رواية طغيان النجوم 🔞 الفصل السابع والعشرون 27 - بقلم ⅃ᒍȊ 🖤مراد

#ازل مراد#

#طغيان النجوم #

السلام عليكم ورحمة الله وبركاته

الرجاء الرجاء لحد تجاوز رجاء

رائد....اصحي وبدليه خل اخذه ويايه

غزل.....هااا ليششش تااخذة متخللي هنانه هذا ابني ترة رائد

رائد......ميحتاج بعد تخلي يمج صارت عده بعد ام ثانيه هيه داري وتعتني بي
غغغززلل انني ااتزوجت احم انتصااارر
من اسبوع  واليوم اجيت اخذ عبدالله روحي جيبي غراضه ادري تعبناج اني والجهال مشكورة وماقصرتي واتمنالج السعادة من كل كلبي انتي انسانه طيبه وحنونه وفقيرة وعلى نياتج وتأثرتي بحجي زهراء وحبيتي الانسان الغلط اني انصحج تنسيني واني هسه اتزوجت انتي هم عيشي حياتج وانسي الصار وياج وانشالله تلكين ابن الحلال اليسعدج

غزل....كل هذا الحجي واني فاتحه حلكي وصافنه متعجبه بلحجي الكاله
وهوه يحجي برود اعصاب جر عبدالله من ايدي ولفه بلبطانيه

رائد....تعال وليدي

غزل....رررااااائد ه هههذا ااابني وواني اممه مممااكددر اعيشش بلياا لااا  تاخذذة فدوووة واني ماتأثرت بحجي زهراء ولااااا ابد اني مااا احبكك  غلطااان بسس اتترركك ابني

رائد....ما احرمج منه ابنج كل اسبوع يمج يبات وارجع اخذة

غزل....شاله العبودي ولفه بلبطانيه واخذ جنطه بل الايد الاخ ومشه وكف يم الباب
باوعلي وعيونه يلمعن ما اعرف اشبي
لغز ومااعرف احله مااعرف شماله من وكف يم الباب وكاال

رائد...غزززل سامحيني اذا جرحتج بيوم
واذيتج

غزل....درت وجهي عنه وماحاجيته ولا ريحته بجوابي هوه اخذ عبدالله وطلع
واني تخبلت اخبال ذبيت روحي على الجربايه وابجي بواجي احس روحي اخذهه وطلع صح مو ابني بس اني الربيته هوه ابني اليه اننننيي اريد عبدالله ياربي اشون بيه روحي اتشلوطت اريددة ،ضليت ابجي بواجي
الماصارت اريد عبدالله لحد ما غفيت بمكاني ،وصحيت على احد يتلمس بشعري بكل حنيه فتحت باوعت عباس فوك راسي بتسم بوجهي وكال

عباس...صح النومه يله كومي اكلي حتي نطلع للسوك اني وياج وحنين

غزل.....انتو روحو اني ما اكدر اطلع لن حيل تعبانه

عباس....مو هيه بكيفج بويه كومي كومي غسلي وبدلي
يله واكلي شي خفيف لن اليوم اعشيكم بلمطعم وحدنا

غزل....عباس من جان يحجي يحجي ويغمزلي واني هم ماحجيت اي احجايه كمت من فراشي ونزلت غسلت وبدلت وطلعت وياهم بس شنو روحي خاويه احس بس جسمي يمشي بس روحي كله
ويه عبدالله اكل بدل لو ديبجي لو دارو بالهم عليه خاف يصعد الدرج لو انطو العاب لو لو  لو ضليت الوب عليه ضلينه نفتر عباس اشترة وحنين واني بس افتر وعيني على الناس وكل ما اشوف طفل كلبي ينعصر اشوف عبد الله ابني ابن كلبي وروحي كتلو ما جابته بطني فهوة ابني روحي لايبه عليه موبيدي اريد ربيته من عمره ساعه من اول ما انولد انحط بديه اول شخص شمه باسه حضنه اول كمله نطقته اله هوه اسمه كبر بين اديه ولعب اكبال عيوني اني جنت كل اهله بلحضه اهله فرقهم القدر جان هوه بحاجه ام اخخخخ صرتله اني امه ليش اخذو مني كمت احس دموعي تنزل على خدودي حارات وصافنه

عباس.....شبيج خويه ليش هلبجي شكو احد مأذيج بحجايه

غزل....جنت صافنه وابجي من حاجاني عباس،هاااا عباس مابيه وهزيت راسي بلا
وكتله خويه بس اشتاقيتله  وحجيته بشهكه وبجيه لزمني عباس كادني ومشه
وكال

عباس....والله ثم والله يجي ابنج لا اتخافين اني اروح اجيبه الج رائد زلمه
لو وعد ماايخيب وعد صديلي باجر ابنج يمج وهوه اليجيبه بس امسحي دموعج
ترة عيب منا ناس اتباوع علينه هسه ايكولون شبيه بله يله امشي خل نشتري
التريدينه يله بنيتي

