ذات العيون الناعسة الفصل السابع وأربعون 47 - بقلم روان آل عبدالله

وانسجنه واحد بنص روح واحد
آنه كلمة بحَلگ أخرَس
وانتَ دمعة بعين فاگـد🤍.

الكاتبة روان عبدالله

علقو بين الفقرات و خلو نجمة

°°°°°°°°°°°°°°°°°°°°°°

اندار عليه و نزع البيريه و حزام المسدس و غلق موبايله و باوع عليه

باوع عليه بتمعن و حجه بابتسامه

شاهين. عمري سمسمه ليش هل رجفه هاا ترا ما راح اكلج

مريم. اريد ادخل للحمام

شاهين. هذاك جدامج حبيبي اخذي راحتج

شلت فستاني و دخلت للحمام

وكفت كدام المرايه و باوعت على شكلي بتعجب نفسي اضل بل مكياج كد ما حلو

نزعت الفستان جان سهل و شعري بقيت نص ساعه واكفه على المرايه و اطلع منه أشياء

رغم ما سويت كل شعري تسريحه بس متروس ماشات

خلصت من شعري و مسحت المكياج و دخلت سبحت

من خلصت استوعبت انا مو جايبه الي ملابس

دورت بل حمام على برنص هم ما لكيت بس خاوليات

خليت خاولي على شعري و كمت انشف بي

صحت بخجل

مريم. صكرر... حبيبي جاي تسمعني

مجان يرد عليه لزكت بل باب و حاولت اسمع اذا جان موجود صوت

بس مجان موجود احد بل غرفه

لفيت المنشفه بس هيج على جسمي و كلت يمكن راح يجيب اكل

و انا اطكها بركضه اخذ ملابس و ارجع

سميت بسم الله و فتحت الباب و طلعت اركض

فتحت الكنتور اخذت تراك انداريت لكيت شاهين مكتف ايدينه و يباوع عليه

فتحت عيوني بصدمه و همست وانا اميل راسي من الخجل

مريم. هلو

شاهين. هلا يا بعد روحي و عافيتي

مريم. امم... ممكن تدير وجهك عني اريد ارجع للحمام

شاهين. ماشي

انطاني ضهره و كام ينزع بملابسه

دخلت للحمام باوعت على التراك و تذكرت كلام خالتي من تكولي البسي ملابس مشلتحه

عشتو اعرفه يعرفني من اول يوم اذب الميانه

مبلا اعرفه شلون غير جان حبيبي

رفعت راسي على المرايه و همست

اتس اوكي صح حبيبي بس مو من اول يوم البس هيج لازم ابين ثكيله

لبست التراك و عدلت شعري و طلعت

لكيت شاهين متمدد على الجربايه و بيده باكيت الجكاير يلعب بي

اجيت كعدت يمه حجيت وانا اخلي اصبعي على حلكه

مريم. حبيبي

شاهين. همم

مريم. جوعانه

شاهين. يول هسه اذبح العشيره و اشويهم الج

مريم. لا تحمه بليز

شاهين. هدوني هههه

مريم. لاا كول يا الله

شاهين. امشي خل نروح ناكل جنت انتظر بيج

مريم. وين انروح

شاهين. للسينما

مريم. عاااا شاهين

شالني و رفعني من خصري لفيت رجليني على خصره و حضنت رقبته

مريم. حبيبي انتَ تحبني

شاهين. لا

مريم. ليش

شاهين. لان عبرت مرحله الحب.. اجه وكت الافعال

مريم. شنو يعني افعال

شاهين. اثبتلج اذا اني احبج لو لا ههه

مريم. ما يضحك

شاهين. على الضحكة نحسدنا و هيه بس صوت

قربت شفتي من اذنه و همست

مريم. منتف

شاهين. اكفي ارجعها الج وحده وحده جايي اسجل يل حبيب

مريم. ههه ما يهم

فتح باب جان بداخل الغرفه

دخلنا على صاله وسط شكلها كلش راقي و الالوان تفتح النفس

خلاني على الكنبه باوعت على الطاولة بيها اكل ما اعرفه

شاهين. دليمه... هاي الي وعدتج بيها

مريم. ياا هاي هيه.. بس عبالي نسيت والله

شاهين. توو ما انسه

مريم. بس انا ما اكل هيج

شاهين. اني اوكلچ بيدي يول

مريم. لا ما اريد شبعت

شاهين. افاا شنو اجلتي تا تشبعين.

مريم. ما اريد متوتره عوفني حباب

كعدت على صفحه و دنكت

شاهين. تعالي اتشاقه معاج جبت الج هذا الي تحبينه

مريم. شنو

شاهين. مشويات

مريم. توو مو مشتهيه

شاهين. منو الي كال انااا احب المشويات

مريم. هوا صح احبهن بس ما اريد هسه

شاهين. عجل شتريدين؟

مريم. ما اريد

شاهين. مستحيل اخليج جوعانه كولي سمسمه شتريدين

مريم. انت لو تحبني جان عرفت شريد

فرك وجهه بعدم صبر شغل جكاره صغر عيونه و حجه

شاهين. تمن و مرك

مريم. لااا

شاهين. دولمه

مريم. هم لاا

شاهين. كندر

مريم. اكوو واحد يتعشى كندر

شاهين. عجل شنو كولي شتريدين لخاطر الله..

