب مفتوح وشغلت مزيكا بصوت هادي وفردت ضهري علي سريري ومسكت الفون ودخلت علي الفيس ....؟!

فضلت اقلب شويه وبعدين قلت اقرأ قصة رعب من الل بحبهم تسليني عقبال منام..

ودخلت علي جروب للقصص الرعب واختارت قصة اسمها "صَلَّيْتَ عارية""

بصراحة اسم القصة لفت انتباهي و شدني والقصة كانت سهلة وبالعامية وابتديت اقرأ القصه والل كانت بطلتها تشبهني كتير في ظروفي وطريقتي وأسلوبي في الحياه ...

القصة كانت ف أولها عادية جدا وبعدين بدأت أحداثها تزداد رعب وفجأه..؟

جالي شعور ان في حد معايا في الاوضة ..؟؟

خيالات راحه جايه ..؟؟

شيلت عيني من علي الفون ثواني وابتديت اركز في كل أركان اوضتي ..؟؟

بس ملقيتش اي حاجه غير عادية وابتسمت وقلت ده اكيد تأثير التعب وعشان النوم كابس عليا وكمان عشان بقرا قصة رعب ..!!

بس بدون مقدمات ومرة واحدة ...؟؟

حسيت بحاجه نايمة جنبي علي السرير ..!؟

ايوه نايمه جانبي .. سامعة نفس حد ..؟؟

حاسه بحرارة جسمة ..؟؟

بس مش شايفه بعيني حد موجود ..!!

جسمي كله اتلبش ومبقتش قادرة أتحرك ..؟؟

بحاول الف وشي وابص اشوف ايه ده ..؟؟

بس مش قادرة ..!!

وبعدين الأمور زادت ..؟؟

هذا الكيان الغير مرئي ابتدي يقرب وبحس بيه اقرب مني من الاول ..!!

يقرب يقرب يقرب ...

وابتدي يتحسس جسمي الشبه عاااري ..

صرخت بأعلي صوت محدش سمعني ..؟؟

صوت الأغاني اللي انا مشغلاها علي اللاب بيعلي ويزيد لوحده .. ؟؟

حاولت أقوم بس حسيت ان في زي أيد ماسكة في ايدي ومكلبشاني ..؟؟

مش قادرة أتحرك من علي السرير ..

بدأ يتلمس كل جسدي وكلما زاد ملامسته لجسدي زاد صراخي لكن دون جدوي مفيش حد بيسمعني ....؟؟

سامعه صوت اخويا بره الاوضة بس هوه مش سامعني ....؟

صوت الأغاني عالي بس صراخي اعلي ، بخبط برجلي علي الحيطه اللي جنبي بحاول اعمل اي حاجه عشان حد يسمعني ، بصرخ .. بعيط .. بستنجد وبنادي بس تقريبا مفيش فايده تقريبا محدش سامعني وكأني بصرخ من غير صوت ..!

السرير بيتحرك بيا بيترفع لفوق وينزل تاني ولسه الشئ ده بيتحسس في كل جسمي بل زاد الامر عن التلامس والتحسس ...؟!!!

صرخت صرخت صرخت بكل قوه ..؟؟؟؟؟

قومت من النوم ..؟؟

ايه ده ..؟ كان كابوس ..!!؟؟؟

معقوله لا انا كنت مفتحه عيوني كان كل شئ حقيقي ..!!

باخد نفسي بصعوبه الأغاني شغاله زي مهيا

بنفس الصوت الهادي كل شئ طبيعي بالاوضة بتاعتي .. ..؟

بس انا مرعوبه جسمي بيترعش قومت جري عشان اخرج علي بره بسرعه ، مرعوبه من اللي شوفته ف الكابوس الغريب ده..

وقفت عند الباب ..؟؟

هخرج ازاي كده ..؟؟؟!!

صوت اخويا بره وانا مش لابسه "كل هدومي "

رجعت تاني وقولت هلبس حاجه واخرج اقعد شويه بره مع اخويا لحد مهدي شويه وانسي الكابوس المرعب ده وابقا كويسه...

فتحت الدولاب طلعت هدوم البسها ببص علي ايدي ...؟؟

علامات 3صوايع معلمين علي كل أيد من اديا مكان المسكه ..؟

يعني ايه مكنش حلم ...!؟ لاااااا

اتفزعت وفجأة ..؟؟؟

سمعت نفس حد ورايا وسخونة شديده والأغاني في اللاب بدأت ترتفع اكتر واكتر وابتدي الشئ ده ..؟

...لااااااااااااا .

