رواية طغيان النجوم 🔞 الفصل الرابع عشر 14 - بقلم ⅃ᒍȊ 🖤مراد

#ازل مراد#

#طغيان النجوم#

صورتك
محفورة بين جفوني
وهي نور عيوني
عيناك ..... تنادي لعيناي
يداك ..... تحتضن يداي
همساتك .. تطرب أُذناي

يا حبيبي
أيعقل أن تفرقنا المسافات
وتجمعنا الآهات
يا من ملكت قلبي ومُهجتي
يا من عشقتك وملكت دنيتي

---------------------------
لاتنسو التصويت

قراءة ممتعه---

عباس...هيه من يوم يومه تخجل وتستحي

غزل....وصلنه لبيت خال ابوي
ردت انزل

رائد....غزل

غزل.....ها ا ا ا

رائد....تنزلين ويه امي تمشين ويه امي راسج ممنوع ترفعي والله اذا شفتج رافعه راسج اله اكسرلجيا افتهمتي

غزل.....رائد ايرزلني رزاله بأدبيه واني من الخوف ساكته كوة مصطيرة على روحي
بلعت ريكي وكتله ااااي ححنزل وامششي
ووييه خاالتي ،طبعا خالتي ام رائد هيه اخت امي ورائد ابن خالتي ، نزلت مشيت ويه خالتي وطبينه صارت الهوسه والهلاهل والركص اني نزعت العبايه والشال وشعري جنت لافته أنفل وصار
على طول ضهري الكل صفنت عليه
المهم رحت كعدت يم خالتي ام رائد ولا تحركت بس اصفك وابتسم  الكل ركص
هلهلن واني ماكمت من يم خاله الكل اتشوفني يتخبل حته خطبوني هيه تضحك وتكول

ام رائد....ههههه يعمي استروو علينه ترة مرة متزوجه ورجله ضابط واكف برة لو يسمع يتخبل تررة

غزل....من حجت هيج خالتي طفرت مصدومه من كلامه الكالته شنو ضابط متزوجه شنووو برة رجله ضليت صافنه
وضجت منه حيل وطلعت رحت يم الدرج
اباوع على الحنه والنسوان اشون مكيفات ويركصن المهم ضليت كاعده لمن خلصت الحنه صاحو علينه طلعت ركض بس شنوو مااعرف اشصار بيه اختنكت حيلل
ما اعرف ليش احس وجهي صارت بي حرورة امشي بس راسي ما مصيطرة عليه
دايخه وصلت للباب لزمته حسيت مثل طنين بأذني اليحاجيني ما اسمع
عيوني كامت اتغوش اباوع رائد اجه عليه
يمشي والناس ملتمه هوه يحجي بحركه
واعصاب وايعض بصبعه ويسب بيه بس اني ما اكدر ارد عليه لحد ماوكعت وبعد ماادري بروحي .

رائد....ماتوب من طلعته خرب بيومج طالعه بنص العالم اعض بصبعي متنرد كامشه الباب واكفه غزززل طبي صخام بوجهج طبي اشرله وماكوو بت نعال طبي
وماكوو رحتله ركض اشو هاي طاحت بلكاع شلته لفيته بلعبايه وعدل للمستشفى
تلاحكتله للطوارئ وخابرني عباس وكتله عليه ورة اشويه اجوو طبوو ايركضون
عباس وحسين وزينب واني طبيت يمه والدكتور جان يفحصه

غزل....فتحت عيوني اني بلمستشفى وزينب وحسين وعباس فوك راسي اول ماصارت عيني على رائد جان واكف يم يرجف وخايف عيونه مليانه خوف يسال الدكتور

رائد....دكتور شبيه ليش هيج اغمه عليه

دكتور.....ماكو شي ضغط شكل عده وعدهه خفقان بلقلب

رائد....وهسه اشونه

دكتور....هسه صارت احسن بس ديرو بالكم عليه شكل عدهه الضغط ولازم متضوج ولاتنقهر

غزل.....راح الدكتور ورائد اخذ الراجيته
وطلع واني عيني ورى تمشي واسال روحي واكول ليش هيج خايف لحد ما طلع درت وجهي لزينب وحسين وعباس
شكلهم كلش خايفين عليه

عباس.....بويه غزوله الحمد لله على السلامه

غزل....الله ايسلمك

حسين.....شمالج اتخربطتي ضل بالي عليج اريدج دومج سالمه بنيتي

غزل.....الله يسلمك خويه

زينب....مامه شجاج روحج خلصانه
الحمد لله على السلامه مامه

غزل....الله يسلمج .ورة اشويه اجه رائد وبيده علاكه مالت العلاج

رائد....اشون صرتي

غزل.....تمام الحمدالله

رائد...هذا العلاج ومابيج غير العافيه انشالله

غزل...الله ايسلمك اتحمدلي وكعد يمي وجانت عيونه بيهن خوف موطبيعي ايضل يباوعلي كله خوف ورجفه بس من ينتبه على اخوتي باوعوله يدور وجه .

