رواية طغيان النجوم 🔞 الفصل الثاني عشر 12 - بقلم ⅃ᒍȊ 🖤مراد

#ازل مراد#

# طغيان النجوم #

السلام عليكم ورحمة الله وبركاته

بنات ردت اكللجن القصه ما تاركته لاتخافن اله اكمله وبقيه القصص الناشرتهن وما كاملات ناشرتهن علمود انتو اتخزنوهه واكملهن بسرة موتجي وحده واتكلي انتي متكلمين اليش ياقصه عفته

القصص الهسه متوقفات هيه

صرخات الزمن لن البنت مريضه
وقصه منفاك بقربي دتكتبه البنيه اليه واني اسردهه

بلنسبه لقصه حياتي متوقفه لحين انتهائي من القصص ما ادري ياوقت اكمله

امسيات الشيخ مدونته فكرة بعدهه هم ماكاتبته

وعاشق العذراء خياليه وراهن ياله تكمل

واتمنه ترحولهن من تخلصون قرائه

وهم اعيد واكرر هاي القصه ما اعوفه اله اكمله

وهسه اعوفكم تقرون واكلكم احبكم من كل كلبي يااحله متابعين وغوالي على كلبي

قرائه ممتعه......

اليريد الحلو لابد ويامر وحبيب الروح يدلل ويأمر اصيرن نار من يبعد ويامر وارد قالب ثلج لو رد عليه----

فصوص العين فص يمي وفص لك يامن يوسف انت أصلك وفصلك أخيطك بيدي تدريني وفصلك واجيبك فيت يلترهم عليه------

حلى مابيك ومن صفاتك وصلك أروح وياك للشمس لو تريد أوصلك ولو تصير بآخر العالم على رموشي زحف أوصلك ميت وبشوفتك ترد الروح بيه------

غزل....مرت اربعه شهور  مع حامد كامو ايصيحلو ابو حازم اهله وربعه ومن اني اكله ابو حازم ايكلي صيحيلي بأسمي ومن يمنه احد صيحيلي بلقبي واني اهز براسي
بأي وابتسم ورة يوم اجه حامد وجايب اكل جاهز صواني ونزله وخلا بلمطبخ
وطب يمي وكاااال

حامد....بويه غزوله روحي حضري روحج جاينه خطار عزيز علينا وعليج

غزل...من كال خطار عزيز عليه اني صفنت ماادري ليش كلبي حن واشتاك للحنان اهل كلوب رهيفه

حامد....مو وكت صفناتج حضري روحج لبسي لبس زين وتعطري فلي هلشعر الحلو
وحضري سفرة زينه ترة اربعه ساعات ويجون النه

غزل....صاار هسه رايحه احضر روحي
رحت بدلت لبست كلبيه كله شغل بلصدر
ماروني الشغل البيه ذهبي وفليت شعري
ومشطته شعري حلو مريح ميحتاج شسوار ثخين وسرح واسود عبالك مسرح بصالون ورحت طلعت مكياجي وحطيت حمرة ماروني وكحل وسكارة ورميل ما احب المبيض لن اني بيضه وبشرتي صافيه وكملت حطيت من عطري المفضل
وكملت رجعت كل حاجه لمكانه وطلعت للمطبخ احضر شربت للخطار وكملت الشربت وطلعت صينيه وخليت بيه كلاصات واسمع حامد ايصيح ركضت لغرفتي وخمه طبو

حامد.....يالله يالله حي الله من اجانه حيو

غزل....واكفه بلغرفه يم الباب واسمع اصوات مو غريبه عليه ورة اشويه فتح حامد الباب عليه وجان اشوف روحي عزوتي نضر عيني اخوتي واكفين ورة حامد وخر من كدامي وجان اشوف حسين وحسن وعباس ومحسن وسجاد
هنا اني جمدت بمكاني وضليت فاتحه حلكي ودموعي دير منضر رهيب بلنسبه اليه حته ما اعرف اوصفه وحسين واكف ايباوع عليه من فوك ليجوة واجه حضني وايبوس بيه

حسين....غزوله يابعد روحي اشونج ولج مشتاقلج بكد رحمه الله ولج كبرانه وحليانه وسمنانه هم بعد هههههههه

غزل...ههههه عباس دفع حسين واجه عليه

عباس....اي دوخر جلبت خوما جلبت ولج بنيتي غزوله يممممه اشكد مشتاقلج ولج كلبي ناط لشوفتج

