رواية طفولتي المشتتة الفصل السابع وأربعون 47 - بقلم ضاقت أنفاسي

بعد ما رجعوا الحريم على البيت
كان الاعمام مجتمعين على اعصابهم بالمجلس
مو عارفين وين يدورون
سليمان بتفكير ناظر اعمامه : طيب ممكن راحت عند زياد
صقر كش ملامحه : كيف تروح وهي ما تعرف بيتهم ؟؟
نواف : يمكن اتصلت عليه وجاء اخذها
خالد بحده : ممكن تفكرون بعقل وبدون غباء ناسي انت وهو
انه مسافر شهر عسل
نواف ضرب جبهته : نسيت والله
فجأة رن جوال نايف
رفعه بدون نفس : نعم .......وش تقولين ؟؟؟ ......متأكده .......طيب انا الحين جاي .....سلام
الجد بترقب : وش فيه ؟؟؟
نايف براحه : ام سيف تقول لما رجعت
قالت لها الشغاله انه ريم بالبيت بغرفتها القديمه
صقر بقهر وقف : مو قلت انك دورت عليها بكل البيت وما لقيتها
نايف ناظر صقر لثواني وحك راسه وهو مغمض عين وابتسم شبح ابتسامه : بس هذي الغرفه ما دخلتها واستبعدت
الفكره لانها فاضيه وما فيها اثاث اصلا
سلطان بقهر : طيب ليه ما سألت الخدم ؟؟
نايف وحاس حاله بتحقيق: ما فكرت اسأل الخدم دامني بحثت بالبيت
كله حسيت ما له داعي اسأل واعمل فضايح
فيصل بقهر : كله بسببك حرقت اعصابنا
وبتفكير
بس غريب ليه راحت بيتك ؟؟
صقر بقهر : اكيد سمعت كلام ابوي وعماد
لما قرروا يطردوها من هالبيت
الجد بحزم : لا تحرف الكلام انا ما طردت احد
عماد باستغراب : طيب هي دام انه خالد طردها ليه
ما راحت على بيتك يا نايف ليه جاءت هنا !!
وقف نايف ينهي النقاش : يالله انا استأذن
بعدها طلع وتفرق الجميع
وبعض الاسئله تدور بعقول بعضهم ......


&
&
&
&
&
دخل الغرفه بهدوء وناظرها منزويه بالزاويه
ومتكوره على نفسها
منظرها يكسر الخاطر
اقترب منها وجلس ركبه ونص وهزها على الخفيف
: ريم ريم
رفعت راسها بشويش والنوم مسيطر عليها
رجعت وغمضت عيونها
هزها من جديد : ريم ريم
رفعت راسها وعفست ملامحها وبعدها ناظرت المكان
وناظرت نايف وعقدت حواجبها
نايف بألم لما شافها كذا بس غروره ما يسمح له : ليه نايمه هنا ؟؟
ريم بصوت ناعس : ابغى انام
وقفها نايف وسحبها معه للحمام
غسل وجهها حتى تصحصح
وبعدها طلع من الحمام : تعالي على غرفتك
ريم سحبت يدها منه بكره : ما رح اطلع من هذي الغرفه
نايف عقد حواجبها : الغرفه فاضيه وين تنامين ؟؟
ريم بعناد : مو طالعه من هذي الغرفه حط فيها سرير مثل زمان وانتهينا
طالعها وحس بنغزه بقلبه كيف طاوع قلبه
وحطها بهذي الغرفه ايام طفولتها : ريم
قاطعته ريم برجاء : اتركني براحتي
وناظرته برجاء
ناظرها نايف لثواني : براحتك انتظري شوي
اخليهم يجهزونها لك
وبعدها طلع
توجهت ريم للشباك وهي تتذكر طفولتها هنا
ارخت راسها على قزاز الشباك
وهي متأكده من قرارها
هذي الغرفه للي احتوتها لما تخلى عنها الجميع بطفولتها
ما لها الا هذي الغرفه تحس انها ملك لها وما حد
يقدر يطردها منها

زفرت بضيق وهي تحس بداخلها ضياع
لكن خلاص قررت تقضي باقي حياتها بذي الغرفه
وتربي ابنها بعيد عن هذا العالم الحقود

*
*
*
*
بالصاله واقفه وتناظره : ليه ترد عليها ؟؟؟
نايف رفع نظره للسقف وبعدها ناظرها وهو يزفر بضيق : تعرفين عنادها وانا ما حبيت اعاندها
لاني اخاف اتهور وافقد اعصابي واعطيها كم طراق ولا تنسين البنت حامل
وبعدين هي بكيفها خلها تنطق بالغرفه
وناظرها بحزم لا تنسين انا قلت لك من قبل ما لك
شغل فيها وناظرها بحزم
ساميا بضجر من كلامه : لا تخاف ما نسيت
وسحبت نفسها وتوجهت لجناحها
جلس نايف وزفر بضيق ويحس الالم ذبحه
وهو يشوف ريم
صغيره على هذا الحمل وفوق هذا رح تكون مطلقه وهي بعدها بعمر صغير
غمض عيونه وطلع يشوف تجهيزات غرفه ريم


*
*
*
*
*
صحيت الصبح وهي عافسه ملامحها وتناظر
المكان
بعدها استوعبت المكان
وتذكرت صلاه الفجر وبسرعه قامت توجهت
للحمام علشان تلحق الصلاه
بعد ما صلت وجلست تستغفر بعد الصلاه
وتناظر الغرفه عاشت فيها خمس سنين
تحسها من املاكها
خلاص تبغى تبعد عن الناس ما تبغى تختلط
باحد ولا تشوف احد
ترجع لايام الطفوله وتكمل حياتها وحيده
تكره اهل ابوها كلهم تكرهم
وقفوا ضدها ولا حد وقف معها
مستحيل تدخل بيت جدها بعد ما طردها منه
مستحيل
ما توقعت جدها خبيث لذي الدرجه
تركها بالوقت للي احتاجته
طلعت منها شهقه غصب عنها
ما لقت حد يوقف بصفها
الكل يناظرها بشماته
عضت على شفتها بألم
مجروحه من هذا العالم
كل ما تقول رح تنسى احزانها
يطلع لها جرح جديد
رفعت يدها وهي تدعي ربها انه يكون هذا
اخر احزانها
مر على جلوسها اكثر من ساعه والافكار متلاطمه
في عقلها
قاطعها دخول الشغالة بعد ما طرقت الباب : بابا يبغى انت انزل فطور
لفت ريم وجهها ورجعت تناظر من الشباك
وبصوت مخنوق : الحين انزل
ما رح تتهتم لوجودهم رح تتخيل نفسها بمطعم تنزل تاكل وترجع لغرفتها
وكأنها بفندق
هذي حياتها الجديده رح تكون


*
*
*
*
كانت تغصب نفسها على الاكل علشان للي في
بطنها
والا كان ما ذاقت الاكل بس مضطره
ما انتبهت لاهتمام نايف بعياله لانه ما عاد
يهمها خلاص كبرت عن هذي السخافات
هذي السخافات للي كانت امنيه من امنياتها
انه حد يهتم فيها
لكن الحين خلاص صارت بنظرها سخافات
تحس كل الدنيا سخيفه
ما تستحق تتضايق علشانها
كل الحين يهمها سلامه الجنين
كملت فطور وطلعت بهدوء لغرفتها مثل ما دخلت
*
*
*
*
نايف
استغربت لما شفتها نازله على على الفطور
توقعت انها تعاند
كانت لابسه بلوزه كحلي باكمام طويله
وبنطلون جزره
مو باين عليها الحمل ابد ابد
ومجمعه شعرها بالكماشه ونازله كم خصله من
شعرها
زايده جمالها
احسها كبرت عن قبل
جلست على السفره حتى السلام ما ردت علينا
ولا تكلمت
كملت فطور وطلعت بهدوء
سكتت وما حبيت اتكلم يمكن متضايقة
ما ابغى اضغط عليها
ناظرت ساميا بهدوء : ترى الغداء اليوم في بيت ابوي للجميع
ابتسمت سلمى ولينا لانهم رح يجتمعون مع بنات
عمهم
*
*
*
*
*
*
بعد الظهر

