صرخة قلب الفصل الثالث عشر 13 - بقلم سحر الغرام

الكاتبة
سحر الغرام 🌹
..................
#ياريـــت الوجـع ينشـــاف #وراويكــم. وجـع گلبـي

عمه اشبيج يالغاليه

ضرغام الى متى تبقون هيج كلي

ما ادري يا عمه اني هم مثلج محتار وتعبان شسوي بعد كليلي ماكو شي ما سويته بس بدون فايده

اخذتلها صفنه امل ..................

شوف عندي خطه

شني
انته اريدك اجهز مزرعتنه من كلشي والشبابيك اريدك اتقفلهن والبيبان هم يعني من تدخل لداخل البيت كلشي يكون امقفل هسه تروح وتنفذ كلشي وهاا اريدك تاخذ مسواك يكفي عشرة ايام

وكلشي تحتاجه انته وهيام

عمه على شنو ناويه كليلي

اريدك تخطف هيام ............؟؟

شنووو

اي ومن باجر مو ترجع من الدوام انته تجيبها من دوامها بس ما تجيبها لهنا لا تاخذها للمزرعه

وتبقون اهناك واي شي تحتاجه بس خابرني
وما ترجعون اله وانتم متصالحين بقت الشغله يمك انته وشطارتك

عمه بس هيام ما راح تقبل

ااااي ادري راح ترفض بس لازم انحطها گدام الامر الواقع

صح كلامج تركتها اهوااي بس خلاص طفح الكيل

ولازم نحط حد لكلشي

اني راح ابلش بخطتنه من هل لحضه ماشي سلام رابح ايلش

راح ضرغام خطوات ورجع حضن عمته وضمه لصدره حيل احبج احبج يا عمري انتي

ههههه مجنون رووح يله

رايح رايح

راح ضرغام وجهز كلشي بقه لليل يله كمل

ورجع ويحجي ويه عمته بالنضرات اشر الها يعني كمل كلشي وهي افتهمت عليه

ثاني يوم كان عادي وكلمن راح لدوامه

................................................
اليوم تيم قرر يحجي ويه هيام ويخبرها ابحبه الها وهو مستعد يسوي اي اي شي

ولمن اتكلم وياها هيام ما انصدمت لان هي حست عليه من زمان

وهيام حجت وياه

شوف تيم اني احب ضرغام من زغري ومن سابع المستحيل افكر احب شخص ثاني غير ضرغام صح اتعذبت اهواي بسببه بس حبي زاد اله ما نقص اتمنه تبقيني بالك بس مجرد صديقه واخت ما اريدك اتفكر بيه غير شي وانته اهواي يتمنن منك كلمه وحد

شوف وحده تشبهك وتحبك اني ما احب غير ضرغام ف لا تنتضر مني شي اسفه واعتذر منك اذا جرحتك بكلامي

وتركته وراحت وخلته ابخيبت امل كلش جبيره

............................................................

وصار وقت رجعة هيام وجانت منتضره السايق يجي الها
بس اتفاجئة من شافت ضرغام

نزل كاشخ والنضارات السود تجنن عليه اليشوفه يشبه اليشتغلون بالمافيا

اشلونج يا حلوه

انته اشجابك هااا

اجيت اخذج لييش

لعد السايق وين

عطلت سيارته وخابرني حتى اجيج شنو ما حابه اني اوصلج

ااااي احب السايق يوصلني مووو انته

يله يا حلوه خلينه نروح

عاندته وگعدت وره بس هو جان واكف ويباوعلها مصدوم

لا يكون السايق اني وما ادري شوفي راح اعد من واحد لتلاثه اذا ما كمتي وگعدتي گدام اجي اشيلج شيل وانتي تعرفين اخبالي يله كوووومي

كامت تأفف وصعدت كدام لان تعرف ضرغام يسويها حتى لو بنص الكلية

شغل السياره ومشى وهو يددندن وهيام بس صافنه عليه

وصل للسوك طلب بيتزا وسألها شتحبين اطلبلج

شكرا ما اريد منك

اشبيه وما تردين مني قابل مرض واعديج

هيام .........اووف اوووف اتأففت ودارت وجها للجامه

كمل طلباته ومشه بس راح بطريق مو نفس الطريق الكل مره تجي هي بي

سألته وين انته رايح هذا مو طريقنه

اعرف بس عندي شغله يم اوليد راح اروح اله بالاول وبعدين نرجع للبيت

بس اني تعبانه ليش ما وديتني اول وبعدين ترجع لصاحبك

هيام والله تعبان (حجاها بصوت ناصي يلمحلها)

وما اكدر اوديج وارجع اروح اله كلت مره وحده اروح اله وبعدين نرجع سوه للبيت

بس احنه بعدنه اهوااي عن منطقتنه هاي منطقه ثانيه

بس اصبري عليه خلااااص

وصلنه شوفي؟

ششوف هاي مو بيت المزرعه مالتكم احنه اشجابنه اهنا هاااا

تعالي انزلي يله

ضرغام ما انزل اريد ارجع للبيت يله رجعني

ما سمع منها ضرغام اندار الها وفتح الباب وسحلها من اديها وحطها على متنه ودخلها جوه

وهي تصرخ وتضرب على ضهره

ضرغاااااام نزلني لك حقير اتركني انته المن جايبني لهنا عوفني

بس ضرغام ما يسمع منها دخلها لجوه وقفل الباب عليها ورجع دخل سيارته ونزل الغراض وفتح الباب ودخل

وهي تدفع بي تريد تطلع بس ما تگدر اله

هي اتصيح وتريد منه يرجعها للبيت بس ضرغام يغني وما منطيها اي اهتمام كاعد يجهز بالغده وهي تفتر وراه وتصرخ تريد ترجع

كمل تجهيز الغدا وندار الها وكاللها يله يحلوه خلينه نتغده غدا رومانسي

انته اشتحجي من كل عقلك تريدنه نتغده غدا رومانسي هههه والله بطران

هيام اني ما اعيد كلامي مرتين يا تجين برضاج يا اني اغديج على طريقتي

مااااا اتغداااااااا (بصراخ)

