رواية ثارهم وبنت الفقير الفصل الرابع والعشرون 24 - بقلم الكاتبة ترانيم 🤎

لاتنسون تصوتون عالبارت حلويني
.
وتعاليقكم بين الفقرات لاتنسوها
.
ومتابعه للحساب ♥️🕊️,
taranim_09

_حجيت واني بلكوا صوتي يطلع حتى بلعومي احسه تجرح
عطت وصوتي بلكوا ينسمع

سيرين ببجي... موانه السبب موانه الي كتلته ثاركم مالي دخل بيه حتى تنتقمون مني بهالطريقه

اريد احجي بلكوا انطق النفس ضاك عليه وهنه ضلن يفركن بصدري وضرار يغسل بوجهي

فقدت وماحسيت على شي بعد

سيرين... ماصحيت غير على ألم يدك بجسمي فتحت عيني عاينت بارجاء الغرفه بس اني بيها شجابني هناه وشصار

ضليت ابجي واشهك من الحاله الاني بيها والوصلتلها
شوي صحصحت واسمع الهوسه جوا

سيرين... يربي هاي بدايتها هيج

بالنص ساعه واجن بنات كمت عدلت كعدتي وهنه ساكتات وبس يباوعلي

جنوب... ها خيتي شلون صرتي

سيرين... ها زينه

ناهد... وجج لاصيرين فاهيه شمالج يحظي

ميس... حقها اذا هنه وحدتهن جنها هاشه ماشوفيها شكدوتها

جنوب... بس خوش سوا بيهن ضرار يبعد ايدي انه من يمي جلدي وجعني

ميس... عوفج منهن روحي شوفي الشوربه

جنوب... عشتو فوك ماخليت العدس انه اشوفها

ميس... مومسويه باجه وجايه مانه عليه

ناهد... موبدينه انه اروحن اشوفنها ضلن هناه

راحت وحده منهن واجن كعدن يمي اعاين لبنت ضرار بيد ميس وتعاينلي باستغراب

ميس... ريحانه يوجعج شي

سيرين... لا بس عفيه وينه ضرار

ماكملت وقاطعتها اتربعت كدامي وبدت تحجي

جنوب... لوشوفين شسوا بيها هيه واختها هوه مايطكها كدامنا اذا يريد يحاسبها بغرفتهم يتكاتلون ماندري بيهم هوه شافج هيج صعدج بالغرفه ونزل
سحلها ودك وين اليوجعها عود هيه الخوثه جايبه اختها ههههههههههه اعاينلها طكت العبايه على راسها ومحد شافها بعد

ميس... وجج هذن يكيفن عالمشاكل ومياده ماصدكت حتى تسويلها عركه وتروح لاهلها

سيرين... وينها هسه هيه

ميس... اجت امها اخذتها وراحت

سيرين... وبنتها ليش ماخذتها

جنوب... خيه هاي موبتها

سيرين باستغراب... شلون موبتها ؟

جنوب... والله شكلج اتي كلشي ماتعرفين خلي ضرار يحجيلج

سيرين... زين انتن احجلي

جنوب... هففف انه ماتحمل اخلي حرف بحلكي بس شوفي احجيلج موترحين تكليلهم جنوب حجت لاعيني هالحجي مايمشي عليه لساني مايطخ لسانج بعد

ميس... هايهيه ربحنا

جنوب... اسكتي اتي شوفي ضرار ماخذ مرتين الاولى جنات والي هيه امها لرهف

سيرين... اسمها رهف

جنوب... اي رهف

هزيتلها راسي ورجعت تحجي

جنوب... جنات الله يرحمها جانت وياه بالجامعه والبت عجبته وزوجها من زوجو صرنا كليوم نسمع عياطها ومانعرف على شني بس العرفته علمو وحده وهاي مره جانت كاعده بغرفه عمتي وتشكيلها واني صدفه مريت وسمعت حجيهن وتبجي تكلها عمه ينسى انه منو ويصيحلي باسمها

ميس... مريتي صدفه مو !!!