دخل نايف غرفتها بعد ما طرق الباب
وناظرها جالسه على الكرسي عند الشباك وتناظر
خارج الشباك
نايف بهدوء : يالله جهزي نفسك الغداء في بيت ابوي
ناظرته وبصوت هامس : ما ابغى اروح
نايف بحده : وليه ان شاء الله ؟؟
ريم بنفس الهمس : بيت انطردت منه مستحيل
ادخله
ولفت وجهها لجهة الشباك
طالعها نايف بقهر : بقلعتك
عمرك ما رحتي ان شاء يا ام الكرامه
وطلع وصفق الباب بقوه
زفرت ريم بقهر ورجعت تناظر خارج الشباك
بهدوء



*
*
*


بعد الغداء
الجده بتذكر : وين ريم ليه ما اجت معكم ؟؟
ساميا : ما رضيت تيجي
الجده عقدت حواجبها : ليه ان شاء الله؟؟
ساميا بهدوء : ما ادري
هيفاء : احسن ارتحنا من خشتها
ام سليمان : اقول يا ام خالد مو ناوي خالد يرجعها
سديم بفرح : والله يا خالتي فرصه جاءت لعنده
يتخلص منها
لو تشوفينه ما يطيق سيرتها
ام خالد بحده : سديم
بعدها طالعت ام سليمان : لا تردين على سديم
تراها تبالغ
تعرفين كل ازواج يصير بدايه زواجهم مشاكل
هيفاء ترفع حاجب : على حساب مو عاجبيتك ريم
وكنت تبغين تزوجين خالد
قاطعتها ام خالد بحزن : ما رح تفهمين قصدي
الجده : خلاص غيروا السيره ما نبغى مشاكل
وبلا فضايح قدام هذي الحرمه واشرت على زوجه
عماد
ام سليمان : هذي ما تفهم عربي ابد
ما ادري كيف تفهمون عليها
ام خالد بفخر : قولي وش ودك تقولين لها وانا
اكلمها ودقت بيدها على صدرها
خبره بلغه الاجانب
ام سليمان بلقافه : إسأليها كم كان عمرها لما تزوجت عماد ؟؟
الجده : وش تبغين بعمرها ؟؟
ام سليمان ضحكت : ههههه لقافه
ام خالد : الله يعيني على لقافتك
وناظرت زوجه عماد للي كانت تناظرهم باستغراب
مو فاهمه شي ابد
وقعدوا الحريم وفتحوا معها تحقيق والمشكله انه
ام خالد بعض المصطلحات العاميه ما لقت
كلمات بالاجنبي تسعفها
فستخدموا الاشارات
كانت اشكالهم مضحكه وهم فاتحين تحقيق معها

*
*
*
*
*
الجد يهمس لنايف بزعل : ليه ما جبت ريم معك ؟؟
نايف بنفس الهمس : رفضت تيجي
تقول بيت انطردت منه ما رح تدخله
الجد هز راسه بتفهم : اكيد سمعت كلامنا
مشكلتها عنيده هالبنت
هز نايف راسه مؤيد لكلام ابوه
مر الوقت وجميعهم مبسوطين وفرحانين
بعد ما التم شملهم تقريبا
ما ينقصهم الا الهنوف

*
*
*
بعد العشاء واقفين قريب من الباب
ناظر نايف : هذي غرفتها ليه منعزله عن باقي الغرف
نايف : اففف يا اخي انت ودك تفتح تحقيق ؟؟؟ عجزت
فيها هالبنت عنيده وما تبغى الا ذي الغرفه
وطالعه بنغزه
زي بعض ناس بالعناد
ضرب على كتفه : حسابك بعدين يالله فارق
نايف باستغراب : نفسي اعرف وش للي في راسك ؟؟؟
رد بابتسامة : روح من هنا ولا تضيع وقتي معك
ابتسم نايف وترك المكان
ناظر باب الغرفه واخذ نفس وطرق الباب
بهدوء
ما سمع جواب
طرق مره ثانيه وما سمع جواب
فكر انها نايمه
انتظر دقايق وبعدها طرق الباب وما في جواب
قرر يفتح الباب ويدخل
دخل الغرفه وطالع الغرفه وهو معقد حواجبه
غرفه صغيره كثير
فيها سرير خشبي وكبت
طالع عند الشباك شافها
جالسه عند الشباك وتناظر للخارج
استغرب تصرفها
يعني سمعت طرق الباب وما كلفت نفسها
ترد عليه
اقترب منها بهدوء
وجلس ركبه ونص ومسك يدها
ما كلفت نفسها تناظره
كان نظرها مثبت لجهة الشباك وتناظر للبعيد
رفع يده وحرك وجهها لجهته وبهدوء : طالعيني
رمقته بنظرة كره وحقد
ابتسم على نظراتها : لا لا ما توقعت تستقبليني كذا بذي النظرات
ناظرته باشمئزاز ورجعت تطالع من الشباك
ضحك : اموت على الثقيل يا ناس
وبايها على خدها
رفعت يدها ومسحت خدها بقرف
ابتسم على حركتها
شد على يدها وبهدوء : وش فيك زعلانه
حتى الغداء ما حضرتيه
ما ردت عليه
ابتسم : ما اصدق انت نفسك للي البارحه
كان لسانك وش طوله وتراددين
لا لا ما اصدق اكيد بدلوك
وبمرح وهو ماسك يدها : ليه يدك صغيره
كذا ؟؟؟
وطالع يدها وهو يحرك اصابعها
كان يتكلم وكأنه يكلم جدار
تنرفز من تطنيشها : ريم وبعدين ؟؟؟
ردي علي
وبمرح خذي هذا المنديل مسحي يدينك
لاني مسكت يدك
حرك وجهها لجهته وناظرها : زعلانه لاني قلت لابوي
يطلعك من البيت ؟؟؟
ما ردت عليه
رد بندم : لا تلوميني انا طبعي كذا انفعل ببدايه الامر اول ما شفتك تذكرت غاده الزفته
عشان كذا انفعلت
هذي مشكلتي اذا انفعلت
اتخذ قرارات واجراءات غلط ومتهوره
وبعد وقت قصير اندم وارجع لصوابي
ما دمر حياتي الا تهوري واندفاعي
ولما رجعت لصوابي فات الوقت وضيعت مستقبلي
وبرجاء
لا تزعلين علي
انت ما تعرفيني اسألي امي وابوي واخواني
معروف طبعي هذا
دايما متهور واعصب بدايه الامر وبعدها ارجع
واتندم
صدقيني ما كان قصدي تنطردين
لا تزعلين على ابوي لانه وافق انك تروحين عند
نايف لانه يعرف طبعي
بعد يوم رح اطلب منك ترجعين
هذا طبعي ما تاخذين بخاطرك علي
طالعته ريم ببرود ولا كأنه حد يكلمها
ورجعت تناظر من الشباك
شد على يدها رح ترضين غصب عنك
ما اطيق اشوف احد زعلان مني
وش رايك نطلع الحين نغير جو
وبعدها ضحك : هههههه قولي انك زعلانه لانه
حبيب القلب خالد زعلان عليك
طنشته ريم وما ردت عليه
عماد بنبره صادقه : اذا تبغين اخليه ييجي
ويتأسف لك قدام الكل
ما ردت عليه
تنهد وناظرها الحين انا طالع وما
رح اتركك حتى ينزل الحطب للي في راسك
باسها على راسها وطلع
*
*
يوم السبت
نزلت الصبح بهدوء وتوجهت لصاله الطعام
وجلست بهدوء
بدون سلام ولا كلام
ناظرها نايف مو عاجبه طريقتها بس سكت
تناولت فطورها بهدوء وكأنها بعالمها الخاص
كملت فطور وبهمس : مين يرسلني للمدرسه ؟؟؟
نايف ناظرها ورجع يفطر : انتظري ارسلك مع اخواتك
طلعت تنتظره بالصاله الخارجيه بهدوء
اكمل فطور وبعدها التفت لسلمى وابتسم : كملتي يا بابا ؟؟
وقفت سلمى بابتسامة ناعمه : كملت
وقفت لينا بمرح : وانا كمان
سيف مد بوزه : انتظروا شوي
ضحك نايف عليه وطالعه : انا بالصاله انتظرك يا بطل
طلع نايف للصاله وشافها جالسه على الكنبه
وحاطه يدها تحت خدها وسرحانه
ناداها بهدوء : ريم
رفعت له راسها بهدوء
نايف بهدوء : اخذتي مصروفك ؟؟
ناظرته نظرات ما فهمها وبصوت هامس يا
دوب قدر يسمعه : ما ابغى
اقترب نايف منها بهدوء : كم تبغين ؟؟
ناظرته بقهر مو محتاجه فلوسه ما تبغى فلوس
حرمها من كل شي والحين جاي
يتكرم عليها بالفلوس وبهمس : ما ابغى قلت لك
انقهر نايف منها وناظرها بعصبيه : شرفي قدامي على السياره
وقفت ريم بهدوء وطلعت وهي تحس
انها عايشه جسد بدون روح
تحس روحها ماتت
طرد جدها لها جرحها جرح كبيييييير
كانت تحسه سندها وفجأة يتحول ضدها
وبعدها يطردها
كانت صعبه عليها كثير ما قدرت تتحمل الصدمه

