رواية ذات العيون الناعسة الفصل التاسع وثلاثون 39 - بقلم روان آل عبدالله

عندما كانت روحي تحاول ان تلفظ انفاسها الاخيرة وجدتها تلفظ اسمه!!

علقو بين الفقرات دوسو على النجمة لطفاً

الكاتبة روان عبدالله

••••••••••••••••••••••••••••••••••

فتحت باب الاستقبال حسيت نضربت بكتفي بس ما هتميت رغم الضربه اذتني، ركضت بل ممر وصلت للصاله و ستوقفني منظر عماتي مسويات دائرة و يضرب بشي اسود جواهن

صفنت عليهن شجاي يسون اذني راحت من الصريخ كلها تصرخ

كبل اجه على بالي لكن حيه بل بيت بس فكرت بيها هنه و الحيه ربع شلون يضربنها

نفذ صبري واني افكر صحت بيهن بعلو صوتي الكل سكت صار هدوء

تقدمت عليهن ردت اشوف ليش كل هل صياح وكفت يمهن و صحت

شاهين. خيررر صياحجن واصل لسابع جار مو عيب وين كاعدات بملهه لوو شنو بل ضبط فهمني ... زولن من طريقي خلي اشوف شجاعد تسون

بعدتهن عن طريقي زولن و جان تطلع بنت من جوه رجلينهن مدميه من فوك الى جوه و شعرها طالع و ملابسها مشككه نزعت بلوز التراك و خليتو عليها انداريت عليهن و صحت

شاهين. منووو هاذي وليش مسويات بيها هيجج شنو حيوانات حتى الحيوانات ما يسون سالفتجن

عمتي سعديه. صكررر لا تتدخل هاذي بنتي واني اريد اربيها من جديد يل ما تستحي نزلت راسنا بل طين

شاهين. اول شي انتِ نسيتي نفسج و جاي تربيها بيتي فا يا عمتي اني مو مكرن اشوف بنيه تنضرب و اسكت فهمتي و ثاني شي شسوت تا هيج تنكلبن

عمتي سعديه. حبتلها واحد و تريد تتزوجه

شاهين. فاطمة...

انداريت عليها لكيتها صافنه عليه صحت

شاهين. فاطمة خويه بلا امر عليج اخذيها و غسلي الها و جيبها لغرفتي فوك خلي اشوف شنو سالفتها.... و انتن الحيايه ديرن بالجن تتدخل بشي يخصها للبنت بعد الموضوع صار يمي اطلعن منها والي تمد ايدها عليها تعرفن شسوي موو...

هزيت ايدي و صعدت فوك دخلت غرفتي اجت بوجهي المراية دحجت على نفسي و ستغفرت تالي عمري اتصلخ جدام نسوان

رحت لبست ملابس و ذبيت روحي على التخت تعبان حيلل يمته ارتاح و استقر بحياتي ما اعرف

ادنك الباب كمت عدلت كعدت و صحت

شاهين. ادخليي

نفتح الباب و دخلت البنت هيه و فاطمه

كعدن على طارف التخت جريت كرسي و كعدت جدامهن دنچت ورثت جكاره رفعت راسي عليهن واني اخذ نفس من الجكاره همست

شاهين. ام امير بلا امر عليج اطلعي اريد احجي مع البنت بوحدنا

فاطمة. ليش

شاهين. شنو هوا اليش اطلعي بسرعة مو فاضي

طلعت و هيه تخزر بيه بتسمت على رد فعلها انداريت على البنت لكيتها مدنچه و تبجي

شاهين. كافي بجي يله.... هاج مسحي دموعج

جريت باكيت الكلينس و خليته يمها

شاهين. اهدي و احجي الي كل شي

مسحت و جهها و همست بصوت ناصي

ريما. خويه حبيت واحد و اعرف اني غلطانه بس والله حبنه شريف و ما بي شي حرام حتى رسائل ما نتواصل بس عن طريق اخته .... يحبني واني كذالك حبيته وعدني بل زواج و اليوم كلت الامي راح يجي يتقدم الخميس الجاي و كبل فهمتني غلط و كامت تضرب بيه

شاهين. وينج و ين الحب شكد عمرج بله

ريما. 16 سنه

شاهين. بكد بنتي استغفر الله .... بابا هاي مشاعر مراهقه فتره و تختفي انتبهي على دراستج و حياتج تشوفين شكال زلم يحياتج خوما من اول واحد و جلبتي بي .... فكري بكلامي الزواج مو لعبه و ياهو الجان تزوج مسؤولية هاي وانتِ لسعج صغيره ما راح تتحملين كل هذا الشيء