مريم. ليش تنتر لهل درجه ما تريدني

شاهين. خرب بكلينسه منووو كلج ما اريدج يول

مريم. محددد كلي بس افعالك جاي تثبت الي هذا الشي

شاهين. خلص اسف و اني احبك حيل و كلشي تردي انفذه بس كولي شنو تردين طلباتج أوامر على العين و الراس

مريم. يعني هاي تاليتها ما تعرف شريدد

شاهين. لا والله ما عرفت

مريم. اريد فنكر

شاهين. شنو هذا انوب

مريم. بطاطه

شاهين. كولي من البداية بطاطه ليش تعوجين حلكج يا عيني

مريم. انت تكرهني شاهين... لسه ما صار النا ساعات من تزوجنا... و جاي تتعامل معاي بهاي الطريقه.... نصدمت بيك الصراحه

شاهين. معاج الاء حسين من برنامج الصدمه اسم حضرتج هههه

مريم. تووو قهرتني لتحجي معاي

شاهين. بويه اسف

مريم. خلص سامحتك... لان اول يوم عرسنا و فشله نتعارك على مود فنكر

شاهين. ماشي

مريم. هسه جوعانه حتضل صافن بوجهي

هز راسه و همس

شاهين. سهلة كليبي

مريم. شنو... شكلت حبيبي؟

شاهين. راح اروح اجيب الج فنكر و اجي

مريم. ماشي انتظرك

سحب باكيت الجكاير و طلع

بقيت كاعده بل صاله و صافنه على الاكل منظره يشهي و شاهين مرتب السفر بس انا مو وجه رومانسية ابد

شغلت التلفزيون و كعدت اكلب بل قنوات كلهن اجنبيه

طفيت التلفزيون بملل و كعدت على الكنبه خليت ايدي على خدي و كمت اباوع على التفاصيل الدقيقه مالت الصاله

فزيت على شاهين دخل و بيده صحن

باوع عليه و حجه بتعجب

شاهين. شكوو ليش فزيتي

مريم. مو جنت صافنه و فزيت عادي

شاهين. تعالي جبت الج اچل

مريم. اويي فدوه لحبيبي صكري

خله الصحن على الطاولة جان بيه فنكر و مقبلات

باوعت عليه بحب و همست

مريم. هذا اليي

شاهين. اي ههه

رحت عليه بسته بخده كعدت بحضنه

حضنته من صدره و خليت راسي على كتفه

غمضت عيوني و انا اسمع صوت دكات گلبه الي تريد تتحرر من صدره

همس بصوت مهزوز

شاهين. سمسمه حبيبي اطلعي من حضني و اكلي اچلج راح يبرد

مريم. امم ماشي

كمت منه و كعدت يمه جريت الصحن و كعدت اكل

اباوع عليه خال ايده على خده و صافن بيه

جريت فنكر و خليته يم حلكه

مريم بابتسامة. اكل طيب

اكل الفنكر و هوا ما عاجبه الوضع

شالني و كعدني على رجله

شاهين. اكلي و انتِ بحضني

مريم. وانت ما تريد منتفي

شاهين. صارن 16 مريم

مريم. من يمته و انت تكولي مريم

شاهين. من قبل شويه

مريم. تعال شنو هنه 16

شاهين. يجي الوقت المناسب و اذكرج

مريم. اكولك اشوو انت تعاملي معامله سجنائك بس ناقص تعلكني بل بنكه

شاهين. يجي يوم و اسويها

مريم. شهوني اليوممم عرسي ليش هيج

شاهين. الف مبروك شايفه الخير

مريم. مني المال و منك العيال

شاهين. اياا***

كمت من حضنه و انا زعلانه

مريم. ما طول تسب ما احجي معاك يوميه تكولي ما اعيدها يمته تبطل هل اسلوب

باوعت عليه بطارف عيني و رحت للغرفه وانا احجي عليه

رحت غسلت و فتحت الكنتور باوعت على قسم الغير اخلاقي و ضحكت بخبث

نقاط الضعف جوي

جريت فستان اسود باوعت عليه و خليت ايدي على عيوني و صحت

مريم. استغفر الله... شجاي احجي هذا طبيعي خالتي كالت.... خوا انا ما خربني غير خالتي و شهوني والله جنت بريئه

لفيته على ايدي و دخلت اللحمام لبست و كمت اباوع على المرايه

كلش طالع حلو عليه و الاسود برز بياض جسمي

عدلت شعري و طلعت توجهت للمرايه خليت حمره

باوعت على رموشي نهايه عيوني رموش كثيفه و هذا الشي خله عيوني تبين مسحوبه و الي يشوفني يكولي خاله ايلانير كد ما طوال

خليت على خدودي حمرة ورديه

باوعت على شكلي بتعجب خليت لايك لشكلي و رحت على الجربايه

تمددت باوعت على باب الصاله بامل

تنهدت و غطيت راسي نزلت دموعي ما متعوده يزعلني

ضليت افكر و اتكلب لحد ما نمت

حسيت هوى حار يضرب بوجهي

و صوت شاهين المهزوز و هوا يهمس باسمي

فتحت عيوني بضعف و تعب باوعت عليه بنعاس و همست

مريم. هممم

كرب يمي و كام يبوسني بكل انحاء وجهي

تحسست من شواربه غمصت عيوني بقوه همست بصوت نعسان

مريم. كافي... زول شواربك

شاهين. فتحي عيونج

مريم. لاا ما اريد تطير النومه

شاهين. ههه يول فتحي اريد اشوف جمال عيونج

مريم. زول انا مزاعلتك

شاهين. بويه مو قصدي والله

مريم. ما يفيد

فتحت عيوني شفت روحي بحضنه

من شافني فتحت عيوني حاول ينزع ملابسي بس دفعته بكل قوتي

رفع راسه عليه و همس بعصبيه

شاهين. ليش تدفعين ولج

سكتت معرف شنو ارد

صاح بصوت عالي

شاهين. ديري بالج تعيديها و تدفعيني.. كولي زول كولي ما اريد

خزرني و تمدد انطاني ضهره و كور روحه و نام

بقيت اباوع عليه وانا مقوسه شفتي

حسيت بل غلط الي سويته

كمت ابجي بصوت شبه عالي بس ما عبرني

همست بشهكات متقطعة

مريم. اسفه صكر

ما رد عليه

تمددت و لزكت روحي بيه جريت ايده و شابكتها بايدي

ضليت العب بيها الى ما غفيت

فزيت على صوت انفاس عاليه و همس

1....2.....7.....18....

1...... 2.....7....18..

فتحت عيوني و باوعت بنعاس على كل ارجاء الغرفه

جذبني شكل شاهين..

