رواية طفولتي المشتتة الفصل الرابع وخمسون 54 - بقلم ضاقت أنفاسي

يشعر بالراحة بعد ما اطمئن على سيف 
ووجدوا متبرع له 
بس للحين 
سالفه ريم شاغله راسه ما يدري وين رح يلقاها 
التفت لابوه للي يكلم ابو سليمان وسلطان : والله ما ندري وين نلاقيها ؟؟ 
سلطان بتأثر : حسبي الله ونعم الوكيل 
نواف بغيره وقهر : مين هذا الرجال للي طلعت معه وراحت 
قاطعه صرخه من نايف للي حس من كلام نواف يطعن بعرضه : نواف 
ولا كلمه 
وزن كلماتك قبل ما تتلفظ فاهم 
وناظر ابوه بحزم : انا طالع مع عناد للمنطقه للي كان فيها ورح ندورها 
وان شاء الله رح نلقاها 
نواف صار وجهه بالالوان واستأذن وترك المكان 
راح خلفه سليمان 
نواف بمزاج سيء : ليه جاي خلفي ؟/ 
سليمان : اشوف وش هببت يا مجنون 
قدام ابوها تشكك بعرضها ؟؟؟ 
نواف بقهر : انت من عقلك يقولون راحت مع رجال 
مين رح يكون ؟؟؟/ 
سليمان كان يبغى يتكلم 
قاطعه نواف : خلاص يا سليمان ترى قلبي 
يتقطع ولو اشوف عناد الا اكسره تكسير 
سليمان بهدوء : مشكلتك تكابر 
ليه ما خطبتها دامك تبغاها ؟؟؟ 
نواف بضيق : انت عارف وضع اهلي بالنسبة لها 
والمشاكل للي رح تصير 
لو فكرت اخطبها 
وبعدين لا تتكلم وتنسى نفسك 
استغليت فرصه طلاقك من زوجتك 
وكنت تبغى تلعب بعقل جدي علشان يطلقها 
من عناد وتتزوجها 
بحجه انها محيره لك من زمان 
سليمان بقهر : هذا انت قلت كنت 
بس لما فكرت بالموضوع 
غيرت رأيي علشان عيالي 
وزوجتي 
نواف استند على جدار الممر وتكتف : الحال من بعضه
بس انا عندي فرصه بعدني اعزب 
واقدر اطلقها من عناد واتزوجها 
سليمان اقترب منه وحط يده على كتف 
نواف وبنصيحه : لا تعملها انا فكرت قبلك كذا 
لا تعملها اذا ترضى على اخواتك حد يعمل فيهم 
كذا 
خلاص انساها وكل شيء نصيب بالدنيا 
ما رد نواف وهو يفكر بكلام سليمان 
*
*
*
*
*
*
طول الطريق ساكتين ونايف يناظر الطريق 
وبعدها التفت على عناد : ما لقيت الا هنا 
تسكن ؟؟ 
عناد وقلبه نار من لما عرف انه ريم ما راحت مع عمها 
وهو كان زعلان منها لانها تركته بس الحين السالفه اختلفت 
وين وراحت ؟/ 
ومين الشخص للي راحت معه ؟؟؟
ما انتبه لسؤال نايف وهو مندمج بالتفكير 
نايف هز كتفه بشويش : وينك انا اكلمك ؟!! 
صحي من سرحانه وناظر نايف بحزن : هلا 
نايف سكت وما تكلم ورجع يناظر من قزاز الشباك 
وصلوا لمكان السكن 
نزل عناد وعقد حواجبه باستغراب 
البيت للي كان ساكن فيه مو موجود
ومكانه عمارات سكنيه 
طالع نايف وتكلم : البيت مهدود وعمروا مكانه 
عمارات جديده 
نايف طالع المكان ونزع نظاراته الشمسية واشر على شخص يمشي بالشارع : تعال نسأل هذا 
اقتربوا منه وسألوه عن الناس للي كانت ساكنه هنا 
رد الرجال بهدوء : حسب معلوماتي رحلوا من 
هنا 
عناد : طيب ما تدري وين راحوا ؟؟/
هز راسه الرجال بنفي : والله ما ادري 
حس عناد ونايف بصعوبة البحث 
كيف يجدوها 
وكان حالهم مثل للي يبحث عن ابره بكوم قش 
بعد ايام رجعوا لمنطقتهم وظنهم خايب ما لقوها 
والجد سأل عنها عند اخوالها بطريقه غير مباشرة 
وما كانت عندهم 
وهذا زاد 
حيرتهم 
وين رح تكون ؟؟؟ 
**
**
**
**
**
** 
الجده وهي تفكر وين رح تكون وما لقت 
مكان تكلمت بنرفزه : يعني الارض انشقت وبلعتها ؟؟ 
صقر متأكد ما اخذتها ؟؟ 
صقر بقهر وقف وطلع من الصاله 
للحين شاكين فيه انه هو للي اخذها 
ليلى ناظرت زول صقر وهو طالع ورجعت ناظرت الجده : يا خالتي شوي شوي عليه تراكم 
عقدتوه كل واحد يقول انه هو للي اخذها 
الجده : شيء محير وين راحت ؟؟ 
ليلى : رح يلقونها 
طيب يمكن سافرت عند امها؟؟ 
الجده بنفي : ما ظنيت 
حسبي الله عليها ساره ما وصلنا من ورائها الا 
النكد 

**
**
**
**
**
رفعت نفسها بعد ما كملت من شغلها بالمزرعه الصغيره 
ناظرت منيره وابتسمت واقتربت وجلست 
عندها 
منيره بابتسامة : بنتك هذي خبله 
ضحكتني
وبنبره تنبيه : تراها طلعت تلعب مع العيال برا 
وقفت على حيلها ريم بسرعه وتوجهت للخارج 
بعد ما غطت وجهها
شافت طفلتها تلعب مع العيال
ابتسمت لذكرى مرت بخيالها لما كانت 
تلعب مع العيال واكتشفها نايف 
وقتها طقها طق 
تقدمت من طفلتها ونهرتها : روعه 
كانت روعه منشغله باللعب بكره صغيره ومندمجه 
تقدمت منها وبحزم : روعه 
ناظرتها روعه بعيون تلمع براءه وتحولت ملامحها 
للخوف : ماما ثوي
ريم مسكت يدها : انا وش قلت ؟؟ 
لا تطلعين برا 
وحملتها بحضنها وتوجهت للداخل 
على صوت نغمات روعه الباكي 
جلست عند منيره 
وحطتها على الارض امامها 
منيره ضحكت على شكلهم : حرام عليك 
خليها تطلع برا تلعب 
ناظرت ريم روعه ودموعها على خدودها 
مدت يدها ومسحت دموعها : اخاف عليها 
روعه وهي تفرك عيونها وبنعس حطت راسها 
على فخذ ريم وغمضت عيونها 
مسحت ريم على وجهها وناظرت منيره : عنيده 
هالبنت كم مره اقول لها لا تطلعين برا وترجع تطلع
منيره : بعدها صغيره ما تفهم 
قاطعتها ريم : والله احسها تفهم كل شيء 
وش تفسرين سبب لما الاقيها برا 
بسرعه تخاف وتحاول تنحاش مني 
فهذا يدل انها فاهمه وعارفه انه ممنوع تطلع 
ومع ذلك تعاند وتطلع 
منيره اشرت لها : اسكتي ترى صجيتي راسي 
حسستيني انها روعه بالجامعه 
وقاعده تتكلمين عنها كذا 
تراها بعدها سنتين 
ريم بابتسامة ناعمة : اخاف عليها من الطير الطائر
منيره بهدوء وهي تناظر روعه وهي شبه نائمه على فخذ ريم تكلمت بهدوء : تشبه ابوها كثير 
وكأنها صوره مصغره منه 
ريم نزلت نظرها لروعه وتحس قلبها 
يدق لمجرد ذكر اسمه 
مسحت على شعرها وهي تتأمل روعه 
كل شيء طبق الاصل عن ابوها 
شعرها اسود حالك 
نفس شعر عناد 
حملتها ووقفت وتوجهت بها للداخل تحطها بفراشها 
**
**
**
**
**
بعد العصر 
ام منيره حطت دله القهوه تحت شجرة النخيل 
وناظرت ريم ومنيره : تعالوا هنا 
جلست ريم بجانب ام منيره وهي تحس بامتنان 
لها 
ام منيره : وش رايكم نرجع للمدينه 
يمكن تلاقي منيره شغل 
ذبحنا الفقر 
منيره بيأس : وين نلاقي شغل ؟؟؟؟ 
حتى لو لقينا شغل 
رح يروح إجار للشقه 
خلينا هنا 
ام منيره : والله ما كاسر خاطري الا هالضعيفه 
شوفي كيف نحفانه 
وما تأكل كثير حتى توفر لروعه الاكل 
ريم بابتسامة : والله يا خالتي إني آكل 
ام منيره : ادري فيك توفرين بالاكل 
بس ما تخلينه على حساب صحتك 
شوفي نفسك بالمرايه كيف نحيفه 
ابتسمت ريم ومن داخلها قلبها يتقطع 
تحاول قد ما تقدر توفر الاكل لروعه 
على حساب صحتها 
الاكل قليل هنا بالقريه والفقر منتشر بهذا المكان
ناظرت روعه للي قاعده تلعب بكره صغيره من البلاستيك لونها احمر 
وتكلم نفسها وهي تلعب 
وقفت وتوجهت لها وجلست عندها وابتسمت : وش تسوين ؟؟ 
روعه وهي تحط تراب فوق الكره ومندمجه : لوحي 
ريم اخذت منها الكره : وين اروح ؟؟ 
روعه وقفت وهي تحاول تأخذ الكره : انيله«منيره»
ابتسمت ريم وقرصتها بخدها بخفه 
عصبت روعه : اوحي اوحي
لوحت ريم بالكره بيدها : ما رح اعطيك الكره 
وحركت حواجبها تجاكر بروعه 
صارت تركض ريم وخلفها روعه تركض بشويش 
وتصرخ عليها تبغى الكره 
ابتسمت منيره وهي تراقبهم : مين يصدق انها 
هذي البنت وامها ؟؟ 
ام منيره بحزن : الله يعوضها 
تكسر خاطري هالمسكينه 
&*
**
**
**
**
_*
&*
جالس على الكرسي ويناظر سيف : كيف يا بابا ؟/
سيف بتعب همس : بخير 
ساميا قبلت راس سيف : ربي يحفظك 
بعد لحظات غمض عيونه سيف وغط بالنوم 
ساميا براحه وهي تناظر ولدها 
كانت فاقده الامل انها تشوفه ويرجع لها 
حمدت ربها 
ناظرت نايف ولاحظت سرحانه : وش فيك ؟؟ 
طالعها نايف وبهدوء : ما في شيء 
ووقف واستأذن وتركها وهو يحس بالقهر 
الكلام والطعن بريم اثقل ظهره 
والحيره ذبحته مع مين راحت ؟؟؟؟؟
**
**
**
**
**
ابو بندر جالس ويناظر عناد ويبغى يكسره 
على هالعمله 
فشله قدام الجماعه 
وحس ابو سلمان يناظره بلوم 
وما حفظ الامانه 
كل هذا علشان عناده وراسه اليابس 
عض على شفته وتكلم بقهر : وش الحل الحين ؟؟
ياسر : والله انا اشوف عناد ما عليه حق 
باختفاء زوجته 
واهلها ما لهم حق يتكلمون ويفتحون فمهم بكلمه 
ابنتهم طالعه مع رجال 
حنا وش دخلنا فيها 
وانا لو مكان عناد ما رجعتها لذمتي 
وش يضمن لي انها
قاطعه صرخه من عناد هزت البيت : حدك ريم 
ما اسمح لك تفتح حلقك عليها بكلمه وحده 
فاهم 
وطلع من البيت وكلام ياسر يتردد بإذنه 
بندر بلوم : وش هالكلام يا ياسر ؟؟ 
ياسر : انت فهمني 
وحده طالعه مع رجال واهلها واهل امها 
ما احد اخذها 
مين رح يكون ؟؟؟؟
.فهموني ؟؟ 
ابو بندر بحده : اسكت يا ياسر وكلامك هذا 
قبل ما تطعن اهل ريم 
تطعن اخوك بعرضه 
احفظ كلامك 
ام بندر والشيطان يلعب بعقلها : طيب مين هذا الشخص للي راحت معه ؟؟؟؟ 
ابو بندر بنرفزه : وبعدين مع هذي السالفة ؟؟؟؟ 
وبحده 
ما ابغى اسمع هالسيره مره ثانيه 
مفهوم 
**
**
**
**
ام خالد : الله يستر علينا 
والا طالعه مع رجال مو من اهل امها ولا من اهل 
ابوها ؟؟؟ 
رولا : والله يا خالتي ما تدري وش عذرها 
ويمكن عناد يكذب 
وش يضمن لنا انه صادق 
يمكن يبغى يشوه سمعتها 
ام سليمان : وش جابره يسكت سنتين عنها 
لا انا حاسه انه صادق 
ولا تنسي فرخ البط عوام 
امها مو شردت مع نايف بدون علم اهلها 
رولا بضيق : والله هذا ظلم 
ام خالد بعدم اهتمام : اقول روحي شوفي عيالك
ولا تتكلمين بشيء ما تعرفين فيه 
**
**
**
**
**