كام الها يريد يكمشها بس هي تفتر داير ميز الطعام
ويحاول يكمشها بس ما يكدر

وجذب عليها كال

هلو عمه امل انتي اجيتي (جذب عليها)

دارت وجها هيام وكمشها ضرغام انتي ما اجيتي برضاج بس هسه راح اوكلج على طريقتي يا عافيتي

مااا مااا ما اريد عوفني اريد ارجع للبيت ما اريد ابقه وياك

گعدها على كرسي وربطها

انته اتخبلت يله فك اديه ضرغام الضاهر اشتاقيت لهاي الشغلات (هيام تتذكر من جان يربطها ويعذبها)

اعرف قصدج يا روحي بس وداعتج ندمان كد شعر راسي ولو يرجع الزمن لوره جنت ما صدگت كلام هذاك السافل وجنت لميتج لحضني وصرت سند الج

بس وداعتج من هذاك اليوم واخذت وعد على روحي للموت ما اتركج او اتخله عنج

يله خلينه نتغده حبابه

ماااااا

هذا اخر كلام

ايي

اقترب منها ضرغام وصارت المسافة معدومه بيناتهم هي مربوطه على الكرسي وهو امدنك عليها

شوفي الج جواب واحد واذا رفضتي راح اعاقبج تدرين شنو العقوبه هااا كليلي شنو

هيام بلعت ريگها وكالت شنووو ......

راح ابوسج كل ما ترفضين تاكلين
راح ابوسج
هاي من صالحي اذا رفضتي عيد وجابه العباس 💃

لا لا ما تسويها ضرغام شوف اذ اتجاوزت احدودك وياي ما راح اغفرلك والله.

يله هاج اكلي هاي من ايدي

مممم لا ما اريد كتلللك

ما تردين مووو

حط ماعون الاكل واجه الها قبل ما تحجي خمطها ابوسه وكام يتفنن بيها

وهي حاولت تبتعد بس ما گدرت عليه كامت عضته من شفته

اااخ شنو انتي وتعضين هااا شنوو تدرين راح يزيد عقابج يا حلوه كل ما تشاغبين راح ازيد عليج العقاب وهسه صارن بوسه وحضنه ام الشمه اااوف

رجع باسه وهل مره ما خلاها اتعضه وحضنها لمن حست اضلوعه طكطكن

هي بكلبها ما رافضه وتتمنه يزيد عقابه الها لان مشتاقه اهواااي اله بس بالضاهر رافضه وضلت امعنده لمن صار عقابها بوسه وحضنه وشمه وكال الها راح يزيد عقابج اذا رفضتي مره ثانيه راح تنامين ابحضني اليله وغمز الها

بحلامك ضرغام مستحيييل انام ابحضنك لو تموت ما راح انام

وغلاتج راح اتنامين ابحضني وانتي الممنونه

اتغدو وهيام لسه امبرطمه

بس كامت تبجي

وضرغام ارتعب وخاف عليها

اشبيج عافيتي ليش تبجين هااا

مشتاقه لعلاوي والماسه اهئ اهئ اهئ

هسه اتصل بيهم صوت اوصوره واحجي وياهم

لا لا اريد اشوفهم واحضنهم ما اريد اخابرهم رجعنييي اهئ اهئ اهئ.

احضنيني اني ابوهم وحنه نفس الريحه كلنه

لااااا ما اريد احضنك اريدهم اهئ اهئ اهئ

خلاص هيام انتي مو طفله كافي ما راح ارجعج منا لمن نصلح علاقتنه

راح ضرغام اتأكد من البيبان والشبابيك كلها مقفله

ورجع فك ارباطها وهيام تفرك بيدها لان كامن يوجعنها من الحبل

كامت وركضت عبالها الباب مفتوح بس اتفاجأت من القفل وركضت تدور باقي البيبان بس ماكو فايده

وضرغام حاط رجل على رجل ويضحك
حجه وياها...اتعبين وكلشي ما تحصلين يالعافيه تعالي لحضني اني اعوضج وغلاتج

رجعت ووكفة اكباله شوف ضرغام هسه ترجعني للبيت يله يله رجعني

ماكو رجعه يا عافيتي تعالي ما تعبتي وهسه وكت نومه ما تتعوض يله تعاي بحضني واخلي صدري وساده الج يله

لاااا ما اجي اريد ارجع للبيت

خلاص انتي الخسرانه اني راح انام واريح جسمي اشويه وانتي ابقي واكفه تكولك عمود كهربه ضاوي
انطاها بوسات بالهوى وعدل مخدته وحط راسه ونام

وهيام ما خلت مكان ما راحت اله بلكي تحصل طريقه تگدر تطلع من هذا البيت بس للاسف ماكو

صار العصر وهيام على وضعها بعدها ملت واجت تريد تگعد وراحت عينها على الشخص المرمر كلبها اسنين اقتربت منه وضلت تملي عيونها بشوفته وراحت ايدها على لحيته وهي تتلمسها بهدوء

حس عليها ضرغام بس ما اتحرك ولا بين الها هو گاعد كيف على هل وضع وهو يتمنه تكون هيام قريبه عليه مضا عليهم ربع ساعه وبعدها لزم ايدها وباسها نزت ورادت تكوم بس هو جرها اله حيل وصارت بحضنه

عوفني عوفني

لا ما اعوفج بعدين لا تجذبين عليه وتكليلي ما احبك

ليش لمته اني جذبت ضرغام بعد كل الصار واني ما كتلك اكرهك كل مره اكول احبك بس ما اسامحك بسهوله

ارجوك اتركني وخليني ارجع للبيت طك كلبي عليهم

واني ما طك كلبج عليه هيام الواحد من يغلط يتسامح على الغلط الارتكبه وحتى رب العالمين يسامح عبده منو احنه وما نسامح هااا

الخاطر علاوي والماسه سامحيني وخلينه نبدي من جديد ويه اطفالنها الله يخليج هيام تعبت والله

مو مشكلتي ما اسامحك ولو بعد سنه تحبسني هم ما اسامحك

بس اني ندمان يا عمري وغلاتج الندم اكل كلبي ما اتحمل اتبعدين عني
مو مشكلتي كتلك سماح ما اسامح ومستحيل نرجع سوه

الضاهر اعصابج تعبانه راح اخليج ترتاحين اصلن تعبتي من الصبح لسه وبعدين نحجي بهذا الموضوع

لا تعبانه ولا شي وهذا الموضوع ما يحتاج راحه حتى نحجي بي انته حجيت كلشي من زمان

تركها ورجع نام

بليل............

