رواية طفولتي المشتتة / للكاتبة ضاقت أنفاسي /مكتملة❤💕 الفصل الثامن والعشرون 28 - بقلم Somemon11

البارت الثامن والعشرون

*
*
*
*
*
*
*
في صباح جديد صحيت ريم على صوت الخدامه : يالله انت مدرسه دوم

انزعجت ريم من صوتها وعفست ملامحها بإنزعاج وبعدها فتحت عيونها وتذكرت المدرسة والاغراض للي اشترتها البارحة للمدرسه وقفت على حيلها بسرعه وهي متحمسه للمدرسه وتوجهت للحمام

كانت الخادمه تناظرها وعلامه الاستغراب على وجهها
*
*
*
كان الجد جالس وجنبه عاليمين الجده وبالجهة اليسرى نواف

الجده باستفسار وهي تشرب القهوة : خلص عزمت وما انت مغير قرارك

فتح نواف اذانه حتى يعرف وش هو القرار

الجدم بإصرار : تعرفين يا مزنه انا من زمان اخطط لهذا المشروع وافتحه بالخارج والحين جاتني الفرصه ماني بمضيعها

الجده نظرة للجد بتحقيق : ومن يشرف عليه هناك ؟؟!!
الجد نظر للجده بلوم : وانا ماني معبي عينك ؟؟

الجده اعترضت بضيق : وين ودك تروح هناك وتتركني هنا ؟؟

الجد بابتسامة : وش رايك ترافقيني ؟؟

الجده باعتراض : انا من ديرتي ما اطلع وبعدين نسيت العله للي فوق وين تروح فيها ؟؟ .

الجد باستسلام : على راحتك وبعدين ريم تروح معنا سكت لثواني وبعدها كمل انا رح اشرف عليه وارجع هنا واذا احتاجوني هناك اسافر وبعدين سلطان و سلمان هنا ماهو بناقصك شي بس لو تشيلي هالعناد من راسك وترضين تسافرين معي

كانت الجده ودها ترد بس قاطعها دخول ريم توجهت ريم وسحبت كرسي وجلست مقابل نواف بعد ما ردت السلام بصوت واطي

الجده بهجوم شرس وهي تناظر ريم : انت متى تتعلمين الاداب وتسلمين مثل الناس والعالم

الجد ناظر الجده : ما عليك منها وبعدها ناظر ريم يالله بسرعه افطري علشان ما تتأخرين عن المدرسه

ريم بهمس : ان شاء الله

استغرب الجد الهدوء النازل على ريم بس طنش والتفت على نواف : متى رايح تعمل اجراءات الجامعه ؟؟
نواف وهو يشرب الشاهي : انتظر سليمان اتفقنا نطلع من هنا على الساعه 8.00

الجد بارتياح : الله يوفقكم وبعدها ناظر ريم : يالله يا ريم عجلي وكملي الحليب بسرعة

ريم لوت بوزها : ما ابغى حليب ابغى شاهي

الجد بحزم : اشربي حليب افيد لك
ريم اشرت على نواف بقهر : ليه هذا يشرب شاهي وانا لا وبدلع غير مقصود يالله خليه يشرب حليب

نواف بنظرة احتقار لريم : اقول طيري ما بقى غيرك يعلمني وش اشرب يالبزر

الجد بحكمه : ريم انت بعدك صغيره لازم تشربين حليب علشان تكبري بسرعه اما نواف كبير لما تصيرين كبيره مثله انا بنفسي احط لك شاهي اتفقنا

ريم بدون نفس : اتفقنا وبعدها وقفت

الجد باهتمام : تعالي عندي هنا
تقدمت ريم من جدها مسك يدها وفتح كفها : خذي هذا مصروفك والحين عجلي عالمدرسه

ريم ترددت تاخذ بالبدايه بس بعدها تذكرت انهم اهلها وغصب عنهم لازم يصرفون عليها ردت على جدها : ان شاء الله

وتوجهت للمدرسه

بعد ما طلعت ريم الجده تلعب براس الجد : شفت قليله الحيا حتى كلمه شكر ما قالتها ولا سلمت مثل احفادنا اي اذا سامي اصغر منها بس تلاقيه اول ما يشوفك يسلم عليك ويبوس راسك مو مثل العله هاذي

الجد بهدوء : يا مزنه البنت تحتاج تربيه من اول وجديد وانا قاعد اعلمها الصح من الخطأ بالتدريج بدون ما تحس بس تحتاج وقت وإن شاء الله خير

لوت بوزها الجده مو عاجبها

اما نواف المستمع للي حصل خبر يسوى مليون علشان يخبر شلته ..........
*
*
*
كانت ريم بالصف وتعرفت على بنات صفها كونها انتقلت للصف الرابع وما ظلت مع صديقاتها بالصف الثالث

بالبداية شعرت بالرهبه والخوف لانها جديده بالصف بس تأقلمت بسرعة بس كانت منزعجه لانها دورت على جنى بس للاسف خبرتها بيان انه جنى رحلت مع اهلها ..........
*
*
*
بعد الغداء صعدت ريم لغرفتها بعد ما تناولت الغداء لوحدها لانه جدها بالشركة وجدتها عند عمها ابو سليمان

فتحت التي في وجلست على الرسوم المتحركه وهي تتذكر صديقاتها بالمدرسة وخاصه الجوري للي عوضتها عن فقدان جنى ......

صحيت ريم وجدت نفسها نايمه عالارض قدام التي في عرفت انها نامت بدون ما تدري عن نفسها قامت وهي تثاوب وتوجهت للبلكونه شافت انه الوقت بعد بعد العصر تذكرت اللعب وبسرعه طلعت من غرفتها شافت ميرفت نادتها وهي متحمسه
ميرفت : نعم
ريم قربت منها : تعرفين رقم بيت عمي سلطان

ميرفت : روح هناك في اسماء دليل

توجهت للهاتف الارضي بسرعة وهي تتلفت حولها رفعت السماعه بعدها رجعتها وقعدت تبحث عن اسم عمها سلطان
بعد جهد لقته مسجل باسم سلطان ابو بدر صارت تضرب الارقام ببطئ لانها مو متعودة عليه
بعد ما كملت حطت السماعه على اذنها
سامي : نعم

ريم بصوت منخفض : نادي لي عبود بسرعة
*
*
*
جلس عبود بالصاله الخارجيه عند امه وقرفان حاله من الدوام والواجبات

ام بدر : من امرك تطلع من غرفتك ارجع كمل دراسه بسرعة انت الحين بالصف الرابع ولازم تشد حيلك وتجيب علامه ترفع الراس

عبود بقهر مكبوت : يمه ارحميني كله دراسة دراسه دراسة اليوم اول يوم بالمدرسه ما اخذنا شي

ام بدر بدون اهتمام : حتى لو ما اخذتم شي حضر للدروس الجايه لعب السنوات الماضية والعطلة الصيفية انساه فاهم واعطته نظرة حازمه

وقفت ام بدر اذا رجعت وبعدك هنا انا رح اتصل بابوك وهي يتفاهم معك وسحبت نفسها وتوجهت للصاله الداخليه

عبود ودموعه على وشك النزول من القهر دخل سامي الصاله وهو طفشان رن الهاتف الارضي ركض سامي ورد بغرور يقلد ريان : نعم ..........عبود موجود ........بس مين انتي ؟؟
عبود لما سمع سامي بسرعه توجه له وسحب السماعه وباستغراب : الو .........مين انتي .......وش فيه .......امي مو راضيه اطلع ..........كيف ادبرها ........خلص دقايق واكون عندك ........طيب رح اجيب سامي وحموده .........لا لا دحوم مو هنا راح مع عمتي هيفاء .........سلام

سامي بتحقيق : مين هاذي البنت ؟؟

عبود : ما يخصك فاهم

سامي بخبث : الحين رح اقول لامي في بنت تتكلم مع عبود بالجوال

ومشى سامي خطوتين مسكه عبود بسرعه من بلوزته الخلفيه ولف وجه لجهته وبهمس : يا غبي هاذي ريم تبغانا نلعب معها وبدون نفس يالله وراي

سامي بتردد : وامي ؟؟

عبود بلامبالاه : ما عليك بس تعال ما رح تعرف
وبسرعة هربوا من البيت باتجاه بيت جدهم
*
*
*
*
نزلت الدرج تزحلق على الدرابزين لحسن حظها جدها ما كان موجود وبسرعة وهي مبسوطة توجهت للحديقه الخلفيه

وبعد دقايق حضر عبود وسامي وحموده وقسموا حالهم فريقين .........

