طغيان قلب (الجزء الاول و الثاني ) الفصل الحادي وستون 61 - بقلم Fatma Mohmed

طيب هسألكم سؤال انتم شايفين انه عدى كان ممكن يسيب حورية فى حالها، كان ممكن يخليها فى حالها وتعيش حياتها و ربنا يعوضها بالاحسن منه، و لا كان هيقف فى طريقها و هيمنعها من ده رغم انه مش مانع نفسه و بينتقل من واحدة لواحدة

سؤال تانى تفتكروا لو حورية سامحته و رجعتله كان هيعرف غلطه و هيوقف اللى هو بيعمله
الاجابة هنا لا عدى بنى آدم سطحى و عنده حب تملك مى مشيت يبقى حورية ترجعله من تانى وفى نفس الوقت هو مش خسران حاجة و مقضيها مع هديل بلس انه كان هيستخدم ولادها وسيله للضغط عليها عشان ترجعله فالاجابة هنا ان حورية مينفعش ترجعله و لو رجعتله يبقى معندهاش كرامة

عدى موت ابنه اللى من لحمه و دمه موته و مهموش انه ابنه و انه بيقتل جنين لسه مكملش شهور، حرم مى من ابنها فعشان كدة اتحرم من ابنه داين تدان
حورية ملهاش ذنب ف اللى حصل و مش مسؤله عن تغييرة الجذرى معاها بس عوض ربنا جميل و أكيد ربنا شايلها الاحسن و هيعوضها وجرحها اكيد مع الوقت هيخف، عارفة انها كمان اتعاقبت معاه بس عدى كان لازملة ضربة قوية و قاسية عشان ترجعه و تفوقه للى بيعمله و مع الاسف فى من امثال عدى ده كتير و العقاب مكنش المفروض يبقى هين عشان يبقى عبرة، و متنسوش انها معاها زياد و كل اللى حوليها بيحبوها و هيقفوا معاها والأكيد انها هتعدى المحنه دي والأكيد برضو انه عدى خسر كل شئ بسبب نزواته و عدم حفاظه على مراته و ولاده

عدى مفيش حد فارق معاه سواء بقى اهله او حتى حورية بس الاكيد ان زين و زياد يفرقوا معاه و ارجع اقولكم داين تدان

دي كانت وجهه نظرى يا بنات وحبيت انى اوصلهالكم و اقولكم وجهه نظرى و آسفه على فصل انهاردة بس بأذن الله الفصل الأخير هيعجبكم وهيخليكم مبسوطين لان النهايات هتبقى مرضيه ميعاده يوم الحد الساعه ١٢ م❤