ريما. ما اكدر احبه

شاهين. حبتج حيه بطول نعالي و تحب باباا جاعد اكولج الزواج مو بس نوممم و ونسه و رومانسية الزواجج تعب مستعده تخلفين و الم و ولاده و فوك كل هذا تكعدين تربين طفل بطولج و شغل و زلمه يريد منج تنضيف و اچل و امداره و لازم 24 ساعه تهتمين بنفسج .... ليش هل تعب يا عيني خو ابقي بيت اهلج معززه مكرمه و تكملين دراستج و تكبرين و توعين شكو تجيبين هذا العذاب لنفسج اذا على الحب فا ابصم الج بل عشره ضلي عشرين يوم لا تفكرين بي و شوفي شلون راح تنسينه، هاذا حب لعب لا اكثر اتعبي على نفسج و طوريها و صيري مثقفه و محد يكدر يغلبج اقري كتب مارسي هواياتج اهتمي بنفسج و عوفي هيج سوالف اذا بقيتي بيها راح تدمرين نفسج بنفسج

ريما. قنعتني

شاهين. اي عفيه هذا الي اريده توعين فقط انتِ ما عندج احد يوعيج و لا احد يهتم بيج فا بساطه التجأتي لهيج طريق

ريما. صح

شاهين. و هسه كل الي اريده منج تتركين كل هاي الافكار و ابدي من الصفر حياه جديده كل الي بالج دراسه هسه بمجتمعنه المره الي عدها شهاد تصير الها قيمه بين الناس و مهابه

ريما. أن شاء الله راح اطور نفسي اوعدك و اهتم بداراستي و اطور مواهبي

شاهين. عفيه بل سبعه و هسه اطلعي بلا مطرود اريد انام ولحد يسوي صوت و اذا فتحن الموضوع بعد معاج تعالي ناديني و اني اعرف شسوي

ريما. اوكيي شكراً الك

شاهين. كل الهله

طلعت و كبل تمددت و خابرت سمسمه

مريم. هلااوو شاهين

شاهين. هلاا يا بعد گليبي شلونه الحلوو مو مشتاكلي

مريم. توو مو مشتاقه ابدد

شاهين. افاااا ليش يل مصكوعه

مريم. اففف شاهين ما بيه حيل احجي حروح اكمل درسي

شاهين. افتحي كامره خلي ادرسج

مريم. توووو مو هسه بل ليل

شاهين. لا مو بل ليل هسه

مريم. شنو الفرق هسه لو بل ليل ماكو فرق تراا

شاهين. راح اطلع مع الولد حبيبي ما ارجع للصبح

مريم. عززه وليش للصبح و مع منو طالع و شمعنى بل ليل

شاهين. هههه والله لاكين نونات حاتات و عزموني واني بطبعي ما ارد احد

مريم. شنو عزموك مو هيه دليميه و تا يعزموك ... اسمع صكر راح اكول كم كلمه و ما اعيدهن ابد

شاهين. اي شنو هنه بله

مريم. طلعه مع الولد ماكو و خصوصا بل ليل دير بالك شاهين تطلع معاهم

شاهين. واذا طلعت شراح تسوين

مريم. كل الخير

شاهين. راح اطلع منو انتِ تا تمنعيني

مريم. انا مرتك اذكرك بعد لو نسيت منو انااا

شاهين. لا تذكر ههههه

مريم. اييي اضحك يل منتف شو انطيني رقم فهد

شاهين. ولجج شنو ما تستحين انتِ جدام رجلج و تطلبين رقم صديقه

مريم. اممم عادي فهد اخويه و اعرفه قبل لا اعرفك اوكيي

شاهين. جتلتني بهاذي السالفه اعرفه قبل لا اعرفك من الله ينعل المعرفه مالتج انتِ و ياه كطيعه ما انطيج الرقم لو تموتين

مريم. اويي هنا تمام شوف الحساس من تكولي تا اطلع مع بنات هيج احس بل غيره و اكثر و اني مجرد كلت الك انطيني رقم فهد بس ما عوزك تحطني و تكتلني

شاهين. لو بسدي اله اكتلچ چتله واني الممنون

مريم. ما تكدر عندي قوه خارقه تحطمك

شاهين. غير تستقر فتيات القوى هههه بله شنو هاي القوى الخارقة

مريم. بنظره وحده فقط كبل اخليك تتراجع الف خطوه

شاهين. ولعباس صح اول مره بحياتج تكولين شي صح

مريم. انا كلي على بعضي صحح

شاهين. احبچ يا بعد روحي و عافيتي من تسولفين معاي احس نفسي اسعد شخص بل دنيه جاعد احسب الايام و الليالي و الساعات لجل تصيرين الي