جالسين بالحديقه بمكانهم المعتاد وعيونهم على الاولاد وخاصة ريم

نواف بابتسامه خبيثه : صحيح شباب قرب الانتقام

بدر بغباء : اي انتقام ؟؟

نواف اشر على ريم

سليمان بقله حيله : كيف ننتقم منها وجدي جالس دفاع عنها يا فهيم !!!

نواف بفرحه : يا خبل جدي نوى يفتح مشروعه بالخارج ورح يشرف عليه بنفسه

عمر : طيب وين الموضو سكت وبعدها فهم على نواف والله انك داهيه وقام وباس نواف على راسه

بدر وهو يناظر الشباب : يا جماعة فهموني وش قصدكم

سليمان : يا غبي جدي حيكون مسافر يعني نقدر ننتقم من ريم وما في حد يدافع عنها وبعدها التفت للشباب ترى بنختار الوقت للي يكون عمي سلطان وابوي بالشركه .........
بدر استوعب وبعدها التفت على نواف : يا داهيه ههههه
*
*
*
مرت ايام الاسبوع بسرعة خلال الاسبوع كانت ريم مبسوطه بالمدرسه ونفس الروتين حياتها نوم وتي في ولعب وتضايقت ام بدر وام سليمان من ريم لانها تلهي الاولاد عن الدراسه ولكن ريم تسمع من هنا وتطنش وكأنها ساحره الاولاد اتفقت معهم وقت اللعب ترن على عبود وعبود بعدها يجمع الاولاد
اليوم الخميس سافر الجد البارحه بالليل وبما انه عطله قررت ريم تطلع من غرفتها

نزلت وتوجهت للصاله الداخليه ولقت جدتها جالسه لوحدها توجهت لجدتها وجلست جنبها بهدوء

الجده بدون نفس : ليه ما انطقيتي بغرفتك وإلا جايه تغثيني ؟؟

ريم ببراءة : انا

الجده بكره : فنى للي يفنيك ويريحني منك قومي من هنا لا بارك الله فيك

دخلت المجلس رغد وهي تركض وتضحك .
الجده بابتسامة : هلا رغوده تعالي يا بنتي اجلسي هنا واشرت مكان ريم
وتكلمت وهي تناظر ريم بكره : قومي من هنا لا بارك الله فيك
وقفت ريم وبلعت غصتها ليه تعاملها بالجفا وتوجهت خارج المجلس بهدوء

استغربت الجده من ريم انها ما ردت عليها هزت كتفها وبعدها صارت تسأل رغد عن امها وابوها .......
*
*
*
جلست بالحديقه متضايقة وحاسه بالوحده تنهدت واخذت نفس يمكن ترتاح لكنها نقزت لما حست بحد مسك يدها

نظرت خلفها شافت سليمان يبتسم ابتسامه شريره : نقزتي لا تخافين وسحبها من يدها ووقفها وبعدها مسك يدينها وخلاهم ورى ظهرها وكتفها

وبعدها التفت للشباب : يالله نبلش
نواف : بالبداية رح تتعاقبين على المويه للي رشتيها علينا

وبعدها اشر لعمر جاب عمر الحبل وربطوا يدينها من الخلف وجلسوها على الارض

وبعدها تقدم بدر ومعه دلو مويه كبير
اشر له نواف مسك بد الدلو وفرغه فوق راس ريم كانت المويه بارده حيييل
شهقت ريم اول ما حست بالمويه ضحكوا الشباب عليها
وبعدها تقدم عمر بدلو مويه وفرغه فوق راسها شهقت للمره الثانيه وصارت ترجف لانه المويه بارده

بعدها تقدم سليمان ومسك الدلو وفرغه فوق راسها
كانت ريم منزله راسها وشفايفها يرجفوا من البرد

وبعدها تقدم نواف ومسك دلو وفرغه فوق راسها اختلطت دموعها بالمويه للي غرقتها كانت تشعر بالضعف ينقصها السند للي يوقفهم عند حدهم تذكرت ابوها وزادت دموعها بالنزول وين تركها هنا ليه ما اخذها حتى يوم العيد ما اتصل فيها ولا تطمن عليها تركها بمكان منبوذه فيه حتى ام بدر صرخت عليها الاسبوع الماضي وطلبت منها تبعد عن اولادها وعمها سلطان ما عاد يسال عنها وحتى جدها سافر ما في حد تشكيله ضعفها وحزنها
كانت غارقه بانكسارها وهي تسمع الشباب يضحكون عليها قطع افكارها صوت عبود وهي ينادي على الشباب وصل لعندهم وهو يلهث بتعب من الركض : شباب ابوي وعمي سلمان رجعوا

تقدم منها نواف وجلس على الارض وفك الحبل وبتهديد : هاذي مجرد قرصة اذن ويا ويلك مرة ثانيه تيجي صوبنا
وبعدها وقف يالله شباب لا تنسون الاغراض ويالله بسرعه عالملحق

عبود : وقف وقف انا ما اشتغل معكم مجانا وين اجرتي ؟؟
توجهوا الشباب للملحق وتكلم سليمان وهو يمشي : تعال للملحق خذ الفلوس علشان تشتري حلاوه

حست ريم بشي تكسر بداخلها عبود باعها مقابل حلاوه كرهت عبود وكرهت اهلها كلهم غمضت عيونها بألم وبعدها فتحتهم مسحت دموعها ووقفت كان حالها يكسر الخاطر شعرها مبلول وملابسها كمان كانت مبلوله شفتيها يرجفن من البرد توجهت للداخل التقت بعمها سلطان وعمها سلمان عند الباب الرئيسي
نظرت لعمها سلطان نظره عجز يفسر معناها هل هي نظره انكسار او لوم
وبعدها توجهت لغرفتها بدون ما تعبر جدتها للي كانت تناديها

دخل سلطان وسلمان
الجده بقهر : قليله الحيا اناديها ولا ردت علي وبعدها نظرت بتساؤل لسلطان : علامها كذا ملابسها كلها مويه انا ناقصها بعد تمرض وابتلش فيها من مستشفى لمستشفى

سلمان : يمه اذا ودك جالسة على هاذي السيره خلني ارجع للبيت

الجده بقهر : خلص تعال نجلس هنا بالصاله ونشرب قهوه راسي وده ينفجر

سلطان بخوف : سلامتك يمه بعيد عنك الشر ومسك يدها وتوجهوا للصاله .....
*
*
*
في مكان اخر

بابتسامه : طال عمرك كل شي جاهز بس ننتظر اشاره منك

ضحك بخبث : ههههه ايام يا ابو سلمان وسمعتك على كل لسان هههههههههه
*
*
*
‎كانت ريم واقفه اخر الدرج ودموعها تنزل ما في احد يهتم فيها ويداريها او يسال عنها ضايقها كلام جدتها وحز بخاطرها بس حزنها ما يغير شي مسحت دموعها وتوجهت لغرفتها ....
*
*
*
‎جلس سلطان جنب امه وبهدوء تكلم وهو يناظر امه : يمه طلبتك لا تقسين على هالضعيفه يكفي انها محرومه تعيش بجو اسره محرومه من امها محرومه من ابوها ما ذاقت طعم الحنان حياتها مشرده هذا يرميها هنا وهذا يرميها هنا
‎سكت لثواني وفي عيونه بريق دمع ومسك يد امه وبرجى يمه تكفيين عوضيها عن الفقدان للي شافته بحياتها
‎تنهد سلطان بحزن وهو يناظر امه
‎الجده بعدم اقتناع : بلاك ما تعرفها هاذي الملسونه ما تحترم لا كبير ولا صغير