جان بل ارض و يلعب شناو بأيد وحده

اسمع صوته يحسب لحد 18 و يبدل على الايد الأخرى

و الي جان خالها على الارض يرفعها على ضهره

بقيت اباوع عليه نص ساعه هوا هيج يلعب بدون توقف

تمدد على الارض و جر بطل الماي و شرب منه شوي كام بحركه سريعه

باوع عليه بتركيز

مريم. صباح الخير

شاهين برود. صباح النور

راح للكنتور طلع ملابس و دخل للحمام

كمت بملل و رفعت شعري رتبت الغرفه

لبست تراك اسود فتحت موبايلي و اتصلت على خالتي

ضحى. هلا بعروستنا الحلوه

مريم. لا والله ارمله مو عروسه هيج اشرف الي

ضحى. بعيد الشر شبيج ولج

مريم. مدري... انسي خالتوو كولي اخباركم ما شتاقيتو الي

اجاني صوت راما و هيه تصيح

راما. البارحة رحتي شون انلحك نشتاق الج كطيعه كون ما تجين بعد مكانج ابد مو خالي

مريم. ياا هاي شبيها طلعت كل قهرها بيه... ترررى والله ابجي

ضحى. عوفيها مخبله... احجي الي شصار البارحة

مريم. شصار كضيناها عركه

ضحى. عرفتج والله... كافي بنتي مو حلوه هاي التصرفات صيري واعيه و اتصرفي بوعي

مريم. كبل ذبيتي الصوج بيه

ضحى. اعرف طبعج

مريم. اففف حتى انتِ صرتي ضدي

ضحى. يا عيني انه مو ضدج وين اكو وحده ما تريد بنتها... بس انه اعرف تصرفاتج و اعرف تصرفات شاهين

حسيت شاهين يوكف كدام المرايه و كام يمشط بشعره

مريم. اوكي خالتوو مع السلامة.. عود الضهر انكمل سوالف

ضحى. يمكن راح نجي باجر و اذا ما جينه بسبب البنات يدوخن من السفر

مريم. كل الهلا بيكم و يا ريت ترجعوني معاكم بطلت اتزوج

شاهين. ايي مو احنه جاعد نلعب بيت بيوت

مريم. شعليك زوجي جايي احجي مع خالتي

ضحى. ربي الصبر... كافي بنتي عيب

مريم. امم ماشي

ضحى. مع سلامة

سديت الخط و خزرته

شاهين. ليش لحد هسه مو مبدله

مريم. عيني شنو هذا التراك مو بعينك

شاهين. لج ياا تراك وين اكو عروس تلبس تراك

مريم. اففف شاهين لعبت نفسي ترى.. اللبس حريه شخصيه لا تدخل بيها

شاهين. روحي بدلي لا اجي هاي حريتج انكها و اشربج ميها

مريم. كل قوتك هايي

ذب العكال و اجه باتجاهي

وكفت فوك الجربايه و صحت

مريم. اسفه ورب اسفه

بحركه سريعه جرني و صار فوكي

رفع ايدي بايد وحده و الايد الاخر مسك فكي بقوه

همس بفحيح

شاهين. جاعد تتجاوزين مريم واني ساكت

قوست شفتي و نزلت دموعي

مريم بشهكه. عوفني رجعني للبيت ما اريد ابقه يمك

شاهين. اشش لا تجيبين طاري الروحه ابد

مريم. ما اريدك عوفني

شاهين بصياح. لااا تكولين ما اريدك

مريم. شاهين لا تصيح اخاف

زول عني و مسح وجهه

انا خليت ايدي على وجهي و كمت ابجي بصوت عالي

رفعني و كعد و كعدني بحضنه

كورت روحي و ختلت بصدره و كمت ابجي

شاهين. كافي مو قصدي اعصب

مريم. لتحجي معاي بعد

شاهين. خلص بويه ما احجي

رفعت راسي من صدره حجيت بخجل

مريم. شاهين انا اسفه على تصرف البارحة

شاهين. ماله داعي الاعتذار ما بينه هذا الشي بس تعلمي من اغلاطج.. واني هم غلطت و اعترف بغلطي.....هسه نتراضه

مريم. اي

حضنته من رقبته زول عني و دنك باسني بطرف شفتي

كام يحرك خشمه على خدي

غمضت عيوني حسيت على شاهين فز و ارتجف جسمه

فتحت عيوني و باوعت على شاهين يباوع للباب بعصبيه

بعدني عنه بسرعه باوعت على الباب بتعجب

شفت نسوان و بنات واكفات و كلها واكفه و تضحك

تقدمت عجوز بيدها عوجيه

شاهين. شهل تصرف ليش الكل واكف هين شنو ما تستحون انتو

حجت العجوز بضحكه

ام عادل. يا جده شمدرينه عبالنه نزلت للزلم و مرتك بقت كلنا انزلها اخاف تستحي

شاهين. شنوو ما تعرفون تدكون الباب تستأذنون كبل لا تدخلون لو حتى مرتي بوحدها

_ عوذه منك شمدرينا

كام شاهين و صاح بصوت عالي

شاهين. اطلعن بره لا بارك الله بيجن ما اريد اشوف خلقه وحده واكفات هين علش شنو جاعد تدحجن على فيديو اب***

من صاح كل البنات كامن يركضن و نزلن جوه

بقت المره الجبيره هزت راسها ونزلت

راح شاهين و سد الباب بكل قوته و قفله

ما كدرت احجي شي اكتفيت بل نظر

اجه و سحب جراويه و خلاها على كتفه

باوع عليه و نتر بعصبيه

شاهين. كومي بدلي هل لعبان النفس

مريم. اوكي

زعلت منه بس ما بينت لان جنت خايفه

رحت للكنتور و طلعت فستان ابيض و بي ذهبي

لبست عليه كعب ذهبي و خليت مكياج لون اسود

فتحت شعري و كويته

كل هذا و شاهين واكف يم المرايه و مكتف ايدينه لصدره و يباوع عليه

كمت لبست الحذاء و الذهب وكفت كدامه و همست بخوف

مريم. خلصت

شاهين. حضرتج راح تنزلين بدون حجاب

مريم. اشيله معاي من يدخلون الولد البسه

شاهين. شنو الفرق اذا جانت مره لو رجال المره هم تسولف شوفو مرت شاهين شعرها واصل لجدمها

مريم. صكر...