غزل....سلمت على عباس.ورحت لحسن ركض عليه وشمرت روحي بحضه اشهك وابجي ومحسن يمه اشكد مشتاقتله اخر مرة شفتهم قبل زواجي من جاسم وبعدهه رحت لسجاد خطيه باسني من راسي وضمني لصدرة يبجي واني ابجي وياا لحد ما شبعت بجي مسح دموعي واخذوني اخوتي وكعدنه انسولف وحامد خطيه صب الشربت وقدمه الهم  ومن بعدهه فرشت السفرة لخوتي وجانو كاعدي كعدتهم اشمحلاته واحد بصف الاخ يرتسون العين فدوة لهل الشوفه ورحت ويه حامد للمطبخ احط الاكل بلماعين وهو ينكل وطركت لبن وحطيته بدوالك وحامد اخذهن وكلاصات والخبز كله كملته للغده ورحت اريد اتغده وياهم حسين وعباس كالو تعاي بنصنه اكعدي ادانو و فرغولي مكان بنصهم وحسين كال اعذرنه ترة اليوم ناخذهه منك اشويه رحت بنصهم وكعدت اكل وياهم حسين ايسوي لكمه ويوكلنياهه وعباس ايكله لتلزك ترة اني هم سويتله لكمه اريد تاكله من ايدي ،المهم كمل الغدة واخوتي هبوو كلهم هههههه شالو الاماعين وراحوو وياي للمطبخ سجاد كال

سجاد....هتالولي المريله هههه يله اريد اغسل الاماعين

محسن...تعال حسن اخرط الاماعين وانطيهن لسجاد

حسن....حاضر يا ستي ههههه

غزل...لا عوفو الاماعين اني اغسلهن وما اشوف لن طب عباس مشله رداناته وكال

عباس....غزل انطيني تايت خل اطلع اغسل السفرة

غزل...يااا عباس منضرة ايضحك وهوه طويل ومشله ارداناته ههههه وشايل السفرة بيد وحده ،وكتله خويه صدك جذب عوفه معود وما اشوف لن اجه حسين كال وين الاستاكين هههههه وحامد ايصيح بيهم وهمه ولا جن عاد اجه كال خل اجيب الشكر واصب وياكم ههههه كملنه الهوسه وكعدنه نشرب جاي

حسين ....ابشركم مو عباس خاطب

غزل....صددك

عباس....اي خيتي خبطت

غزل....اكيد البالي مووو

عباس....ههههههه اي بويه

غزل.....بت خالت ابووووي ههههه الحب

عباس....لج كبرانه وصايرة اتسولفين بلحب

غزل....دنجت راسي بخجل منه

عباس....لا تخجلين بويه

غزل....رفعت راسي وباوعتله وكتله اشوكت العرس

عباس....سبوع الجاي

......انعوف الكعده الحلوة ونرجع نعرف اشسوو اخوت غزل من ردو ومالكوههه....

 حسين ردت للبيت ورة عرسي ومالاكيني
كالب الدنيا كلاب ومتعارك ويه مرته لن تتصرف بكيفه وطاردهه لهله ومتعارك ويه ابويه  عركه من الزينه وبتسام من ايروهه اخوته لحسين حسين يطردهه وميرجعه وانوب الكارثه طلعت متفقه ويه مرت اخوهه اتشوفلي رجل واذا لكالي رجل تنطيه فلوس وتشتريله ذهب وملابس ومرت اخوهه مكيفه ضلت تدور لمن لكت اهل حامد واتفقو ويا على انو يجي يخطبني وانوب العار الاكبر المينحجي ابوي هسه اتكولون اشبي قبابل اله يد بسالفه هسه اكوللكم ياريت لو بس على هاي واله يد بلزواج وبس هههه طلع ابوي بايعني مع الاسف وابيش ١٤مليون لحامد
ابويه باااااعني مع الاسف على وصخ دنيا
علمود ورق ايبيع ضناه ايبع لحمه ودمه علمود افلوس بصراحه من عرفت ماصدك
المهم اعوفكم من ابويه وانشوف عباس اشسوة من رد ومالكاني كلب البيت على ابويه ومتعارك ويا وعباس مضارب ويه ابويه وسجاد مترزل لن ماكال بس خطيه هوه لاعده تلفون ولاكادر يتصل بيهم وانبوب حسين خابر زينب عباله تدري ومرزله وطلعت خطيه متدري وهم متخبله عليه وسالو ابويه وين مكاني وماكال وضلوو ايسالون لمن ايسوو طول الاربعه اشهر همه ايدورون لمن حسين راح لمرته كاتله كتله من الزينه دلته وراحو سالو وصلو لبيت ابن عم حامد ودازين على حامد وحامد ماقبل ايشوفوني اله مفتهم منهم السالفه ياله وبعدين عزمهم وماكالي اله سواهه اليه مفاجاة وبوكته جانو محسن وحسن راجعين من السفر المهم ربي كسر عيونهم بحامد طلع خوش اناس ايخاف الله ودللني وماخلاني اكول اخ ياراسي..........

