رواية صرخة قلب الفصل السابع 7 - بقلم سحر الغرام

الكاتبة
سحر الغرام
--------------ب7
انا ألذي لم يزل يبكي عليك
                          ولم تزل بظلمك تؤذيه وتهجره يئن قلبك❤ من كسر فأجبره
                           ويجبر الله قلبي ثم تكسره 💔

               ❣❣❣❣❤❣❣❣❣

صار اليل ورحنه كلنه وعمي ابو منتضر وعمتي ام منتضر هم راحو ويانه بعد ما رحت وفهمتهم الوضع وعمتي ام فهد من شافت اهل هيام رضت وانطتنه خبر الموافقه وقررنه باجر يعقد النه الشيخ

وطلبت من ام فهد احجي ويه فرح ورضت واخذت فرح ورحنه للحديقه حتى نحجي

اشلونج فرح شخبارج

زينه انته اشلونك (بمياعه)

مو زين فرح بس اذا صرتي من نصيبي اكيد راح اصير زين

ليش اني بالذات اختاريتني ضرغام

ما اعرف فرح بس حسيتج قريبه مني وتفهميني

بصراحه ضرغام انته انسان رائع واذا  وحده رفضتك راح اتكون غبيه اكيد

يعني انتي اموافقه

اي اني موافقه بس هيام اشلون خاف ما تقبل

فررح لا تذكرين اسمها گدامي وهي ما الها اي رأي

صار خلاص بعد ما اذكر اسمها هي تعرف

اي خبرتها بالموضوع

وشنو كان موقفها ضرغام

اكيد اعترضت وكامت تلقيلي محاضره بالحب الطاهر
واني واني بس خلاص كلبي طاب مستحيل ينخدع مره ثانيه

صدك فرح اريدج تجهزين امورج باجر كون امجهزه كلشي لان مثل ما تعرفين بعد العقد اخذج لبيتنه

اي انشالله اكمل باجر

فرح اني ما سويت زفه لان قبل زفه جبيره سويت وشوفت عينج طلعت ما تستاهل

لا. لا ضرغام اني هم ما اريد زفه اهم شي ننجمع مع بعض

انشالله فرووحه

حلو اسمي بصوتك

ههههه راح اتملين من صوتي
لا تكول هل كلام امل من الناس كلها اله انته ما امل منك

اوووو شنو هل كلام اعتبره غزل

لا ضرغام خلاص لا تخجلني

فديته اليخجل يله خلينه نرجع خاف يحجون علينه

يله

          ❣❣❣❣💙❣❣❣❣

هيام. --اليل كله اتگلب من القهر والوجع الاكل جسمي

كلبي ما اعرف ليش احسه گام ينعصر من اتذكر كلامه

اشلون يهون عليك هيج اتسوي بيه ما اتحمل يمكن امووت ما اگدر اشوفهم سوه اشلون بيه ربي انته ارحم الراحمين ارحمني واخذ روحي يمك لا تخلي باجر يجي
باجر حبيبي يتركني وتجي وحده تاخذ مكاني البگلبه
                               ...............

بقت اليل كله تتكلب من القهر ونامت بدون ما تدري
                       …………………………

اليوم انشغلت بتجهيز الغرفه شلت كلشي يخص هيام
من ملابس من ذهب من صور وكلهن حطيتهن بكراتين وبالمخزن والغرفه بعته وجبيت غيره وحتى غيرت لون الغرفه قبل جانت لون بنفسجي فاتح على ذوق هيام بس هسه خليته غير لون

بقيت مشغول للعصر ونسيت هيام من البارحه العصر ما شفتها اخذت اكل باقي من غدانه وماي ورحت الها

فتحت الباب ودفعته ماكو ما يقبل ينفتح اكو ثگل وره الباب دفعته بكل قوتي يله انفتح ونصدمت من شفت هيام هي الصايره وره الباب وفاقده وعيها وندفعت حيل

حطيت الاكل وركضت الها غسلت وجها بمي وبدت تصحه شربتها ماي وهي بحضاني بقت ساكته وبس تباوعلي واني هم بس اباوع الها
اتغيرت اهوااي لو احد ثاني شافها ما يعرفها هي هيام الشي الوحيد اليدل على هيام اعيونها بس

وين جنتي وين صرتي يا هيام

هيام ..ليش ما اجيت جنت منتضرتك ضرغام (بدموع)