‎سلطان بيأس انه يلين قلب امه على ريم : ما الومها دام نايف ابوها وانت جدتها

‎الجده بنظره حازمه لسلطان : وش تقصد بكلامك

‎دخل عبود الصاله وحامل بيده حلاوه وهو يلهث : وين ريم ؟؟؟

‎نظر الموجودين له باستغراب
‎سلطان بتحقيق : ليه تبغى ريم ؟؟

‎عبود بحماس : ودي اعطيها حلاوه وتكلم بعجله وهو يحرك يده يالله وينها ؟؟؟

‎سلطان بنظره شك : من وين جبت الفلوس ؟؟

‎نظر عبود لابوه وببراءه : الشباب اعطوني اياهم

‎الجده : ماني خابره الشباب كريمين وش المقابل حتى يعطونك ؟؟

‎عبود ببراءة : لانهم ودهم ينتقمون من ريم قالوا لي اجلس عند البوابه اراقب لما تيجي انت وعمي سلمان اروح اخبرهم

‎ظهرت علامات العصبيه على وجه سلطان : ينتقمون منها ليه ؟ عبود بسرعه قول وش عملوا فيها ؟؟

‎عبود لما شاف عصبيه ابوه تندم انه قال وبخوف : امزح معك يبه ما عملوا شي يالله سلااام
‎ولوح بيده للموجودين ولف ظهره متجه للباب بس وقفته صرخت ابوه : عبود تعال هنا وعيونه تتطاير منها الشرار

‎بلع عبود ريقه وشتم نفسه ميه مره لف نفسه واتجه لعند سلطان للي كان جالس بصدر المجلس بس عبود جعل مسافة بينه وبين ابوه خاف انه يتأزم الموضوع علشان تكون فرصة للهرب

‎سلطان بحزم وهو يناظر عبود : تكلم بسرعه وبدون لف ودوران وإلا قسم لتشوف شي ما يعجبك

‎الجده بقهر : علامك عالولد شوف كيف وجه اصفر من الخوف والله اعلم يمكن عملها على نفسه

‎ضحك ابو سليمان بخفيف على كلام امه وبعدها نظر لعبود للي وجه كان اصفر من الخوف

‎سلطان ناظر امه وباحترام : يمه الله يرضى عليك خليني اتفاهم معه

‎وبعدها التفت على عبود وهو يكتم عصبيته : تكلم بسرعة

‎عبود بخوف : انا ما لي دخل قالوا لي اراقبكم ولما جيتم رحت انبهم لقيتهم مربطين إيدين ريم بحبله ومجلسينها على الارض وكل واحد يفرغ دلو مويه عليها

‎سكت سلطان لثواني وتذكر شكل ريم لما دخلوا هو ظنها كانت تسبح بالمسبح
‎وقف بعصبيه وهو يغلي من الداخل على الشباب
‎وقفه صوت ابو سليمان للي كانت العصبيه ظاهره من عيونه : خليك انت لا تنسى يمين الطلاق وانا اتفاهم معهم
‎توجه ابو سليمان من الصاله وهو يتوعد بالشباب ......

‎بحث بنظره سلطان على عبود حتى يعاقبه لكنه اختفى عض على شفايفه بقهر

‎الجده : يمه لا تضايق نفسك علشان الملسوونه خلها تستاهل ما جاها ماحد عارف قدرها بالبيت غير هالشباب خلهم يربونها

‎سلطان وهو يكتم غضبه احترام لامه : يمه الله يسلمك لا تقهريني بكلامك هذا
‎والله حراااام طفله
‎اخذ نفس وغمض عيونه لعله يرتاح وهو يتذكر نظرات ريم له قبل ما تدخل
‎اخخخخ وعض على شفته بقهر وهو يكلم نفسه ويردد قهروها وذلوها المسكينه .......

‎كانت الجده ساكته وهي تناظره وماسكه نفسها انها تتكلم حتى لا تقهر سلطان وتضايقه بكلامها .......
*
*
*
*
‎كانت جالسة على السرير والتي في شغال بس ما كانت معه كانت سرحانه وتشعر بالحزن ومضايقها كثير عبود ومو قادره تستوعب كيف باعها علشان حلاوه
‎نزلت دمعه من عيونها مسحتها بسرعه لما شافت الباب انفتح

‎استغربت وجوده وليه جاي هنا
‎تقدم منها وببراءه مد يده للي كان فيها حلاوه : ريم خذي اشتريت حلاوه لك

‎نظرت ريم لعبود للي كان يبتسم لها وبعدها هزت راسها للجهة الثانيه انها زعلانه منه تكلمت وهي صاده عنه : انا زعلانه منك ليه تركتهم يعملون كذا وما دافعت عني !!

‎عبود بصدق : انا وافقت علشان اخذ الفلوس واشتري لك حلاوه وبعدين انا خبرت ابوي عنهم وعمي سلمان راح يضربهم ويمسح فيهم الارض
‎وبابتسامه يالله خذي الحلاوه

‎اخذت ريم منه الحلاوه وصارت توكل وما زالت الدموع بعينيها وجلس امامها عبود على الارض وتربع وصار يتكلم لها عن قصص و بطولاته الكذابيه وريم متحمسه معه وتضحك على بعض المواقف وكأن شيئا لم يحدث ....
‎هكذا هم الاطفال دائما رغم الشجار الذي يحصل بينهم وقد يصل إلى الضرب لكنهم سرعان ما يعودون للعب مع بعضهم وكأن شيئا لم يحدث ......
‎واحيانا يوجد شخص يريد ان يسعدك ويقدم لك ما يسعدك لكنه احيانا يسلك طريقا خاطئا في اسعادك وهذا الطريق سبب لك ضررا لكن هو تصرف بحسن نيه لكنه دون ان يدرك العواقب .....فلندع فرصه للغير في تبرير مواقفهم ...........

‎كان ابو سليمان يناظر عبود وريم من شق الباب المفتوح ويرى السعاده على وجه ريم ارتاح بعد ما رأى ابتسامتها وابتسم على براءه عبود وريم وطفولتهما البريئه .....

‎كان يريد الدخول لكنه للحظه قبل ما يطرق الباب قرر تركهم على راحتهم مستانسين .....

‎وهو نازل الدرج تذكر نايف وغيرته وقف عالدرج محتار شاف ميرفت صاعده الدرج فقرر احترام لاخوه نايف طلب من الخادمه تنادي عبود بسرعه عالصاله بعدها نزل بهدوء متوجه للصاله ........
*
*
*
‎ام بدر باصرار : الله يوفقك قوم خلني اروح اشوف ريم

‎سلطان بهدوء : الساعه 11 وين تطلعين الحين بكره الصبح روحي عندها اما الحين لا

‎ام بدر بقهر : انا نفسي افهم يعني هم بزران يحطون عقلهم ببزر اخخخ هالبدر قسم بالله لو يموت ما لساني يناطق لساني شهر كامل .بقهر كذا يعمل ببنت عمه وفركت يدينها ببعض نفسي اخنقهم وقسم بالله يقهرون

‎سلطان : هدي لا تخافين اخذوا عقاب مرتب من سلمان ونظر لها بدون دموع وبابتسامه يخفف الجو مزوجيني ام دميعه وحساسه كثير

‎ام بدر تمسح دموعها : لا تلومني هاذي البنت غلاتها اكثر من اولادي وما اطيق حد يصرخ عليها او يضربها .....
‎سلطان بنص عين : بس انت يطلع لك ؟؟

‎ام بدر وتذكرت قبل ايام لما تكلمت معها بحزم وكم صرخه تنهدت بندم : قسم بالله اعتبرها بنتي وما ارضى عليها انا ابغى تكون من الاوائل وخاصه وضعها لازم تهتم بمستقبلها وعلمها هو سلاحها وبعدين شوف كيف وجها احترق من الشمس ما تفرقها عن الاولاد
‎ونظرت لسلطان ما ودي تلعب مع الاولاد وتاخذ طباعهم هي بنت ولازم تلعب مع البنات .....فهمت يا سلطان ليه كلمتها كذا انا ابغى مصلحتها وكنت معها حازمه حتى تعرف انه الامر جدي وما امزح معها ....

‎تنهد سلطان : الله يعين وابنك الملسون وين راح ؟؟

‎ام بدر بابتسامة وما زالت عيونها تلمع من الدموع : نام زمااان قبل لا تيجي .....