*
*
*

* جالسه مع البنات وتسمع سوالفهم
ميرا بحماس : مو مصدقه متى ييجي المغرب واطلع معه
ناظرتها ليان باستغراب : ما تخافين اهلك يكشفونك ؟؟
ميرا : هذي امنيتي يكشوفوني حتى احط راسهم بالتراب
طول وقتهم منشغلين عني خلهم يعرفون انه لنا حق عليهم
ليان : حتى لو صدقيني للي تعمليه غلط
مير بدون اهتمام : خلي حفلاتهم وشركاتهم
تنفعهم
كانت ريم تفكر بكلامها هذا الطريق للي تنتقم
من نايف وجدها وفيصل وعماد وخالد وكلهم
تحط راسهم بالارض
تخلي عيونهم بالارض ما يقدرون يطالعون الناس
بعد الفضيحه
وما يهمها وش يعملون فيها
حتى لو قتلوها ترتاح من هالدنيا
بس لاخر لحظه طردت كل الافكار من راسها
وهي تتذكر عذاب الله
مو مستعده حتى تنتقم منهم تخسر دينها
بالرغم انها مو ملتزمه وعاشت في بيت اهل امها
وعندهم كل شي فري
بس ما فكرت تمشي بهذا الطريق تحس نفسها
غاليه مو رخيصه تبيعها لاي شخص من الشارع
هي ارفع من كذا بكثير
وقفت وتركت البنات وهي ناويه تنفذ للي في بالها تترك المدرسه


&
&
&
&
&
مر شهر على وجودها في بيت ابوها
خلال هذا الشهر قدمت للاداره انها تدرس منازل
ما تبغى تروح المدرسه ما تبغى تشوف
احد
صارت بارده بشكل كبير من اثر الصدمه ما تتكلم مع احد
وقت الغداء تنزل تتغدى وبعدها تطلع على غرفتها
وما تطلع منها
كل يوم عماد عندها ويسولف لها وهي ساكته
ما تتكلم
ويحاول يرجعها لطبيعتها مثل ما سمع عن مرحها
بس ما في فايده
رجعت لسجن الطفوله
السجن للي احتواها بكل احزانها وآلامها
زارتها ام بدر و جدتها وام خالد بس رفضت ريم
تطلع لهم
وصل لها خالد عن طريق امه علشان تروح لموعد الدكتوره
بس ريم خبرت ساميا برفضها
نايف مو عاجبه حياتها بس ساكت علشان الحمل
ساميا ما تتدخل فيها
ولا اخواتها يختلطون فيها ولا حتى سيف

كانت على جلستها عند الشباك كالعاده
دخل نايف وهز راسه مو عاجبه وضعها : ريم
ناظرته بهدوء
نايف زفر بضيق : اسمعي بعد ساعه كوني جاهزه
طالعين على المزرعة
وقبل ما ترفضين رح تروحين غصب عنك لانه ما في
احد بالبيت وما رح اتركك لوحدك
فرجاء تجنبي عصبيتي وكوني جاهزه
جهزي اغراض ليومين تقريبا
وبعدها طلع قبل ما يسمع ردها
رجعت تطالع من الشباك ببرود

*
*
*
*
*
بعد ساعه
ركبت بالسياره جنب اخواتها من جهة الشباك
خلف ابوها
وهي مغطيه وجهها ما تبغى تشوف احد
حرك نايف السياره
وكانت السياره تضج بضحكات سلمى وسيف
ولينا ونايف
وريم بعالمها الخاص حاطه راسها على قزاز الشباك
ومغمضه عيونها
وقف نايف عند البقاله ونزل
راسه مصدع من طلبات عياله
بعدها رجع وهو يمشي مع عماد و صقر وخالد
ويضحكون
فتح باب السياره وحط الاغراض : خذوا الاغراض
وقسموهم بينكم
وسكر الباب ورجع يكلم صقر وخالد وعماد
فتحوا الاكياس وقسموا الاغراض بينهم
ساميا ناظرت الاغراض وبعدها التفتت على عيالها: اعطوا ريم
سيف : ذول حقتي ما لي دخل
لينا : ولا انا ذول لي
سلمى بتردد : خذي يا ريم ومدت لريم تاخذ من الاشياء للي معها
بس ريم ما ردت عليها
ولا كأنها اختهم قسموا الاغراض على بعضهم
وهي غريبه عنهم
يتصدقون عليها
ناظرت عماد بكره هو سبب عذابها ومعاناتها
ساميا بهدوء : ريم خذي من سلمى
طنشتها ريم وما ردت
فتح صقر الباب وابتسم : اخباركم يا عيال اخوي ؟؟
لينا : بخير
صقر ناظر سلمى : اخبارك يا نعومه ؟؟؟
سلمى بصوت ناعم : الحمد لله بخير
اخبارك انت ؟؟
صقر ابتسم بخير
سيف مد بوزه : ليه ما سألتني ؟؟
ضحك صقر : اخبارك يا سيف ؟؟
ابتسم سيف : بخير
صقر ناظر ريم : اخبارك يا مطوعه اشوفك حاطه العمامه اليوم ومتغطيه !!
وش صاير بالدنيا ؟؟
طنشته ريم وهي نفس الوضعيه حاطه راسها على قزاز الشباك
صقر بابتسامة : يا حلو اعطينا وجه !!
وبعدها ناظر سلمى ولينا : وش فيها ريم ؟؟
لينا باندفاع : هذي من يوم ما جاءت عندنا
ما تتكلم وساكته
سيف ببراءه : يمكن تكون خرساء
صقر : اسكت بلا خرساء
وقف عماد وابتسم : وش فيه ؟؟؟
وبعدها طالع جهة ريم : اخبارك يا حلوه ؟؟؟
ما ردت عليه
عماد ناظر صقر وابتسم : يعني علشان
الاستاذ خالد ما تكلمينا
وناظر خالد للي واقف قريب مع نايف : تعال كلمها
خلها تنفك عقدتها
وناظر ريم وغمز لها : الحين اخليه ييجي
وتتكلمين غصب عنك
ونادى بصوت عالي : خالد خالد تعال
ناظره خالد وطنشه ورجع لسيارته
عماد فتح عيونه : وقسم بالله ما تستحون على
حالكم الاثنين
اما عمكم ومطنشيني
صقر دفعه : روح روح تأخرت على زوجتك للي
ما ادري وش اسمها
والا ابنك المتخلف روح الله لا يبلانا
ضربه عماد على راسه : من حرتك
وقف نايف عند صقر وش فيه ؟؟
صقر ابتسم : ولا شي
وبعدها توجه صقر وعماد لسياراتهم
ركب نايف السياره ناظر عياله : تبغون شي قبل ما احرك ؟؟
سيف بحماس : لا ما نبغى شي يالله بابا
اسبقهم
ضحك نايف على حماس سيف وبعدها
حرك بهدوء

*
*
*
*
*
*
وصل نايف للمزرعه وقف السياره
ونزل سيف بحماس
وبعده سلمى ولينا وساميا ومعها محمد
اخذت ريم نفس
ونزلت بهدوء ووقفت ما تدري وين تروح اول مره
تييجي هنا
مشت خلف ساميا وعيونها بالارض ما تبغى تشوف
احد مو طايقه احد
دخلوا تحت انظار صقر وخالد للي واقفين
جنب بعض
صقر ناظر ريم وبعدها ناظر خالد : خالد
لا تلومها على غلطها انت ما تعرف
قاطعه خالد باشمئزاز : ولا ابغى اعرف
وتركه وراح لسيارته
ياخذ اغراضه
دخلت ساميا وناظرت ريم وحست فيها
مسكت يدها تعالي ادلك على الغرفه
اخذتها على غرفه
دخلت ريم معها
ساميا بهدوء : هذا سرير سلمى وهذا للينا
وهذا لك
خذي راحتك ما حد يدخل من العيال بهذا المكان
وبعدها طلعت ساميا
جلست ريم على السرير بتعب
من المشوار وتحس مع الايام يزيد تعبها