جنت مشغول بتجهيز الغرفه تعرفين غرفتي قديمه ف جددتها

شنوووو انته تحجي صدك ضرغام يعني ما جنت تجذب عليه

بعدتها عن حضني وكمت

منو الكالج اني اجذب عليج الجذب من اطباعج انتي اني ما جذبت كتلج راح اتزوج واني عد كلامي

كامت وراحت لعنده

لاااااا مستحيل اوافق ما اسمحلك ضرغام

وانتي منو حتى اذا ما تسمحيلي بابا اليوم زواجي تعرفين شنو اليووووم افهمي

انقهرت حيل من كلامه باوعت للباب لكيته مفتوح واني كلش قريبه على الباب بس ضرغام ابعيد عن الباب يعني اكدر اهرب واروح لفرح واشفي غليلي منها

اذا ما موتتها مو اني هيام صح جسمي تعبان بس من يتعلق الموضوع بحب عمري وحياتي ما اعرف امنين تجيني القوه ررررركضت واني اصررررررخ ما اسمحلكم اليوم اموتها على ايددددددي 

كمت اركض من غير شوف وضرغام يركض وراي والبيت كلش جبير واني اركض ما انتبهت للطبله كله زجاج واكو درجه لازم تصعدينه تفصل بين الغرف والصاله ما شفتها وگعت

وصارت وگعتي على هاي الطبله وكل الزجاج اتكسر وصار بجهتي اليسره دخل لرگبتي وصدري وخصري صار عباره عن شظايه زجاج
وايدي هم وكلهن كامن ينزفن وكل هذا واني احاول اكوم اريد اروح اهد على فرح

ااااااه اااخ يمه امل الحگيني راااح امووت ااااه

تستاهلين هيام تستاهلين كل اليصير بيج تعالي خليني اشوف جرحج

بعد ما اگدر اگوم ضرغام.

اني اشيلج تعالي (شلتها وگعدته على الكنبه وكمت اطلع بالزجاج وجرحها ينزف

جرحها كلش عميق عقمت جرحها وحطيتله شاش على ركبتها وخصرها وايدها وحتى رجلها واخذتها نيمتها وهي تلوج من الوجع وتبجي.

حطيتلها منوم بالماي وشربتها لان ما اضمن شنو تسوي ونتضرتها تنام وعفتها ورحت

وما راح تصحه لباجر الصبح واني هذا الاريده

صباح يوم جديد ……………

اليوم ابوي عزم كل عمامي وخوالي سوينه عزيمه عاديه بس الاهل والاقارب وكلها التمت وتهنيني بزواجي وكلها تتمنه يكتمل هذا الزواج وينجح

التهيت بالناس والطبخ لان ابوي جاب طباخ يطبخ للعزيمه ونسيت هيام صار الضهر وما شفتها اكيد هسه گعدت اخذت غده الها ورحت من فتحت باب الصاله اسمعها تصرخ (افتحوووو الباااااب افتحوووو لا تخلوني محبوسه لك ضرغاااااااااام تعااااال افتح الباااااب وينننننك ضرغاااااااام. )

من سمعتني اجيت سكتت فتحت الباب وهي شكلها يشبه المومياء. بسبب اللفاف الموجود على كل جسمها

هلووو يا حلوه نسيتج جنت عد الحلاق والتهيت بالعزيمه تعرفين بعد اشويه يجي الشيخ يعقدلنه وتخلص السالفه وتصير فررررررح زووووووجتي

وهذا الاكل من عزيمتنه السويناها بمناسبة هل زواج

جان ضرغام شايل الصينيه وقريب من هيام
وهيام من الحرگه اخذت الصينيه من عنده وشمرتها لفووك اتطشر الاكل كله وهي ترجف من القهر

خلي اكلك الك وهذا الزواج ما يصير اله على موتي
دفعته وردت اشرد بس هو جان منتبه عليه ولزمني من خصري كمت ادفع احاول افلت من ايده بس هو اقوه مني واضخم جان عاصر خصري بيده وبسبب هل شي گام جرحي ينزف دفعني لنهاية الغرفه وطلع وقفل الباب مره ثانيه

كمت اكسر بالباب واصرخ لك ضرغاااااام لا تكسر كلبي الله يخليك عذبني بكل الطرق بس لا تتزوج اني اموووت ما اگدر اشوفك ويه وحده ثانيه ضرغاااااام

