رواية تدري وش اقسى جرح في قلب البنت وفي مفاهيم الجزى والقسوة ! للكاتبة زهرة الاوركيد الفصل السادس عشر 16 - بقلم أثير

وصلنا الفندق... وانا مالي خلق انفرد معه لحالي..وكان ودي لو كملت الجلسه
هناك...
ماجد"كنت اليوم مروق بشكل مب طبيعي..وكنت مبسوط لاني ولاول مره اشوفها
تضحك..وتتصرف ع طبيعتها يالي سولفوا لي عنها رنا وشروق..كنت اراقبها
وهي ماتدري...دخلت الغرفه تغير وانا جلست بالصاله انتظرها...

نجود"اخذت لي شور سريع...وطلعت اجفف شعري ...بعدها نزلت نظارتي ..ع
اني بنام ..مع انه مافيني نوم لكن ..عشان اتحاشى شوفته ولا الجلسه معه..
انسدحت ..والنوم ابد مهوب ع بالي..تقلبت ..مليون مره..ع السرير..بس هجدت
لما حسيت فيه وهو يفتح الباب..طل فترة ..من غير صوت..بعدها دخل ..
دورة المياه"اكرمكم الله"وتنفست براحه بعدها...وصرت اقرا المعوذات ..ويالي
احفظه من القران..يمكن عيني ..تنعس...

ماجد"مدري ليه توقعت ..انها بتترك عنادها ..وبتتصرف ع انها .زوجه بمعنى
الكلمه وتقتنع بواقعها..بس ..اضحك ع مين..هي ماكانت تتصرف ع طبيعتها
الا لاني مب معها ولا متواجد بنفس المكان..تنهدت..واخذت ملابسي..ورحت
اتروش....بعدها طلعت..ومشيت لعند السرير وانسدحت ..وانا احس كل التعب
يالي اليوم تجمع على الحين..يالله يازين النومه الحين..وتو انسد حالا هي تنط
مفزوعه وكانه لدغها شئ..وقمت معها مفزوع":وش فيك
نجود"بقرف":وش تبي هنا
ماجد"مو مستوعب":وش وش ابي هنا
نجود"بعصبيه":قووم هناك ..وش تبي جاي تنام هنا
ماجد"هنا وبسس وبعصبيه":ومفزعتني ..ضنيت انه فيك بلا ..وبالنهايه عشان قلة
ادبك
نجود:ماني قليله ادب احترم نفسك لو سمحت
ماجد:الا قليله ادب وطويله لسان ...ولا في حرمه عاقله تقول هالكلام لزوجها
ولا تراعي انه تعبان
نجود"بسخريه":وليه ان شاءالله تعبان..هاد جبال ..ولا شايل حديد..
ماجد"برفعه حاجب..ويصر ع اسنانه":اقول نامي دام النفس عليك طيبه
نجود"بعناد":ماراح انام لحد ماتقوم من هنا
ماجد:قومه من هنا منيب قايم ويالله انخمدي..
نجود"بنرفزة..قمت..واخذت لي المخده..وجيت بطلع بس صوته وقفني":
ماجد"وعفاريت الدنيا بوجهه":ان عتبتي باب الغرفه ..والله ثم والله منتي طالعه
منها الا وانتي ع نقاله للاسعاف وهذذا اني حلفت ..ارجعي انخمدي
نجود"وشوي وبصيح":ماابي انام معك
ماجد"يلف ع الجهه الثانيه ومعطيني ظهره":لك خمس دقايق..ان مارجعتي
مكانك..ماتلومين الا نفسك
نجود:بس....
ماجد"بصرخه..جمدتني بمكاني":ولا كلمممه تسمعين ويلا انخمدي بسرررعه
نجود"صرخته..وقفت كل خلايا مخي وماقدرت افكر بشئ..وبلا شعور
رجولي مشت للسرير وانسدحت ع طرفه..وعطيته ظهري..ودموعي تنزل ع
مخدتي..واتحسب وادعي عليه..وبغيت النوم..يجي ويريحني من هالحاله ..لا
والف لا من يقول..اقدر انام هالليله..ومع انتظام انفاسه وجموده عرفت انه
انخمد..نومه اهل الكهف ان شاءالله..اففف..مافيني نوم..واخاف اقوم يتوطى
ببطني..وش هالحاله..ياربي .....