بعد ما ارتاحت توجهت للحمام اخذت دش
ولبست تايد اسود وبلوزه طويله ماسكه من الصدر وبعدها وسيعه لنص الفخذ
لونها وردي ماسكه على جسمها باكمام طويله
وعملت شعرها جدوله
وصلت الظهر وبعدها
رمت نفسها على السرير ترتاح من المشوار
دخلت سلمى ولينا
لينا اول ما شافت ريم لوت بوزها
طنشتها ريم وغمضت عيونها تبغى تنام
ما لها خلق احد
*
*
*
*
صحيت ريم على صوت ام بدر
فتحت عيونها بهدوء
ام بدر بحنيه : قومي يا امي تغدي
ريم بصوت ناعس : كم الساعه ؟؟
ام بدر بابتسامة كلها حنان : قريب العصر
جلست ريم ببرود
ام بدر : لا تلبسين عبايه هنا القسم هذا للحريم
ما حد يدخله من العيال
هزت ريم راسها وطلعت مع ام بدر بهدوء

*
*
*
*
جلست ريم بهدوء وما ردت السلام
الجده رفعت حاجب : حسب علمي حنا مسلمات
ليه ما تردين السلام
رفعت ريم نظرها لجدتها وما ردت
وبدت تاكل بهدوء
ام خالد ناظرتها مو عاجبها تصرف ريم
كانوا البنات يتهامسون على الاكل
قدرت ريم تسمع ضحكاتهم الشامته
بس ريم ما اهتمت لهم لانه ما عادت تفرق
معها
لانها جسد بدون روح ما حد يهمها بالحياة
حتى الابتسامه ما عادت تعرف طريقها
ام خالد باهتمام : ليه يا ريم ما تروحين على موعد
الدكتوره ؟؟
ريم وقفت وبهمس : ما يخصك
وطلعت بهدوء
هيفاء فتحت عيونها باستنكار : شفتوا قليله الحيا ؟!!!!
ام خالد بقهر تحس بالفشيله : اذا ما علمت خالد
عنها هالملسونه
هيفاء مسكت الجوال انا اقول له
ام بدر باستنكار : بدل ما تصلحون بينهم
تخربون بينهم
ام خالد طالعت هيفاء : لا تتصلين ما تهون علي ريم
هيفاء طنشت كلامهم واتصلت بخالد وخبرته
وبهرت الموقف بزياده من عندها
سديم بشماته : تستاهل
الجده تضايقت من هيفاء : وش تبغين من البنت ؟؟
وطلعت زعلانه من هيفاء
وتوجهت لغرفه ريم
دخلت بهدوء
ناظرت ريم جالسه على السرير ومتكوره على نفسها
اقتربت الجده منها : وش فيك يا امي ؟؟
ناظرتها ريم بضياع وما ردت
الجده بحنيه : تعبانه ؟؟؟
ريم ما ردت ساكته
الجده : لمتى تبقين كذا ؟؟ ردي علي
انت بخير ؟؟!!
انت مو ريم للي اعرفها كنت اقوى من كذا !!
لا تضعفين يا بنتي بعدك بزهره شبابك
لا تطفي البسمه من ثغرك
دايما اشوفك تبتسمين وتضحكين ما يهمك شي
وين ابتسامتك الحلوه ؟؟
ريم بهمس :
طردتوني من بيتكم وش تبغون مني ؟؟؟!!
تقدرين تتركيني لوحدي
لاني ما احب النفاق
عمركم ما رح تحبوني ولا انا رح احبكم
اتركوني بحالي
ناظرتها الجده وقررت تتركها ترتاح وتهدي اعصابها
*
*
*
*
*
مرت ايام المزرعة ريم تنزل وقت الاكل وترجع للغرفه
ما تكلم احد
حاول فيها احمد ونوف تلعب معهم بس طنشتهم
حاولت فيها ام بدر دون فايده
ما تكلم احد ولا ترد على احد
وزارها الجد بغرفتها وحاول يكلمها
بس عناد ريم ما ردت عليه ولو بحرف واحد
ساكته وكأنها جدار ما يتكلم
وعصب الجد منها وطلع معصب

*
*
*
وقفت عند سياره نايف بهدوء
وهي مغطيه وجهها
ما يبان منها شي
وقفت ام خالد والجده يحاولوا يكلموها
بس ساكته وما تكلم احد
ولا كأنه احد يكلمها
فتح نايف السياره وتوجهت لها بهدوء
وجلست وهي تناظر من الشباك
بعدها دخل اخوانها
وعملوا ازعاج بالسياره
وقف الجد مع نايف شوي وبعدها توجه لجهة ريم وفتح الباب
وكلمها بهدوء :،ريم انزلي ابوي يبغى ترجعين معه بالسياره
ريم ما ردت ولا كأنه حد يكلمها
نايف عصب من اسلوبها صرخ : ريم ترى انا اكلمك
اقول لك انزلي
كان الكل موجود وناظر نايف لما صرخ
ريم ما ردت
اقترب الجد بهدوء : انزلي ابغى ترجعين معي
ما ردت ولا بحرف
الجد تنرفز من عنادها : ريم وبعدين حنا نكلمك وانت مطنشيتنا
فيصل اقترب بقهر : على وش شايفه نفسك ؟؟
وناظر ابوه : وش تبغى فيها بقلعتها خلها منطقه
هنا
نايف وهو يحاول يكتم غيضه : ريم ردي علي
ريم مطنشه على الاخير
نايف صرخ بعصبيه : ريم وقسم بالله ادفنك هنا
سلطان ابعد نايف عن السياره: اتركها انا اتفاهم معها

اقترب من ريم وبحنيه : وش فيك ما تردين ؟؟
قولي ابغى او ما ابغى جاوبي
كانت ريم تناظر لامام وما ردت عليه
وقف سلطان بهدوء : خلاص اتركوها براحتها
وغمز لابوه برجاء انه يمشيها
زفر الجد بضيق وتوجه لسيارته
بعدها ركب نايف بعصبية : دواك بالبيت يا زفته
علشان تحقريني مره ثانيه
يصير خير
ما ردت ريم وهي تناظر من الشباك
ونايف معصب من سكوتها وتطنيشها
وصلوا البيت وهو معصب
دخلوا البيت وهو يحاول يكتم عصبيته
ناظرها بنظرات ناريه : انقلعي على غرفتك ما ابغى اشوف
وجهك وحتى على الاكل يوصلك لغرفتك
ما تنزلين هنا ابد فاهمه
لاني اذا شفتك ادفنك انقلعي عن وجهي
الله ياخذك ويريحني منك
توجهت ريم ببرود للدرج وتوجهت لغرفتها
ونايف مقهور من اسلوبها البارد
*
*
*
روان بقهر : شفتي لو وحده منا عملت كذا
وعاندت كان جدي دفنها بمكانها
سديم : هذي لاعبه بعقل جدي ما ادري
وش عاجبه فيها
لسانها مترين وما تحترم لا كبير ولا صغير
روان : سلمى تقول تنزل تتغدى وترجع على غرفتها
وما تطلع منها ابد ولا تكلم احد الا بالقطاره
ومن رؤوس خشومها
كان يسمع كلام اخواته بالخلف وقف السياره
على جنب والتفت للخلف : ممكن اعرف وش تبغون
فيها نازلين حش ؟؟
سديم : وانت وش مضايقك اتوقع ما بقى شي وتطلقها !!
خالد رفع حاجب : اتوقع انها زوجتي للحين
وبعدين حتى بعد الطلاق بنت عمي وما اسمح لكم
تحشون فيها
واعطاهم نظره قويه
وبعدها حرك السياره بهدوء
طيف ومصعب جالسين قدام
طيف ببراءه،: بابا ليه ريم ما ركبت معنا ؟؟
طالع خالد طيف وبعدها ناظر للامام وهو يفكر
بعنادها
بحياته ما شاف بعنادها
كل الاحفاد يخافون من الجد وفيصل ونايف
ذول لهم هيبه
والكل يهابهم
وهي بعنادها طنشتهم ولا رف لها جفن
طول عمرها البنت ضعيفه وتخاف
بس ليه ما خافت من نايف ؟؟!!
مع انه كل الموجودين خافوا من عصبيته
وهي مطنشه على الاخير ولا كأنه يكلمه
تنهد وهو مستغرب من تصرفها