جنت اسمع كلامها بس مستحيل اضعف هل مره خليت باب البيت مفتوح خاف يصير شي تحسبا لكلشي ورحت لان اجه الشيخ حته يتمم العقد

شعد ………شفت خالي ضرغام طلع من بيته وترك الباب مفتوح وصاحله خالي عمر (اخو ضرغام) لان اجه الشيخ رحت وراهم وكملو العقد وصارت الهلاهل بس كلبي احسه انشلع على. هيام شبسرعه ونسيتو لا اليكتلك ام هيام هي التهلهل وتطش جكليت شنو من ام
شنو ذنبها هيام ليش كلها اتخلت عنها هي مضلومه وما تستاهل اختنكت وبعد ما اتحمل

طلع بره بالحديقه ودعيت ربي العالمين يضهر الحق ويخلي كل الناس يعرفون بهيام مضلومه

اخذني كلبي لصديقتي واختي هيام واتجرأت ودخلت للبيت واسمع هيام تصرخ وتبجي حاله يكسر الخاطر

وصلت الها هيام ………

هيام ………م منو شهد

اي يا روح شهد اي اني اهى اهى اهى.

ليش هسه يله اجيتي ليش تركتيني مثلهم

لا وغلاتج ما تركتج بس خالي قافل الباب وما يسمح احد يجي لهنا

وشمعنه هسه يله اجيتي

خالي نسه الباب ما قفله وما يدري بيه اجيت الج

شهد كليلي عقدو لو بعدهم الله عليج اهى اهى

هياام همه

لج احجي هم شنو بطل ضرغام مو

ما راح يتزوج هااا ااااحجي

عقدو هيام وكلها كامت تهلهل بهل مناسبه

لاااااا اااااخ ااااااخ خلاص عووووفيني شهد عووووفيني لااااا ضرغاااااام ما راح اسامحك والله ما اسامحك رااااح يجي يوم وتترجاني وحق الله ما راح اسامحك وراح اخليك تضوك المر الضگته ضرغاااااااام

(گامت تصرخ وتضرب بوجها وايدها رجعت تنزف وبعدها فقدت الوعي)

صار اليل وامي وختي ساره (ام شهد )جهزن هيام وعمامي وخوالي زفوني لفرح دخلت ولكيت فرح لابسه الابيض بس شنو نص متره يمكن كل الاقماش
لبسه فاضحه ما بيه كل حشمه اتذكرت هيام بيوم زواجنه هم لابسه ابيض بس لابسه فوكه روب طويل والخجل امبين عليها بس هاي لا تختلف اعيونها بعيوني والحلك دارعته واصل لذانه

حسيت حالي اختنگت وترخصت منها ورحت للحمام غسلت وجهي وكل فكري بهيام نفضت كل الافكار وعدت حالي ما اخلي طاري هيام يضعفني او يخليني اتراجع

شنو شفته من هيام صح تخجل بس كله تمثيل بس هاي البكلبه على السانها اتوكلت ورحت لفرح وبليلتها امتلكتها وصارت زوجتي

وثاني يوم الكل باركلي وعمي ابو منتضر (ابو هيام)
هديته الي ولفرح سفره اسبوع بفندق ال………
هذا مو بس فندق يعتبر سياحي وبي شغلات ترفيهيه

بعد ما الناس قلت اخذت فرح ورحنه لهياام اريد اشوفه اشلون تتعذب

فتحت الباب ولكيتها نايمه على الارض نومتها مثل شكل الجنين من سمعت فتحت الباب رفعت راسه وشافتني وادموعها كامت تنزل ما خليت فرح تدخل بس اني دخلت

كعدت وصرت من مستواها اشلونج هيام ما باركتيلي

مبروك (بدموع) وشايف كل الخير ضرغام ومنك المال ومنها العيال

بقت صافنه عليه وهو هم صافن عليها ما متوقع هيج ردت فعلها هادئه وما هامه شي

معقوله هيام اشو ما تصرخين وما تهددين ليش هيج ساكته

خلاص ضرغام بعد ما تهمني طالما اخذت مكاني وانطيته لوحده ثانيه وكسرت گلبي انته انتهيت بالنسبه الي وبعد ما يهمني احد بس منتضره رحمة الله تنزل عليه وياخذ امانته ويخلصني من كل الناس