مريم. عن قريب اصير الك حبيبي تدري من تكون يمي لو من تشبك ايدي بايدك احس امتلكت الدنيا و ما بيها تدري كلمه احبك احسها ما تعبر عن حبي الك

شاهين. اففف مريم يا سمسمه يا شيهانه صكر، كلامج راح يخليني اتعنه للناصرية وعلي

مريم. تعال هلا بيك مشتاقه كلش الك

شاهين. يعني اجي

مريم. اخاف تتعب حبيبي اجلها لبعدين الطريق طويل و هسه الشمس دا تغرب و الطريق بل ليل يخوف

شاهين. ماكو شي يخوفني غير فراكج انتِ نقطه ضعفي الي افتخر بيها .... كل شخص بينا عنده نقطه ضعف و ما يحب يعترف لجل محد يستقله بس اني غير اعترف و اكول احبچ و اكول انتِ نقطه ضعفي و انتِ كل حياتي و عافيتي بدونج ما اعيش و اذا صار عليج شي يصير عليه اضعاف تدرين من ابوسج لو احضنج اخاف عليج اخاف لا ائذيج بذراعاتي لو اخاف لا تتحسسين مني وانتِ اترف من خلق الله

مريم. حبيبي انت كلامك خله جسمي يكزبر احبك اكثر من روحي يا عافيتي بحضنك انسه كل الدنيا و ما بيها احبك صكري

شاهين. واني احبچ اكثر يا رويحتي سمسمه

مريم. حروح مع السلامة

شاهين. ستحت عمشه

مريم. منو هاي انوب

شاهين. مثل شائع عدنا

مريم. شنو هوا

شاهين. بعدين تعرفي ... بس والله حلو اسم عمشه يرهم الج حبيبي

مريم. ويع شهل ذوق بيبي

شاهين. انجبي عمشه لا تكولين بيبي ترا اجي اكتلج

مريم. ما تكدررر ههههه ..... يله بيبي حروح باييي

شاهين. راح اجيي اصبري

مريم. لاااا أمانه الدنيا ليل بداعتي شاهين لتجي باجر تعال

شاهين. يالله مع السلامة

سديت الخط ما سمعت منها بدلت ملابسي و لبست لبس مريح مشطت شعري خليت عطر اخذت نضاراتي و فلوسي و اغراضي و نزلت

لكيت امي كاعد و يمها فاطمة الحيات رايحات مبين

شاهين. سلام عليكم ورحمة الله وبركاته

مزنه. وعليكم السلام

شاهين. كلاص جاي بلا امر عليج خويه فاطمه

مزنه. شكلك طالع

كعدت على الكنبه مسحت وجهي و همست واني اكلب بل تلفون

شاهين. يمه طالع للناصرية

مزنه. بهللل ليل يولل اكعد ما تروح باجر روح

شاهين. يمه ما اكدر شغل عندي

مزنه. عاد هوا شلونه هل شغل سبحان الله ما يصير بس بل ناصرية

شاهين. رايح على زوجتي عندج مانع يمه

مزنه. لا عندي دواس.... ما تروح الدنيا ليل

شاهين. يمه امان

مزنه. منوو كلك امان يول وانتَ ضابط و عليك العين و بنص اليالي يالله توصل

شاهين. راح اخذ حماية معايي هااا رضيتي

مزنه. باجر روح

شاهين. يمه ما اكدر اصبر گلبي نار عليها

مزنه. هذا اليعشك يتورط .... روح يمه مع السلامة ربي يحفظك و يوفقك و يهديك

شاهين. امين يل قالية (غاليه) احبج و علي

كمت و دنكت على راسها و حبيتها

اجت فاطمة و خلت الجاي و كعدت مقابيلي جان لبسها مو مستور واني اتخبل من المره الخفيفه

دنجت على كلاص الجاي و كعدت اخوط بي شربت منه احس حلكي وكف كد ما طعمه خايس مو خاله شكر و الجاي عباره عن ماي و فاير فقط

لعبت نفسي كبل شلت غراضي و طلعت للخارج

ذبيت الي بحلكي و رحت غسلت احس لعبت روحي الله يعلم شخاله الي بداخله ما استغرب اذا خاله سحر لو خاله شي بل جاي