*
*
*

زفر الجد بضيق من تصرفها
الجده : هدي اعصابك انت تعرفها عنيده هالبنت
الجد بقهر : بس مو لذي الدرجه
تحقرنا كلنا ولا كأنه حد يكلمها
صقر : بس يبه
الجد بعصبية : وحطبه انت اسكت ما ابغى اسمع
صوتك
حاطك محامي دفاع
انا كسرت نفسي لها ورحت لها للغرفه وحقرتني
ورجعت كسرت نفسي علشان ارجعها معي
واراضيها وتحقرني للمره الثانيه
انا الكل يحسب الف حساب لكلمتي
وهي حاقريتني !!
انا عمري ما اعتذرت لاحد الا لها وفوق هذا
تحقرني !!!
شد على قبضه يده بقهر

*
*
*
مرت الايام بهدوء
وريم ما تطلع من غرفتها وما عادت تشوف نايف
وحتى امتحاناتها راحت مع الشغاله والسواق
وانتهى الفصل الدراسي الاول بسلام
وريم قريب تدخل الشهر السابع
وبطنها شبه بارز مو ظاهر كثير ما صارت احداث مهمه
خلال هذي الفتره
كانت روتينيه
كان الزوج الثلاثي وام بدر يزورون ريم ويحاولون يرجعونها
مثل ما كانت قبل
بس ما قدروا البرود مسيطر عليها
عماد كل يوم يزورها ومع ذلك اعطته طاف ولا كلمه تكلمت معه
زارها صقر وسلطان وام بدر خلال هذه المده
وكانوا يتطمنون عليها
بس كانت ريم تقابلهم ببرود
علاقتها بنايف كانت صفر طول المده ما شافته ولا شافها
والجد للحين زعلان عليها وما زارها

دخل عليها الغرفه بعد ما طرق الباب
ناظرها لثواني
زمان ما شافها يحسها صارت اكبر وبطنها بارز
بس بنظره رح تبقى بزر مهما كبرت
غمض عيونه بألم هي عايشه معه بنفس البيت بس
زمان ما شافها او جلس معها
يعترف انه مقصر معها
بس كذا بنظره افضل ريم عنيده وهو مثلها
وكل لقاء بينهم ما رح ينتهي الا بشجار
وما يضمن نفسه لما يعصب
تنهد و تكلم بهدوء : جهزي نفسك
خالتك ام خالد ولدت البارحه علشان تروحين معي للمستشفى
معك ربع ساعه تكونين جاهزه وطلع
ناظرته وحست بنغزه بصدرها هي بنته
استخسر يسألها عن حالها واحوالها
زفرت بضيق
وتذكرت ام خالد
وحست بخوف من الولاده ومع ذلك
تبغى تروح تشوف البيبي وتتخيل شكل
ابنها كيف رح
تنهدت بتعب
وقامت تجهز نفسها
*
*
*
*
دخلوا المستشفى وريم تمشي مع ساميا
بهدوء ونايف متقدم عليهم
وصلوا قسم الولاده
وكان بالممر صقر والجد وعماد وفيصل
وقف نايف معهم وتكلم معهم
تقدمت ساميا وسلمت على عمها
ناظر الجد ريم للي واقفه بعيد عنهم ولا كأنهم يقربوا لها : بعده ما طاح الحطب للي براسها
نايف : يبه يعني عجزت فيها البنت عنيده
واخاف اعطيها طراق واضر الجنين
بس اصبر حتى تولد يصير خير
اشرت لها ساميا علشان يدخلون
توجهت ريم للغرفه ببرود والكشره
مرسومه على وجهها
عماد ناظر نايف : عاجبك وضع بنتك كذا ؟؟؟
نايف بهدوء : عندك حل لوضعها اعطيني اياه
عماد : ضايقتها بشي او قلت لها شي زعلها
نايف بدون نفس : ما قلت شي
عماد : معقول علشان خالد ؟؟
صقر : ما اتوقع من بعد ابوي قال لنايف ياخذها
عنده يعني بين قوسين طردها
ناظره الجد بحده : انا ما طردتها انا قلت كذا
لاني كنت عارف انه عماد منفعل ورح
بنفسه يطلب منها ترجع
لانه طبعه كذا ينفعل
عماد ناظر فيصل : والاستاذ خالد مو ناوي يرجعها ؟؟
فيصل باحراج من نايف : ما يبغى عجزت فيه
صقر بقهر خلاص سكروا الموضوع مو مكان
فتح دفاتر الحسابات
*
*
*
*
*
دخلت والكشره على وجهها
كانت الجده موجوده وسديم وروان
الجده ناظرت ريم وابتسمت : هلا والله
ما ردت ريم ووقفت بعيد عنهم
سديم بقهر : ليه جايه وكلمه الحمد لله على السلامة
ما قلتيها
على وش شايفه نفسك ؟؟
روان : ناس ما عندها ذوق
ام خالد : خلاص يا بنات
تقدمت ساميا وسلمت على ام خالد
وجلسوا يتكلمون بامور الولاده
وريم تسمع وقلبها مقبوض وخايف
بعد وقت طرق الباب بهدوء
الجده بهدوء : شوفي يا سديم مين على الباب
وقفت سديم وهي تناظر ريم بقهر
وتوجهت لعند الباب
وبعدها ناظرت ساميا : هذا خالد
ساميا غطت نفسها خله يدخل اصلا انا طالعه
عندي مراجعه هنا
وناظرت ريم : لما نكمل نرجع لك هنا ما رح نتأخر
وطلعت بهدوء
وريم وكأنها جماد ما ردت
الجده : بعدين يا ريم لمتى هذا الحال
ما ردت ريم
دخل خالد بهدوء
وقع نظره على ريم للي واقفه بعيد
عن امه وجدته واخواته
و بوزها مترين
ناظرها بهدوء : اخبارك ريم ؟؟
ناظرته باشمئزاز وما ردت
حس بالفشيله بس طنش وناظر امه : اخبارك يمه اليوم ؟؟
ام خالد بتعب واحراج : بخير يمه
جلس بالجهة الثانيه مقابل ريم جنب جدته : ها وش ناويه تسمي هالبنوته
ام خالد بتعب : للي ودكم اياه
ابتسم خالد : وش رايكم صيته ؟؟؟
الجده لوت شفايفها : ليه ما سميت بنتك
هذا الاسم
وبعدين هذي الفرصة قدامك يمكن ريم تجيب بنت
سميها صيته
رفع نظره لريم للي واقفه بعيد عنهم وبطنها شبه
بارز
ام خالد : يمكن يكون ولد
خالد ابتسم : يا رب ولد
كانت واقفه ومكشره مو طايقه احد منهم
وتنتظر متى ترجع عالبيت
بس تبغى تشوف البيبي
هي جاءت علشان تشوفه
مسكت الجوال وارسلت رساله لصقر
وبعد دقايق جاها رده تطلع قاعد ينتظرها
برا
عدلت الشيله توجهت للباب بدون اي كلمه
الجده : وين يا ريم ؟؟؟
طنشتها ريم وطلعت وصوت كعبها صداه بالغرفه
سديم بعد ما طلعت ريم : شفتم
وناظرت خالد : تصدق دخلت وماده البوز
حتى ما سلمت على امي ولا تحمدت لها بالسلامة
وقفت بعيد عنا خايفه نلوثها
ام خالد : اتركيها براحتها
الجده : عنيده هالبنت
الله يهديها ما تكلم احد ومقاطعه الجميع


