رواية سني وعشكت علوية الفصل الثالث 3 - بقلم اميرتهم

&سني وعشكت علويه&

###بقلم اميرتهم ###

‏أحبّك،
‏هل تعرف معنى ذلك ؟
‏أعني أنْ أحفر قبوًرا لك في صدري، تهرب
إليه كلما شعرت بالخوف💜

رجعت لبيت متلهفه.  الظهر. خليت صوره ابنيه لابسه حجاب وعليه شطفه خضره

وصوره الغلاف شعر حزين عن فقد الام

وكتبت اسمي صغيرة امي

وبعدين تابعت صديقاتي ودخلني ع منتدئ لكيت اغلب  بنات المدرسة ب منتدئ

وكل وحده ناشره غزل وشعر

عجبني وضيعت وقتي بيه حتئ ما نمت ظهر

صارت ب ربعه العصر لان دنيه شته

طلعت م̷ـــِْن غرفتي الي هي الي ولمحسن نام بيه احنا

نزلت شفت والدي وعلوية خديجة كاعدين  يشربون  جاي

رحت يمهم سلمت وبست والدي م̷ـــِْن راسه

السيد: هله بحوريتي شلونج بويه

حوراء:الْحٍمَدٍ للـّہ السيد بـّخـْير انه ما دام عيوني شوف عيونك

السيد علي : يا بت الحبيبة حتئ حجيها مثلها

حوراء:جان قصد والدي ع والدتي •اللّـہ̣̥ يرحمه

تنهد والدي وكام

حاجه العلوية خديجة

السيد علي: علويه انه رايح ازور لامام الحسين
لٱ تانوني ع عشه

وخلي السيد سجاد يجعد بمجاني بالمضيف خاف تجي الوادم تكصدنه

العلويه خديجه: ع امرك سيد

التفت السيد علي لبتنه وكال

السيد علي: حوريتي ترحين وياي

حوراء:كيفت لان مختنكه واريد ازور الامام بس ما كلت لوالدي لان مرات يكون عدنه شغل بالعتبه وما يكدر ياخذني وياه

ي سيد يا ريت والله لان مختنكه

السيد علي: واسفه وانه ابوج منو لمكدر خاطرج

حوراء:محد وياي بوية بس انه مشتاكه لزيارة وخصوصا وياك

السيد علي: جا كومي بعد ابوج وخلي نحلك ع صلاه الجماعه مالت العشه

حوراء:صار بويه ركضت بسرعه لغرفتي بدلت ملابسي ولبست فستان حلو لون بيجي وشال بلونه وجواريب وعبالتي

كبل لٱ اطلع ضميت موبايلي بالكنتور ونزلت

لكيت ابوية منتظرني هو   محسن.

السيد علي: هَـ (⊙﹏⊙) ــاآ بويه خلصتي

حوراء:يي بوية

السيد علي: يله علوية احنه نتوكل

طلعنه بسيارتنه وياي اخوي  محمد هو يسوق السياره والدي بصدر وانه و محسن ليـّۓ وره كاعدين

السيد محمد: يي حورية الًيَوُمًِ طالعة

حوراء:ههه ي طلعت بفضل السيد علي

السيد محمد: افه جا وانه مو بعينج

حوراء:يففدوه رحتك اني انت  تاج راسي شلون مو بعيني

السيد محمد: والله يا علوية صايرة لويته ومحد يغلبج ب لحجي

حوراء:والدي يسمعنه ويضحك عتالي كال محمد

السيد علي: سيد وانه ابوك انتبه ع طريقك اريد ازور جدي وانه سالم

حوراء:وصلنه لامام والدي عده باج فتدخل السياره جوه

نزلنه م̷ـــِْن سياره دخلنه لصحن

السد علي :حورية روحي دخلي زوري وبعد الصلاه طلعينه بهذه المكان

حوراء:حاضر سيد رحت دخلت لضريح جان كلش ازدحام لان جانت ايام استشهاد فاطمة الزهراء. عليه السلام

كعدت اُصًلًيےّ واقره قران صارت صلاه العشه صليت جماعة  وكملت. طلعت لكيت  محمد واكف

اجيت يمه

هَـ (⊙﹏⊙) ــاآ سيد جا ابوي وينه

السيد محمد: هَــْـِْـْْـِلاّ بعد اخوج هسه يجي السيد عد شغيله ويه واحد م̷ـــِْن الساده الموجدين بالعتبه تعاي اكعدينه لبين ما يجي السيد
كعدنه اني ومحمد