ههههههه هههههه غلطانه هيام ما راح تخلصين وراح تبقين اسنين هذا مكانج وتبقين منفيه بالنسبه للناس

وكلها راح تنساج وبالاصل نسوج لان اليوم عمي ابو منتضر جانت هديته النه اني وفرح سفره لمدة اسبوع يريدنه نتعرف على بعض اكثر واجيتج حتى اودعج
اوووو اشلون نسيت اعرفج على زوجتي فرررررح فرررررح تعالي

فرح ……جنت اتسمع عليهم وفرحانه واني اسمع ضرغام اشلون يقهر بيه ارتاح كلبي ومن صاحلي حسيت الدنيا ما واسعتني من الفرح

دخلت ورتعبت من منضر هيام صايره اتخوف واثار التعذيب بكل مكان من جسمه اضافر ماكو ووجها ازرك ورگبتها ملفوفه بلفاف والدم امبين منه وحتى اديها ورجليها صايره مثل الخريطه البيضه ومخططه بلون احمر وشكلها متغير وين راحت هيام الجانت كلها تحجي بيها وتتغزل بجمالها

من يمي خفت من ضرغام ومن طريقته بالتعذيب لو هل تعذيب الي يمكن امووت من اول راجدي منه

حتى بقيت ساكته وفاتحه حلكي عليها ونسيت شنو احجي

بس هي من شافتني واعيونها فتحتهن عليه وطفرت مثل المكروصه وهجمت عليه وتصرخ

حقيررره اليوم اموتج بيدي سافله ولزمتني من رگبتي وكامت تخنك بيه من الخوف ما بدر مني اي حركه بس بلحضه وحده طارت هيام بالهوى ونشمرت بالگاع

وهجم ضرغام عليها ضرب وراجديات وكام يشيل راسه ويضربه بالگاع وهيام بس تصرخ والدم كام يطلع من راسها

هيام ( من كام يضرب براسي صارت مثل الغواشه على اعيوني والنضر صار كلش بعيد احس اكو شي على اعيوني وكام يحجب الرؤية عني وصوت ضرغام صار ابعيد وضلمت الدنيا كلت خلاص هاي هيه متت

فرح ……لك ضرغام خلاص راح تموت الله يخليك راح تموت عووووفها

حقيره والله اله اخليج تتمنين الموت وما تحصلينه ما اطلع ضرغام اذا ما خليتج تندمين على الساعه الخنتيني بيها يله امشي

وهيام ضرغام اشلون تخليه هيج راسه ينزف

ما عليها شي هاي ابسبع ارواح تجينه باجر تلكينه صاحيه امشي

الله يخليك بس ضمد جرحها خلي النزيف يتوقف الله يخليك الخاطري

انتضري خليني اجيب شي وصله هاي الخاطرج انتي بس

ماشي

ضمدو جرحها وعافوها بمكانها وراحو بس عافو باب الغرفه مفتوح بس باقي البيبان قفلهن لان راح يروح سفره ويتركها لحالها خاف تروح للحمام او تريد تاكل وجهز المطبخ بكلشي تحتاجه

راحو للسفره وكلب ❤ضرغام ضل يلعب اشلون واشلون كل الوكت يفكر بهيام

وفرح مو على باله وفرح بدت تضوج من تصرفاته اول يوم هيج وحتى هي الي تطلب منه يتقربلها ومجرد ما يخلص يدير وجه وينام

بس تفكيره بهيام وثاني يوم من الصبح قرر يرجع ضرغام لان ما يتحمل يبقه ابعيد عن هيام وفرح شبت النار بيه

………………………………………

هيام …گعدت ليكيت الدنيا ضلمه كلها سوده بس اسمع صوت البلابل والعصافير يعني الدنيا صبح بس ليش ضلمه كمت اتلمس بجدران الغرفه لمن وصلت للكهرباء

بقيت ادوس بس ماكو ضوه ليش كمت اتلمس اريد ادك الباب بلكي احد يسمعني بس الباب مفتوح بده الخوف يتملك كلبي اني اخاف من الضلمه اتجرأت وطلعت هم ضلمه كل البيت ضلمه كمت اتلمس الجدران واحاول افتح الضويات اندل مكانهن بس ماكو ضوه معقوله هذا عقاب جديد من ضرغام لان يعرفني اخاف من الضلمه