غزل...اتحمدولي بسلامه ورة ساعه ونص طلعني حسين من ردهه كلسى رائد  ايباوع عليه بخوف ويرد يلتفت ونمشي وصلنه لباب مستشفى دك تلفون رائد

رائد....الووو /هاااا/هسه/متخربطه/جاي جاي/عباس اني رايح للمستشفى مرتي متخربطه هذا العلاج مكتوب على كل دوة ياوكت تاخذة وديرو بالكم عليه .يله اودعناكم

عباس....الله وياك وانشالله اتصير زينه مرتك

غزل.....جانت نضرات رائد وتصرفاته مبينه كلش جان خايف عليه اول مرة اشوف واحد خايف عليه بهاي درجه وعلم عباس على دواي وسلم وطلع اخذني عباس وحسين وزينب ورحنه
للبيت ومقبل احد يخابر على امد لن حيل متعلق بيه
وبس ايكولوله يتخبل وياخذني وانحرم من العرس كال خلوهه سكته محد كاله واني مخنوكه وتعبانه رجعوني للبيت وداني عباس صعدني بلغرغه واشويه واتصل برائد

عباس....هاا خويه بشرر اشون صارت

رائد....والله خويه حالته خطرة وومواته

عباس.....اوووووف استغفر الله خويه خلي عينك بعين الله خويه اذا تحتاج شي كوول

رائد....بقهر/لا يخوي هيه هم تعبت شسوي اكثر من السويتلهيااا /غزل لعد اشون صارت

عباس.....زينه هاي هم قهرر ثاني هلكدوته وشكل عدهه الضغط

رائد.....عباس بداعت خوتنه دير بالك عليه
لضوج لا تقهروهه ترة ترفه مو حمل المرض بسرعه تطيح بيه وخل تشرب الدوة امانه بوكته وتاكل زين ابروح امك عينك عليه

عباس...اوووف انته بياحال خويه غزل زينه خليك بمرتك المخطرة اوووف استغفر الله العظيم انشالله اتصير زينه

رائد....انشالله يله خويه مع السلامه

عباس....الله وياك

غزل....هااا بشر اشون صارت

عباس....زينه مالج شغل بويه انتي هم مريضه خل اغطيج ونامي لن تعبتي حيل

غزل....غطاني عباس رأسن نمت وماصحيت غير بلتسعه الصبح عيني كمت طلعت اني وكفشتي الكل مخبوص  رحت للمطبخ الم بكرفشي رفعت عيوني شفت رائد باوعلي بنضرة مااعرفه بنضرة مااعرف افسرهه ضل صافن عليه واني ارتبكت ورجعت ليورة فز انتبه لنفسه و دنج  وصاح بصوت عالي

رائد.....ززززينب يمعووده فضيه ووين الصوواني بسسسسرعه

زينب.....اااااي يمعووود شجاك مستعجل
هاي مو اخوتك وياك شبيك بس انته خابصنه

غزل....زينب تحجي عليه هوه ماحجه بس ضاج جر الصواني منه وراح وجان لابس دشداشه وغترة ولابس الخزام مال السلاح على خصرة وجان كلش هيبه بيهن وحلوو وانيق طالع من اشوفه يشتغل  بلمطبخ متكول هذا ضابط وخبصه لا عادي عده يشتغل بيده ويطبخ  حيل متواضع المهم
رحت غسلت وبدلت ورحت للمطبخ لكيت كيمر عرب وصمون على ميز الاكل كعدت على كرسي مديت ايدي سويت لفه  وزينب صبتلي جاي بلكوب استوني اريد
اشرب من الجاي ما احس اله وانجر من ايدي وتخله كدامي كلاص شربت انداريت
انداريت شفت رائد بيدة كوب الجاي مالتي يشرب بي ويباوع عليه اشرلي بعيونه وحواجبه وكال

رائد.....اشربي بويه لاااا تصفنين

غزل....اخذ جاي شربه واني دنخجت خجل هزيت راسي بأي وخذت لفتي اكلته وشربت الشربت كملت ورحت اشتغل ويه زينب ماقبلت جرتني كعدتني يم خالتي ام رائد وهيه كيفت بيه جرتني وتبوس بيه

ام رائد.....هلا هلا بيعد طوولي اشونج يمه
اشون ضرتي

غزل....زينه الحمدالله

ام رائد....يستاهل الحمد

غزل....اي والله خاله ونعم بالله،  كاعدين انسولف اني وخاله بلهول ومااشوف لن بتسام طبت جايبه اخوهه وامه طبت سلمت على الكل بس عليه ماسلمت وراحت لغرفته ورة ساعه طلعت من غرفته واجت كعدت كبالي وحاطه رجل على رجل وتهز بيه و تخزرني وبعدين سعاد كالت لبتسام

سعاد...اكوول بتسام مو جن الكعده متروسه مطلقات وعارات

بتسام.....هههههه اي عارات وامهات رجوله
ويوميه يبدلن رجل

غزل...تقصدني اني اني دنجت كمت ابجي وبعدين الكل كب بيه غلط وصياح والمن تقصد بكاعدين بلعارات والمطلقات

سعاد.....اني ماكلت شي ماقصدت احد

غزل.....كمت اله كمت اصيح صوت شبه عالي هيه مااا تقصد احد من الكاعدين غيري قصدني بكلامهز وهنه من حجن جمعن الكل وياي هيه قصدهه اني العار ومطلقه وام رجوله بتسااام لنتي ماصارلج
ساعه من اجيتي تهدي خيتي وذكري الله لا تنسحلين بلشارع كدام الناس ذكري الله
واكعدي ترة عيب هذا الحجي وانتي سعاد
فدوحدة متستحي وماعدج ذرايه خجل
متكولين هاي اختي الاحجي عليه ينحسب عليه ،ودرت وجهي وطلعت من يمهن رحت للغرغه انجلطت ماطلعت  منا للغدة صاحولي جايه حماتي وحامد كمت عدلت شكلي وبدلت ونزلت جوة سلمت على حماتي ام فهد وهيه خطيه اخذتني بلأحضان ورة اشويه وصااح سجاد

سجاد....غزززل اجه ابو حازم يريدج

غزل...جنت كاعده يم ام رائد وام فهد كمت عدلت روحي مرتين وعدلت شالي وام رائد وام فهد  ايضحكن عليه

ام فهد....هههه الحلو حلو لو يصحه من النوم والموحلو لو يسبح كل يوم

غزل......هههههههه لا خاله اعدل شالي خاف احد غريب برة

ام فهد....اااي عفيه بنيتي الله يستر عليج

غزل....شكرا خاله وبعدين طلعت شفته رائد واكف ويخزر بيه ماعاجبه الوضع
حضرت الضابط هههههه عبرت من يمه
واني مدنكه سلمت على حامد وحامد عادي جرني وباسني وحضني كدام الكل

حامد....هلا هلا بشمعه بيتي هله بويه
اويلي وعلي هسه ردتلي روحي من شفتج

غزل....من سوة هيج حامد كدام الكل اني هنا قطرة دم ما ضلت بيه من الخجل و
اباوع على حضرت الضابط رائد خازرني وعيونه حمر حته دمارات البكصته مبينه
من الحركه والعصبيه واني من شفت هيج
طفرت صفرة وطبيت اركض ههههه بس التراب مثعول ورايه هههه سوة بيه خوفه

ورة اشويه صبينه غده للعالم وغديناهم
وكفينه شغلنه بس اني كاعده ماقبلت زينب اكوم اشتغل وبعدين زلت لسانه كالت سيادة الضابط منبه عليه ما اشتغل

وروة اشويه طب سيادة الضابط شايل بيدة ماعون فرفوري
خلا كدامي واني صافنه  وهوه مدنك ويحجي ويأشر بحواجبه 

رائد.....يللله بوويه اكلي هذا الاكل كله ماريد شي يبقه  هاااا من هسه اكلج ممنوع اتكولين كملت لا اموتج اهنا

غزل....دايحجي وياي ودك تلفونه وكل هذا واني صافنه اشويه وتغيرت ملامحه ومسح وجه

رائد....   جاي جاي بطريق روحو كدامي

غزل....يحجي ومسح وجه الضاهر مرته ماخذيه للمستشفى كدامه سد التلفون وباوعلي وكال

رائد....انتي كلبج طيب وحنينه وفقيرة وعمرج ما اذيتي واحد نيتج صافيه اريدج تدعين ام هدى الله ايشافيه لخاطر بناته
ازغار

غزل....يحجي وعيونه مليانه تعب وقهر  من حجه كسر كلبي
عليه وعلى كلامه كتله ان شالله ادعيله من كل كلبي ايشافيه لخاطرك ولخاطر بناتك هوه هز راسه ومشه يركض طلع اباوع عليه حته ما حجه ويه اي واحد
بقيت كاعده بمكاني على ميز الطعام وادعي من كل كلبي حته بجيت عليه
وادعيله الدعوة تطلع من كلبي الله ايكومه بسلامه لخاطرة ولخاطر بناته هيه هم تعبت من المرض وكاضيته بلمستشفيات
عمرهه كله كضه هيجي دنكت بلماعون
شفته تارسه اكل ولحم عليه شفته وضحكت على كلامه وتهديده اليه  حتي اكل
وفعلان اكلته كله واني مرتاحه  وحسيت نفسي شبعت وبعد ما اشتهي ومنا لباجر ما اكل ههههه كملت شلت الماعون حطيته على السنك ورحت صبيت جاي دااشرب وجان تجي ام رائد .....

ازل مراد

اتمنه عجبكم البارت
وتابعوني بلبارتات الجايه هواي احداث حتعجبكم ولا تنسون التصويت
والتعليقاتكم الحلوة كله اقراهه وافرح بيه واتحمس للكتابه بتشجيعكم
واني اكلكم احبكم هووووواي من كل كلبي

وباااااااااااي