شاهين. اششش.... يله لبسي حجاب بعد بيتي بلا عناد

رحت للكنتور وانا معصبه و ما راضيه

شلت شعري و لبست حجاب بس هيج خليته المهم غطه شعري

من شافني لف الجراويه على راسه و سحبني من ايدي بقوه

عصر ايدي حيل و خلاها بجيب الدشداشه

متت على هاي الحركه بس ما بينت اله

نزلنا جوه و ستلمونه دك هلاهل و الجكليت فوك راسي ينزل عبالك مطر

شاهين من شاف النسوان لتمت علينا ترك ايدي و راح

بقيت بنصهن شلون الغريبه رحت سلمت عليهم مدري ليش

كعدت بينهن وانا مصدونه اباوع على الوجوه اريد احد اعرفه ماكو

اجن البنات و كعدن يمي

كعدت مقابيلي مرت اخو شاهين و صاحت بصوت عالي

فاطمه. اممم هنيالج عيني كاعده بحضنه شو اني حسره عليه بس اخلي ايدي على رجله يكولي زولي لا تكسرين رجلي

مريم. شنو ذنبي اذا انتِ سمينه

فاطمه. ترى انتِ اسمن مني بس هيه حضوض ناس تتهنه و ناس تتمنى

باوعت عليها بعدم اهتمام و دنكت على الموبايل اراسل براما

باوعت على حساب شاهن لكيته نشط

بعثت اله رساله وانا كوه ماسكه دموعي

مريم. حبيبي جوعانه

كبل شاف الرساله

شاهين. شنو مشتهيه

مريم. مدري

شاهين. كندر؟

مريم. ايي

شاهين. ثواني و يمج الكندر

مريم. اوكي عمري

غلقت الموبايل و اباوع الانظار كلها عليه

توترت و كعدت اسمع لسوالفهن

ثواني و اجه جاهل شايل بيده علبه كندر و يصيح

وين العروسه مريم.... وين العروسه مريم

ضحكت عليه و صحت

مريم. اناا حبيبي

_ واوو انتِ العروسه.

مريم. ايي عمري

_ هذا من عمو صقر

مريم. اوي فدوه اروحلك أنت و عمك

بسته و كعدته بحضني كعدنا ناكل كندر سويه

صار وقت الضهر اجو الزلم من الجامع و كامو يخلون اكل

دخلت للاستقبال لكيت شاهين متمدد وخال ايده على عيونه

كعدت يمه و سحبت ايده جرني لعنده و باسني خطف

شاهين. هسه يجفتو يول زولي عني

مريم. امم ما مسويه شي غلط انا كل الي سويته هوا كعدت يمك

شاهين. هواا اذا بقيت اني الي راح اسوي الغلط

مريم. امم شبيك

شاهين. مدري احس تعبان

مريم. سلامتك هسه تتغده و انطيك علاج

شاهين. يمته تبدين تدرسين ترى جاي تضيعين وقت

مريم. قدمت النقل للمدرسه لو لا

شاهين. اي.. الاسبوع الجاي يوم الأحد تبدين تداومين، راح اسوي الج جدول نبدي بل مواد من الصفر... انتِ تدرسين و بل ليل أراجع الج الي درستي كل النهار و اي شي ما فهمتي اني افهمج

مريم. ماشي عمري انتِ

نفتح الباب و دخل فهد و ولد ما عرفتهم

شاهين من شافهم كام و كعد يمي

باوع عليه فهد و صاح

فهد. مريمممم منقذتي

مريم. فهد الصاك

بعث الي بوسه بل هوى و ضحك

باوع عليا ولد اسمر و ضخم فهد من شافه ضحك و مسكه من ايده

صاح الولد بصوت عالي

علي. اويهااا و يا بنت الاصول

الولد ضحكو بصوت عالي و صاحو وراه

الكل. اويهاااا

علي. و مافي منك يا صاكه ثنين

الكل. اويهاااا..

علي. و الله يرزقني مثلج و يرزق كل شخص كال اويها

الكل. اويهاااا

علي. كللللووووليشش

متت ضحك شاهين كام يضرب على ضهري بخفه في سبيل اسكت

هديت و باوعت على شاهين وجهه جدي
كلت بداخلي شبيه انا فطيره اضحك
على كل شي

كعد يمي فهد و كمنه نحجي صدفه دنكت و باوعت على ايدينه يرجفن

بدون تفكير خليت ايدي على ايده كبل سحب ايده

باوعت عليه بعلامه استفهام و همست

مريم. شبيك فهد شكو هل رجفه

فهد. صارلي يومين ما نايم مثل الاوادم و هم تعبت بل عرس حيل فا تراكمت عليه سهله من انام اصير زين

مريم. خوش لعد نام لتضل هيج امانه مو زين عليك

فهد. ان شاء الله حاضر

صبو الغده و كعدنا كلنا سفره وحده

خلصت غده و باوعت على شاهين و همست

مريم. حبيبي صكري..