قاطع الصمت صوت ارتطام قوي 
رفعت ريم نظرها بخوف 
وانصعقت لما شافت جزء من السقف 
انهدم 
صرخت بقوه : روووووووعه 
وقفت على حيلها مفزوعه وركضت باتجاه روعه 
وقلبها يدق بقوه ما تتحمل فكره فقدانها 
ويدينها ترجف وتتنفس بسرعه 
وبسرعه حملت روعه وحضنتها بقوه وهي تبكي 
وتشاهق 
هذي روحها وضناها 
لو تفقدها وش يصير فيها ؟!! 
ام منيره بتأثر : قومي يمه احمدي ربك 
وقع بعيد عن ابنتك وربك حفظها 
ناظرت ريم السقف المهدوم بعيون مليئه دموع
والمطر بدأ يدخل من خلاله 
مسافه قصير كان وقع على رجلين روعه 
وزاد صوت بكائها 
وهي تتخيل لو كانت روعه تحت هذا الحطام 
منيره مسكت يد ريم : قومي من عندك 
الحين يمكن يسقط جزء ثاني 
هزت ريم راسها ووقفت وهي حاضنه 
روعه بقوه 
رجعت نامت روعه بحضن ريم بعد ما صحيت على صوت الارتطام 
ام منيره : خلينا نجلس بالغرفه الثانيه 
رممناها قبل مده قصيره 
حالها افضل من هذي 
ريم وهي حاضنه روعه ودموعها على خدودها : انا طالع من هنا 
وش يضمن لي ما يسقط مره ثانيه ؟؟ 
منيره جن جنونها من كلام ريم : مجنونه ؟؟ 
وين تطلعين بالجو هذا 
مطر ورياح ورعد وبرق 
وين تروحين ؟؟؟؟ 
ام منيره حطت يدها على كتف ريم وبنبره حانيه : يا يمه 
قل لن يصيبنا الا ما كتب الله لنا 
خلي إيمانك بالله كبير 
والحافظ ربنا هو للي يحفظنا من كل سوء 
والحين تعالي اجلسي بالغرفه الثانيه 
وان شاء الله ما هو صايبنا شيء 
هزت ريم راسها ومسحت دموعها من على خدودها 
وتوجهت للغرفت الثانيه 
وجلست وروعه حضنها رفضت تحطها على الارض 
بعد ما صلوا العشاء 
شهقت منيره لما شافت مويه المطر تدخل للغرفه 
لانه الباب فيه تسريب وفيه فراخ بين الباب 
والارضيه 
ام منيره وقفت وهي تردد الاذكار 
لا إله الا الله 
لا حول ولا قوه الا بالله 
ريم برعب : يا خوفي نغرق هنا 
خلونا نطلع من هنا ؟؟؟ 
ام منيره وهي خايفه اول مره يصير كذا 
وينزل بالقريه مطر بذي القوه 
بس لازم تكون شجاعه بينهم : اهدي يا يمه وناظرت منيره 
هاتي ملابس قديمه بسرعه ودلو مويه 
هزت منيره راسها بالموافقه والرعب دب بقلبها 
مسكت الملابس القديمه وحطتها على المويه وبعدها تعصرها بالدلو 
وصارت منيره تعمل مثل امها 
شافت ريم روعه نايمه قررت تساعدهم 
وقفت بصعوبه وريم بحضنها 
شافت طاولة خشبيه بأرجل مرتفعه بصدر الغرفه 
توجهت نحوها 
وفرشت لريم تحتها 
تحسب لو وقع السقف ما يصيبها شيء 
غطتها وألقت نظره عليها 
وتوجهت عند منيره وامها تساعدهم 
مر الوقت عليهم وهو بذي الحاله 
ريم ضمت يدينها لبعض ونفخت فيهم 
لعل وعسى يروح البرد 
تحسهم تصلبوا من البروده 
وكل لحظه تناظر روعه تتطمئن عليها 
منيره بتعب : على ذي الحال رح نسهر الليل بطوله
المطر مو متوقف 
شوفي المويه كيف تدخل ؟!! 
ريم ورجعت تكمل : خلاص روحي ارتاحي يا منيره 
انت وخالتي 
وانا اكمل عنكم 
منيره ورجعت تكمل بعد ما اسندت ظهرها : نكمل مع بعض لاخر لحظه 
ريم ناظرت ام منيره : يا خالتي روحي ارتاحي 
انا ومنيره نكمل نضح المويه 
ام منيره بتعب ما ترددت توجهت للمدفأه 
وجلست بالقرب منها 
ريم وشفتها ترجف من البرد 
وظهرها صلب مو قادره تسنده 
ومع ذلك مستمره بالتخلص من المويه تخاف تنام 
وتغرق فيهم الغرفه 
ناظرت ريم الدلو مليان وقفت وحملته وفتحت الشباك 
غمضت عيونها وعفست ملامحها 
لما حست بقطرات المويه تضرب وجهها 
بقوه بفعل الرياح 
تحاملت على نفسها وفرغت الدلو
بالخارج 
خلاص تحس العمود الفقري صار مثل العوده
متصلب 
من البرد 
حطت الدلو على الارض وسكرت الشباك 
مسحت بأكمامها قطرات المويه عن وجهها
بحركه بطيئه متجمده 
وتوجهت لمنيره بعد ما حملت الدلو
بعد وقت 
منيره بتعب وهلاك : خلاص ما اقدر استحمل 
وطالعت يدينها لونهم ازرق من البرد
ريم ؛ روحي اجلسي عند المدفأة شوي 
منيره بتردد : وانت ؟؟ 
ريم وهي تحاول تمثل الصلابه وقوه الاحتمال : ما عليك مني 
روحي ولا تضيعين الوقت 
توجهت منيره للمدفأه ويدينها حول المدفأة 
ناظرت امها نائمه بعمق 
زفرت بضيق وتمنت انها ساكنه بالمدينه 
مو بذي القريه 
المنعزله ما فيها خدمات مثل العالم 
لو يموتون ما حد درى عنهم
لم تستطع المواصله اكثر
واستسلمت للنوم 
ناظرتهم ريم نائمات وحست انه المسؤوليه
صارت برقبتها 
ما تقدر تنام تخاف تغط عينها 
وتغرقهم المويه 
واصلت نضح المويه وكل شوي 
تروح للمدفأه تدفي يدينها 
وترجع تكمل 
تحس عيونها صارت تغفي من النعس والتعب 
بس هذي مسؤوليه
ما تقدر تترك 
لازم تواصل حتى النهايه 
**
**
**
**
**
جالسين بالصاله يفطرون 
والصمت يخيم عليهم 
ام بندر توجه الكلام لعيالها : ترى جدتكم 
قريب رح تيجي هنا 

