رواية طغيان النجوم 🔞 الفصل الثاني وثلاثون 32 - بقلم ⅃ᒍȊ 🖤مراد

# ازل مراد #

#طغيان النجوم #

شجاني او من جديد انوب حبيّت

جنت عاقل ، واكيد اوياك جنيّت

تبت توبه نصوحه امن العشك دوم

او على فيض المشاعر حرس خليّت

إقفلت كلبي قفل مرعوب وبليل

عجيبه اشلون كلي الكلبي طبيّت

للعشرين جن ارجعت وياك

او جن كبلك ولا فد يوم حبيّت
*****
على رموشك كحل ، من حزن ودموع

او على وركة خريفي افراح نديّت

ياعين التشيلك يا شمس آب

اشيلنّك جمر لو الك صديّت

فداك الراح كله ، او انذر الجاي

او عمت عينه اليكلك يوم ضحيّت

يا آخر ملاذ ابشحة الطيب

او بيت انته او فداك ايروح كل بيت
*****
تمنيتك تجي ، ابأول اللجمات

واشكد احلمت بيك او تمنيت

لو تدري فرحتي ابجيتك هاي

او لو تدري اشجبت وياك من جيت

جبت بسمه لشفافي العطشن اسنين

والف جرح ابجرح بالروح داويت

كلي اذنوب ادري ، او روحك ايمام
****

غزل....طلعنه نركض للمستشفي جان رائد ايسوق عين على الدرب  وعين على عبدالله يمسح بوجه وايصيح دخيلك ياعلي دخيلك يالله ترة موهيج امتحانك صعب ارحمني يارب ارحمني بجاه حبيبك
محمد يارررب مااريد ايصير بي شي يربي هذذذا ابني يارب ارحمني برحمتك اخخ يممه كلبي راح اينط

غزل......جان دم عبودي بلل الخاولي وطلع على ايدي صعب اوصف كلبي احس دكته اتقل اخخخ يمممه كلبي عبودي جان فاتح حلكه وسنونه طالعات وعيونه مغمضهن
اني لزمت كلبي من الوجع والبجي ماوكفت واندعي الدرب كله بس اندعي
واقرة ايات قرانيه اريد ربي يلتفت النه
ومن وصلنه للمستشفى نزلنه نركض ورائد جان بزي عسكري اجو ركض اجو عليه اخذو عبدالله مني وركضو بي واخذو للطوارئ ودكاترة ورى
دخلو لعبدالله واحنه برة واكفين نبجي عليه جان رائد لازمني واني ابجي وهوه يبجي
لحد ما من كد ماروحه شايطه كام ايروح وايرد يتحلف بأنتصار واني شفت اديه وثوبي كلهن دم رجفت ورديت ليورة كعدت بلكاع كمت ابجي بهستريا اعصابي انتهت واكول دم دم دم بصوت ناصي عندي فوبيا من الدم
هوةشافني ركض عليه كومني كعدني على الكرسي حضن جفوف اديه  كال

رائد.....اشششش لا اتخافين ماكو شي اششش اني يمج ماكو دم هاي اديه باوعي

عليه اتباوعيني عوفي اديج وخلي عينج بعيني غزززل اتسمعيني

غزل..،جنت مركزة على دم ابني بيدي وارعش من الخوف ورائد حر بيه ايسكتني جنت مااكدر اسمع اوستوعب الديصير اني جن فاصله عن العالم وابجي

رائد....شوووفي ماكو دم هاي ايدي باعي يروحي لا تبجين شوفيني اني يمج والله ماعوفج  بعد ولا اعوف عبدالله هسه يطلع مابي شي ياروحي اششش اسكتي

بطلي بجي لااتخليني احير بيج انتي عاد خليني حاير بواحد اذا اثنينكم ينهد حيلي
وعون غززززل اتسمعيني انتبهي واسندي روحج لخاطري ترة كلبي تعبان اكثر منج
كافي مااريد هاي العيون تبجي ااذاا الي خاطر عندج لج اسكتي انسي الدم  خلي عينج عليه ولاااا اتفكرين بدم ماشي بويه

غزل....جان يحجي بخوف وحب وحنيه وحاضن اديه حته ايضيع الدم وماشوفه
رفعت عيني عن اديه وخليت عيوني بعيونه وهزيت راسي بأي و هوه لزم وجهي بجفوفه اديه وكال