اتصل ضرغام بأمل فديو وامل اول ما فتحت الكامره
جانت منتضره يتصالحون بس من وجوهم عرفت كلشي
اشلونج هيام يا عمري طمنيني

هيام ...
يا كلبي انتي طمنيني عنج اشلونج علاوي والماسه اشلونهم كلبي طاك عليكم

شوفي هيام اولادج عندي وبحمايتي فلا تشغلين بالج واتهني بالعطله

هههه يا عطله عمه كولي سجن اتفق وياج وياريت تحجين ويه ابن اخوج يطلق صراحي
وين علاوي والماسه اريد اشوفهم

انتضري خلي اصيحم

جابتهم وهمه اول ما شافو امهم وابوهم وهمه فرحو اهوااي

ماما وين انتي

يا روح ماما الماستي الحلوه اووف مشتاقتلج
علاوتي يا عيوني اشلونكم

ضرغام ...تره ما تصير هاي هي روحج وهو اعيونج زين اني اشبقيتي الي هااا تره هسه اقطع الاتصال تره اغار

باوعتله صفح وكالت ما يهمني ترا الغرت والماغرت ولا شي بالنسبه اليه

ضلو يسولفون ويه امل والجهال ساعه وبعدها خلصو كلامهم ونقطع الاتصال

............................................................

مر 3ايام عليهم وماكو امل من هيام مصره على قرارها
شوف ضرغام صح اني ما راح اطلك منك لخاطر اطفالي بس ما راح نرجع مثل قبل مستحيل اتقبلك كزوج هاي انساها

اكو مسدس شكله ازغير دوم يحمله ضرغام
علم هيام اشلون تسحب اقسام وتضرب وحتى اتعلمت التصويب بجداره بسرعة عرفت لهذي الشغلات
جانت غايته يخليها تعرف ادافع عن نفسها

وبهذا اليوم عرف فهد وفرح بصلح هيام وضرغام
عبالهم متصالحين

وهنا بده ينفذ خطته

امل اغمه عليها ونقلوها للمشفى
وبقة الماسه وعلاوي عد عمتهم سما

بس همه رادو يشترون من محل حلويات اگبال بيتهم وراحو سوه واشترو و بالرجعه اعترضت طريقهم سياره سوده عاليه علاوي عبر الشارع بقة بس الماسه تريد تعبر بس انفتح باب السياره ونسحلت الماسه ومشت السياره بسرع وعلاوي بقه يبجي ويصرخ خايف على اخته والماسه تضرب بجام السياره الوره وتباوع لخوها وتبجي

رجع يركض لعمته المنتضرته يم الباب

عمه سما

اشبيك علاوي

عمه الماسه اخذوها

لك كلي منو اخذها منووو

ما اعرف . اريد بابا اريد ماما

خلاص اهده يا روحي تعال

سما خبرت اهلها وهمه اتصلو على ضرغام

...................................................

اليوم ضرغام جهز الريوك لهيام وكل مره يحاول وياها بس هي امجافيته ولا مهتمه بي صح تحبه بس ما تسامحه

ودك مبايله وكان المتصل الوالد

هيام ...منو

هذا ابوي انتضري بس اشوفه شيريد وارجع

خلاص براحتك

راح ضرغام وهيام رجعت تغسل اماعين بس فجأة انقبض گلبها وتذكرت الماسه وعلاوي وطاح من ايدها الماعون ونكسر

ضرغام ...ها بويه اشلونك

بخير اوليدي ضرغام شوف انته رجال قوي وتتحمل الصدمات ابني الماسه انخطفت

شنوووووو الماسه بنتي انخطفت اشلون هي مو عد عمتي

ابني امل اغمه عليها ونقلناها للمشفى حتى هي ما تدري شوف هيام ما لازم تعرف هسه جيبها للبيت وهي راح تعرف خاف يصير بيه شي اذا كلتلها

صار يابه يله اني لازم ارجع للبيت ابسرعه

رجع لهيام ولكاها لازمه كلبه وتبجي وتردد اسامي اولادها

ركض الها واخذها لحضانه

ليش هل دموع هسه عفتج ما بيج شي

ضرغام الماسه وعلاوي صاير بيهم شي كلبي حاسسني واحد منهم متأذي

لا يعمري هسه اتصل ابوي وخبرني ما بيهم شي بس انتابج هل شعور لان عمتي امل اغمه عليها ونقلوها للمشفى

ماما امل اشبيها

ما ادري جهزي روحج خلينه نرجع لان انتي ما راح ترتاحين اذا ما شفتيه
اي اريد اشوفه؛

طول الطريق وجهاز ضرغام ما سكت من الرن بس هو يرفض كل المكالمات وهيام مستغربه

حته يمشي سرعه بالطريق وباله مشدوه

ضرغام اشبيك عمتي صاير بيه شي متأذيه اهوااي

هاا لااا يا عمري ماكو شي بس اريد اوصل بسرعه

وصلو ومن دخلت للبيت اتفاجأة من وجود الكل وكلها ادموعه تجري

هيام ...شكوو ليش تبجون بعدين عمتي امل هاي يمكم ما بيه شي ليش هل بواجي

علاوي ......ماما اختي الماسه خطفوها

لا لا لا مو صح هل كلام الماااااسه الماااااسه وينج بنتي

ضلت ادور بالبيت كله بس ماكو اي اثر ل الماسه

رجعت تركض وتصرخ

وين بنتييييي وين وديتوها اريد بنتي لااااا ااااااااه

ضلت تلطم على وجها وتصرخ واغمه عليها

ركض ضرغام شالها لغرفتها ورشو ماي على وجها رجعت صحت وهم تبجي حضنت ضرغام وتتوسل بي

اريد بنتي ضرغام امووت اذا صار بيه شي
الله يخليك رجعلي بنتي

اهدي يا عمري وغلاتج راح ترجع لا تخافين ياعمري

تعالي انزلي جوه ولا تبقين وحدج يله يا عمري حتى يرتاح بالي من اروح وادور على بتنه ماشي