‎سلطان بهدوء: ربي رحمه وإلا لو مسكته بالصاله الله اعلم وش يكون وضعه .........
‎ام بدر : الله يهديهم
‎سلطان : آ مييين
*
*
*
‎في صباح اليوم الثاني وكان يوم الجمعه جلست على طاوله الافطار الجده وابو سليمان وريم رفضت تنزل بحجة النوم ...

‎ابو سليمان : ما قال لك ابوي متى راجع ؟؟

‎الجده بهدوء : ما حدد قال لما يكمل شغله حيرجع يمكن اليوم او بكره ما حدد ...

‎ابو سليمان وهو يشرب الشاهي : على خير ان شاء الله
*
*
*
*
‎ابو سعد بخبث : قبل اي خطوه ابشرك انه بكره حقدم الطلب بالمحكمه وانت تعرف النتائج وانت رجال لك سمعتك ودرجتك بالمجتمع اكيد ما رح تقبل ينذكر اسمك على لسان الناس امه المحكمة طالبتك

‎الجد ابو سليمان ببرود ظاهري : بس انت خسران القضيه !!!

‎ابو سعد بخبث : اعرف اني خسران القضيه بس ليه ما نجرب ما تدري يمكن اكسبها

‎الجد ابو سلمان يحاول انهاء المكالمه : انت تعرف انك خسران القضيه 100/100 فما له داعي اللف والدوران من الاخر وش تبغى البديل المقابل

‎ابو سعد بابتسامة مكر : تعجبني تفهمها على طول انا حنسى موضوع المحكمه مقابل تتنازل عن مشروعك للي تشرف عليه الحين

‎بهت الجد ابو سلمان وسكت وهو يفكر مشروعه للي سعى له سنوات طويله مستحيل يتنازل عنه بهاذي السرعه مستحيل مسح على ذقنه بتفكير وبعدها تكلم : اسمع اعطيني وقت افكر انت تعرف انه مشروع كبير

‎قاطعه ابو سعد : معك مهله لبكره الساعه 8.00 الصبح واذا ما رديت علي نتلاقى بالمحكمه يالله سلام

‎قفل الجد الخط وهو يرسم بالخطه مستحيل يسمح لعدوه يخرب كل مخططاته يعرف نقطة ضعفه السمعه لكنه مستحيل يسمح له يخرب مشروعي ساكت طول هالسنين وهو ينتظر هاللحظه حتى يخربها علي خبيث يا ابو سعد بس انا لك بالمرصاد ..........
*
*
*
*
‎في صباح يوم الجمعة ما طلعت ريم من غرفتها صحيح انه البارح راضاها عبود بس ما زالت فكرة انها منبوذه مؤلمه بالنسبة لها .......
‎رفضت تنزل ريم لغداء الجمعه وجلست كالعاده امام التي في تتابع افلام الكرتون باندماج غفت عينها ونامت بمكانها على الارض .......
‎بعد العصر صحيت ريم على صوت ازعاج بغرفتها فتحت عيونها وغمضتهم وبعدها فتحتهم بكسل وشافت نفسها نايمه على الارض عدلت نفسها وجلست وعلامات النعس واضحه بوجهها وجهت نظرها لمكان الصوت والازعاج شافت الخادمه عند خزانتها وقدامها حقيبة كبيره تحط فيها ملابس ريم
‎ما استوعبت ريم وفتحت عيونها على وسعهن وتأكدت انه للي شافته صحيح

‎نهضت من مكانها وبسرعة توجهت للخدامه وبغضب : وين رايحه بملابسي ؟؟

‎الخدامه تكمل شغلها بدون ما تناظر ريم : ما اعرف !!

‎ريم بصوت عالي : دامك ما تعرفين ليه تاخذنهن ومسكت الملابس للي بيد الخدامه ورجعتهم للخزانه وبامر اطلعي براااااااا

‎الخدامه بتكشير : ما في معلوم بابا كبير يقول جيب ملابس انت

‎ريم باستغراب : ابو سلمان هنا متى جاء ؟؟

‎الخدامه بضجر : قبل شوي ابعد انت انا اكمل سغلي
‎ريم وهي تاشر على الخدامه : مااالت عليك ووقفت تفكر ليه جدها طلب ملابسها وصارت تحلل ووصلت لعدة احتمالات يمكن جدها اشترى لها ملابس جديده ويبغى يوزع ملابسها القديمه او انه ابوها طلبها تسافر عنده او جدها رح يسفرها ما في غير كذا .......
‎كانت ريم ودها تطلع من الغرفه بس وقفها صوت الخدامه واشرت على الملابس بيدها : انت تعال غير لبسك بسرعه بابا كبير يقول
‎عبست ريم ملامحها واستغربت من هاذي الاجراءات وقررت تغير ملابسها وتنزل تشوف وش صاير .......
*
*
*
*
‎الجده بفرحه : خير ما سويت والله ودي اقوم ارقص واعمل حفله واخيرا نفتك منها

‎اعطاها الجد نظره حاده : قسم بالله اذا ما بلعتي لسانك ليصير شي مو طيب

‎ابو سليمان يحاول يزيل توتر الجو : صلوا عالنبي يا جماعه الموضوع ينحل بس بالتفاهم

‎ام بدر وقفت بتردد ولاول مره : عمي اذا انت مو قادرين تحملون مسؤوليتها انا موافقه انه سلطان يتدخل بشؤونها وخلي يمين الطلاق يقع وبعدها يرجعني على ذمته كلها طلقه وحده

‎وقف سلطان مقابلها وبتأييد : انا هاذي الفكره من زمان في بالي كلها طلقه وحده ما رح تأثر بعلاقتي مع ام بدر وش رايك يبه ؟؟

‎الجد للي كان معصب على الاخير وقف وبصراخ : شي ما تعرفونه لا تتدخلون فيه مفهوم وريم ما حد له دخل فيها ولو ارسلها لجهنم الحمراء لا تتدخلون فاهميين

‎كان سلطان وده يعترض قاطعه ابوه وهو يأشر بيده : قلت لك ما ودي اسمع صوتك انت ما تفهم وبتعب وصوت مقهور وهو يأشر على الجده كله بسبب ابنك وطيشه قول لي بس فايده وحده كسبناها من زواجه من هالزفته ضرب كفوفه ببعض ولا استفدنا شي غير هالشوكه ريم ظلت بحلوقنا واللي ما يسوى وده يلوي ذراعي فيها لكن بعده امه ما ولدته للي يحاول يلوي ذراعي وانا له بالمرصاد

‎تنفس بتعب وبعدها التفت على ابو سليمان قوم معي خلني اخلص من هالمشكله وبسرعه نادوا العله للي فوق .....

‎كانت واقفه قريب من الباب وسمعت كلام جدها كانت حاسه بسكينه تنغرس بصدرها وعيونها مدمعات اخذت نفس وفي داخلها ودها تعرف وش سبب الكره والعداوه لها
*
*
*
*
‎ركض باتجاها ومسك يدينها وبرجى : تكفين يا ريم لا تروحين خليك هنا

‎رفعت ريم راسها وصارت دموعها تنزل وتمسحهن بيدها الصغيرة
‎وقف الجد وبحزم وهو يناظر ريم وقلبه من الداخل يتقطع بس ما في غير هذا الحل : يالله يا وبدون دلع خلصيني

‎تمسكت ريم بعبود وهي تبكي : وين ودك تاخذني ؟

‎الجد وصبره نفذ : امشي وبعدين تعرفين

‎ريم بعناد وهي متمسكه بعبود : لا بالاول قول وين ودك تاخذني

‎اشر الجد للخدامه تنقل حقيبتها للسياره وبعدها تقدم من ريم وسحبها من يدها وهي تصارخ : اتركني يالشايب وتنادي عبووووووووود تعاااااااال عبووووووووووود

‎ركضت بسرعه لها ومتجاهله ردت فعل عمها ومسكت يد ريم تحت انظار الجد المندهش من تصرفها مسكت ريم وهمست بإذنها كلمات
‎انرسمت ملامح الدهشه على وجه ريم وكأنها ما استوعبت الكلام ......