*
*
*
طلعت وشافت صقر ينتظرها ومعه عماد
ابتسم صقر : يالله شرفي
ما ردت عليه وملامحها جامده خاليه من اي
تعبير
توجهوا للحضانه
ودخلوا
عماد اشر لها : هذا هي اخت زوجك
ناظرت ريم البيبي كانت صغيره وكل شي صغير
غمضت عيونها ترسم صوره للبيبي للي في بطنها
هزها صقر : هي فتحي عيونك جبتك تشوفيها
مو تغمضين
ابتسم عماد : اتركها متأكد قاعده ترسم صوره
للبيبي حقها
ناظرته ريم واستغربت كيف عرف بس طنشته وما ردت
عماد اقترب منها : تتوقعين لما كنت بعمرها كان حجمك اكبر او اصغر
صقر ابتسم : اتذكر وقتها كنت صغير بس اذكر
شكلها وهي باللفه
كانت مزيونه وحتى ساره ما خلت حد يشوفها
او يحملها حتى امي طردتها وما خلتها تشوفها
بس انا بدون ما تشوفني
تسللت ودخلت وشفتها هالقمر
وقرص خد ريم
كانت ريم فاتحه اذنها معقول امها عملت كذا
وما خلت حد يشوفها
نزلت دمعه من عينها لذكرى امها
للي ما تدري عن هوى دارها
عماد ضرب صقر على راسه : اقول انقلع من هنا انت وذكرياتك
وناظر ريم بحنيه : ليه الدموع يا قلبي ؟؟؟
مسحت ريم دمعتها وناظرته بحقد : اكرهك
ابتسم عماد : واخيرا تكلمتي
بس انا احبك
تركته ريم وطلعت من الحضانه واحزان الماضي مو راضية تفارقها
وقفها شخص مسك يدها بهدوء : كم مره قلت لك
لا تلبسين كعب ؟؟؟ انت ما تعرفين اضراره على الحمل ؟؟؟
امشي معي الحين للدكتوره ابغى اطمن على الجنين
بدون ما تطالعه ريم سحبت يدها منه ومشت
ومطنشيته ولا ردت عليه
عماد من خلفه : اشوفها ساحبه عليك !!
خالد بقهر : وقسم بالله لو يصيب الجنين شي
ما رح تحصل خير لابسه كعب
قاطعه عماد : كلك خوف على الجنين
ناظره خالد بغرور : ما همتني بقلعتها اهم شي
الجنين يكون بخير
صقر من خلفه : اسكت ترى كلامك ينرفزني يا ابو
العيال ومشى يلحق على ريم
*
*
*
*
مرت الايام بهدوء وريم نفس الحال
ما راحت تزور ام خالد بالبيت ولا طلعت من البيت
بس تحس البرود للي صابها اخف من اول
قررت تحضر عرس سديم وسليمان
وتغطي على سديم بالحفله وتقهرهم
ارسلت لصقر رساله
وبعد دقايق وصلها الجواب امرك بعد ربع ساعه
جهزت نفسها
ونزلت بهدوء كان المكان فاضي
طلعت بس استغربت عماد للي قاعد ينتظرها
ما يهمها مع مين تروح اهم شي
تشتري للي في بالها
ركبت من الامام بهدوء
عماد بابتسامة : هلا والله
نورت السياره
وبعدها حرك لانه عارف ما رح ترد عليه
وكل شوي يناظرها
بس صدمه كلامه : ترى ما اشبه غاده كل شوي ناط
بوجهي تناظرني
بهتت ملامحه وسكت لثواني ما توقع يروح تفكيرها
كذا
وخاصه انها ما تشبه غاده بس من اللمحه الاولى تحس بينهم قرابه
وقف السياره على جنب وطالعها : ومين قال لك كذا ؟؟؟
ريم بدون ما تطالع : واضح كل يوم تيجي
تجلس معي وتكلمني
يمكن تبغى تتذكر غادوووووو
عماد بهدوء : تراك ظلمتيني والله للي رفع سبع
سموات انها غاده ما تيجي في بالي
بالعكس عمري ما كرهت احد قدها
كل حبي لها تحول كره
وتعاملي معك لاني فعلا حبيتك ما ادري
دخلتي قلبي بدون استئذان
صحيح اول ما جيت كنت كرهانك قبل ما
اشوفك لانك حفيده سالم بس
قبل ما انام تذكرت موقفي معك وكيف
عاملتك
ندمت كثير ومحبتك دخلت قلبي كلما اتذكر شكلك
ناظرته ريم وحست بصدقه ردت بهدوء : ربنا نجاك منها تراها خبيثه
وناظرت للامام بهدوء
استغرب ما توقع تقول كذا عن خالتها
سكت وما رد وحرك السياره
دخلت ريم السوق تشتري فستان مناسب للحفله
عماد بابتسامة : اختاريه فستان حمل
ناظرته ريم وما ردت
قعدت تختار فساتين حتى اختارت فستان
لونه فضي نفس اللون للي خربه خالد
مسكه عماد : حلو
هزت راسها ريم واخذته ولفت بالسوق شوي
طلب منها عماد يتغدون برا
بس رفضت ريم واضطر يرجعها للبيت
*
*
*
*
يوم زواج سليمان وسديم

جهزت نفسها وناظرت نفسها برضى
كان فستانها بدون اكمام _باكلس _ وماسك من عند الصدر
وبعدها وسيع شوي مناسب للحمل فيه
حركات ناعمه
ولبست كعب عالي من لون الفستان
وخلت شعرها مفتوح وعملت فيه حركات بسيطه ومكياجها كان ناعم بشكل كبير
حصنت نفسها
ولبست عبايتها وغطت وجهها وطلعت لسياره عماد للي كان ينتظرها
ركبت جنبه بهدوء
عماد قبل ما يحرك : نزلي اشوفك
ونزل الغطاء قبل ما ينتظر ردها
ابتسم : ما شاء الله يحفظك من العين
حصني نفسك
رجع الغطاء على وجهها وحرك وهو يتكلم
وهي مستمعه له
نزلت من السياره بهدوء ودخلت القاعه
خلعت العبايه والشيله وعدلت شكلها
بالمرايه وبعدها دخلت عند الحريم
كانت ملفته للانظار
ام بدر اقتربت منها وبهمس : وش ذا اللبس
عاري كثير
ناظرتها ريم وما ردت
ام خالد وقفت بذهول : بسم الله ما شاء الله
الله يحفظك
بس ريم ليه تلبسي كذا لو عرف خالد بلبسك
اكيد رح يعصب
ريم ببرود : وش علاقته بالموضوع باقي كم شهر
وتوصلني ورقتي
وتركتهم وراحت
ام خالد : مجنونه تبغى تنصاب بالعين
شوفي شعرها يجنن ما شاء الله
ام بدر : لبسها عاري كثير
ام خالد : اخخخخخ عنيده هالبنت
*
*
*
*
*
الجده بحزم : ارجعي عالبيت وبدلي
انت مجنونه تلبسين كذا
ظهرك برا وفستانك فوق الركبه
وش هذا اللبس ؟؟؟
شوفي كل الحريم ودهم ياكلونك بعيونهم

ام خالد غمزت للجده وبهدوء : ريم تعالي
ابغاك بموضوع ضروري
ناظرتها ريم وبسرعه مسكت يدها ام خالد : دقيقة
ما رح تتأخرين
وسحبتها معها
كانت ريم ودها تعترض بس شافت الناس تناظرهم
اضطرت تسكت وتمشي معها
دخلت احدى الغرف
وقفلت الباب خلفها
ام خالد بهدوء : صدقيني هذا لمصلحتك
ناظرت ريم بالغرفه وانصعقت لما شافت خالد
للي العصبيه واضحه على ملامحه
خالد بحزم : يمه تقدرين تتركينا لوحدنا
ام خالد بتوتر : ان شاء الله



::
::
:::

الجده بحزم : ارجعي عالبيت وبدلي
انت مجنونه تلبسين كذا
ظهرك برا وفستانك فوق الركبه
وش هذا اللبس ؟؟؟
شوفي كل الحريم ودهم ياكلونك بعيونهم