رائد.....اي اي هيج صيري اريدج قويه
ركزي عليه وهدي بنيتي أني يمج هسه يطلع عبدالله واخذة واخذ الجهال وانعيش اني وياج ونترك الدنيا ومابيه
لخاطرج روحي انطيه بس ابقي ةياي وقويني لتزكيني زين غزل بويه

غزل......كنت اسمع كل كلمه كاله واهز براسي عيني عليه من يحجي مايريدني
اشوف الدم يحجي وحاضن وجهي بديه
ورة دقايق طلع الدكتور هنا اني كلت عبودي هسه اتحسن او ايصيحونه ندخل انشوفه بس جان الدكتور يركض من النعاش

الدكتور.....حالته خطرة والضربه براسه قوة وكلبه وكف وردينه بلصدمه رد اشتغل

رائد.....بنفاذ صبر ،،دكتووور اشبببي ابني
اخ يمه الحكيني

دكتور.....عمليه لازم انسويله هسه العضم جاي بلمخ كله وكلبه وكف وسوينا بلصعقه الكربائيه بقت العمليه انسويه وباقي على الله وترة مااكلك ايعيش
لااايم الله بعد وانشالله خير

غزل.....ركض الدكتور ورائد جمد بمكانه

اني بلكاع ابجي ورائد صافن بغير عالم
مر وكت علينه وطلع الدكتور نزع الجفوف
وكااال مااات
هنا اني متت ويا احس كلبي وكف ويه

ضليت متهسترة بلبجي هاي يه راح عبودي راااح ثالث طفل اليه مر وقت اجه حسام اخو رائد ايحاجون رائد فاقد
راحو مشو بقوراق شهادة الوفات بسرعه لن عدهم معارف ناس معروفين وكله اتحبهم كملو واني ابجي  حاضني سجاد

كاعد بلكاع وياي رائد بغير عالم حالو ويا بس صافن مايحجي لحد مااجه حسام كاله

حسام..،رائد كملنه كملنه كلشي هسه صار ووقت نستلم ابنك هسه راح اروح اجيبه

غزل...هنا أنتبه رائد لحسام

رائد....اننني اجيبه ممنوع احدد ايشيله غيري

غزل.....هنا اني ضليت بس ابجي وبحضن سجاد ورائد راح واجه شايل ابنه بثنين اديه بدون وعي يمشي واخوته يمشون ويا خاف يختل توزانه
ويوكع وكف يمي ومد ايده اليه اني جلبت بيدة كالي

رائد.....كومي ودعي ابنج وشمي لاخر مرة

غزل....جان رائد يحجي بكل برود صافن حته عيونه مايرمشن اني حضنته لعبودي وابجي بكل حركه حضنت عبدالله هوه بيد رائد وكمت ابجي بحركه كلب ام بهاي اللحضه حسيت ايد حاوطتني جانت ايد رائد كمت اصييح اريد ابني يانااااااس اريد ابني ليش محد ايحس بيه رررائد ابنه اشبي لييشش نايم ليش بعد عن رائد
وخليت اديه على وجهي وكمت اصيح ليييششش يمممه خلفتيني ليا عذاب ليا قهر رررربي بعد شتشوفني اه يمه وج يووووم ليش من دريتي بيه بنيه ماموتيني ولاااا  هذا كله جرني سجاد وسكتني طبعا كله جايه بس من كثر القهر ماكدرت اشوف لو استوعب الديصير
رحنه طلعنه من المستشفى صعد حسام وخالتي ام رائد يمه ورائد واكف اشرلي بيدة اجي يمه واني رحت ركضت عليه لفني بيده وصعدنه كعدنه ورة ومشينه وباقيه عمي وسجاد وعباس وسام اخو رائد بسيارة لاخ حسام يسوق جان يباوع عليه جيف كاعده يم رائد ومخليه راسي على الجامه وابجي ورائد جان ساكد وعينه على الدرب ولانزلت ولا دمعه
لتفت عليه سحب راسي لحضنه حيل بحيث ايريد ايطببني بضلوعه واني كمت
ابجي على صدرة واضرب بي وماعندي كلمه غير اريد ابني ورائد بحضنه ابنه كلسي ايدنك على ابنة يبوسه ويشمه
واني ابجي ورائد ساكت لحد ماصولنه لوادي كربلاء المقدسه ارض الامامين ارض البيه صارت دماء الحسين صحت بصبر زينب صبرونه بجاهكم يااهل النبوة
وصلنه للمغيسل طب هوه ماقبل احد غيرة يغسله اني بقيت بلسيارة وخالتي
اكثر لحضه يأس اني حسيت بيه بهلحضه
اكثر وقت صعب مر عليه هوه هذا

.....في المغتسل.....