اسيل ناظرت رهف ولوت بوزها 
وهمست لهاجر : الله لا يجيب الطريق للي جابتها 
هاجر بضجر : الله يكون بالعون 
صالح طالع امه : ليه تبغى تغلب حالها 
وتيجي ؟؟ 
اذا مشتاق لك ليه ما تروحين تزورينها 
ام بندر بحده وهي تعرف عيالها ما يحبون جدتهم : ولا كلمه فاهم 
وجدتك تحترمها غصب عنك 
وناظرت ابو بندر : عاجبك صالح وش يقول ؟؟ 
ابو بندر بنفسه ان شاء الله يصير شيء ويمنعها 
تيجي الله يعين العيال عليها بس ما احب احسس
ام بند اني ما اطيق امها : عيب يا صالح احترم 
جدتك 
والبت بينها متى ما بغت حياها الله 
وطالع ام بندر وابتسم مجامله 
وهو حس باللقمه وقفت بحلقه 
لما سمع انها جايه 
كيف لو يشوفها 
حس نفسه انسدت عن الاكل وقام وطلع لشغله 
وبعدها طلعت ام بندر لجناحها 
دانا لما تأكدت انه امها طلعت تأففت بصوت عالي : افففففففف 
وش ذكرها فينا ؟؟؟ 
رهف تقلد جدتها : انت ليه يا اسيل شعرك كذا وكأنه 
صايبه التماس كهربائي ؟؟ 
دانا تكمل نفس طريقه جدتها وهي تطلع الكلام من انفها : وانت بعدك برميل نفط ما انحفتي 
واشرت على هاجر 
صالح يكمل تقليد واشر على مهند : وانت انفك ليه طويل كذا 
مثل رجل الثلج 
اعمل له عمليه تجميل 
اسيل تكمل تقليد واشرت على رهف : وانت ليه 
وجهك كله حبوب وكأنه مصفصف حصى جنب بعض ؟؟؟ 
بندر وهو يكمل تقليد واشر على زوجته : وانت 
ليه ما حملتي للحين ؟؟ 
اصغر واحد بعيالك عمره سنتين 
انا اقول يا ام بندر شوفي زوجه لابنك 
كل سنه تجيب له عيال اثنين 
مو هذي مثل البط كل مدري كم سنه تجيب 
لها بزر 
زوجة بندر بقهر لما تتذكر كلامها : من الحين اقول لك يا بندر 
لما تيجي جدتك انا رايح عند اهلي ولما تغادر 
اتصل بي 
ما اقدر اتحمل كلامها 
بندر ابتسم : خذيني معك عند اهلك 
ياسر ضحك ما انصحك تروحين لاهلك 
لانها لما تيجي رح تقول وقلد صوت جدته : وينها زوجتك يا بندر 
تاركيتك هنا 
ومرابطه عند اهلها 
انا اقول تزوج وحده سنعه ما تتركك ولا ثانيه 
بندر ضحك : حشى اتزوج لصقه 
مهند ضحك : ههههههه 
ترى جدتك ما تجوز عن سوالفها 
قال تزوج لك وحده تجيب لك عيال اثنين بالسنه 
ههههههههه 
بندر ضحك : يمكن تبغاني اتزوج قطوه ههههه
اسيل : نازله انتقاد بالناس وما اشوفها 
مطبقه شيء 
تعمل العكس 
ليه ما جابت لجدي كل سنه عيال اثنين ؟؟؟،
زوجه ياسر : الله يستر ما تفتح لي اسطوانه 
اخوك واخوك 
رنا بتسمت : ما حد قال لاخوك يتزوج على حفيدتها 
زوجه ياسر وهي تقرص عيونها : والله عاد 
صبر عليها اكثر من 6 سنوات وهو بدون عيال 
هذا هي تبغى تزوج بندر 
لانه ابنه الصغير صار عمره سنتين وبعدها ما حملت 
صالح طالع عناد : علامه العاشق الولهان 
ساكت 
ناظره عناد بطرف عينه وما رد وكمل شرب الشاي
بندر اعطى نظره قويه لصالح : انا وش قلت لك ؟؟
صالح : والله نسيت 
وقف عناد بهدوء وتوجه للجامعه 
**
**
**
**
**
**
**

منيره ناظرت ريم المستغرقه بالنوم وحرارتها مرتفعه 
ام منيره : مسكينه ما نامت الليل 
رب يجزاها كل خير 
الله يسرها لنا والا كان غرقت الغرفه من المويه 
منيره : شفتي اغلب اهل القريه دخلت المويه بيوتهم 
وخربت اثاثهم 
لو تشوفين عيال الحاره ما عندهم ملابس كافيه 
تدفيهم 
كلها غرقت بالمويه الله يكون بالعون 
حتى البقاله معظم المواد فسدت من المويه
ما لقيت شيء اشتريه 
لو رجعنا للمدينه كان احسن يمه 
ام منيره : الحمد لله على كل حال 
قلت لك من قبل خلينا نرجع للمدينه 
بس انت عارضت
منيره : بعد اليوم اقتنعت وخلاص ابغى ارجع 
وابحث عن شغل ونعيش هناك 
احسن من هنا 
ام منيره هزت راسها :،وانا اقول كذا 
خلال هذا الاسبوع نرجع بس اصبري 
يتحسن الجو والطريق 
منيره : على خير 
اقتربت من فراش ريم وحطت يدها على جبينها 
وناظرت انفها الاحمر 
وعلامات الارهاق والتعب عليها : حرارتها مرتفعه 
بعدها 
بس اخف من الصبح
ام منيره : غطيها كويس لا تبرد 
وان شاء الله رح تخف درجه الحراره 
غطتها كويس وناظرت روعه نايمه قريب من 
ريم ومستغرقه بالنوم 
**
**
**
**
**
**
ما زالت الاجواء بارده ناظرت من الشباك 
حطت يدها على جبهتها تتحسس 
حرارتها 
خفيفه اخف من البارحة بس الزكام متعبها 
قررت ترجع مع ام منيره للمدينه 
ما رح تبقى هنا لوحدها 
حست قلبها يتقطع ويتمزق لما كانت تبكي 
روعه تبغى بسكوته
والبقاله بضاعتها فسدت 
ومنيره راحت ما لقت شيء الناس اخذت كل شيء 
الصالح والفاسد من الجوع 
واليوم رجعت ام منيره من المزرعه 
ووجهها مخطوف كل الزرع مضروب 
من البرد ومن البرده والسيول 
حطت يدها على حلقها تتحسسه بيديها النحيلات بلعت ريقها بصعوبه
وهي تحس اللوزتين منتفخات 
رددت بصوت هامس مبحوح من الزكام 
«اعوذ بالله وقدرته من شر ما اجد واحاذر » 
دخلت منيره الغرفه 
التفتت لها وابتسمت لها بامتنان بعد ما غسلت ملابس 
روعه ونشرتهم كلمت منيره بصوتها المبحوح : يعطيك العافيه 
منيره بابتسامة : هو بالله اسكت 
وصارت تقلد صوتها 
بح بح بح بح 
تقول شايب على حفة قبره وقاعد يتكلم 
ابتسمت ريم بنفس الصوت :،شايب بعينك 
كشت عليها منيره وتوجهت تكمل شغلها 

**
**
**
**
**
في اليوم الثاني 
دخلت منيره ومعها روعه وبيدها اغراض 
حطت الاغراض تحت نظرات ريم وام منيره 
المستغربه 
منيره بفرحه : ما تدرون ؟؟ 
وصلت المعونات للقريه بعد السيول للي اصابت اغلب البيوت 
وقفت ام منيره و استبشر وجهها : الله يبشرك بالخير 
خليني اروح ألحق وأخذ معونه البيت فاضي ما فيه شيء 
طلعت ام منيره 
وركضت روعه عند ريم وهي تضحك 
وبيدها بسكوته : ماما سوفي 
حست ريم بالضيق ما تبغى ابنتها تتعود 
على المعونه والصدقه من الناس 
بعد هذا الموقف رح تطلب من ام منيره يرجعون باكر 
رح تبحث عن شغل وما تبغى مساعده من احد 
رفعت نظرها للمنيره للي تكلمها : بسرعه يا ريم 
روحي خذي معونه 
ريم ونفسها رافضه تأخذ معونه من احد 
ما تعودت تأخذ صدقه من احد 
غمضت عيونها للحظات بألم للحال للي 
وصلت له :،ما ابغى اروح 
فاطعتها منيره : ليه يا غبية؟؟ 
ما فيها شيء 
وبعدين اذا انت ما تبغين بكيفك 
بس حق روعه ما يطلع لك تحريمها 
لها حق بالمعونه روحي خذيها
ما يطلع لك ترفضين 
وبعدين شوفي وضعنا كيف 
هذي روعه ما تتحمل الجوع 
ولا تفهم 
شفت كيف بكت البارحه تبغى بسكوت 
ما فهمت وش يعني ما فيه 
ريم قاطعتها : خلاص باكر نرجع للمدينة
منيره باستهزاء : لا يا شيخة اول ما تروحين 
رح تلاقين شغل ؟ 
احسبي حسابك شهر ما تلاقين شغل 
من وين رح تصرفين على روعه 
اقول قومي شوفي المعونه 
وجيبي لروعه 
شوفيها كيف مبسوطة بالبسكوته 
ناظرت ريم روعه تأكل من البسكويت ومبسوطه 
حست بتأنيب الضمير 
قررت تدوس على قلبها وتجيب من المعونه

كانت تمشي رجل للامام ورجل للخلف 
متردده 
كيف تطلب المعونه وتكسر نفسها 
بس علشان روعه تعمل المستحيل 
ناظرت روعه وهي ماسكه يدها 
وتتكلم بسرعه بكلام مو مفهوم 
بس باين عليها الفرحه 
شافت سيارات المعونه 
حست بتردد بداخلها ناظرت جاره لها حامله اغراض وتكلم ريم : عجلي قبل ما تخلص المعونه
واذا تبغين يعالجونك مجانا 
هزت ريم راسها بدون نفس 
وتابعت مسيرها
وقفت ما شافت احد عند السياره 
حست انها فرصتها تهرب 
بس وقفها صوت : نعم اختي 
تبغين معونه ؟؟ 
حست ريم بغصه ما قدرت تتكلم 
وتطلب شيء 
وبسرعه لفت نفسها وعادت ادراجها 
ما قدرت 
صعب صعب فوق طاقتها 
مستعده تشتغل ليل ونهار وما تطلب 
المساعده من احد 
حست بدمعه تسلسلت على خدها 
الحياه تطلب منها فوق طاقتها 
كانت تمشي بسرعه وروعه تمشي قدامها وتركض
وتضحك 
ما حست الا باليد للي تمسكها من معصمها 
حست وكأنها كهرباء لسعت يدها 
وبسرعه نفضت يدها 
بقوه 
والتفتت بعصبيه : يمالي الكسر للي يكسر يدك 
رد باحراج وتوتر : انا اسف 
يا ريم 
**
**
**
**
**
**
**
نزلت من الدرج بعجله : ماما وين بابا ؟؟ 
ساميا وهي تتصفح مجله : مو هنا 
لينا بخيبه وقفت : وين راح ؟؟؟ 
ساميا ناظرتها : الجامعه عملت حمله تبرعات
لاحدى القرى تضررت من الامطار 
وعملوا يوم طبي لهم حتى يعالجونهم 
وراح معهم 
لينا :،اكيد رح يتأخر 
كنت ابغى اشتري اغراض من المكتبه 
ساميا رجعت تناظر بالمجله :،اتصلي بعمك صقر 
او شوفي سلمى خلها تتصل ببدر 
وقولي لها الاغراض للي تبغينها 
لينا باحراج : اتصل بروان تقول لسامر يجيبهم لي 
سامبا ناظرتها بوعيد : لو يدري ابوك يعصب 
تراك للحين ما ملكتي 
مثل ما قلت لك اتصلي بعمك صقر 
لينا باستسلام لاوامر امها : ان شاء الله ماما 