جنوب... مالج شغل اي المهم واستمر زواجهم علما حبلت برهف الحمل جان خطير عليها بس عاندت ومارضت تنزله الطفل وبالولاده صاير عدها نزيف وضغطها مصفر بلكوا جابت وهيه ماتت

سيرين... اعاين للبنت تلعب بلعابتها بشرتها فاتحه وعيونها كبار ترفه كلش ابد ماتشبه ابوها اخذتها من حضن ميس وخليتها بحضني وهيه تباوعلي وتتلمس الجروح

رهف... اوا اف

هزيتلها راسي وهيه تنفخ على جروحي
دموعي تجري وبس اشهك بالبجي حضنتها وضليت ابجي والبنات يهدن بيه

جنوب... لوادري هيج جان ماحجيتلج

ميس... ياعيني ليش هالبجي

سيرين... ابجي على حالي والحال الااني بيه بسبب ضرار صدمه ورى صدمه شتحمل بعد اكثر من هيج

ميس... الله يصبرج

سيرين... وجهت نضري الها واشهك بالبجي،كملي

جنوب... دخليني ساكته

سيرين... فدوه احجيلي كلشي

جنوب... من ماتت بقت البت منو يداريها احنى كومه وكلنا درنه بالنا عليها بس جذب مثل امها البت ضلت من ايد لايد سنه ونص عمتي وجدتي خبصن ضرار الايزوج

يطب ويطلع وهنه يفتحن وياه هالموضوع صار حتى للبيت مايجي مرات علما جدتي زعلت عليه وازوج مياده حتى يرضي امه وجدته

سيرين... وبعدها

جنوب... مياده جانت لسان ووكحه ابد ماتنحمل اجت واجت المشاكل وياها ضرار كعد يتفاهم وياها نصحها مافاد وياها صار يدكها دك المطي علما تعودت وصارت حتى من يدكها ميهمها
هيه ماحبت ضرار ولاهوه حبها اذا تشوف ضرار يغيب عبالك انفتحتلها ابواب الجنه ومن تشوفه تبدي مشاكلها وياه

سيرين... جا ليش سوت هالهوسه اذا متحبه ولاتريده

ميس... عبن هوستها هاي كلها حتى سويلها مشكله وتروح لاهلها هسه تشوفيها باجر يردها ابوها ماطول يوم يومين

جنوب... خيه تراه نص الحجي ماتعرفي خلي ضرار يسولفلج وافهمي منه

ميس... سيرين هالبنت انظلمت بدون امها جبنا مياده حتى تربيها بس مياده يرادلها تربيه هالتشوفيها ضاله من ايد لايد اخوي مودومه يمها ولامتواجد دائما
اعرفنج اتي ماكو اطيب من كلبج واعرفن الواحد شكد مايغلط وياج لاتكرهي ولاتحقدين عليه

سيرين... بس كرهته لضرار والحقد بكلبي عليه كلماله يكبر

ميس... هههه تكرهي

جنوب... ولج مفلوكه بس لاهم سوين مثل مياده وتهججن الرجال بليله ضلمه

ميس... لا سيرين مومثل مياده

سيرين... وشعرفج انه مومثلها؟

ميس... اخوي عكد مايحجيلي عليج صرت حافظه الحجي مثل اسمي سيرين ديري بالج على اخوي ورهف وداعتج اعرفنها صعبه عليج بس تتعودين وماكو شي يضل على حاله تراه اخوي تعب هواي وماتعرفين شنهي المار بيه

سيرين... يحجيلج عني؟ هوه شلون يعرفني وليش حتى يحجيلج عني

هزتلي كتفها بمعنى ماعرف انفتح الباب ودخل ضرار
شافنا تنهد بعصبيه وزفر الهوى

كامن طلعن من الغرفه بدون مايحجن بس بنته بقت كاعده بحظني

نزلتها من ايدي وهيه راحتله تركضله ضميت رجليه لصدري وبس دموعي تجري

سيرين ببجي... لاتعاقبني بهالطريقه انه موكدها

اجى تقرب عليه وكعد بطرف الجربايه

ضرار... وجج انه ماجبتج حتى اعاقبج اول وتالي اتي مكانج بيتي ويمي شنهي هالحجي

سيرين... لاااا انه مكاني مويييمك

ضرار... خلي هالحجي يفيدج واتعودي عالانتي بيه

سيرين... ضرار لاسوي بيه هيجي مستحيل اكدر اعيش هالعيشه ماشفت نظراتهم والحقد الي بعيونهم اموت ولا اعيش كل عمري هالعيشه وانه اسمعهم يسبون بابوي ويلومو على غلط موهوه مسوي ويعاقبوني على ذنب موذنبي

ضرار... كليلي شني الحل هاااا احجي يله افهمي هالحجي وخلي ابالج دامج صرتي مرتي وبأسمي باحلامج اعوفنج وانشالله كلشي ينحل بس اصبري

سيرين... الحل انك ترجعني لاهلي

ضرار... حتى لوارجعج ضلين على ذمتي

سيرين...
احس سد كل الابواب بوجهي اعصابي تلفت من البرود الهوه بيه
ومن اجوبته الي كلها نفس الجواب

كمت على حيلي ووكفت كدامه

سيرين... ضراار والرب عليه اذا ضليت على هالحال حتشوف شي ميعجبكم والله اخليك تتندم عالساعه الجبتني بيها لهالبيت وخليتني بنصهم