حسام....خويه اني اعينك

رائد....ابنننني محد ايلمسه وخررررووو

حسام...انطاني القميص وضل بلفانيله نص ردن شال عبودي وخلا على الصبه وخلانه انجيسه واحنه واكفين انباوع عليه وحته ابوي اتخبل ايريد ويا ايعينه ماقبل ولزم رائد ويه كل كبه ماي ينزل راسه وايشمه وايبوسه كل مكان باسه ماخله واحنه كلنه الواكفين بجينه على المنضر جان يموت
ورجع ايصب الماي على راسه ويدنج عليه وايكول ااااااخخ يمه ياريتك ترجع بوووويه ليشش عفتني
،ضل رائد يحضن بي وايبوس بي لحد ماكمله نام فوكا يبوس ويحضن بي كوة جرينه رائد من فوكا ايريد الدفان ايجفنه

ايكمله  هم رد شاله وباسه هنا اختل توازن رائد راد يوكع ركضنه عليه لزمنا وكعدنا
وبيده عبدالله كوة وبلموت اخذنا جفنا
وطلع شايله

غزل.....طلع خيال رائد مو رائد احس بمشيته ماجن يمشي على كاع لااا جنه
يمشي على النار عيونه حمر  وشايل عبد الله اجه صعد بلسيارة صعدت ويا طلعنه للمقبرة ومن وصلنه هنا رائد انهد حيله اجه علي اخوو
فتحله الباب كله

علي اخو رائد.....يالله بويه انطيني ابنك
خل انروح اندفنه لووو اتنزله انته بيدك

رائد....بصياح،،،ااااااااااااااخ بويه وليدي

مااااات

غزل.....انهد حيله لرائد وكام ايصيح بعلو حته ضمه لصدرة رائد ويبجي واحنه نبجي ويااا اجو اخوته يردون ياخذو مايقبل بس ايجرو منه مايقبل لا يقبل ينطي ولا يقبل يندفن وكام ايصيح

رائد.....ابني مااريد ادفنه ابنيي ماانطي

وللللك علي مااكدر انطكيا اشووو تقبله ادفن روح كلبي لك طلفل بعده ازغير والكاع باردة عليه شنووو اتريد اواري بلتراب اشووون الكبر اضلم وعبودي ايخاف لككك علي والله يخاف اشون اعوفه