غسلت سنوني و عدلت شعري و توجهت للسياره

اتصلت على علي اجاني صوته و هوا يصيح

علي. لككك هاااا حبيبي شعندك متصل ما فوك خطبت بعد شكو تتصل عليه يل خاين بسيطه ربي ياخذ حقي منك كولوو امينن.... كولو يله ولكم خانييي و راح خطبب ما اغزرت حضناتي لا حبي لا بوساتي معقوله يا حياتي رخصت حبي الغالي فهمني وين العشره

شاهين. هايييي شبيكك اندمجت ماكو لا عشره ولا خمسه خليني امضرط

علي. لتصيححح اخافف من الصياح انيي رقيقه

شاهين. هااك استلم ... فدوه لهل وجه الحلوو رقيقه الاخت

علي. اويي حبيبي مو بجمالك.... قنعتني بكلمتين يله مزعلانه منك امححح

شاهين. دوليي امححح يكول ابن الزربه رجال جيس حب انت

علي. اوييي خرمشت مشاعري يوللل

شاهين. احسن... اسمع ولك اعتذر من الولد ما اكدر اجي عندي طلعه

علي. ليش يول كلها تنتظرك

شاهين. ما اكدر تا اطلع على الناصرية

علي. اهاااا هنا الحجي كول تا اروح للحب

شاهين. اي شتريد

علي. هاييي تاليتها المره تاخذك منه

شاهين. معليك بكيفها بعد لا تجيب طاريها يله امشي ادعبل جاي اسوق

علي. حوقيرررر شوريرر

سديت الخط بوجهو شكد مسلت كملت طريقي و صلت الساعة 1 بل ليل

تكسرت تكسر ما وكفت ولا استراحيت بل طريق ما ردت اضيع وقتي

وصلت لبيت خالتها نزل من السياره اول ما خليت رجلي على الكاع كبل كمت اسمع صوت طكطكه اعظامي

نزلت رفعت راسي و دحجت على غرفتها ضلمه شكلها نايمه

شلون هسه الناس نايمه واذا ادك الباب راح ينفجعون

تسلقت الحايط و چطيت على الحديقه

نفضت ايدي و ملابسي همست واني اطلع موبايلي من جيبي

شاهين. هاي تاليت اليحب يكضيها من حايط لحايط

طلعت رقمها و اتصلت عليها

ما ردت عرفتها نايمه رجعت اتصلت اكثر من مره يالله انفتح الخط و اجاني صوتها دوبه ينسمع هيه تكول

مريم. هااا شتريد

شاهين. شنو شريد .... ليش ادك ما تردين

مريم. جنت نايمه

شاهين. نوم العوافي يا راحتي

مريم. الله يعافيك يل منتف

شاهين. انزلي خلي احاجيج

مريم. وين انزل عزههه

شاهين. جوه واكف بل حديقه انزلي

مريم. عزااا يمه وين كلت يعني سويتها و اجيت بنص الليل طلعت من صدك صگر ادري خوما طرت

شاهين. نزلي و بعدين نتفاهم

مريم....

ركضت على الضوه و شغلته حتى النومه طارت من عيني فتحت الستاره و الشباك اشوف شاهين بنهايه الحديق لابس كلشي اسود. ما يبين لو ما مشغل الموبايل ما اشوفه

خليت الفون على اذني و همست واني ارجف و اباوع عليه

مريم. شجابك شاهين

شاهين. جابني الشوك انزلي يله

مريم. ما اكدر فشله بيت خالتي هسه شيكولون عليه

شاهين. نزلي لا تشلعين گلبي فوك ما هوه مشلوع اتعنيت بطريق 5 ساعات و تالي ما تقدرين تعبي

مريم. حبيبي شهل حجي والله خايفه حتى جسمي يرجف من الخوف

شاهين. لا تخافين اطلعي يله انتظرج

مريم. ماااا ابدد ما انزل

شاهين. هايي شبيچ اطلعي بره احاجيج بلكي الله يهديج و اطفي بيج نيرانيي هههه

مريم. ويععع ذوق 2014

شاهين. من زين ذوقج

مريم. احلى منک

شاهين. تنزلين لو اصعد

مريم. لااا دير بالك نازله ثواني

شاهين. لو مهدد من البداية بس صرفت حجي

مريم. انا الك يل منتف

شاهين. نزلي و نتفاهم

سديت الخط و ركضت عدلت شعري و خليت عطر و حمره سحريه عدلت تراكي باوعت على نفسي بعلامه رضا و نزلت امشي على اطراف اصابعي كبل لا احد يشوفني بعدين اتورط

