رواية صرخة قلب الفصل الخامس 5 - بقلم سحر الغرام

الكاتبة *
سحر الغرام
********ب5ص

سلامي حبايب اشلونكم
          ………

"خلونه نقرا بارت جديد
ونشوف شنو راح يصير بهيام "

…………………………💥…………………………

  "الحياة مثل البحر متناوبة ما بين مد وجزر فيوم لك ويوما عليك فتريث وانتبه لخطواتك فهناك عثرات
لا بد من اجتيازها بالتأني والحلم "

…………………………💥………………………

هيام الموت الج راحه واني مستحيل اخليج ترتاحين
عمي من بعد اذنك هيام مرتي واني الاتكفل بعقابها
وما اقبل تموت بهل سهوله

اذا ماتت راح ترتاح واني ما اريده ترتاح اريدها تشوف الويل اريدها تتعذب راح تكره اليوم العرفتني بي

سحلها من شعرها وكومها واخذها وهي تمشي كوه اندارت لبوها لاتصدك هذا كله بويه اني بنتك يمه احجي شي لا تسكتين

ابو هيام ....لحضه ضرغام قبل لا تروح اريد اكول شي وكدام الكل بنتي هيام ماتت وطميتها بالنجف وهذا البنت مو بنتي متبري منها وهسه تكدر تاخذه واتمنه ما اشوفها طول عمري

لااااااا بووووويه الله يخليك لا تعوفني لا تحجي حجي بعدين تتحسف عليه
كام ضرغام يجر بيها جر وهي تبجي وبنضراتها تترجه اهلها بس ماكو ولا احد صدكها

بوووويه ما راح اسامحك بحياتي ما اسامحك واني الاتمنه اموت وما اشوفك

كام ضرغام يجر بيها واخذها لبيتهم الجديد نصه ما مجهزينه ودخلها لغرفه ازغيره ما بيها اي شي قبل خططوا يسوونها مخزن ما بيها اي افراش وحتى الشباك ازغير وفوك محد يكدر يلوحه اله درج

ضرغام بس افهمني انطيني فرصة اشرحلك انته ليش ما تثق بيه هااا لك احجي الله يخليك اني هيام حبيبتك.

هسه راح اراويج شنو الاسويه بحبيبتي

نزع الاحزام وكام يضربها بكل مكان وهي تحاول تحمي روحها بدينها الناعمات بس هيهات لمن تنادي تعبت من كثر الضرب

بقه نص ساعه يضرب بيها وهي طاحت على وجها وبعد ما تكدر تتحرك الشي الوحيد الي يأكد هي عايشه ونينها بس حتى بواجي بعد ما تكدر تبجي

ترك الاحزام ودنك صار من مستواها وكمشها من شعرها ورفع وجها اله
اليوم اعتقد كافي عليج وباجر يبدي عقابج الصدك كل هذا ولا شي راح تبقين مسجونها اهنااااا طول عمرج وما تشوفين الضوه وكل يوم راح اراويج عقاب المجرمين بحالهم وما يتحملونه خليني اشوفج انتي تتحملين وراح احرمج من شوفت اي واحد

طلع وقفل الباب عليها وهي فاقده بس تون ما تكدر تحجي ولا تتحرك وكل جسمها يوجعها ويون عليها رادت تكوم بس ما تكدر صار غواش على اعيونها وبعدها غابت عن الوعي

بعد مرور ساعات تقريبا الساعة30: 3 بليل الجو جان بداية الشتاء

ضرغام جاب سطل ماي بارد وفرغه عليها هي انتفضت وكامت مخروعه وتستنجد بضرغام رغم كل الالم الشافته منه

ضرغااااااام اااه اااه كامت كوه تجر النفس وترجف انتبهت على الشخص الواكف اگبالها هو ضرغام

ضرغام ………

اي ضرغام بس وغلاتج راح تتمنين يجيج عزرائيل مو ضرغام لان ضرغام راح يصير جهنم بالنسبه الج

نارك جنتي ضرغام

هههههه هذا كلامج ما يغير من الواقع الدنعيشه وما يخليني اخفف من عقوبتج

هسه راح اتركج والصباح رباح

تركها وقفل الباب الغرفه وقفل الباب الرئيسي وراح لغرفته البيت اهله  يتكلب ما يكدر ينام كل مره تنام بحضنه هيام ودفي فراشه بس هسه منو تدفي