رواية صليت عارية الفصل الثاني

سامعه صوت نفس من ورايا وسخونة شديدة وصوت الأغاني زاد جدا وابتدي شئ يحضني من ورا ظهري ...؟؟؟؟

صرخت

وصرخت وصرخت

فتحت عيني ..؟؟

لاقيت نفسي علي السرير لسه ..!!؟

قومت بصيت علي ايدي مفيش حاجه ..!!

يعني كل ده كابوس ..؟؟

كابوس جوه كابوس ..؟

جريت مرعوبه ولبست بسرعه جدا وخرجت قعدت مع اخويا ومرجعتش الاوضة بتاعتي تاني غير لما النهار طلع ..

دخلت الصبح الاوضه وبعد محاولات كتير للنوم قدرت انام عادي جدا ومحصلش اي حاجه ، انا قلت مجرد كابوس وخلاص انتهي ونمت ..

صحيت علي صوت امي كالعادة :

قومي بقا يا زفته العصر هيدن ايه هتنامي طول النهار يعني..؟

يعني ولا روحتي الجامعه ولا حتي بتقومي تعملي اي حاجه معايا في البيت ..؟؟

حاضر يا حاجه قايمه قااااااايمة ...!!.

وقومت بس مرضتش احكيلها علي الكابوس عشان متقوليش مش قولتلك هتتلبسي والكلام ده بقا وتتشفي فيا وبيني وبينكم انا محطتش في بالي اصلا..

قلت مجرد كابوس زي اي كابوس وراح لحاله ....

بليل دخلت اوضتي وتقريبا نسيت اللي حصل امبارح وفتحت اللاب وشغلت أغاني وبرده قلعت اغلب هدومي كالعادة وقعدت أكلم صحابي علي الفيس

بعد شويه دخلت علي جروب القصص الرعب وابتديت أدور علي قصه اقرأها بس المرادي وانا قاعده علي اللاب مش من الفون ...

لمحت نفس القصة "صَلَّيْتَ عارية" فتحتها ..؟

ايه ده مش دي القصه اللي كنت بقراها امبارح قبل منام ونمت ومكملتهاش ..؟ اه هيا فعلا

ابتديت اقرأ فيها تاني وهنا افتكرت الكابوس ..!!

طب اقرأها ولا لا ..؟؟

خوفت جدا لما افتكرت كابوس امبارح..؟؟

بس شيلت الموضوع من دماغي بسرعه عشان مخافش وكملت قرأة ....؟؟؟

شويه وانا بقرأ في القصة ومندمجه مع الأحداث اللاب فصل شحن ..؟

ايه الفصلان ده بقا ..؟

قومت أتأكد من فيشة الشاحن روحت لحد الفيشة شيلتها ورجعتها تاني مكانها عشان لو مهزوزه ولا حاجه تشتغل ..؟

وراجعه تاني للسرير بس شوفت حاجه خلعت قلبي من مكانه ...؟؟؟

بصيت لاقيت شئ غريب قاعد علي السرير قدام اللاب وباصص ليا ..؟؟؟!!

زي ميكون راجل بس ده مش بني ادم ..؟؟

كيان غريب من غير ودان تقريبا واصلع ولون جلده اقرب للأزرق وفتحة فمه بالطول مش بالعرض وعيونه ضيقة جدا وأيده فيها 3 صوابع بس وليه حوافر زي الحيوانات ....!!؟

منظر فظيع ومرعب ..؟؟

حرارة جسمي ارتفعت ورجلي اتمسمرت في الارض ومش قادرة أتحرك ولا اتكلم ..

ولا نفس داخل ولا نفس خارج مني ..!!

واقفه مصدومه ..!!

الكيان ده بص ناحيتي وقالي بصوت أدمي ..؟

تعالي متخافيش ..!!!

صوتي مش طالع ..

نفسي أصرخ...

نفسي اجري ...

نفسي ...يغمي عليا ...

نفسي اموت حتي ..!!

بس مشوفش المنظر المرعب ده ..!!

وف بالي بقول يارب يطلع كابوس ..!!!

يارب يارب اكيد هوه كابوس زي امبارح .عاوزه افووووووق ..

نادي عليا تاني وقالي قربي واتكلمي ..؟

صرخت .. صوتي طلع بس تقريبا محدش سامعني صرخت كتير بس مفيش فايده..!

قالي محدش هيسمعك ..!

طب انت ايه ومين وعاوز ايه مني ...؟؟

ده كابوس انت مش حقيقي وانا هفوق دلوقتي وابتدت دموعي تنزل ...

