رواية طبيب الروح دكتور عزام الفصل الثالث عشر 13 - بقلم الحساب مغلق

الكاتبة #ام_النون
شدن : تعال ماما ارضعك  عمو عزام طبيب عالجني بعد متبجي
ظليت ارضع بي دخلت همسة ميتة من الضحك احجي وياهة يمعودة شبيج
همسة : لو تدرين شحجة عليج عزام موتني من الضحك يا رب خليهة ضحكة خير
شدن بقلبي :عزة هذا شحجة و هاي،ميتة ضحك ... لج احجي فطيرة
همسة : يكول جان تك عاطل و سوينالة صيانة ههههههههه
شدن : ههههه شكد خبيث
همسة : هسة شلونج ؟
شدن : لا الحمد لله . رضع كومة و بكل سهولة
همسة : فدوة لحبيب عمتة ..لج صاير يخبل سمنان و كبران جديد
حبيبي يشبه عمة يمكن هلكد مجنتوا متقابلين بالحمل
شدن : همسسسسسة ولج صاير لسانج طويل
همسة : هههههههه و الله دأشاقة وياج بس انتي هم على كيفج على عزو ترة ماكو منة
شدن : اي و الله اعرف ...كلشي بيد الله
همسة : شنو اخبار العرسان
شدن : ههههه لتخافين عليهة بلوة
همسة : هههههه كلش تنحب ....عجبتني شلون ادكولي خلي عمو يبريني الذمة و يدعيلي لان داخلة حياة جديدة
شدن : هي مشكلتهة كلش تندفع من اتشوف احد يتأذة

عزام : شدن ...شدن
شدن : نعم .. اجيت
عزام بأبتسامتة الخبيثة : ها رضعتي لموسى
شدن:اي الحمد لله ...هواية رضع حليب حبيبي جان جوعان
عزام و غمز : اني هم جوعان حضريلي شي اكلة
شدن : اي اقليلك كبة . اني مسويتهة و ضامة
عزام : اي خلي نشوف كبتج طيبة
نزلنة سوة هي اتقلي و اني اتفرج عليهة
شدن :ممكن اسأل سؤال
عزام : جواب
شدن : بس مو تعصب لان اني شكو واحد اسألة يعصب
عزام :اكيد اسماعيل شنو قصتة ؟
شدن : اي و اذا متريد تحجي عادي
عزام : لا شدن انتي بعد صرتي من عدنة و لازم تعرفين كلشي
ابوية متبري من اسماعيل و سافر
شدن : و شنو الشي الي سوا و اتبرة من شمعة بيتة هذا اول ظنة الة
عزام : شارك جماعة أكبارية بمشروع و والدي جان رافض فكرة يشاركهم بهذا المشروع
شدن : ليش هو شمخلص؟
عزام : مهندس معماري مشهور و معروف اسماعيل عبد اللطيف الجلبي
شدن : اي اعرفة لان اخو صديقتي،
عزام ابتسم : المهم المشروع طلع وهمي بأخر لحظة ابوية عرف كلشي و طبعا  ميدري اسماعيل بس  راد يعاند والدي لان كلش،جان قاسي ويا كلش

والدي و بمعرفتة بالداخلية  كدر يسحب شكو شي يثبت هو جان من ضمن الكروب
شدن : بس هو مهندس و ديشتغل وياهم عادي يروحون يشوفوا كاع و تطلع وهمية شمدري الرجال ؟
عزام : ايباااه هو شلون قانون بالبلد يخبل .تدرين ابوية شكد عندة مشاكل بسبب القضايا و الفساد .
يمعودة الله يحب المظلوم الي والدي يصير قاضي على قضيتة
كمش قضايا فساد على مدراء عاميين و لان من حزب فلان و علان يضيعوهة او يضموهة
اكو قضية مال سين من الناس حركوا الدنيا بمجلس القضاء الاعلى
شدن : هسة معلينة بهذولة ....المهم اخوك عزام مستحيل هو مرتاح بعيد عنكم حتى لو حالتة اوكي بالخارج بس،يظل يحن عليكم
عزام : اعرف و دائما اني،و مصطفى و امي و همسة نحجي ويا لتتوقعين عايفي هذا هم اخونة و تاج راسنة  . بس محمود جان ميقبل يحجي ويا لان كسر والدي
شدن : اي اني مرة سألتة كلش عصب و حتى بوقتهة نام زعلان و فزيت لكيتة يبجي
عزام : اي محمود كلش جان حنين ولأن ،والدي انكسر من شغلة اسماعيل يعني لو احد عارف بهذا الموضوع جان كلنة رحنة بالرجلين لهذا محمود هم زعل من اسماعيل
شدن : زين هو مزوج ؟
عزام : اي و عندة ولد و بنات 2
بس ما ادري والدي يعرف بحفيداتة لو لا ؟
شدن : لا ...شلون ميعرف اكيد عمة كالتلة
عزام : ما اتوقع لان من يسمع اسمة يرتفع سكرة لو قلبة يوجعة
شدن :عزام ...انت مو طبيب الروح اتسميك همسة و تساعد كل الناس بسبب مرض او حالتهم المعنوية
هذا اخوك حاول خليهم يتصالحون
عزام : فرحت من حجت وياية بهذا الاسلوب و شلون عدهة ثقة بية اني راح احل هاي المشكلة الي صارلهة 5 سنوات
و راح تتوقعين راح اكدر ألم شملهم ؟
شدن : حطيت ايدي على ايدة اي راح تكدر انت كدهة .واني مستعدة اساعدك
عزام : ان شاء الله ...راح احاول احجي ويااا بهدوء
شدن : دوختك و مخليتك تاكل
عزام : لا بالعكس ...ارتاح من هذا القرب يصير بيناتنة
شدن : يلة اكل الكبة و كولي شنو رأيك بيهة ؟
عزام : كملت الكبة ...اداهرهة مرة اكوللهة حارة مرة فاهية مرة ممستوية كلش و هي خمس كبايات مقلية كلهة اكلتهة
شدن : هو يقلد على الكبة و اني اتفرج ....
اذا خمس كبايات طيرتهة و مطيبة لعد لو طيبة شكد تاكل ؟