غزل...اي اي  اي

عباس....عفيه ببنيتي السباعيه

غزل....مشيت ويه عباس بس ما احجي
وكل مايردون يشترولي شغله اني ارفض
اكوللهم ما اريد عبالهم ماعندي فلوس عباس ضاج مني وكال

عباس......ماتشترين ليش لان ماعدج فلوس ليش بويه ليش جايبج تصرفين من
فلوسج ليش ماعدنه نصرف عليج شنو بويه كله مااريد مااريد اصير هيج غزل
هل درجه تتحسسين من عدنه

غزل....لاااا والله مو قصدي وروح امي لا تزعل بس مااريد اشتري كلشي مااريد
كمت احجي والدمعه بعيني والغصه بكلبي وكتله تعبانه خويه تعبانه ورجعني للبيت
حضني وباسني من راسي وكال

عباس....امشي خويه خل انروح للمطعم
نتعشه ونرجع للبيت

غزل...طبينه للمطعم طلب عباس عشه
وحطو كدامي الاكل واني صافنه بلماعون واكلب بلأكل موبيدي افكر بعبودي وافكر بلدنيا الجابتني اتكفخ وين مااروح كل كفخه تجيني اقوه من القبله واصفن واكول وين راح يصفه بيه زماني بعد هسه عمري ١٧ وكل هذا صار بيه لوكبرت شيصير والله ما ادري بس الفكرة كلش ترعبني كضيت ايام من الضرب والاهانه وعذاب ضكت الضرب كل انواعه مرات اكول ليش بس اني مو هاي البنات وياي ليش بس اني اخلقت بنيه ليش اشبيه بنات ياربي اشبيه بعدني توني بديت بعمري وزهرة شبابي ماخلو مكان بجسمي ماضربوني بببي ليش اخخخخ يمممه كلبببي يربي شنو  المضموملي بعد هممم بعددد اكو عذاب جديد غير المر عليه
تعبت يارب ارحمني ارحم عبدك الفقير
الي ماعندة غير ......قطع صفنتي عباس

عباس.....ليش بويه صافنه متاكلين انتي من البارحه بله اكل ،اكلي اكلي يبعد اخوج
اكلي اريد هلخدود تنور من جديد يله بويه اكلي لااا اتلعبين بلأكل اكلي حتلو شي بصيط

غزل.....هزيت راسي بأي وكمت اكل اكلت اشويه وروح الاعزاز احسه مر طاب بزردومي كوة بلعته نزلت ايدي وارتجيت علىالكرسي ورديت صفنت اباوع على الشارع من المطعم بلطابق الثاني قسم العوائل حسيت لحضه اريد اشمر روحي
منا واخلص منه اخوني يرتاحون ومنه اني ارتاح من همي وعذابي تعذبت حيل
خل اموت احسن كوم اشمر روحي احسن
حته ارتاح من عذابي وفعلان ردت اكوم
اروح على طرف الجام وفتح الشباج واشمر نفسي
بس مااعرف اشون حسيت على نفسي
ودرت راسي  عن الشباج ومسحت وجهي واستغفرت ربي
واهز براسي من الافكار دتجيني ودور براسي
وطبعا عباس وحنين صافنين عليه والخوف مله كلوبهم وبعز الكأبه بيه واليأس بتسمت بوجوهم كتلهم مابيه بس صفنت انتو كملو اكلكم محد حجه كملنه وطلعنه عباس اخذ اكل سفري ويا وطلعنه رحنه للبيت لكينه سجاد كاعد بلحديقه على المرجوحه يشرب جكارة ومهموم اني اعرف البكلبه شنو رحت يمه هوه من شافني فتح اديه
الي معناهه اجي يمه رحت كعدت علي مرجوحه هوه حضني وباسني من راسي وكال

سجاد.....اشلونه الحلو اليوم

غزل....خليت راسي بحضن سجاد وكتله زينه الحمد لله خويه سجاد

سجاد .....كولي

غزل.....اريد ابني مشاقتله اشون انام وهوه مو يمي والله احبه هذا ابني الماجبته وانحرمت منه وكمت ابجي بغصه

سجاد....غزوله من الصبح اروح اجيبه الج
هسه ليل غزولتي ارجعه الج ولا ايهمج
بس لااا تبجين عيونج راحت من البجي
كاااااافي

غزل.....بقيت بحضه لسجاد عيوني دير وهوه يمسحهن وسجاد هم تعبان يجر النفس اشطوله من الجكارة وشكله تعبان
طول بعرض وسمارة ايخبل وعيونه الشهل
هذا كله رااااح صار انسان ثاني

.....

ازل مراد

هذا البارت تكملته بليل
😂😂😂😂😂😂😂✍
وعلي لو تدرون شصار طكت الصونه مالت السنك وازل مبتليه ههههههه شلهت البجامه للركبه 😂😂😂وداسوي بيه
ليش تنتضورن اخذو هسه هذا كرزو ويا حب ههههه وارجع بليل واجيكم انشالله منتصرة على السنك والاماعين

وبااااااااي