تحميل رواية ذكرياتنا في رمضان بقلم سلسبيل احمد pdf

د

- واضح إنك مدخلتيش اي علاقة قبل كده

" مكنتش عارفه ايه السؤال ده ولا ارد اقول ايه علشان اتفاجئ بمراد بيرد عليه "

- لا خالص.. لسه ملقناش حد يستاهل..

" وفجاة سمعنا صوت صرصور الحقل.! "

"حاولت ابتسم وانا حاسه الحر..ب بدأت لما عمر بصله بهدوء"

عمر: معاك حق فعلا.. و ليان من عيله كويسه حقيقي.. انا اتشرفت بيكم كلكو.. وهي تستاهل احسن حاجه.

نورا: كلك ذوق يحبيبي.

" خلصنا فطار وبعدين قعدنا انا و عمر في اوضة الضيوف وكلهم سابونا.. بس كنت شايفه مراد وهو عينه عليا.. زي ما بيعمل علطول.. "

" لكنه مكتفاش بأنه بيراقبني بصمت و شوية ولقيته داخل بصنيه عليها كيكه وعصاير وبصيت ملقتش غير كيكه الشوكلاته "

ابتسمت وحاولت ابان عادي: احمم مراد.. امال مجبتش كيكه فانيليا ليه؟

ابتسم برخامه: اصلها طلعت محروقه تقريبا يا لولو..

"وشي احمر لكنى فضلت محافظه على ابتسامتي ايه لولو دي ؟ "

مراد: انت شغال في ايه بقا يا عمر؟

عمر: كنت شغال مع والدى في شركتة شغل استيراد وكده وحاليا بأسس شركه خاصة بيا..

مراد بصله بأستيعاب: مش في مصر؟

عمر: لا لا.. في قطر

مراد: يعني بإذن الله لو اتجوزت مش هيبقي مصر

عمر: الحقيقة مش عارف.. بس بنسبة كبيرة لا انا طول الوقت شغلي بره.. زي عمى عز يعتبر..

" مراد بص لـ ليان.. وهو عارف كويس ان ده مرفوض بالنسبالها "

- وانتي ايه رأيك.. اصل ليان بتحب مصر اوي يا عمر.. خصوصا اننا كلنا متربين سوا وكده

عمر: معاك حق أكيد.. انا كمان كان نفسي استقر في مصر.. الغربة وحشه مهما كانت فين.

ليان بصتله: طيب وايه الى مانعك

مراد قاطعها بهزار: هنضغط على الناس بقا ولا ايه؟ عيب بلاش حشرية

"ليان بصتله ودهشه وعمر ابتسم"

- بصراحه فكرت كتير انقل شغلي لأن هو الحاجه الوحيده الى مخلياني مستقر بره.. بس حسيت انها مجازفة مش قادر اخدها لوحدي..

= انا رأيي انك تفكر تاني.. وتدرس الموضوع.. علشان مهما روحت فين.. مفيش زي مصر

" كملنا مناقشة لوقت قليل وبعدين استأذن ومشي و اول لما مشيوا دخلت المطبخ وبصيت على الكيكه الى كانت زي الفل و متاخد منها ربعها !!! "

- ندي ! هو مين خد من الكيكه؟

= هيكون مين يعني مراد

" روحت اشوفه فين لاقيته واقف في البلاكونه "

- هو انا ممكن افهم ايه ده؟ مش دي الكيكه

المحـ ـروقه

مراد مبصلهاش وكمل اكل: مهي محروقه فعلا اه.. وطعمها وحش..

فتحت عيني بعدم تصديق: والله ؟ وبعدين انت فضلت قاعد فوق دماغنا ليه؟

- مش بشوف عريس اختي؟

ربعت ايدي وبصتله بأبتسامه: اممم وايه رأيك

ساب الكيكه والشاي وبصلها: لا انتي الى تقولي الأول؟ عندك استعداد تبقي مع حد بره مصر؟

"خت تلت ثواني بفكر و رديت عليه"

- لو شخص مناسب وبحبه معنديش مانع

"مراد اتغاظ من ردها فا كملت عليه واتكلمت تاني"

- وعمر باين عليه كويس جدا.. ومحترم.. وكمان طالما معرفه بابا يبقي ليه لاء؟ مش ده كان رأيك برضو!

مراد بصلها وعيونه مركزه عليها: يعني موافقه؟ مرتاحه له؟

= أيوه

- تمام ألف مبروك..