واني اتمشه واتلمس بالجدران انصمطت ووكعت لان اكو طبله ازغيره ما شفته بس امنين اشوف وضرغام ما اعرف شمسوي بالبيت وهيج امخلي اضلم

ضرغام …مشيت بكل سرعتي لان بده كلبي يتخلل الخوف على هيام وصلت وبدون ما اوصل فرح كتله انتي روحي للبيت واني راح اشوف هيام وارجع وتركتها من غير ما اسمع ردها كمت امشي بسرعه وفتحت الباب

وشفتها ومن شفت طولها يله ارتاحيت بس اشبيها تتلمس بالجدران وتفتح بالضويات اشوف الضوه ينفتح وينسد وهي تفتح بالدكمه وترجع تسدها وكامت تتلمس بالجدران وما انتبهت للطبله الكبالها ووكعت ضليت صافن على تصرفاتها

رحت يمه وحجيت

هيام اشبيج
اندارت لجهتي بس ما تحط عينها بعيوني ما اعرف ليش نضراتها مو الي والدم يابس على وجها ورگبتها

من سمعتني ركضت الي واني هم ركضت الها بس هي فاتت من يمي وايديها مادتهن لگدام مثل الاعمى من يمشي ويحاول يتلمس شنو گدامه

ضرغام انته وين هااا ضرغام

رحت الها ومسكت اديها اشبيج هيام هااا اشبيج شنو ما شفتيني

ضرغام افتح الضوه حباب اني اخاف من الضلمه اهى اهى اهى اهى

يا ضوه هيام يا ضلمه  الدنيا صبح  وكل البيت الشمش داخلتله

حباب ضرغام اعرف انته تريد تعاقبني وخليت البيت ضلمه بس حتى تعذبني الله يخليك اني اخاف
افتح الضوه ما اشوف حتى ما اشوفك ما اكدر يله

اهدي اهدي هيام. تعالي اكعدي اهنا
كعدتها وجبت مي غسلت وجها وشربته ماي
هيام انتي تشوفيني

لااا اهى اهى اهى ما اشوف 
شنو ما تشوفين غمضي اعيونج ورجعي فتحيهن يجوز من البواجي ما تشوفين يله غمضي ورجي فتحيهن

هاي غمضت ورجعت فتحتهن بس ما اشوووف ااااه اهى اهى اهى. اهى اهى

لج لا تخبليني اني عفتج ما بيج شي انتي تجذبين عليه صح هااا انتي تجذبين

لاااا انته تجذب عليه انته مخلي البيت اضلم بس حتى تخوفني لان تعرف اني اخاف من الضلمه اهى اهى اهى

وغلاتج هيام ما مخلي البيت اضلم شوفي كل البيت بي ضوه والدنيا نهار باوعي زين هيام

لك ماااااا اشووووف مااااا اشوف (بصراخ)

ضرغام اخذ مبايله واتصل بعمه عباس لان هو دكتور عيون

الووو عمي اشلونك
هله ضرغام اشلونك انته ليش رجعت اكدر اعرف لان ابوك خابرنه واحنه هسه يمه.

عمي تكدر تجي للبيت لان هيام تبجي وتكول ما تشوف

وجيب هاي التفحص بيه

هيام اشبيها ابني

ما اعرف تكول ما اشوف

انتضرني ربع ساعه وتلكيني يمك
ماشي عمي

خيرك عباس اشبي ضرغام

يكول هيام تبجي وتكول ما اشوف

ابو هيام شنوو ما تشوف

ما اعرف هسه راح اروح واشوفها

يله امشينه كلنه نروح نشوفها

……………………

وصلو لبيت ضرغام كل عمام هيام وحتى ابوها

ومن طبو شافها ابوها ما عرفها شكلها متغير وجسمه كله اثار تعذيب وجسمه كله ملفوف واضافر اديها ماكو معقوله ضرغام هيج معذبها بقيت متصنم بمكاني من هول المنضر معقوله بنتي ونبض كلبي جانت مو بس بنتي جانت صديقتي واقرب وحده من كل اولادي وبناتي

اشلون اتخليت عنها وهيج خليتها تتعذب اني ابوها ولازم اكون سند الها مو اتركها وهي بعدهي لحمه حمره ما شفتي شي بحياتج ولا اتهنيتي

معقوله يمه وما شافتني

جانت گاعده بالگاع حاضنه رجليها وتحرك بجسمها وضرغام يمه گاعد.

