رواية طغيان النجوم 🔞 الفصل التاسع عشر 19 - بقلم ⅃ᒍȊ 🖤مراد

#ازل مراد#

#طغيان النجوم #

غزل.....طبعا رحت اسوي جاي جان الباب تندك راح حامد فتحه الباب طلعت ام فهد وبناته وابنه وصطاني سعدون
دخلوو لبيت سلمنه عليهم وسويتلهم جاي وقدمته الهم وشربنه كلنه وبعدين لن كامن  البنات اتحزمن وحده للمطبخ وحده صعدت وياي للغرفه الفوك نفرش بيهن وخالتي ام فهد راحت على كارتون الاماعين طلع اماعين وتناوش بته اتخليهن بلمطبخ واني وبته نوارة بلغرفه الفوك انعدل ونفرش لمن ضارت ١ ونص بليل خالتي وسعدون وحامد فرشنالهم وناموو بلمضيف واني والبنات انضف
ونسولف ونضحك نسينه نفسنه لحد ما صارت ٢وربع كملنه كلشي ورحنه طلعنه فراش وفرشنه بلهول وكلمن بفراشه
سالفه منا اتضحك مدري شنو كولي نمنه
ما حسينه اله بهدعش الضهر طبعا حامد ما قبل اكد ايكعدنه لا جان بين النايم والكاعد يسمع سوالفنه وضحكنه وما كدر اينام لان اتعود اله اني انام بحضنه
ياله ينام كالي لو ماعيب من البنات جا اجيت نمت يمكم بلهول الليل كله احوص واتكلب بفراشي ما شفت النوم وعيونج غزالتي خوب اني من سمعته خربانه من الضحك عليه على كلامه من يحجي يحجي بحركه كلب واعصاب واني خربانه من الضحك عليه

المهم تغدينه وكمل كلشي بقت بس الملابس انجيبه من البيت كال حامد

حامد.....اليوم انروح للبيت انجيب الشغلات النريدهه وباقي الغراض منريدهن خليهن هناك ما اريد كلشي
لن البيت انطيته لبن عمي ما اريد اي شي ناخذ منه غير الملابس
وصدك راحت ام فهد لبيته واحنه هم رحنه لبيتنه القديم ورحنه الغرفتنه
ويه حب حامد وحامد جان مانايم نام على الجربايه وكال تتاي بحضيني
وصدك نمنه وجريناهه نومه للسته العصر
كعدنه كام حامد سبح وبدل وطلع لسيارته راح جاب عشه واني نضفت البيت ولميت الملابس غسلتهن وجففتهن
بلغساله وهم رحت غسلت بدلت وتعطرت ومكياج ورحت لميت الملابس ملاتنه والشغلات الي نحتاجهن وحامد اجه جايب شغلات للضيافه جايب كارتونين شربت وتلاثه ببسي وجايب
جم كاتون كيك وحلويات وجكليت اشكال جايب كال

حامد...بويه ذني للضيوف اليجونه بلبيت الجديد وانتي كملتي لم ملابس وغراض
كملتي لم كلشي

غزل.....اي كملت كلشي بعد ماعدنه غراض كلشي شي لميته

حامد....عفيه ببنيتي النادرة اكلج اذا البيت مفروش وجاهز هناك وغراض لميناهن تليمن باقين خل ناخذ العشه
وانروح بيتنه نخليه ها بويه شكلتي
مو احسن وانسلم المفاتيح البيت لبن عمي اني كتله شكو بلبيت كلت ياخذو عليمن نبقه لباجر هسه خل انروح احسن
احنه النه ٣ ساعات من كعدنه وشبعانين نوم شنو رايج بويه

غزل.....هذا هوه حامد التشوفه اني وياك ماعندي شي خلاص خلصت كلشي ومتشوقه حيل اروح هسه احسن من باجر

حامد....ههههههه

غزل.... ضحك وكرضني من خدودي وكال

حامد.... يمه من اروح فدوة وسبع فدواي لبنيتي خلص هسه انروح جيبي الجنط والبسي عباتج ولا تبدلين هيج روحي احله تلعبين على كليبي لعد هههههه

غزل.....هههههههه تمام لعد اروح البس شالي وعباتي وحامد راح ايصعد الجنط
وغراض الاخذتهن واحتاجهن بس

هوه كمل كلشي واني هم انكل ويا واصعد واجه ابن عمه وبناته كله

ابن عمه.... انته مو كلت الصبح اروح ليش هسه طالع

حامد......هسه كملنه كلشي علمين باقين
بعد انروح لبيتنه احسن والمرة اتريد اتروح ترتاح بعد ما تتحمل هههههه