.........نرجع للكعده الحلوة بعدما عرفتو حال اخوة غزل.......

غزل....عباس خطب بت خالت ابوي اصلان هيه اتحبه وهوه هم ايحبه وبنت حبابه وثنيناتهم يستاهلون كل خير المهم جانت كعدتنه كلش حلوة وعباس كعد سولف ويه حامد وعزمه وعزم اهله وكرايبه عبالك يعرفهم من سنين اخوتي ارتاحو لحامد وحامد هم ارتاحلهم وارتاحو اكثر من شافوني مرتاحه ومن شافوو حامد اشون ايعاملني مدللني دلال
من كملو سوالفهم حامد حجه وكاال

حامد....احم ماطول اليوم حبيبه كلبي مرتاحه بشوفه عزوته راح افرحه اكثر مادام كاعدين اني بسبوع العرس اشتريت قطعه كاع ازغيرة ميت متر وبنيت بيه بيت علمودج بنيت هول ومضيف ومطبخ وصحيات خارجيه وغرفين وصحيات وطابق الفوك انشالله يكمل هذا الشهر علمود ترتاحين بي بيت احله من هذا واكبر

غزل....اني ضليت صافنه اتفاجائت حيل بكلامه ما تحركت ابد هم فرحت من كل كلبي بخوتي وهم فرحت بلبيت ما اتوقعت حامد يبني بيت والمن اليه ضليت
صافنه وبجيت من كل كلبي وكلت ياررب تدووم الفرحه لان اخاف من الفرحه ادري الفرح   متدوملي ابد واخوتي كيفولي وفرحو على فرحتي كمت رحت لحامد ولزمت ايدة ودنكت عليه بسته وبست راسه كونه هوه لاكبر مني بلعمر واحترام اله كدام اخوتي كيفو وغمزلي عباس عود عفيه عليج ومن بعدهه عرفت بحيات حسن ومحسن مرتاحين بلأردن يدرسون ويشتغلون ويه صديق خالي هناك هوه مشغلهم اول ما سافرو جانو ماجرين بيت بعدين تيسر حالهم ولمو فلوس واشترو بيت الهم

المهم هذا الاسبوع عرس عباس فه استأذنت من حامد اروح لهلي فقبل ورحت حضرت روحي حته اروح ويه اخوتي وطلعت عاد حامد كال اله ترحين للسوك تشترين ملابس ياله ترحين كتله عندي ماقبل اله جدد المهم من رحت لبست عباتي ورديت سمعته يسال حسن على دكتور زين يتعالج عنده هاي الحجي يحجي بصوت ناصي علمود مااسمع علمود يتعالج علمود الانجاب علمود علمودي ايريدني افرح بطفل سويت روحي ماسمعت وكتله يله خل نطلع وطلعنه ورحنه للسوك اشترالي بدلات اثنين كلش حلوات وغاليات حيل وابد ماهمه الافلوس واشترالي نفنوف حلو مالت محجبات واشترالي اخذيه اثنين نسقهن ويه البدلات وعطور ومكياج واني اكه عندي مااريد وهوه اييهز براسه ميقبل
اله ياخذلي وبعدين وداني لبو الذهب ودخلنه المحل كتله ابو حازم شتسوي هنا

حامد....عيون ابو حازم شسوي غير اشتري ذهب

غزل...كل هذا الحجي واخوتي واكفين وياي وهوه يتغزل بيه كدام ابو الذهب عادي عنده كتله ابو حازم شسوي بي المن الذهب تشتري امشي خل نطلع

حامد....عيوني قطعه الكلب مالت ابو حازم بويه انتي اريد اشتري الذهب الج قابل المن اشتري لمي .....

لهنا اختم البارت

مع تحياتي ازل مراد

اتمنه عجبكم البارت وباااااااي