شاهين. همم

مريم. شبعت كوم خل اكوم معاك

شاهين. هتو كلت بسم الله

مريم. اويي بل عافيه بس انا شبعت

شاهين. شوي انتظري و انكوم سويه

ضليت اباوع عليه شلون ياكل و هوا كل ما يرفع عينه و يشوفني اباوع عليه

يخلي كدامي الخاشوكه مالته و اطر اكل عيب افشله

كام و كمت وراه و كلها صاحت هتو اكلنا ما اكلتو شي

شاهين. اني لسه ما شبعت بس هيه الله يهداها كومتني

دنكت خجلانه يا ريت كايمه بوحدي ولا هل مذله

فاطمة. ايي عيني شعبالك هاي فيكه العرايس بعدها راح تاكل الاخضر و اليابس

شاهين. صدك لو كالو اسئل مجرب ولا تسأل خبير هههه

فاطمة. شقصدك

تجاهلها و سحب ايدي و طلعنا

دخلنا للحمام و وكفت اغسل شاهين حضني من خصري و خله راسه برقبتي

باوعت عليه بل مرايه و همست

مريم. عود كل عقلها هاي تكولك عيني على اي اساس

شاهين. عوفيها معوزه حنان الظاهر

مريم. حبيبي كلش ما ارتاحيت الها احس راح تسوي الي شي

شاهين. شحدها والله اله احركها هيه و عايشه... معليج بيها ما تكدر تسوي شي بوخه

مريم. ماشي تعال غسل

شاهين. خليني هيج

مريم. حباب اريد اروح انام

شاهين. محظر الج مفاجأة

مريم. اويي فدوه شنو هيه

شاهين. راح نطلع للمي

مريم. اويي احب الطبيعه

شاهين. اني هم احبج

مريم. اممم ادري ههه

طلعت من الحمام و صعدت للغرفه

اخذت شورت اسود و علي كيمونه نص بيضه

دخلت للحمام و بدلت عدلت شعري و مشطته

طلعت لكيت شاهين نازع ملابسه و ذابهن بل كاع و متمدد على الجربايه

رحت شلتهن و خليتهن بل كنتور

كعدت يمه فتح ايده و ختلت بحضنه

مريم. سوي شعري ضفيره

شاهين. كومي تعدلي

كمت تربعت و هوا كعد وراي

شال شعري و باسني من رقبتي و بده يضفر

مريم. اويي حبيبي الي يعرف يسوي ضفيره

شاهين. فدوه احب شعرج

مريم. خل اشوفها

شاهين. لسع ما كملت

مريم. شلون تعلمت الله عليك

شاهين. كبل ابوي مات فا امي جانت تروح تتسوك لو تستلم الراتب من الصبح تروح فا اخواتي يريدن يروحن للمدرسه فا اني اطر امشطهن و اسوي الهن كصايب و تعلمت عاد

مريم. اويي فدوة حبيبي من صغرك حنون

اندريت عليه و بسته و نمت بحضنه

تمدد و غطاني

ضل يبوس بوجهي و رقبتي

تجرء و نزعني ملابسي باوع عليه و همس و هوا ياخذ نفس

شاهين. حبيبي مستعده لو خايفه

مريم. امم.. لا مو خايفه

و هنا صرت مرته و خذني بحضنه و صار يهدي بيه و يسب بنفسه

وانا اتلوه من وجع بطني، رجليني بادن معد احس بيهن و بطني صارت حجاره

كمت ابجي و هوى خالني بحضنه و يهفي عليه

شالني و دخلنا الحمام خلاني على البانيو و شغل الماي الدافي

شالني و كعدني بحضنه و صار يسوي لبطني مساج

احس بدت ترجع عافيتي و الالم بده يخف

شاهين. اخر مره وعد خلص اهدي... هسه شلون صارت تحسين بوجع

مريم. لا صرت زينه شوي

سبحنا و شاهين لفني بل برنص و شالني

راح طلع الي تراك ثخين مثل ما احب و لبسني و مشط شعري و ضفره

راح على المرايه و جاب عطر و عطرني

شالني و خلاني على الجربايه و غطاني و طفه الضوه

همست برجفه

مريم. حبيبي تعال نام يمي

شاهين. اجيت

شمر الخاولي الي جان على خصره و تمدد يمي حضنته و نمت

كعدت العصر على صوت البلازمه كلش عالي

كمت من الفراش ما لكيت شاهين

دخلت للصاله لكيته كاعد و يباوع مباراة و كلش مندمج

كعدت على رجله يالله حس بوجودي

حضني و رجعت ختلت بحضنه و هوى بقه يباوع على المباره و انا رجعت نمت

كعدت على شاهين يسحب بخشمي

بعدت ايده بانزعاج همس و هوى يحرك خشمه على خدي

شاهين. اكعدي كافي

فتحت عيوني بخفه و همست بنعاس

مريم. بس شوي حباب

شاهين. كومي خل نطلع

مريم. صدك ليش ما نمت

شاهين. تحسبين الناس كلها مثلج اني نمت و شبعت نوم و كعدت و انتِ لحد هسه نايمه

مريم. خل اكوم... منو يروح معانا

شاهين. بس احنى.