**
**
**
**
**

والتفتت بعصبيه : يمالي الكسر للي يكسر يدك 
رد باحراج وتوتر : انا اسف 
يا ريم ارعبتك 
فتحت ريم بعيونها بصدمه من لما سمعت يقول اسمها 
وش عرفه فيها ؟؟ 
وبلحظه ضعف ناظرت الشخص حتى تعرف هويته 
وكانت الصدمه للي اخرستها 

************
************
أنت وينك....؟ 
أنت وينك ليش عن عيني تغيب...؟
وانت في بالي ومن قلبي قريب...
ليش تتركنا وتحياء في بعاد...؟
وأن دعيت للتداني ما تجيب...
ليش بعد الوصل حبيت الفراق...؟
وابتديت السير في الدرب الصعيب...
ليش تجعل وصلنا يصبح غياب...؟
والفرح يغدوا بقلبينا نحيب...
ليش تترك دمع عيني با نسكاب...؟
في غيابك والدفى فيني لهيب...
أنت وينك طال بالعمر السفر...؟
وأنت في غربه وأنا مثلك غريب...
يا حبيبي قد مضى عمري و مر....
وأنطوى وقتي وانا مالي حبيب...
غير طيفك وانتظاري والسهر...
وللأسى والليل والصمت الرهيب...
والجروح اللي غدت فيني قدر ...
ما يداويها سوى وصلك طبيب...
أنت وينك طال في الغربه مداك...؟
أنت وينك رد يا خلي وجيب...؟
********
********
عناد همس بحنين :وين اختفيت؟؟ 
وتركتيني ؟؟ 
طالعته ريم وباستهزاء وقلبها يدق طبول : اختفيت ؟؟؟ 
والا انت للي تركتني ورحت 
قاطعها بتبرير : كلها للي غبتها اسبوع 
رجعت وما لقيتك 
سألت عنك قالوا لي انك رجعت مع عمك 
ريم بمرار : مو عذر لك تتركني لو يوم بدون 
ما تعلمني عن مكانك 
قاطعه بنبره ضعيفه : حتى لو كنت بالمستشفى ما تعتبريه عذر ؟؟؟؟
بس قبل ما تتكلم قاطعها صوت من 
خلفها مستحيل تنساه : حنا ندورك وانت هنا ؟/ 
وش تعملين هنا ؟؟؟ 
ناظرته ريم سنتين ما شافته 
معقول هالسنتين ما تغير ؟؟؟ 
ناظرت عناد للي واقف قدام نايف 
وعيونه تشع حنان ولهفه لها 
رجعت نظرها لنايف وردت بحده : بكيفي اروح 
وين ما ابغى 
عناد تقدم منها خطوه بلهفه 
ريم لفت وجهها تاركيتهم خلفها 
بس وقفها نايف لما مسكها من معصمها : وين رايحه ؟؟؟ 
امشي معي رح ترجعين معي للبيت وافهم الموضوع
عاجبيتك العيشه هنا عالصدقه ؟؟ 
عناد بإصرار : رح ترجع معي يا عمي 
نايف بغصه : علشان تضيعها بسبب اهمالك 
هي تتشرد وانت ترجع للسجون 
لكن حامض على بوزك رح ترجع معي 
عناد بقهر : ريم زوجتي 
ورح نرجع مع بعض انا وهي 
ونبدأ من جديد 
وش قلتي يا ريم ؟؟؟
قبل ما ترد ركضت روعه باتجاه ريم ومسكت 
بطرف عبايتها وهزتها وهي تلهث : ماما ماما 
انيره ابتني «منيره منيره ضربتني » 
نزلت نظرها ريم لروعه ومسحت على راسها 
بحنيه : الحين اضربها 
روعه بابتسامه بان غمازها : الوح ابحها ؟؟«اروح اذبحها » 
رفعت ريم نظرها وشافت عيون التساؤل بعيون 
نايف وعناد 
نزلت نظرها لروعه وامسكت بيدها قبل ما تروح 
وجلست على مستواها 
مستحيل تعمل مثل امها ساره لما خبرتها انه
ابوها ميت 
عاشت سنين وهي تظن انه ابوها 
ميت عيشتها باليتم وابوها عايش 
ما تنكر انها كانت صدمه كبيره بالنسبه لها 
لما عرفت انه نايف ابوها 
تحطمت كل آمال الطفوله وهي تنتظر الاب المنقذ 
للي يخلصها من حياتها 
ما رح تخلي روعه تعيش بنفس السراب 
للي عاشته 
للحين اثره السلبي بقلبها 
اخذت نفس 
واشرت على عناد : هذا بابا 
ناظرت روعه عناد للحظات وبعدها ابتسمت : اين اديتي؟؟؟ «وين هديتي » 
كان عناد لا يقل دهشه عن نايف 
عناد ناظرها وما فهم وش قالت روعه 
وبلعثمه سأل ريم : كيف ؟؟؟ 
واشر على روعه
نايف ناظر عناد بحده : كيف قلت انه الجنين ميت ؟؟؟ 
عناد بعدم استيعاب : انا متأكد سمعت الدكتوره 
تقول انه الجنين ميت 
واقترب من ريم : الجنين كان عايش ؟؟؟ 
ريم بنرفزه وهي تتخيل لو روعه كانت ميته : بسم الله على ابنتي 
وسكتت لما تذكرت كلام الدكتوره 
اكيد عناد فهم غلط 
الحين عرفت ليه ما سألها عن وضع الجنين 
وكان يحاول يهديها 
هدت نفسها ما تبغى تظلمه مثل ما انظلمت بحياتها 
والظاهر صار سوء فهم 
عناد بالمستشفى كان ؟!! 
ليه ؟؟؟ 
رجع للحاره يسأل عني ؟؟ 
طيب سميره ما شافته ؟؟ 
مين للي قالت له اني رحت مع عمي ؟؟ 
اسئله كثيره تدور في بالها 
ما لقت لها جواب
لازم تعرف اجاباتها ما تبغى تظلم عناد 
تكلمت بهدوء :،الدكتوره وقتها ما كانت تقصدني 
استبشر وجه وحضن بيدينه وجه روعه الصغير
وهو فرحان فيها 
ما اجمل شعور الابوه 
ياه شعور جميل لما تسمع كلمه بابا : اخبارك يا حلوه 
وقبل ما ترد حضنها بقوه وباسها على خدها 
بقوه 
ومسح دمعه نزلت من عيونه 
طالع روعه للي تناظره باستغراب : قولي بابا 
روعه عفست ملامحها بطفوله : ماما سوفي 
دلبني«ماما شوفي ضربني » 
عناد ابتسم لها : يا شكايه انا ضربتك ؟؟ 
روعه مدت بوزها وناظرت امها : ماما 
ريم بهمس : هذا بابا 
عناد قرص خدها : مو انا بابا ؟؟ 
يلا قولي بابا 
روعه بابتسامة : بابا 
حملها عناد بفرحه وطيرها بالهواء 
تحت صرخات روعه الخائفة 
ناظرت ريم عناد وروعه 
وحست بالغصه خنقتها 
وهي تقارن لقاء نايف فيها 
ولقاء عناد بروعه 
وش تفرق عن باقي الاطفال؟؟ 
عناد اول ما عرف انه روعه ابنته اخذها بالاحضان 
ونزلت دموع الفرح فيها
اما هي قابلها بالطراق والشتائم 
ليه ؟؟؟؟؟؟؟؟؟ 
لفت ظهرها وغادرت المكان بهدوء 
ودموعها تتسابق على خدودها 
تشكي ايام طفولتها 

**
**
**
**

روعه بضحكه طفوليه رنانه 
ناظرت عناد : ألص «خلاص» 
مسح على شعرها وباسها على خدها 
وناظر نايف للي واقف ويتأمل عناد وروعه 
وبعدها طالع حوله : وين ربم ؟؟ 
نايف تنبه لاختفاء ريم وناظر حوله
يبحث عنها بعيونه 
روعه وشوي تبكي : ماما 
نزلها عناد على الارض ومسك يدها : يالله نروح 
عند الماما 
توجهت تمشي روعه باتجاه البيت 
وعناد ممسك بيدها ونايف خلفهم 