حطيت ايدي علي خدي أتأكد من وجود دموع .. لاقيت دموع فعلا يعني ده حقيقي ..؟

بحاول اتشبس باي حاجه تقنعني ان ده كابوس ...بس واضح فعلا انه حقيقي ...

قالي انا بحبك ومراقبك من زمان واعرف كل حاجه عنك وعاوزك معايا في العالم الخاص بيا ...

اتصدمت وبقيت في حاله هيستيريا بضحك وبعيط وبقوله سيبني في حالي اجي معاك فين انت مش حقيقي ده كابوس ..

وبحاول اهرب بس مش قادره ..؟؟

رجلي مش بتتحرك من مكانها !!

ابتدي يقرب مني وكأن نار جايه عليا ...

قرب اكتر وقف قدامي مقدرتش ابصله

مسك ايدي وابتدي يشدني ناحية السرير ..

بمشي معاه مش عارفه ازاي ..؟؟

وصلنا للسرير ابتدي يتحسس في جسمي زي امبارح بالظبط بس المرادي وهوه موجود فعلا قدامي..

منظره فظيع ماسك ايدي وبيحاول يحضني ..

صرخت تاني صرخت كتير حد يرد عليا حد يلحقني ...

باب الاوضة اتفتح .. دخلت امي ...!؟

ردت فيا الروح ..!

وحسيت بالأمل من تاني ..!!وبصرخ وبقول الحقيني يا ماما الحقيني وصريخي زاد ...!!

أمي وقفت قدامي وقالت ..؟؟

..: برضة يا سارة نايمة من غير هدوم ومشغلة الأغاني انا مش عارفه اعمل معاكي ايه ربنا يهديكي يا بنتي وخدت حاجه من الاوضة وخرجت....!!

وكأنها مش شايفة حاجه من اللي بيحصل ...!!!!؟

اتصدمت والأمل ان حد ينقذني راح وفضلت أصرخ ..!!

لا لا متخرجيش يا ماما متخرجييييش الحقيني انا صاحيه اهوه مش نايمه ارجعي الحقيني الحقيني..

مش سامعاني تقريبا ..!!

قفلت الباب وخرجت ..!!

لا لا لا لا لا لا لا....

رواية صليت عارية الفصل الثالث

لا لا متخرجيش يا ماما متخرجييييش الحقيني انا صاحيه اهوه مش نايمه ارجعي الحقيني الحقيني..

مش سامعاني تقريبا ..!!

قفلت الباب وخرجت ..!!

لا لا لا لا لا لا لا

ازاي مشفتهوش ..؟

اه يبقا اكيد انا بحلم ..؟

بس هوه كان لسه مسكني . وقالي لا ده مش حلم.. وانتي بتاعتي ولازم اخدك معايا ..؟'

فضلت أصرخ وأبكي واقول يارب يارب يارب

ودي كانت اول مرة انادي واطلب مساعدة ربنا !!!!

نفسي اقرأ قرأن بس مش حافظة ..،!!!!

فضلت أقول يارب .. ياااااارب احميني ...

الفجر أذن ..!!!

باب شباكي اتفتح لوحده وهوه اختفي في ثانية .. كل شئ رجع لطبيعته ..

وقعت من طولي علي السرير ....!!

الصبح : سارة سارة قومي يا بنتي عشان تفطري معانا قومي كفايه نوم وبرده مشغله الأغاني ..؟

يخربيتك فاتحة الشباك ونايمة بالمنظر ده انتي ايه اتجننتي خلاص ..؟؟

قومت ... الشباك مفتوح وأمي بتزعقلي بصيت علي ايدي علامات صوابعه موجوده بصيت لامي وانهرت من العياط ....

في ايه يا بنتي مالك يا سارة وخدتني في حضنها ..

هديت شوية وحكيتلها علي كل حاجه حصلت ووريتها دراعي ..!!

اتصدمت وضمتني اكتر لحضنها وفضلت تعيط معايا ..

ليه كده يا بنتي ياما قولتلك .. ..

ربنا يحفظك ويحميك وابتدت تقرأ قرأن في كل الاوضة ..

خرجنا كنت مرعوبه أعد في الشقة بس امي فضلت جنبي مسبتنيش وقالتلي انا هتصل بخالتك تبعتلنا شيخ هيا تعرفه ..

بالفعل اتصلت والشيخ جيه البيت وقعد معايا وحفظني بعض آيات القرأن من غير ميلمسني ودخل اوضتي وبدأ يقرأ قران وقعد لوحده جوه حوالي ساعه وخرج ...