ااي خلاص راح انزل وانتضرك تجيبه

نزلت جوه وصارت امها اگبالها والدموع تنزل بغزاره

تتمنه لو تحضنه ولو لمره وحده

ضلت هيام صافنه عليه وصار كلامهن بالنضرات

بعدين ام هيام فتحت اديه اثنينهن تعالي يا يمه تعالي لحضن امج

ركضت هيام والدموع تجري وحضنتها

اااه ااااخ يا يمه ماريد شي غير الماسه اموووت اذا صار بيه شي الله يخليج اريد بنتي

اااااخ ااااااخ

اهدي يا روحي خلاص ضرغام راح يجيبها

بعدين حست بأيد تمسد على ضهرها رفعت راسها وشافت ابوها يحاول يكابر وما يبجي بس الدموع اتلالي بعيونه

وغلات اعيونج راح ارجعلج الماسه لو شيصير

بابا حضنته وضلت تنحب اختلطت مشاعره خوفها على بتها وشوگها لحضان ابوها النحرمت منه خمس اسنين والكل فرحان وحزنان بنفس الوقت فرحانين لان اتصالحو من بعد جفا

وحزنانين على الماسة البنت الراحت من اديهم جانت الماسه من النوع اليضحك واليسولف واليختلط ويه الكل وما تستغرب من احد وهي من النوع الفضولي

تستفسر عن الزغيره والكبيره ومخليه جو حلو بالبيت

.................................................................................

ضرغام بلش اتصالاته ويه معارفه بالحكومه

ورجع يدور بكامرات المراقبه مو بس البيته لا حتى ببيوت جوارينهم والشارع كله بلكي يعرف اي شي او اي معلومه تفيدهم وصدك شافو رقم السياره وبمعارفهم كدرو يعرفون السياره وكل سيطره مرت من يمه الكامره امصورتها واخر مكان عرفو وجهزو فريق من المكافحه حتى يداهمون المنطقه

بهل اثناء كل الي بالبيت مرعوبين وكل واحد يفكر شكل

وهيام بحضان امها وامها الثانيه امل وفجأة اجتها رساله من رقم مجهول وكان محتواها

(شوفي هيام اذا احد يمج ف انصحج ترحين بمكان لوحدج حتى نتفاهم تره الماسه غاليه عندج اعرف وهي عندي بالحفض والصون لحد ما نتفاهم اني وياج واي حركه غبيه منج يمكن تفقدين الماسه للابد يله منتضرج بعد خمس دقايق)

ارتعبت هيام ووجها صار اصفر ضمت المبايل وكامت

امل ...بنتي خيرج وين رايحه

ماما تعبت اريد اروح ارتاح ابغرفة الماسه واذا سمعتو اي خبر خبروني

وتركته بدون ما تسمع ردها

راحت تركض ابسرعه وامل شكت بالموضوع وراحت وراها

هيام گاعده ومنتضره المبايل يرن

وصدك رن المبايل وبسرعه كالت الوووو

فهد ...الله شنو هل صوت عمي موسيقه احسه مو صوت عادي

وين بنتي احجي

اووو على كيفج علينه يابه خليني اسلم عليج من زمان ما حاجين مع بعض

لك اااااحجي وين بنتي وليش خطفتها يا حقير

لا لالاااا كلشي ولا تنزل منج دمعه بنتج عندي يا حلوه وبصراحه مو بنت صاروخ

سافل اياك تلمس شعره منها قسما بالله اموتك افتهممممت

شوفي اذا ما تردين المس شعره منها تكدرين اتخليني المس شعره منج انتي وهيه اتركها

ايا حقير يا منحط لك انته شنو من بشر حرام اسميك بشر انته حيوان دجال بلا شرف يا ساقط

بلا كلام فضي شوفي يا حلوه اني من زمان مشتهيج انتي ولج انتي الوحيده التعبتيني كل وحده اريده تجي لحد عندي وبدون اعناد بس انتي وحده شايفه حالج وما تجين اله لمن الوي اذراعج خلصيني يا انتي يا هي وتعرفين عندي اهواي ارجال يشتغلون عندي وما اكدر ارد الهم طلب اذا رادوها واذا ضلت عدله وما ماتت يمكن ابيعها

لااااا لااااا مستحيل اسمحلك الله يخليك بنتي زغيره لا تسوي هل شي حباب

لاااا لاااا

خلاص خلاص اني اموافقه

على شنو اموافقه يا حلوه

اني راح اجيك .........

شوفي اي لعبه منج تروح الماستج منج

لا والله اني راح اجيك وعد بس اريدك توعدني تترك بنتي

اتركها هاي اگبالي هسه وتدرين هذا ضرغام اني اشوفه بس هو ما يعرف اني اعيوني بكل مكان يكون بي موجود ويا حلوه صارو اثنين اعزاز على كلبيج بين اديه هذا القناص موجود وبكلمه مني تنتهي حياتهم اثنينهم

لاا لا لا فهد كتلك راح اجي انطيني العنوان

صار من اعيوني تدللين بس اريدج تجيبين بدله مال نوم حلوه على ذوقج ماشي ممم

خلاص راح اجي

انتها الاتصال وهي طاحت بالگاع تبجي وتلطم على اخدودها

وجانت امل واكفه وره الباب وسمعت كلشي وادموعه تصب على بتها الكضت كل عمرها اهموم وادموع وما ارتاحت ابد