**
**
**
**
**
جلست عند ام منيره بالغرفه بعد ما مسحت دموعها بهدوء 
ومخنوقه من داخلها 
كانت ام منيره تتكلم مع منيره 
بس ما كانت يمهم 
ما توقعت تشوفهم بعد مرور الوقت 
دخلت روعه وهي تلهث : ماما 
بابا بلا « بابا برا » 
ام منيره عقدت حواجبها لكلام روعه : مين بابا ؟؟؟ 
روعه ما ردت على ام منيره 
ومسكت يد امها تسحبها بعجله : بابا 
وقفت ام منيره تشوف وش السالفه 
بس وقفت لما عن المشي لما سمعت 
ريم تقول : هذا عناد برا 
ام منيره باستنكار : عناد ؟؟؟ 
منيره فتحت عيونها : كيف عرف مكانك ؟؟ 
ريم بدون نفس ما لها نفس تتكلم : ما ادري 
هزت ام منيره راسها وطلعت تشوف 
كيف الوضع 
طلعت برا وشافت عناد ونايف 
واقفين برا البيت ام منيره : حيا الله عناد 
عناد عرفها : اخبارك يا خالتي 
ام منيره : بخير يا ولدي 
عناد : وين ريم يا خالتي ؟؟ 
ام منيره بحرج : ادخل يا ولدي 
عناد : مشكوره يا خالتي 
بس نادي ريم لنا 
ام منيره بتصميم : ادخل يا ولدي انت وضيفك 
على الاقل بالحوش 
عناد باستسلام مع انه الجو بارد : خلاص نجلس بالحوش 
دخلوا وجلسوا بالحوش 
ناظر نايف البيت بفوقيه 
وبعدها سأل ام منيره : وش جاب ريم عندكم هنا ؟؟ 
ام منيره حست بغروره ويتكلم بفوقيه بس طنشت 
وردت بهدوء : حنا كنا جيران لعناد 
ولما جاء صاحب البيت وطلعنا من البيت 
قررنا نرجع للقريه 
وريم قررت ترجع معنا لانه حسب ما وصلنا انه 
عناد رجع لاهله وتركها هنا 
عناد بقهر : مين قال اني رحت وتركتها ؟؟؟ 
ام منيره : بنت ابو مصلح هي للي قالت لنا 
انه اخوها طلع معك بالسياره وانت قلت له 
انك خلاص تارك المكان وما رح ترجع 
عناد فتح عيونه باستنكار : لا حول ولا قوه الا بالله 
وش مصلحة هالعالم من الكذب ؟؟؟؟ طيب ما اكلف عليك يا خالتي تنادي لي ريم 
ام منيره وقفت : ان شاء الله 
توجهت للداخل وبعد دقائق طلعت ريم 
وروعه ماسكه بطرف عبايتها وتتكلم شيء تفهمه 
وشيء ما تفهمه 
اخذت نفس ووقفت قريب منهم 
عناد ابتسم لها : ما في احد غريب ليه مغطيه 
وجهك ؟؟؟ 
ردت ريم بهدوء : وش تبغون ؟؟ 
نايف تنرفز من طريقتها بالكلام : ريم ؟؟؟؟ 
وش نبغى يعني؟؟؟ 
يالله شرفي خلينا نرجع والا عاجبك هالخرابه ؟؟؟ 
ريم بحده : خرابه احسن من قصر عند
قاطعها عناد : خرابه والا قصر 
الحين جهزي نفسك خلينا نرجع 
نايف زفر بضيق : وين ترجع ؟؟؟ 
ناسي حضرتك انك ملتزم مع الجامعه 
ورانا شغل 
وطالع ريم : جهزي نفسك 
لما نخلص شغلنا هنا نمرك وترجعين معنا 
وناظر عناد للي يناظر ريم وروعه : يالله قوم 
قدامي اشوف 
عناد : يا عمي الحين ألحقك بس خليني 
شوي 
نايف بهدوء : لا تتأخر 
وطلع من البيت 
عناد ناظر ريم وهي يحس بتأنيب الضمير 
اشر لها : تعالي اجلسي ابغى 
اسمع منك واطمئن عليك 
جلست ريم مقابل له بهدوء والدموع تلمع بعيونها 
عناد يبغى يوضح لها ظروفه حتى ما تفكر انه 
رماها وهجرها 
حس بجروحها ونظراتها للي تسرق النظر لنايف 
ما يدري عن طبيعة العلاقة بينها وبين نايف 
بس يعرف انها عاشت عند اهل امها 
ومن خلال عده مواقف حس انها العلاقه بينهم غير مترابطه 
ما ينسى يوم راح معها تزور جدها 
كان ينتظر بالخارج علشان يدخل وتفتح له 
مجال 
ما ينكر لما طردوها حس بالنار تغلى بداخله 
سحب نفسه وشاف نواف 
وقرر يحرق قلبهم عليه مثل ما كسروا 
بخاطرها 
كان مثل البركان بس ينتظر شراره 
وينفجر 
شاف نواف يناظره من فوق لتحت 
وكانت هي الشرارة للي يبحث عنها 
هجم عليه مثل المجنون 
حتى يقهرهم مثل ما قهروا 
ريم 
ناظرها وهي لابسه النقاب وتناظر الارض 
وتنتظره يتكلم 
اخذ نفس وتكلم بهدوء وهو يروي لها 
ما حدث بالماضي 
حدثها عن شوقه لها وكيف حس بمعنى 
الغدر منها 
لما سمع انها تركته ورجعت مع عمها لاهلها 
كان يتكلم ويفرغ الكبت للي حسه 
بالسنتين للي مروا بالسجن 
والضيق للي اصابه لما عرف انه عمها واهلها 
ما يدرون عنها 
حدثها بكل ما يجول بخاطره وعيونه 
تلمع بالدموع 
ولاول مره يكون عناد كذا 
ويفتح قلبه لشخص بذي الشفافيه 
واختتمها بفرحته لما شاف روعه 
وكميه الالم للي حس فيها لما عرف انه الجنين 
ميت 
عناد بنبره صادقه بعد ما انتهى من سرد 
الاحداث للي صارت معه : وهذا انا قلت لك 
وش صار معي بالضبط 
ابغى اسمع منك وش صار معك ؟؟؟ 
طالعته ريم وقبل ما تتفوه بحرف واحد 
رن جوال عناد فتح الجوال وهو عافس 
ملامحه كانت الشبكه ضعيفه والصوت يقطع 
بس للي فهمه من نايف يبغاه 
ييجي وما بتأخر 
قفل الخط وتأفف : افففف 
الحين مضطر اروح اكمل شغل جهزي نفسك 
وناظر حوله : وين روعه ؟؟ 
ريم بصوت هامس : داخل البيت 
هز راسه ووقف واقترب منها قبل جبينها 
وغادر المكان بعد ما استأذن

**
**
**
**

بعد ما ودعت ام منيره ومنيره بحراره 
ركبت بسياره نايف من الخلف 
وروعه بحضنها 
فتح عناد الباب الخلفي وكان ناوي يجلس عند ريم 
قاطعه نايف بحده : وين وين يا ابو الشباب ؟؟/ 
اقلط جاي 
اقعد جنبي 
عناد يرقع : جاي لا تخاف بس ابغى اتأكد 
كل اغراضها موجوده 
نايف وهو يركب : يقطع ابو الترقيعه 
ابتسم عناد لريم وروعه وتوجه للامام وجلس 
وبعدها حرك نايف بهدوء 
كالعاده تحب تناظر من الشباك 
روعه ترافس تبغى تنزل من حضنها 
ريم بنهر ما لها خلق : وبعدين معك ؟؟ 
عناد التفت لها : هاتيها عنك 
تعالي يا بابا 
روعه ابتسمت بعد ما فلتتها ريم 
اخذها عناد وحطها بحضنه بعد ما باسها 
كان نايف يناظرهم بطرف عينه 
عناد وهو يلاعب فيها 
مسك اصبعها على واشر : هذا جدك 
يالله قولي جدي
روعه وهي تبتسم وترد خلفه : ادي
عناد يحاول يصحح نطقها : ج د ي
روعه : ا دي
اقترب عناد وهمس باذنها : تراه جدك غثيث 
روعه تعيد : اثيث «غثيث»
نايف ناظر عناد وهو يقرص عيونه 
عناد يرقع : هههههههه تقول لذيذ 
يقطع شرك ههههههه 
نايف هز راسه وهو منتبه للطريق وفاهم حركاته
روعه : ادي 
عناد ضحك : حفظتها 
نايف ناظرها بجمود ظاهري : نعم 
روعه ببراءه : ماما دول انت آم « ماما تقول انت خام »
فتحت ريم عيونها باستنكار ولا مره جابت سيرته 
لها 
هالبنت ما تجوز عن طبعها فتانه
نايف ناظر ريم بالمرايه بغموض وما تكلم 
عناد همس بإذن روعه : امك صادقه 
روعه بطفوله وهي تحرك راسها : والله لادولها
عناد حط يده على فمها قبل ما تهبب : جبت لك هديه كبيره 
روعه بفرحه بعد ما ابعد يده عن فمها : دول والله 
عناد بابتسامة : والله 
وقضى الوقت عناد وهو مندمج مع روعه 
وكل شوي عيونه للخلف 
يبغى يكلمها يجلس معها 
بس مشكلته نايف للي قاعد له مثل الشوك بالبلعوم 
طول الطريق ساكته ما تتكلم 
لا هي ولا نايف 
والسياره تضج باصوات عناد وروعه 
كانت مستغربه اندماج روعه بعناد بذي السرعه 
توقعت انها تحتاج وقت حتى تتأقلم عليه 
كانت دائما تقول لها انه لها بابا وانه مسافر 
ورح يجيب لها هديه كبيره 
حست بالراحه لاندماج روعه وعناد 
لانها ما تبغى التنافر والحقد للي بينها وبين 
نايف
يكون بين روعه وعناد 
**
**
**
**
**
**
ام بندر بفرحه بعد ما اتصل فيها عناد وخبرها 
وهي قالب البيت وتجهز بجناحه 
حست الفرحه بصوت عناد 
وزاد لهفتها لما خبرها عن ابنته
مو مصدقه متى يصلون وتشوف حفيدتها 
حتى ريم مشتاقه تشوفها 
ما صار بينها وبين ريم مشاكل 
وكانت علاقتهم طيبه 
حمدت ربها انه التم شمل ابنها من جديد 
وابو بندر لا يقل فرح وسعاده عن ام بندر 
وهو يحس عناد يبغى يطير ويوصل لهم بلمحه بصر 
كان كل البيت متلهف لرؤيه الحفيده الجديده 
اما عند اهل نايف 
كان الجد مرتاح بعد سماع الخبر من نايف 
وارتاح اكثر بعد ما سمع انها بخير 

