رواية ذبحني الشوك الفصل الثاني 2 - بقلم الحساب مغلق

عمري ماضربتها لان اعرف وضعها وعاذرها ..
مرت بأزمه جرحتها .. خطيبها تركها وتزوج صديقتها ضحكت عليه وتزوجها .. ومن ساعتها هي حاقده ع الكل وماتختلط بأحد ..
تأذيت من ضربتها.. بس هي اذتني بكلامها .. ولازم احد يوگفها عند حدها ..

هي گام تبجي .. وگالت اريد اشوف هاي الي ضربت اختك عمودها .. 😒

ريماس .. كل يوم اروح للكليه وارجع عادي بس نضرات استاذ فهد ضوجتني حيل ..
يعني معقوله معجب بيه .. بس لا .. مروه. كالت هو ابو بنات وعينه زايغه ..
بس اشو من اجيت لسا اشوفه رزن ومو مثل مگالت عليه مروه ..
اتصلت بمروه ..
الو مراوي .
هلو رموسه اشو لسا گاعده شعجب ..
افكر ..
بيمن منو الي واخذ عقلج 😂
لا لج انتي مو گلتي استاذ فهد ابو بنات .. اشو من اجيت لسا ماشفت عليه شي والبنات الي يركضن عليه مو هو .

مروه .. احم احم .. وشدعوه هيج ماخذ تفكيرج
ريماس .. انجبي لج بس هيج فضول
مروه .  ههههه اي صدوگ اشو صارله فتره عاقل وحباب .. اخاف وگع بغرامك ياحلو ..
ريماس .. اوووه شنو غرام وهذا الحجي يالله باي هو صوجي اني اخابرج واسأل .. باااي
مروه .. ههههه افلت

غلقت الموبايل واني افكر بكلام مروه .. معقوله صدوگ هيج بالي بيگ يحبني .. هش هش طيري هاي الافكار من راسج ريماس هو ابو طبع يغير طبعه.

نمت واني افكر وغفيت وماگعدت الا ع صوت المنبه . ههههه يعني عياط اخواني هو منبه الصباح .  الي يدور جواريبه والي يدور قميصه .. وخطيه ماما تركض وراهم علاوي اخوي متزوج بس مرته مالهه شغل بالبيت بس تسوي الغدا ومواعين الغدا واني عليه العشا وتنضيف بالليل انضف لان دوام الصبح ماالحك وماما عليها الصبح الريوگ وهوسه الريوگ. وملابس اخواني دا تفكر تخطب الحيدر وكرار .. تزوجهم نفس اليوم ..حمودي يحب مروه بس يخاف يصارحها .

گعدت بدلت لبست تنوره وستره ولفيت الشال وطلعت مستعجله لان اتأخرت ..اجاني ابو الخط ودا اطلع وصارت گبالي سياره رادت تضربني ردت اعيط بس من شفت صاحب السياره اصابني الذهوووووول ..

اي هو وربي هذا استاذ فهد .. معقوله رب صدفه خيرا من الف ميعاد .. هيج گال من شافني ..
اني بقيت صافنه ..
فهد.. خو متأذيتي ريماس ..
ريماس .. لا استاذ مابيه شي
وركضت السياره الخط .. بس اريد اشرد
وهو ورانا يمشي . اني بقيت بس اتلفت واتباوع وسيارته ورانا حتى البنات بالخط حسو عليه .
ومن وصلنا للكليه نزلنا وگمت امشي بسرعه ومروه تركض ورايه ..#شمس
مروه .. لج خبله شبيج تركضين .
عاد اني حسيت ع روحي وخففت .
ريماس .. ها ماكو شي بس امشي بسرعه حتى انلحگ ع المحاضره ترى اتأخرنا ..

دخلنا اول محاضره وكانت ممله .. بالگوه خلصت
ورحنا للكافتريا جوعانه كولش واني ممتريگه ..
گعدنا اني ومره ع طاوله وماانتبهنا الطاوله محجوزه وعليها كتب ومحاضرات ..
راحت مروه للحمام وطلبت مني اطلبلها لفه وعصير .
وبين مااني گاعده .. اجه ولد شاب بس مو هالگد حلو گعد بصفي ..
اني بنتر .. شنو متشوف اكو شخص گاعد منو سمحلك تگعد ..#شمس
هو بأستهزاء…  هههههه انتي الي متشوفين مو اني هذي الطاوله اني گاعد عليها وي اصدقائي بس رحنا للمغاسل .. سويتي احتلال 😂
ردت اگوم .. هو بسرعه جر ايدي ..
اني بعصبيه .. لك انت شلون تجر ايدي متستحي ..

هو شاف اصدقائه يضحكون .. حس بالفشله وراد يرجع كرامته ..
بقى يتجاوز ويغلط ..
اني مسكتت گوتله شوكت متصير رجال وتعرف شلون تتعامل وي البنات احجي وياك ..
هو .. اني رجال وغصبا عليج وراد يمد ايديه عليه ومااشوف الا واحد لزم ايديه ولواها وخلاها ورى ضهره وگله كدامي .. امشي وبهدوء ..#شمس

معقوله هذا استاذ فهد .. استحيت احس الكافتريا كولهه تباوعلي ومروه واكفه بذهول ..
هلا هلا .. عمي هنيالج فهد يدافعلج ..

لج امشي بسرعه شنو يدافعلي اي واحد بمكانه هيج يسوي من يشوف بنيه تنضرب يعني شي طبيعي لتكبريها ..
وديلله امشينا لان حموت من الخجل كولها تتباوعلنا ..

مشيت واني افكر بفهد شخصيته وهدوئه بالتصرف ودفاعه خلاني مابطلت تفكير بي .. وخاصه من اجت مروه وگلتلي فهد اخذ الولد لرئيس القسم  ويردوني بالقسم ..
اني رحت وخايفه دخلت الغرفه رئيس القسم .. لگيت فهد گاعد وبعد. استاذ هم والولد واگف ..
سألني رئيس القسم وحجيتله. الي صار ورادوا يرفعون بي مذكره فصل واني رفضت حرام يضيع مستقبله ..

واعتذر مني الولد وتشكرني لان سامحته وطلع ..

وبين مااريد اطلع .. سمعت احد يصيح بأسمي .   التفتت
فهد .. ريماس ممكن اخذ من وقتج شويه ..
بلي استاذ تفضل ..
دخلت الغرفته وهو غلق الباب .. اني خفت .  بيني وبين نفسي .  شبيج ريماس قابل شيريد يسوي واحنا بالكليه 😂😂 تفكيري خرافي .

فهد .. اتفضلي اگعدي .  وجابلي مي .. طبعا هواي عجبتيني من سامحتيه اني سويت هيج بي حتى ميكررها وي اي بنيه .. بس مااتوقعت رئيس القسم يفكر بفصله ..
وانتي تلاحگتي الموضوع ..
لا استاذ عادي مسويت شي .. حرام يضيع مستقبله ..
  اووووف اموت من تگولي استاذ ..
  دايما اتخيلها وهي تگولي حبيبي ..
  خيالي واسع بالحب 😂

انتي شنو بشارعنا ساكنين اليوم شفتج .. وصراحه متوقعت هيج مصادفه ..
هزيت براسي بأبتسامه ..(shy)
ريماس .. استاذ ممكن اروح عندي محاضره هسا
فهد .. تفضلي ع راحتج ..

طلعت واني گلبي يدك حيل .. وتلگتني مروه ها بشري
وسولفتلها كولشي ..
وهي بقت تخربط .. اي عيني شوف الحب
اوووه مروه عرفتج حتخربطين بالحجي ديلله روحي خلي ندخل