غزل....جانت حالت رائد صعبه وتصعب على الكافر من الصايح والبجي ولازم عبدالله وميقبل ينطي بهلحضه كميه الحزن والتعب الحسيت بيه اكبر من الوصف بهوااااي اني شابكته وابوس واشم بي ورائد مخلي راسه فوكانه
كمت اصيح واضرب برائد اتهسرت اجه
علي وخرني كوة واخوته وابو كوة جرو الطفل من بين اديه وراحو احسبو رائد كام يركض بس مو ركض لااا مشي كوة يمشي ويوكع ايريد بس يوصل الهم راح ايدفنو كام ايشيل اتراب وايذب على راسه وهدومه كهلن مي غدة كله طين عباس لازمه ويبجي وواني مخلت روحي على ابني ايدفنوو كدامي بلكاع اريد اروحله
سجاد لزمني عم البجي علينه رائد فقد وكعد بلكاع يصيح ويدفر التراب برجليه
ونام نيوم بلكاع وارة روحه موراء عباس علي وابو سجاد اتخبلوو عليه بلكوة ياله كدرو ايشيلونه وانوب شاف عبدالله ينزلو بلكبر ملخ روحه اتملخ لمن فقد
بديهم وشالوو ودو للسيارة واني هم ويا فاقد يمي كعد احبو صار نص ضهرة على
صدري وبحضني حضنته حيل وكمت ابجي على حاله وحال ابني الماتهنيت بي ولا شاف شي من الدنيا
هستوة سنتين بيوم عيد ميلاده صااار بقبرة بقيت ابجي ورائد بحضني وامسح التراب من عله وجه واجو جابوله مي غسلو وجه صحه بس شنو تعبان ومايحجي وكام يبجي دهن راسه بصدري
ويبجي سكته واني ابجي ويااا واجو صعدو ومشت بينه السيارة بخيبه امل جبيرة ردينه والحزن البينه يهد جبال
اني ورائد بندنه وتمشي بينه السيارة
جانت الجامه مفتوحه ويضرب الهوه بوجهي واحس دموعي من الهوة يبردن
بدة وقت الغروب وصلنه للبيت فتحلي سجاد الباب اريد انزل رائد مجلب بعباتي نزل من الجه النزلت منه مجلب بعباتي مثل الطفل مجلب بأمه من مشيت اني
هوه مجلب بيه ومااحسه لن وكع اجه اخوته شالو ومجلب بيدي ماهدهه ابد
واني حاضنه سجاد هم كوه امشي
دخلنا للبيت خلو على القنفه جرني من ايدي ونام على رجلي ويبجي اجو اخوته وخاته اجت اخته ام عبير الجبيرة ركضت عليه حضنته وكامت تبجي على حاله بس هوه صاح وجان ايسكتن

هوه بقه بحضي والكل ايباوع علينه واني استحي مااكدر الكل صافن اجه اخو اياد
وعلي شالو اشيول للحمام غسللوله وبدلوله واخذو للصاله واني اجتني اخته ام عبير واخته ام كرار اخذني بلحمام الفوك غسللي وبدللي ملابس منهن لبست وطلعت رحت بلصاله شافني مدلي ايده
واني هم انطيته ايدي بس استحي من اخوتي واخوته هم بس هوه عادي عدهه

بلحضته نسه العالم كله كعدت يمه رجع خله راسه على رجلي سحب ايدي خلاله عيونه ونام علي جان كاعد مقابيلي ويتبسم  على منضر اخو ضارب العالم جلاق..ثكل راس رائد عرفته غفه ردت علي عدل كعدة وكال

علي....ااي غزل هسه مرتاحه اتكدرين تحجين الصار واذا تعبانه خلص خليه على باجر

غزل....جان يحاجين علي اشو رائد حجه
اضنه ماجان نايم

رائد.....علي غزل تعبانه واني تعبان خليه
غير يوم

غزل......لاااا  اكدر احجي كلشي اني ما تعبانه اشو رائد جر ايدي حيل وغطه وجه
احسبو نص زندي بوجه وماهدني وانوب اخوتي كبالي اشكد عيب بدة يسالني علي

وفتح تسجيل ايسجل الاكوله حجيت كلشي لعلي احجي وابجي باوع على رائد
صدرة يصعد وينزل عرفته ديبجي عمي اشر لعلي يسكت علي نهه التسجيل
واتصل بمركز الشرطه يرحون لبيت رائد
تصل على علاء راحو ايجيبو مفرزة

وطبعا علاء ومؤيد اخوته من عرفو موته
عبدالله لازميه كتل بلحزام ودفرات مطلعين حركتم بيه

راحو الشرطه ماخذين انتصار من بيت رائد للمركز سحل ورة اشويه اجه علاء ومؤيد ركضوو عليه وحضنو وكاموو يبجون  وهوه هم بيجه بحضنهم ورة اشويه سكتم علي لن رائد حيل تعب

اخوتي يردون يرحون اني جلبت بيهم
ورائد ماقبل جلب بيه عاد عباس وسجاد ماحجو قبلو ابقه يمه لان بيت خالتي مو غربه عني راحوو اخوتي ورة اشويه
كالت ام عبير  لرائد

ام عبير.....كوم خويه نام عدلنالك غرفه امي كوم نام وارتاح بيه

غزل....هز راسه بأي وكام جرني ويا
اني متت من الخجل احس الحرورة صارت بوجهي اباوع لرائد ابد مو صاحي