‎نظرت ريم لام بدر وبعدها نظرت لجدها وتوجهت للسياره بهدوء

‎طنش الجد موقف ام بدر وتوجه خلف ريم للسياره .........
*
*
*
*
‎دخلوا المجلس بعد ما احضر معاه رجال كبار لهم سمعتهم في البلد وعلامات الدهشه على وجه ابو سعد وابناءه بعد ما رحبوا بالضيوف وشربوا القهوه ....
‎ابو سعد : هلا الله يحييكم
‎الجد ابو سلمان بهدوء : الله يحييك سكت لثواني وبعدها وجه نظره لابو سعد : يا ابو سعد انت بمقام ابوي والبارح اتصلت فيني ودك حفيده ابنك ترجع تعيش عندك وعلشان كذا قلت لي انك ناوي بكره ترفع قضيه صح كلامي ؟؟

‎اتورط ابو سعد وكيف احرجه قدام شيوخ البلد : ايه صح كلامك يا ابو سلمان انا قلت لك ارفع قضيه بكره بالمحكمه علشان البنت

‎الجد ابو سلمان بحكمه : مع انك تعرف انك ما رح تكسب القضيه لانه البنت بنتنا وما لكم فيها وإلا كلامي خطأ يالحاضرين ؟؟؟

‎كل الموجودين قالوا انه كلامه صح باستثاء ابو سعد واولاده
‎ابو سعد : المطلوب ودك تحرمنا من البنت ؟؟

‎ابو سلمان بخبث : لا والله بس انا جيت اقول لك وجبت معي هالوجوه الطيبه حتى اقول لك انت بمقام الوالد وما ارضى عليك المحاكم وشوشرتها وبالاخير ما رح تحصلون شي فلذلك انا جبت معي البنت هنا

‎ابو سعد بقهر وخطته فشلت : بس وش الفايده اشوفها الحين وتاخذها معك انا ودي البنت تعيش هنا

‎الجد ابو سلمان وهو يرمي قنبلته: عشان كذا انا جبت ريم هنا علشان تعيش عندكم هنا قريب من امها ....
‎احد الحضور من المشايخ الكبار وهو يوجه كلامه لابو سعد : والله انه ابو سلمان ما قصر غيره لو تموتون ما شفتم ظفر من البنت

‎ابو زيد يؤيد كلام اللي قبله : ايه والله صدقت الرجال ما قصر

‎ابو سعد بقهر : بس وش يضمن لي يوم يومين وبعدها ياخذها انا ابغاها تعيش هنا على طول او المحكمه بيننا

‎ابو زيد : بس ما يطلع لك يا ابو سعد
‎ابو سلمان : وانا موافق البنت خلها عندك وانا عند كلمتي وما رح اتراجع والرجال هنا شاهدين

‎ابو سعد اتورط : وانا موافق وخلك عند كلمتك بس وينها البنت ما اشوفها وقالها بطريقة تشكيك

‎ابو سلمان بنغزه : مو انا اتراجع عن كلمتي والبنت موجوده بالسياره واشر لابو سليمان يحضرها من السياره .......
*
*
‎مو قادرة تستوعب كيف يعني تخلو عنها صحيح انها من زمان كانت ودها تهرب من عندهم وتيجي عند امها بس يكون بإرادتها مو يرمونها هنا وكأنها شي قذر يرمونه

‎حاسه بضياع وحولها سواد والتوتر ذبحها اخذت نفس طويل لعلها ترتاح شوي ويروح التوتر وبعد ما غاب زول جدها عن نظرها نزلت دمعه من عينها غصب عنها تجهل سببها ......

‎كان ابو سعد مقهور ومعصب عالاخير من ابو سلمان وخبثه احضر ريم للبيت لحتى ما يرفع قضيه وجاب الرجال حتى يشهدوا انه البنت عنده ويحرجني قدامهم لكن دواك عندي يظن انه يوم ويومين وبعدها ارمي ريم عنده لكن باحلامه والله لاخليه يندم على هاذي الخطوه وبعدها نظر لريم ودخل بيته .....

‎توجه سالم لريم بهدوء وهو يتمعن ملامحها كيف كبرت اخر مره شافها لما كان عمرها ثلاث سنوات
‎تنهد بحزن وهو يردد بداخله الله يسامحك يا ساره شردتي هالبنت وهي ما لها ذنب .....

‎وقف بجانبها ومسح على شعرها بسرعة نقزت ريم ونظرت له وهي حاطه يدها على قلبها
‎ابتسم سالم على منظرها : لا تخافي انا جدك ومسك يدها يالله نروح عالبيت
‎ما رفضت ريم ولا عارضت مشت معاه بهدوء ......
*
*
*
*
‎وهو يكتم عصبيته: يبه كيف ترسلها عند الزفته ؟ كيف بدون ما حد يحط عندي علم ؟ كيف فهمني ؟

‎الجد ببرود ظاهري : كملت بربرتك ؟؟

‎نايف وهو يحاول يسيطر على اعصابه : ايه كملت !

‎الجد ببرود : اعتقد بالبداية انك رفعت يدك من تربيتها وتركتها عندي

‎قاطعه نايف : بس يبه مو ترجعها عند امها

‎الجد بنرفزه : وبعدين معك خلني اكمل وقسم بالله اذا بتقاطعني لسكر السماعه بوجهك

‎نايف باعتذار : اسف يبه بس انفعلت زيادة

‎الجد طنش اعتذاره : المهم انا قلت لك انك رفعت يدك عنها وبعدين يرضيك ابو سعد يلوي ذراعي ويهددني بالمحاكم

‎نايف باندفاع : يخسى هو وكل عيلته

‎الجد : هذا للي جاك يهددني يرفع قضيه علشان ياخذ ريم او اني اتنازل عن المشروع الجديد

‎نايف بهدوء: كل اولادي فدوى لك يبه ما عاش للي يلوي ذراعك وما دام السالفه كذا ينقلع هو وحفيدته ويشبع بشوفتها ....

‎الجد بتأكيد : متأكد رح يرجعها لنا والايام بيننا

‎نايف يغير الموضوع : ان شاء الله خير اخبار امي والاهل

‎الجد : الكل بخير ويسلم عليك
‎نايف ووده ينهي الاتصال لانه حاس بضيق : الله يسلمهم يالله رح اتصل فيك مرة ثانية مع السلامه

‎انهى الجد مكالمته وتنهد وصار يناظر المكتب وبعدها ناظر سلطان للي ملامحه مو عاجبه شي وبعدها لابو سليمان للي ملامحه جامده ما يظهر شعوره ..........
*
*
*
*
‎دخل سالم داخل البيت وبعدها توجه للصاله الداخليه كانت الصاله وسيعه ارضيتها بيضاء والكنب اسود قاتم وعلى الجدار شاشه التي في كبيره جدا وبالوسط طاوله من الزجاج عليها بعض المناظر الجميله
‎كانت ام محمد جالسه بصدر الغرفه وتسولف مع ابنائها وبناتها وقفت فجأة لما شافت سالم ومعاه بنت حطت يدها على قلبها خافت انه سالم متزوج عليها وهاذي بنته اشرت على ريم وقلبها يدق بسرعة : مين هاذي ؟؟؟

‎كانت كل الانظار على ريم حتى البزران تركوا اللعب ووقفوا يشوفون ريم

‎ترك سالم يد ريم وجلس بجهة اليسار ومد يدينه على الكنبه ونظر لام محمد وبهدوء : هذي حفيدتك

‎ام محمد بدهشه : حفيدتي ؟؟؟؟

‎كانت ريم تناظر الموجودين لعلها تشوف امها نظرت للوجوه بس ما ميزت امها لانه كل الموجودات يشبهن بعض كثير .........