اجت وحضنتها وكامن يبجن اثنينهن

ماما ليش ليش هيج يصير بيه بعد ما اتحمل ما اگدر تعبت والله تعبت اهئ اهئ كليلي شسوي ما اكدر اضحي بيهم ما اگدر

اهدي يا عمري اكيد ضرغام راح يجيبها

لا لا ما راح يكدر يجيبه واذا ما رحت راح يموتون اثنينهم لازم اروح

كامت لبست عباء اسلاميه بيه اجيوب اكبار من گدام وشال وهي تدور على الشال صار اگبالها مسدس

اتذكرت اشلون من علمها ضرغام عليه واجت ابالها فكره

باللحضه التعرف بيه ضرغام وبتها رجعو بخير وسلامه راح تنهي حياتها اكبال الحقير فهد

وعمتها اتحاول تمنعها

هيام انتضري يا عمري بلكي جان يجذب عليج

بهل لحضه اجتها رساله وجانت صوره ضرغام وهو يدور على بته وصوره ثانيه بيه الماسه امربطه وتبجي

ويمها فهد يضحك

امل ضلت صافنه وكل جسمها يرجف بعد ما تكدر توكف على رجليها گعدت على الكرسي الموجود يمها وهيام كعدت يم رجليها تتوسل بيه ما تمنعها من الروحها

ماما لا تحجين لاي واحد حبابه راح اروح لازم اضحي بروحي الخاطر ضرغام حبيبي ما اكدر ابقه عايشه وهو تحت التراب افهميني هذا فهد واحد حقير ويسويها اليكتل امه بدم بارد يكدر يسوي اي شي

بس اريد منج شغله اريدج تهتمين بالماسه كون تصيرين الها ام مثل ما صرتيلي ام عوضتيني عن كلشي وعديني هااا اوعديني

وضرغام اريدج اتخليني ينساني ويكمل حياته وهو مرتاح وعلاوي امانه عندج باست ادين امل وشبكتها

اخذت المسدس بعد ما اتأكدت من عنده بي طلق

وتركت امل منهاره وتبجي امل من اغمه عليها واخذوها للمشفى سوت تحليل وطلعت حامل وجانت فرحانه بس خبر خطف الماسه ما خلاها تكول ل اي احد

نزلت هيام وهي تباوع لكل واحد وتتمنه تحضنهم لاخر مره بس ما تريدهم ينتبهون عليها

صار اگبالها ابوها ومبين باجي لان اعيونه حمر والدموع اتلالي اقتربت منه وحضنته بقت ابحضنه وهي تبجي وتشتم عطره وبكلبه تحجي (اااووف اشكثر مشتاكه لريحتك يالغالي اتمنه اموت ابحضنك مو ابعيده عنك سامحني اذا زعلتك يوم او قهرتك)

تركته وراحت كالتله اريد ابقه وحدي بالحديقه

راحت ودارت داير البيت لمن وصلت للباب وطلعت

......................................................

تيم ...بعد ما اگدر ابقه وياها بنفس الكلية راح انقل لمكان ابعيد عنها بس اليوم لازم اشوفها لان اشتاقيت الها وصار الها اتلث ايام ما شايفه بس لازم انهي هذا الحب من طرف واحد بشوفتها لأخر مره

شغل سيارته وراح وصل لشارع بيت هيام وصار قريب من بيتهم كلش وفجأة شاف هيام تبجي ومستعجله وكفت تكسي وراحت وهو حس كلبه صاير شي بيه وراح وراهه بقه مراقبها بس هاي مشت اهواي السياره وراح تدخل محافظة جديده

ضرغام هو وجماعته داهمو المكان ولكو بس الماسه وهي امربطه وتبجي ركض ضرغام الها بدون تفكير وفك ارباطها وحضنها وهي شبكته مرعوبه وتصرخ

هداها بالكوه واخذها ونطلق للبيت وكل هذا وجان اكو احد يصور بي بدون علمه وصل للبيت والكل فرحان وكلهم يصيحون هيام وينج تعالي الماستج رجعت بس ماكو هيام وين راحت

امل ...ما اعتقد بعد اكو هيام لو هيام ما راحت ما كنتو رجعتو سالمين يا ضرغام

شنو قصدج عمه فهميني

امل ...اجاها اتصال ............وكملت كل السالفه الهم واشلون ساومها لو هي لو بتها وضرغام

لا لا لا مو صح هل كلام مستحيل تعوفني وتروح لهذاك السافل

ما راح اتروح اله يا ضرغام بس تتأكد من رجعتكم سالمين راح اااااه راح تقتل نفسها بمسدسك يا ضرغام

اخذته من اخزانتك

لا لا عمه مو صحيح كلامج انتي تدرين اموت اني بدونه هااا هي تعرف ما اكدر اتنفس بعد اذا عافتني

انتي اشلون اتخلينه اتروح اشلوووون

اتخبل ضرغام وكسر كلشي موجود يمه واديه كامن يجرن دم

يبجي ويصرخ واجاه اتصال من رقم غريب خاف ما يريد يرد على هذا الاتصال خاف بي خبر سيء على هيام

ما رد ونتها الاتصال وبقه صافن على المبايل ورجع رن مره ثانيه بس هل مره فتح خط ضرغام

ا ا الوووو

مرحبا ضرغام اني تيم زميل هيام بالكلية

بصراحه بالصدفه مريت من يم بيتكم وشفت هيام تبجي ومستعجله وركبت تكسي وراحت وبصراحه خفت عليها ورحت وراها وهسه هي بمنطقة ال ......