" خرج و سابني.. نزل من غير كلمه زياده وانا فجاة اصابني شعور اكتئاب..! هو ليه كده؟ ليه صعب ومش مفهوم !! "

" شوية ولقيت ندي بتناديني وعماله تشد فيا وطلعنا عندي "

- بس كده .. ده كل الى حصل !! وانا لحد دلوقتي مش مصدقه انه راح لي لحد الكليه.. بجد احمد اتجنن.. تفتكري بيحبني بجد؟ ها؟ يا ليان بكلمك انتي سرحانه في ايه

= مفيش..

- لا فيه.. مالك؟ مراد مش كده

= هو اخوكي ده معاق يا ندي

- اوقات بحسه كده

= انا زهقت منه

- طب متزعليش بس

= انا مش قادره اتكلم ولا افكر معلش ممكن تسبيني!

- خلاص ماشي.. بس اهدى وكلميني

>>>>>>>>>>>>>>>>>>>>>>>>>>>>>>>>>>>

' سبحان الله وبحمده سبحان الله العظيم '

|| بليل | في ورشة مراد ||

" كان قاعد سرحان و بيفكر في مليون حاجه.. "

" وياسين دخل عليه بهرجله كا المعتاد "

اتكلم بصوت عالي:  ايواااا يا نجم..

هنخرج ولا ايه الدنيا

= عندي شغل خليها بكره

- شغل ايه مالك مضايق كده؟

= مضايق ايه؟ مفيش حاجه

- لا فكك انا عارف وشك ده وهو مضايق

= يعم مفيش.. انا ملاحظ ان الواد احمد هو الى مضايق عشان كل ما يحصل حوار يعني منكلموش

- طب ماهو ميعرفش اي حاجه هنخده

فى الرجلين يعني

= مش عارف بقا.. ابقي كلمه.. عشان انا دماغي فيها مليون حاجه

- خلاص اشطا.. مش محتاج مساعده؟

= بره ياض بره

" ياسين خرج و مراد قرر يشغل نفسه في التصليح.."

>>>>>>>>>>>>>>>>>>>>>>>>>>>>>>>>>>>

'اللهم صلِ وسلم وبارك على سيدنا محمد '

" فات يومين .. و ليان بلغت عز انها موافقة تتعرف على عمر.. محصلش اي أحداث.. وهي مراد مش بيتكلموا.. "

|| الصبح| في بيت ندى | اوضة كنزي ||

- كنزوزي يا كنوزه

= عايزه ايه ندى!

- عاوزة استلف سبلايز للكلية من عندك

= لا! انتي اخر مره رجعتي القلم مكسور

- هحافظ عليهم صدقيني انا عايزه بس

قلم رصـ ـاص سنون و قلم جاف احمر و قلم ماركر

= ما تشتري!!!

- معلش بقا انا اصلا اخدتهم يلا باى

" نزلت وانا متأكده انها شتمتني في سرها.. بصيت على ليان لقتها مش عند تيته.. بقلمي سلسبيل احمد وغالبا هي لسه مضايقه.. "

" كملت طريقي للمترو عشان اروح الكلية.. و لما وصلت وقفت استناه.. علشان للمره التانيه اتفاجئ بيه قدامي ظهر من العدم "

- تاني ؟؟

= ايه ده ندى؟ ياه.. صدفه غريبة

رفعت حاجبي بأستنكار: صدفه؟؟ ازاي يعني؟ كنت معدي فا دخلت محطه المترو صدفه!

ابتسم: حظي بقا علشان اشوفك

- احمد انت لو مبطلتش انا هكلم مراد.. ايه ده مش فاهمه؟ مراقبني!

= ما انتي مردتيش عليا.. وهتردي ازاي؟ واحنا مش عارفين نتكلم؟

- مفيش بينا كلام وانا مش عايزه اعتبرني مش موافقة

= ليه! هو ايه ده ؟؟

- كفاية عليك البنات الى تعرفهم

فتح عينه بعدم فهم: بنات ايه مين قالك كده؟ فريده! اه يابنتال...

= صحبتي وطبيعي تحذرني

- يعني انتى شيفاني كده؟ بتاع بنات وبلعب؟

= معرفش

- طب عيب خلي بالك

= انا هتأخر على الكلية

- ماشي ماشي اتفضلي.. استني هنا اركبي عربية سيدات بس

بصتله وانا بضحك على الحشرية الى بقا فيها فجأة: وانت مالك بجد!