مريم. و اهلك

شاهين. لا

مريم. ماشي براحتك

كمت من حضنه و دخلت سبحت

فتح الباب و دخل شاهين

اشر عليه و صاح

شاهين. خاينه

مريم. هيه مال خيانه اطلع بره استحي

شاهين. تعالي شلون تسبحين بدوني ايتها الخائنه

مريم. بس خلي افهمك

شاهين. ماكو مجال للتفاهم

نزع ملابسه و اجه يمي

خلصت سبح طلعت من الحمام كمت امشط بشعري

خلصت شعري نشفته و لبست فستان اسود و بي ورد ابيض

لبست عليه شال ابيض و كعب ابيض

خليت مكياج خفيف و بداخل عني كحل بيج

طلع شاهين كام يبدل و انا كعدت اراسل بخالتي

رفعت راسي على شاهين لكيته لابس

اسود باسود سحب كمامه و لبسها و خله شفقه على راسه

فتح الخزانه و طلع المسدس و الاسلكي و خلاه بداخل القميص

جر موبايله و البصمه و صاح

شاهين. يله حبيبي خل ننزل

مريم. عمري خوما رايح على الجبهه ليش هل مسدس و الاسلكي

شاهين. سمسم امشي بدون حجي

مريم. لتخوفني

شاهين. وليش اخوفج يا عمري

مريم. خلص امشي

سحب ايدي و باسها نزلنا للصاله لكينه امه لا إله إلا الله

شاهين. السلام عليكم

مزنه. وعليكم... وين رايحين

شاهين. طالعين بل ليل نرجع

حمديه عمه شاهين. شكو هل اسود انتو عرسان مو زين عليكم هذا فال

شاهين. هذا مجرد لون لا اكثر ولا اقل

عوجت حلكها ما عاجبها

شاهين سحبني من ايدي و صاح

شاهين. اودعناكم

صعدنا بل سياره جان شاهين كلش قالقني

جان طول الوقت خال الكمام و موبايله بايده ما نزله

باوع عليه خطف و دنك شغل اغاني

شاهين. شبيج

مريم. ما بيه شي

شاهين. شنو اشغل الج

مريم. اليسا حاله حب

شاهين. احييي ذوقج

مريم. عندك مشكله حبيبي

شاهين. لا بل عكس

مريم. مسيطره

شاهين. انتِ مو مسيطره بس اني احبج و احترمج فا تحسبين نفسج مسيطره

مريم. ما ننكر الي تأثير جبير عليك و اكدر اغيرر رأيك بثانيه و يمي يختلف الحجي

شاهين. واني اشهد

مريم. يعني شنو حبيبي

شاهين. يعني مسيطره

مريم. اي عفية هيج من الاول

شاهين. احبج

مريم. احبك انا اكثر من كل شي

شاهين. سمسمه ياگمرة اليرسم سما
يا بيضه يا م̷ـــِْن السمه يمكيجه خدود السمه ياسمسمه

مريم. ههه اويي فدوه لك روحي

وكف السياره و اندار عليه باسني من ايدي و حضني

بادلته الحضن و ضليت استنشق عطره الي اكرهه

شاهين. ضلي معاي بدونج عمري ما يسوه شي

مريم. مستحيل اعوفك بيوم اكو احد يعوف روحه صكري انت روحي

تشبث بحضني حيل و خله راسه برقبتي همس برجفه

شاهين. بس اذا ضليتي معاي ما راح تصيرين ام بحياتج

كمت ابجي و همست برجفه

مريم. ما اريد اصيرر ام كل الي اريده ابقه يمك انت اهلي شاهين ما اريد افارك اهلي مره ثانيه

شاهين. و اني اوعدج ما راح اعوفج اني اهلج و كل ناسج و انتِ سندي و قوتي و مرتي و بنيتي

بعد عني و كام يمسح بدموعي همس بضحكه

شاهين. كافي حبيبي لا تبجين مو اكولج عيونج تسحل گلبي و اني رجال صايم و مصلي و اخاف الله

بعدت عنه و كمت اعدل بمكياج

حرك السيارة و شغل الاغنيه الي اريدها جر ايدي و كام يمسح باصبعه الإبهام على ايدي

وصلنا للمكان خله السياره بل كراج و نزلنا دخلنا للمكان جان مطعم و يطل على النهر

الاجواء جانت حلوه و ريحه النهر ترد الروح

كعدنا بطاوله يم الماي كعدت ت يم شاهين و لزكت بي

مريم. خل نكص صور

شاهين. اكره الصور

مريم. فدوه صكري

هز راسه طلعت موبايلي و كمت اصور صور لايدينه

شاهين. شتردين تاكلين لو تشربين

مريم. اريد عصير برتقال

شاهين. من عيوني...ضلي هين كاعده ثواني و اجي

كام و حرك راسه بخفه

راح باتجاه المطعم و كبل اجو زلم و كعدو بل طاولات اي يم الطاوله مالتنا

خفت كلش و كل فكره سوده اجت بالي

ضليت متوتره و خايفه و ايدي على الموبايل على مود اي شي يصير كبل اتصل على شاهين

دنكت حسيت شخص كعد يمي

رفعت راسي بخوف شفت شاهين شايل عصير بايده

خله العصير كدامي و باوع عليه باستفهام

شاهين. ليش وجهج اصفر

مريم. منو ذوله الي كعدو يمنه

هز راسه و دنك باوع عليه و همس

شاهين. الحماية مالتي

مريم. من يمته انت تطلع مع حماية

شاهين. ترا عادي كل ضابط هيج

مريم. ماشي

شاهين. انسي خل نتونس

مريم. ماشي عمري الي تريده

كضينا كل الوقت نحجي و نتغزل شاهين نزل عشه و اجبرته ياكل معاي

عشنه احلى لحظات مع بعض

صارت الساعة 11 رجعنا للبيت

مر اسبوع و انا عايشه مثل الملكه شاهين ما مقصر معاي بشي

عشنه هذا الأسبوع بحب جان نادرا ما يطلع مع اصدقائه دوم نطلع سويه و ناكل سويه

ما اكدر انام اذا ما بحضنه و هوا كذالك

يحترمني و يقدرني و نتشارك الاراء جان فعلاً زوج مثالي

جنت كاعده اخلي حمرة بعد ما تجهزت

اندك الباب و نفتح دخل شاهين و شكله ضايج

من شافني طلع ايدينه من جيبه و فتحهن

رحت و ذبيت روحي بين ايديه

بادلني الحضن و همس

شاهين. ليش ما نايم سمسمي

مريم. جنت انتظرك... ليش ضايج..

شاهين. اعترفي شلون قريتي افكاري

مريم. احس بيك من تضوج لا أكثر

شاهين. يعني الگلوب سواجي كبد

مريم. طبعاً ههه

شاهين. باجر دوامي خلصت الاجازة.

مريم. عريس انت المفروض ينطونك اكثر من اسبوع

شاهين. شسوي هذا حضي الكو**

مريم. عادي حبيبي تروح و ترجع بل سلامه

شاهين. راح اشتاقلج حبيبي

شالني و خلاني على الجربايه...