فتحت باب المطبخ على كيف طلعت و رجعت سديته

كمت امشي بل كراج و ادور على شاهين بعيوني جانت ضلمه ما مشتغل لو ضوه و صوت الصراصير و ضوه القمر الخافت يعكس على الارض

ازداد صوت انفاسي شابكت اصابعي بتوتر و كمت اعصر بيهن بخوف

حسيت احد رفعني من خصري و باسني بركبتي

كزبر جلدي و تشنجت عرفته صكر من عطره

انداريت عليه هوا سحبني و خله ضهره على الحايط و خلاني على صدره رفع جفه و مسح خدي و بعد شعري عن وجهي

حجيت بتوتر و رجفه

مريم. صكري

شاهين. يا روحه لصكر و عافيته

ما كدرت احجي شي همس و هوا يبتسم

شاهين. ليش الرجفه يبعدي

مريم. مدري

دنك شمني بعمق من خدي و كام يتنقل على كافه وجهي

زدادت الرجفه بجسمي وانا اتحسس بانفاسه الحاره الي تضرب بوجهي

مسكته من تيشيرته و همست

مريم. صكري كافي

شاهين. تعبان ضميتي

بدون تردد ضميت راسه بصدري و كمت احرك اطراف اصابعي على شعره

حسيت اصابعه البارده تنبت بخصري و ترفعني عن الارض

اسمع صوت انفاسه تزداد بشكل مرتفع و ايدينه تتحرك بطلاقة على خصري

رفع راسه و باوع عليه بعيون حمر فرك و جهه اكثر من مره و همس

شاهين. امشي خلي انروح لشقه مالتي

تا احجي بس خله اصبعه على شفتي و حركه بترف همس

شاهين. لا تخافين رويحتي ما راح اسوي شي بيج خافي من كل الناس و لا تخافين مني

باوعت علي و هزيت راسي بفهاوه شالني و لفني بحضنه

فتح الباب على كيفه و صعدني بل سياره رجع سد الباب و صعد بمكانه

باوع عليه و بعد الكرسي و رفعني و كعدني بحضنه

مريم. شدا تسوي صكر

شاهين. ما اسوي شي حبيبي

رفع ايدينه و كام يلم بشعري رفعه و خلاه جوه تيشيرتي جر الجراويه الي جانت على كتفه و خلاها على راسي و لفها باوع عليه و ضحك

شاهين. صرتي زلمه حوك

مريم. بعد كلبي اخوي والله انت الزلمه

شاهين. اخوج بعينج ان شاء الله شنو اخوج حبيبي اني زوجج

ميلت راسي و خليت ايدي على فكه و مسحت بحنيه

مريم. احلى زوج

سوه مثل حركتي و همس

شاهين. احلى زوجه

مريم. ههههه لا تقلدني ياااا

شاهين. خرب ام الضحكه لا تضحكين يولوو جدام احد اني الي اعرفج و ذبت بهل ضحكه شلون الناس الغربه

مريم. محد يذوب بس انتَ هههه

شاهين. هذا الشي الي اريده و اطمح اله

مريم. اممم زين هسه شلون اخاف يحسون بغيابي

شاهين. واذا لو حتى حسو مو يم غريب يم خطيبج

مريم. شاهين لو حتى هذا الشي عيب احنى مو اجانب ولا منفتحين زياده عن اللزوم علاقتنا لحد هسه مو رسميه بس عقد شيخ و لسه مو كلها تدري و خاف خالو يزعل مني و اني ما اكدر ازعلهم ولا ازعلك ثنينكم اهلي

شاهين. يااا بعد اهلج ما اخليهم يحسون والله امشي وراي و انت و مغمضه ماشي

مريم. اففف ماشي

شاهين. تذب حسرات ست مريم

مريم. اممممممممم

شاهين. هاج شوفي شجبت الج

مريم. اشنووو الله

شاهين. كندر

مريم. اوييي حبيبي عاشت ايدك والله ماكو منك

شاهين. هتو مكلوبه خلقتها بس يم المصلحه غير

مريم. يااااااا هاي هيه خلي الك ما اريد

شاهين. اتشاقه شبيج يا عيني

مريم. اممم انطيني يله وينه

شاهين. يمج بل جكمجه

فتحتها و كعدت اكل و هوا كل شوي يندار عليه و يبتسم همس

شاهين. الجراويه زايده جمالج سوده و انتِ تضوين و تعال يصكر تحمل هل جمال

مريم. اممم مو لهل درجه حسستني فد شي واو ترا شكلي عادي

شاهين. لا والله اني بحياتي ما جذبني جمال مره انتِ اول وحده تجذبين نضري جمالج الروحي عاكس و نفسيتج حلوه تخلين الشخص يحبج بدون ما تحجين معاه كلمه وحده