ام خالد غمزت للجده وبهدوء : ريم تعالي
ابغاك بموضوع ضروري
ناظرتها ريم وبسرعه مسكت يدها ام خالد : دقيقة
ما رح تتأخرين
وسحبتها معها
كانت ريم ودها تعترض بس شافت الناس تناظرهم
اضطرت تسكت وتمشي معها
دخلت احدى الغرف
وقفلت الباب خلفها
ام خالد بهدوء : صدقيني هذا لمصلحتك
ناظرت ريم بالغرفه وانصعقت لما شافت خالد
للي العصبيه واضحه على ملامحه
خالد بحزم : يمه تقدرين تتركينا لوحدنا
ام خالد بتوتر : ان شاء الله
ريم بقهر ناظرت ام خالد وبحده : انت ما تستحين
على دمك ؟؟؟!!
من سمح لك اصلا تتدخلين ؟؟!!
قاطعها صرخه من خالد : ريم
وبنظرات ناريه وقسم بالله كلمه زياده توجهينها
لامي ما تلومين الا نفسك
ما اسمح لك تكلمين امي كذا تفهمين
تبغين تغلطين علي ما عندي مشكله
ورفع يده بتهديد
اما امي ما اسمح لك وناظرها بحده
زفر بضيق
وناظر امه بهدوء وداخله بركان من ريم : ممكن يالغاليه تتركينا شوي
هزت ام خالد راسها وفتحت الباب تطلع
وكحركه سريعه غافلتهم ريم وطلعت قبلها
وهي تركض وتوجهت للقاعه
وهي تلهث ودقات قلبها تحس كل العالم تسمع
دقات قلبها دق دق دق دق دق
اول ما دخلت القاعه حطت يدها على قلبها
وحست براحه
نظراته كانت مخيفه متاكده انه لو ظلت هناك رح يرجعها على البيت او يخرب برستيجها
مثل ما عمل بحفله نجاح سديم ورغد
مشت خطوات بطيئه بالقاعه وتناظر المعازيم
ومقهوره من ام خالد كيف خدعتها
شدت على قبضه يدها بقهر
دخلت خلفها ام خالد واقتربت من ريم وبهمس: صدقيني لمصلحتك
مو قصدي شي الحفله بعدها ببدايتها
روحي خالد ينتظرك تروحين على البيت
تبدلين وترجعين
صدقيني عيون الحريم ما ترحم
يالله تعالي تراه خالد معصب
ريم بغرور عدلت غرتها : ما يخصك لا انت ولا ابنك
وتركتها
وام خالد مقهوره منها وش تقول لخالد مع انها ما قالت له بس هيفاء اتصلت وخبرته
وهو اتصل بأمه وألح عليها تجيبها لاحدى الغرف زفرت بضيق ام خالد وتوجهت تحس حالها بدوامه
ما تدري وش تعمل
**
**
**

نزلت ريم ترقص بشويش
الجده اقتربت منها ومسكت يدها بحزم وبصوت منخفض : ريم
انت حامل بلا جنان
نفسي اشوف عقلك هذا وش فيه ؟؟!!
تراه خالد معصب على الاخير هيفاء قالت له
انك نزلتي ترقصين
ويقول لك اطلعي الحين من القاعه قبل
ما يدخل ويطلعك بنفسه
وقفت ريم ببرود : اعلى ما بخيله يركب
حست ريم بمغص بس ما اظهرت قدام جدتها
تركتها وتوجهت لاحدى الطاولات
جلست ساميا عندها : ريم انتبهي الرقص يضر الجنين وانتبهي اذا رجعتي نايف يشوفك كذا
هزت راسها وما ردت
بعدها جلست ام بدر عندها بعد ما راحت
ساميا
ام بدر تطمن على ريم : تحسين بشي ؟؟
ريم ناظرتها وما ردت
ام بدر : اذا حسيت بأي شي راجعي المستشفى حتى تتطمني على الجنين
سكتت ام بدر ما تدري وش تقول طول الفتره الماضيه
وهي تكلمها وهي معنده مقاطعه الجميع
ناظرتها وحاولت تطلعها من برودها : ترى في خبر ما قلت لك عنه
ناظرتها ريم وحست انه ام بدر ضربت الوتر الحساس
اللقافه
كانت ريم لاخر لحظه ودها تسأل وش فيه
بس مسكت لسانها وسكتت
ضحكت ام بدر على طريقتها
ناظرتها ريم وسكتت
*
*
*
ام سليمان واقفه مع بعض صديقاتها
الحرمه الاولى : وينك عن هذا القمر كان اخذتيها لسليمان واشرت على ريم
ام سليمان ما عجبها لقافتها : كل شي نصيب
الحرمه الثانيه : على ما اظن كانت بنت نايف مخطوبه لسليمان وش صار حتى اخذ بنت فيصل ام سليمان ابتسمت مجامله : الفحص ما زبط
وخطب بنت فيصل ما شاء الله عليها
الحرمه الاولى : بس ما ظنيت ابنك بعد ما شاف بنت نايف
تعجبه اي بنت
سبحان للي صورها
شوفي شوفي شعرها يجنن لونه
الحرمه الثانيه : هي تزوجها ابن فيصل الكبير يا حظه فيها
اقتربت ساميا من ام سليمان واخذتها على جنب
ارتاحت ام سليمان انه ساميا نادتها وانقذتها من لقافه الحريم
&&
&&
&&
&&
قاعده على الكوشه وبوزها مترين
رغد وهي تناظر سديم : خلاص الحين الناس
يشوفونك
سديم بقهر : الله ياخذها وش جابها للعرس
لو ظلت منعزله احسن لنا
مقهوره ما سمعتي وش قالت لينا
الحريم وش يقولون لو تزوج ريم احلى
اكرها هالقزم
روان تتحلف بداخلها بلينا للي خبرت سديم
الحريم وش يقولون : ما عليك منها دامه سليمان
اختارك انت لا تنكدين عمرك
هزت سديم راسها ومقهوره من الداخل
ودها تفجر ريم وترتاح منها