حاليا احنه يم سيطرة ال... ......لان ازدحام اني وراها مباشرتا

متأكد صاير شي لهل سبب خابرتك

تيم امانه لا تضيعها ابقه وراها ابد لا تعوفها واني راح اجي شوف اريدك اتشغل برنامج المواقع حتى اعرف وين انته وراح اعرف تحركات هيام ماشي

خلاص راح احددلك موقعي وراح ابقه وراها لمن تجي انته

انطاه الموقع وضرغام اتصل بجماعته بالمكافحه وحددو الموقع واجته اربع سيارات للبيت ركب وراح بدون ما يعلم اهله شي

انطلقو بكل سرعه ومشو بطريق اقرب لموقع هيام وما بي ازدحام

رجع اتصل ابتيم

ها تيم

ضرغام حاليا وكفت اگبال عماره نزلت هاي گدامي

راح انزل وراها

لااا لاا تيم لا تنزل ابقه امكانك احنه تقريبا وصلنه

ماشي منتضركم

هيام ......وصلت وكل جسمي يرجف ما اعرف شنو راح اواجه بهذا المكان راح اگدر انهي حياتي لو هل حقير يدمرني بس لا لازم اصير قويه واحافض على ضرغام واصون عرضه وشرفه

كل خطوه تنحسب من عمري واخر خطوات بحياتي المره الماشفت منها غير القهر والذل والحرمان يله بقت على هاي اصلن اني الفرح ما مكتوبلي افرح يوم واحزن اسنين وراح اموت واني حزينه

وصلت للشقه ورادت تدك الباب بس كان الباب مفتوح

دخلت اول خطوتين وبقت مصدومه من المنضر

جانو موجودين زلم اتلاثه ويه فهد وبت تقريبا اكبر منها بحضن واحد من الزلم ومصلخه وتشرب جكاير ما عرفتها لمن سمعت صوتها

فررررح معقوله

هههههه ههههههه اي فرح اشلونج هيام واخيرا اجيتي برجليج

دارت وجها لفهد ...انته اشلون تسمح لختك كاعده بحضان الزلم هاااا هههه بس اني ويه منو احجي

ها يحلوه ليش عصبيه اهدي اريدج هادئه ما احب العصبيه من تكون ابين اديه واني اداعبها

انته وعدتني راح اترجع الماسه

واني عد وعدي باوعي بالشاشه هاي الكبالج

شافت ضرغام اشلون من اخذ الماسه وركبو السياره وراحو

بس هل شي مو كافي لازم اطمن عليهم

اي حقج اتصلي بيهم

فتحت مبايلها وتصلت بضرغام

الووو ضرغام

اي يا عمري ارجعي ارجعي هيام هاي الماسه بحضني

سامحني ضرغام بعد ما اگدر دير بالك عليهم امانه بركبتك ابني وبنتي

واني يا هيام منو الامنتيني عده هااا يروحي يا عافيتي

اشلون تعوفيني كليلي اشلون انطاج كلبج

سويت هل شي حتى تبقه عايش يا عمري روح اوداعت الله ضرغام

هياااااام لاااا ...............

انقطع الاتصال

فهد ...هاا ارتاحيتي

انته ليش تكرهنه احنه شنو سوينالك هاااا

فرح ......ما تعرفون شنو سويتو اني اكلج انتو قتلتو امي بدم بارد وتردونه نعوفكم مرتاحين لا لا ما اخليكم ترتاحون طول ما اني عايشه

ليش هو منو قتل امج ما تعرفين

فهد كام يبلعم

اخووج القتلها

ش شنووو شنو اخوي

ليش ما كالج من طلعتو منو دفعها وطك راسها بالحايط

ما كالج شافها تنزف وما اهتم بيه وتركها وراح

كل هل شي امصور ابيتكم ولحد الان موجود التصوير عد ابوي اذا تردين تنتقمين انتقمي منه هو

بقت تباوع لفهد وفهد كام ينكر ويدور اعذار

وهمه يجادلون هيام كامت تحسبها ابالها اذا صوبتهم كلهم عده فرصه تكدر تهرب من عدهم كامت اتخطط اتصوب منو اول (هذا اليم فرح قريب عليه اول واحد اصوبه وبعدها فرح اصوبها وبعدها هذا ابو شوارب والبصفه ولازم انتبه خاف فهد يكوم ويجي ركض بتجاها هم لازم اخذ حذري ولازم اكون سريعه) تتذكر ضرغام من علمها اشلون تضرب وشلون اتكون محترفه

خلاااص فرح كافي عوفينه من هذا كله وشوفي هاي العروس الواكفه خجلانه يم الباب لازم يا حلوه تجهزين نفسج لان منتضرج من زمان وبعد ربعي هم منتضرين دورهم اكيد ما اسخي بيهم وما اخليهم يتعرفون عليج

لااا ما يصير

جانت هيام واكفه يم الباب وحاطه ايديها بجيوبها وحده من ادينها لازمه المسدس رفعت ايدها وتفاجئو من المسدس

هذا اليم فرح عنده اسلاح وراد يطلعه من ضهره بس هيام اسرع منه صوبته بكلبه فرح كامت تصرخ بمكانها

وبعدها صوبت ابو اشوارب والبصفه كام فهد يريد ياخذ اسلاح صديقه بس اجته الطلقه من ضهره دخلت مباشرتا لكلبه طاح وفرح كامت مثل المجنونه تصرخ وركضت لهيام تريد تكتلها هيام غمضت اعيونها وكامت تضرب بدون ما اتشوف لان ارتعبت من هول المنضر

وجانت النتيجه طلقتين بصدر فرح وطاحت وهي تنزف

تيم سمع صوت الطلق وراد يصعد بس احد لزمه من ايده اندار لكاه ضرغام

تيم تكدر تروح

بس هيام سمعت صوت طلق

خلاص تيم كفيت اوفيت الله يخليك روح واني راح اشرحلك كلشي بعدين وعد يله روح اني مستعجل خله واحد من الشرطه يوصل تيم لسيارته وضرغام ركض

.....................................................................

