رواية طبيب الروح دكتور عزام الفصل العاشر 10 - بقلم الحساب مغلق

شدن شكد مجنت عصبية على عمي بس بنفس الوقت ما اكدر احجي لهمسة الحديث الي دار بيناتنة حتى ميصغر بنظرهة  : ابوج ميريدني اطلع من البيت و ابقى يمكم و انتي تعرفين اني هم ما اريد اتركم لان راحتي يمكم
همسة : اي و شنو الاشكال
شدن : مترهم اظل و اكو شباب 2بالبيت و اني هم شابة فعزام راح يعقد الخميس،عليه
همسة : شنو ؟ هذولة شبيهم اتخبلوا حتى السنة مطالعة خلي تطلع و يزوجوكم
شدن :ليش انتي هم تريديني ازوج عزام ؟
همسة : اي لان احبكم ثنينكم و ماكو مثل اخوية طبيب الروح بالدنيا و هو يحب موسى و معتبرة مثل ابنة
شدن حضنتهة لان كلش احبهة مثل نهى :حبيبتي هو هذا الي راح يصير و ما اكدر ارفض بعد زواجي من محمود و وفاتة مستحيل اطلع من بيتكم
همسة : و الله ادري صعبة عليج بس احنة هم اتعودنة على موسى
شدن :طلعت همسة من الغرفة  و طلعت صورة زواجنة اني و محمود و بقيت ابجي و الله مو بيدي لازم اقبل هذا ابني و بدة يبجي موسى
ها حبيبي شبيك بدة يضحك ضحكتة تشبه ضحكة عمة عزام و عيونة عيون ابو بس خشمة و ضحكتة تشبه عمة
شنو انت ماخذ شكو شي حلو من بيت ابوك و لا شوية ماخذ من خوالك احجي و اضحك و هو يضحك وياية و يسولف يمكن حرجع لبيت جدو الثاني مو بالليل ادور على عمو عزام افتهمت اباوع عليه بس يضحك يلة خلي ابدلك ريحتك تكتل حتى ارضعك
بدلتلة و غيرتلة ملابسة و بديت ارضعة و اسولف ويا انت تحب عزام لان عبالك ابوك
بس ابوك استشهد جان يتمنى يشوفك و يحضنك بس الله مكتبلة عمر
عمو عزام راح يربيك و يعتبرك مثل ابنة و مراح يقصر وياك . بس اني ما اعرف شراح يكون مصيري وياااا
نهى طلعت الصبح للكلية و اني اتمشى شفت ابتهال اكيد كلكم تريدون تعرفون منو ابتهال هي صديقة نهى عائلتهة متكونة من امهة و اخوها و هي ابوها متوفي من هي و صغيرة و اخوها متكفل بعيشتهم بمكان العمل الي يشتغل بي صارت جريمة قتل من دخل شاف المنظر كمش السكينة و صارت البصمات عليهة المشكلة كل الجريمة مثبتة عليه نحكم اخوها 5 سنوات مع الاعمال الشاقة . القاضي الي حكم علية هو ابو اسماعيل (عبد اللطيف) هذا الشي خلة والدة ابتهال تدهور حالتهة و تتوفة فأخذوهة بيت جدهة لهذا نهى تكره عبد اللطيف ومرة جانوا عازميهم بأيام خطوبة شدن  فصار نقاش بين نهى و عبد اللطيف فكام يصيحلهة بالوكحة الحلوة
نهى : شلونج ابتهال اخبارج ؟
ابتهال :الحمد لله .انتوا شلونكم شدن اخبارهة؟
نهى : بعدهة ابيت عمهة متقبل تتركهم ادكول راحتي يمهم
ابتهال :و الله عمهة خوش رجال
نهى :انتي اكيد تشاقين شسوة بأخوج و ادكولين حباب
ابتهال : و الرجال شعليه خلي نكون واقعيين كلشي يثبت هو المجرم مو زين مكال اعدام
هو اتعاطف وياية كلش و حتى كلي انتظري بلكت يطلعون قانون عفو و يرجعلج اخوج نهى : شلون قابلتي ؟
ابتهال : رحت لمكتبة انسان كلش بسيط و لطيف غير قاضي مستحيل يستقبلني
نهى : اني اتعاركت ويا علمودج و هو يضحك علية
ابتهال : ماكو داعي اعتذري منة هذا بمثابة ابوج
نهى :اوي شسويلة ....لا لا عيب لازم بعد اسلم و اعتذر
عزام رجعت من المستشفى و لكيت الوجوه متتفسر : السلام عليكم
الكل : و عليكم السلام ...شبيكم شدن وين ؟
ام اسماعيل : فوك وية موسى ؟
ابو اسماعيل اشرت براسي اصعدلهة