مريم. الله معقوله هاي اناا

شاهين. اممم معقوله

مريم. زين معقوله ما حبيت غيري بحياتك

شاهين. سبق و كلت الج كل الي جانن عندي مجرد ونسه و لا مره فكرت ارتبط ولا احب جان ت حياتي روتين بس انتِ دخلتي بيها و كلبتيها كلب يمته و شلون ما اعرف

مريم. هههه فديتني

وكف السياره و همس

شاهين. يله نزليي

مريم. شاهين فشله ادخل العماره بهل ملابس و هاي براسي شلون ما يصير

شاهين. كلها نايمه

مريم. مااا شمدريك ما انزل فشله

شاهين. مريم انزلي والله ماكو احد بهيج وقت و كبل من السياره للمصعد

فتح الباب و نزل بدون ما يسمع الي نزلت و اني اباوع على شكلي بل تراك و حذاء البيت و جراويه شاهين فوك راسي

و شعري طويل و التيشيرت قصير اباوع على شعري طالع من جوه التيشيرت

مسكني شاهين و خلاني جوه ذراعه و كام يمشي و فعلا ما جان موجود احد كبل صعدنا بل مصعد و دخلنا شقه شاهين

ذبيت الجراويه و طلعت شعري من جوه التيشيرت

شاهين كبل نزع ملابسه بقه بس بل شورت ذب روحه على الجربايه اخذ جهاز السبلت و شغله

عيوني تتبع حركاته باوع عليه و اجت عيني بعينه كبل غيرت نضرتي و كمت اباوع للستاره همس

شاهين. راح تضلين وكفه تعالي

مريم. وين ؟!

شاهين. بنص گلبي

مريم. يااا ما اريد

شاهين. تعالي نامي بحضني مشتاك الج وعلي

مريم. ترا بس البارحه ما نمت بحضنك

شاهين. شسوي تعودت عليج تعالي

رحت بخطوات متردده

وكفت يمه فتحلي ايدينه زولت الغطه بتردد و تمددت بعيده عنه

جرني لحضنه و همس باذني

شاهين. احبچ و علي

ما رديت دفنت راسي بصدره و غمضت عيوني حيل انفاسه تضرب برقبتي وترتني بس ما حجيت

ضليت مشنجه روحين الى ما نمت

حسيت شاهين يضرب بخدي خفيف فزيت رجعت الى وره كبل سحبني لمكاني همس

شاهين. صارلي ساعه اكعد بيج يله كومي خلي اوديج

مريم. الساعه شكد

شاهين. 3:00 الفجر

مريم. عزاااا بعد نص ساعه و يكعد عمووو

شاهين. سهله حبيبي كلش يله كومي

مريم. عيونك حمر شكلك ما نايم

شاهين. ما غمضت عيني ابد ما كدرت انام كضيتها تأملج انتِ و نايمه ردت انام بحضنج بس ما صارت

مديت ايدي لفكه و مسحته همست

مريم. عن قريب تنام بحضني و تمل حتى

شاهين. ما اضن امل منج ابد راح يبقه حبج و لهفتي الج مستمره طول عمري

مريم. خلي نروح حباب ما اريد اتفشل

شاهين. يا الله نتوكل

كمت و لبست الجراويه و عدت ملابسي

اباوع على شاهين يلبس بملابسه كعدت على ميز المرايه و همست

مريم. ليش تنزع ملابسك من تنام

شاهين. تعويد من الصغر

مريم. امممم

شاهين. وجعععع اكره هاي الحركه

مريم. اممممم هههههه

شاهين. عاندي براحتج گليبي

خلص و سحبني و نزلنه جوه كبل صعدنا بل سياره

حرك السياره و صلنا البيت جرني من ايده عليه و باسني بشفتي بقوه زول عني و ضحك

باوعت عليه بانزعاج و نزل

نزل وراي و فتح الباب الي همس

شاهين. يله روحي و كبل للغرفه لا تمشين بفهاوه

مريم. حاضر سيدي

لوحت اله و طكيتها بركضه للمطبخ فتحت باب المطبخ سعت خالو يسعل بل حمام سديت الباب على كيفي و صعدت الدرجه بكل سرعتي سديت باب الغرفه و تنفست براحه