ابن عمه.....ههههههه

غزل......سلام عليكم

ابن عمه....وعليكم السلام ورحمة

غزل....سلمت عليهم وصعدت بلسيارة وحامد سلم المفاتيح بيت الهم وطلعنه
ورحنه لبيتنه الجنه الجديد واني اكول
واتنطر اشراح ايصير وياي  راح استمر بحياتي ويه حامد بسعادة وحب لو تتغير
وتروح هاي الفرحه مني اني ماصدكت ارتاح واعيش المهم ردينه لبيتنه وعشنه احله ليله حب وغزل لوجه الصبح حامد ولا ايبطل ولا ايجن ولا يكعد ابد يريد بس حب وغزل وسهر للصبح ولا عبالك جبير بلعمر حامد مامتعوب وكل اليشوفه ايكول ازغير وعنده اهم شي بلحيات ايونس روحه ايكول محد ضامن عمرة عليمن انضم وندثر رواحنه اهم شي ايريد يتونس المهم اتونسنه ايام وشهور وحته سنين كضيت ويه حامد
احله ٣ سنين بعمري اني وحامد ماكو اثنين مثلنه حبه الحامد وعاطفته وكل مايطلع يطلع ويطلعني ويا وكل اليشوفني امشي ويا عبالهم بته لو حفيدته حته خطبوني منه ههههه
وحامد ميت من الضحك يكول مرهه غالي ههههه ويحجي ويباوعلي ويضحك ويغمزلي يكول هاي بتي الوحيدة مهرهه غالي محد يكدر عليه واني مثل الثوله
باوع بس ما افتهم شنو الفلم هوه يدري ما افتهم كلامهم يبقه يباوعلي ويضحك
......برور هلتلث سنين حامد يتعالج بدون ميجيب طاري العلاج بدون ما ايكول الي شي ومنبه على حسن اخوي
ميجيب طاري العلاج مخليهه سكته
بس محسن اخوي كالي انو ديتعالج انو نسبه الانجاب بمرور الايام تصعد ان شاء الله وبمرور الوقت واذا الله راد يصير عندي طفل بس هوه ما استمر بلعلاج
تركه تعب منه لن اياثر عليه وعلى صحته واني اشوفه اشون يتعب بس ما اكدر اكله اني ادري بيك تاخذ علاج اسكت المهم مرت علينه هاي السنه الثالثه  بأحله ايامه عشته ويا لحد ما يوم كال

حامد....حضري روحج اليوم العصر نطلع انروح للزيارة نشتري ونتونس نرجع هاا اشكلتي بويه بيج حيل

غزل.....اي عادي بيه حيل اروح للزيارة
اني هم حابن اطلع واغير جوو هاي الحجي احنه كاعدين بلحديقه ونشرب جاي اتخبل سواهه حامد كله ورد جوي وزرع بيه اشجار ازغار تونهن شجرة رارنج وشجرة تين وشجرة رمان وبرتقال وليمون وحاط بيه ثيل ايخبل وسوالي مرجوحه وميز طعام وكراسي المهم
اتفقنه العصر نطلع جان الجو كلش حلو لاهوه حاار ولا هوه بارد جان علينه شهر العاشر الجو كلش حلو المهم طبينه نمنه اشوي وهم ماتخله من مشاكسات حامد
وسوالفه كمل اجه حضني ونام واني هم نمت كعدنه بل٤ونص العصر سبحنه وبدلنه وطلعنه صارت الخمسه العصر
رحنن للسوك ورحنه زرنه الامام الحسين والامام العباس زرنت وصلينه وطلعنه
اشو اني من طبينه للسوك مدري اشصار بيه صارت عندي دوخه ولعبان نفس
بس اني الدوخه صارله سبوع لازمتني
ولعبان نفس وتعب بس ماكو لحامد المهم كملنه مشترة من السوك ورحنه نشتري عشه علمود ناخذة ويانه للبيت
لزمتني الدوخه وتعبت حيل ما اكدر الزم طولي كعدت على الصبه ولازمه راسي
اجه حامد ركض

حامد..... بويه شجاج اشصار بيج شنو اتحسين

غزل....حامد مادري شبيه احس اريد اذب من راسي ومعتي متخربطه
ما اتحمل بعد

حامد ....كومي بويه كومي

غزل.....كومني حامد واخذني بدربونه
ازغير على صفحه كمت اذب من راسي
احس جسمي كام يرعش ما اكدر الزم طولي  جابلي بطل مي غسلي وجهي
وشربني بس شنو خطيه وجه انخطف لونه خايف عليه حيل

حامد....امشي هسه خل اخذج المستوصف اليمنه اتشوفج الدكتورة وجه اصفر صاير يله بويه كومي

غزل...كادني حامد وداني للكراج اريد اصعد للسيارة ما ادري شبيه كمت اسحل روحي سحل داخيه ونفسي جازة من كلشي رجعنه كبل للمستوصف تقريبا الساعه بلسبعه بليل طبينه عليهم توهم يردون ايعزلون طبينه للدكتورة كالتلي روحي سوي تحليل وتعاي رحنه لبو التحليل همزين لكينا بعده ما طالع
سحب مني دم واخذة ايحلله ضلينه بلربع ساعه منتضرين التحليل بس شنو كوة كاعده على الكرسي روحي ممروده اشويه وصاحو اسمي راح حامد جاب التحليل واخذنا للدكتورة طبينه للدكتورة وانطاهه التحليل حامد قرته الدكتورة وكاااااااالت

ازل مراد

تفاعلو لو 🌚🌚❗
انتضروني بليل المفاجأة

باااااي