عزام : اني صاعد ابدل و اسبح و احجي وياهة
شدن : من اجة قلبي انقبض بلحظة اني مستعدة اكطعة بسنوني و من اشوف على موسى احس روحي اني محتاجتة
عزام : غسلت و بدلت و رحت دكيت الباب
شدن : منو ؟
اني عزام افتحي
شدن : لبست حجابي و فتحت الباب تفضل
دكتور شتريد تحجي
عزام ابتسمت بمكر : اشو صارت بيناتنة رسميات من شوكت احنة هيجي
شدن : شتريدني اكولك مبروووك عزووو على زواجنة الي حيصير الخميس
عاشت ايدكم على خططكم حتى تبقون موسى يمكم و الله العظيم اكبر شيطان ميسوي سوايتكم
عزام : انتي شتريدين صارلج ساعة متعرفين شتحجين ؟
اسمعي راح احجي الي عندي و اطلع الي راح يصير على ورق مراح اجبرج على شي خارج عن ارادتج لان اني انسان و طبيب مو حيوان
و موسى ابن محمود ميطلع من بيته احنة اهلى و احنة نربي
و حطي ابالج انتي بحاجتي اكثر مما اني بحاجتج و وقت متحتاجيني اشرت على صدري اني موجود لان انتي مو زوجتي و شلتج فوك اجتافي مو من تصيرين حلالي راح اتركج
شدن : هو هذا الي دمرني انت جنت صمام الامان الي ليش،هيجي سويت ؟
عزام : اني شسويت شتريدين اعوفج و تنحرمين من ابنج لج اني اعرف ابوية من يحط براسة شي يسوي غصبا على الكل
شدن بديت ابجي : تدري اليوم يكلي اذا متقبلين اخذة من هسة لحفيدي ادري شلون يفكر يخلي حفيدة بدون اب و ام
عزام : لتشوفي هيجي ظالم ترة دائما قرارة بي صالح النة
شدن : وين تريد توصل عزام ؟
عزام : ما اريد اوصل لشي اريد افهمج هذا وضع بيت عبد اللطيف و انتي صرتي منة لازم تتقبلين كل قراراتة
شدن : مو بهيجي اسلوب اني مو جارية عبالك شايفني وية واحد و يحجي عبالك راح اتركم يابة ما اعوفكم اصير خدامة الكم لخاطر ابني بس لتصرفون هيجي
عزام : انتي حتى بقاءج هنا كدام الناس شغلة واكفة تفتهمين لو لا بس احنة غير شكل منفكر بهاي الامور فترة العدة و هاي السوالف من شفتج تتخربطين اني جان بالي يم الطفل اكثر من ابوية لان هذا ابن محمود تعرفين منو محمود هذا تؤام روحي و بقيت قوي علمودج لان شايلة ابنة ....
شكد ما اكولج شنو محمود بنسبة الي ميكفي الحجي بي
شدن : خلص على اتفاقنة زواجنة يكون على الورق حتى العالم متحجي و كل واحد ينام بغرفتة هاي الشغلة اتحطهة ابالك و واجباتي الزوجية اغسلك ملابسك ارتبلك غرفتك اطبخلك كلهة اسويهة الك لخاطر ابني
عزام : ما عندي اي مشكلة الشي،الي يريحج سوي .
كلشي بوقتة يصير حلو و راح اخليج براحتج
اليوم لازم ارجع لاهلي كلي عمو
عزام : ماكو داعي خابري على اهلج و الخميس،نروح نعقد يمهم شلون راح ينام ابنج البارحة خبلج
خابرت اهلي و حجيتلهم امي صارت اعصاب و نهى ضحكت : شفتوا حجي كلة طلع صح هياتة كلشي امبين
صار يوم الخميس اجة السيد عقدنة عقد شيخ و لبسنة الحلقات و من لبسني الحلقة اذكرت كل لحظة جنت محتاجة اهلي الي كضوهة بجي على حالي هو جان يداريني من توفة محمود و ترك جنازة اخو علمودي و من رجعت لاهلي،و اتخربطت و وداني للمستشفى و ظل سهران وياية .
من رجعت لغرفتي و جنت كامشة المقص و دخل شمر المقص لان خايف أذي روحي
و بولادتي جنت اتمنى محمود وياية هو الي ظل يخفف علية بذكر الايات القرانية ومن اجة موسى للدنيا اعتبرة ابنة و شالة بالصلاوات الاب ميسوي هيجي لابنة
خلص كلشي صرت زوجة عزام عبد اللطيف شرعا و قانونا