بقه نص ساعه يتكلب اخير شي راح واخذ ملابسها وتغطى بيهن يله كدر ينام

جنت كاعد بمكان كله خضار وفجأة سمعت هيام تستنجد تطلب المساعدة ركضت وره صدا الصوت وشفت هيام واگعه بحيره كلش عميقه وتستنشق انفاسها الاخيره 
تطلع راسه وترجع تغط ركضت اريد اطلعه وصرخت هيااااااااااام فزيت لكيت روحي بغرفتنه اتذكرت هيام اهناك واكيد هسه خايفه ومرعوبه خليني اروح اشوفها هي ما متعوده تبقه وحدها ……بس لا خليها تستاهل اليصير الها

ضل عقلي يناقش گلبي ونتها النقاش بقرار من كلبي لازم اروح الها

وصلت وفتحت الباب وشفتها نايمه بوضعية الجنين حاضنه روحها وتهذي اقتربت منها اتلمست جبينها صايره نار حرارتها حيل مرتفعه شلتها واخذتها للحمام گعدتها وفتحت الدوش عليها وهي فاقده

بعدين اشويه اشويه بدت ترجع لوعيها بس شكلها تعبانه وما تكدر تتحرك يمكن جسمها يوجعها واثار الحزام بينت بجسمها لان جسمها ابيض حيل

ردت ابدللها ملابسها وتذكرت ماكو عدها ملابس بهذا البيت
كعدتها ورحت لميت كم لبسه الها وجبتهن لكيتها واكعه وما تكدر تكوم عدلتها وردت اغير ملابسها بس مسكت ملابسها حيل معناها ما تريدني اني ابدللها
(من لمته هيام ترفضين هل شي نسيتي كلشي ااااخ)

حطيت ملابسها يمه وطلعت اشويه ورجعت الها لكيته كوه تشيل ايدها وتحاول تنزع ملابسها بس ما تگدر

اتجاهلت رفضها ونزعته ملابسها ولبستها ثوب جديد وما امبلل وشلتها (اااوف يا عافيتي اتخبل على ريحتج من تطلعين من الحمام ليش حرمتينه من حياتنا الحلوه)

الكاع بارده واذا رجعت نامت بالگاع هم ترجع تتمرض كعدتها على كنبايه وطلعت بطانيه وفراش ومخده فرشته الها ونيمتها وكل هذا وهي ما تدري بين الواعيه وبين الفاقده

ما اعرف شكلج هيام يمكن راح تبدي اصعب ايامج من باجر اعرف كلبي ما يتوب واذا بقيت امشي وره كلبي راح ادوس على كرامتي وكبريائي واسامحج بس لازم ادوس على كلبي وما اخليه يتحكم بيه

مشى اليوم عادي ضرغام راح لدوامه ومنع اي احد يروح لبيته ويشوف هيام لان اليتجرأ ويروح راح يتعاقب

اما زينب اتصلت ل علي وخبرته كلشي وعلي ما خبر امل ما يريدها ينشغل بالها وهي ابلاد غربه وبعيده عنها
وتصل على ضرغام وعرف كلشي منه بس علي كان اله رأي اخر وما انطه بهيام يكول

هيام مستحيل هيج اتسوي هي تحبك

خويه علي انته ما تعرف شي وهيام لا تحبني ولا تريدني لا تدافع عن وحده ما تسوه

لك ضرغام انته اشتحجي شنو نسيت هيام هي الردت الروح للبيت هي التحب الكل وتحترمهم صدكني غلطان انته
لازم تثق بكلامها هاي زوجتك والكل يعرف هيام اتحب ضرغام ومستحيل اتفرط بيك لا تستعجل بقرارك ضرغام

علي الله يخليك راسي يوجعني ومالي خلك غير الموضوع ما كتلي جدي وجدتي اشلونهم

زينين

وعمتي امل اشلونها هم درت بموضوع هيام

لا ما تدري

اي لا تكلها

لك ضرغام اله ما يجي يوم وتعرف صدكني اذا ما اتصلت هيام بيه راح تضل تاكل ابروحه لمن تعرف كلشي

انته لا تخبرها والله كريم

ماشي يله في امان الله
الله وياك

…………………………🌺………………………

صار الضهر وضرغام رجع للبيت وهو ناوي يبدي بعقاب
هيام ومحضر كل معدات التعذيب

اتغده واخذله حمام دافي وجانت بيده جنطه جابها وياه من دوامه اخذها وراح لبيته الجديد البي هيام