هيام گاعده وتبجي وهي تباوع لفرح اشلون اتنازع روحه

اقتربت منها وهي تبجي

والله ما كان قصدي اموتتتج صدكيني فرح اني مو سيئه والله العضيم ما اعرف اشلون صار هل شي جنت ناوي اني انتحر اهنا بس بس ما اعرف اشلون سويت هل شي فرح خلاص راح راح اتصل بالاسعاف

حجت فرح بصوت متقطع ...س س امحيني هيام اني اذيتج اهواي واستاهل الصار بيه هاي نتيجت اعمالي السيئه بس جان كل حلمي هو ضرغام وبس وووفهد هو الكبر كرهي عليج وخلاني ااذيج سامحيني

اني خايفه ما مااااريد اام وت ما اريد امووت

بهل اثناء دخل ضرغام والمنضر مرعب جان خايف على هيام بس من شافها الكاع ما شايلته من الفرح ركض عليها وحضنها ويبوس بيها لحضات وحس احد لزمه من رجله

باوع لكاها فرح والدم تارس المكان تنزف جانت اتباوعله وادموعها تنزل

گعد اكبالها وجاب بطانيه وغطاها وضغط على الجرح

اهدي فرح ما راح يصيرلج شي صدكيني

ضرغام سامحني اني اذيتك اهوااي ما اريد شي غير بس اتسامحني وتدعيلي الله يغفرلي هاي نهايت كل واحد ضالم وماشي بطريق كله غلط بغلط

فرح اني ما زعلان منج خلاص اهدي

س سامحني الله يخليك

امسامحج والله

ابرولي الذمه وبعدها طلعت روحها وفارقت الحياة

لااااا فرح لا تموتين والله ماكان قصدي لاااااا لاااا

هيام اهدي يا روحي اني يمج خلاص

لك ماتتت اني موتتهم بيدي

اني نهيت حياة اشخاص مو واحد لك خمس اشخاص اني موتتتهم كامت تلطم على وجها وهو يحاول يهديها

اجو الشرطه الوياه همه اصدقائه وغطو الجثث

وضرغام اتصل بعلي وطلب منه يجي ابسرعه وصدك اجاه

شوف تاخذ هيام وترجع للبيت وما اريد احد يحجي وياها فاهم

ضرغام فهمني انته اشصار

الصار اني قتلتهم

شنووو

اي اني

وهيام جانت موجوده وشافت كلشي لهذا سبب

هي انهارت وحالتها صعبه اترجاك اخذها للبيت ونطيها حباية مهدء وخليها تنام وانتبه ما اريد احد يحجي وياها فهمت

اي خلاص تعالي هيام

لااا ما اريد اروح اني قتلتهم

شنوووو انتي

علي خلاص كتلك هي اتحس بالذنب لهذا اسبب تكول قتلتهم لان ابسببه ماتو

اخذ علي هيام للبيت

وضرغام اتفقو ويا كل الشرطه على اساس دفاع عن النفس لان قدمو بلاغ من قبل بخطف بنته

وخلو كلشي لصالحهم

واخذو المسدس الموجود عد صديق فهد

وضربو ضرغام ابيده على اساس من ضربو ضرغام هو دافع عن روحه

اجه الضابط المسئول عن هذي الجريمه وحققو ويه الموجودين وكلهم نفس الجواب وضرغام نقلو للمستشفئ حتى يتعالج ومناك يبقه تحت ذمة التحقيق بالمكافحه

ونقلو للمحكمه

تم تبرئته لان اعتبروها قضية دفاع عن النفس لان انقذ بنته

وكل اهله امصدكين عبالهم صدك ضرغام هو القتلهم

وخلال هذي المده هيام اتخربطة احواله مرعوبه طول اليوم وما تحجي ويه احد وكل فتره تصرخ وتكسر كلشي موجود يمه ويغمه عليها وحتى من رجع ضرغام للبيت نفس الشي

ومره نقلوها للمستشفئ واجرولها اشوية تحاليل

وكل الدكاتره يكولون حاله نفسيه

ابو ضرغام صارت عنده شكوك اتجاه هياموشكوكه انو هيام اتعرضت للغتصاب من قبل فهد واربعه وبسبب هل شي حالتها صارت هيج كام يضوج منها وحتى مرات من تسوء حالتها يضل يغلط عليها ومره كال الها انتي ما اريدج ابيتي تبقين اطلعي بره

ضرغام ...يابه انته اشتحجي
سمعتني شنو احجي ما اريدها ابيتي خليها تطلع بره وحده سافله ومو طاهره لا اتفكرني غشيم ادري هل حقير اعتده عليها هو اوربعه وانته اتطمطم بالسالفه وحالتها ابسبب هذا الشي

يابه والله العضيم محد لمس شعره منها لمن وصلت لكيتها بعدهي بالباب واكفه داهمنه الشقه وكتلناهم كلهم

ما اصدكك ضرغام اعرف انته اتحبها واكيد سامحته بس اني ما اقبل بيه بعد ابيتي ليش راحت اله ليش ما خلتك انته اتواجها

بويه هو جان ناوي يقتلني اني والماسه بس هو اتفق وياها اذ راحت اله راح يتركني وهي وافقت بس جانت ناويه تنتحر اهناك لمن تتأكد من وصولي

بس ما تدري راح اوصلها ابسرعه

ما تقنعني يا ضرغام اله اذا خليتها اتسوي فحص يله اقتنع

هيام ...جنت واكفه ومصدومه من كلام عمي معقوله

هيج يفكرون بيه

ما اتوقعت تفكرون بيه بهل طريقه

خلاص تردون اسوي تحليل ماشي راح اسوي هل تحليل بس من يخلص التحليل اني ما ابقه ابهذا البيت راح اروح ل ابعد مكان اني واطفالي

هيام خلاص

لا تسكتني ضرغام خلاص انتهينه

عافتهم وراحت هيام

صار ثاني يوم وكعدو لكو هيام كاعده ومجهزه روحها

من شافتهم كامت وكالت

ضرغام اني جاهزه منتضرتكم حتى انسوي التحليل وبعدها اطلع من هذا البيت جهزت ملابسي وملابس اطفالي لان ما اضل دقيقة وحده

وتركتهم وراحت بره يم السياره

بويه ارجوك خلاص انسه السالفه تره ما تستاهل

لا يا ضرغام هذي السالفه مو هينه وكلبي ما يرتاح اله لمن اتأكد

اتريد تتأكد

ماشي اسمع مني هذا الكلام

القتل فهد وفرح والوياه هي هيام

شنوووو

اي هي هيام

والحاله الوصلت الها بسبب هل شي بس اني اتحملت عنها

وفهد ما لحك يسوي شي لان هيام اول ما دخلت ومن اتأكدت من وصولي للبيت بعدها قتلتهم كلهم