‎اشر سالم على احدى الجالسات وبتريقه : بنت المحترمه
‎كل النظرات توجهت للي اشر عليها سالم وبعدها ناظروا ريم

‎ازهار باستغراب : قصدك بنت نايف

‎سالم بدون نفس : مو ذاكر انه في غيرها
‎غادة رفعت حاجب : وابوها واهله وين عنها ؟؟

‎سالم بهدوء : ما حد يبغاها وابوها مسافر ورموها هنا

‎بلعت ريم غصتها من كلامه الجارح ونزلت راسها ما ودها تشوف نظرات الشفقه بعيونهم

‎كانت ساره ساكته ما تكلمت هزتها ازهار بيدها ووقفتها وسحبتها باتجاه ريم
‎جلست ازهار على مستوى ريم ورفعت راس ريم بيدها : واشرت على ساره هاذي امك

‎نظرت ريم لساره وبدون مقدمات رمت نفسها على ساره اضطرت ساره تجلس على الارض حتى تكون نفس مستواها وبدت ريم تبكي بصوت عالي وشهقاتها عاليه تبكي سنوات الحرمان تبكي التشتت والضياع تبكي الضرب والاهانه والنبذ للي شافته وعايشته عند اهل ابوها ......
‎مسكتها ازهار وابعدتها عن ساره وبابتسامه خلص بكفي بكى ومسكت يدها تعالي سلمي على جدتك واخوالك ...
‎اشرت ازهار على ام محمد : هاذي جدتك
‎تقدمت ريم من جدتها وسلمت عليها كانت مشاعر الجده نحوها عاديه لا كره ولا محبه زايده وبعدها اشرت ازهار هذا خالك محمد وللي جنبه خالك معاذ وبعدها التفت لجهة اليسار وهذي خالتك غاده وهذا خالك عبدالرحمن وهاذي نرجس بنت خالك محمد اول ثانوي وهاذي روئ بنت خالك معاذ بالصف العاشر وبعدها نظرت لزوجه محمد للي جالسه بجهة اليسار وجنبها زوجه معاذ
‎سلمت ريم على الموجودين بهدوء وبعدها نظرت ازهار للبزران واشرت عليهم روحي اجلسي العبي معهم وتعرفي عليهم

‎كانت ريم ودها تعترض وتقول انها ودها تجلس عند امها بس ترددت وقررت تتوجه للبزران حتى تتعرف عليهم .....
*
*
*
*
‎غاده باستغراب وهي تناظر ساره : غريبه بنتك ليه كذا شكلها ولوت بوزها مو عاجبها

‎ازهار قاطعتها وهي متضايقة : كلنا خلقة الله ولما تسخري من شكل شخص بتكوني تتمسخري على خلقة ربنا

‎لوت بوزها غاده : افففف والله مو قصدي لا تفتحي محاضرات انا قصدي ما بتشبهنا وبغرور مو حلوه مثلنا

‎ام محمد وهي تناظر ريم وهي تضحك مع البزران: بالعكس فيها منا كثير فم امها ورموش كثيفه مثلكم بس وسعة العيون لاهل ابوها

‎غاده وهي تناظر ريم : بس سمراء كثير وضربت ساره على راسها بمزح وبصوت خافت من وين جبتيها اطلعي شوفي الفرق بين بناتي وبنتك

‎ساره للي كانت مندمجه بالجوال : افففف يا غاده وبعدين معك وبصوت خافت انا مو طايق اشوف ملامحها لانها بتشبه الزفته نايف وبعدين صحيح ما عندي بنات بس بالله كيف اولادي شكلهم بجننوووووو

‎غاده وهي تأشر عليها : مااالت عليك وعلى اولادك وبهمس انتبهي تحسسي ريم بشيء حرام هي ما لها ذنب بطيش امها

‎فتحت ساره عيونها على وسعهم : انا طايشه

‎نغزتها غاده بخصرها : وطي صوتك واكبر طايشه لولا طيشك كان ريم مو موجوده

‎ساره ما عجبها الكلام ورجعت للجوال ......
*
*
*
‎وقفت ازهار بعد ما قفلت الجوال ونظرت لبنتها فاطمه : يالله يا ماما بابا بنتظر

‎فاطمه بصوت دلوع : ماما بث اثوي
‎ازهار حملت ابنها الصغير وتوجهت للباب بعد ما استأذنت وخلال ثواني كانت فاطمه خلفها تتحلطم

‎وبعدها استأذنت غاده بعد ما جاء زوجها اخذت اولادها وغادرت .......

‎كانت ريم مندمجه مع البزران بس لفت انتباها امها لما وقفت وصارت تلبس عبايتها ونادت على ابنها فيصل
‎ركضت لعند امها وبتردد : ماما اجي معك ؟
‎رد سالم وهو يناظر ريم : لا يا جدي امك رح تروح عند بيتها وانت هنا رح تعيشي امك يمكن زوجها يتضايق فخليك هنا افضل

‎حست بالقهر وانتظرت امها تعترض وتطلب منها تيجي بس امها خيبت ظنها وتكلمت بهدوء: خلاص ريم خليك هنا وانا كل يوم اجي هنا واشوفك مفهوم

‎ريم باستسلام وداخلها قهر : ان شاء الله وفي عيونها الدموع تلمع بس لا تتأخري

‎ساره وهي تحمل ابنها الرضيع بحضنها : ان شاء الله وتوجهت خارج الصاله وفيصل خلفها يمشي ....

‎وقف الجد سالم وناظر ريم وتكلم بهدوء،: يالله يبه روحي نامي عند بنات خالك فوق وبكره الصبح علشان تروحي عالمدرسه نفس مدرستك ما تغير شي جدك رح يعطي المدرسه عنوانك الجديد .....
‎وبعدها خرج الجميع من الصاله خلف الجد سالم كل شخص على جناحه .....
*
*
*
*
‎دخلت الغرفه كانت كبيره كثير وبعدها سألت شوق : وين انام ؟؟
‎شوق بسعاده : نامي على هذا السرير لانه زياده حطيناه احتياط لانه احيانا سوسن وفطوم وحده منهم تنام هنا
‎شروق وهي تلف حول نفسها كانت تلبس فستان زهر لتحت الركبه : ياي انا مبسوطه عندي صديقه جديده ...

‎ضحكت ريم على خبال شروق وبعدها توجهت للسرير وجلست عليهوهي تناظر البنات

‎اسماء بفرح : خلينا نسهر مع بعض علشان نسلي ريم ...

‎منار وهي تتثاوب : طيري لو جاء ابوي وشافنا وش ردة فعله رح يعاقبنا وبعدها انسدحت داخل السرير
‎شوق وهي تناظر منار : يا خوافه وش يعرفهم

‎شروق وهي تضرب شوق على راسها ياغبيه نسيتي اخوك رامي لما فتن عنا واجى عمي محمد فجأة ولعن خيرنا وقتها

‎اسماء بفشل : مالت عليكن خلص كل وحده تندفس بسريرها .....

‎كانت ريم تناظرهن وتشعر بسعاده وفرح صحيح بدايه ما جلست معهن وما تركوها بحالها من كثره الاسئله بس بعدها صرخت عليهن شوق وطلبت منهن ما يدخلن بامور ريم الخاصة حتى ما يحرجنها .....
*
*
*
‎كان جالس وحاط راسه بين يدينه دخلت الغرفه ساميا استغربت وضعه تقدمت منه وجلست على حافه السرير وبهدوء : وش صاير ؟؟؟

‎رفع راسه نايف وناظر ساميا وبعدها وزع نظره بانحاء الغرفه وبهدوء : ابوي ارسل ريم عند امها تعيش

‎ساميا بهدوء وهي تناظره: طيي وين المشكلة ؟؟ من حقها البنت تزور امها وتتعايش عندها

‎نايف مسح وجه بعد ما تنهد : ماني عارف احس نفسي مشوش مرات اقول احسن ارتاح منها ومرات اقول هاذي بتظل بنتي مهما كان بس خلص الحين ما ينفع البنت في بيت جدها وابوي مستحيل يرجع بكلمته قدام الرجال

‎ساميا برفعة حاجب : يعني خلاصة كلامك هذا كله ؟؟

‎نظر نايف لها وببرود : يعني رح انسى انه عندي بنت من اليوم وطالع

‎ساميا تضايقت من كلامه : لا والله !! يعني قبل ما نسافر عملت مشكله وانت تقول بنتي وبنتي على حساب كنت خايف يصير لها شي والحين وش اللي تغير ؟؟؟ بصراحه تصرفاتك متناقضه !!!