عزام : اعوذ بالله ...دكولي بالعافية
شدن : اي يلة بالعافية شلونهة ؟
عزام : تخبل عاشت ايدج ....صدك مرة كاملة مكملة
شدن : بقلبي بدة يتحارش و اليوم اخذ راحتة خلي اصعد لأبني احسن
عزام بعد تحتاج شي ؟
عزام : ها شبيج عنكشتي . لا عيني ما اريد سلامتج
شدن : معنكشت بس تعبت و الله ... و هسة تبدي السنفونية مال موسى .تصبح على خير و كعدني احضرلك الريوك
عزام : ماكو داعي اذا اشوفج تعبانة اني اطك بيضات  اتريك و اطلع
يلة روحي نامي
همسة : دأتفرج فلم دك تلفوني رقم غريب يااا هذا منو ؟
سرمد : طبعا من كلت لرونق مقبلت تطيني رقمهة استغليت جانت تسبح اخذت تلفونهة و اخذت رقمهة . اني سرمود الشي الي اريدة لازم اسوي و همسة دخلت براسي و كلش عجبتني
همسة : مرديت على التلفون عفتة  وراهة اجاني   مسج
سرمد : هلو  همسة راح ادك مرة ثانية رديلي رونق
همسة : ليش مو نفس رقمهة ؟
الووو..هلو رونق
سرمد : هلو ..اني سرمد اريد احجي وياج
همسة : من سمعت صوت رجال كلش عصبت و منو هذا الي يكولي  اني رونق حتى اردلة
و انت منين اخذت رقمي و شلون رونق تطي الك
سرمد : لا و الله العلي العظيم اني اخذتة من عدهة و هي متدري عفية لتكوليلهة بس ردت اعتذر منج على اسلوبي بالحجي،وياج و الله مجان قصدي شي
همسة :اوكي مقبول اعتذارك بس لتتصل مرة ثانية رجاءا
سرمد : الله كريم   ...
همسة : مع السلامة
سرمد : هاهية اصافينة ..مزعلانة
همسة : اي هاهية . تصبح على خير
سرمد : و انتي،من اهل الخير
همسة : هذا شعندة مخابر و ليش هيجي شايل هم و يريد يعتذر ...خاف حاط عينة ابو لسان هي بعدين اتبين شيريد