- لا مالى ونص روحي بقا اركبي قدامي اتفضلي

= مش هركب

- يلا ندى هتتأخري

" بصتله بنص عين وانا متغاظه.. انا اصلا بركب سيدات علطول..  بقلمي سلسبيل احمد بس كان نفسي اعاند معاه! ومعرفتش.. وركبت سيدات وفضل باصص عليا لحد ما اتحركت.. "

>>>>>>>>>>>>>>>>>>>>>>>>>>>>>>>>>>

' الله اكبر الحمدلله استغفر الله لا إله الا الله '

|| داخل ورشة مراد ||

" كان رامي نفسه تحت العربية و بيصلح فيها بزهق وعصبيه "

- مرااااااد

= يادي القرف

- عاوزك في موضوع مهم

= مش فاضي يا كريم وفر الزن

- يعم مش هقولك وقفني معاك في الورشة متخفش موضوع تاني

" طلع من تحت العربية "

- ارغي

= فيه واحد صاحبي.. قالي ان فيه حد هيبيع مكان كان معرض عربيات.. و في مكان نضيف و حاجه كده مش هتتعوض

- اه.. و تمنه سبيكه دهب وكليتين صح

= سعره احسن من كل الى جبتهولك قبل كده.. عشان صاحبه مسافر وعايز يصفي الدنيا

- انا قايلك يابني من بدري.. لسه قدامي شوية عقبال ما اعرف اشتري مكان نضيف بره المنطقه واشغله

= طب بس قابله.. انا متأكد انه مناسب ومتنساش اني هدخل شريك معاك

مراد اتنهد واتكلم بمهاوده: ماشي هات رقمه

- خد اهو ######## انا خت لك معاد معاه بليل بعد الفطار

= كمان .. ماشي

" خرج و بعدها لقى احمد دخل عليه "

- انا عايزك في موضوع

= هو انتم بتسلموا شيفتات لبعض فيه ايه؟

- موضوع على الجد.. مش عايزك بس تقفل دماغك عليا ماشي ؟

بصله: فيه ايه قول؟

= انا كنت بقول لابويا اني مش عايز اقعد هنا.. مش عايز ارجع.. ودي كانت حقيقة.. بس معرفش ايه الى حصل

- مش فاهم؟

= انا من وقت لما مشينا وانا هارس نفسي في الشغل.. و عرفت بنات قد كده.. عملت كل حاجه.. بابا مش زي ما باين عليه.. هو ضاغط علينا وصلني لمرحله اني بفش غلي في حاجات تانيه.. علشان اداري على كتلة الغضب الى وراها سبب معين

مراد بصله بتركيز مع كلامه: ايه هو السبب

- من واحنا صغيرين وانا بحب بنت.. كنت بشوفها غير اي حد .. حب طفولة كبر معايا كنت بخاف عليها.. وعيني دايما معاها.. لو عيطت بضايق.. ولما عرفت اننا هنمشي كنت رافض ومش فاهم ازاي هبعد عنها.. وعدت السنين وانا معرفتش احب غيرها.. بيدج الفيس بوك بتاعتي سلسبيل احمد.. وخوفت ارجع تكون بقت مع غيري او مش فكراني.. خوفت اواجه.. لأني حتي معاكم حاسس نفسي غريب ومليش مكان وسطكم وكأن فاتني حاجات كتير اوي صعب ترجع او صعب ابقي معاكم زي زمان

" مراد بصله وكان متفاجئ من كل الى قاله والى شايله.. كان فاكر انه مجرد زعل "

- احمد احنا اخوات!  وانت عارف ده كويس كلامك ده كله غلط.. الحوار وما فيه ان كل مشكلة حصلت جت فجأة انت جيت بس في فترة كانت ماشاءالله مليانه عجن.. بس مع ذالك لو ده مزعلك فا معاك حق.. وبعد كده جهز نفسك يا معلم اي خناقة هنكلمك

احمد اتنهد: ماشي.. بس انت مسألتنيش مين البنت

- معرفش حسيتك مش عايز تقول

= لا انا عايز بس خايف

مراد بصله بستغراب: خايف؟ ليه مش فاهم حاجه

= قبل ما اقولك هي مين.. انا من وقت لما رجعت شوفتها مرتين مره في الكلية بتاعتها.. روحت اسألها قبل ما اتقدم لها.. و مره تانيه من شوية في المترو.. روحت اسألها.. وهي فالمرتين يعتبر هزقتنى.. شخصيتها حاده تقريبا طالعه لاخوها.. فا انا قررت اجيلك طالما هي مش راضيه ترد عليا

" مراد كان متابعه بعيون حاده و هو بيربط الاحداث ببعض و احمد خاف لما لاقاه سكت واستوعب انه ممكن يبقي فهم.. "

احمد: احممم مراد؟

مراد بصله: شوفتها مره في الكليه.. ومره فالمترو من شوية..

