رواية تحقيق صحفي بقلم ياسر عوده | كاملة

انا من الناس اللى عمرها ما اقتنعت بالصدفه، مافيش حاجه اسمها صدفه، الكلام دا يقوله الناس اللى بتحب تحسبها بالورقه والقلم، انا مقتنع ومؤمن بالقدر، وان ربنا سبحانه وتعاله مقدر كل شيء بطريقه مستحيل تخطأ، وحتى الحاجات اللى انت متخيلها صدفه دي مقدره ومحسوبه، يعني لو قولنا مثلا انك كنت بتعدي شارع، وجت عربيه بسرعه رهيبه وكانت باتجاهك، وبحسبتك وبحسبت الورقه والقلم هتقول ان العربيه دي هتخبطك ( لا قدر الله)، بس قبل ما توصلك العربيه تنحرف عن الطريق وتمر من جنبك بطريقه غريبه جدا، طبعا انت هتقول ان اللى حصل دا صدفه، لا مش دي الحقيقه، الحقيقه انه القدر، ولو الحادثه اتعادت 1000 مره بردوا النتيجه هتبقى هي، لان ربنا مقدر ليك ان العربيه ماتلمسكش، ودا ينطبق على الجرائم اللى انت بتفتكر ان الصدفه بس هي اللى كشفت الجريمه، بس الحقيقه ان الجريمه اتكشفت لان ربنا سبحانه وتعالى مقدر ليها تنكشف بالشكل دا. معلش لو كنت توهتكم معايا شويه،...