صحيت ع صوت اذان الظهر..وكيف نمت مدري ولا متى..صحيت بكسل
ودخلت دورة المياه"اكرمكم الله".طلعت وصليت ..بعدها استوعبت انه كان
نايم معي ع السرير..وتوني استوعب اني يوم صحيت ماشفته..بعدها قلت
احسسن اني ماتصبحت بوجهه مالت عليه بس..دخلت ع الصاله ..وفتحت
الثلاجه وطلعت لي عصير واخذت لي فطيريتين...وجلست اكلهم واتفرج
ع التلفزيون..بعد ربع ساعه ..وصل وليته ماجا..حسيت بكتمه..ومالي مزاج
له..قمت تاركه له الصاله الا وقفني....":
ماجد:جهزي كل اغراضنا بعد صلاة العصر..بنروح ع البيت
نجود"ومن غير مااناظره":بجهز اغراضي بس..انت مالي شغل فيك
ماجد"جلس ع الكنب وحط رجل ع رجل":اول ماتجهزين اغراضي وغصبن
عنك
نجود"بنرفزة":وانت كل شئ عندك بالغصب
ماجد:والله دام يالي عندي ماتفهم ولا تعامل الا بالاسلوب هذا وش اسوي
نجود"ودي انفجر..منه ..سفهته ودخلت ع غرفة النوم..واخذت شنطته وصرت
ارمي كل شئ..بدون ترتيب فيها..حتى عطوراته وعدة الحلاقه ..والشامبو وكل
شئ من غير مااحطهم بكيس ..وبابتسامه نصر..حطيت الشامبو والجل مفتوحين
عشان تعدم ملابسه..وسكرتها..بعدها رحت لاغراضي..ورتبتهم..وجلست
لانه مالي مزاج اسمع حتى صوته

بعد صلاة العصر بالظبط ..طلعنا ورحنا..ع بيتهم..لانه بنسكن معهم..وصلنا
واستقبلتنا خالتي..وعمي..ويالي ماقصر معي لا بالكلام الطيب ..ولا بالهدايا
وقال لي اعزم امي..بكرا لانه بيسوي ضيفه ع شرفي..وانبسطت حيل...
طلعت معه ع جناحنا وع وجهي ابتسامه مغتصبه عشان ماابين لاهله انه بينا
أي خلاف..كان الجناح حلو ورايق...والوانه كلاسيكيه ..مكون من غرفه نوم
ومطبخ صغير..ودورة مياة..وصاله..ومجهز من كل شئ...دخل هو قبلي ع
غرفه النوم وانا تنحت مكاني..ثواني الا رجع لي..
ماجد:منتي داخله ترتبين اغراضك
نجود"بتوتر":الا بس...
ماجد:بس ايش
نجود:وين غرفتي
ماجد"عاقد حواجبه":غرفتك!!..هنا
نجود:يعني انت بتكون معي فيها
ماجد"بسخريه":لا بنام بالصاله..اكيد بكون فيها معك..وش هالعبط
نجود:بس انا ماابي اكون معك بنفس الغرفه
ماجد"وللحين ماسك اعصابه":وليه ان شاءالله..وش السبب
نجود"وانا احوس بيديني..وخايفه من ردة فعله":بس لاني ماابيك
ماجد"يتعوذ من ابليس لايذبحها بمكانها هي واسطونتها يالي ماملت منها":وبعدين
نجود:انا قلت لك نومه معك ماراح انام
ماجد"مسكت اعصابي..وقررت اجيها باسلوب ثاني..لانه صحيح اسلوب
التخويف ..يجيب نتيجه بوقتها..بس بعدها يزيد عنادها...مشيت لعندها ومسكت
يدها وسحبتها ..وهي تحاول تفك يدها مني..جلست وجلستها جنبي وهي لفت
بوجهها ع الجهه الثانيه..":اسمعيني ..