**
**
**
**
**
ام بدر بفرح : الله يبشرك بالخير 
من الحين اقول لك ابغى اروح اسلم عليها وما رح ارد على احد 
والله احس قلبي يتقطع لشوفتها 
سلطان بلهفه قد ما يقدر يخفيها الا انها تظهر : بس لما توصل رح نروح 
ابغى اشوفها وأتأكد بعيوني انها بخير 
واشوف ابنتها 
تخيلي ريم عندها بنت معقول تشبهها ؟؟ 
ام بدر بابتسامة : اذا طلعت تشبهها يا زينها 
سلطان بفرح : صادقه قومي جهزي نفسك حتى ما نتأخر 
**
**
**
**
**
**
**
عناد التفت لريم : وش رايك نمر للسوق تشترين 
ملابس لروعه 
ناظرت ريم روعه بحضن عناد وفهمت انه مو عاجبه 
ملابس روعه ولا عاجبه عباتها 
بس ريم ما اهتمت لنغزته لانه ما يهمها 
المظاهر ردت بحده : لا 
ولفت وجهها لجهة القزاز 
عناد ناظرها وسكت رح يتركها على راحتها 
اليوم 
اما نايف ما علق على الموضوع 
والتزم الصمت طول الطريق 
اما عناد كان يجهز كلام حتى يقوله لنايف اذا رفض
يخلي ريم ترجع معه 
انقطعت افكاره لما شاف نايف وقف باب 
بيته
ما توقع هذي الحركه 
توقع انه يرفض يرجعها له 
بس ما يدري وش غير رايه 
المهم عنده انه ريم رجعت معه 
نزل من السياره وناظر نايف : انزل يا عمي 
نايف بهدوء : مره ثانيه 
حاول فيه عناد ينزل بس رفض 
نزلت ريم بهدوء 
من السياره ووقفت جنب عناد بعد ما نزل اغراضهم 
تحرك نايف وغادر المكان 
ناظر عناد ريم وابتسم : نور البيت يا ام روعه 
طالعته ريم وما ردت 
هز راسه : تفضلي 
ريم مشيت جنبه وهو حامل بحضنه روعه 
دخلوا الصاله وتفاجئوا بالزغاريد 
ام بندر بفرح اقتربت من ريم وسلمت عليها 
وهي تتحمد لها بالسلامه 
وبعدها اخذت روعه وهي تحضن فيها 
سلمت ريم على الموجودات بهدوء 
وبعدها ناظرت كيف ملتمين حول روعه 
وكأنها كائن فضائي 
من حضن لحضن 
وروعه تبكي بخوف منهم لما شافت كلهموالشاطر يبغى يحملها 
حمدت ربها على ذي النعمه انه اهل روعه 
متقبلينها ويحبونها 
عكسها تماما 
ناظرت عناد وهو يتكلم ويسحب روعه من بينهم :: يخرب شيطانكم ارعبتوا البنت 
حشى عملتم لها فلم رعب 
وصار يهز فيها : خلاص يا بابا هالوحوش 
هم هجموا عليك 
وروعه تبكي 
بعد لحظات هدت شوي وما زالت فيها بعض الشهقات 
عناد باسها على خدها : خوفوك هالتماسيح؟؟؟ 
روعه بدلع هزت راسها وهي تفرك عيونها 
بطفوله 
ام بندر ماتت عليها اقتربت من عناد : اعطيني احملها شوي والله ما شبعت منها 
عناد ابتسم : الله يسامحك يمه هي باقيه 
اكل وما شبعتي منها 
يكفي هالضباعه خرعوها 
اسيل وهي تردح : ضبع بعينك ما اسمح لك 
عناد ناظرها وغمز لها : الحمد لله ما اصابها 
صدمه عصبيه لما شافت شعرك 
اسيل عدلت شعرها : محترررررر
عناد بدون مبالاه وهو يناول امه روعه : على وش احتر يا حظي 
يا رب لا اعترض على خلقتك 
بس روحي مشطيهم واربطيهم 
تاركيتهم مثل الفزاعه 
ام بندر بابتسامة : تعالي يا حبيبتي 
يا عمري 
روعه بدلع مدت بوزها وحضنت عنق عناد 
عناد ابتسم : اصبري بس شوي تتعود وتأخذ على الجو 
بعد الرعب للي اكلته 
زوجه مهند : اشوف الدلال لناس وناس 
وعيالنا ما اشوف حد مطلع بوجههم 
صالح حط رجل على رجل : لانهم يسدون النفس 
شوفي هالحلاوه هذي 
واشر على روعه 
رنا تتأمل بروعه : تشبهك يا عناد كثير 
رهف : لا تشبه امها 
هاجر : لا امها احلى منها بكثير 
رنا : والله تشبه عناد شوفي شعرها نفس الشعر 
وعيونها نفس العيون 
في صوره لعناد. وهو صغير نسخه عنه صح ماما ام بندر هزت راسها : صحيح تشبه عناد كثير 
زوجه بندر تطالع ريم : بس ان شاء الله ما تكون نفس 
عقله 
ريم تحس نفسها هدأت شوي اشرت بيدها : كوبي بيست
ابو بندر : لا بالله اكلنا هواء اذا طلعت نفس عقل 
ابوها 
عناد رفع حاجب : حرام عليك يبه 
مو عاجبك ؟؟ 
ابو بندر : الا نشفت ريقي 
عناد ابتسم : خلاص انسى يبه 
وكملوا جلستهم ضحك ووناسه على روعه .وكلامها 
رنا تهمس لرهف : شوفي عناد عيونه ما تنزل عن ريم 
رهف وهي تسرق النظرات لعناد وريم : شايفه 
منجن الولد اول مره اشوفه بذي السعاده بعد ما طلع من السجن 
رنا بفرح لاخوها : الله يوفقه 
بعدها رن جوال عناد ورد بهدوء 
ولما قفل الجوال ناظر ريم : اهلك جايين يسلمون عليك 
تفاجأت ريم وهمست باستغراب : اهلي 
هز عناد راسه يؤكد لها : يالله يا ام روعه 
تعالي على المجلس
وناظر اخوانه وابوه : يبغون يجلسون معها 
ابو بندر متفهم : البيت بيتهم يأخذون راحتهم 
وناظر ريم : روحي يا ابوي وسلمي على اهلك 
ناظرته ريم وقلبها يرقع بتردد تبغى تصرخ بأعلى صوت انا ما عندي اهل 
انا متبري منهم 
ما ابغاهم ولا ابغى اشوف وجههم 
يكفي للي وصلني منهم 
ما كفاهم ؟؟ 
وش يبغون مني ؟؟؟ 
اكرهم كلهم وما اطيق سيرتهم 
نفسي اطردهم مثل ما طردوني 
وجاءت الفرصه لعندي 
رح انتقم منهم 
عضت على شفتها بقهر وهي تحس الكره بداخلها تغلغل 
ورجع من جديد بعد ما سكن بداخلها 
رفعت نظرها على صوت عناد : يالله يا ريم 
هزت راسها ووقفت وطلعت معه 
وتوجهت للمجلس وعناد ماسك بيدها 
وكأنه خايف انها تضيع 
حست بشعور ما قدرت توصفه 
بعد ما صبرت ربنا عوضها بعناد من لما رجعت 
وهو شايلها على كفوف الراحه 
والخوف باين بعيونه 
حمدت ربها بداخلها 
ودخلت المجلس بهدوء وقلبها 
غصب عنها يدق بقوه 
اخذت نفس وحطت يدها على صدرها 
تقوي نفسها 
اول ما دخلت شافت 
احن انسان بأهل ابوها كان يعاملها بطيب 
ويحسسها وكأنها ابوها 
شافته يبتسم لها بحنيه وعيونه تلمع بشوق 
لها 
وبدون سابق انذار شافت نفسها 
بحضنها 
الا عمها سلطان ما تقدر تحقد عليه
حبها له فاق كل الحقد للي بداخلها
ضمها بقوه وكأنه يبغى يدخلها 
بضلوعه همس بإذنها : الحمد لله على سلامتك 
يا ابنتي 
ابعدت ريم عنه ومسحت دمعه نزلت غصب عنها 
ناظرت خلفها ما شافت 
عناد تركهم يأخذون راحتهم 
ناظرت سلطان وهمست : الله يسلمك 
ام بدر اقتربت وعيونها مليانه دموع : وانا ما تبغين تسلمين علي ؟؟؟
ريم رمت نفسها بحضنها وباستها على جبهتها 
ام بدر بصوت باكي : اشتقت لك يا ابنتي 
ريم وهي تمسح دموعها : وانا اكثر 
صقر من الخلف : عملتوا فلم هندي 
متى يوصلني الدور واسلم عالقمر 
ابتعدت ام بدر عن طريقه 
وقرب وسلم عليها سلام حار 
وقبلها على راسها : ليه متغطيه ما معنا حد غريب 
ناظرته وهزت راسها
بعدها سلمت على جدها للي دخل متأخر 
مدت يدها ببرود 
بس ما فتح لها مجال وسحبها لحضنه وسلم عليها 
بحراره 
بعدها سلمت على ابو سليمان ما تدري تحبه 
عمره ما أذاها او زعلها 
سلمت عليه بهدوء 
وبعدها على فيصل للي يناظرها ببرود 
سلمت عليه بنفس بروده 
وناظرت سلمى وابتسمت 
ما توقعت سلمى تيجي 
معهم 
سلمت عليها بحراره وكأنه دم الاخوه بينهم 
تحرك 
ناظرت للخلف 
وحست آمالها تحطمت 
تحسف انه يزورها 
ويحسسها انها ابنته لمره واحده فقط 
ما تتخيل انسان حقود مثله 
كانت حاقده على اهل ابوها بس لما شافتهم 
زال الحقد 
واستقبلتهم ولا كأنه صار شيء بينهم 
وكل تهديداتها بطردهم طارت بالهواء
لما شافت ابتسامه سلطان لها 
بس هذا هو نايف انسان حقود 
اذا حقد مستحيل يصفى وينسى 
كانت حاقده على عناد بس لما سمعت مبرراته 
وحست نبره الصدق بكلامه 
سامحته وقلبها صفا له 
تنهدت 
وابتسمت لاهلها وجلست تكلم سلطان 
وصقر وام بدر
والجد يناظرها وساكت 
وفيصل ملتزم الصمت وحست وكأنه مجبور 
ييجي 
حست بعد ما زالت النقاب عن وجهها 
نظرات متفاجئه من شكلها
ما تدري هل هي تغيرت كثير
حتى يستغربوا من شكلها 
بس هي متأكده تغيرها 
كان للاسوأ
طول الوقت سلطان وصقر وهو حاضن روعه للي ترافس ما تبغى تجلس بحضنه 
وسلمى تحاول فيها تناديها خالتو 
وروعه معنده عالاخير 
حست ريم بفرحه الشعور لما يكون عندك اهل وعزوه 
اول مره تحس فيه 
كان الجد يناظر ريم وروعه 
اقتربت روعه منه 
حملها وحطها بحضنه وصارت تحاول 
تسحب شعر لحيته الابيض : اعل « شعر »
وتناظر امها وتبتسم : ماما اعل 
للي بداخلها لهم 
قربها الجد وباسها بقوه على خدها 
وعيونه تلمع بالدموع 
روعه مدت بوزها وصارت تفرك وجهها وهي عافسه ملامحها : اودع «يوجع » 
ابتسم الجد عليها وهمس : ربي يحفظك