احمد: احممم

- وكنت بتحبها من وانتوا صغيرين؟ و هي اكيد ساكنه معانا هنا صح؟ .. وغالبا اول حرف من اسمها ندى ؟

" وطبعا بعد ربط الأحداث ده مراد كان هياكل احمد و احمد جري منه ومراد طلع يجري وراه والناس بقت مسكاهم فالشارع "

مراد بزعيق: اقسم بالله لاوريك يا احمد يعني مش مغفلني من اول لما جيت لا ده انت مغفلني من واحنا عيال بشخه ياض !!

احمد رد بصوت عالي: انا قولتلك بلاش دماغك الشمال دي و اعقل

" مينا و ياسين راحوا على اللمه ولقوا الناس ماسكينهم "

ياسين: فيه ايه !! هو انتوا الى بتعجنوا بعض

مراد: خلي الناس تسبني انا هدغدغ دماغه

مينا بص لاحمد: انت هببت ايه؟؟

احمد: مشاكل عائلية متشغلوش بالكم

مراد بنرفزه: عائلية ياض؟؟ عائلية؟؟ ابقي تف على خلفتي لو دخلت العيله دي

احمد: ليه كده طب !!! ليه كده ده انا داخل الباب من بيته !!

ياسين: قصدك البيت من بابه

احمد بخوف: سكتوه ونبي وحد ياخد منه الحديده دي لحسن شكله هيجيب أجلي

" كريم دخل وسط الخناقة "

- فيه ايه يا مراد !

" وفجأة قاطعهم كلهم صوت عم جابر وهو خارج رافع عكازه فا اغلب الى واقف جري "

- يلا يا ولاد الـ ****** من هنا !!!! مش عارف انام شوية !!

احمد راح عنده: مراد هو الى عامل الدوشة

مراد وقف ساكت وخبى الحديده: والله العظيم يا عم جابر ده هو الى جمبك ده اديه بالعكاز جيب لنا اجله وتبقي عملت فيا جميلة.. وهاجي اصلح لك اي حاجه بايظه لمده سنه

مينا: الله يخربيتكم خلاص بقا انت وهو !!!

" فضوا الخناقه و رجعوا الورشة ومينا و ياسين بيحاولوا يفهموا الحوار واحمد حكي لهم انه بس عايز يتقدم لاخت مراد "

ياسين: طب يعني فين الغلط يسطا.. الراجل داخل البيت من بابه.. وانا بصراحه عايز احضر فرح بقالي كتير.. يمكن اشقط اي مزه

مراد: انا لو حد كلمني تاني هعجنه تحت الجهاز الى بعجن فيه الحديد ده

أحمد: خلاص ماشي نتكلم وقت تاني بس خليك عارف اني داخل البيت من بابه زي ما الرجالة قالت.. يلا سلامو عليكم

>>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين

سُبْحَانَ اللهِ عَدَدَ مَا خَلَقَ

سُبْحَانَ اللهِ مِلْءَ مَا خَلَقَ

|| على الفطار | في بيت فاطمه ||

" مراد كان قاعد يبص لندى الى بتتصرف عادي و كان متجاهل ليان خالص.. "

عز: انا اتفقت مع عمر يعدي على الساعه 7 ونص و يخدك.. المهم انك متتأخريش هي ساعه وترجعي انا برضو قايله الكلام ده

" مراد كان سامع الكلام وبيحاول يبين انه طبيعي "

فاطمه: هيخرجوا كده لوحدهم..

كنت بعت معاهم مراد

عز: انا عارف انه مشغول ربنا معاه.. بعدين هما هيروحوا كافيه قريب مننا متقلقيش يا ماما

انت صحيح مقلتش لنا رأيك

" ليان بصتله ومراد ابتسم بالعافية "

- هو كويس جدا ياعمى الحقيقة.. من كلامنا يعني هو شخص مسؤول ومحترم بس برضو بقترح نقعد كذا مره ونطمن

كوثر: طبعا انت عارف يا عز مراد بيعتبر ليان زي ندى و كنزي

عز ابتسم و رتب على كتفه: انا عارف ده راجل البيت مكاني وانا واثق فيه.