ضرار... اركعدي احسلج هالحجي مايفيد وياي فاهمه وغصبن ماعليج ترضين بالعايشته

وجهه قريب على وجهي ويحجي بغضب وصوته العالي
ماوخر مني الا لمن سمع صوت بجي بنته عافني وخر مني واكفه هيه بنصنا
وتضرب برجليه بلعابتها وتبجي وخر مني وشالها

ضرار... شمالج بويه ليش هالبجي

وهيه مستمره بالبجي وهوه يريد يسكتها مايعرف شلون

سيرين... انطينياها حتخبلها هيج

ضرار... هاج

انطانياها شوي هدت لعابتها جانت بيدها ماحس غير وهيه شامرتها على ضرار لزم عينه بالم ونفخ بغضب

ضرار... بت الك*** چا انتي وحد منهن

سيرين... وشبيك تفشر وهسه ممكن تطلع ارد ارتاح

ضرار... هينه انه اعلمجن

هز راسه ومشى طبك الباب بقوه وهيه بيدي وتفخ على جروح

رهف... ابه افج _ بابا عضج

سيرين... لاهم طلعين نفس ابوج المكروه خليج هيج ماشي خليج بصفي موهم على حظي وتكلبين عليه
اذا ضليتي حبابه نهجهه انه وياج نخلي ميندل حتى دربه

_هيه تباوعلي وتضحك ماتفهم شنو الاكوله همزين ماتشبه ابوها دمها عسل وبس تضحك وكلامها مكسر ابد مامفهموم

خذتها ورحت لفيت راسي ونمت وهيه بس تناغي وتلعب بلعابتها كلساع انام واكعد الكاها كاعده اخر شي لكيتها نايمه واني هم نمت

_ماكعدت غير على صوت وكأن صاير اعصار كمت بسرعه من مكاني واني حالتي حاله ،والنعاس بعيوني من الخوف عبالي رجعن يردن يكتلني عطت باعلى صوتي

سيرين... ييييمهه ضرار الحكني

صوت البجي مال رهف خبصنه صحصحت شوي اشوفن وحده واكفه ومتخوصره

مالكه... خايبه شمالج شنهي شفتي وصرختي

سيرين... عفيه شلون هيج تضربين الباب

مالكه... بدت العياره كومي انزلي عمتي رايدتج

هزت ايدها ومشت شبيها هاي كعدت اسكت برهف شوي سكتت وحرت انزل او لا

ضليت افتر بالغرفه حتى اضافيري اعضعض بيهن اعاين الدم طلع وموحاسه بيه ولاوحده منهن صعدت
وحتى ضرار وينه عني

ضليت ابجي واشهك حرت شسوي واني بهالحاله
شوي وانفتح الباب

دخل ضرار وسده وراه شافني عقج حاجبه واجى يمي

ضرار... شمالج ياهو المحاجيج

جاوبته واني اشهك بالبجي

سيرين... وين عفتني

ضرار... رحت طلعت شوي ورديت

سيرين... عفيه لاتعوفني

ضرار... ريحانه ليش هالبجي كافي بويه

سيرين... غريبه انه بنصهم

ضرار... انه يمج بويه انزلي جوا ومعليج بأحد امي وميس موجودات ونسوان اخوتي

سيرين... ماريد ماعرف احد بيهم ولااريد اعرفهم

ضرار... سيرين لاتعبيني

سيرين... انـتـهـه لاتعبني فوك مو انه تعبانه

ضرار... منين تعبانه

سيرين... منك

_نفخ بضيج قربني من راسي وحضني وهوه يبوس براسي

ضرار... وعيونج كلشي ينحل بس خليج وياي تعبان اكثر منج موهينه عليه وانه اشوفن دموعج يحركني والله

سيرين... وخر مني وانه اريدنك تحترك اكثر اريد تحس بالجاي احسه

ضرار... اششش كاافي ولجج صايره كويه وماتخافين لاتتسربتين عليه

_هوه حاضني ويضحك اجت رهف وحضنتنا من رجلينه دنك عليها وشالها ضل يناغيلها ويلعب بيها وهيه مكيفه بحظنه

سيرين... تكدر تبعد عنها ؟

ضرار... كطعه من روحي هالبت ماكدر بلياها

سيرين... وانه ابوي هم مثلك انـتـهـه اب مثله ليش ماتحس بوجعه وهوه بعيد عني مافكرت شلون حيكون حاله بدوني ها ؟