نايمه على صدره و امنع نفسي ابجي من وجع رجليه

شاهين. كومي خل نسبح اريد انام

مريم بشهكه . ما اكدر انت روح

رفع ايده من عينه باوع عليه باستغراب

شاهين. ليش هل شهكه شبيج

مريم بجي. رجليني شاهين مدا اتحمل الوجع

شاهين. شنو سالفه رجلينج صارلج اسبوع على هل حال

مريم. ما بيهن شي طبيعي هذا من اخاف ما اكدر اكف عليهن و هسه كامن يوجعني

حاوط وجهي بأيدينه

شاهين. جاعد تخافين مني يول

مريم. لا

شاهين. عجل ليش

مريم. كلش عادي مو كلت الك هذا طبيعي... حبيبي لتشيل هم

كمت امسح على لحيته الي طالعه و محليه وجهه

لتقت نضراتنا بعد محاولات هروب مني

خله اصبعه الابهام على شفتي و همس

شاهين. النظره من عينك يبعد عيون اهلنه هواي تسوة!

دنكت مستحيه شالني و دخلنا نسبح

طلعت قبله لبست ملابسي و مشطت شعري

توجهت للكنتور و كمت اطلع بملابسه على مود يجي يختار

طلع من الحمام خله الخاولي على شعره و كعد يمي

يختار الملابس و انا اخليهم بل جنطه

خلصت من الملابس كام طلع البدله و بده يلبسها

كعدت على طارف الجربايه و كمت اباوع عليه

مشط شعره و لبس ملابسه طلع جنطته يم الباب و دنك يلبس بل بسطال مالته

مريم. حبيبي ليش ما تنام شوي

شاهين. ما اكدر دوامي بعيد و لازم بل 7 الصبح اني متواجد هناك

مريم. موو تعب عليك يمته تنام

شاهين. سهله لا تشيلين هم متعود وداعت هل عيون الزرك

مريم. صكر يمته ترجع

شاهين. بعد 14 يوم

مريم. افف راح اشتاق الك

كام و جرني لحضنه باسني بخدي و همس

شاهين. جاعد ادوس على كلبي و اقنعه على مود اعوفج يول تعلقت بيج جثير صرتي الدم الي يجري بوريدي

مريم. ارجع بسرعه فدوه

شاهين. إن شاء الله راح ارجع احبج بعد بيتي

دنك و باسني بكل انحاء وجهي

ودعته و طلعت وراه فتحت اله الباب مال المطبخ

طلع من الباب ردت اطلع وراه بس ما قبل

شاهين. ادخلي و سدي الباب حبيبي

حضنته و خليت راسي برقبته و كمت ابجي

وكعت الجنطه من ايده و بادلني الحضن

شاهين. كافي سمسمه وعد مني ارجع

مريم. راح اشتاق الك لا تعوفني

شاهين. ان شاء الله

زولت منه مسح دموعي و دخلني جوه و سد الباب قفلته و صعدت فوك

حضنت مخدته و ضليت ابجي الى ما غفيت

مر اسبوع بديت اشتغل و ادرس حياتي جحيم بدون شاهين

جنه نحجي بس بل ليل و طول فتره المكالمه انا اكضيها بجي و شاهين حاير بيه لا يكدر يجي ولا يكدر يعوف شغله

عمتي و فاطمه يتعاملن معاي شلون الخدامه

عمتي قسمت الشغل خلت المواعين على فاطمه و البيت و الغسل و الملابس كله عليه بس الغده هيه تطبخه

بعض مرات فاطمة تتحجج باطفالها تشيلهم و تصعد و يصير الشغل كله عليه منا سادس و منا دوام

قل اكلي صار كل همي اخلص شغلي لجل ادرس شوي

المدرسة متقدمين و انا لحد هسه بل فصول الاوليه

جاي امتحن شهري و يومي و اطلع راسبه

صرت الكسلانه مالت الصف و الكل عرفني من ورا كسلي اكعد بل رحله الاخيره و اضل اتصفن و الرايح و الجاي يرزل بيه

رجعت من الدوام لكيتهم متغدين

بدلت و نزلت صبيت غده

باوعت على البيت صاير مزبله

ما اكدر اعوفه و انام راح احصل رزاله

تغديت على السريع و بديت اشتغل بل بيت

شريت الملابس الي غسلتهم على الشمس و دخلت جوه

باوعت الساعه 2 الضهر

بتسمت يعني اكدر اغفه شوي و راها اكعد ادرس للمغرب

طلعت عمتي من غرفتها و صاحت

مزنه. اغسلي المواعين بدربج فاطمه راحت لاهلها واني ما اكدر

باوعت على المواعين صايرات تل جبل

اذا بس هيه و اخو شاهين شكو كل هل مواعين

كمت اغسل بيهن و انضف المطبخ

باوعت للساعه 4 العصر

نزلت دمعتي بيأس صعدت لغرفتي انا و ابجي

ذبيت روحي بتعب على الجربايه و غفيت

كعدت بل 7 المغرب

نزلت جوه لكيت الدنيا مكلوبه راجعه فاطمة و جهالها

مريم. مساء الخير

فاطمة. مساء النور.. احنى رايحين على عمتي حمديه عازمتنا على العشه بس ما عزمتج

مريم. امم عادي بل حالتين انا ما راح اروح عندي درس و اليوم شاهين ينزل

مزنه. يله فاطمة... وانتِ هي ديري بالج على البيت بين ما ارجع

مريم. ماشي.. الله وياج

راحن و انا تنفست براحه

باوعت للبيت رجع مثل ما جان قبل

كمت اعزل على السريع خلصت تعزيل

و شغلت المكنسة الكهربائيه و كعدت اكنس

حسيت اطراف اصابع بارده تمشي على خصري بطلاقه

عرفته من عطره الي سابقه

اندريت عليه و حضنته بشوق و لهفه

بادلني الحضن و كام يشم بيه

فزينه على صوت امه

مزنه. مو هين تشتغل الرومانسية عدكم غرفه و روحو

همست بصوت ناصي

مريم. خرب هتو راحت شجابها

شاهين سمعني بس غلس

راح سلم عليها شال الجنطه و صعد فوك

صعدت وراه حضنته من وره و خليت راسي على ضهره

بحركه سريعه سحبني و كعدني بحضنه

باوع بوجهي و همس

شاهين. ليش تعبانه و ليش مجاي تقرين و ليش جاي تبجين اريد جواب منطقي

مريم. انا مو من سجنائك والله

شاهين. جاوبي شيهانه

مريم تعبانه لان مجاي اكدر افصل بين الشغل و الدرس...