" ليان قامت "

- انا شبعت.. بعد اذنكم

" مكنتش قادره اسمع حاجه تاني.. حاسه اني حياتي مش هيا.. كأن فيه حاجه غلط..! "

عز: ربنا يخليكم لبعض يا حبيبي

>>>>>>>>>>>>>>>>>>>>>>>>>>>>>>>>>>>

سُبْحَانَ اللهِ عَدَدَ مَا فِي الأَرْضِ وَالسَّمَاءِ

سُبْحَانَ اللهِ مِلْءَ مَا فِي الأَرْضِ وَالسَّمَاءِ

سُبْحَانَ اللهِ عَدَدَ مَا أَحْصَى كِتَابُهُ

سُبْحَانَ اللهِ مِلْءَ مَا أَحْصَى كِتَابُهُ

" خلصوا أكل.. و مراد طلع البيت وقال لندى انه عايزها "

- انا كمان كنت عاوزاك على فكره

= طب حلو اقعدي

- انت بقا هتسيب ليان كده؟

بصلها بستغراب: ليان؟؟ هو ده الى هتتكلمي فيه

ندى: اه.. فيه ايه؟

- مش عايزه تتكلمي عن اي حاجه تانيه؟

= لا مفيش

- تمام.. اتكلم انا.. ايه حوار احمد ده؟

"ندى حست ان ادلق عليها جردل تلج"

= ايه؟؟

" مراد لاحظ صدمتها و وشها الى احمر و صوتها الى مكنش طالع "

- براحه كده احكي كل حاجه

ندى بلعت ريقها بخوف: حاضر..

" حكت له كل حاجه وهو فضل ساكت ولكن من جواه فرحان بتصرفها "

- هو فيه حاجه كمان بس دي من زمان اوي

= اتفضلي كملي

- زمان وانا صغيره.. جابلي فانوس بدل بتاعي الى ضاع

= ده غير الفانوس الى جابة يوم الخروجه

- ايوه غيره.. هو انت ساكت ليه؟ بص انا عارفه اني غلطانه اني مقلتش بس حسيت هعمل مشكلة على الفاضي وانا مكنتش عارفه انا عايزه ايه ومتلخبطه..

= ولسه مش عارفه؟

- اه.. انا لسه خايفه ومتردده.. بس المهم عندى دلوقتي تبقي عارف انه مضايقنيش يعني.. هو بس كان بيسألني قبل ما يكلمك.. انا مرضتش اقولك لأني خايفه.. فريده قالت لي انه عرف بنات كتير

مراد بصلها: اممم انتوا بتقعدوا تهروا بقا

ندى بسرعه: لا! كانت صدفه

مراد بصلها واتكلم بخبث: طيب يعني.. الى فهمته انك مش موافقة عليه ارفضه بقا؟

ردت علطول: هترفضه !!

رفع كتافه: مش انتى مش عايزه؟

بصتله: طب يعني انت قولي رأيك

- الى تشوفيه

= يا مراد بقا

- مش انتي خبيتي عليا؟ عايزه رأيي ليه

= انا آسفة طيب.. مانا خوفت منك انت اليومين دول اعصابك في مناخيرك ! هو ده بسبب ليان؟ انت مضايق ؟

- خليكي في نفسك يختي

= طب مراد بجد! انت هتسبها تكون مع حد غيرك؟

- انا هنزل عشان الشغل ونكمل كلامنا بعدين..

" نزل الورشة.. وهو نازل شاف عربية عمر واقفة.. وكان جواها.. كمل طريقه وهو حاسس بشعور خنقه جواه.. "

" و بعد دقايق نزلت و اتحركت مع عمر "

- ايه الأخبار؟

= الحمدلله كويسه

- انتي متوتره ليه.. ده عمو عز حتي موصيني جامد

ابتسمت: لا انا تمام.. بس مش متعوده اخرج مع حد

= اطمنى.. مش هأخرك..

