رواية ذبحني الشوك الفصل السابع عشر 17 - بقلم الحساب مغلق

اول موصلنا للهند رحنا للفندق ارتاحينا وبعدها رحنا للمستشفى طبعا ويانا مترجم ولد جيرانا ..

دخلنا للطبيب هو مطلع ع اوراقهه وتقاريرها بس نطانه ورقه دخول حجزولنا غرفه بالمستشفى وگالوا من باجر نبدي بالجرعات والعلاج ..

هي شكت بس ماسألت او خافت تسأل بعدين طلعنا .. وافترينا تونسنا واكلنا بحيث عيشتها احلى يوم .. ورجعنا تعبانين ..

من رجعنا سألت گلتلي فهد احجيلي بصراحه اذا تحبني لتخبي عليه . سولفتلها بس نطيته امل گولتلها بالعلاج تطيبين لتخافين هي گامت تبجي گالت اني سامعه الكيماوي يوگع الشعر ..

فهد .. حبيبي هسا الطب تطور مو مثل قبل لتخافين وحتى اذا وگع يطلع من جديد واهم شي صحتج واني احبج مثل ماانتي ..

گامت تبجي الى ان نامت بحضني..

ثاني يوم دخلنا للمستشفى وبلشنا بالعلاج وبيومها .. تأذت كولش ولسا صوتها بأذني من الالم گامت تعيط متحملت العلاج قوي الى ان هدأت ونامت واني حابس دموعي وكاتم لازم تشوفني قوي بس بداخلي اتگطع .. بقيت مگابلهه وابجي هذا يوم واحد هيج صار بيهه ..

العلاج يرادله عزيمه وامل .. وريماس قطعت الامل من اول لحضه گولتلها ..

اهلي واهلها كل يوم يتصلون عليها بس اتصال متريدهم يشوفوها بحالتها ..

واني اشجع بيها .. بس هي تگولي فهد اريد اعيش اخر ايامي وياك مااريد اتعذب بالعلاج وتالي مابي فايده ..

قاطعه الامل نهائي ..

المرض انتشر بسرعه .. گال الدكتور هذا يسموه دخاني مااعرف شنو يعني ينتشر بالجسم بسرعه ..

كل يوم اشوف حبيبتي مقابيلي تذبل اني جبتها هنا حتى تتعالج اشو ذبلت العلاج تعبها وهي ماعندها اراده ..

مر شهر ع فتره العلاج ..

وطلبت مني اطلعها تشم هوا . ونتونس الدكتور مااعترض

اخذتها وطلعنا .. فترينا وتونسنا وهي گانه مابيها شي بذاك اليوم بس تضحك وتبوس بيه وطلبت اغنيلهه ونمشي ونغني وفرحانين ورجعنا بالليل للمستشفى بدلتلها ملابسهه ومشطت شعرها وهي تسألني هم دا يوگع . 

فهد .. لا حبيبي ميوگع واني عيوني تدمع ومختنك من اشوف شعرها يتكوم بأيدي وهوسرح واشقر وكل اليوگع اخذه واضمه بجيبي واجمع بي ..

خلصت اتصلت ع اهلها وحجت وياهم كالعاده .. وبعدين طلبت انام وياهه ع السرير حضنتها ونيمتها واغنيلها وريحتها تخبل .. ونطتني دفتر گالت هذا كاتبه كولشي يخصنا بي ..

وگالتلي .. فهد .. مو تنسى وصيتي گولتلها حبيبي لتضوجيني مايصير عليج شي بعد تربين اولادنا وتزوجيهم لتيئسين من رحمه الله ..

ديلله نامي بحضني وارتاحي انتي تعبتي ..

نامت بحضني واني هم نمت وياها گعدت الفجر حتى اصلي ولازم بإديها .. حسيت ببروده ..فزيت اتلمس بيها .. بارده ونايمه .. اگعد بيها ماكو صحت الممرضه والدكتور ..

طلعوني مقبلت اطلع ..

حجا الدكتور مافهمت شي بس حسيت من هز راسه معناها… . راد يترجملي المترجم ..

صرخت لا لا .لتگول هيج

حضنتها وابجي رمووووووستي گومي لج اني فهد لج مو گلتي مااعوفك .  ادري بيج ماتعوفيني رموسه حبيبي اني حبيبج اني فهد دگومي لتخليني وحدي اموت وحدي مااتحمل بعدج . لج انتي الي خلتيني احس بطعم الحب رموسه گومتها شلتها وخليتها بحضني وابوس بيها بكل مكان عبالك ملاك ونايم .شگد حاولو يوخروني ماگدروا .. گلتلهم هي متعوده تنام بحضني وماتغفى بس ع صوتي وگمت اغنيلها وابجي بس اريدها تگوم ماكو وبيومها اتمنيت الموت حبيبتي راحت وبديار الغرب محد يعزيني ويواسيني اني اواسي روحي ماادري لو اشتغل بشهاده الوفاة .. الله لينطي الطائفيه الي اخذتج مني .. وگمت ارگع راسي بالحايط .. گومني ابن جيرانه .. گال اني اشتغل بالمعامله وانت اتصل بأهلها من حقهم يعرفون ..