بعدها كعد ابو ضرغام ندمان ومتحير اشلون اتهم هيام

كام وراح وره هيام

جانت كاعده وتبجي وابوها واكف يمها ويخفف عنها اتفق وياها اتفاق اجيب ابنها وبتها وتعيش وياهم وفنه اليحاجيها

بس اتفاجأت من عمه لكته كاعد يمه

هيام ابنيتي سامحيني ياعمري والله ندمان

اسف يا روحي مستحيل اسامحك ابسهوله عمي

لا يروحي والله ندمان

سامحيني خلاص

ضرغام. ......هيام يا روحي خلاص يله والله تعبت من المشاكل يله هدو النفوس

اسفه ما اكدر اسامح بعد كلبي تاب مو بهل سهوله اسامح احد ونسه كلشي سواه وياي من اذيه

امل ...يله تره تعبتونه بمشاكلكم واني هاي اجازتي عدكم كضيته بس مشاكل

بعدين عندي خبر حلو الكم

الكل .........شنووو

اني حامل

هيام ...صدك ماما

اي يا روحي

هذا احله خبر اسمعه بحياتي

الف مبروك يا عمري

يله فرحيني اني هم مثل ما فرحتج هيام وترجعين لزوجج

اسفه عمه اني اريد اطلك
شنووو تطلكين انتي اتخبلتي
عمه ماكو شي بعد بيني وبين ضرغام انتهت علاقتنه من زمان صح احب ضرغام بس ما اكدر اعيش وياه بعد اني قررت خلاص راح ارجع لبيت اهلي واكمل حياتي اهناك ابيت ابوي

ضرغام كلبه انمرد من سمع كلامها فكر بعد الصار راح يرجعون سوه بس انصدم من قرارها
هيام ...اسفه منكم بس خلاص هذا حدي وياكم ولهنا وتنتهي عشرتي وياكم ما اكدر اكمل

ضرغام ...عمي احجي شي قنعها فهمها اطفالنه محتاجين ابوهم وامهم بنفس الوقت

ابني ما اكدر اطلب شي من هيام بي مضره الها بنتي تعبت ووصلت الموت واني جنت كاعد اتفرج عليها ولا مهتم انته اصار بيك من انخطفت الماسه كلي اشحسيت كلبك اشكال
اني هم كلبي ما يكدر يفرط بيها هي خمس اسنين وهيج صار بيها اشلون اذا بقت وياك العمر كله

اعتذر ابني
راحت هيام اخذت الماسه وعلي ومشت ويه ابوها وضرغام اتخبل ضل يتوسل بيهم بس ماكو فايده

ابو هيام بنه بيت كلش حلو وازغير على كد هيام واولادها حتى تاخذ راحتها هي واطفاله

جهزه الها من كلشي وهي رجعت لدراستها
بعد مرور سنين ..................
هيام ما طلبت الطلاق من ضرغام بقت هيج بس اسمها متزوجه وضرغام من كثر محاولاتها الها أييس وتعب ماكو فايده كبرو علي والماسه وهي وياهم اليشوفها يكول اختهم مو امهم اتخرجت ورجعت مره ثانيه تدرس تريد شهاده ثانيه

اما علاقتها ابضرغام عاديه كلش هي ما منعته من شوفت اولاده يعني مسموحله بأي وقت يجي يشوفهم ما تمنعه وكل مره يحاولون علي والماسه يصالحونهم بس كان الرفض من قبل هيام

غير محاولات الاهل بس هم جانت بلا فايده اهل ضرغام يردونه يتزوج اذا ما رجعت اله هيام بس هو رافض هاي الفكره يكلهم تردون اطفال يصير عدي عندي اطفال ولد وابنيه كلش كافي زواج ما ازوج واجيب وحده على هيام لو اموت اني ابقه هيج لحد ما الله ياخذ امانته
هو من يشتاقلها يروح لبيتها بحجت يشوف ابنه اوبته وهناك يتمعن بجمالها الرباني ويملي اعيونه بشوفتها ويرجع للبيت

ومن كثر ما اهله يلحون عليه غير دوامه ورجع يداوم شهر بره البيت واسبوع اجازه وهذا الاسبوع يكضي عد هيام بحجت يشوف اولاده هيام تعرفه كلش زين ومرات تتركهم وتروح يم امها وابوها

اما تيم ف اهواي حاول ويه هيام واترجاها تطلك من ضرغام
عيشي حياتج هيام انتي من حقج اتعيشين ويه شخص يعرف قيمتج و يقدرج واذا اطلكتي شنو انتي اول وحده تطلك هاا

تيم اذا كتلك ماكو احد يحبني مثل ضرغام ما راح اتصدك
واني ابقه زوجته لحد ما اموت وارجوك خليك ابعيد عني حتى صداقتك ما اريدها بعد من هاي اللحضه

وتركته وراحت

بقت هيام تدرس وتدرس لحد ما نجحت وصارت استاذه جامعيه مثل عمتها امل وصارت عده شخصيه قويه وغامضه اما امل ف صار عدها اربع ولد وابنيه
وعايشه ويه زوجها ومرتاحه واهواي ضرغام يترجاها تتوسطله لهيام بس هي ترفض ما تكدر تضغط على هيام لان اكثر شخص اتعذب وانظلم وعاش المر هي هيام ف ما تكدر ترجع اتعيشه المعانات نفسه
تريدها اتعيش حياتها الباقيه على مزاجها

الئ هنا تنتهي قصة هيام وضرغام

العاشو حياتهم بس مشاكل وفراق

(بصراحه البارت القديم مو كلش احسه ضابط وصار بي اشكال اشويه وما حسيته انطه حق هيام ف غيرت اشويه بالقصه )

صوتو اذا عجبكم البارت