‎نظر لها نايف بنص عين : اللي تغير ما يخصك واعتقد اني قلت لك من قبل بيني وبين بنتي لا تتدخلين وإلا نسيتي اذا نسيتي خليني اذكرك

‎وقفت ساميا ولوت بوزها : لا ما نسيت بس انا الحماره للي تتدخلت وتوجهت خارج الغرفة ......

‎تنهد نايف وهو محتار من قراراته ومشاعره المتغيره
‎وبعدها قام متوجه خلف ساميا لانه شكلها زعلت .......
*
*
*
‎سلطان جالس بالصاله الداخليه عند اهله تكلم بهدوء : يبه بكره انا وام بدر ان شاء ودنا نروح نزور ريم ونتطمن عليها

‎الجد بحزم : لاااااا ولا واحد يروح خلوها هناك وما حد يروح عندها

‎سلطان وهو يكتم غيضه : بس يبه كيف نتركها لوحدها لازم نزورها !!

‎الجد بحزم : وبعدين وقسم بالله اذا سمعت انه واحد من الموجودين زارها لا يلوم إلا نفسه مفهوم

‎وبعدها ناظر سلطان بحده : اذا ودك تكسر كلمتي الحين شرف وروح لها واشر على الباب وبصراخ يالله قوم
‎وقف سلطان وتوجه لابوه وباس راسه وهو يكتم عصبيته : ما عاش من يكسر كلمتك وبعدها توجه خارج المجلس وهو يكتم غضبه ........
*
*
*
‎خلال الاسبوع كانت ريم مبسوطه كثير مع بنات خالها وانسجمت معهن وكانت علاقتها مع اهل امها عاديه ما حد يصرخ عليها او يضربها كان طول الوقت مع البنات وامها كانت تشوفها لما تيجي ......
*
*
*
‎بالفسحه جالسه مع صديقتها الجوري وسألتها : كيف سمحتي لها تضربك وسكتت للثواني والحين جالسه تضحكين ولا كأنه صار شي

‎ضحكت الجوري : هههه عادي يا حلوه انا مستحيل اخلي حد يشتفي في اصلا لما اضحك وانبسط بقهر للي حولي لانه ينتظرون مني ابكي حتى ينتصرون علي لما يضربوني او يشتموني ابتسم واضحك ولا كأنه صار شي شوفي ابله هدى كيف تناظرني ومقهوره مع انها هي للي ضربتني
‎ناظرت ريم ابله هدى وشافتها مقهوره وعيونها مليانه شرار وهي تناظر الجوري للي عامله لها طاف
‎دخلت هاذي الفكره براسها وقررت تعمل نفس الجوري ما تهتم للناس ولازم تقهر اعدائها بضحكتها لما ذكرت كلمه اعداء تذكرت اهل ابوها وحست بضيق ما حد منهم سأل عنها حتى ام بدر

‎حطت يدها الجوري على كتف ريم : لا تهتمي ولا تسألي عن حد طنشي وابتسمي وعيشي حياتك وبرجاء يا ريم يا ريم خلني اجلس جنبك بالصف

‎ريم وهي ترفع حواجبها : لا مستحيل انتي كلامك كثير ورح تلهيني عن دراستي انا لازم اركز مع المعلمه واحفظ الدروس بالمدرسة لانه بالبيت ما اعرف ادرس

‎الجوري : نفسي اعرف ما تدرسين بالبيت حتى الواجب المدرسي تحلينه هنا بالمدرسه وعلاماتك كامله

‎ريم : قولي ما شاء الله لتضربيني بعينك الحاره يا دبه وبعدين يا حلوه انا اركز مع المعلمات بالشرح واحفظ كلامهم واخزنه بعقلي مو مثلك فاتحه ديوان بالخلف وسوالف وضحك

‎الجوري لوت بوزها : اقول يا دافوره قومي قومي خلصت الفسحه
‎وقفت ريم ومسكت يد الجوري وبابتسامه : يالله شرفي عالصف يا حلوه .........
*
*
*
‎بدر بملل يناظر عمر : قرفت يا اخي ملل زهق
‎عمر يناظره بنص عين : مو معبي عينك انا وإلا علشان المهرج نواف والمتخلف سليمان مو هنا

‎بدر بملل : مو كذا قصدي بس لما نكون مجتمعين يكون الجو غير وسليمان ونواف طول وقتهم بالجامعة وكأنه ما حد دخل الجامعه غيرهم

‎عمر بقهر : انا ما يقهرني غير نوافووووو يحكي معنا بفوقيه وانه صار كبير وسوالفنا لما كنا نتكلم على استاذ العربي ما تعجبه قال وهو يقلد نواف اعقلوا يا شباب تراكم كبار الحين مو بزران وبقهر جلطني يا اخي ناسي حضرته كان اول من يحش باستاذ العربي اما الحين صار مهندس الاخ وعقله كبير قال سوالفنا تافه مو مثل سوالف طلاب الجامعة اييي مالت عليه وعلى جامعته اللي مثل وجهه

‎بدر بقهر : حتى شوف مقرنا هنا ما عاد يجون عليه قال عندهم ابحاث ولا والمشكله ابوي زاد حصاره علي بالدراسه وده إياني اشد حالي وادرس مثل نواف هندسه او سليمان طب

‎اانسدح عمر على الارض وهو يضحك : هههههه انت ههههههه تدرس طب ههههه وصار يضرب عالارض من الضحك هههه وقسم بالله انها نكته هههههه اصلا اذا اطلعت من الثانويه بعد 5 سنيين هذا انجاز هههه

‎بدر يناظر عمر بنص عين : اقول اسكت اللي يسمعك يقول عنك دافور اذا انا احتاج 5 سنوات انت ما رح تنجح من الاصل لانك افشل مني

‎عمر وهو يضحك : ههههههه قوم قوم يا دكتور خلينا نروح عند الشباب

‎بدر بنرفزه : انقلع ماني قايم يا فاشل

‎عمر وهو يمثل : لا لا ما اصدق المهندس زعل هههههههه
‎قام بسرعة بدر حتى يضرب عمر وبسرعة قام عمر يركض وتوجه للبوابه الخارجيه وفجأة وقف لما شاف جده وسليمان ونواف عند البوابه
‎اضطر بدر كمان يوقف وبلعوا ريقهم من نظرات الجد
‎نواف وهو كاشخ وبيده دفتر : انتم متى بتعقلون عن حركات اولاد المدارس

‎سليمان بغرور : يمكن اذا دخلوا الجامعة يعقلون مع اني اشك انهم يدخلونها

‎الجد بحزم وهو يأشر على بدر وعمر : قسم بالله اذا حركاتكم هاذي شفتها مرة ثانية لا تلومون الا نفسكم
‎واشر على سليمان ونواف وبفخر تكلم : صيروا مثل الدكتور سليمان والمهندس نواف يرفعون الراس بالمجالس مو مثلكم رخمه
‎وبعدها التفت لنواف وسليمان : يالله يبه ندخل للمجلس اليوم رح ييجي رجال اعمال عندي ومشى الجد متوجه للمجلس ونواف وسليمان يجاكرون بدر وعمر

‎بعد ما غادروا بدر بقهر : شفت شفت اخخخ يالقهر صاروا شي كثير المشكلة قبل ما يدخلون الجامعه باسبوع مسح فيهم جدي البلاط الحين صاروا مفخره ولوى بوزه مااااااااااااالت،

‎عمر : تعال يا صديقي هذول متخلفين خلينا نعيش حياتنا
‎وتوجهوا خارج البوابه مطنشين العالم وراهم .......
*
*
*
‎مرت الاياام بسرعة وقضت ريم ايامها مع بنات خالها وتغيرت كثير فيها كانت دايما تضحك صحيح انها كانت تشوف امها بس كانت تحس في حاجز بينها وبين امها
‎اخذت طباع بنات خالها صارت مدمنه مسلسلات وافلام واغاني وابتعدت عن اللعب مع الاولاد
‎بنات خالها كانوا مثلها ما يصلون واذا حد قال لهم يصلون يتحججون انهم بعدهم صغار