نجود:..........
ماجد"برواق":يانجود..خلاص استسلمي لواقع ..لانه غير هالحياه مافي ..وانا
ماراح اطلقك يعني لو كنتي تفكرين بالشئ هذا شيليه من بالك..طيب..واذا ع قولك
ماتحبيني..ماتبيني..منتي ملزومه تحبيني..بس تذكري ان المراه يالي تعصي
زوجها وتخليه ينام غضبان عليها ..تلعنها الملائكه..واظنك دارسه وفاهمه
ومايحتاج كل شوي اذكرك بالشئ هذا..انتي عطي نفسك فرصه ..عشان
نعيش مرتاحين..بدال هالهواش والمطقاق كل يوم..يعني مامليتي انتي ..وجسمك
مامل الضرب
نجود"للحين لافه وجهها":....................
ماجد:نبدء هدنه..وكل واحد يعامل الثاني باحترام..وكل واحد يقوم بواجباته ناحيه
الثاني..وباحترام ومن غير طوالة لسان
نجود"عجبني كلامه..واساسا مافي حل الا هذا ..لاني الصراحه تعبت وتعبت
نفسيتي من هالمشاكل ومن هالصراع..وبدون تفكير":ويقصر يده
ماجد"ابتسمت لانه من طريقتها باين انها اقتنعت بالكلام":ويقصر يده..بس وش
قلتي
نجود"بتردد":طيب دامك تقول هدنه خليها لحد مانتعود ع بعض يكون كل واحد
ينام بمكان..ولا يكون فيه...
ماجد"لما شفتها طولت وصارت متوترة":يكون فيه ايش
نجود"قلب وجهها احمر":.........
ماجد"فهمت عليها":بهذا الشئ ماراح اوافقك لانه العشرة والمودة بين الزوجين
هي المفتاح الاساسي للمحبه بينهم..ولما نتعامل برسميه وجفا ماضنيت ..
بيكون تقبلك لحياتنا سريع وبياخذ وقت اطول ...
نجود"بقهر":بس
ماجد:لا بس ولا غيره..قومي افرجك ع باقي الجناح..وخلينا من اليوم نبدء
صفحه جديده بحياتنا..طيب
نجود"تنهدت":بس بشرط
ماجد:يالي هو
نجود:ماراح اتدخل بزواجتك وغيرها وانت حر بيالي تسويه...بس ماتمنعني
من زياراتي لامي ولا بيت عمامي ولا خوالي..وو تسمح لي اجيب لاب توبي
وتسمح لي استخدم النت
ماجد"ماعجبه موضوع الاب..بس عشان يسهل الوضع ":طيب ..بس مهب الحين
موضوع الاب
نجود:متى يعني
ماجد:ليه مستعجله عليه
نجود"وتدقه بالحكي":يعني يوم تروح لوحده من حريمك يكون في شئ يسليني لو
مافي شئ اسويه
ماجد:ويعني مافي شئ بيسليك الا هو
نجود:لا بس..يعني يوم مايصير فيه شئ اسويه يكون موجود
ماجد: اذا عشان كذا اجل ماله داعي..لاني مااقضي الليل عندهم..وتكون زيارتي
لهم عاديه يعني 12او 1 بالكثير الا وانا بالبيت
نجود"ياسلام الحريم عنده لعبه يروح ويشبع رغبته ويتركهم ..صدق الرجال
بلا":طيب ممكن اسالك سؤال
ماجد:تفضلي
نجود:ليه تزوجتني دامك ..متزوج مسيار ..وش لك بالمسؤليه الكبيرة
ماجد"حط رجل ع رجل وبهيبته تكلم":انا يوم فكرت بالشئ هذا ناوي استقر..