ضليت اباوع ع زوار مرت اكثر م̷ـــِْن نص سَـآعــهْْ واجه ابوية و محسن

السيد علي: السلام عـْليگمٌ- بوية

حوراء و محمد: وعليكم السَلٱمٌ ۈرحـْمّـٌة ٱللـّہ ﯙبُرگـّاتہ. سيد

السيد علي: يله بويه كومو نزور ابا الفضل

حوراء:گمنه زرنه ابا الفضل وزرنه  التل الزينبي ومخيمات

وبعدين طلعنه دخلنه والدي لمطعم يعرفة لعوائل فقط

يعني بين ميز طعام والثاني موجود فاصل بينهم

كعدنه
طلب والدي الاكل تعشينه وكملنه ورجعنه لبيت كانت بحدود العشرة ونص باليل صعدت لغرفتي بدلت وكملت وكعدت اقره

لان الًيَوُمًِ كلشي ما قارية

للوحده بليل كملت واجباتي

ذكرت موبايلي طلعته م̷ـــِْن الكنتور دخلت ع برنامج شفت هواي اشعارات وهواي متابعيني

وشفت البنات بالمنتدئ يراسلن سوه وينشر

دخلت ع برنامج الخضر الي وياه لكيت ايمان ومروه مراسلتي رديت عليه

شوي ونمت

اصبح كعدت ع دكت الباب والدي يكعدنه علمود نصلي صلاة الفجر

كمت توضيت وصليت بعدين بدلت وكعدت اراجع دروسي لبين ما صار الريوك تريكت واجه الخط وطلعت. جنت بس انه وايمان بالخط مروه ما مسجله ويانه

سلمت عليهن وكعدت اسولف انه وايمان

وهم علمتني كم شغلة جانت جيب موبايلها ويانه وتخليه يم معاونه

خلص الًيَوُمًِ بالدوام ورجعت لبيت اتغديت ودرست محسن دروسه هسه بكلوريا بصف سادس ابتدائي

وخلصتي دروسي

صليت العشه ونزلت يم نسوان اخواني بالمطبخ اشتغل وياهن

شفتهن كالبات وجهن شلون ما نزلت م̷ـــِْن وكت

عفتهن ورحت يم علوية خوله

علوية اشو البنات ما دري شبيهن ضايجات مِڼـّي والله جنت ادرس سيد محسن وبعدين درست وصليت وما نتبهت لوكت

علوية خولة: جا يمه حقهن انَـỲǑŲـْتي ما تعاونيه  بشي

وهنه م̷ـــِْن صبح ليـّۓ هسه ع فرد وكفه وانتي م̷ـــِْن جيتي م̷ـــِْن دوامج الي هسه بغرفتج

حوراء:علوية مو كتلج جنت ادرس

علوية خولة  يا حوراء انَـỲǑŲـْتي ما تردين ساعديهن كوليه لانج علوية وما يصير جذبين جا عفتي دراستج ليل

حوراء:ستهضمت م̷ـــِْن حجيها شيصير لو يوم ما ساعدتنهن تنكلب الدنيا

اكيد لْـۆ امي موجود جان دافعتي وما خلت احد يحاجني

تالي العلوية طلعتني جذابه

كوه حسبت دموعي وطلعت م̷ـــِْن غرفته

ركضت ع مغسله اغسل وجهي قبل لٱ ينتبه احد عليه

باوعت عيون صارت حمر

يفضحني لذا بجيتي بسرعه يبين عليهن

كملت التحضيرات العشه وتانينه السيد يرجع م̷ـــِْن جامع ونصب

اجه السيد فرشنه السفره

احنه هواي نفرش سفرتين وحده لجهال وحده لولد وزوجاتهم

والسيد ولعلويات وانه ومحسن

رغم ولد اخواني اكبر م̷ـــِْن سيد محسن بس والدي ما ياكل أإأذأإأ مو محسن بصفه

خلصنه عشه وبعده صعدت لكيت محسن ع فرشاه ستغربت

تقربت عليه

محسن شبيك شو اليوم مو ويه السيد

محسن: تُعباُنٌ علويه اريد انام

حوراء:ما قتنعت بكلامه حتئ لْـۆ تُعباُنٌ لْـۆ مّرَيَـضّ يكعد يم السيد لبين ما يدخل ياله يدخل

كعدت ع جربايته
كلي منو وياك مو انه اختك

محسن: ما بيه شي حوراء عوفيني

حوراء;محسن حساس كلش م̷ـــِْن ابسط كلمه يضوج

حلفتك ب امي  دكول

محسن: سيد علي

حوراء:قصد سيد علي ابن اخوي منتظر يي شبيه وياك

محسن: يكلي السيد ما ميت عليك ويخليك يمه ع سفره مو انه اكبر مـڼـڱ واكعد ويه الجهال بس انته لان امك ميته ويتيم فهو ما يريد يقهرك

يخاف م̷ـــِْن ربه لان القران الكريم يكول (اما اليتم فلا تقهر)

حوراء لَيــِْ♡̷̴̬̩̃̊ـِْش. انه ما عدي ام م̷ـــِْن اول ما نولدت

حوراء:نزلت دموعي وشبكته انه امك واختك لٱ تضوج فدوه وسيد علي  من يحجي هيج  لان مقهور.  ما يخلونه يكعد بسفره ويه السيد