" كملنا الطريق.. و في الحقيقة كان شخص مُريح.. روحنا في كافيه هادي.. وطلب لي حاجات كتير.. بقلمي Slsbell Ahmed مكنش فيه غلطه.. ودي حاجه خلتني ابقي مكشوفه اوي قدام نفسي طلبت ادخل الحمام "

" ولما دخلت فضلت اعيط مكنتش عارفه اكمل في الى انا فيه ده.. "

" مكنتش عارفه بعمل ايه.. و رنيت على مراد "

" مراد شاف مكالمتها واستغرب "

- ايوه؟

= مراد.. انت ممكن تيجي تخدني

استغرب ورد: فيه ايه انتي كويسه!

مسحت دموعها:  مفيش.. انا عاوزة امشي و ..ءء معرفش انا عاوزاك تيجي

" كان معاها على الموبايل و خرج شاور لمينا يخلي باله من الورشة و بعدين ركب عربيته "

- طيب جايلك ابعتيلي مكانك

" بعتله مكاني وبعدين مسحت وشي وحاولت ميبانش عليا العياط.. "

" خرجت وقعدت بهدوء "

- عمر معلش انا اسفة حقيقي.. انا بس عاوزة اروح.. وبعت لمراد ابن عمى يخدني

عمر بصلها بعدم فهم: طب حصل ايه انتي كويسه؟ هروحك انا مفيش مشكله انا قولت لعمى هرجعك عند البيت

= مفيش حاجه انا كويسه

- طب حصل ايه فجأة؟

" مكنتش عارفه اقول ايه "

- خلاص ولا يهمك.. تعالي نخرج لو مش حابة المكان

" خرجنا وفضلت واقفة عند عربيته وهو معايا لحد ما مراد وصل.. نزل من العربية وهو راح ناحيتها بقلق ولقاها كويسه فا اطمن شوية.. "

" سلم على عمر و بعدين ركبوا العربية واتحرك "

- فيه ايه ؟؟ مالك؟ هو ضايقك؟

= لاء

- طب حصل ايه يا ليان انتي كنتي بتعيطي؟؟

" دموعي نزلت ورا بعض وكانهم مصدقوا وحرفيا انفـ ـجرت في العياط "

" مراد ركن على جمب والطريق كان زحمه وهو اتوتر فا ركن وبصلها بسرعه "

- ليان فيه ايه اهدي وبطلي عياط

" مكنتش مدياله وشي لأني عمري ما اتمنيت ابقي كده قدامه هو بالذات! "

- اهدي طب وفهميني.. لو ضايقك قولي!!

" فضلت حاطه وشي بين ايديا "

" مراد بحركه لا إراديا شال ايدها علشان يشوفها واتكلم براحه "

- ممكن تهدي لو سمحتي؟؟ مش هينفع العياط ده!!.

" طلع كذا منديل يديهم ليها لكنها بعدته عنها بجزء من العصبيه "

= انا مش عايزه اتكلم ! روحني !!

اندهش من طريقتها: طب فهميني !!

- انت مش بتفهم ولا عمرك هتفهم !! انا مش مصدقه ان كل ده بسببك واني حتي مش عارفه أ..

" سكتت وهي متنرفزه اوي وبتحاول تحبس كلامها الى خايفه يطلع في وشه "

" فتحت باب العربية ونزلت "

- هو ايه الجنان ده

" طلعت على الرصيف وكانت ماشيه وهي بتمسح وشها وبتحاول تتنفس "

" مراد مسك ايديها "

- انتي رايحه فين ؟؟ هي الحالة جت لك!

= انا مش طايقـ.... مش طيقاك يا مراد!!!!!!!!!!! انا معرفش كلمتك ليه !! معرفش ليه انت !! ليه علطول انت اول حد بفكر فيه !! مش راضي تطلع من دماغي ! كل ما لما احاول افهمك معرفش !! مش فهماك !! ليه بتفضل تنكش و تتخانق وفجأة تسكت بدون سبب وعلطول مبين اهتمام و غيره!!! بس لما حد غيرك جه !! وافقت عادي!! يعني ايه؟؟ يعني عادي ابقي مع حد تاني !!

" وقتها مراد فهم قصدها.. وفهم الى وصلها له بسبب طريقته ولكن ده كان غصب عنه.. مكنش متوقع انها تحس بكل ده وانه يبقي سبب في لخبطتها بالطريقه دي.. "

"اتنهد وبصلها وهي بتتنفس بسرعه"

- عمر ما كان عادي اني اشوفك مع حد غيري.. وعمري ما اتمنيت غير انك تكوني معايا..

ليان بصتله بعدم استيعاب: