رواية طغيان النجوم 🔞 الفصل السادس عشر 16 - بقلم ⅃ᒍȊ 🖤مراد

#ازل مراد#

#طغيان النجوم #

هذا البارت بس لرائد...

حبايب اشونكم

اتمنه يعجبكم البارت

قرائه ممتعه....

اخذناهه اني وامي وطلعت حامل،...

رائد....رجعت للبيت بين الفرحان والخايف من الراح اتسوي زهراء طبيت للغرفه لكيته نايمه ومتغطايه رحت ذبيت جنطتي بلغرفه وطلعت اهدوم من الكنتور
وكبل للحمام زينت لحيتي سبحت وطلعت
من الحمام لبست تراك وطلعت يم امي
صبتلي غدة اتغديت وكملت امي حجت

ام رائد....اكلك اوليدي

رائد....كولي

ام رائد....ترة زهراء اتغيرت وندمانه وحته نهار كله تبجي عليك واتريدك ترجع للبيت
ترة والله اتعذبت بعدك صارت زينه وتشتغل وحته الزغير قبل الجبير تحترمه
وطلعه كامت متطلع

رائد....يمممه سدي السالفه لخاطر الله
ترة نفسي لعبانه منه حيل

ام رائد.....رائد اشبيك ترة هلسوالف اتصير بين المتزوجين عادي

رائد....اكول سوالف عن سوالف تختلف يمه

ام رائد.....يعني اشتقصد

رائد....يمه رحمه لهلج سدي السالفه،واحجي بكلبي السوته بت اختج ميتسولف ،ورة اشويه طبت زهراء للمطبخ

زهراء.....هله هله برائد اشونك

رائد....لا رد درت وجهي عنه

زهراء.....عفيه رائد لادور وجهك بس باوعلي حاجيني سامحني والله ما عيدهه
الله ايخليك

ام رائد.....اوليدي سامحه لخاطري

رائد....احجي بكلبي،خل اسامحه اطمطم شغله حبايه الماخذته شنكول واذا اهلي درو

زهراء....هااا عفيه باوعلي حاجيني بداعت البطني

رائد.....روحي هاي هيه

زهراء....سامحتني

رائد....اي موكنالج هاي هيه انسي،رحت للغرفه اريد انام حال عليه التعب طبيت لحكتني زهراء

زهراء....حبيبي مشتاقتلك صددك سامحتني

رائد....اتشبك بيه وتبوسني باستني من ايدي واني صدك من لمسته اشمأز على السوته اخر مرة جرحت رجولتي
نفضت ايدي منه كتله وخري ورحت للجربايه نمت جان تلحكني واتريد تنام يمي كلته اسمعي زين

زهراء....كوول

رائد....منا وغاد انتي بجه واني بجه لا تدنيلي ولا ادنالج ولا حته اتفكرين تجين يمي لج انتي بلوة وما استحيتي من لكيتي روحج يمي وكمتي اتهوسين ما خجلتي مو رجلج اني عبالك صاحبج وغلطان وياج جان استحيتي على سوايتج وتردين اسامحج وانوب البلوة
بالعه حبايه تكبسل تدرين اني سكتت ليش  ترة مو لخاطر عيونج لااااا لخاطر ابوج رجال فقير وميستاهل واله بقت عليه اسوي بيج سوايه متسولف اله اخليج تتندمين على السوايه السويتيه
والاذيه الاذيتينياهه

زهراء...حباب والله ندمانه فدوة سامحني
وادري بروحي غلطانه بس والله ما ادري بيه هاي حبوب مو زينه ماادري ضحكن عليه

رائد....وهذا هوه الفراش بعد ميجمعنه افتهمتي كلمن بجه اينام واذا فكرتي ولو تفكير بصيط اتسوين شي بلطفل مقابيله انتي افتهمتي

زهراء......اني بس ردت حبايه مالت راس وانطني هاي الحبايه صديقتي كالت هاي خوش حب مال راس ونوعيه كلش زينه واخذته اني وشربته كمت احس روحي مثل الدايخه وانوب انطني شربت من شربته حسيته مو طعم شربت ماادري شنو وبعدين كمت اتخيلك  وارغبلك كل رغبتي الك وتحضرت الك ومن اجيت صار الي صاار ومن صحيت انصدمت من شفتك يمي بس والله ما اعرف ليش هيج سويت سامحني نطيني ايدك ابوسه لخاطر لبطني سامحني والله شتريد مني اسوي اشتامر اني حاضرة بس سامحني ونرجع مثل المتزوجين

رائد....بصراحه فرحت بكلبي من اتغيرت لن اني احبه بس ما ارحمه واريحه بسهوله خل تولي ابيع ثكل عليه واعاقبه وضليت اشهر ما احاجيه وهيه جانت بكل الطرق اتحاول بس اني مااريد اسامحه هوواي جرحت رجولتي بسوايته بس ماعفته
ضليت ادرايه وعلاجه انطيهيا وحته اجت ايام من ثكل حمله اني اغسلله وداريته مثل المي البصينيه لحد ما ولدت
ردت علاقتي ويه  زهراء احسن من قبل وسامحته وحبي اله ايزيد وكلشي ردت بحياتي طبيعي بس مادامت الفرحه  ورة جم شهر ردت عوجت انكلبت واتخبلت
ردت طلعاته كثرن ولسانه صااار زفر وبناتي شامرتهن على امي مادايرة بال الهن اشلبسن شكلن متدري بيهن لو من اروح التحق تشمر جهاله على امي وتبات يم اهله يوم يومين ياله ترجع واني حيلل زهكت وياهه وكمت احجي على امي على البلاء اللفته اليه يعني والله مليت لعبت نفسي كرهتني بلزواج وبيوم من الايام
راقبت وين اتولي ويه يا بنات والشله مالته عرفت البنات وعرفت انو ينطنه حبوب كبسله وراي وعرفت منو وراهن
اكو بنيه كتلت روحه عليه وماتزوجته هيه نفسه الي دزت ذني البنات عليه وعار
اتريدهه تطلك مني لو اكتله اني جانت ضحيه بين اديه البنيه سحلته وذبيته بلسجن وحته الدزتهن هم وزهراء سحلته للبيت بس الي فاجأني وكعت بين اديه
وركضنه بيه للمستشفى طلع بيه الماتوقعته استغفر الله طلع بيه صرطان بلثدي اثر الاحبوب الماخذتهن ومخطرة ولازم نتلاحكله بلعلاج ومانتأخر
حاولت وياهه انو تاخذ علاج بغداد ماقبلت وتعبت هاي بروحي من ورة السالفه الطلعتلي ،وانوب بادي بيه من اربعه اشهور ومتقدم كبل حجزت جوازات
لدكتور بيران بس بحكم شغلي ما اكدر اسافر عاد امي راحت وياهه واخوي واخته وسافرو

ضليت متعلعل كل فترة اروح ليران اشوفه وبناتي ضلن يم اختي الجبيرة
يمنه بيته حايط على الحايط وداريهن
بصراحه حيل انقهرت عليه رغم الصار
متاثر لن اشما ايصير هيه اتضل ام بناتي
وعمري ماحبيت وحده هيه اول وحده بحياتي وحبيته ضليت متعلعل  بين ايران والعراق رايح راد جان علاجه كلش صعب لدرجه ما اكدر اطب للغرفه من ايضربوهه كمياوي  وحته صدرهه شالوو لدرجه ٩ اشهور ما اكدر اطب لغرفته كل اباوعله من الجام بس الاطباء ايطبوله واني هم رجعت للعراق حكم شغلي ما اكدر اضل
هناك لحد ما ضلت سنه ونص جنت بلدوام كاعد على مكتب دااشتغل وخابروني انو جسمه نضف فردنوب وراح ايرجعون ورادو مني افلوس دزيت الافلوس ورة عشر ايام ردو والفرحه ما واسعتنه حته مكان امي فارغ وبناتي هم اتهجولن بلبيوت ومن ردت على سلامته جبت ذبايج لسلامته المهم من ردت وشافتني اشون امداريه كامت اتحبني شنو اتحبني تعشقني اتغيرت تصرفاته وبعدت عن كل صديقه وكامت تصرف زين وتكعد من الصبح الريوك محضرته والملابس يلحمام وحته علاقتنه ردت احسن واحسن وداري بناتي وتداري الكل وحته مصدومين بتصرفاته وهتامه بيهم صارت لنسانه ثانيه كامت اتصلي غيرت كل ملابسه وجابت ملابس محتشمه ويومين من اكعد الصبح اتبوس ايدي واني اتخبل من هاي الحركه

بس هيه طلبت مني انو اتركه اتسوي هيج علمود ترتاح واني هم تركته اتسوي التريده
وكل التطلبه مني اعتبرة اوامر حيل اتعلقت بين من اتغيرت ورجعت اعامله مثل الاول واحسن واني حسيت انو الدنيا مو واسعتني ضلت اربعه اشهور تتخربط
ماادري اشبيه اساله متكول الاحضت بس اتكح وما تنام من الكحه من كد ما قويه
اني نايم اتكوم اتكح ومن اكعد تشرد للحمام وتضخن هوااي ورة اشويه وتطلع وترد تنام  المهم فديوم عصريه كاعدين بلهول نشرب جاي وكامت اتكح قوي ركضت جبتله مي واجيت انطيته تشرب ومن شربت وكملت لكيت الاكلاص كله دم اتخبلت شنوو هاااي
دم سالته على دم كالت كلشي الي انو المرض راجع عليه ومن اربعن شهور راجع
المهم ضلت كلما اروح للدوام تتخربط ويخابروني عليه وارد الكاهه بلمستشفى
تعبت سكنت المستشفيات بيه وحتن واني بعرس عباس من اتخربطت غزل خابروني

.........عرفتو عن رائد......نرجع لحميدان........وغزل........

غزل....من كام مني حامد ضل ايبوس بيه وحاضني بس اني احس روحي مختنكه سحبت روحي منه اشو هوه
ضاج

ترة قصير وماردتكم تنتضرون لباجر
واعدتكم اليوم وماخلفت وعدي ترة باجر ماكو بارت

وبااااي