رجعوا اهلها وبعدها جلست شوي 
مع اهل عناد 
وطلعت هي وعناد لجناحهم 
جلست على السرير بعد ما بدلت ملابس 
روعه 
حملتها وجلست على السرير وروعه متمسكه
فيها وتناظر المكان باستغراب 
ريم مسحت على راسها وابتسمت وباستها على راسها 
دخل عناد الغرفه وابتسم وجلس قريب 
منهم 
بس تفاجئ لما صرخت روعه عليه : لوح « روح»
عناد ابتسم : انا بابا حبيبك 
روعه : لا ماما بيبي 
وتمسكت بريم 
وناظرته : لوح 
عناد اقترب منهم : ابغى انام هنا 
لما شافته اقترب منهم وقريب من ريم 
صارت تدفعه : ماما لي انا لوح « ماما لي انا روح»
عناد وهو يجاكرها : لا لي انا 
ومسك يد ريم 
روعه وهي تفك يده عن ريم وشوي وتبكي : ماما 
لي انا 
ماما سوفيه «شوفيه»
ريم ابتسمت لروعه وسحبت يدها من يد عناد وحضنت روعه : هذي دلوعتي وبس 
روعه ضحكت بطفوله ومدت له لسانها 
وتحرك راسها بشويش 
عناد حط عقله بعقلها وحط يده على كتف ريم وقربها : هذي زوجتي انا 
ريم تحاول تبعد يده : عناد لا تحط عقلك بعقلها 
روعه وهي تبعد يده وتبكي : هادي دودتي « هذي زوجتي » 
ضحك عناد وريم على تعليقها 
وناظروا بعض 
بعدها سكتت ريم يقال انها زعلانه
عناد ابتسم على حركه ريم الطفولية : اموت على الزعلان يا ناس 
مسك يد ريم بس نقز على صراخ روعه 
: لوح لوح 
صار يناظر حوله وبقهر : وبعدين معها هذي ؟؟؟ 
ابتسمت ريم : تستاهل 
عناد بتوعد : استاهل ؟؟ 
وقرصها بكتفها بخفه تأوهت ريم وضحكت وهي
تمسح مكان القرصه 
وقف عناد بضجر وبكاء روعه يصدح بالغرفه 
للي يشوفها يقول ضاربها بالجدار
زفر بضيق : طالع دقائق وارجع ألاقيها 
نايمه 
ابغى اجلس معك واسولف معك
وطلع بدون ما يسمع ردها 
وتوجه لباب الجناح وفتحه لما سمع 
طرقات على الباب 
فتحه وكانت امه للي تستفسر عن بكاء ريم 
انقهر ولو يطلع بيده ينتفها سكر الباب بعد 
ما طلعت امه وجلس بالصاله يتأملها 
بجدرانها الذهبيه 
وفتح التي في قلب شوي 
وبعد ما حس انه ما لها صوت روعه 
قرر يدخل للغرفه 
دخل الغرفه شافها متعلقه بريم 
ومغمضه عيونها 
اشر لريم وهمس بعد ما جلس : نامت
وقبل ما ترد ريم وقف على حيله 
لما سمع صفارات الانذار : لوح لوح 
عناج بقهر: انا هذي للي ابغى اذبحها 
طول النهار شايلها والحين عند النوم 
تقول انها شايفه جني 
حسبي الله على الشيطان 
الله تمر هالليله على خير 
وطلع وهو مفور من العصبيه 
وريم تضحك على شكلهم 
***
**
**
**
**
**
نزلت تحت تفطر مع اهله بعد ما لبست روعه 
وطلب منها عناد علشان يطلعون للسوق 
ويشترون لروعه اغراض جديده 
وافقت ريم لانها ما تبغى تكون روعه ناقصه 
عن غيرها 
طول الفطور وعناد ماد البوز 
ابتسمت ريم على شكله 
ورجعت تفطر روعه 
والكل يناظر روعه وفرحان فيها 
بعد الفطور 
نزلت من حضني 
ركضت لما شافت عناد : بابا 
عناد بحنق : روحي انا مو بابا 
تعلقت برجلينه تبغاه يحملها 
حملها وناظرها وقرص انفها : انا زعلان منك 
روعه هزت راسها بدون ما تفهم : ذعلان 
عناد ناظر ريم لما وقفت : يالله يا ام روعه 
نروح للسوق 
هزت ريم راسها وعدلت نقابها 
وهي تبتسم على كلام عناد للي يلوم 
روعه لانها طردته 
وهي تهز راسها مو فاهمه شيء عليه 
اخذتها ريم منه وركبت السياره 
وطول الطريق روعه ما سكتت تتكلم 
وما خلت لهم فرصه يتكلمون مع بعض 
وتكرر الكلام بطريقه تنرفز 
واغلب كلامها : بابا ثياله 
يقول لها عناد شفتها 
ترجع وتقول : بابا ثياله
عناد ابتسم لها : ايه شفتها تجنن مثلك ومثل امك ترجع تكرر بصوت عالي : بابا بابا ثياله 
كانت ريم مبتسمه عليهم 
عناد الواضح للي خلاص طق كبده 
لانها تنرفز 
ومع ذلك مو حاب يكسر بخاطرها ويمشي معها بالكلام 
وروعه مو مخليته يأخذ راحته كل ما يسأل ريم 
تكلمه روعه وتصرخ من الحماس 
ويفرك اذانه وهو يحس انها خزقت اذنه من صراخها 
وبالسوق غلبتهم تبغى تركض وتمشي على كيفها 
واذا حد حملها تصير ترافس 
تبغى تنزل 
وريم منقهره منها من بعد ما رجعوا اندلعت 
بزياده 
فقدت ريم وصرخت عليها : وبعدين معك 
ناظرتها روعه وهي تزم شفايفها تبغى تبكي 
وعيونها تنذر بنزول سيول من الدموع 
تقدم منها عناد وحملها : خلاص يا بابا 
روعه لما شافت عناد يرقع لها 
صارت تبكي وتشكي له وتأشر على ريم : آمه دلبتني «خامه ضربتني » 
عناد باسها : خلاص الحين اشتري لك حلاوه 
ريم ما تبغى روعه تندلع بزياده كلمته بقهر : لا ترقع 
لها 
عناد بدون اهتمام لكلام ريم : هذي ابنتي البكر 
ما ابغى اكسر بخاطرها 
يخسى المول اذا بغيت احرمها من طفولتها 
نزلها وابتسم لها : اركضي يا بابا
فتحت ريم عيونها بقهر : إلهي الفلم للي عملته 
روعه البارحه بالليل ترجع تعمله اليوم 
اشوف تكسر بخاطرها والا لا 
عناد ابتسم يغيزها : عادي عسل على قلبي 
يا بنت الحلال خلها تعيش طفولتها
ريم بقهر : طيب بس انت اركض خلفها 
من محل لمحل انا ما لي دخل 
يا ابو الطفوله 
وكملوا التسوق بالمناقره 

**
**
**
**
**
**
سألها عناد علشان دراستها 
وخبرته انها رح ترجع للدراسه الفصل الجاي 
حياتها ماشيه في بيت ابو بندر 
وعلاقتها بعناد حلوه مع انها ما تخلو من المناقره 
بس لها طعم جميل بوجود روعه 
للي جملتها اكثر 
جلست بالصاله عند ام بندر وحطت ريم جنبها 
وبحزم : لا تتحركين من هنا فاهمه 
روعه بتمرد ما تعودت ريم عليه : لا 
ريم بقهر من بعد ما رجعت ما تسمع كلامها 
عناد دلعها بزياده ويرقع لها 
وما عادت تسمع كلامها : روعه وقسم بالله 
ام بندر بترقيع : علامك عليها 
خلها تروح مع البزران تلعب 
انقهرت ريم مو عناد بس يرقع لها ويدلعها 
حتى اهله 
البنت فقدت السيطره عليها وناظرت ام بندر : والله يا خالتي بعدها صغيره 
والعيال يركضون اخاف ما يشوفونها 
وتوقع عن الدرج 
روعه نزلت عن الكنبه بعناد : ديس 
مسكت ريم يدها بحزم : روعه قلت لك اقعدي هنا 
روعه وهي تضرب يد ريم 
وتحاول تفلت يدها : ديس ديس 
والله لادول لبابا 
ريم : ما خربك الا ابوك 
دخل عناد على كلمتها ورفع حاجب : علامه 
ابوها مو عاجبك ؟؟ 
حاولت روعه تفلت يدها من ريم وعلى وشك تبكي 
: بابا سوفها 
عناد اقترب : ريم اتركي البنت لا تقيديها 
كذا حرام عليك 
ريم بقهر وهي تحس فقدت السيطره على ابنتها : عناد انت تخرب البنت كذا 
عناد وهو يفلت يد ريم عن يد روعه : اخربها 
والا تعقدينها 
هذي طفله لما تشوف كل البزران يلعبون 
وهي محبوسه عندك اكيد رح تتعقد 
روعه فلتت يدها من ريم وبقهر من ريم : آمه «خامه » 
ضحك عناد على شكل روعه وهي تطالع ريم 
بحقد 
ريم انقهرت من عناد : وتضحك لها ؟؟ 
جكر ما رح تطلع تلعب 
ومسكت روعه من يدها : اجلسي هنا يا ماما 
علشان اشتري لك حلاوه 
روعه وهي تفلت يدها من ريم وتبكي : اديس 
اديس 
ام بندر حزنت على روعه : خلاص يا ريم اتركيها تلعب شوي 
ريم : بس 
تركت يد روعه وتفاجأت بالشيء الرطب على وجهها 
مسحت وجهها 
وناظرت روعه مو مصدقه روعه تفلت عليها 
ناظرت عناد للي ضحك على شكل ريم وروعه 
بس عقد حواجبه 
لما شاف يد ريم رفعتها بوجه روعه 
وبعصبيه مسك يدها وابعدها : لا تضربيها ؟؟ 
ريم بقهر : علشان تتربى مره ثانيه 
عاجبيتك حركاتها 
واقف تضحك لها وتشجعها على الغلط 
عناد : انا ما شجعتها على الغلط 
بس في اسلوب مو تضربيها 
ريم بنرفزه : خلي الاسلوب لك 
وتركتهم وطلعت لجناحها 
وتوجهت للغرفه 
وهي تناظر يدها للي كانت رح تضرب فيها روعه 
تمنت يدها انكسرت ولا مدتها عليها 
الحين شعرت بشعور نايف 
لما يشوف ابنته تتفل عليه وتشتمه 
شعور ما تقدر تتحمله 
لما تشوف ابنك متمرد عليك 
شدت على قبضه يدها 
وهي تبرر لنفسها ما كانت تعرف انه ابوها 
المفروض فهمتها باسلوب ثاني مو كانت تبغى تضربها 
هي للي كانت تنتقد نايف تعمل مثله 
ما تبغى تضرب عيالها
ويحسوا نفس ما حست فيه من ضرب نايف 
مسحت دمعه نزلت على خدها 
ما تدري وش صاير فيها متضايقه 
تحس روعه تبعد عنها ومنشغله مع اهل عناد 
يمكن هذا الشيء مضايقها بعد روعه عنها 
وتمردها عليها 