حسيت موبايلي يهتز بايدي رفعت الموبايل و فتحت باوعت على الاشعارات جايتني راساله من شاهين على التلي

فتحتها جان كاتب بيها "وصلتي حبيبي "

رحعت اله الرد و كبل طفيت الواي فاي و ذبيت روحي على الجربايه غمضت عُيوني بس ما اجاني نوم

بتسمت وانا اتخايل نفسي بحضن شاهين ضحكت على نفسي خليت المخده على راسي ابعد الافكار من راسي

سمعت صوت الاذان كمت تمسحت و صليت و ذبيت روحي و نمت

كعدت على صوت البنات جوه يضحكن باوعت على الشباك طالع الضوه

غسلت و نزلت صبحت عليهن سويت ريوك و كعدنه ناكل و انحش بل ناس ما خلينه بشر ما حشيناه

خلصنت اكل و رحت اعزل البيت شلت كتبي و طلعت بره ادرسي

صارت الساعة 11 الصبح و الشمس حركتني حرك كمت ارتب بغراضي كتفيت كد ما درست

فتحت موبايلي لكيت شاهين داك عليه اكثر من مره

اتصلت عليه و انا اهيئ روحي للرزالة

اجاني صوت و هوا يرعد

شاهين. وينننن جنتيي خوفتيني عليج من الصبح اتصل لحد هسه مي ما خال بحلكي من خوفي عليج

مريم. اسفه عمري معبالي هيج بس غلقت فوني على مود ادرس عمري انت لتعصب مو زين عليك اهده يروحي مبيه شي

ذب حسره و همس بصوت ناصي

شاهين. خوفتيني عليج

مريم. شسوي كلت اخاف ابقه اكلب بل فون و التهي عن الدرس فا غلقته لا اكثر اهده مبيه شي

شاهين. هديت

مريم. خوش لعد روح اكل و من تخلص احجي معاك

شاهين. كبل لا اروح بل 4 العصر اني و عمامي عدكم

مريم. كل الهلا بس ليش

شاهين. شنو الليش غير على مود تصير رسمية خوما ماخذج فصليه اني

مريم. هههه اوكي هلا بيكم عمري

سديت الخط منه و طكيتها بركضه على خالتي

مريم. خاله راح يجي شاهين و هوا و عمامه كلهم

ضحى. يااا هلا بيهم بس ليش

مريم. انا هم سئلته نفس سؤال و كلي على مود تصير رسمية اكثر ما يريد سكته

ضحى. صلاوات شلون رجال هذا ينشد بي الضهر زلمه و صكر اسم على مسمى

مريم. ايي والله صدك

ضحى. ماعت بنتي... روحي رتبي و عطري الديوانية

مريم. هم صح

رحت ركضت عدلتها ما بيها شي نضيفه بس خليت بخور بل مبخره و خليتها على الميز

رحت و تغديت و غسلت المواعين

دخلت لغرفتي و كمت اسوي شعري ويفي خلصتي من شعري اباوع عليه طلع مثل ما اريد

خليت مكياج وردي بسيط و كحل اسود داخل عيني فقط على مود يبرزها

طلعت فستان يصير مو كلش طويل لونهه وردي و البيض

لبسته باوعت على نفسي باعجاب و شمرت بوسه و رحت لغرفه البنات و كعدت اتفيك فوك راسهن

اتصل عليه شاهين كلي وصلنا و سد الخط بوجهي

نزلت ركض على خالو و كلت اله وصلو كعدت بل صاله متوتره سمعت صوتهم و هما يدخلون الديوانية
زاد توتري اكثر

ضيفناهم و كعدو يحجون يتناقشون نص ساعه

بعدين صوتهم ختفه خالتي كاعده يمي و تكلب بفونها

مريم. خاله صوتهم ختفه راحو

ضحى. شي اكيد

مريم. ما شافني شاهين

ضحى. اي والله حرامات طالعه صاكه

مريم. لا تقهريني اكثر خالتووو

ضحى. يله ميخالف تعيشين و تاكلين غيرها هههه

مريم. لااا أن شاء الله ماكل غيرها خليتها الج انا مسويه دايت

ضحى. لا بارك الله بيج ما اريدهن

احنى و نضحك دخل خالو علينا باوع عليه و ابتسم

ابو راما. شاهين يريد يحجي معاج كلمتين لجل عقد المحكمة

مريم. هم زين راح يشوفني

حسيت على كرصه خاله من ضهري

مريم. اقصدك هم زين راح نتفاهم على هذا الموضوع جنت اريد كلشي يصير رسمي احسن

ابو راما. اي هم صح بكيفكم بعد انه رايح لشغلي مع السلامة

ضحى مريم. مع السلامة الله وياك

راح خالو و انا ركضت للديوانية وصلت يم الباب عدلت شعري و ملابس دكيت الباب بهدوء و دخلت