عمي عباس تعال شوفها اشبيها لسه ما شافت شي

عباس ……بقيت متعجب معقولها هاي هيام شمسوي بيها ضرغام

باوعت لبوها ونضراتي كلها عتب ولوم معقوله اكو ابو يترك بنته بالنار
وخوي فهم عليه وجانت اعيونه تلمع بيهن ادموع

حضنتها وهي فزت عبالها ابوها كالتلي

منوو

اني عمج عباس يا بعدابوج من سمعت اخر كلمه وعيونها كامن يمطرا بالدموع اعرفها حنت لبوها لان جانت علاقتها بأبوها تختلف عن باقي العلاقات وكلها تحجي بعلاقتهم

وابوها يباوعلها بس بسكوت حتى ما اعلن عن حضوره

اهدي يا روحي خليني افحص اعيونج.
اهى اهى اهى اهى. م م ماشي راح اهده

كامت تمسح ادموعها بدينها وشفت اديها اشلون مشوهات واثار التعذيب واضحه

فحصتهن واتأكدت عدها نزيف بعيونها ولازم عمليه حته ترجع تشوف

كمت وهي اتمسكت برجليه
لا تعوفني عمي الله يخليك اخذني وياك ما اتحمل الضلمه

اهدي يا روحي بس اهدي ماكو ضلمه بس اعيونج لازمهن عمليه يا روحي

يعني شنو بعد ما اشوف

ضرغام …اي هيام بعد ما تشوفين ويمكن عاقبج الله حتى تعرفين ذنبج

لااا لااااا لااااااا لااااا مستحيل اصدك كلامكم انتم كلكم متفقين ويه ضرغام اعيوني ما بيهن شي بس ضرغام امخلي البيت اضلم حتى يعاقبني لاااا اهى اهى. لاااا لااا مو صحيح

خلاص هيام اهدي

ضرغام معقوله بعد ما اشوفك تعرف بعد كل العذاب الي تسببه الي بس من اشوف اعيونك يروح كل وجع بيه لا تحرمني من شوفتك ضرغاااااام اهى اهى اهى

عباس …ضرغام اني رايح

لاااا عمي عباس لاا تعوفني الله يخليك اخذني ويااااك

كامت تدور على مكان عمه عباس بس ضرغام كمشه وشالها من خصرها وهي ترافس بين اديه وتصرخ لااا تعوفني عمي
عمها كامت ادموعه تنزل بسبب منضر هيام اليبجي ومو بيده يسوي شي حتى ابوها تركها وراح

واخذها ضرغام دخلها للغرفه وهي ترافس ما تقبل تطب شمرها وقفل الباب وتركها وراح

بقت هي تبجي وتردد لا اني مو عميه لاااا

وحصرت حالها بركن الغرفه وحطت راسه وتبجي وبس كلمه وحده نطقتها ماما امل وينج تعالي الي راح اموت

……………………………………………

في لبنان ……بدو يجهزون حالهم للسفر الى العراق

وامل كلبه يرفرف لشوفت بتها هيام وما تدري  بحالها

تحس الطريق صار كلش طويل

وصلو والكل اتحمدلهم بالسلامه وحتى ضرغام

وامل منتضره ابنيتها تجي وتسلم عليها لان گلبها طاك عليها

سمعت صوت كعب من الدرج واعيونها عليها كل فكرها هيام النزلت بس بقت صافنه من شافت فرح وهي تحجي ويه ضرغام

ها حبيبي  انته اجيت ليش ما اتصلت بيه ومسكت اديه

امل …شنو حبيبي انتي اشتحجين ولج هاااا

وبعدين وين هيام وينها ضرغااااام وين هيام اااحجي

الكل بقه ساكت وامل تفرفح من القهر تريد تعرف وين بتها

اهل هيام كلهم واهل ضرغام وكل عمامه مجتمعين

وكلهم ما عدهم الجرأه يحجون وين هيام
::::
:
:
:
:
:
من هنا تبدء حياة هيام المظلمه
هل تسترجع نضرها ام تواجه عقبات
انتضروني ببارت جديد

نهاية البارت اتمنه يعجبكم

هسه كملته اذا عجبكم
اريدكم تفجرونه بالتصويت حتى لو بعبوه ناسفه
عمي راضيه