**
**
**
**
**
جالسه بالصاله وتقلب بالتي في 
دخل عناد وروعه 
اول ما شافت ريم ركضت عليها وهي تضحك : ماما 
طالعتها ريم بدون نفس ولفت وجهها تطالع التي في 
حاولت روعة تناديها : ماما ماما 
ريم ما طالعتها وطنشتها 
ناظرها عناد وجلس مقابل لها 
ويناظر روعه وريم 
ريم تأنب فيها : لا تكلميني 
هجمت عليها روعه وتبوس ريم : بيبي ماما 
بيبي ماما 
ابتسمت ريم غصب عنها 
روعه ببراءه : بابا دال دول اثف ماما
ناظرت ريم عناد 
التقت نظراتهم لثواني 
وزاح كل واحد وجهه عن الثاني 
يقال زعلان 
وبنفس الوقت ضحكت ريم وعناد على حركتهم 
العفويه المتشابهة 
ناظرت عناد ما تدري وش السبب ما تقدر 
تزعل عليه وبتمثيل : لا تناظرني كذا 
عناد ابتسم : وانت لا تناظريني كذا 
ريم تمثل الضجر : لا تقلدني 
عناد : لا تقلدني 
ريم وعناد بنفس الوقت : سخيف
وانفجروا من الضحك 
تحت انظار روعه المستغربه 
ما اجمل الحياه لما تكون خاليه من الحقد 
قلوب صافيه 
واذا حقدت سرعان ما تصفو
عناد وريم من لما رجعت ريم لا تخلو حياتهم من المناقره 
وخلال لحظات يرجعون ولا كأنه صار شيء بينهم 
**
**
**
**
تحس بالفراغ عناد طلع يومين مع ربعه 
يغير جو 
لبست روعه وجهزتها علشان تنزل بعد ما قالت 
لها 
انه جدة عناد وصلت 
باست روعه على خدها ووقفت ومسكت يدها 
ونزلت تسلم على جده عناد 
نزلت عن الدرج بشويش 
وهي منتبه لروعه تخاف توقع عن الدرج 

توجهت للصاله وناظرت الحرمه كبيره 
بالسن والملفت بالنظر ما تشوف يدينها 
من الذهب 
بشرتها حنطيه
شافت اسلافها جالسين وبنات عمها وسلفاتها 
اقتربت بهدوء وسلمت عليها بهدوء 
وبعدها جلست جنب زوجه مهند 
جده عناد تناظر ريم من فوق لتحت : علامك مغطيه وجهك 
خايفه نصيبك بالعين ؟ 
هاجر تهمس لدانا : الله يكون بعون ريم الظاهر مسكتها 
ناظرتها ريم وما عجبها كلامها بس طنشت بكيفها
انقهرت جده عناد من تطنيش ريم : وين عناد 
ما اشوفه ؟؟؟ 
اسيل بلقافه : راح مع ربعه يومين 
وبهمس لرنا : هرب حتى ما يشوف خشتك 
ضحكت رنا على تعليقها 
طالعتها الجده ورافعه خشومها : تضحكين بلا اسنان تصبحين بلا آذان 
فاتحه فمك مثل مصيدة الذبان 
بلعت رنا ضحكتها قهر من جدتها 
مستحيل لازم تنكد عليهم 
جده عناد ناظرت ريم : وش اخبار ام سليمان ؟؟/
ريم رفعت حاجب : ام سليمان ؟؟ 
جده عناد بفوقيه وكأنها تكلم حشره : ما تعرفين 
امك ؟؟ 
ريم باستغراب : امي ؟؟؟ 
جده عناد : وش هالغباء هذا ؟؟؟ 
يخلف على احفادك يا ام بندر 
اذا هذي امهم 
امها مو عارفيتها 
ام بندر : يمه ريم مو بنت ام سليمان 
جده عناد : مو قلت لي انه عناد تزوج بنت ام سليمان ؟؟ 
ام بندر : انا ما قلت لك انها بنت ام سليمان 
قلت لك 
تعرفين ام سليمان قلتي لي ايه 
قلت لك تكون بنت سلفها 
جده سليمان ومصممه على رايها : لا قلتي لي بنت 
ام سليمان 
ام بندر تبرر : والله 
قاطعتها الجده : ما علينا 
مين امها ام خالد ؟؟ 
ام بندر : بنت نايف 
مدت بوزها بفوقيه : امها بنت ابو علي ؟؟؟ 
طالعتها ريم وتبغى تخنقها من كثر أسئلتها
صالح طالع ريم : روحي حيبي شجره العائلة 
والله من سنه ما تفكك بأسئلتها 
ام بندر اعطت صالح نظره وناظرت امها للي ما انتبهت على صالح وكلامه : لا يمه امها 
ساره من عائله سالم 
جده عناد لفزع وكأنه مصيبه وحلت 
فوق راسها : زوجتي عناد بنت نايف وساره ؟؟ 
ضاقت عليك البنات حتى تزوجيه هذي ؟؟ 
ناظرتهت ريم وحست بالفشيله 
قدام اسلافها 
وش فيها نقص حتى تقول كذا 
ام بندر بحرج : وش فيها البنت ما شاء الله عليها 
قاطعتها بعصبية الجده وهي توقف : ما لقيتي 
الا بنت الحرام هذي 
ام بندر بفزع : استغفري ربك يمه وش هالكلام ؟؟؟ 
جده عناد تناظر ريم : ايه وانا صادقه 
ترى امها حملت فيها وهي في بيت اهلها 
وقتها اضطر اهل سالم يزوجونها لابن عدوهم 
وسكروا على هالفضيحه 
وبعد ما ولدت طلقها ورمى البنت عليها 
للي ..
بس سكتت وحطت يدها على خدها 
من قوه الكف وناظرت بصدمه 
ريم ويدها ترجف من العصبيه : احترمي نفسك 
ترى انا ساكت لك من البدايه 
اما انك تقذفين امي وابوي 
ما اسمح لك فاهمه 
نايف وساره اشرف منك واشرف من اهلك كلهم
وعيدي كلامك هذا وشوفي وش رح يصير 
جده عناد والشياطين تنطنط فوق راسها : انا تضربيني يا ...
ريم بدون وعي مسكتها من شعرها : اخرسي 
تفهمي 
اني اشرف منك يا عجوز النار 
ام بندر صحيح امها غلطت بس 
ما ترضى تشوف امها تنضرب وهي ساكته 
تقدمت من ريم وابعدتها عن امها بعصبيه : عيب تمدين يدك على حرمه بمقام جدتك 
ريم وهي تعدل نقابها وتحس ما 
طلعت حرتها فيها : تخسى تكون بمقام جدتي
جده عناد : ليه تزعلين من الحق ؟؟ 
روحي اسألي كل ناس عرفت بذي الفضيحه 
لكن دواك عندي 
اذا ما خليت عناد يطلقك 
ما يشرفه عياله تكون امه .....
ريم بصوت عالي : والله ما يهمني لا انت ولا غيرك
جده عناد تكمل : هذا للي ناقص بنت .....
رجعت للخلف بخوف لما شافت ريم هجمت عليها 
ريم مسكتها من عند فمها : لسانك هذا اقصه اذا
جبتي سيره امي وابوي بالشينه فاهمه 
بندر عصب من ريم 
ومسكها من كتفها وابعدها عن جدته : تراك زودتيها 
تضربين جدتي 
وش هالعين القويه عندك 
ريم بتهديد رفعت يدها : انت لا تتدخل فاهم 
وهذي العجوز اذا ما حد قادر يقص 
لسانها انا اقصه لها 
ياسر بعصبية : وبعدين معك 
خلاص انقلعي على جناحك 
ريم بعصبية : قلعه تقلع وجهك 
تبغاني تطعن بعرضي واحييها 
لا 
حامض على بوزكم اكسر راسها تفهم 
ام بندر تضايقت من ريم : لما يرجع عناد 
رح اخليه يحط لك حل 
ما اسمح لك تمدين يدك على امي فاهمه 
ريم باستهزاء : يمه خوفتيني 
جده عناد بقهر ؛ خله يطلقها بنت 
وقبل ما تكمل هجمت عليها ريم 
ومسكت فكها : لا تخليني اجرم فيك 
وادفنك بمكانك 
ام بندر سحبتها عن امها : ابعدي الله يأخذك 
ريم وكأنها فقدت عقله صرخت على ام بندر : لا تلمسيني فاهمه 
اسيل مو فارقه معها جدتها بس ما تسمح حد يصرخ على امها : ريم حدك امي 
ريم تردح : خوفتيني 
مهند : ريم اطلعي على غرفتك وفكونا من المشاكل 
طنشته ريم واعطت جده عناد نظرة احتقار 
ولفت وجهها 
وطلعت من الصاله 
شافت روعه تلعب مع البزران قريب من المطبخ اخذتها وتوجهت لجناحها 
والدموع متحجره بعيونها رافضه النزول 
اخذت اغراضها كلها واغراض روعه 
وطلبت من الشغاله تساعدهة بتنزيلهم 
حملت روعه وطلعت من الجناح 
ونزلت عن الدرج بدون ما تناظر الصاله 
وقفها صوت مهند وصالح توجهوا لجهتها : يا بنت الحلال 
كبري عقلك تراها مخرفه وما تدري وش تقول 
صالح : لو نبغى نتابع كلامها كان ولا واحد فينا كلمها 
بس طنشيها 
ريم تحاول تتماسك لاخر لحظه : تبغوها تطعن بعرضي 
واسكت لها واطنش 
انتم جدتكم تتحملونها بس انا مو مجبوره اتحملها 
مهند وحس بعظم كلام جدته وانها اخطأت بحق ريم 
كثير تكلم بهدوء ؛ طيب الحين اوصلك 
ريم قاطعته ، ابغى السواق 
ومشكور ما تقصر 
وطلعت وروعه بحضنها.....

**