شاهين. شجاي تشتغلين

مريم. البيت و الملابس و بعض مرات المواعين

شاهين. السؤال الثاني

مريم. مدا اللحك بل مدرسه و دا ارسب بل مواد

شاهين. الثالث

مريم. جاي ابجي لان احس بل وحده كلش

شاهين. الحل نسكن بل بيت مالنه و نفضها و بوكت الدوام مالتي تروحين يم اختي الي ميت رجلها هيه من اهل الله... اني اعرف بسوالف امي و جنتها و اعرف انتِ شنو فا هذا الحل الوحيد

مريم. براحتك حبيبي

بقيت يومين ارتب بل ملابس

ما شلنا كل شي فقط الملابس

كلنا لاهله و طلعنا للبيت مالتنا

دخلنا للبيت جان جبير كلش و ضخم اول ما خطر بالي شلون راح انظفه بوحدي

دخلت جان كلشي جاهز و نظيف

صعدت لغرفتنا جانت كلش جبيره و فخمه بمعنى الكلمة

كمت ارتب بل ملابس و شاهين كاعد يمي و يحجي الي بطولاته

شاهين. تدرين من اول راتب استلمته كبل كمت اجمع بي ما ردت اخذ من ارباح عماره ابوي الله يرحمه لان مالي حق بيهن هنه صح باسمي بس مالي نفس بيهن... بديت اجمع فلس على فلس بنيت بيت احلامي و اختاريت الاثاث و الالوان و الديكور بعنايه

اول ما شفتج كبل من نزلت اثثت غرفه خاصه بيج لونها مثل لون عيونج و بيها كلشي تحبي

مريم. عزه صدك شو ما كلت الي

شاهين. استحيت

مريم. اوييي فدوهه لطيف انت كلش هوااي احبك

شاهين. امشي خل اشوفج

مشيت و راه دخلنا غرفه بصف غرفتنا

جان لونها ازرق و بل سقفيه رسمه عين عبالك حقيقيه

شاهين. هاي الي بل سقف مثل عينج.. جنت كل ما اشتاك الهن اجي هين اضل رافع راسي الى ما رگبتي تنكسر.

مريم. اروح الك فدوه و نذر شكد تحبني بحياتي ما جنت متوقعه الكه شخص مثلك و لو الف الدنيا كلها ما الكه مثل محبتك

حضني و بادلته الحضنه .... عشنى بيتنا بحب و احترام و سعاده ولا مره تجاوز عليه و كذالك انا احبه و احترمه يوم بعد يوم يكبر حبه بداخلي صرت اشوفه كل عالمي

اهلي و ناسي و صديقي و ابوي و امي و زوجي...

عمتي و ما تغيرت مثل أفعالها و سوالفها

كل ما نروح عليهم تجيب طاري الأطفال و الحمل و من نرجع اشوف بعيون شاهين الحزن و الحيره

اضل ابجي على حالته و بعدين اكول خير فيما اختاره الله

الله عوضنا بعض بس اخذ منا الذريه

انا راضيه كلش بس شاهين اشوفه دوم ينقهر من امه تجيب طاري الاطفال

بس اخفف عنه بطريقتي و اخلي ينسه و نرجع مثل ما جنه و اكثر

"أَوْغَـــاد فُــسَــاق تَـهَــدَّمَ بَـلـدي
تَنشُر فَسَادُها تَحتْ مُسَمّى صُلْحِي
تَسـلُبُ تَحَـرُّري وتَـنهـبُ مُـوصَلِي
وَتخَـدعُ الإِنْـس بِـ نِداء اللُه أكبـرِ

هَـا هَـي عَذراءُ قَد ضَاقتْ بِها أرضَهـا
لِـها ضُلعُ قـد بـاعَـها لِـ مَيْسَرَة
أصبحتْ سَجينة عَند أَوْبَاش بَشرية
سَلـبوا حُريتها وهَتكُوا سُترهـا
مِـنْ بَعـد مَقَـتٌ وَ مَجَّ ،وَغِرَ وَ نَقَمْ
و مِن بَعـد مـا أَحَاقَ الدُجًى نُـورُ عَـالمِها
لِـ تُهـديها الحَـياة فُرصَة أُخـرىٰ
صَـقرٌ تَحـتمي بَيـن جِنـاحَـيه
يُـنَجِّهَـا مِـنْ عَـالَمـها المُـريِبْ
تُصبـح لَـه تَـوبة مِـنْ مَأْثَم
ويَـصبحُ لَـها مـأوىٰ تَتحمـي بِـه
وطَـنُ هـو عَوَّضَ عَن بلدٌ أُنفـيت مِنه
عَسِر هَـو عَصِيب جَعـلتْ مِنه لَدُنَ مَسْكَنهُ
حِضْنها ،
لَهَب هَـو ، وهَـي بَلورة واهٍنة
قاوَمَا تَخلفُ البَشر
عـاداتٌ وتقَـاليدٌ جائِرة
حَتىٰ عَلا هُيامهُم
وأنتَصرتْ أيديهُم المُتماسِكة
أَهْوَاها عُشقَهُ لِـ عيـناهَا النَـاعسة
فـي
"ذَاتْ الـعيُون الـنَـاعِسـة "

هكذا عاشت ذات العيون الناعسة

اتمنى لكم قراءة ممتعة

كاتبة القصة روان عبدالله

°°°°°°°°°°°°°°
شكراً للكاتبة زينب ميثم على كتابة الخاطرة الجميلة

و شكرا لكم لان تحملتوني هواي بسبب عدم التزامي بموعد التنزيل

القصة انتهت 2022 /8/7 الساعة 1:30م

حساب الانستا roroabd_17

نلتقي بعد السادس بقصة جديده