…………………………🌷…………………………

هيام ……

كعدت كوه اتحرك كل جسمي يوجعني ومورم بس ملابسي متغيرات منو غيرهن ومنو جاب هذا الفراش والغطه
ما ادري اشكد نمت وهسه شنو صبح لو ضهر واني احجي بيني وبين نفسي سمعت طكة القفل مالت الباب

ونفتح الباب وجان اشوف حبيبي ضرغام وشايل بيده جنطه ازغيره
اني ما اكدر اكوم بس هو اجه وگعد اكبالي وحط الجنطه يمه

ضرغام يا روحي الله يخليك اسمعني ولو لمره وحده اني مستحيل اسوي هيج شي اني

وغلات اعيونك  ما حبيت ولا راح احب بحياتي غيرك ليش اتخليت عني ما اتوقعت اول واحد راح يتخله عني هو انته اتوقعت كل الناس تتركني اله انته

لزمني من وجهي حيل حسيت وجهي راح ينعفس بيده

لا تكولين وغلات اعيونك لان اعيوني مو غاليات عدج لو صدك كلامج ما تتواعدين ويه ابن عمي

لك جذذذذب والله العظيم جذب مستحيل انزل لهل مستوى لك اني هيام اني عافيتك اني حبيبتك الحبتك وهي بعدهي طفله

هل حجي ما يفيد بعد وبصراحه عدي مفاجئه الج بس بعد ما تشوفين هذا المقطع الصغيرون ويجي دورج

انطاني مبايله وشفت المقطع عباره عن مكان ازغير وبي شخص شكله متعرض للتعذيب وضرغام  كاعد مقابيله ويمه اهواي ادوات اول مره اشوفهن

ضرغام كمش ادين هذا الرجال وبده يشلع بأضافره واحد واحد والرجال يصرخ من الالم

طاح المبايل من ايدي من شفت ضرغام فتح الجنطه وشفت نفس الادوات البلمقطع من حلات روحي دفعت ضرغام وركضت اريد اشرد وصلت للباب بس لكيته مقفول
ضليت ادك بالباب واصرخ الحكووني رااااح امووت افتحوووو البااااب الله يخليكم والله مضلووومه عمي خاله

ضرغام …انقهرت عليها خايفه مني بس دست على گلبي ما اريده يضعف  رحت عليها
وهي تضرب بالباب بضعف جتفتها وكامت تقاوم وتدفع بي بس اني جنت اقوه منها وهي تعبانه ما تگدر عليه

صارت بحضني ضهره على صدري حاوطت اديها بأديه
من الخوف بعد ما تگدر توكف على رجليها اثنينه كعدنه

وهي تحاول تفلت من قبضة اديه بس هيهات

لزمت ايدها اريد اشلع واحد من اضافرها بس هي صامه ايدها حيل وتبجي وتصرخ لاااااا ضرغاااااااام لااااا حبااب عوفني لاااا اني ما سوييت شي لا تعاقبني على شي ما امسويته الله يخليك عووووفني

لاااا ما اعوفج يا هيام هل شي قليل بحقج لازم تتعاقبين واني اخذت عهد على روحي اله اخليج تتمنين الموت وما تحصلينه وكل يوم راح اراويج عقاب شكل وهسه يا حلوه افتحي ايدج احسلج

لاااا لااااا
عصرت ايدها حيل وطلعت  واحد من اصابعها وشلعت اضفر ايدها وهي صرخت صرخه وبعدها سكنت ماكو اي حركه

درتها الي لكيتها فاقده رشيت عليها ماي صحت من شافتني وهي بحضني رادت تبتعد بس اني ما خليتها لزمت ايدها وهم شلعت اضفر ثاني وهي تصرخ بس صرخاتها كلها تعب

تركتها بعدها واخذت الجنطه وردت اطلع باوعت على حالها بس تون ونايمه بمكانها على الارض ما حبيت اضعف وارجع الها كملت طريقي وقفلت الباب ورحت
واني ضايج وحاس بالذنب عليها هاي عافيتي اشلون هيج سويت

رحت لدوامي وتغديت بره ما رجعت للبيت بقيت للعصر بعدها اجيت للبيت اخذت دوش دافي ورتاحيت اشويه وقررت اروح اشوفها

هيام …الوجع كتلني اديه ما احس بيهن من كثر الالم ما اكدر اتحرك او اكوم مرميه على الارض وايدي تنزف بسبب السواه ضرغام شلع اضافري

سمعت حركه قريبه مني وفجأة انفتح الباب ما شفت غير بس رجليه ما اگدر ارفع راسي والرؤيا عندي مو تمام

ضرغام …حالها يصعب على الكافر ادينها تنزف ومن كثر ما تبجي ادموعه صايرات مثل بركه الماي يمها

جبت عدت الاسعافات وعقمت اصابعها ولفيتهن بلفاف وهي بس توون ماكو اي حركه شلتها ونيمتها بفراشها وغطيتها ما اسمع غير بس ونها كسرت خاطري حضنتها اووف يا عافيتي اشكثر مشتاقلج ليش دمرتي حياتنه الحلوه

ما اعرف ليش فجاء ضعفت وحضنتها يمكن استمد قوتي منها رغم هي السبب بجرح گلبي.

عفتها ورحت ما اريد ابقه ويرجع گلبي يضعف ويحن الها

رحت للبيت وطلبت من زينب تحضر اكل اريد اخذها الها بس زينب حتى ما ردت السلام عليه زعلانه عليه لان عاقبت هيام هي متعلقه بيها هوااي مثل الخوات بيناتهن

رحت لغرفتي اتمددت اشويه احس جسمي تعبان وجنت من اتعب هيام هي التشيل التعب مني اوووف يا رويحتي اووف يا عافيتي ليش كسرتي كلبي لييييش

بقيت نص ساعه وكمت بدلت ورحت للمطبخ لكيت الاكل مجهزته وحاطته على ميز الطعام اخذته ورجعت للبيت فتحت الباب وشفتها نايمه ماكو اي حركه

اقتربت منها وحطيت ايدي على جبينها حرارتها مرتفعه مره ثانيه بس ما حاسه بشي عفته خليها تنام ومن تگعد اخليه تاكل

بقيت صافن عليها اهوااي اتغيرت على هل يومين الكل اتخله عنها حتى ابوي الجان يحبه ويفضله عليه

اهلها خوالها حتى عماتها وبناتهن وخالاتها وبناتهن كلهم تركوها ومحد دافع عنه ولو بكلمه بس علي ومرته زينب

واكيد عمتي أمل اذا عرفت راح اتصدك كلامها وتصير من جانبها

…………………………🌹…………………………

في لبنان 🌺

أمل ……علي هم خابرت للبيت

اي عمه خابرت

وشلونهم انشالله زينين

زينين يالغاليه وما عدهم شي

اشبيج يا روحي احسج ما مرتاحه صاير شي

لا بس كلبي ناغزني ما اعرف ليش خايفه على هيام

عمه كولي يا الله هيام تعادل عشر نسوان انتي ما اشوفينه كافه البيت كف

اي اعرفها بس ما اتصلت بيه ابد

عمه انتي عفتيها واكيد راح تنشغل اكثر ما تلحك على شغل البيت وبس ضرغام يرادله اربع نسوان يله يگدرن
على طلباته مو هيام تكولك كتكوت

هم صدك يله بلكي تفضه وتخابرني

…………………………🌺………………………

ضرغام …انتضرتها ساعتين وگعدت بس ما بدر منها اي حركه مجرد فتحت اعيونها وباقيه ما تكدر تتحرك اقتربت منها وگعدتها وقربت الاكل منها لان من صار الها يومين ما ماكله اي شي

اكلي هيام يله

هيام ………………

اني ويامن احجي اكلي الج فرصه ربع ساعه وراح اشيل الاكل وبعد ما تاكلين لباجر

هيام ………………

ليش ساكته هياااام يله اكلي

هيام … يحجي وياي بروود ولا كأنو صاير شي وهو ما يعرف كميه الوجع الاحس بي كل جسمي يوجعني وما اكدر احرك لا ايد ولا رجل كرر كلامه اكثر من مره بس اني ما اكدر ابادر بأي حركه

تركني وراد يطلع حجه وياي
شوفي الج فرصه خمس دقايق راح اروح اشويه وارجه الكيج امكمله اكلج ودار وجه وراح

اني قبل ما يطلع دفعت الصينيه ابعيد عني معناها ما اريد اكل

اندار اليه ومن شاف الصينيه بعدته عني طكطكن اعيونه واجه بتجاهي كام ياخذ اكل ويوكلني كوه اني بنيتي كلش ضعيفه وما اكدر اقاومه حاولت ما اكل بس بيده لزمني من حلكي وكام يدخل الاكل بسرعه بسرعه غصيت بالاكل يله تركني ولمن ارتاحيت رجع يوكلني

بس اني كمت ادفع بي ما اريد اكل جاب طاسة التشريب وراد يشربني وهي حاره ما قبلت ودفعتها هو يدفعه عليه واني ابعدها بس بلحضه اندارت على صدري  ما اوصفلكم كميه الالم الحسيت بيها شاغت روحي وهو انخبص ما يعرف شنو يسويلي راح جاب عدة الاسعافات حتى يداويني بس اني ما قبلت شيداوي جسمي كله صاير خريطة العالم ماكو مكان ما امورم من الضرب وحتى كام يطلع جراحه من جسمي

حاول وياي بس اني رجعت اتگورت على نفسي وما انطيته مجال

هيام خليني احطلج مرهم هسه يخف الالم

والم كلبي من يخففه ضرغام هاااا كلي منوووو

(جانت تحجي مكسر لان مريضه وتعبانه)

انتي السبب بالصار بيج كله هذا من يدج ليش تتمعشكين من وراااااااي بشنووووووو
قصرت وياااااااج  هااااااا احجي
لييييش خنتيني ليييييييييش

ما خنتك (الدموع تجري وتنحب كوه تطلع الكلمه لان العبره خانگتها) اني ما خنتك وللموت ما اخونك بس انته اتخليت عني وعفتني بالوقت الاحتاجيتك بي
انته خذلتني

كمشه من شعرها حيل
لا تجذبين ولج انته وحده گح......وسا......واني اعرف اشلون اردج للدرب اني راح اعيد تربيتج يا هيام

انتي بلا شرف

اني اشرف منك ومن عشيرتك

من كالت هل كلمتين وهو انكلب عليها مثل الوحش نزعلها الاحزام وكام يضربها بكل مكان وهي بس تصرخ بس صرخاتها مخنوگه وتحاول تحمي روحه بديه بس ما تگدر وضربه من الضربات صارت على وجها ومن كثر الوجع اغمه عليها وتركها مرميه على الارض وراح

ضرغام. ،،،،،،،طلعت من عدها واني دمي فاير شنو ن صلافه عده بس خل تصبرلي

………………………………………………………

صار اليل ورحت الها وجبت وياي الجنطه مالت الادوات

فتحت الباب وياريتني ما فتحته حاله يصعب على الكافر وحتى اليهودي بس اني ما اسمح لمشاعري تضعف اله اندمه على كلامها

جبت ماي ورشيته عليها فزت مرعوبه رفعت وجها
وباوعتلي اثار الاخزام على طول وجها حتى على عينها
ومورم هم

ها يالشريفه گعدتي نسيت اعدل اضافرج ف رجعت الج وجايب وياي هذي الجنطه تعرفينها هاااا

لاااااا ض....ضرغام حباب لا يوجعن اهى اهى اهى

ما اتحمل الله يخليك اهى اهى الخاطري اني حبيبتك حبااب راح امووت من الوجع

من الخوف كامت تزحف لوره وتبجي وتتوسل بيه هل شي يريحني من اشوفها تتوجع خليها تحس بالوجع السببته الي

اقتربت منها وهي بدت تدفع بيه وتحاول تضم اديها بس ما تكدر لان تعبانه ومو بقوتها بحركه وحده سحلت ايدها وحاولت تسدها  بس فتحتها وبديت اشلع باقي اضافرها وهي تصرخ وتحاول تفلت من قبظتي

وهي تتگلب مثل السمجه من كثر الوجع اخر اضفر شلعته ما بدر منها اي حركه وحتى ايدها مرخيتها

اغمه عليها ووجها صار اصفر مثل الليمونه
اخذتها لحضني كلبه يدك بسرعه مو طبيعيه حسيته يريد يطلع من اضلوعها لمن احضنه احس براحه رغم كل خيانتها الي بس لسه احبه

عقمت ايديها ولفيتهن بشاش ونيمتها بحضني للصبح كعدت قبل لا تگعد ورحت للدوام

بقيت 5ساعات بالدوام ورجعت لبيت اهلي اتغديت ونمت اشويه اتصل بيه علي وطمنت على جدي وبيبيتي
وعن عمتي امل كل اشويه تسأل عن هيام ويوميه عذر بس هي بدت تشك وبطلاع الروح يله قنعته اشويه

نسيت هيام وركضت اريد اشوفها اشصار بيها كل هل وقت