**
**
**
**
**
جالسه مع ام بدر اقتربت منهم ام خالد بهدوء
ومدت الجوال لريم : خذي هذا خالد يبغى يكلمك
ريم بعناد ما ردت
ام خالد بصوت هامس : يا بنت الحلال لا تفضحينا
شوفي وش يبغى منك اففففف وتأففت بضجر
ام بدر ناظرت ريم بلوم : كلميه يا ريم وبلا حركات البزران
ريم متكتفه ومعانده
ام بدر بزعل : صدقيني اذا ما اخذتي الجوال الا ازعل عليك وناظرتها بزعل
تاففت ريم وبدون نفس سحبت الجوال وابتعدت
عن الطاوله وخالد يسمع كل كلامهم
ابعدت عنهم
و ناظرت الجوال وحطته على اذنها وبدون نفس : اسمع مو تقول دخلنا بالمعروف نطلع بالمعروف
ما لك دخل بي ولا بحياتي اوكي
وقفلت الخط قبل ما يرد
وهي تحس بانجاز
وناظرت رقم جواله وحفظته وصارت تردد الرقم بشكل هامس حتى تحفظه
وبعدها رجعت عندهم ومدت الجوال لام خالد
رفعت ريم نظرها لحرمه اشرت لها
طنشت ريم بس ام بدر غصبتها تروح
راحت ريم عند الحرمه وسلمت عليها وبدون نفس : نعم خالتي
الحرمه باعجاب : الله يحفظك بس ممكن تعطيني
رقم ولي امرك
فهمت ريم عليها انه عريس وناظرت نفسها
كيف الفستان مخفي حملها
الا للي يدقق يعرف انها حامل ابتسمت بخبث
&&
&&
&&
&&
&&
مر الزواج بخير ودخل العريس واخوان العريس
ومن ضمنهم خالد للي كان عكس طبعه بوزه شبرين ودخل الاعمام والجد
كانت جالسه على احدى الطاولات مع ام بدر
وهي متلثمه
ام بدر بابتسامة : عيونك ما شاء الله تجنن
باللثمه
ريم ببرود : انفع اطلع بالاسواق للترقيم
ضربتها ام بدر على راسها بخفه : تفكيرك منحرف
ام بدر : مع مين رح ترجعين ؟؟
ريم ببرود : ما ادري
ام بدر : ترجعين معي ؟؟
هزت ريم راسها بهدوء بالموافقة
*
*
*
*
*
طلعت من القاعه مع ام بدر
ناظرتها ام بدر : نزلي شوي على عيونك
نزلت شوي ريم على عيونها ومشت مع ام بدر
عند السياره كان ريان واقف ينتظر امه
كان في عيون تناظرها من لما طلعت من القاعه
ومعصبه عليها وزادت عصبيتها لما شافتها توجهت
لسياره ريان
قبل ما يحرك ريان وقف سيارته
وناظر ريان بحده : خلي ريم تنزل
ريان عقد حواجبه وناظر للخلف وبعدها ناظر فيصل : وش تبغى فيها يا عمي ؟؟؟
اتوقع البنت في بيت ابوها وما لك كلمه عليها
اذا هي تبغى تنزل بكيفها
ما تبغى بكيفها
فيصل بحده : تراك تماديت بأمور كثيره وانا ساكت
عنك بكيفي
ريان بغرور : انا ما لي دخل هي جاءت مع امي
تبغى اقول لها ارجعي ما تركبي معي
بالسياره
فيصل ناظره بسخريه : كلك ذوق يا ولد اخوي
وناظر للخلف وبأمر : ريم انزلي
ريم ما ردت
فيصل تنرفز : وبعدين معك يا ريان خلي البنت تنزل ؟
ريان ناظر عمه ببرود : انزل واسحبها وانزلها يعني !!
ام بدر ناظرت للخلف وبهمس : خلاص يا ريم انزلي وبدون مشاكل
ريم ببرود : مو نازله
فتح فيصل الباب الخلفي
وسحبها خارج السياره
ريم تألمت من سحبه : أأأأأه
وقفها فيصل وباهتمام : يوجعك شي ؟؟
ريم انقهرت منه وما ردت
فيصل زفر بضيق : الله يسامحك عنيده
وتخلين الواحد يستخدم الاسلوب الثاني
بعدها ناظر ريان : توكل
ريان بغرور ناظر عمه و حرك السياره
مسك يدها فيصل بهدوء وسحبها معه
ريم حاولت تسحب يدها منه بدون فايده
وقف عند سيارته : اركبي
ناظرته ريم ببرود : الحين ارجع مع عماد او صقر
فيصل ابتسم ورفع حاجب : من متى انت وعماد فريند
ريم ببرود : ما يخصك
فيصل عض على شفته بقهر : لو ادفنك بمكانك ما حد يلومني
وبعدين مع اسلوبك الخايس هذا ؟؟؟
ما ردت ريم واضطرت تركب تحس ظهرها
يوجعها تبغى ترتاح متى توصل البيت وترمي نفسها على السرير
بعد دقايق ركب فيصل السياره
وبعدها اقترب خالد والكشره مرسومه على ملامحه
ركب وقبل ما يشغل السياره ناظر ابوه : خلاص كل شيء تمام
فيصل بهدوء : سلم على ريم تراها بعدها زوجتك
ناظر خالد من المرايه وبدون نفس : اخبارك ؟؟
رفعت ريم راسها وناظرته وصدت بوجهها لجهة الشباك وطنشته
خالد ناظر ابوه بفشيله وكأنه يقول عجبك
فيصل : وبعدين معك يا ريم ؟؟؟
ما تحترمين لا كبير ولا صغير
يعني لما يشوفك خالد كذا ما تحترمينه اكيد
رح يبقى على رايه ويرفض انه يرجعك
رفعت ريم حاجب وبحده : للي يسمعك يقول ابغى انتحر علشان ارجع له
مين قال لك ابغى ارجع
لابنك هذا !!! واشرت عليه بغرور
لو ما بقى بالدنيا غير هو ما رح ارجع له
ويا ليت يرسل ورقه الطلاق باسرع وقت
خالد ببرود ظاهري ناظرها من المرايه : ابشري ما طلبتي شي
وورقتك رح توصلك بعد الولاده
فيصل بقهر : وبعدين معك انت واياها
كل واحد اعند من الثاني
كل بيت يصير فيه مشاكل بس ما توصل للطلاق
فكروا بالجنين ييجي على هذي الدنيا
امه وابوه كل واحد بديره
نزلت ريم راسها
وهي تتخيل ابنها مشتت نفس طفولتها
البائسه
بس ما رح يكون مثلها فيه فرق كبير
ابوه يحبه ويهتم فيه
رح يلاقي الحب والاهتمام عندها وعند ابوه
رفعت راسها على كلام خالد : للي ما تحترم امي وتقدرها
وما تحترم عيالي
وتكرهم والله ما تشرفني تكون زوجتي
ريم بردح فقدت اعصابها وطلعت عن برودها :
ولا انا اتشرف تكون زوجي
وحطها في بالك ترى ابوي غصبني
عليك هو وعمي صقر وغصب عني خلوني
اوقع
وعيالك حطهم بعلبه وسكر عليهم
بلاه يضرهم الهواء خايف عليهم
وهم مثل القرود ماخذين حقهم وحق غيرهم
فيصل بقهر : اطلعي عالشارع واردحي علشان الكل يسمعك
ريم بقهر : ما سمعت كلام ابنك للي ينرفز
وصارت تقلد صوته عيالي وعيالي وعيالي
كأنه ما حد عنده عيال غيره
خالد ببرود : شفت بعينك يبه
وودك اياني ارجعها
التفت للخلف وناظرها بحده
انا ما هامني نفسي قولي للي ودك اياه
لكن قسم بالله لو صاب الجنين شي من رقصك ورعانتك ما تلومين الا نفسك
وعقد حواجبه
نفسي افهم عيالي وامي ليه تكرهينهم هالكثر
وش عملوا لك ؟؟
ريم بحده : كذا مزاج اكرهم
والا الحب عندك اجباري غصب احبهم ؟؟!!
فيصل التفت لريم بصرخه : خلاص ولا كلمه اعوذ بالله
لو بقيتي على برودك كان احسن
صدعتي راسي لولولولولولولولولولولو
لسانك ما تعب من كثر الحكي والردح
وناظر خالد : حرك السياره
لو تبغى تنتظرها تكمل ما رح تكمل من سنه
هذي ملسونه ولسانها متبري منها اعوذ بالله
حرك خالد السياره بهدوء
وريم تناظر من الشباك
ومستغربه كيف طلعت من برودها
بعد وقت فيصل بهدوء ونصح : وش رايكم الحين ترجعون لبعض واخزوا الشيطان
وافتحوا صفحه جديده
قاطعته ريم ببرود : خلص الدفتر يا عمي ما بقى فيه
ورق
فيصل بعصبية : وبعدين مع لسانك ؟؟؟
خالد مسك يد ابوه وعينه على الطريق : يبه
لا تحمل هم انا مو مفكر مجرد تفكير ارجعها
لانه كل يوم اكتشف انها مو قد المسؤوليه
وبعد الولادة اخذ ابني عندي ويا دار ما دخلك شر
ريم فقدت اعصابها كيف يقولها ببرود
ياخذ ابنها منها وهي تحسب كم بقى ويطلع
على الدنيا
تحس روحها معلقه فيه
هو اخر امل لها بالسعاده ما رح تسمح له
ياخذه منها مستحيل
ناظرته بعصبية : بأحلامك تاخذه
مني هذا ابني انا تفهم
ناظرها ببرود من المرايه وقدر يحرق اعصابها
مثل ما حرقت اعصابه اليوم : بس انا ابوه
والولد دايما يتبع ابوه
فالولد حطي في بالك اول ما تولدين اخذه
وكل اسبوع تقدرين تيجين تشوفينه في بيت
جدي تكرم مني
اوكي
ريم بعصبيه : باحلامك والله ما تاخذه مني
عندك اثنين وش تبغى فيه ؟؟
خالد ببرود ابتسم : والله ابني وابغاه يعيش مع اخوانه
قاطعه فيصل : خلاص يا خالد
وناظر للخلف لريم : لا تردين عليه البارحه
فتحنا موضوع الطفل وخالد قال رح يبقى عندك
بس الحين الظاهر يبغى يحرق اعصابك
طالع خالد ابوه بلوم ليه قال لها كذا
ريم تنفست براحه وخاصه انه خالد ما انكر كلام
ابوه وسكت معناه صحيح ابني معي
نفسها تكسر السياره على راسه حرق قلبها
حطت راسها على قزاز الشباك باسترخاء
وغمضت عيونها
تحس كل طاقتها استنزفت اليوم مو قادرة حتى ترد
عليه
فتحت عيونها على صوت عمها فيصل : يالله يا ريم
ناظرته نظره قاتله ونزلت بشويش
وتحس جسمها مكسر توجهت لبيت ابوها
ودخلت وهي تتخيل السرير قدامها من التعب

خالد ناظر ابوه : ليه قلت لها ؟؟
فيصل بهدوء : اسكت انت ما تعرفها هذي مجنونه
ما استبعد عنها تهرب حتى ما تاخذ ابنها
رفع خالد حاجب باستنكار : تهرب ؟؟
فيصل : ما عليك منها الحين حرك تراني تعبان
هز راسه خالد بهدوء وحرك السياره
**
**
**