امير : احلى ليلة جانت و حبيبتي بصفي ظليت اغازلهة و اتحارش بيه و هي ضحكتهة و دلاله. ترد روحي خجلهة يجنن .
اكولج ترة اني ميت من الجوع خلي،ننزل انشوف جايبينة عشة و اذا ماكو انطك بيض
نهى : امشي خلي ننزل
نزلنة لكينة جايبين عشة و حاطي على الميز
اتعشينة و رحنة نمنة بعد الليلة المتعبة وية حبيبتي 😉
عزام : اتمدت بفراشي و الليل كلة افكر بيهة  المشكلة هي بتصرفاتهة اتخليني اتعلق و احبهة . بس اكيد هي لازم تكسبني علمود ابنهة  ا
منظر جسمهة لمستي الهة قربي بديت اتمناهة و بنفس الوقت من افكر بيهة محمود يصير ابالي
ربي ادري هذا اختبار منك ..بس ساعدني اكون كد هذا الاختبار و كد هاي المسؤلية
صفنت صارلي هواية مكامش قران ..ملتهي بالقراية و شدن و موسى
اتوضيت و قريت قران شوية و نمت
شدن : دخلت الغرفة و اتذكر شسوة عزام ضحكت
حقك مزوج و محاس بروحك مزوج حتسوي كل المصايب ههههه
اباوع على موسى شيريد يسوي يسوي،المهم ابني يرضع
موسى : وا وا وا
شدن : اش اش هسة ارضعك و انام اليوم ماكو بابا عزام تعبان
رضعتة و نام و اني هم نمت
كعدت الصبح لكيت عزام نايم كمت حضرتلة الريوك محسيت الا واحد يكول صباح الخير
شدن : صباحوو شفتك نايم كلت اكمل الريوك و اكعدك
عزام : شلونها النونيات اليوم ؟
شدن : عبالي ديكول النونو جاوبتة نايم
عزام : ههههه انوبة نايمة . هسة عطلت و سوينالهة صيانة نايمة شلون
شدن : شلون مدأفتهم ؟
عزام غمزت و باوعت على صدرهة
شدن حسيت روحي نار كبت بية من الخجل و هو خربان من الضحك : لا زينات بالعكس،بسهولة ديشرب الحليب
عزام بديت احجي،بجد وياهة مو بحرشة حتى مضوج : اي مثل معلمتج حاولي الصدرين يشرب منهة بتساوي
شدن : اي ان شاء،الله
عزام اليوم تحجي وية عمو :
عزام : اي لازم
شدن : الله يسهلك امرك
عزام : تسلميلي....
رحت للمستشفى شفت من الصبح محمد يهتف (يفشرويغلط )
محمد معاون طبي .كلش حباب،و طيب و انسان على كد حالة مرة سولفلي يحب بنت جيرانة و بسبب لسانة الي متبري منة زعلت منة و كامو ميتحاجون
عزام : هذا هذا التقسيم كلة  اذا حاجي،كدام البنية طبعا تطفر منك
محمد : تريدني،ما اقسم اذا كل . .  ..
عزام : اسكت احنة بمستشفى مو بشارع كوم شوف شغلك
رحت شفت المراجعين و دز دكتور بشير علية عملية مستعجلة و رجعت للبيت جانت مسويتنة ملفوف باذنجان و تمن ابيض،ابو الشعرية هاي،ناويتلي،نية
شدن غمزتلة :روح لابوك اليوم مجان مداوم
عزام : اي هسة
شدن : تعال اذا عندك صور للبنات خليهة صورة للشاشة حتى من يشوفهم يكول منو هذولة
عزام : سويت مثل مكالت شدن و ذييت الموبايل باوع على الصورة و رفع راسة
ابو اسماعيل : شتريد عزام ؟
عزام : فاركنة واحد هو ابنة و زوجتة بلحظة غضب ..صح هو غلط بس الانسان ممعصوم من الغلط الكل تغلط . و شكد حاول يعتذر انت صديتة
ابو اسماعيل :مو كلنة ما اريد اسمع شي،عنة
عزام :و ليش تحرم نفسك من احفادك؟
ابو اسماعيل : عندي موسى و الله يسهلك انت و شدن تترسون البيت جهال،وبس يرتب وضعة مصطفى ازوجة حبيبتة .
هذولة منو الحلوات بالموبايل ؟
حفيدادتك ....ابو اسماعيل
دمعت عين ابوية و بدة يتلمس،بالشاشة
عزام : بس،تريد يجوك اخابر عليه يجينة
ابو اسماعيل : خابر ...بس اريد احفادي  ما اريدة الكاسر ظهري
عزام : سامحة المسامح كريم
ابو اسماعيل : خابرة اريد اشوف حفيداتي
عزام : طلعت من الغرفة ميت من الفرح
لكيت شدن تضحك
شدن : عاشت ايدك
عزام : و ايدج انتي الي شجعتيني يا ام قلب،الطيب
خابرت على اسماعيل
اسماعيل : الوو عزو
عزام :الووو لك والدي يكول خلي يجي هو و جهاله يريد يشوف احفادة
اسماعيل دمعت عيني  : شلون اقتنع
عزام : اني عزووو كلش اسوي احجز و تعالو
طلعت من الغرفة جريت شدن
هالمرة متحجين و لا كلمة
شدن : شكو
عزام : حضنتهة و بستهة من كصتهة و اشكرتهة لان شجعتني
شدن : لا هذا اخوكم ميصير لازم تحاولون
اني صاعدة لموسى تحتاج شي
عزام : لا تسلمين ... اهم شي مضجتي؟
شدن : لا ما اريد اضوجك
عزام غمزت : شخبار التك العاطل النايم
شدن ابتسمت و رفعت حاجبي: بعد الصيانة صار احسن من قبل هههههه
يلة باي
عزام : روحي