لكيت شاهين مدنك و يدخن

رفع راسه من شافني طفه الجكاره و فتح ايدينه

رحت بحضنه و باسني من خدي و همس

شاهين. شلونچ

مريم. زينه وانت حبيبي

شاهين. زين بشوفتج

سحبني و كعدني على رجله همس

شاهين. شنو هاذا الجمال هتو تأكدت انتِ يوم بعد يوم جاعد يويد جمالج

مريم. هههه مو لهل درجة حبيبي مكياج ترااا

شاهين. لا بل عكس مجاعد اجامل والله اصلا ما مبين المكياج ابداً

مريم. اويي صكري فدوه لگلبك

شاهين. روحي لبسي حجابج خلي نروح نعقد محكمه

مريم. شلون لازم حجز

شاهين. كلشي محظر و داعتج بس تبصمين

كمت من حضنه و همست بخجل

مريم. ثواني و اجي

طلعت و رحت لبست شال ابيض و حذاء ابيض عمقت الحمره و نزلت جوه

انطيت خبر لخالتي و رحت لشاهين لكيته و اكف بل حديقه و منطيني ضهره و الدخان مال الجكاير بل جوه فوكه

اجيت من وراه و سحبت الجكاره من حلكه و ذبيها على الحايط همست و انا امسح بفكه

مريم. يله بيبي خلصت خلي نروح

شاهين. يالله نتوكل

سحب ايدي و ضمها فتحلي باب السيارة و صعدت

كل الطريق مشغلين اغاني و انا اكص صور الايدينه و لشاهين

وصلنا للمحكمة وانا ميته فرح و خوف

نزلت و تشبثت بايد شاهين بكل قوتي

عقدنا و جابو عليه ورق بصمت و انطيت موافقتي و هنا صرت مرته شرعا و قانونا

احس نفسي ملكت الدنيه و ما بيها

مسكت ايد شاهين و طلعنا من المحكمة جانت الدنيا غروب و الشمس عاكسه على الغيم و صاير لونها برتقالي

رفعت راسي على شاهين التقت نضراتنا عيونه جانت عاكسه عليها الشمس

باوعت عليه لكيته يبتسم و يتأمل بوجهي همس بحنيه

شاهين. اسعد بشر اني

مريم. صرت مرتك هههه

شاهين. احلى مره وعلي ملكت الدنيا و ما بيها صرت غير انسان حبج خلاني اسعد انسان بوجه الارض

رفع ايدي و باسها همس

شاهين. امشي دخلي بل سياره الشمس عاكسه على عيونج و صايره حور عين واني رجال ما اتحمل

مريم. هههه اوكي ادلل

صعدنا بل سياره حجه و هوا و يضحك

شاهين. اليوم عازمج بمطعم

مريم. اوييي فدوه حبيبي ماله داعي تكلف على نفسك امش خلي نروح على بيت خالتي اعرفك ما تحب اكل المطاعم

شاهين. لا ميخالف

مريم. خلي اخابر خالتي و انطيها خبر راح اتأخر

اتصلت بخالتي و استأذنت منها

سديت الخط و شاهين شغل اغنيته الي يحبها احلى صبيه

و تفاعل معاها بشكل كل شوي يدنكن يبوس ايدي لو يحضنها لو يباوع عليه بحب واني اموع من الخجل

وصلنا للمطعم فتح الي الباب و مسك ايدي

اتجهنا للداخل وصلنا الباب جان كبل ينفتح النا

دخلنا للمطعم فخم حيل بس جان فارغ

رفعت راسي لشاهين و همست

مريم. حبيبي شو ماكو ناس اخاف معزلين

شاهين. لا مو معزلين

وصلنا وسط المطعم و طفت الاضويه شتغل ضوه خافت

خفت كلش و لزكت بضهر شاهين همست بخوف وانا الزك بشاهين اكثر

مريم. خلي نطلع شنو هاي

ضحك بخفه و خله ايده على ضهري و ضمني و همس

شاهين. لتخافين امشي

...................

°°°°°°°°°°°°°°°°°°°°°°°°°°°°°°°°

يتبع..

خلو نجمة و تابعوني بحسابي الانستا roroabd_17

تابعو حساب البنوته نزلت قُصه حلوه Bracelets1422

الكاتبة روان عبدالله