واكون اسرة ..لكن مع يالي اشوفه منك وتعاملك يخليني اكمل ع الطريق يالي
انا فيه ..الا اذا بتغيرين من اسلوبك
نجود"لا احلف لايكون تظن اني ميته فيك وبقولك ايه":لا مالي شغل فيك
وبعدين احسسن لي هالوضع راح يريحوني منك ومن مسؤليتك
ماجد"بدقه بالكلام:يعني ع بالك..ماراح اعدل بينكم..لا ياقلبي..النصيب الكبر
فيني وبمسؤليتي راح يكون عليك..وخاص انك بتكوني نام عيالي
نجود"طريقته ونظراته ماعجبتني..وجيت بقوم الا مسكني":.......
ماجد"قربت منها لحد ماصار وجهي بوجهها..":ع وين
نجود"بارتباك":بروح اتفرج ع الشقه
ماجد"ينزل شماغه ":لا لاحقه عليها ..تعالي اوريك الغرفه
نجود"لحوول وش بيفكني منه هذا":لا ابروح اشوف المطبخ
ماجد"يقوم ويوقفها":انا ماطلبت رايك ..
ومشيت معه وانا ..ادعي انه يصير شئ يصرفه عني..بس ولا شئ..قفل الباب..

نزلت ع الساعه 8 تحت..ولقيت عمي وخالتي..سلمت عليهم وجلست معهم
بخجل ماني متعوده عليهم للحين....بس ماطال الخجل واندمجت معهم كانوا
حبوبين حيل..خالتي كانت تسالني عن عيلتي وعن اقاربي وانا اجاوبها
بكل راحه وانبساط..وعمي كل شوي يلزم علي بالحلا..وكل شوي يمدح فيني
يوم اصب له القهوة..وشفته محتاس مع الراديو..قمت وطلبت منه اسوي يالي
يبه وحطيت له المحطه يالي يبيها...وظبطته..له وهوي ياحياتي عليه ماضل
دعوة الا دعها لي حسيته شوي ويحب راسي..فرق شاااسع بين عمي وعياله
الاثنين واحد منافق والثاني خاين..كنت مبسوطه وماخذه راحتي ع الاخر
الا بنزلتها حسيت الجو صار خانق..ومااقدر اجامل ..وخاصه من بعد اليوم
من بعد ماشفت كيف بروز بطنها والابتسامه الي مافارقت فمها..وقفت واستاذنت
الا وقفني عمي...وحسيته حس فيني..وعرف وش يدور براسي..
ابو عبدالله"بحنيه":وين يابنتي للحين مامليت جلستك
نجود:بروح ارتب باقي اغراضي ..ياعمي
ابو عبدالله:لايكون مليتي مقعدنا بس
نجود"بابتسامه":جلستك انت وخالتي ماتنمل ياعمي..بس
ابو عبدالله"قاطعها":اجل منتي قايمه..واذا ع اغراضك..لاحقتن عليهم الا ان كانوا
مهمين ماابي اعطل شغلك
نجود"ماقدرت ارده ":لا مهب مهمين اقدر ارتبهم بكرا
ابو عبدالله "بحنيه":اجل اجلسي واذا ماعليك امر صبي لي قهوة...
نجود:ان شاءالله من عيوني
وكل هالحوار..وجيهان جالسه بتكبر..وحاطه رجل ع رجل ومهب عاجبها الوضع
هي من جات..حدها معه سلا وماسلام..وكيفك الحمدالله وبس..ماكان فيه يالي تشوفه
يصير مع نجود..بس مابينت انها منقهرة او مهتمه ...
نجود"مديت له فنجال القهوة":سم
ابو عبدالله"بحنيه":سم الله عدوك...تصدقيني يابنتي
نجود:شنو عمي
ابو عبدالله"وهو يغمز لام عبدالله":القهوة له طعام ثاني من يدك صحيح ..ماتوصل
لمكانة القهوة يالي من يد خالتك..."وبابتسامه":الا انه هذي لها طعم غير
نجود:هههههههههههه بالعافيه ع قلبك..وحنا وي وخالتي وين اكيد
ام عبدالله"بابتسامه":الله يحفظك يارب..ويوفقك..وعقبال ماتبشرونا بالحفيد