محسن: انه ما ضجت لان هو يحجي الصدك لْـۆ امي عايشه جا كعدت وياهم واكلت

بس انه ما ردت ابوي يشوفني ضايج ويسئلني شبيك وما اكدر اجذب عليه
وخفت ع سيد علي لٱ يعاقبه

حوراء;مسحت دموعي وبسته م̷ـــِْن راسه عفيه حبيبي لٱ تحاجي ابوي لْـۆ منتظر لان راح يعاقبونه ع كلامه

وخطيه هو بعده صغير

محسن: انه اعرف علويه ما حاجه دكيلي وانتي امسحي دموعج وبعد لٱ تبجين لان انه اضوج

حوراء:مسحت دموعي وضحكت حبيبي فدوه لصاير زلمه جبير

هسه تروح لمضيف

محسن: لٱ راح اقره امتحاني لان كلت لابوي راح اقره وانه صدك ردت اقره مَـرّھٌ ثانيه

حوراء:براحتك سيد اقره وهم امتحنك ثاني مَـرّھٌ

كمت طلعت كتبي

وطلعت موبايل ضجت حيييل اليتيم يضل يتيم لْـۆ شما كثرو الناس. ل حواليه

دخلت ع منتدئ شفت البنات. ناشرت منشورات لضحك وهاي عفتهن رحت نشرت بصفحتي

صوره ام حاضنه بنيه

وكتبت عليه

أَحسَستُ بِغُربةٍ في الزمانِ والمكانِ، ذَهَبتِ وذَهَبَ مَعَكِ كُلّ الحنان، أُمّي يا رَوحاً طَاهرةً تَهيمُ مِن حَولِي، يا حُضناً دَافِئاً كَم شَكوتُ إِليهِ هَمّي، أَشعُرُ بِرَوحُكِ العَطِرَه امي عودي الي فقد  فاقه اشتياقي اليك كل انوع الشوق

طلعت م̷ـــِْن البرنامج وكعدت اقره بس بالي ابد مو يم دروسي

باوعت ع محسن همين ضايج بس كاعد يقره ضيت صافنه عليه ونزلت دموعي

شذنبك انته اجيت ع دنيا وامك ماكو

وشذنبي انه بعمر ثلث سنين تيتمت وما عشت ويه امي مثل ما كل البنات يعيشن ويه امهاتنه

تغطيت وضليت ابجي ما اريده يشوفني ويضوج

غفيت وانه ما ادري بروحي
مر الوكت

حسيت ع بوسه انطبعت بجبيني وصوت والدي يردد

بويه حوريه نامي عدل مو زينه عليج هيج نومة

كعدت ع حيليـّۓ

هَـ (⊙﹏⊙) ــاآ بويه

السيد علي: منو وياج حوريتي عليش هيج عيونج م̷ـــِْن بجي

وشبيه اخيج اشو انتم الًيَوُمًِ ما عاجبيني ثنيكم منهو الغاثكم

حوراء:محد سيد

السيد علي: شنهي حوريتي جا تعلميني بيكم

حوراء:نزلت دموعي مشتاكه لنجف سيد اريد ازور امي واعاتبه عليش يتمتنه

تقرب عليه وحضني خله راسي ع صدره وباسني م̷ـــِْن راسي وضل يمسد ع شعري

السيد علي: بويه علويه هَـ (⊙﹏⊙) ــاآ بدال ما تترحميلها وتقريلها قران هيج تحجي كليلي منهو لمضوجج وجاي تعاتبين امج لان عافتكم

كليلي يحوريتي اخاف انه مكصر بشي وياكم لجن ما اريد حبيبتي تزعل مِڼـّي لان مكصر ويه ضناها

حوراء:بسته م̷ـــِْن صدر وحجيت ما مكصر بويه بس انه مشتاكتله صارلي هواي ما رحت

السيد علي: سهله وانه ابوج هاي الجمعه نروح لنجف

ولا تبجين علويه تراه دموعج اتاذئي محبوبتي

حوراء:شلت راسي م̷ـــِْن صدره ومسحت دموعي ع امرك سيد

كام مِڼـّي رجع ع محسن باسه وغطاه

وباسني م̷ـــِْن راسي وطلع

طار النوم م̷ـــِْن عيني

دخلت ع منتدئ

شفت شكد اشعارت فوك 50

دخلت عليهن لكيت صديقاتي معلقات ع منشوري بالله يرحمها او •اللّـہ̣̥ يصبرج. ومن ضمهن شفت تعليق

لولد اسمه مصطفئ التكريتي. كاتب بيه كان •اللّـہ̣̥ بعون قَلبـ♡ــيےك. يا صغيرة امكي

يتبع ....

بارت مفاجئ لتفاعلكم الحلو عاد لٱ تقصرون بتصويت حبايب قَلبـ♡ــيے.

وكل عاده غلسو عن الاخطاء الاملائيه لان مع الاسف ما آحـبُ:* اراجع لبارت 😔