ضارب فيوز عنده باوعت لخالتي اشرتلي
بيدهه عود اروح ويا محد حجه كالت

ام رائد.....روحي يمه لا تستحين

غزل.....هذا الحجي كله وهوه يسحل بيه ولا مهتم وعلي اخو هز بيدة وضحك يدري بي ايحبني من زمان رحنه دخلنه للغرفه ام عبير وام كرار موجودات خالتي هم وعلي كلهم بلغرفه وهوه جرني كعدرت على جربايه ونام وخله راسه وبحضني وانطاهم ضهرة واني متتت من الخجل
باوع لعلي يضحك وايهز براسه وام عبير وام كرار ايضحكن واني غطيت بكاعي وانوب جر ايدي وطبكه ويه ايدي وخلاهه على صدرة ونام والربع كله طلعت تضحك
واني بخزي خلاني هههههه المشكله اني شايله راسي واتفرج ويتفرجون عليه

المهم طلعو منا وسدو الباب وهوه سحب نفس طويل وعدل نومته نام على ضهرة وكام ايباوع عليه واني اتلفت واشرد من عيونه باوعلي وكال

رائد....خلي عيونج بعيوني لاااا اتشردين
مني اني بعد ماعوفج ولااا اتركج واروح
ابد لو اخررر نفس بيه ماعيفج ابد ااابقي

يمي دوم لاااا اتعوفيني

غزل....شال ايدي باسه وخلاله على صدرة

وغمض عيونه اني مااعرف شرد واكوله

هزيت راسي بأي وكتله نام وارتاح اني يمك ماتركك ابد نااام واررتاح

هوه غمض عيونه واسمع صوت انفاسه منتضمه ورة اشويه راسه ثكل عرفته نام
بقيت اني العب بشعرة واباوع عليه ذب نفسه خطيه ونااام اني ارتجيت على صدر الجربايه اريح ضهري وشلت راسي واباوع
على السكف لحد ما دخلت ام عبير

ام عبير....ها يمه اشون صرتو

غزل....زينين  خاله الحمدالله ورائد نام
وهسه اني اروح اطلع انام

ام عبير.....وين طلعين وهوه محاوط رجليج واديج نامي يمه لاا تستحين
هوه اول وتالي انتي اله وهوه الج صدكي يا يمه

غزل....اني دنجت استحيت وماحجيت شي وهيه بتسمت بوجهي

ام عبير ....اروح فدوة لهل الخجل هذا
نامي يمه خل انغدل نومته وانتي نامي يمه عدل

غزل....لا لا لا خاله اني مرتاحه هيج
خلي هوه كوة نام خاااله خلي والله اني مرتاحه

ام عبير....خووش براحتج يمه واني والبنات يمج اشتحتاجين صيحيلنه

غزل....اي اي خاله مشكورة

ام عبير....الشكر الله يايمه نامي بنيتي

رائد.....ام عبير كافي رحمه لهلج خل انام

ام عبير......يااااا صخاااام كاعد نام يروح اختك نوم الهنا

غزل......طلعت ام عبير وهوه رجع جرني لحضنه وعدل نومته ونيمني يمه اله اني قطرة دم ماضلت بيه وهوه عادي عده الاخ ماخذ راحته

لهنا واختم البارت اتمنه عجبكم
مع تحياتي ازل مراد
وترة الحجي بيناتنه تصويت قيل

ولا اتكولن قصير ٢٢٠٦كلمه بلعباس
اسحله التحجي 😂😂😂😂غلسو ترة ماسحلكم جذب واعذروني لن مارديت على التعليقات هسه اتكولون اتكبرت لاااا والله بس ما الحك ورايكم بلبارت واذا صار ١٠٠ مشاهدة راح تجي غزل ويانه ابارت نحتفل بي وتسولفن وياهه لن هيه موجودة وياكم بس اليوم اليوم اسحله واريد اشوف منو يطلع وراهه 😂😂اليطلع وراههه ترة مااسويله شي عادي
😂😂😂قابل شسوي اذا اتعارك اني الانسحل خليني هيج احسن ترة حته القلم
لكفوو مني ولسه ماجابو واطريت اشتري قلم من مصروفي طلعت من الدخل واشتريت بله هسه اني شمحصله منهم

وترة بارت بله مراجعه غلسو اذا سحكت

وبااااااااااي 😘