نزل بنته بالكاع واجى يريد يلزمني وعطت عليه

سيرين... دييييربالك تلزمني وخررر مني

ضرار... صوتج لااطيح حظج موشفتيني نطيتج مجال كمتي تجاوزين

سيرين... شسوي تضربني يله اضربني تعيط يله عيط تموتني يله مووتني خلصني من حياااتي كرهت نفسي من وراااك كرهت الدنيا والبيها من وراااك كلي شسوي بعد

لزمني من فكي وهوه يصك على سنونه

سيرين... خلصت يله وخر مني

دفعته بقوه اريد اسيطر على دموعي حتى ماينزلن بس احسهن يزرفن بكلبي عيوني غوشت واني احاول احبسهن بس ماكدرت

سيرين... كممممل ضرب ليش وكفت هيه هاي كدرتك ماتكدر سوي شي غير الضرب

ضرار... ماريد أذيج ماكو والخلقج ادفنج بمكانج ومايرفلي جفن

سيرين... اي رجولتك بالضرب والعياط

انه كلت هيج لوجن انفتحت ابواب جهنم عليه
راح قفل الباب واجى سحبني من شعري ويعت بيه خنكني ويصحك على سنونه

حتى صوتي كتمته ردته يموتني حتى اخلص من هالدنيا ومن عذابه ماطلعت صوت ولاحاولت امنعه واني روحي موراضيه تطلع

سيرين بكلبي... ربي اخذ روحي وخلصني

اخرها ماعرف منين اجتني القوه ودفعته بقوه كمت بسرعه ركضت

فتحت الباب البنات واكفات يدكن بالباب شافني ولطمن

عدلت شالي ونزلت ركض جوا سمعت صوتهم جاي من الاستقبال رحت دفعت الباب وهمه شافوني انصدمو

حسيت الدم يجري بس ماهتميت مسحته باردن دشداشتي ووكفت كدام جده

سحب عوجيته ووكف ، الشهكه زرفت كلبي واني حابستها دموعي يجرن مثل الشلال اريد اسيطر عليهن موكادره

بلكوا جمعت الكلام وحجيت

سيرين... ابوي كال انت رجال خير وماترضى بالظلم شلون ترضى يضلمني هيج ها ؟

دخل ضرار عيونه بكصته وشرايينه بارزه عاط عليه بس ماهتميت

سيرين... جاوبني شلووون تقبلوها انظلم هيجج هااا انه شنو ذنبي شنو غلطي حتى اتعاقب هيج شنو السويته حتى تعاقبوني على ذنب موذنبي

عاينت عليهم كلهم ساكتين محد حجى ولاكلمه

ليش ساااكتين هاااا ليش ساكتين هساع جنتو تسبوني وتسبون بابوي ليش سكتتتو يله كملللو اخذو ثاركم مني انتقمو مني

اجى عليه سحبني من ايدي حسيت كتفي نخلع من الجره

حطام... هدها ولك شعامل بالبت لابارك الله بيك

ضرار... مرتي وشسوي بيها اسوي لاحد يدخل

سلافه... ولك ضرار وجن ذيالك كبرت رد البت لاهلها وفكها شرايد منها

ضرار بعياط... ماردها موووتتتها هناه اتصير وماردها

حطام... طول عمري وانه لامنعك من شي ولاكسرن خاطرك بطلب بس بهاي واكفه وروح ابوك اغضب عليه ليوم الدين ياضرار شوف حال البت جاي طلع غضبك بيها ردها منين ماجبتها واتجفى الشر

دفعت ايده ورحت يم جده اتوسل بيه ،احجي واشهك بالبجي الكلمه كوا تطلع من ثغري

سيرين... حجي الله يخليج رجعني لابوي والله انه مالي دخل موانه الي كتلت ابنك حتى تاخذون ثاركم مني

حطام... اهدي بويه على كيفج وي رويحتج

شفت بسول اجى شافني استغرب من حالنا دفعت ضرار ورحت لزمته اتوسل بيه

سيرين... ساااعدني ورجعني لاهلي ترضاااها على خواتك يصير بيهن هيييج انه مالي ذنب حتى تعاااقبوني تعبت واني اكول رجعوني لاهلي اريد ابوي لااتحرموني منه فدوه ساااعدني انت عندك اخوات وواكف بضهرهن انه ماعندي احد بظهري غير ابوي لاتكسروني هالكسره وتعااقبوني على ذنب موذنبي

حجيت اخر كلمه ورجفه سرت بجسمي اريد اسيطر على نفسي حسيت روحي فقدت اطرافي ثلجت رجليه بلكوا مستنده عليهن

وكعت على ركبي وانه جسمي يختظ مثل السعفه موكادره استوعب شي بس صوت وشوشه يرن بأذني

اخر شي شفته ضرار وهوه لازمني بعدها انعدمت الرؤيه عني ماشفت غير بس الظلام

يـــتـــــــبــــــــع....