رواية ذبحني الشوك الفصل الثالث عشر 13 - بقلم الحساب مغلق

لبستني حجابي وعدلته وگلتلي اجو فهد وامه يردون يشوفوج ..

ريماس .. لج والله عيب اطلعلهم هيج شيگولون عليه عروس .

مروه .. معليج ميگولون شي جرجرتني ودخلتني ومرت علاوي وبنات عمو يضحكن عليه ..

ومن دخلت تفاجأت .. واستحيت من شفت الاستقبال مليان ناس .وبدت الهلاهل ..

حبيبي مسويلي مفاجئه .. جايب عمامه واهله كولهم. حتى يخطبوني ..

بوستني امه وگلتلي حضري نفسج حيجي الشيخ يعقد الكم ..

فهد يتباوعلي ويضحك فرحان طاير من الفرح

اجه الشيخ وعقد النا وگوتله نعم انت وكيلي . 

كان فهد يتمنى يسمعها واخيرا سمعها ..

وطلعوا الرجال كولهم بقوا بس اخواته وعماته وامه واني هم اخواني وبابا طلعوا بقينا بس بنات وفهد .. نزعت الحجاب وفتحت شعري تخبل من شافه طويل واشقر ودور لبسنا الحلقات كاتب عليهم اسامينا ولبسني تخم الذهب ممقصر فديته جايبلي كوله من الغالي ورفع راسي .. وقطعنا الكيك واكلته واكلني وشربنا عصير ..

وبعدين رگصنا ع اغنيه اليسا ( عبالي حبيبي) ..

وعطول مااحنه نرگص هو حاضنه ويبوس برگبتي ويشم بشعري نسينا الناس الگاعده ورحنا بغير عالم .. ماحسينا الى ان خلصت الاغنيه.. تمنيت ذيج اللحضه متخلص وابقى بحضنه هيج والفرحه مسايعتني واشكر ربي الجمعني بي ❤

خلصت الحفله وطلعوا كولهم وقبل ميطلع فهد

گلي بداعتي روحي نامي وارتاحي لان تعبتي وامر عليج باجر لان عدنا موعد للدكتور . 

ريماس . اوك حبيبي بس بشرط من توصل تتصل عليه وتغنيلي بصوتك حتى انام ..

فهد .. بس هاي تدللين حبيبي بوسني بگصتي وطلع ..

اني سبحت وبدلت ورحت للسرير مالتي اتصل عليه فهد ..

الو

شنو تحبين اغنيلج ..

ذبحني الشوگ حباب

فهد .. وليش هالحزن مو اليوم فرحانين ومخطوبين اختاري غيرها

ريماس .. لا حبيبي هي اريدها لان احساسك بيهه فضيع يخليني اغفى

فهد .. اوك لعد يدلل الحلو

( ذبحني الشوگ بغيابك .. ليالي الشوگ بغيابك خذتني …… .)

انتهت الاغنيه .. الو رموس نمتي حبيبي ❤

ريماس .. وياك حبيبي ..

فهد .. هاي شنو اشو تبجين موگلتلج بلاهه هاي الاغنيه مااريد حزن بعد اليوم ..

ريماس .. فهد اريدك توعدني اذا صار عليه شي . . راح تبقى تغنيلي هاي الاغنيه .. لان من اسمعها اشتاقلك..

فهد .. اسم الله عليج حبيبي لتحجين هيج تضوجيني .. وكافي سدي الموضوع ..

خلينا باليوم وخطوبتنا ..

بقينا انسولف ونضحك ونتغزل الى تعبنا ونمنا اثنينا….