وقالي ان شاء الله انتي مفكيش حاجه بس متناميش غير وانتي ساترة نفسك وواظبي علي الصلاة وقرأه القرأن وبالتحديد الآيات اللي اديتهالك ومتخافيش من حاجه غير ربنا وخليكي قويه ، ربنا يحفظك ويحميكي يا بنتي ...

الشيخ مشي وانا من وقتها ابتديت اصلي فعلا واقرأ قرأن وقررت أغير حياتي ..

اول فترة مكنتش بنام في الاوضة خالص ومكنش بيحصلي اي حاجه ..

وبعدين فتره بقيت انام في الاوضة بس ماما كانت بتنام معايا...

وشويه شويه وبعد فتره اكبر نسيت الموضوع واطمنت اكتر وبقيت انام لوحدي في اوضتي ومحصليش اي حاجه تاني ، بس كل ده وانا مواظبة علي الصلاة والأذكار الل علمهالي الشيخ وحتي الفجر بصليه في وقته وتقريبا حياتي كلها اتغيرت...

مع مرور الوقت بقيت افتح فيس وأشغل أغاني بس مستمرة في الصلاة وقرأه القرأن ...

عدت تقريبا اكتر من سنة ومع الوقت ابتديت أهمل في الصلاة....!!!!؟؟

ويوم قاعده سهرانه وبسمع أغاني حسيت بسخونة شويه في الجو ، قومت قلعت اغلب هدومي ورجعت قعدت علي الفيس ..

دخلت جروب القصص الرعب وابتديت أدور ..

نفس القصة ياااااه لسه موجودة ..!؟؟

انا لسه مكملتهاش لما اخش اكملها "صَلَّيْتَ عاريه""

انا وصلت لحد فين ..؟؟

اه لحد ما البنت ابتدت ترجع زي الاول ومبقتش تواظب علي الصلاة ...

الفجر أذن .. عملت نفسي مش سامعة ..

وابتديت اكمل القصة ...

سمعته من ورايا بيقولي وحشتيني ..!!!

اخيراً رجعتي ليا تاني...!!!

كنت مستني ترجعي من زمان ..؟؟

لفيت وشي ببطأ وبصيت ..؟؟ ايوه هوه نفس المنظر البشع واقف ورايا ...

جسمي اترعش وغرقت عرق في ثانيه وبحاول افتكر الآيات اللي حفظهالي الشيخ بس تقريبا ذاكرتي اتمسحت ..؟!

قومت وانا جسمي كله بيتراقص ويتنفض من الرعب ، مفيش أعصاب وبقول ألحقني يارب انا خلاص هرجعلك تاني وهرجع اصلي ...!

جريت علي المصلية مسكتها وفردتها وبحاول أصلي وانا شبة "عاريه" ....!!!!!

رجعت تاني منا مش هينفع اصلي كده ..!!

شدني وحضني من ضهري وحط أيده علي عيني وقالي خلاص انتي بقيتي بتاعتي وهتيجي معايا دلوقتي ....

شال أيده وفتحت عيني ...؟؟

انا فين دي مش اوضتي ولا ده بيتنا ولا ده عالمنا يعني ايه خلاص انا هكمل هنا لا مش ممكن ...!!

لا اكيد مش هتكون دي نهايتي وفضلت ابكي وأقول ياااارب اديني فرصة تانيه ...؟؟؟

بس تقريبا خلاص مفيش فرص تانية ...!!!

بس انا استاهل عشان طول الوقت مش بعمل حاجه صح وطول الوقت بعيده عن ربنا حتي لما جاتلي الفرصة ارجع لربنا واعمل حاجه صح في حياتي مقدرتش استحمل وأكمل ورجعت تاني زي مكنت ...!!!

سارة ..؟؟

انتي يا زفتة يالا عشان نتعشي هنستناكي سنة يلا الأكل هيبرد ....!!!

حاضر خلاص جيت يا حاجه كنت بقرأ قصه اصلها قصة جامده اوي يا ماما...!

وقصة ايه دي يا حبيبتي ..؟؟

دي قصه رعب اسمها "" صَلَّيْتَ عارية""

عاريه لابسه المهم انهابتصلي ، عقبالك يا بنتي لما ربنا يهديكي وتصلي زي بطلة القصة وتلحقي نفسك وتغيري حياتك

ههههه منا خلاص بعد القصة دي قررت اصلي يا ماما وأغير حياتي الحمد لله..