‎مرت الايام والسنوات بحلوها ومرها علي كنت واقفه عند الشباك واناظر غروب الشمس واذكر حياتي مرت 6 سنوات على وجودي هنا ولا مره اهل ابوي زاروني او سألوا عني حتى بالاعياد ما زاروني صحيح انها امي اشوفها هنا وازورها في بيتها بس احس بيني وبينها حاجز كبير ما اعرف سببه تنهدت بصوت منخفض الحين عمري 14 سنه حاسه بضيقه

‎فجأة حسيت بيد على كتفي ناظرت خلفي كانت شروق ابتسمت على الخفيف ردت لي الابتسامه وتكلمت شروق بابتسامة : يالله تعالي بسرعه خلينا ننزل على السوق جهزي حالك قبل لا تفوتنا صيدات

‎رديت بابتسامة : ان شاء الله جاي دقيقة خرجت من عندي شروق وانا اناظرها شروق بنت خالي محمد طولها متوسط ملامح وجهها ناعمه بس فمها وسيع شوي بس حلو بشرتها ناعمه وبيضاء بس بتخربها بكثرة المكياج الثقيل للي حاطته بنات خالي طيبات بس عندهن حركات المراهقه بمتابعة الشباب بالاسواق صحيح امشي معهن بس والا مره فكرت اعمل مثلهم ما اعرف السبب يمكن لاني مو مقتنع بهاذي الحركات وما تعجبني
‎ناظرت نفسي بالمرايه كنت لابسه عبايه مخصره وضيقه كثير حاليا ما زلت قصيره ونحيفه كثير بشرتي بيضاء بعكس طفولتي رتبت حجابي بدون ما احط ميك آب لانه ما كان لي مزاج احط عكس كل مره يكون وجهي قبل ما اطلع علبه الوان اضطر احط مكياج ختى للي يشوفني يفكرني كبيره على الرغم انه بنات خالي بعمري وبعضهن واكبر مني بسنه وسنتين الا انه ملامحهم تظهر انهم بنات كبار عكسي اللي يشوفني يظن اني ما زلت صغيره كثير علشان كذا احط مكياج ما كنت اعرف احط لنفسي بس بنات خالي علموني وكمان علموني على اشياء ما كنت اعرفها حتى الاعراس والحفلات ما اخلي حفله او عرس الا اروح مع البنات يعني باختصار كانت حياتي فري وحتى حواجبي علموني على نمصهن ولما خبرتهم انه المعلمه الدين ذكرت انه حرام اقنعوني انه كم شعره ما يأثرن والمعلمات متشددات ومن الكلام اللي يتداولوه البنات هذه الايام ويفتون بغير علم ويرمون الاحاديث الوارده بالنمص عرض الحائط
‎نرجع للاحداث :)

‎تنهدت ريم وبعدها نزلت حتى تروح عالسوق ........
*
*
*
‎اليوم الصبح قررت تروح تزور امها وتشوف اخوانها جهزت نفسها وبعدها توجهت لبيت امها القريب من بيتهم دخلت الصالة بعد ما طقت الباب وبابتسامه لما شافت زوج امها : صباح الخير عموووووو
‎ناظرها احمد وبدون نفس : اهلين وبرسميه امك بالصاله وبعدها خرج من البيت
‎دخلت ريم وهي تطنش طريقة كلامه معها وبسرعة ركضت عند امها : ماما صباح الخير

‎ساره ببرود كالعاده : صباح النور
‎ناظرت الصاله كانت بسيطه فيها كنب لونه ابيض والستائر احمر جلست ريم بجانب امها كان نفسها تحضنها وتتقرب منها بس كانت تحس بحاجز كبير بينهم قامت امها وطلعت من الصاله بحجة تجهيز الغداء جلست ريم مع اخوانها وصارت تلاعبهم وتضحك مره الوقت بسرعة بعد الغداء جلست مع اخوانها بالصاله قررت تشرب مويه توجهت للمطبخ وقبل ما تدخل سمعت زوج امها
‎احمد بعصبية : انا كم مره قلت لك ما ودي اشوف رقعة وجهها في بيتي وكمان عازميتها عالاكل

‎ساره : والله ما ناديتها هي لوحدها تيجي لا تفكر اني مبسوط بشوفتها وقسم بالله ما اطيق اشوفها لانها بتذكرني بالزفت ابوها
‎وبعدين انت تعرف اني ما ابغاها وتذكر لما ابوها جاء عندك بالشركه وطلب منك انه ريم تزورني مجرد زياره
‎انت وقتها تعرف ردت فعلي قول وش كان موقفي
‎احمد : رفضتي وبشده انها تزورك
‎ساره بقهر : شفت جاوبت نفسك بنفسك رفضت لانها كانت غلطه بحياتي وكلما اشوفها اتذكر هالغلطه علشان كذا ما ابغى اشوفها واتذكر ابوها الحقير بس وش بيدي ودك إياني اطردها

‎كانت ريم قابضه يدها بشده وتذكرت كلام الجوري دايما وحركاتها دخلت بهدوء عالمطبخ وبابتسامه : ما في داعي تطرديني انا بطلع لوحدي ما حد خبرني انك رافضه شوفتي حتى نايف قال لي انك بالكويت مو عايشه هنا
‎وبعدها ناظرت احمد وبابتسامه تخفي كل انكسارها : اسفه يا عمي ما كان قصدي اضايقكم يالله سلام ورسمت احلى ابتسامه على وجهها وغادرت المكان بهدوء ................

‎دخلت غرفتها وحاسه بضيقه مو قادره تطلع الكبت للي بداخلها لانه البنات معها بنفس الغرفه صارت تعد للميه حتى تنسى حزنها مو قادرة تستوعب امها رافضة شوفتها الحين عرفت سبب الحاجز والبرود بينهم وتذكرت كلام ابوها لما خبرها انه امها بالكويت قال لها لا تحطين امالي على شخص معين حتى ما تنصدم منه صدمه قويه هاذي هي امها للي كانت تحلم بها ليل ونهار خذلتها خذلتها هزت راسها ما ودها تفكر بالموضوع وتعطيه اكثر من حجمه لانها ما تستحق وما تستاهل تكون ام ودخلت ريم بعالم الذكريات كانت تشوف اهتمام امها بإخوانها وخوفها عليهم حرصها عليهم واهتمامها بأكلهم وملابسهم وبكل شي اما ريم ما كانت تهتم لوجودها وبالمقابل تذكرت ريم معاملة ابوها لاخواتها كيف يهتم فيهن ويدلعهن ويخاف على زعلهن وسافر واخذ بناته وهي تركها مشتته كانت تتساءل وين مكانها بحياه امها وابوها تنهدت وهي تردد بصوت منخفض ما لي مكان بحياتهم انا نكره انا غلطه وادفع ثمنها انا وهم عايشين حياتهم ما قدرة تستحمل اكثر توجهت بسرعة للحمام وقفلته ودخلت في نوبه بكاء .......
*
*
*
*
‎اليوم الجمعه توجه نايف لبيت الجد ودخل بهدوء بعد ما سلم على اهله واخوه فيصل وزوجه فيصل لانها بتكون اخته بالرضاعه
‎جلس بهدوء وهو يتقهوى
‎الجد بهدوء : كيف سليمان مع التدريب عندكم بالمستشفى
‎نايف وهو يتثاوب : الحمد لله ما شاء الله عليه طالع لعمه ذكي

‎فيصل : وليه يطلع لعمه طالع لعمامه كلهم

‎الجده : ما شاء الله على اولادي واحفادي اذكياء ما شاء الله عليهم

‎الجد بضحكه : وبدر وعمر ما ظنيت انهم ذكيين

‎فيصل : عليهم العوض واسمعت انهم حاملين ثلاث مواد بالجامعه يعني اكيد رح يتأخر تخريجهم
‎نايف بفقدان امل : ما ظنيتهم يتخرجون
‎دخل نواف الصاله وجلس جانب امه بعد ما سلم على الموجودين
‎بعدها دخل سامر الصاله وهو يكلم بالجوال وعلامات الدهشه على وجهه : ماات ......متى .......انا لله وانا اليه راجعون
‎وقف الجد بخوف ونظره على سامر : مين اللي مات ؟؟؟؟
*
*
*
*

‎انتهى البارت .....انتظروني في البارت القادم دمتم بود

تعليق

رايكم

تصويت للبارت